尋日同今日都返左深圳玩。一早起身醒起唔記得print行程，開個電腦print，點知就咁死左，入唔到window。去完trip先返黎整啦！
第一日我地一早就set左行程所以基本上都係跟住行程走。星期六先係
上水火車站集合，一起過關就去地鐵站度試坐深圳地鐵。呢個會係成個旅程主要的交通工具。售票機同香港的差唔多，我地第一站係去
地王大廈同書城，所以入左2蚊去大劇院站。我地拎的飛其實係好似打牌果d籌碼咁o既，用法同八達通一樣，『o都』入閘，出閘就投入籌碼就可以了。原來係大劇院站就可以連去地王大廈同萬象城。地王大廈同萬象城打正對面，行過少少就係書城了。
地王大廈係深圳最高的大廈，唔知高唔高過香港的金融中心2期？不過內裡就好似西九龍中心再舊少少，一般的商場。反而
萬象城就好好多，有d似香港的又一城，裝修唔錯，有溜冰場有food court，d shop好多都係香港都有的牌子。b+ab, I.T....總之都係見慣見熟的。我地再去
書城，如果相比起台灣的果個24小時都開的書店，書城真係差好遠，又或者有一般大陸的格調。3層的大樓都塞滿左人，我地係度行左個幾兩個鐘，最後我買左兩本韓文書，一本日文書。mandy同
肥賴都各買一本。之後走返去萬象城度食lunch，因為酒店兩點先check-in。由於佢地唔想洗咁多錢，我地又唔想去返香港有的餐廳度食，仙跡岩/仙踪林，kfc等等都唔去。結果我地去左food court度食。果個food court係用儲值卡的，先去買左一張卡，入左錢，就去各個店度買野食。食完先至退card俾返淨左的錢係。其中5蚊係按金，都幾方便o既。我食左一件pizza, 同一個
香蕉甩『巴』，仲有生果盒同埋芒果奶。果個香蕉甩『巴』其實就係印度薄餅夾住d香蕉蓉，幾好味，不過好大碟食唔晒。
之後我地坐地鐵返去羅湖火車站，因為酒店就係附近。離遠見到我地5星級的
富臨大酒店，真係有d嚇親，好似好差咁。不過去到都覺得ok o既，酒店入面有d唔夠光猛。check-in果時佢地要收按金500蚊，我先忽然醒起上次去澳門都係咁的，要俾按金先，退房先俾返。我提議俾credit card，上次都係咁啦，佢之後會cancel返個charge。點知其他人都怕用都話俾現金，結果都未開始主要活動就冇緊d錢了。大家都係得果800蚊，俾左按金之後有兩個得返300蚊，好似去旅行都要睇住錢洗咁。而且人在外地，多個錢傍身好d ma。不過算啦。之後返房度放低d野休息一陣，房間都係一般，床係好舒服，不過之前係網上睇佢有好多設施先choose的，打去問到d 桌球同哥爾夫球設備，卻原來佢地冇的，只有泳池, sona果d。下午3點我地就出發去世界之窗。
我地坐酒店免費車去到
世界之窗。行左成個下午，同我想像中的差唔多，行o下睇景同影相。其間我地俾人呃呀！！！係個shop度先係俾佢果隻
紫砂製成的公仔吸引，佢係會係熱水淋佢時，吸水，之後再有熱水淋佢時，就會痾尿。10蚊兩個，我同mandy一人一個買黎玩，買果時冇佢叫試清楚，結果後來發現我果個係壞的。跟住我地到左個刻字的shop，佢係幫你刻
印章的。一個25蚊，又可以刻名，我整左兩個，mandy又整兩個，
陳嘉銘佢地整左兩個。刻完晒先知原來個可就25蚊，每隻字要加10蚊！結果一個要成55蚊！我即刻就講我地唔知，而且佢都冇講。佢話有寫係度，我心諗即係明屈啦，我都睇唔到張紙。我問
陳嘉銘佢地有冇聽到咁計，佢地支吾以對都話人地寫左。結果大家都做左水魚，之後諗返，其實如果我地個個都話唔知，要就一定要嫁啦，人地刻左冇得唔要。不過話佢呃我地，扮晒唔要咁，點都可以講價o既，唔洗咁貴的。不過果時我地又冇咁做。原來我地都仲係嫩得很，出黎社會行走真係幾危。大家俾人屈左之後心情冇咁好，加上又熱行多陣就走了。期間我見到有果d坐係船度沖落黎果d game，想玩，不過人地又猛話會濕身，唔玩，仲話歡樂谷大把呢d，而且d水又真係幾烏糟，所以都冇玩。因為mandy出黎果時唔記得帶本書出黎，我地唔知個食飯的地址，所以我地先返酒店。
返到去打去中森名菜睇o下有冇位，點知冇了，就choose過另外一d restaurant。我同mandy都想食好d o既，一係去d 旋轉餐廳呀，定係酒樓食飯呀。點知佢地都係覺得貴，求其食d野就算，我真係幾驚佢地話去茶餐廳就算。好在都去返
萬象城的墨西哥餐廳，以為逢西式餐廳都梗有pizza的我今次失望了。menu內只有ribs, 牛雞豬，唔係就係蝦同餅。雖然係幾少choice，but 都算唔錯o既。之後因為大家都累，都
冇提到去酒吧區了，我想去的地方又冇去一個了。我地去左supermarket度買d零食就返去酒店沖涼訓覺。我同mandy傾左一陣計先訓。
第二日7點45我就起身梳洗，準備去食自助早餐了。8點幾同d男仔一起落去食早餐，早餐都ok啦，我食包的多，咁多個人好似係我食得最多啦。之後我同mandy去泳池睇o下，見好多人就冇游。我見個泳池咁細都唔係咁大興趣去游。之後係床度攤o下又傾左陣計，享受埋呢少少時間，就要check-out，揹住d行李去
歡樂谷了。天氣真的熱到不得了，比昨天更熱。入到去裡面佢地就起步走。第一個見到的係
四維影院，一個我去d樂園一定去玩的玩意，因為有冷氣同埋幾好睇。點知去到人地見好多人排隊又話焗有排排，就話唔玩呢個。我心不禁想，呢度排唔洗曬喎！不過算啦，出得黎玩就梗係要你就我我就你，好啦，玩過另一個啦。我見佢地好似冇咩目的的就走，所以建議先選左一d必玩的，就沿路走一個圈玩左呢d game佢，因為冇可能玩得晒嫁啦。跟住大家choose左幾個就行啦。我地先去
跳樓機，去到見到有人，我地沿住人龍搵返個龍尾去排隊，點知人地又話好多人，唔係排o下話？就叫我地唔好排了，搵左個樹蔭坐低抖o下。我已經唔係咁happy了。男人老狗，兩個女的都未講辛苦同累，佢地就叫晒辛苦。一個一個game咁行去，一個又一個game話多人同熱就唔玩。入黎已經一個鐘了，只係行咋！有人提議不如係園內行o下坐o下食o下就走，另一個就打電話俾同事呻笨。聽到佢呢個提議我真係唔開心，我都估到佢會咁講嫁啦，我已經打定主意要自己行。因為我完全唔想係度行o下就算，行程排的時候我都有問過佢地嫁，俾足時間佢地想唔要邊d要邊d嫁！原本我同mandy係想閒日去歡樂谷會少d人的，不過佢地唔想請假，想星期六日去。咁星期日黎得就預左多人嫁啦，而且係夏天實熱嫁！而家先黎話多人同熱就唔玩，乜呢d唔係預計之內嫁咩！？而我想去深圳主要都係想去歡樂谷新一期度玩，同埋去酒吧度飲o下野。酒吧已經冇去了，黎到歡樂谷居然講唔玩機動，只係行同食？！咁我洗乜俾百幾蚊入場費，揹住d行李，曬住個太陽黎行？我唔好去商場定去溜泳？！
當時心情真係糟透了。我問佢地定係想而家就走人去商場行，
陳嘉銘就從電話中回魂話『咁又唔洗』。其實我唔係想串佢，只係歡樂谷唔係好大，我地咁行都行左一半啦。如果要行的，我情願去冷氣地方啦，百幾蚊入場費都俾左了，都冇法子。不過我都知聽起黎我係串緊佢地o既。之後
肥賴就話不如只去choose一個game黎玩，我地決定左係過山車，就走去排啦。可想而知一定係多人排嫁啦，佢地話我地前些少開始排就要3個鐘，而家已經2點了，排得黎5點，就趕唔切去食我地尋日食唔到的中森名菜，因為我地book左7點。兩個男的目光望向我，我都冇咩感覺，因為都一早預左嫁啦，我都一早盤算緊自己一個人去排邊度去玩邊度好。呢個時候我問mandy意見，當佢地有『唔玩』的共識，提議去『購書中心』的時候，我就提出要自己行o下。思前想後，而家得返3個鐘就5點，我點排都係頂多玩得一兩個game，反正我都已有搵日同mummy再黎玩的打算，今次不如就去水公園果邊，天時暑熱，去暢泳都唔錯！因為之前mandy有提過佢或者都想去水公園，我就問埋佢去唔去，之後就同d男仔約好5點係外面等，再電聯。
之後就拿拿聲的去
水公園，先去睇o下儲物箱係點的，裝唔裝得入我地d行李先，再去更衣室度換衫。一入到去就焗同多人，搵個位見到好多人都就咁除晒黎換，我都費時煩，係度換啦。最怕個toilet仲烏糟又臭。之前去韓國同日本浸溫泉我都慣左同其他的同性赤裸相見的，而且我"gum"人，人"gum"我o者~ 都係我著數d o既。快手的換過衫執好野就同mandy去儲物櫃放低啦。原來佢有分貴重物品就15蚊，普通就5蚊。由於呢d係我d行李加埋身份証回鄉証，就算係15蚊一袋我都要俾啦，何況係15蚊全部？！見佢係有人看管的locker而唔係自助式果d個心都安定d，因為大陸好多爆箱偷野的事件，呢度都幾放心o既。我地出去一邊行一邊睇o下有咩池咩野玩，就去到『浪濤灣』。sorry, 呢個係以前海洋公園水上樂園的一個池名，不過呢度的池都係一樣有人造浪。仲有一條好似運河的水道繞過歡樂谷某d地方。我地當然睇唔到出面啦，but人地就可以係上面望到我地游緊水。水池高度都唔算高，游左一陣，就去sir滑梯。雖然唔係好高，不過都真係有d驚佢拋左我出去。仲有玩坐水泡啦，不過最高的果個滑水道就冇去啦，一黎時間唔多，二黎都幾得人驚。之後去多次人造浪果度就去飲左半杯金威免費啤酒，食左隻雞腿，就準備走啦。拎返d野出黎，買左條毛巾，去左更衣室度搵沖涼的地方。當然又係大家赤裸裸的...hehe...仲有塊板隔住o既。之前係酒店果度有好似mummy咁師奶拎左d 肥皂，所以而家可以沖涼。我地輪住沖，因為都係要睇緊d行李。沖完出左水公園都5點幾啦。打俾d男仔佢地係萬象城starbuck度坐左兩個鐘。佢叫我地去果度搵埋佢地一起坐taxi去。
其實我都想到時間係有d趕了，都出聲問點解唔叫d男仔差唔多時間就去拎定位，係中森名菜果度等。不過mandy係咁易就帶過，我想可能係覺得我地游左水，咁行多少少路去join佢地都ok啦。我反而就覺得佢地坐左咁耐咁得閒，而且我地地鐵可以直去老街站，做咩要先出閘又再坐taxi呢？不過算啦，趕得切的我都冇所謂o既。去到同佢地一起坐taxi的時候傾計，佢地話唔知趕唔趕得切，我就出聲話點解你地唔去等位先？
陳嘉銘都話佢都有咁提議，點知
肥賴就問返我點解搞咁耐，遲到，仲話我成日將d錯推晒俾人。我即刻O晒咀，唔識講野。我幾時將d錯推晒俾佢？幾時得罪佢？我算好就佢嫁啦o下話？成個行程我最想的係坐地鐵，去酒吧，去歡樂谷度玩機動，就只有坐地鐵係叫完滿咁達成，其他的唔係冇去就係去到唔玩，我去水公園補償o下自己，又唔阻佢地自己去坐去嘆，咁都有問題？再者我係不滿佢地一早傾行程果時佢唔提出改變，我問左佢好多次嫁啦，都係話ok冇問題，大家都知要揹住行李去歡樂谷會辛苦，都知星期日去會多人，夏天會熱。呢d係預計到啦！去到先話因為呢幾樣野就唔玩啦，行o下算，之前叫我呢樣唔好玩，果樣唔好玩，去歡樂谷先玩，而家就連呢度都唔玩。係，天氣熱，人多，都唔係人做成的。之不過黎得就預左排，即使係一兩個game都應該要去排掛？一見人多就話唔玩，有瓦遮頂的就話會焗，冇瓦遮頂的就嫌曬。老細！你明玩我o者~ 叫我點"ger"呀條氣。就你地唔想去3日就只好星期六日去，事前又唔話唔去呢度。而家就話我推晒d錯俾你？！你冇野o下話？！之前去萬象城度行，你地男仔猛係電器店度行我地都就你啦~ 我夠想去行o下衫店睇o下咩價錢，點知你地一出黎就話出發去酒店。又有冇問過我想行邊度？大家一起出黎旅行，你就我我就你就預左嫁啦，所以冇行到我想行的店，世界之窗冇玩到我想玩的game，冇去到我想去的酒吧，連歡樂谷都冇玩我想玩的機動，食野要遷就你地慳錢的原則唔食好野。我都算好就你地啦掛？！
陳嘉銘都話去拎位先啦，而家應該係為食到飯的要去拎位，如果覺得我遲到，我錯，fine，去到食野你咪話我law，我咪解釋因為要輪住睇住d重要野law。而家堅持要等我地去到先坐taxi，加埋話我將d錯推落人地度，明係不滿我啦。為左拗氣，即使食唔到中森名菜都唔緊要？
真係激氣到呀！好啦，吞左啖氣佢，去食野，d野食唔錯，同香港差唔多的價錢but件數多d。一切都ok，不過因為佢而家有部份野食都特價，所以平d，平時可能好貴。下次搵日同屋企人/人地去食過先。最後就過關返香港，我歸心似箭，排緊隊的時候又聽到人地係我後面講。你覺得今次旅行點呀？唔...60幾分啦，好的係床，兩晚的野食，唔好的係歡樂谷law。我完全冇回頭講野，因為我成個行程想做的野都冇咩邊樣做到，arm arm生吞左啖氣，而家仲要聽人地彈個trip，最唔開心歡樂谷果個係我呀！！
返到屋企梗係同屋企人講返呢d野啦...講完就訓了。聽日先整電腦。
