BBQ

今日一早起身去左姨媽屋企bbq。大致上都冇咩野。果隻香辣腸真係幾好食、八爪魚丸都係。其中最驚險的可算係婆婆同心螢姨媽籍我講的野黎針鋒相對！

夜晚返屋企同老豆玩Wii sport。只有tennis我的表現係最好o既，bowling唔得，golf死球。拳擊真係仲差一個手掣未買冇得雙打。要等我格下價先買！

今日同場加影開心大發現！之前想話要的NDS Mario筆，搵黎搵去都搵唔到，APM冇晒、沙田呀、粉嶺呀都冇埋，總之我行過邊都留意到邊都冇晒。點知今日出門口時見到屋邨一個小書局門口有兩部！仲係full o既！即刻扭左兩個！一個係『錢』一個係『牆』。bbq完返屋企時我又去搏，拎左兩個『花花』。我想要的『磨菇』都係未有，不過都滿足嫁啦！

辣蟹莊

今日阿妹舊曆生日，咪出去睇戲食飯，睇左『滿城盡帶黃金甲』。呢套同『傷城』，我地以3票『黃金甲』同一票棄權票作出左選擇。

初時睇見發哥都唔講對白，只係做手勢，我以為佢係唔洗講野嫁tim！整體黎講都ok呀！我梗係投入左呀王后角色啦！都掉左幾滴眼淚。雖則佢係搞亂倫，同個大王子有染，之但係佢地冇血緣關係嫁！深宮寂寞ma！個王帝又掛住另一個女人，而且又只愛佢自己。到最後起兵失敗，d仔都死晒，睇見王上一樣的食飯一樣的要佢飲毒酒，果種命運不可自決的感覺幾咁難受呀！佢最後撥開d毒藥仰天大嗌時幾咁淒厲幾咁無助呀！

可惜就只有我識欣賞，阿媽話佢cheap，影黎影去都係王上一家5口，慳皮。阿爸就話王后係抵o既，亂倫喎！

之後我地去左阿妹想去的辣蟹莊。食左個黃金流沙蟹、唔知咩蝦、雞軟骨、炸銀魚乾、豆腐同什菜煲。我就覺得一般，好多炸野好滯好『流』的感覺。佢係馬來西亞食的好好味的黃金流沙蟹，係香港梗係食唔返個味道啦！豆腐最正，因為佢唔係炸o既。

之後趕返屋企買Wii，成功！買左Wii sport同埋Zelda。

被人cup我線！

今日收工收得晏，因為幫mentor整埋少少野先走，反正都係今年的last day，遲少少都唔緊要o既。

收工返屋企附近個機shop，睇下個Wii而家咩價位。lunch時d同事講好似2千幾就有交易，上網睇d人都話日本賣$1600，係香港買貴幾百蚊都好正常o者，運費都要啦！而且香港仲唔知幾時先出行貨。早d有得玩都抵返晒~ 咁諗諗下又好似係喎。日文定英文機呢個問題令我爭扎左好耐。日文game公仔又靚d，game又好玩d，又快出d，但係我唔識睇日文；英文game我識睇呀！但係我又好唔likey美國公仔咁醜樣，仲有d game又唔好玩，日本game唔係隻隻都出美版，有時出都要等好耐先會出。企係機shop門口，我都立定心係日版機嫁啦！問一問價，$2080！咦？acceptable喎！又有現貨。行返去火車站拎現金，打俾屋企人叫佢地等多陣。點知就出事！

一聽我話買機，阿媽就係咁"哦"話我唔好買，唔好俾人呃。跟住阿妹又話乜話乜，到返阿媽時佢仲出絕招『我唔知你！(噗！)』收埋我線！大佬呀！我洗自己錢買我自己鍾意的野，係我引頸以待半年的遊戲機，我買o者~ 都要俾人粗暴、冇禮貌、近乎恐嚇的對待！咁我可以點呀？個SHOP又唔係聽日唔開，聽日再黎買囉！

返到屋企，阿媽笑X顏開。梗係啦！cup線收效喎！個女冇買機就返左黎喎！仲唔happy呀？！咁經過我多翻說服，當然聽日就去買！阿妹窒我話我好打返屋企問佢地意見先買機，自己拎黎俾人罵。大佬！我冇打黎問你地意見嫁！我只係好交帶，費事你地等咁耐唔知開飯唔開飯好，講聲你地知我係邊做緊咩咋！咁就招來責罵啦！

買部機o者~ 又話俾人呃，又話亂洗錢，洗唔洗咁大陣杖呀？！

墨攻

由於msn同icq都死左的關係，今日返工好專心，做左4個test，不過仲有8個。放工返屋企睇完爭霸就開場睇墨攻。幸好冇因為劉德華而俾錢入戲院睇，因為未夠一半阿媽就話d字幕太細佢睇唔到，老豆仲訓埋覺。我自己就覺得ok啦個戲，但係感受唔到佢所帶出的咩深層意義。佢想講的野都係對白都講晒出黎啦，即係非攻兼愛ma。不過我就唔係好明女主角明明係帶領精兵的，點解自從東伯死後，佢一直都穿女裝？鍾意劉德華，就可以唔洗再打仗？！

夜晚發現個腦中左毒，check一下，發現有11個！！

Sick leave

準備上班時決定了今天請病假。因為明天要交的功課做不完。其實因為電腦太慢又不夠memory，render一次都要等15-30分鐘，跟本就沒心機做，可是也得交呀！

全部人都上班了，我一個在家完成project。只能希望會得到合格的分數了。努力到兩點多就去郵局把它寄了。然後到沙田拿我的驗身報告，心臟病跟糖尿病的測試結果良好。再到尖沙咀拿衣服，我22號在APM買的衣服，23號她打來說可以拿了，怎料她找來找去都找不到！我邊等邊看她們如何跟日本籍的媽媽跟女兒溝通，很想幫忙，可惜只會愈幫愈忙。最後她說衣服還在APM，還有意思說我沒收到通知就來拿衣服不對！我走出店外，找出電話紀錄，一直很少電話的我，那天只有一通電話就是那個APM店子的電話了，怎可能弄錯！？算了，氣還是吞了吧！

然後就去了第一次的健身。下午時份人很少，沒做熱身就玩跑步機，20多分鐘就不行了。再玩一些手臂等的機器，看著那個胖胖的女孩跟她的教練打拳，還要穿棉襖！她真的出了很多汗，不知是不是真的有效。下一次我要不要都穿羽絨來跑步呢？

大約7點就去學唱歌，氣還是不夠，比另外兩個女孩都差。不過我唱了王菲的『我也不想這樣』，老師說我唱低音唱得比較好，中音跟高音都不夠氣。
交了功課，才真正有semester end的感覺。

AIA環球嘉年華

大清早9點多就醒了，正為我的電腦安排工作時接到GARY買到票的電話，就趕緊的梳洗出門了。今天我們相約到AIA環球嘉年華。

當我跟Yvonne到達時，Gary, Sherman, Manfred 跟他女友Kelly 早就在場內玩了。我本想買個包吃了再進場，可是他們都吃飽了，那我就當減肥不吃了。場內就多個機動遊戲，本想每一個都玩，可惜時間不夠。Yvonne玩一個搖來搖去的game就放棄了，只玩旋轉木馬等遊戲。我當然轉來轉去的、飛上天的都玩啦！很可惜中午後人就多了，半個鐘才玩到一個遊戲。最後我們玩完了Ge-force，已經4點了，轉戰攤位遊戲。

我想拿到的米奇老鼠跟小鴨都沒拿到，反而不知名的小公仔就拿了幾個。事實上我不太喜歡玩這些如同倒錢入海的遊戲，嘗試過飛鏢、射鐵罐、look波仔跟小型保齡球後，我把代幣都拿去玩8個代幣一次的抽獎。先給8個代幣，拿走一個小的m&m公仔，再抽5張紙，如果紙上有單數號碼，就可以拿到那個號碼的大公仔。我抽中一個大的手板公仔，跟3個m&m的小公仔。

5點鐘就清場了，我只留下藍色的m&m公仔，其他的都在慈善公仔攤位捐掉。看見別人都能拿到mickey mouse、winnie the pooh跟小鴨，真的很想跟他們換。其實老爸很愛玩攤位遊戲的啦！可惜沒拿到過什麼獎品。以前在荔園他最愛擲香口膠。

最後我跟yvonne都回家吃飯了。我家晚上吃pizza呢~

Manfred的女朋友真人比相片還漂亮！相片中我覺得是挺溫柔的人，真人我卻覺得有點酷酷的感覺。今天她跟sherman都化了妝！我卻沒有呢……

觀禮

今日要去見證阿roy終於做左神的兒女了。下午跟carrie相約吃個午飯，看了她的婚紗相片。拍得不錯~ 之後跟robin一起到了九龍城浸信會觀禮。

上一年的聖誕日，我也是在九龍城浸信會教堂裡看robin受浸，今年到阿roy了。roy的朋友joey跟ryan都已訣志信主了，就只有我跟yvonne沒有。=p

坐在教堂呆呆的看著一個一個人頭浸到水裡又走出水面，閃光燈不停的閃，我卻感受不到他們的歡樂。神父講道時說，信主改變你的人生觀，物質的擁有很虛無，應該為永生作準備。這可要建基於靈魂論的存在呀！如果根本沒有靈魂，又談什麼永生呢？人生觀的改變是只能夠信神才達到的嗎？我同意世界上有很多事都很重要，同意付出比接受更有福，同意盲目的追求金錢跟物質享受是不正確的。可是這是不是代表我們都不需要物質跟金錢呢？我看不是吧！教會的運作也得有人奉獻呀！

走過新世紀





















****************
今天出門時經過商場，才發現我那天在APM尋找的mario nds筆扭蛋機，在我家附近都有3部！很可惜早就賣光了。我真是後知後覺呀！

****************
希望在這個聖誕，感到受傷/灰心/心情低落的朋友，不要太難過。至少事情弄清楚，緣來緣去，不用太著緊。

幸福 - 王菀之

試左幾次，終於錄到呢首歌啦！雖然好多時d噴氣聲都係度，不過我覺得都還可以嫁！

慶烚烚的冬至

柴灣紫荊大酒樓

今日冬至一早就book左位，7:00正我地準時到達就叫左一set晚餐。跟住就等，等好耐都未有第一碟乳豬黎。由於我地係偏廳，出去見大廳都好多人等緊，咁好啦，比d耐性，今日旺日廚房做唔切，等下冇相干。點知一等就一個鐘先黎個乳豬。

好啦，乳豬食完又等。之後幾樣野都係等成九個字至一個鐘。已經同阿姐催左好多次，佢都只係識講整緊。你估條魚而家先去捉返黎咩！？定係燸米飯而家先去田度收割返黎煮？！結果我地係度坐足4個鐘，由7點坐到10點半，都只係黎左5樣野。d細路都頂唔順訓晒覺，大人一個鐘食果小小根本就唔覺得有食過野！

我地同隔離桌都係一樣。出去大廳眼見得返一半客，為何我地d野都仲未上黎？於是同阿姐嘈，又捉個部長話。一話完十分鐘，條魚先識游過黎，d燸米飯同伊麵好似唔洗再由小麥整麵條啦，終於可以上到table。

從未試過食餐飯要坐足4個鐘，一個鐘食一件蟹鉗，一個鐘食一條菜。成2千蚊一個set，卻食到好似飢民係度等救濟咁。直情好似非法禁錮，走又唔走得，食又冇得食。d阿姐只係識講唔好意思，話催左，但係個部長又話d阿姐唔出聲，我就真係唔理得佢扯貓尾，總之你做得食市o既，收得我錢o既，冇理由要我好似乞食咁！

嘈左一輪，既冇送包/糖水/生果安慰我地，亦冇給予折扣優惠。最快手就係收錢果一刻。大佬呀！你估間野煮的係山珍海味、鮑心翅肚呀？！野食貨色只係一般，服務態度又差，持住果區係得果兩間酒樓呀！？

下次真係唔會係度食。唔係就我出世冇耐的堂妹近近地，我都唔會係度食！

Mario NDS筆

有那個好心人...會拎一支俾我呢？

又聽到『檸爆』

今次聽到『檸爆一架車，因為我鍾意揸車！』究竟呢個係咩廣告黎呢？我真係好懷疑。

飛男友要賠錢 女子罰8萬掟煲費

12月 21日 星期四 05:05AM

【明報專訊】拍拖一定要結婚？

日本法院認為一對男女的關係密不可分，判處另嫁他人的女子，賠償男方約8萬元「掟煲費」。男方「飽受精神打擊」東京(相關新聞 - 網站)法院周二就一宗男女情變的訴訟作出判決，女方需賠償120萬日圓（7.9萬港元）給男方。這對男女曾以結婚為前提談戀愛，但女方突然向男友提出分手，兩個月後女方更與另一男子結婚。此舉令男方「飽受精神打擊」，於是告上法庭，要求女方賠償1000萬日圓（約70萬港元）。東京地方法院裁判官片田信宏說﹕「即使雙方沒有訂婚，但兩人是以結婚為前提談戀愛。女方雖表示分手後會跟男方繼續保持良好關係，但她不到兩個月就與他人結婚。女方沒有認真履行中止戀愛關係時應盡的義務。」

*******************************

哈！咁樣都有錢收。搵錢、原來就係咁易~

一樣喎！

原來王菀之同我的偶像係一樣嫁！都係The carpenters 同埋王菲！

『檸爆』

好後悔，訓醒後真係好後悔，尋晚又冇做功課了。想話唱首歌仔先開工，點知一唱就唱到訓覺，仲要唱黎唱去都唔滿意果隻。朋友都識話要考完試先去玩，我就......。

最近成日都係火車度聽到呢個廣告，d後生仔講咩『檸爆唇彩、檸爆胭脂，我鍾意檸爆因為我鍾意靚』『檸爆PE、檸爆生物，我鍾意檸爆因為學到野。而家英文好重要。』聽到我一頭霧水。據我了解那是一個飲品的廣告，估計都係檸檬茶之類。廣告想將『檸爆』變成時尚流行的說話，但係『檸爆』當作形容詞，真係令我費解。由其係咩叫『檸爆PE、檸爆生物』？仲要話學到野，咩英文好重要，同『檸爆』又有咩關聯？無厘頭！

聽得愈多，我就真係愈想『獰爆』d學生哥個頭！

一大步

email問左阿sir幾個問題，夜晚試整，終於成功地import到d object with correct texture啦！放左個樹同花入去，即時覺得個景靚左。可惜的係我的冬菇屋太大，放左入去會唔夠ram render唔到，所以只好用四方屋。

由於成功左一大步，就懶起上黎，睇左陣漫畫先訓。

朋友仔一個二個開始問聖誕有咩攪作，我都唔知呀！又要留d時間做功課，又心思思想去呢度果度玩，大家一起頭痕吧！...-.-"

又黎規劃

次次寫低的野都冇幾樣做得到，但係我都係要寫低佢。黎緊呢年我定為『挑戰自我』年，要嘗試一d『老左就唔玩得』的野 同埋 有限時間做無限多的野......=p

想玩的野

• 學唱歌‧In process
• 自學golf‧將要進行
• 學溜冰‧明年初春‧已睇定左學習班
• 學piano / guitar‧睇就睇左班，問題係……係咪真係要學！？
• 做gym‧係差d決心同行動力
• 整餅‧最主要的焗爐都未係屋企
• 學日文、韓文、法文‧讀完master先講
• 學潛水‧明年春夏
• 學wakeboard‧明年春夏
• 試玩風帆‧明年春夏
• 學騎馬‧無限期押後‧等我輕磅d先講
• 學桌球、保齡球‧無限期押後
• 學gel甲‧自學好似好難，睇黎都要報個班
• 學跳舞‧先係jazz同hip hop

想去的旅行

• 星馬泰‧最緊要係學左潛水先，仲有浮羅交怡
• 歐遊‧意大利為先‧仲有排存錢
• 九寨溝‧湖光山色，點都要見識o下

想買的野

• Wii‧明年一月出啦喎
• 新電腦‧睇幾時有錢啦
• Wireless router

投資投機

• 想好似人地咁‧手上好多隻優質股，坐係度等收錢
• 中六合彩‧出年真係要去買先得嫁~
• 抽新股賺返些少

龍應台的香港筆記

一早醒來(其實都唔早)，睇左陣漫畫就開工做功課。花左幾個鐘結果都係乜都做唔到，一import d object入去就死，搞到我冇晒心機，都係放棄，睇返漫畫算。5點多同屋企人去上水馬拉松度買鞋，我本來睇中兩對嫁！不過一對鞋底太硬，另一對又冇我size，冇法子。

行過商務睇下d旅遊書，向阿媽介紹尋日我係page one睇左一個chapter的《龍應台的香港筆記@.....》文中講的係香港事，好似西九建設呀咁。平時都冇咩思考呢d野，睇佢講又好似好arm咁。阿媽話我幾時邊得睇埋d咁o既野！-.-" 我一向 (近黎)都係有文化同關心社會嫁啦~

其中一文

夜晚係屋企又睇漫畫。終於鼓起勇氣向阿妹坦白，我偷偷地delete晒d狐忍同埋鋼之錬金術士卡通片，多返十幾G我load野都不知幾咁開心。借個nds俾阿妹消氣之時，我又學點樣將d nds rom放入nds度，原來都好簡單，我仲自己upgrade埋我nds software的版本tim！又要預返d 位俾d nds rom，harddisk真係好鬼唔夠用。

好忙的一天

今日行程好緊湊。先係去左沙田做身體檢查，因為保險果度送我兩個病的身體檢查，我選擇左check糖尿病同冠心病，所以一早就空肚的去到抽血。今次係我第一次抽血，我就最怕打針嫁啦‥‥‥以前，所以都從來冇捐過血。今日抽血時都唔係好得人驚，只係姑娘抽時手內的壓力唔係咁舒服。

之後就去左深水埗，因為我決定左都係拎個nds去改機。唔改機我可能以後就唔會再玩，所以都係去改。放低個機俾佢整，我就周圍行下，去左西九龍度睇人地溜冰，好少人，教練同學生差唔多係一比一！個機改好左，total $360，1GB supercard。入面已經有我想玩的任天狗、cooking mama、mario kart等等game啦！

之後又走去尖沙咀度買鞋，我對converse早就爛了。上次去浪茄時入沙入得幾勁，我原本想話買佢新款果隻漆皮紅色，點知斷晒碼，不過都買左另一隻。見到TVB同一個鬼佬扮的聖誕老人做訪問，唔知會唔會影到我呢？上次想影monchichi house不過太多人，今次因為好早，所以可以影到啦！
















跟住就去灣仔，約左個新識朋友kenneth去行亞洲遊戲展。說實話，點算係亞洲遊戲展？！半個場都係sony的ps3、1/4場係個台同後台，剩低果1/4就係d『雜不冷』的攤位，聖誕飾物、memory card、lcd monitor、平game、大學攤位都有。當然最多人的都係等玩ps3同ps game的攤位啦！我搵到我玩開果間kara24H的booth，呢個係我黎呢度的主要目的，買左我想買的microphone，可以駁電腦又唔洗用adaptor！朋友幫口仲拎到200點數俾我上網唱歌呢！5點鐘到就走啦！cosplay的人唔多，入面d show girl又冇咩邊個靚。






























今後我的好伙伴！

原來我係才華型！

四、才華型(生日日期︰3,12,19,30)

性格解構：你要記住，這類型的女孩子大多數都充滿藝術天分或者語言天分，亦具有高貴的氣質。她對任何人和事也抱有興趣，喜歡提出許多疑問，故知識非常豐富。還有她的想像力十分強。即使性情令人難以捉摸，不過基本上都是屬於受歡迎的生活，但有時又容易沉醉於玩樂而缺乏責任感。建議：你最好先熟讀一些關於藝術方面的資料，方便與她聊聊。學一兩句外語也無妨 。別把自己裝扮的太俗氣，避免令她反感。只要你有多方面的知識，或者是某方面的專家，就很容易獲得她的青睞。

又幾準喎真係！

係sherman個blog度見到呢個test，得出以下結果。不過我好懷疑係咪其實果d問題係咩都唔緊要，最緊要的係個星座。因為天秤座的守護星係金星，佢個explanation都有金星。

You are The Empress

Beauty, happiness, pleasure, success, luxury, dissipation.

The Empress is associated with Venus, the feminine planet, so it represents,
beauty, charm, pleasure, luxury, and delight. You may be good at home
decorating, art or anything to do with making things beautiful.

The Empress is a creator, be it creation of life, of romance, of art or business. While the Magician is the primal spark, the idea made real, and the High Priestess is the one who gives the idea a form, the Empress is the womb where it gestates and grows till it is ready to be born. This is why her symbol is Venus, goddess of beautiful things as well as love. Even so, the Empress is more Demeter, goddess of abundance, then sensual Venus. She is the giver of Earthly gifts, yet at the same time, she can, in anger withhold, as Demeter did when her daughter, Persephone, was kidnapped. In fury and grief, she kept the Earth barren till her child was returned to her.

What Tarot Card are You?
Take the Test to Find Out.

有趣有趣

今日係餐廳同同事食lunch farewell，睇到新聞講愛滋病患者的消息。好似係話最近有兩個群組的愛滋病患者個病毒DNA好相近，懷疑有係香港擴散的跡象。有趣的是第一個群組，係22-57歲的男仕共20多人，第二組係17位男仕。

全都係男人，不禁想到佢地好大可能都係果d成日嫖妓的男人。

考完試，仲有功課

過左4日假期，美其名係讀書，實際係休息。呢幾日睇漫畫多過溫書，因為個exam係open notes的，所以估都係吹水野多。尋日考完，好壞參半。4條得一條係80% 覺得有機會arm o既，另一條因為唔識計，作左個答案，不過都係5分o者。另外果兩條真係吹水野，吹就吹左啦，不過多數都係死咁解囉。月底仲有一份project要交，要俾d心機了。

上星期日同屋企人出左去打邊爐，之前係網度見到一間叫私房窩的店，決定去試下。間店都幾細，不過坐得都仲ok舒適。一坐低阿媽同阿妹就係度話，呢度有乜咁特別，做咩要黎呢度食。阿爸又問得果幾張table，一打邊爐點都兩粒鐘啦，點圍皮？咪係返個價錢度囉。大佬呀！請你食就咪咁多聲氣啦，又唔洗你俾錢。想叫打邊爐必備的魚皮餃、mushroom等等，就俾人ban晒，話『你知唔知百佳賣幾錢呀？陰公。7毫子隻雞蛋呢度賣5蚊！』咁計較乜都係屋企食咪最平囉~ 兩個師奶~

雖然冇食到刺身，but都有食鮑片呀、坑腩肉呢d特別d的野。整體我覺得都ok o既。

心驚驚

之前抽左隻股，俾左錢就完全唔記得左。今日聽同事話好似升左，我先醒起。拿拿聲睇下我抽唔抽得中，嘩！我抽一手中一手，同事抽廿手都係得一手咋~

跟住就盯住個市，上呀落呀，心驚膽跳。最後我都係唔係一個best price度賣左，不過都賺左呀！少少咁啦~

呵呵~

考試一

係屋企閉關左日幾，今晚考完試。well，唔係考得好嫁啦，有一條係pre-lighting，完全唔識。其他幾條都叫寫到野咁啦。

反而就睇左好多漫畫。黎緊仲有一科要考。

狂煲果隻『親愛的』，真係正~ 尤其係最尾果句，徐若瑄吸氣果時，好似有索鼻聲，好似佢喊緊咁，好有感情。另外『別愛我』都ok。

反而王宛之隻《詩情‧畫意》就一般。係『幸福』好聽d，其實我就幾喜歡『恨也講資格』的歌詞。但係同隻音樂好鬼怪，唱起黎都唔多好聽咁。

陳松伶sina 的blog度，睇到佢訪問其他人的文章，其中一個女星咁樣講。

「最近沒有愛情生活，談愛這部份，對我已不重要，對異性我不會付出我的所有，絕不會愛人多過於愛自己，基本上我是不太信任異性了。以前試過為了維繫一段感情，將工作減少，以為這樣犧性他會明白，但原來這種想法對他來說是壓力，是一種包袱。現在我明白女人最大的問題是自作聰明，愛情原來不需要犧牲，世上每個人，男女老幼都是平等，做回自己就好。」

華仔網頁！
http://www.awc618.com/tc/

作曲軟件

mentor復工勁多野做，所以都冇時間理我，我search左陣野，搵到d作曲program。等我得閒又試玩下先~

Final notepad
Anvil Studio Catalog
Pro Tool Free
Sibelius 4
ENCORE
GUITAR PRO 4
PG Music的Band-in-a-box
overture4.0 繁體中文版

又睇左配音員d資料。原來已經飽和，入行都要靠人事關係呢！

愛斯基摩人怎樣捕獲北極熊

係人地個blog度睇到，真係得人驚！

記得很久以前自己看過一個故事是關於愛斯基摩人怎樣捕獲北極熊的。節錄內容如下：「北極熊嗜血，所以愛斯基摩人在鋒利的雙刃刀上塗上很多動物的血，凍成血冰棒放在外面，作餌來誘北極熊。北極熊發現不勞而獲的食物後，就很興奮地用舌頭舔這個血棍。初舔很美味，越舔更覺美味。越添血棍的血更鮮更暖。所以，越舔越快，越舔越深，結果越舔越 ... 因為舌頭已經凍木了，所以被刀鋒割開口子也不覺得疼，北極熊就在不斷的吸食自己的鮮血的過程中，幸福開心地死去。」

值得慶賀

尋日聽到朋友同佢男友又係返埋一起，而且仲好好tim！真係登佢開心。難得分開半年，男仔終於realize 佢先係最重要的，再係返埋一起，比以前更珍惜更好。真的希望佢地就咁一直係埋一起，就好似ivan同yvonne咁sweet。

聽左sherman blog介紹的『親愛的』，果然幾好聽呢~

Daniel 婚宴

本來的溫書日，全都給Daniel佔據了。早上起床修補斷了的指甲，下午又忙著買禮封，選衣服，買即用即棄的隱形眼鏡，因為今天我就give 化妝一try。well，根據妹妹昨天給的指示，我把找得到的東西都往臉塗。

眼睫毛液很難塗，隱形眼鏡很難戴，眼妝、粉底、胭脂，最有把握的還是唇妝，不就是塗唇膏ma，加一點lip gloss就算了。我當然遲到了，不過別人比我更遲，我們一行7個一起到達會場。君豪會不錯，挺大也挺美的。又再欣賞新娘子豐滿身材的婚紗照，讓攝影師幫我們拍了照片就等吃。整體來說氣氛不錯，有sebrina、飛機、yvonne、ivan在，就不太會有冷場，小白當了我們的話題了。玩遊戲時daniel要在台下找9枝玫瑰花，居然有一枝落在我們桌上。咱們做兄弟的，當然第一時間大叫daniel來收花啦！怎料daniel果然把我們想成起哄(鬧場子)的壞蛋！我們怎樣叫他就是不過來，我們就在台前第3-4台而已，不可能見不到！雖然我們都真的是想把剛摺的金莎花送他玩玩，再拿出真花的，不過他現在不理我們，是他的損失囉！=p

婚宴最後當然完滿結束了。Daniel發言時很搞笑，說這是一個function，說得好像我們還是莊員在搞什麼活動表演似的，哈哈！最精境的幾句話，出在daniel的爸爸口中。完場是他在台上致詞，跟老婆說『I love you, 我愛你, 老婆。』『連對老婆說句我愛你都不敢的人，還配做男人嗎？！』嘩！我馬上給他熱烈的掌聲。『有其父必有其子』當紙碎掉在他們頭上時，daniel跟他爸，都會先幫老婆撥弄頭上的紙碎！！

又一個好男人結婚了，森林愈來愈少了~ 嗚~

運動一整天

早上起床，繼續弄昨晚未弄完的指甲。今次我試用乾花，可是很難，因為乾花起伏不平，總之，不好看，還是用閃石/星星比較好。

下午急急的到了屯門廣場的california fitness，因為我又抽中了nike x california的fitness party，今次是學hip hop x sol！想當然的，平時手腳都不多動的我，怎麼可能跳得好？！hip hop...算了吧！太多動作，多得我都忘了。sol那part還好，大部份都ok。如果跳得好的人會有nike 袋，肯出去獻醜的人會有nike護腕！我這些玩玩的人嗎~ 就有參加者都有的nike "Just do it"掛頸繩囉！今次都是由Utah跟Michelle來教，還多了幾個助教的物體。他們都沒有肚腩的呀！有一個高大的陽光男孩助教，大概是認識 / 想認識我前面的兩個長髮美女，所以常常在她們身邊團團轉。

5點多我趕緊的到尖沙咀跟妹妹會合，去上我們最後的一堂free yoga。sales連sale都不sale我們了，只問了一句，『你們是不是不會join？』就不理我們了。本來妹妹是想要再壓價的，不過她們都不sale了，那就算了吧！不知道老師是不是很趕有下場，今次做得很快，做完了我也不太覺得辛苦，妹妹說因為她沒有做足時間，所以我們都不太累。洗個澡，到b+ab跟k2逛逛就回家了。

函館元祖北海道拉麵

Manager下午去左開會，Everlyn趁機過黎一起傾計。看了她跟她朋友的相，穿婚紗坐電單車真的幾型！

上次食飯係酒樓睇電視見到呢個節目，講粵語正字，查實真係好多佢唔講我都唔知係錯o既~

對這本書很有興趣！據說會有王菲的婚姻分析！

明年夏天

明年的你



明年的我



Manfred! 我們一起努力吧！！

Mimosa Patisserie

跟Manfred在想今晚去哪裡吃晚餐的時候，他send了這個cake shop的資料給我。本來是想一起吃完晚餐再買來吃的，可是我怕太晚關門了，所以我偷偷的背棄了他，lunch時自己去天后嘗一嘗！

位置很近地鐵站，很容易找。它在一個舊商場內，可是店面裝修跟蛋糕的樣子是很精緻的。Mimosa = 含羞草，果然羞羞的躲起來！連店面的人都是這樣！有個男人在顧店面，可能知道我有備而來，也不多作介紹。我選了有名的芒果拿破倫，再試一試我情有獨中的香橙杏仁，加上大眾路線的Cookies 'n Cream。網友說$20一個，可是物價上漲得很快，拿破倫跟cookies'n cream都要$26，香橙則要$20。買完馬上的回公司吃了。

芒果拿破倫是真的不錯！我沒吃過很多cake，可是我在strawberry forever吃過什果拿破倫。相比之下，這一個的皮很脆，又不至於一碰就碎。吉士很滑不算甜，吃先起口感很不錯！反而Cookies'n cream大失所望。我沒吃到Cookies'n cream的味道，只有淡淡芝士味，很dry。跟double rainbow的相比，早就輸了。反而香橙杏仁不錯！橙味很足，一層層朱古力跟橙cream，good try!

不過可能我最近已很少吃甜食，所以根本吃不完。我原本只想買兩件的，可是一場來到，不買白不買，就變了三件。其他的我想留到晚上如果真的跟manfred來到時再嘗。