亞當夏娃

一天亞當問上帝說：『為什麼你把她造得這麼美麗動人？』

上帝說：『那是為了要讓你注意到她！』

亞當又問：『那你有為什麼把她造得如此溫柔？』

上帝說：『那是為了要讓你愛她。』

亞當想了一下又問：『那你為什麼要把她造的這麼笨？』

上帝回答：『那是為了要讓她愛你！』

***********************************

哈！真的好啱喎！如果唔整女人整得蠢d，佢地又點會愛上男人呢？！

整角仔

一早就去左姑姐果度開工整角仔了，當然有傾o下家事咁啦！幾個表弟就係度打機。下午呀田表姨婆個孫女黎左話想學點整喎！咁我咪入去幫姑姐炸ｄ角仔ｌａｗ。５點幾就整完都算快ｌａｗ，前果幾年有做到７點幾ｔｉｍ嫁！

有客仔想食我整ｏ既角仔呢！呵呵！

惡魔測試

你係邊種惡魔？！

A級魔鬼　開膛手傑克

你心狠手辣，不高興絕對不會藏在心理，有不爽一定要發洩出來，你的座右銘是「有仇必報」，雖然有時候也會耍點小陰險，但大多時候的你總是可以讓人感覺到你火辣辣的脾氣。

關於開膛手傑克Jack the Ripper
種類：都市惡魔傳說
出處：英國
英國史上第一位變態殺人犯。歷史上真有其人，但是「開膛手傑克」之名卻早先一步不逕而走。1881年8月31日英國倫敦，一位在的白教堂區（Whitechapel）街上拉客的妓女，屍體被路人發現。屍體喉管被割斷，腹部遭到兇手剖開。被認為是兇手第一件案件。約一週後，同樣發生妓女被殺，器官（子宮）被取走的案件。此時，被認為嫌疑最大的犯人是，使用剃刀的職業－特別是鞋匠。因此緣故，特別給予「剃刀圍裙（Razorapron）」此一稱號。然而9月底，中央新聞社（Central news agency）收到犯人寄來的信。通篇使用紅墨水書寫的信上署名「開膛手傑克」。兇手持續犯案，總計有五人妓女被害。而後新就任蘇格蘭警場犯罪調查部長馬克諾頓提出，1888年12月投水自殺的醫師蒙太鳩．德洛伊是首要嫌犯。
（本文摘自奇幻基地《惡魔事典》）

Seminar

今日我要幫d AV o既同事手，去個seminar度做support。我負責拍DV，都好簡單，仲可以聽埋人地個seminar tim。今日係中英文系o既teaching orientation，有個校長黎講佢d 經驗講得好好聽。完左果時我走埋上去扮學生同佢傾計呢！

同四葉草澆左水嫁啦！希望佢捱得到星期一我返去救佢一命啦！原來多數都係3葉嫁咋！要好lucky先出到4個葉。

係朗豪坊行街，見到一個『史立消』玩具狗，只要放係電話附近當收到訊號就會響音樂嫁啦！好得意呢！另外見到海藻倒後鏡套，好靚呀！！不過我又冇車，好朋友都冇車，好friend o既親戚都冇車~(唉！我地d窮人家族！)所以都係個friend買左呢！都買唔到衫，反而想買一個袋。不過冇特價，原價有d貴，都係冇買到。落到樓下，見到熟人，都係hi-bye就走左lu‥‥‥會唔會太過冷淡呀！？話晒我地都幾friend嫁ma‥‥‥唉！原來我都真係幾失敗呢~

食左個tea就去左尖沙咀買『架橕』，準備下個星期開工。之後食左野就返屋企lu。

發芽啦！

今日返到公司就見到我個四葉草發左芽啦！尋日仲擔心唔知佢會唔會有好多蚊滋仔圍住佢，今日就推開d 泥土，突左個頭仔出黎啦~ 哈哈！加埋今日出左糧，成個人開心晒。如果d 四葉草生成之後，我好唔好拎佢黎做標本呢？！做書簽？定係由佢活命落去呢？

都送埋禮俾老豆lu，而家仲差呀妹果份。

海龜

今日supervisor 就尋日開會有人發脾四件事，同幾個當事人『照肺』。我呢d唔關事o既就梗係扮傻扮聾兼扮啞啦！

晚頭約左海龜食飯。老實講，都真係中一識佢到而家第一次單獨兩個人出街喎！haha！d人又話自己自閉、孤僻，咪又係咁多野講！哈哈！不過因為好耐冇見，所以乜都講一餐。屋企野啦、阿媽阿爸、生活朋友，咩都講，講到返屋企tim呢！不過因為唔知佢對海鮮敏感，仲去食壽司，真係唔好意思呢！如果佢塊面出晒紅點係我o既錯！(不過佢由細都大塊面都冇滑過o既~ hehe)

呵呵！今個星期要去整新年野食，都有幾個客仔話要貨呢！(當然係唔洗收錢嫁啦！ =p)

好充實

今日下午同CO仲有另一個centre o既CO一起食lunch，佢地講左好多hardware o既野我唔識，不過佢地講我知原來其中一個同事之前有醜聞呢！不過佢又唔係靚仔，又結左婚，係口多多咁law。

之後開會仲大獲，wah！我同事vincent 因為放假o既問題發老脾，兩班人本身就係有唔妥o既呢d我知呀。不過佢覺得有人針對佢，所以咁law。係度好大聲咁質問另一個人，唉！都三廿幾四廿幾歲人啦！仲咁好火！

尋晚趕起交晒d application，不過之後仲有好多野要follow up。下個星期應該會返poly一次。

四葉草今日仲未有起色呢！

四葉草

上年年尾的party收到o既四葉草種子，今日終於下種了，安放左係我公司的枱頭。下午的時候我會將佢拎去窗台曬o下陽光，不過唔會經常。因為個說明寫住唔好曝晒佢呢！

由細到大，我種過兩盆花，養過一對白兔，仲有一對蒼鼠。佢地‥‥‥都係得唔到好o既下場，短的生存幾日，長o既幾個月。希望今次o既四葉草的命運，會好一d啦！

今日都睇左好多master o既資料，發覺都真係好多野要搞，今晚我想submit晒d application先。

st. john 個急救考試，都係會同朋友再補考一次。得就得，唔得就唔得law。冇計啦~

睇相

訓得好夠，到點半先起身，梳洗一下又要出門口，今日要去影樓睇之前阿妹畢業影果d相。都冇食晏，可能係食滯左，都唔想食野o既。行過mcdonald心癮買左個大薯條，點知食到一半就唔想食了。

買左禮物俾阿媽啦！超出左預算。不過算啦，以後幾個節日都唔洗買~呵呵！我都買左份俾自己呢！當然係細細份啦~ 錶...仲未買呢...糧都未出，就用左一『折』去了...

唉！真係fail左！

今日知道個CPR真係fail左，要俾多$130去補考。阿媽就話唔好去考啦喎，waste錢而張cert又冇咩用。我都唔知點好。mandy就會考law，佢話試埋呢次先，唔得就唔再考。點好呢？！

中午同親戚去左帝苑 酒店食自助餐。野食都唔錯嫁，$150/位。食左d刺身、甜品、pancake、ice-cream......走果時，忽然發現我表妹居然係樹溝仔！？係果個waiter黎o既，佢問個waiter 拎電話喎！仲真係打俾佢，當我地去到酒店大堂果時，表妹又打俾佢，仲拉左我一起去搵佢tim！見到佢同佢傾左幾句，個waiter仲話﹕『我返一至五，九至六嫁！你晏d再打俾我呢~』嘩！真係bear一聲！咁都溝到仔，我又上左一課啦！

同屋企人行街，有罵交......-.-"

『小』食會

今日supervisor 成日都要開會，我朝早做埋少少server setting，就開始整design 野。lunch 食左焗薯，下午就整d object同class。當然都有偷o下懶咁啦！

睇睇o下發現d master有d二月尾就deadline，真係要快手d報先得啦！

至於夜晚，去到時都七點幾八點，有d同學都帶左曲奇餅同朱古力黎，都好多野食。當然係食唔晒啦！最受歡迎o既都係菠蘿腸仔同埋蓮蓉糯米糍。不過太滯啦！我d零食食淨左，只好帶返屋企。d雞翼同生果都有滯呀！真係估唔到大家食咁少。跟住有大合照呀咁law。不過個考試超晒時，考完趕尾二班車走咋！呀mary個老公係火車站接佢，結左婚幾年都仲咁恩愛，又係個老婆上堂，老公係街度自己周圍逛等佢咁，不過估唔到佢老公肥肥地嫁喎，佢反而就咁瘦。


Food gathering

考試好多都唔識，miss話我差過平時好多，鬼咩！d字咁深，都唔識讀。唉！實在真係要俾心機去溫先得啦！

仲有同呀robin icq 係度扮大陸人同台灣人罵交，都幾搞笑呢！兩個無無聊聊咁係度heir時間。仲有喎！我係用簡體o既拼音打嫁！犀利呢~呵呵~

有人病左呢，希望快d好返。

Tomcat 5

今日成日都係度set個server，用tomcat5+mysql+apache。果d咩jdbc, jndi......搞左好耐先搞得掂 (好彩搞得掂咋！)。lunch 我都估到supervisor係諗住叫埋我一起去應酬嫁啦，不過我都係扮約左人，自己去左學生canteen買野食。今日都整左staff card，可以去圖書館借書。再做埋d咩會o既會員，等我去做o下運動，keep o下fit就perfect啦！

聽日個『小』食會，佢地話帶晒廿個人o既份量喎~ 不過因為大家都係食左飯嫁啦，所以都唔會有好多野食o既。而家定左有菠蘿腸仔、雞翼、飲品、零食、生果，可能都會有甜品o既，要睇人地得唔得閒整啦！呀！要記得帶相機影o下相先得呢，仲要問miss拎埋contact。

個返工果度d table都黎左啦，放返好個位，都算唔錯，起碼唔洗俾人望黎望去呀ma！

1月19日

今日返工遲左兩個字到，不過都唔緊要，個supervisor都係差唔多時間返。成日都唔係好忙o既，都係睇o下個server要set d咩咁啦，我又有部份o既source code ，要做o既野又係好簡單o既野。不過個supervisor 似乎就唔係好得啦！佢唔係好重視design，做個project當然最好就係有晒所有possibility，個design係flexible for 呢d possibility嫁啦！佢居然叫我唔洗整得咁generic，求其整pat野交貨就算。我就唔係咁同意啦！不過佢要o既都可以o既，整個php o既佢用o下先law，自己就繼續整個jsp o既。

lunch同supervisor 兩條友去左研究生會果度食野，地方就幾靚，不過都係貴。我食個set lunch 個白汁咩麵，好杰，食左一半就冇食啦，都成$60嫁！

收到急救個阿sir個email，最初仲以為咩人send錯email tim。原來係話急救有19個人合格，4個人fail，2個人abs...<=(唔知咩黎o既)。我想我都係果個cpr同包紮都唔得果個黎嫁啦~唉~ 等待27號o既來臨。

夜晚同朋友係沙田食飯，當然我請啦~冇理由唔請嫁o者~=p

唔‥‥‥好似成日做左d野，先猛諗點解自己會咁做，又得唔出答案。

尾二果堂

今日返工，居然發現個腦中左毒winm.exe，『魚』到爆！我好懷疑係佢果隻win xp有野o既，雖然可能性唔大。個supervisor同我傾design啦！不過今日拗用php定係jsp都拗左一陣，結果咪又係兩隻都試o下做~ 鬼咩！時間多得很，d 會又未有時間開黎gather d user requirement。

晚頭上putonghua，遲左9個字，but都ok呢。下次上堂搞『小』食會喎！所以今晚又要打晒個contact list，又要send埋email問佢地會唔會一起食小食，都好趕呢！

最麻煩係屋企冇水呀！尋日已經發現d水好黃嫁啦，點知今晚返黎大家都已經係下面輪水車lu，好似滯水咁~

好得閒

今日成個上午都係行黎行去，都冇咩野做。下午都係睇o下d php, mysql o既site，download o下d editor, mysql, mysql client, php 呀咁，試o下部development server先law。好在icq同msn陪住我咋，你都咪話。我真係好依賴佢地嫁~！

希望會有好日子過啦！

BBQ

今日跟阿媽去同d親戚bbq，原本帶晒d普通話書呀，ps2碟去打，怕悶ma。點知原來都有d表哥表妹黎，大家圍埋一起燒野食，有老有嫩，吹o下水咁，都幾好嫁。

係度睇d MPF果d 咩基金。又同我拗！d MPF係我o既，我想點投資就點投資啦！高低風險都係我自己事o者。又要『o我』我。唔跟佢地意思，就係度話我死唔聽佢地講！

晚上再去多次沙田同我阿媽睇o下隻錶同埋睇o下禮物咁。邊...個...好....呢....？

cK watch 1

呢款就斯文同casual帶都ok，係"呃"形o既，帶上手就好似arm arm好，不過唔知會唔會卡住d肉。

CK watch 2

呢款個style就正啦！不過就arm 斯文衫多d，casual就唔多襯得到啦。

哈！好彩

今日下午去左睇Polar Express。都幾好睇呀！d 3D卡通做得幾真，不過我就好想知果個係個火車度成日幫主角果個『鬼』係點解會係個車度出現o者。北極快車點解會有隻鬼係度o既呢？！諗極都唔明。

原來大眾書局而家大特價，都好平咋d書，不過我冇買。都冇睇d愛情小說好耐lu，而且屋企都冇位放書。之後去行左陣街，睇中左Calvin Klein呢隻手錶呀！好特別好靚，問o下價錢，$1,500!!!!嘩！仲平過我睇梁詠琪sell果隻！跟住一路係度諗買好唔買好。點知返左屋企，上網想搵ck個網頁睇o下隻錶，係pc home 個online shop度見到‥‥‥$5,980一隻呀！！！！
點會咁嫁！？唔通係我同個friend聽錯？人地講係$5,500??唉...好失望呀！而家唔洗諗啦，咁貴。聽日有機會再去問多次先。(係個網上寫錯‥‥網上寫錯‥‥一定係網上寫錯‥‥‥)

hehe...原來我睇果個係台灣o既PC home，所以真係港紙$1,500呢！咁‥‥‥買邊隻好呢？！心郁郁~


CK watch

Citizen

人生中的大日子‥‥‥之一

今日都冇咩做，改埋少少野，就睇newsgroup等食飯。早上我買左d西餅請同事食，成舊水呀陰功！真係貴啦而家d西餅。不過lunch佢地都有請我食飯。都係一百蚊個果d啦。今日我食果個餐都ok，幾大碟，有湯啦、Mixed Grill、有tea仲甜品。不過如果食魚好似仲正d。下午教我個同事用flash黎整公司網頁，之後睇左陣newsgroup，幫supervisor整埋少少野就走lu。

心情冇咩野，不過有d可惜同無奈咁。不過學wallace話，諗起果d xxx就開心晒啦~^_^~

我o既座位


My desk


My broken cup


Comic


Putonghua 今日係尾三堂，上次我交的錄音功課派返了，清淅(又係呢個)、不過欠流暢(都知嫁啦)，錯字都少過上次 (梗係啦)。同d同學仔影左少少相，下次拎埋d聯絡，遲d 考試前可以約出黎聚o下同埋一起惡補。

女人的發現

IQ愈高o既女人，她 們 發 現 「 男 人 不 是 那 麼 有 趣 」 ， 想 追求 獨 立 ， 但 又 渴 望 感 情 寄 託 ， 是 她 們 面 對 的 兩 難 。

Absolutely correct!

賭王醒醒你

三從

1. 老 婆 去 邊 要 隨 從
2. 下 命 令 要 服 從
3. 亂up 要 盲 從

四 『 得 』

1. 老 婆 化 妝 要 等 得
2. 發 脾 氣 要 忍 得
3. 生 日 要 記 得
4. 花 錢 要 捨 得
5. tum 得

*** 極度重要 ***

女 人 對 珠 寶 好 博 愛 ， 平 時 儲 錢 買 定 紅 、 黃 、 藍 、 綠 、 白 鑽 ， 一 見 太 太 面 色 唔 對 就 塞 一 粒 畀 佢 ， 如 果 佢 話 『 唔 要 呀 』 ， 一 手 丟 落 地 氈 度 ， 你 千 祈 唔 好 執 ， 半 個 鐘 之 後 ， 粒 鑽 石 多 數 自 動 消 失 ， 證 明 又 成 功 喇 ！

急救考試

急救考試‥‥‥唉‥‥‥應該都冇嫁啦。首先我地行錯路，係山度行左一個鐘先搵到個野，搞到都幾累嫁，揹仲咁重書仔行黎行去。筆試30條啱18條應該冇問題啦，因為都有d係出過嫁啦之前阿sir同我地做果d mock exam。不過之後我抽左做成人果隻CPR，之前背左d steps 嫁啦，不過一考起些黎又唔係好熟，有一段時間停左係度諗做邊樣先。仲有壓心果個位唔知有冇搵錯，再者壓果時我慢慢黎，好似太慢了。

唉，諗住CPR一定fail嫁啦，最多retake呢個者，包紮希望好d。點知遇著個皮質淳偏高o既阿"禪"，個態度一開始就唔好嫁啦，好似前世未罵過人咁，我地上一組人都有俾佢話。到我包果時包包o下知道包錯左咪拆過再包law，佢話我好用返果個繃帶黎包，叫我拎過另一舊。我由學到考都係用呢舊嫁啦，包左咁多次，個繃帶係會鬆，不過家o下考試之ma，阿sir都話唔洗買過舊嫁啦，咁我係冇另一舊呀，係咪要去買過個新o既先繼續考呀？無聊。我頂左佢句就唔理佢繼續包。考完我同我partner都頂住頂住條氣。喂！考試咋喎！唔係黎受氣嫁！

之後坐船去左尖沙咀食dinner先返屋企，都好夜了，仲幾眼訓tim。


見到立法會門口有人靜坐，不過唔知咩事。

峰壽司

今日『請』 jojo 食飯，我地去左銅鑼灣。我建議去果間出左名o既『峰壽司』度食，點知一等，就係個半鐘，有個阿伯等到好勞嘈tim呀！不過都係試新野o者，佢有好多壽司同甜品出面都唔多覺有得食o既。我有食果個芝士薯蓉，紅豆燒魚，吞拿魚腩壽司(嘩！$45一件，好貴呀！)，仲有長腳蟹壽司‥‥‥(唔記得晒，因為我地入到佢都餓了，一下子叫左好多好多)。食完仲傾左陣計先，再行左少少街先走。

發生左件幾『魚』o既事呢~！^_^" 唔講得出黎，總之就唔好意思啦jojo。

聽日又同d同事去食果間百幾蚊一個lunch o既貴野，真係勁倒水啦近排。
聽晚又要考急救，一陣要補多一次d野先得。

mandy今日唔開心，希望佢自己會識諗啦。從來都知係呢個結果，只係一直都唔肯去承認，係你自己唔放過自己呢。

歌神演唱會

年三十晚起開六場，唔知睇唔睇好呢~

>>唔睇lu，阿媽話"晒"錢，=p

教堂婚禮

今日我舊同事andrew同佢女友(而家係老婆)keller 結婚了，係教堂內舉行，keller係基督徒。我出去同人地食lunch先再join 埋d舊同事一起去。去到時都要開始了，匆匆入去坐低都冇拎到場刊。首先係主持人講野，唱聖詩，祈禱，牧師講野‥‥‥到佢地做『我願意』我都冇咩特別感覺。反而係到佢地去簽結婚証書就眼濕濕，因為佢人生的另一階段要開始了。

臨完場果時，坐係前面果個精靈細路望住我喎，我又望返佢啦，佢就同我傾計，講佢d車車俾人整爛左，跟住又話『好多人都走左lu，咁我地走未呀？！』哈，我幫佢扣返好件『工人褲』，叫佢問o下媽咪先啦。

之後其他同事繼續去旺角玩樂，而我就去左觀塘join我媽咪，今晚係果度食飯ma。我地去左watsons o既開倉度買野呢！買左幾盒『雪完美』o既mask $10/2pcs，同埋一個綠茶犬坐墊呢，幾靚嫁！

不過返到屋企都好晏了，傾幾句計又12點，聽日又要返工，d急救又未溫，唉‥‥‥

又一日

今日十點幾就起身，搞掂晒d野就睇左陣個DC 個說明書。係呀！我屋企終於邁向左digital o既年代啦！我地買左Canon IXUS 40 ，今日叉左電試左機啦。之後捉阿媽做我patient等我practice 包紮。紮得唔係好熟，不過最重要係唔記得咩病要做咩包紮同處理，今晚要背多幾次先得，而且仲要背CPR o既程序。仲有2日就考試了。

同人地一起做project做左個下午。人地真係唔記得左(定係根本冇買) 聖誕份禮物，有d唔開心。今晚要話佢先得。

聽日要join我舊同事的婚禮了。

努力

今日成日係度pair o下pair o下咁 (冇野做係咁嫁啦~)。到放工先醒起我未作個『環保』個篇野，係地鐵火車就拿拿聲作啦。好彩作左咋，第一個就係我講，講唔晒我d內容，而且都講錯幾多字。今日都交左份考試form，不過唔記得左貼相入去，要補寄返。

要快d睇急救啦，仲要實習先得呢‥‥‥下星期二要考了。

聽日放假唔洗返工！不過要幫人做野呢~

=P

今日返工返9點50a.m.，俾人話我遲到呢！又會咁o既返工9個月先黎捉我呢樣野...^_^"
今日又係冇咩好做，做左d testing 寫左d docs咁

唔記得左作文聽日可能要講個『環保的認識』。不過唔緊要，呢個題目唔難。

考試

仲有7個工作天‥‥‥就到一月中啦！！今日supervisor問我點解早走，嘩！上堂ma，不嬲都早走嫁啦！放假放懵左佢咩~！好彩我有俾左個張上課紙俾admin，有晒evidence。

今日派左普通話考試果張form，會係3月尾至4月頭考，而家仲諗緊考對人果隻定係對電腦果隻，價錢唔同嫁。而且得返大約2個半月時間，都唔知溫唔溫得切。d同學有意思搵miss 做私人補習，不過‥‥‥我自己興趣就唔係好大。時間又唔係多，又係一group人傾，1個鐘4個人每人都講唔夠廿分鐘野就4舊水啦！而且我自己講得都唔係好差果d，今日miss都話我錯字唔多，係對文章唔夠熟所以停頓位唔arm、唔夠流暢。聽講考試流暢都係好重分嫁。

聽見果個同學仔，同我阿妹一樣大o既未來教師，完全係讀唔到，讀親都錯又成日走堂，都話報考試。我就覺得佢合格都好有問題啦，冇扣突分就算佢好彩啦！都仲咁勇又考呢個試又考老師果d普通話測試，真係登佢屋企人個荷包心痛。2個半月時間都唔會expect有太大的進步，佢個目標仲係同我一樣，係二級乙。我問過老師好多次，佢都唔話我夠班拎二乙呀！再加埋緊張令水準下降，三乙都得o既我諗我。幾次都忍住左口，好想同佢講‥‥‥面對現實好d，唔好咁急3月考，考8月或者11月，多d時間溫個機會都高d啦。

等我下星期考完急救，就全力溫普通話。我想今次考到二乙，之後再讀多次，再考個一甲/一乙返黎咁就very good啦。

呀！漏左一樣野。今日幫阿爸買糖水外賣等緊果時，有個男人行過黎企係我身邊仲好親密咁喎！我即刻行後一步，以為佢想我借過，仲即時望住佢個樣睇o下係咪真係識嫁啦。點知見佢對住我笑，心想，死啦！又係痴線o既。佢望左我幾秒就即刻say sorry。原來...佢認錯人啦，以為我係佢女友，果個女仔穿白色褸帶粗黑框眼鏡，我穿軍綠色大褸普通眼鏡，咁都可以認錯~

捐錢

返工第一日，一返到去個supervisor冇俾野我做喎！我梗係自己做自己野heir 埋d時間佢啦，不過我冇玩嫁，我只係睇java d newsletter之ma。點知十一點幾十二點果時佢就走過黎問我有咩做，我好坦白咁講冇野做，佢就炳我啦 (例牌啦！)。個manager 明明就係由得我自生自滅嘆埋呢幾日呢，我想做佢都叫我don't worry 嫁ma，點知個supervisor又係另一種人。之前明明問佢果幾板洗唔洗做，佢自己話唔洗o既，等人地咩都搞掂晒果時就話要做，又唔記得自己之前講過咩，d人真係麻煩。都唔緊要啦，費事我諗爆頭都唔知做咩好。不過聽日應該就做完嫁啦，千其唔好俾我做d杰撻撻o既野就得啦，執頭執尾都唔緊要。

老豆老媽子不停叫我去捐錢去積陰德，今日lunch去左KFC度食，因為今日佢義賣呀！佢賺o既錢扣左成本之外會捐俾宣明會。之後心諗要捐多d先得o既，點知又唔見佢店度有捐款箱，放工係MTR又唔見，去到火車站見到啦！不過因為冇咩人行過去，我又怕‥‥‥唔緊要屋企果頭仲有馬會，最後都係係馬會捐左啦。捐完就不停係度諗，我係咪愈黎愈孤寒呢？做左野2年幾，都冇買過咩野俾自己，咩IT產品都冇，除左平時同朋友食飯去街，請屋企人食飯睇戲，間唔中自己食餐勁o既之外，都冇咩地方洗錢啦，做乜捐果少少錢都有d唔捨得、手震震咁o既呢 (當然係誇張啦，我未有耐『柏金槂』)？唔得唔得‥‥‥

好奇怪o既人，我同事，平時已經成日話Microsoft d野唔安全，今日話馬會有捐款箱係呃人o既，馬會信唔過，好似睇咩都係衰o既咁，好怕俾人呃咁。好似我老表咁，成日都陰謀論，而家d後生仔想法咁騎呢o既~

尋日唔記得講，聽到我妹傾電話果時，話聖誕節佢放工同埋d同事/朋友去左蘭桂芳玩，好似話‥‥‥拿，好似話有人話佢索，仲問佢係咪所有佢d同事放工變身後都咁索！我嘔~嘔~嘔~
果個都唔知咩人、咩眼光黎o既，你話啦！而家d化妝品真係勁啦！唉‥‥‥

最後一日

今日係長假期的最後一日，依照慣例都係訓到十一點幾十二點先起身嫁啦。起身之後食左粥，打左陣機，今日打左『鋼之錬金術士2』同埋『海賊王』。兩隻都打唔過某一關，打到頭都暈埋。之後上網又冇咩人係度，唉‥‥‥最後都只好睇返急救書，睇左第五課，超級多野記，講心臟病同休克。

夜晚又開始左韓劇天地『嫂子十八歲』。

聽到有人成日同個ex講埋晒d令自己唔開心、心up o既野，只係忽然反省o下，點解會做埋d令自己唔開心o既野呢？係咪我地女仔都有自虐o既傾向？

有做野嫁我！

今日訓到下午2點先起身，梗係啦...我係凌晨2點幾先訓嫁ma！一訓就一定係一對鐘先起得身嫁啦！呵呵！

今日起身都懶洋洋冇咩好做o既，執返好d野，就上網啦。睇左Beyond our Ken，都幾好睇呀！仲有今日有做mask啦！我皮膚一向都係比較乾，尋日出街吹兩吹風就見到d皮膚有甩皮啦！所以今日就用左一個保濕mask啦，而且妹妹幫我買左boots o既 N^o7 o既保濕呢！

不停係度爭扎今日做咩好，結果都係選擇左睇急救書。都睇左1-4課嫁啦！全本就16課。睇睇o下都幾多野記嫁！另外仲玩左個flash game，都幾難玩，搞到要搵newsgroup d攻略先得呢...

好！今日完啦！訓覺！

超級凍‥‥‥

今日真係超級凍！朝早起身起得遲左，索性慢慢黎懶洋洋咁執o下呢樣整o下果樣，同阿媽去mcdonald度食埋早餐，先至返學，果時都已經係11點啦！返到去mandy係度睇緊書，我就自己先做左次成人o既CPR先，因為尋日阿sir話我唔得會fail ma。跟住就包紮啦！好似有俾人埋怨我遲到o既聲氣呢！不過，我本身對急救興趣又唔係大，我都係本住陪人o既心態去之ma，返大學都有得走唔走堂啦！而且d 錢又係我自己俾o既，我要放棄幾個鐘唔上堂黎陪我媽咪食o下早餐，傾o下計，都冇咩問題o者！

下午食完飯返去又做多2次CPR又再包紮 (好悶呀‥‥‥)。4點就做左份筆試，30條都arm左24條。比起第一堂做果個筆試成績梗係好左啦！(段估冇辛苦)講埋答案都放學lu，返屋企換衫呀，執野呀，就出去阿man 屋企大食會啦。

阿man 屋企今晚有15個人同一隻狗。15個人內，有3個人同一隻狗女(Macy)係新識o既，有一個佢見過我but 我冇咩印象o既 (=p)，其他我都識o既，but 就唔熟law。一黎冇見太耐冇咩講，二黎唔係咁熟都唔知講咩好，所以成晚都好靜。一夜我就有累o既感覺，連續4日朝9晚5o既急救班實在令人體力透支，而且放假都冇放假o既感覺令人心理上好沮喪，所以9點到我就開始唔想講野同眼訓了。冇法子啦！都係一句，老law‥‥‥

交換禮物時間，我都係最鍾意oscar 抽到果個拆信刀，真係好靚。另外知道有個同學結左婚，另一個下年都會結婚。卿卿我我o既，羨霎旁人。