有線電視

夜晚阿媽好勞嘈的打上有線電視的客戶服務熱線。事緣我地個合約就黎完，阿媽早一個月前就打去叫佢寄張終止合約表格過黎，佢話要等7日。點知7日後冇收到，又打上去問啦！呢次就話電腦度mark左16號會寄嫁啦！公司規定16天前先可以寄出。ok，咁又等啦，22日應該收到啦掛？！點知又未收到，又打上去問。個職員話寄出左啦，咁我地係收唔到ma，佢核對多一次地址，之後話再寄過俾我地，但係到今日都未有。

阿媽氣憤難平，即晚又打上去個hotline，搵到個叫jay lau的職員問啦！唔問由自可，一問佢又話寄出左好多次，要佢確認係邊日寄出同寄左幾多次，佢先支吾以對咁話16日寄左一次！咁就咪講寄左幾次啦！22號話會再寄果個職員即係冇寄到啦！吹咩水呀學人。咁我媽梗發難啦，早成個月拎張表格都拎唔到，叫佢即刻俾個解決方法我地。佢話fax，但係我地屋企冇呀ma，叫佢寄掛號黎，我就唔信郵政署寄封封信都寄失！點知佢居然話冇其他方法，叫我媽天寒地凍走去7-11，再打上黎hotline等30分鐘搵返佢，佢fax過黎。我xy佢個z，而家佢係客服定我地係客服？佢地部門係服務客戶定係要客戶服務返佢！？都痴線的。

我同佢講叫佢send email過黎啦張表格，佢又唔肯，又話公司規定。佢申請服務個表格都係網上download到啦！做咩終止合約張表格就唔可以download？唔download得都可以send過黎掛？！明知我冇fax機又係都要用fax；俾左個地址核對幾次，都係寄唔到信黎o既；話去門市度拎又話門市冇得拎，一定係佢地寄/fax。咁分明就係唔俾我cut contract o者！？

於是我寄左投訴信去佢地客戶服務主任，為免佢地私相授受，我仲寄埋去東方同蘋果投訴區，等佢地幫我跟進。

奇遇

尋日call阿邦想話約埋一起去Daniel屋企拜年，點知打極都係voicemail。今日一早見佢online咪問佢得唔得閒啦，點知果個人話佢唔係阿bong。我以為佢俾左佢女友用佢account，定係俾佢細妹用左佢個電腦，點知‥‥‥

條友仔居然去左韓國玩！同我傾計果個原來係陌生人！阿邦係酒店開左msn唔記得logout呀！！hahaha~ 笑死我啦！佢係酒店大堂就咁開左msn就走左。跟住同個陌生人傾左陣計，佢話佢5月黎香港同埋澳門喎！之後就say bye啦！佢仲叫我記得提阿邦，記得要logout 自己個msn呀！哈哈！

不過個人走左，都冇順手幫佢熄msn。由得佢開住...kaka。

(唔知...我係咪...咪人玩...緊呢？！)

好慘~

尋晚收市仲諗緊好唔好趁仲係10蚊時賣左隻果汁，拎返2千。今日一起身，美股又話跌，返到公司一睇，唉~

果汁跌左去$9呀！冇2千蚊賺啦！其他手上有的都跌左好多~ 不過唔緊要，反正我都係得好少(因為錢少ma)，繼續持有先~

紅粉任務失敗！

係屋企左搵右搵，居然一張都冇呀！！
點會咁嫁！？
我而家先知原來真係乜相都冇呀！！
我得兩張，係果時係singing contest 全莊一起影，同埋我同梁漢文影的。
我真係明明記得我係有收過一張剛上莊時影的相的，究竟去晒邊呀？？？

o'nite我自己都真係冇相，唉~
Echo, Kenneth, 真係唔好意思呀！

soc房d相梗係俾下屆莊丟晒啦！！！有冇搞~錯！！

喜事連連

今日收到小白電話，話以前同阿christophe傳拍拖果個CSA SOC的ECHO同我地Department Society=> Mechanical Engineering Students' Society的其中一個莊員kenneth拍拖拍左好耐，近日要結婚。你知婚宴實會有d 短片播返細個果時d相嫁ma，佢就打黎搵我地啦！點解？

原來佢地初相識就係係我地ESA搞的O'Night呀！！就係咁樣撮合左佢地兩個啦！佢打黎問我地有冇o'night d 相！小白返左poly soc房度搵，發覺除左我地果年，年年都有相係度。於是就搵我睇我有冇囉~ sabrina都冇呢~

聽到呢個消息，感覺好溫馨。雖然我唔識kenneth，echo都只記得有一個咁的人存在，不過經我地活動撮合一對新人，心情真的感覺超~好~

返去搵下有冇相先~ 不過機會都幾微。

Antony

查實我就真係唔係咁妥我對上果個SAP。雖則佢以前係呢度做過，而家回流返黎，係熟d呢度o既野。但係佢真係很令我急躁。當我想問佢d野，快d get個answer，佢總係要up一大輪已知的野先up個answer。好多時我係諗完晒用咩method，只係apply時有d coding問題，佢就由點解用呢個method開始challenge我。大佬呀！我問晒我mentor問埋sa，你答我個問題就夠啦！仲問其他野做咩o者？

今日我問佢少少野，佢真係當我係白痴，解釋俾我聽d code通常點寫。我夠知可以咁寫啦！我係想問除左呢個方法，仲有冇另一d option o者~

PK!!!

尋晚發現我中左果汁1手咁大把。一早起身諗緊賣左果汁、入多d貨、定係擺埋一邊唔理好，又想到呢兩日都要OT趕deadline，心情已經唔係好。仲要俾我遇到個PK!

之唔係我話d男仔真係天真。成日以為d統計假！人地話香港女性平均每人都有一次遇見色魔，中學同學challenge呢個結果。拿！我一個人都快要有10次啦！今日又lai野啦！

當我上火車的時候，人好逼，隔離企住個西裝友，一隻手扶柱，另一隻手拎公事包，面向我。而我則孭住個大的側邊袋，面向門口如下圖。咁好啦，火車開啦，呢d咁逼的地方我梗係起晒踭，頂住先。果條西裝友忽然不停的深呼吸，又成日向下望。我又唔係穿短裙，下面有咩咁好睇？！於是我就開始留意佢啦。每到一個站佢又移開少少，最初以為我個手踭頂住佢所以佢移開。但係佢移左去我後面，扶柱的手就拎公事包，另一隻手hide到我一、兩次。我就梗起疑心啦！平時我咁鵪鶉，今日我心情唔好你走黎搞我！？果然當車有d搖晃，佢就將下身貼過黎。之前朋友講咩即刻轉身bear佢果d方法即時閃過我腦海‥‥‥，不過我都係冇膽正面望佢，但係我都冇讓佢繼續落去，一個側身zip左係佢頭先企果個位，大袋將佢隔開左係我右邊。SAFE!!!

自己安頓好，就自然深深不忿。於是我回望究竟係邊條西裝友，居然俾我見到個target已轉身背向我，懷疑向另一個女仔下手如下圖(橙色者係我)。於是我緊盯住佢背影，我隔壁的男仔都奇怪地望下我望d咩，當然人太逼，我望唔到係咪有貼上去。但係一個站後果個女仔就轉位唔係佢前面。






















之後佢仲唔死心，車廂已經唔係多人都唔係逼，佢都移去另一個女仔身後企得好埋。我又係用我熱熾的眼光極度留意住佢，可能佢都有少少察覺俾人盯住，所以係沙田站個女仔下車時，佢又跟埋下車。

本來我都以為佢終於落車啦！但係我眼光仍然望住佢出左車廂，居然走去隔離車卡條隊又逼返入黎！此時唔講粗口的我都忍唔住講左句『Pok Kai』，可想而知我心情係幾咁惡劣。見佢又逼向瑟縮係柱旁的女仔，我都無法忍氣吞聲，拎左我個手提電話開個拍攝功能，想話將佢的相貌於internet度流傳。可惜我距離太遠，只可拍到佢半白的半禿頭。

也許佢都幾在意我的眼光，因為佢睇左我幾次，當然我地眼神有接觸啦！又或者佢留意到我想拍佢個樣。於是佢就不敢造次，企返係男人堆。到旺角站時佢就下車了。

良坊生日會

睡醒睇左陣劇，『惡男宅急電』同埋『19歲的純情』。縱使欣欣話呢兩套都唔好睇，我都係堅持load左就要睇埋佢！當然仲未睇晒~

夜晚出左去長沙灣度參加良坊(唱歌班)的生日會。去左間叫日之旺的restaurant度食鐵板燒。ok咁啦，阿Ben哥哥原來結左婚，今日要佢陪我黎真係有d唔好意思tim。我怕同其他人冇咩野講ma~

不過原來生日會都唔係好多人黎o者~ 都係d main person。食完9點幾我同另一個ben一起坐地鐵返屋企lu。大家都係中大生！

Mario farewell

尋日一早Mario打黎問我係咪試佢整日本野的手勢，睇下我sat/sun邊日得閒。我即時方寸大亂，拿拿聲約阿欣同阿妹，問下家輝佢地點，又要諗邊度有地方佢煮。諗左一輪都係決定同佢出去食飯算啦！費時搞到婆婆個廚房。而且佢唔知mon定tue就走啦，當係同佢farewell咁啦！我原本想去火間土度食鵝肝壽司，後來又想到之前都想去試o既水車屋任點任食，不過最後都係去左壽司亭度。

我地一行4人去左尖沙咀的壽司亭，座位自成一各，叫左壽司拼盤、刺身船仲有d小食。原來mario鍾意食吞拿魚腩喎！咁我地3個女仔梗係傾下八卦野，講下唇膏，又互爆咁啦~ 至於互爆咩...秘密囉...=p

我今次真的係狠狠地拼命，所以食完飯都好飽。之後我地轉戰『哈根丹士』，我都係痴妹妹食左少少雪糕咋！差唔多11點，我地就分道楊標。妹妹同阿欣返屋企先，我同mario搭地鐵。唔好以為我咁好紳士風度送佢返屋企，其實我只係有下場，去旺角唱k o者~ Mario話覺得今晚食飯幾好，傾下以前d野笑下咁。咁都好d，我就怕佢唔喜歡聽八卦野，又怕唔知同佢講咩好。

11點幾我到左瓊華中心的neway，第一次黎呢間。今次唱k的人唔多熟嫁，有Diego(?), Eric, Jason, 箭豬(?), Virginia, 清清, Sunny, 阿king.....其他的唔記得了。我原本想話坐一坐12點就走，點知去到都已經11點幾，於是就同d女仔講好唱到兩點。箭豬俾我的感覺其實好似eric style嫁！ 佢好多首歌都識唱，雖然唱得唔係好好，但係可以睇得出佢投入好多感情，因為佢次次唱都會先合起雙眼。哈！呀Jason就仲怪。不停的點埋d老餅歌，英文歌，但係自己又唔唱，好心就俾我點返d我想唱的歌啦！sunny話佢10點開始時就係咁啦喎！另外一個叫eric，佢帶住帽，聽sunny講，好多人都話佢似側田！我個人覺得ma，佢有鬚有頭髮，邊度似側田先？！virginia把聲就似我一樣咁單薄，不過佢係似stephy果d聲。而阿清反而把聲低沈d，似何韻詩果d。阿king就好夠氣，唱哥哥的歌都好似。sunny老實講都有d功力，不過相比起黎，技巧太多，反而d氣弱囉。

至於我ma，我覺得自己把聲真係有入到咪多d，起碼比起virgina好。virginia唱左好幾首歌，得一首佢solo時，eric先話『終於聽到你把聲啦！』。我又『唔覺意』唱左首飲歌『我真的受傷了』，唔係我點嫁！係佢地點左王菀之同張學友合唱版咋！hehe~咁可想而知，又係盛讚我把聲似佢啦！另外同king合唱相思風雨中，都獲得一致好評！YEAH!

最後我2:30先返屋企。

死啦...

臨放工先話下星期三想我交貨，另一樣野又要test。想做死人咩！逼住要OT啦咁！已經幾晚都做到7點幾啦！

續﹕B級人生

同事分享的文章。我同意亦相信每個人都想有個B級人生。

『其實就是 B 級人生的真義，擁有一定水準的金錢，做自己想做的事情，才是人生的贏家。』

根據文章，何謂B級人生？

『B 級上班族雖不是高薪族，但還是有一定生活水準，也還買得起車子等用品。』

我既買不起車子，亦買不起房子，生活水準亦不高，又唔高薪。很可惜我的人生還是在C級，甚至D級的領域內。

Ｂ級人生

快意享受Ｂ級人生走出 A＋成就迷思
你想要過A級人生，事業有成薪水頂尖，卻犧牲掉其他全部人生，還是想過 B級人生，寧可降格賺次級收入，卻能享受精采人生？這取決於你如何衡量「人生投資報酬率」。若是成績單上出現B ，大部分人聯想到的，絕對不是「Better」，而是「 Bad」。

B這個字母，長期以來被認為是「次等」的表現，每個人都奮力想達到 A，甚至 A+，彷彿若不能達到 A的成績，就是不夠努力與稱職。 但人生凡事都追求A，一定能獲得滿足感嗎？ 享受生命的充實感最近「 B級人生」的話題，在日本引起不少討論。起因於經濟專家森永卓郎，把人生分成三級：A 級人生是「有錢沒閒」； B級人生的「錢少一點，但是有閒」，可算是「有錢有閒」。至於 C級人生則是經濟困窘，可能是「有閒沒錢」(如失業者)，也可能「沒錢沒閒」 ( 如底層勞動者 )。森永卓郎認為，B級人生是最有滿足感的生活。若每天工作10 幾小時，犧牲家庭與休閒，不惜一切代價追求 A級人生，即使賺到A級財富，沒時間享受也是枉費。B 級雖然收入次一等，但還是能維持在一定生活水準之上，反而因為付出較少的代價，有時間去做自己想做的事， 享受生命的充實感，所以整體生活絕不輸A級。 因此，森永卓郎特別強調「 B is Beautiful 」，認為「B is Better Than A 」。

精算人生投資報酬率
B 級人生這種價值觀的出現，有其社會淵源。作家劉黎兒指出，日本經過長年經濟不景氣，原本「 1億國民都是中產階級」的社會，已經不再回頭，轉成「 1％超級精英＋ 99％平庸上班族」的結構，除了極少數A＋超級精英之外， 99 ％工作者的薪水都在遞減，再怎麼努力也是枉然。 在這種社會結構下，「一分耕耘、一分收穫」的正比例關係被打破，打拚不再保證出頭天，「努力必有回報」也成為一種欺瞞的說法。 因此，許多日本上班族，開始思考「人生投資報酬率」的問題。當付出無法獲得回報，他們不想再無條件賣命給公司，寧可將更多時間用來享受家庭生活，或是經營個人興趣休閒。 B 級上班族雖不是高薪族，但還是有一定生活水準，也還買得起車子等用品。比起將人生全部送給公司的 A ＋超級精英，誰的人生比較劃算，答案不言可喻。

贏了事業，輸了人生
有人用古瑪雅文化的活人獻祭，來形容追求 A級人生的工作者。瑪雅皇宮貴族居住的中心地帶都有一個球場，凡是贏得球賽的人，就會被當作被神所選中的神聖的人，由祭司血祭給神； 而贏家被砍頭祭給神明，被看成是件很光榮的事。 超級精英不惜一切贏得 A級人生，就好像在瑪雅球賽最後贏得勝利的人，所換到的不過是過勞死。 根據統計，日本每年死於心臟病的 21 萬人，至少有 20％是肇因於過勞，其中多半是中壯年上班族。追求 A級人生本身沒錯，只是若只把人生當成是一場競技， 就算贏得了勝利，卻輸掉了身體、輸掉家庭、也輸掉人生，這樣劃算嗎？

事業高度 Vs.生命廣度
但追求 B 級人生，是否太消極呢？一位在媒體任職的劉小姐認為，B級人生重視「人生投資報酬率」，從追求工作表現的「高度」，轉為追求人生多采多姿的「廣度」，這是一種價值選擇的問題，與人生是否積極進取無關。她以研究所成績為例，一般研究生表現普普大約有 85分， 稍微認真一點有86分，一定要表現很亮眼才能拿到 90分。她自己每天不眠不休，念完所有原文 papers才得到 89分，但其實只要稍微多花點心力念書，已經可以得到 86分。為了多得那 3 分，劉小姐捨棄了社團活動與假日休閒。 「一學期 120天，每天多念3小時書， 360小時只換來 3 分，想想真是劃不來；若是拿 360 小時做其他有意義的事，人生想必更精采。」劉小姐認為，不論是課業或工作，都適用80 ╱ 20 法則，即80％的成績，來自於 20％的付出。假設你有 100 小時，只要花20小時做A工作，就能拿到 80分，剩下的 80小時，你有兩種選擇：

1) 精益求精在 A工作下苦工，最後拿到滿分100分；
2)去做 BCDE 四件工作，每件工作投注20小時，各拿到 80 分，最後總分是 5×80＝4 00 分。

哪一種時間運用方式，投資報酬率較高，可帶給你更大的滿足感？這就是 B級人生所要思考的問題。 從連續2年蟬聯年終獎金第一名的理財專員工作引退， 寧可在銀行櫃台當一般行員的安小姐，就是選擇 B級人生的例子。 工作樂趣蕩然無存 大學畢業後，安小姐就在老字號的三商銀擔任臨櫃行員，辦理一般存款工作， 5年前銀行民營化，她在組織重整後，被調到貴賓理財部門。 剛轉換跑道時，她相當滿意理專的生活，「可以說是虛榮吧！」安小姐說，這幾年理專儼然是當紅炸子雞，金控為訓練理專「伺候」金字塔頂端客層，安排許多繽紛的課程， 安小姐轉跑道第一年學到很多新鮮事，包括高爾夫、品酒品茗、藝術鑑賞、插花、命理星座等。課程的多采多姿，讓她學到許多人際應對技巧，而且第一年就考上多張證照，還幸運地拉到幾位「 VIP大戶」(資產超過 300萬元 ) ，使她從工作中獲得不少成就感。每想到，第一年的一帆風順後，銀行開始調高安小姐的績效指標。 「公司把我的業務目標訂得『比山高比海深』，高不可攀的業績壓力， 令我深感挫折，工作樂趣也蕩然無存。」安小姐說，當時每天加班到晚上 10 點是常態，甚至周末假日也不得閒。 「我不怕累，但我最怕客戶賠錢。如何在業績與顧客權益取得一個平衡點，令我飽受煎熬」安小姐說。 安小姐去年決心向公司遞出辭呈，但公司基於愛才，強力慰留她當銀行行員。 人生，要學習「減法」 揮別年薪百萬的工作，安小姐沒有後悔。她說，人生前半段的職涯規畫，是一種「加法選擇」，所以擔任理專時，她不斷尋求各種可能性，為自己的職涯資本增值， 包括薪水、職位等等。現在她則把人生當成「減法選擇」。她說，減法管理其實非常簡單︰在人生諸多追求的目標中， 如金錢、地位、家庭、愛情、享受生活等等，一項一項刪除不是最重要的東西，最終留下一兩項，就是自己的人生目標。

33 歲的李勇毅過去一直是個眾人稱羨的電子新貴。 擔任晶片設計研發工程師期間，李勇毅形容說，自己每天至少 12小時和電腦相親相愛，忙碌一天後，再也提不起力氣做任何事，下班就直接打道回府，頂多倒在沙發前看電視， 洗個澡，睡個覺，又是另一天的開始。他表示，大部分工程師的生活乏善可陳，根本沒時間參加聯誼活動結識異性，所以曠男怨女一堆。「工程師最大的座右銘就是努力工作、趕快賺錢、盡快退休。」 再見！電子新貴剛開始李勇毅也是抱著這種看法，但3年前他找到人生摯愛的伴侶， 婚後生活有了重心，他開始無法忍受一天工作 12 小時的生活。

「 4月結婚、 5月就決定考公職、7 月如願考上高考第一志願電力工程，分發到民航局上班。」從電子新貴到小公務員，李勇毅的薪水足足縮水一半，但他毫不後悔。「以前我用時間換金錢，現在我用金錢買時間，把過去加班的時間，用來享受天倫之樂。 作家吳淡如說，「賺錢也賺到人生，才是最大幸福的人。」人生和金錢的關係有四種可能狀況：賺錢也賺到人生、不賺錢卻賺到人生、賺錢卻賠上人生、不賺錢也賠上人生。 前兩者都是成功者，後兩者則為失敗者。賺錢也賺到人生， 其實就是 B 級人生的真義，擁有一定水準的金錢，做自己想做的事情，才是人生的贏家。

靚仔

Prison Break 1 內的靚仔男主角Micheal Scotfield(Wentworth Miller先係真名)。佢戲入面好有智慧地諗計，同埋笑起上黎都好attractive!

Cute & Hot!

Mario 表弟話香港女仔都係cute only，正o既女仔應該要cute & hot! 女仔要靚只要識包裝就可以，但係個魅力唔係可以話營造就營造得到o既~

就好似佢咁，Angelina Jolie!

大年初三

都係十點到起身，prison break。到下午5點先出去伯伯屋企拜年同食飯。

今年新年賺到的利是仍然未能突破1000大關，仲落後得頗多添！

幾日狂睇prison break，22集終於剩下5集！

大年初二

十點幾醒左做左少少功課，因為尋晚大年初一同學仔Andrew就打黎問功課。我都未做過，點答。不過做落發覺真係唔識做，尤其係阿sir d notes實在太簡單，簡單到16張Slide教3個星期，鬼記得佢教過咩~

等阿妹醒左我地又開場睇Prison break，原來真係幾好睇。男主角都幾靚仔嫁！夜晚我地到沙田睇『門徒』，我覺得ok啦！不過有一段吳彥祖同女主角搞野時發現女主角吸毒的針痕，冇咩必要影咁耐喎！最尾女主角屍身滿佈老鼠，勁似之前馮德倫同阿gil拍果套鬼片，又係個女角成身都係老鼠。奇又奇在個細路女見阿媽成身老鼠，走去搵吳彥祖果時，居然係嗌肚餓而唔係嗌好驚！

之後係ruby tuesday度食dinner，叫杯露比傾情，有酒精成份，waitress居然要check我身份證！那！又一次證明我係如何地咁青春！呵呵~

大年初一

照例很早就要起身，食左飯就出門口去婆婆屋企。今年表弟Mario都會係度，因為佢原本係去飛洲返新工，點知去到先知仲有半個幾月先有工開。於是佢就返黎香港過埋年，再返老家澳洲，先至飛返去非洲開工。

上到去傾下計，等齊人，做晒d收利是的工作，我地先落去neway唱k。唔記得左幾時開始我地表姐妹初一會一起去唱k，我諗應該都係唔到3,4年o者。因為阿爸阿媽要打牌，我地留係果度又唔知做咩，又會逼住間屋，所以去唱k就大家happy。mario都一起去唱k，不過原來佢係唔識唱歌的，所以佢去到玩msn仲happy。可能因為人少，我起7個人就霸左個party room。mario都有開金口唱左隻歌過我地聽，不過我已經唔記得係咩歌，只係我相信係一首好舊的歌，有一句好似係『Women is a tramp』。唱到5點45我地先上返婆婆屋企，mario話唱左成個下午，最好聽的係唱『滾』！攪錯呀！即係話我solo左咁多首王菀之都唔得o者~！哼！

其間心螢表姐話我個頭剪得太碎，叫我留返多頭髮多d女人味喎~ 話我而家老喎！>_< 雖則唔係第一個話我頭髮剪得太碎頭髮太少，但係都hurt hurt地嫁ma！不過我d朋友有d話而家個頭好睇d，見人見至啦！我都會慢慢留長o既應該。

夜晚返屋企食完飯，又黎Prison break!

團年飯

一早起身就要化妝，準備下午表演。我聽足d同學仔話叫我穿d鮮色d的衫，比如係紅啦，同埋唔好穿牛仔褲牛仔裙呀咁，仲有女仔最好就穿裙。

12點半到就起程去馬鞍山廣場，點半到就去到見到個台啦。個台基本上應該係長期都放係果度，係個商場o既。而佢地只係放個banner上去o者，鬼咁細。報左到，我就坐埋一邊repeatly咁聽我隻表演作品，因為我好怕會唔記得歌詞。我完全覺得俾d同學出賣晒咁囉！個個都穿左牛仔褲！d男仔唔係黑就係白，攪到我地幾個(唔止我一個被出賣) 穿得紅當當，勁怪相！原本話2:30開始，點知又未得，因為佢地冇帶用電腦駁audio的線，所以又要等。屋企人2:30就到左，原本話同我影相o既，點知阿妹又話想去維園買豬腩肉cushion，最後我都係放左佢地走囉~

差唔多3點幾，阿sir先拎d線到達。出show時唔好叫佢阿sir喎~ =p 跟住就開始個rundown。我排係中段，所以我就坐係台前一邊睇一邊放鬆心情。睇左兩part solo兩part串燒歌，我個人覺得水準一般。雖然所有表演者我都見過，不過唔係個個都我都聽過佢地唱歌。有d得開獎的唱得係唔錯，但係大師兄同埋d成日出show的同學，上到台都係會失手。好似甩咀啦、入錯位啦，原本唱得唔錯，都總係因為唔記得歌詞同埋入唔到位而大打折扣。由其係zero，佢串燒歌果度先唱4-5句，成part歌詞都唔記得，只好係度傻笑，師兄ricky即刻幫口唱，但係zero同ricky唱的歌詞居然係唔同的，仲顯得zero唔識唱。你知啦，唱經典電視劇金曲又或者係梅姐d歌，咁為人熟悉，最吸引街坊都唱錯，我覺得係最大的失敗。吸引街坊留係度聽就靠呢d歌啦ma！

4點多時俊文上去唱，我就走去後台再聽多次首歌，就準備好心情出場。原本我係個dance 組的dance performance之後先唱o既，點知佢地未換得切衫，我只好唱左先。well，我唱得...一般啦，聲音有d緊就實嫁啦，緊張ma。不過我覺得自己唱得都ok，因為我冇入錯，而且我仲有顧及台的各方，一時向呢邊唱下，又向果邊唱下咁。到歌的尾段我都係有幾粒字唔記得左，不過我都扮作冇事咁唱埋先。落左台即刻入後台飲啖茶定下驚，頭先唱緊果時沙律俾左個good手勢俾我呢！5點到個show就完左啦！最尾大家上去唱左幾首新年串燒歌，即係財神到呀、迎春花呀果d。有個師奶居然走埋黎...當然唔係問拎簽名啦！佢係問新年冇野派呀？！haha，『冇喎！』

等埋大家執好野，師兄ricky走埋黎話今次呢個show，好幾個都係第一次出show的同學仔之中，我的表現最好，最穩定，其次就係阿roy。俊文出過幾次show，但係上到台，雙手震到好似彈結他咁，俾我地笑得好犀利呀！

之後我就同佢地say bye去左姑姐屋企食團年飯。又話買盆菜，結果都係自己煮。姑丈個電腦中左毒，個ie開唔到出黎。佢以為裝左spyware就連病毒都防埋！唉~ 咁我幫佢check左一陣毒，因為d表弟猛嘈要打機，最後我都係建議佢reinstall個window xp 睇下得唔得，不過佢prefer唔用ie，用firefox算喎！咁是但啦~

食完飯個心十五十六，因為夜晚我地係大埔超級廣場有倒數show，人地邀請我地去同街坊唱歌倒數。kathy叫埋我一起去，但係媽咪話初一唔準洗頭沖涼，咁即係唔可以去啦！人地個show去到1點嫁ma。結果我媽自己反而破戒，同姑姐打牌過12點先返，仲沖埋涼！我同妹妹同老豆返屋企囉！

開始左睇Prison Break第一輯！

出show

日期﹕2月17日
時間﹕14:30-17:30
地點﹕馬鞍山廣場

各方好友不用黎觀賞，因為我多數都會撻Q而敗。如果有影到video/相，會同大家分享o既~

團年lunch + 老豆生日

好努力地做野，但係情況不樂觀。lunch時同埋同事同埋loans team一起去鳳城酒家度食團年飯，仲有翅食tim。整體黎講ok，不過份量好似有d少。lunch黎講唔會食完好飽。

今日係stanly的last day，所以佢又請我地食tea。

放工係尖沙咀同屋企人食飯，今日老豆生日，我地去左北京道1號的潮樓度食飯。由於天氣唔好，好大霧所以坐唔到窗口位都唔緊要。不過我地叫得太多野食，4個人叫左6碟野，最後果兩碟我地都想叫waitress同我地cancel左佢，可惜次次話cancel，眨下眼佢就送上黎話整起左。又一次逼住咁食晒d野。

天怒人怨

今日開ot開到8點先走，真係對住d code就想死，試左幾日都唔成功。不過最後係離開公司之前都知係點解唔成功，聽朝應該可以做到o既。而且走之前manager仲見到我仲係office，走埋黎講幾句。拿~ 俾佢知我開ot開到咁夜，爭返d表現分，今晚開到咁夜都抵d。

放工太累，都係放棄左去行街，反而返屋企食尋日未食的湯丸。返到屋企食左野，坐左唔夠一陣就黎料。

有件事情。其實基本上唔理你同意唔同意，都事在必行。咁我係度聽事件的來龍去脈啦，我明顯係『無奈地接受』的。我根本就知成件事係事在必行，都知冇咩point可以反對。但係我真係覺得無奈ma，我真係唔係覺得開心喎！雖不至於唔開心同喊，但係唔可以話係欣然接受囉！我面口show左我的想法，我都未開聲，就俾人先聲奪人，一個愈講愈大聲，一個一哭二鬧三上吊，痛陳呢個決定的原因。愈聽面口就愈燶，即係咁，既然件事唔到我決定，而我根本就唔係決策人，咁就無需要同我痛陳利害、先聲奪人。我唔係話事人，咁即係我只係聽眾，又或者係想聽我意見。咁我口都未開，意見都未講，佢地咁急咁up一大輪野做咩！？即係唔洗我講意見啦？ ok，咁又唔係要聽我意見，又話我唔係做決定的，叫我唔洗諗咁多，咁講件事俾我聽做咩？！

即係咁，唔好唔記得事件最初角色係倒轉o既！決定係我讚成先o既，不過有好多野係意料之外。基本上冇人要推翻任何的決定。但係明知件事係要咁做嫁啦，咁每個人都總會有每個人自己的感覺吧！？難道我一定要欣喜若狂咁先至係叫正確嗎？！對佢地黎講，重要的係個決定o者~根本就事在必行，如果我話唔好話唔俾又會改變到d咩？！根本就改變唔到。咁事件超出我預期導至我唔捨得、我無奈，難道就係犯下滔天大罪嗎！？你又怎可能要求別人連感覺都要合乎你的標準？

好啦，終於我發表我意見啦。咁又點呢？一句話你唔洗諗咁多，個團體係我o既，我先係話事人。喂！冇人challenge你係咪話事人喎！？既然你都知道自己先係話事人，你下的決定不容推翻，咁你而家又唔滿意什麼？你極其量都只係通知我事件的發生同經過，咁我極其量都係表達我的感覺而已。

再講，當我買一間公司的股票，我就係呢間公司的股東，係一份子，理所當然地對呢間公司的事務關心；我參與一個會，我付出我會費，我係個會的會員，我自然地就有對呢個會的事務有關心同關注的權利同義務。即使我付出的會費有幾咁少，但係我係有付出，亦都係個會的一份子、其中一個擁有者。咁我為個會為公司諗，有咩唔arm？你係董事係總裁，自然我地呢d小股東冇影響你裁決的能力。但係你要話間公司係你o既，叫小股東唔洗理，咁就唔arm喎！幾小都好，都係股東，都係擁有者，都可以對公司任何一件事有自己的想法。

確實地我唔知我做錯咩。我只係聽左件事，無奈地接受，就因為我的『無奈』就遭殃，俾人說狠話。縱使我無奈係因為我有少少自私，那又如何？我冇反對決定，冇阻礙進展，我只係容許我有少許的私心，容許自己有無奈的感覺。一句公司係你o既，咁即係暗指唔洗你up d咩，咁既然公司係你o既，我又排除係公司擁有人之一的身份，咁我又為什麼要因為一個唔屬於我的團體，做左一個於我無關的決定，而被責難！？

呢d咪叫無妄之災囉！

情報交流

今日同evelyn食飯傾計，先知原來成公司都知wilson d 野，係我地team同wilson果team唔知！

wilson係度做左都唔夠1個月，原來一入黎就睇晒d女仔，mark左另一個team的一個，add左個女仔的公司icq，狂同佢傾計。聽聞最初就係個女仔同佢傾o既，後黎係佢地team一班係咁玩返wilson。呢件事傳到公司個個team都知，就係我地team同佢自己果team唔知。不過尋日anthony先話我知wilson係有女友嫁喎！呢個wilson未免太花心同埋太aggressive啦掛....

情人節

朝早返工係mtr度見到有個男人手指尾戴住都幾大粒的鑽石戒指。係火車俾一個女人的鞋底擦過我腳面，好痛！

返工被問及今日的節目，趁機宣佈單身增加機會。hehe~

前幾日看完『李嘉誠成功的8個要點』。『上帝的指模』都睇到淨返兩個chapter，反而d功課呀、書呀就未溫。呢幾日先體會到不停睇code的慘況。為左搵個exception的原因同埋做testing，整日都係d code度trace黎trace去，真係睇到眼花。

新同事(隔離team)wilson話咁快就走了，今日係佢last day。聽聞佢有另一個offer，salary同呢度一樣，但係就係data warehouse度做。離開的原因一黎係想試做data warehouse，二黎就係頂佢地team manager，即係我地個team manager(同一人)唔順。上次飲野果時都聽過少少嫁啦，不過原來真係咁嚴重。我自己個人都唔多like個manager，因為佢喜歡擺款，次次我見到佢佢奉旨唔笑嫁喎！成個黑面神咁。尋日俾張糧單我，見我做緊野，就pat低係張table度，冇d禮貌，係要輕放唔係pat囉！不過之前stanly都講過佢最初又係好唔like jones呢d attitude，不過久而久之習慣了。其實我同jones都冇咩野需要接觸，因為我係佢下屬的下屬的下屬的下屬ma！

放工就去上堂，今個星期開始唱歌班改左由8點15分開始。所以施施然買埋蔥油餅買埋野飲上去，都仲係冇人，只有上一個鐘的個人包堂zero。由於新課室的出現，同埋新老師的加入，我地班的人數由8人攤返去6個，感覺好好多。平時塞係度傾野的人都唔再係度出現，因為去晒新課室，所以呢度特別的寬敞。今日因為cathy遲到，得我一個女仔開聲，阿sir同阿ray都話好左好多，又上到高音，唔知係咪上次rehearsal係新課室度唱的功效。其實有乜得功效呀！新課室果邊又細又乜都冇，上次我仲有焗同頭痛的感覺！雖然佢係好近火車站，不過我都唔打算轉去果邊上堂。不過上次係果邊唱真係乜聲都冇，我覺得係因為果度地方細，怕嘈住人地所以d迫響開得好細，個個都唱得差囉。

上完堂時都成10點，其他人買左盆菜上黎等我地落堂就開餐，我話左返屋伕4食糖水ma，咁緊係走啦。子峰有問我留唔留低一起食，不過都係算啦，個個留低咁個盆菜邊夠食！？可能大家見多左幾次面，熟落左d，zero 居然攬住我......個袋(hehe)想話唔俾我走，咁我緊係用暴力解決啦！走的時候阿ray又問我去出show果日穿咩，有d咩呀！我都冇買咩衫，新買的衫都係返工穿嫁ma。又冇咩裙，我大概都係同返工差唔多look嫁啦。zero, ray同子峰就大叫『No!No!No!』3個男仔七咀八舌講出show要穿得好d，叫我穿條裙，多d顏色，化個妝...etc. 早走早著~

行緊去地鐵站時收到gary電話，原來佢同sherman, alice一起係沙田，咁我就入去join佢地吹陣水先返屋企，順路ma，我又有全月通。之後就傾到12點就返屋企lu。仲要上網答返中學同學newsgroup一篇文先，點幾先訓。

情人節都過得不寂寞呀！^_^

麻蓉湯丸

尋晚姑姐姑丈黎接我放學，因為要俾d糕卷俾我媽，於是我放學就係又一城坐佢地便車返屋企。車程中當然傾下呢樣果樣，爆下屋企人d瘀野咁啦！不過我仍然保留最大單果單，因為應承過唔爆出去o既。落車的時候，姑姐仲俾左盒麻蓉湯丸俾我地，話佢仔仔食到lam lam 脷喎！係銅鑼灣一間南貨店度，出名賣呢d中式野嫁喎！名我唔記得左啦，不過拎到返屋企，阿妹睇到個名就話﹕『哦！呢間梗係好食啦！』可能真係出名掛！今晚試下先得！

不過又去唔到又一城買果條裙了。

回函

Dear 情人,

關於您轉調部門的提議，經過董事家長會開會討論後，以下決議事項向您說明:

因您當初面試時的職務為情人，標準與要求一開始就跟朋友不同，雖然試用期間你的表現不好差點被開除，但念在你苦苦哀求且信誓旦旦的說明你可以改進與昇任，才予以留任。情人屬於正職工作，與兼職的朋友部門不同，當然責任與工作相對也比較多，但是薪資及福利保證優於朋友部門，情人有按摩、親親、抱抱、陪睡、陪同參予家庭聚會與煮宵夜的紅利與福利，還有很好的升遷管道，可以升為老公、爸爸、阿公...等，這些絕對都是朋友部門所沒有的。

最後，因目前朋友部門沒有職缺，情人又是重要職務，因此在未尋獲新人或職務代理人並完成交接前，先將您轉調到後備部門，這個部門的人員不需要每天面對老闆，應該可以暫時讓您的責任跟壓力不那麼大。等情人職務有人可以交接時，可再將您轉調到地下情人部門，當然若屆時朋友部門有缺也可轉調到朋友部門，或是您要離職也可以，當然自動離職是沒有遣散費的。

謝謝您一年多來的努力...

董事長 敬上

離職信

Dear 董事長,

想向你辭去情人的職務，任職一年多來，在崗位上我努力學習，克盡職守，對你噓寒問暖，小心翼翼，揣測你的需要，滿足你各方面需求。在感情提供你慰藉，讓你有被愛的感覺；在行動上，等待、接送、陪伴等等, 只是基本工作。雖不經手財務，卻要負起所有埋單重責；三不五時還要送禮討你歡心。

一個稱職的情人要溫柔體貼，還要心胸寬闊。聽你提及對別的男人讚賞，不可以醋勁大發。剛任職之時不知如何拿捏，犯了幾次錯誤竟敢與你鬧情緒。幾度你想把我開除，後來在我保證不再犯的前提下，你勉強再給我觀察期。

這些時日以來，幾經思索，感謝你給我這次機會。但我確實不適任此職位，想向你申請調回朋友部門。看你對那部門同仁有說有笑，三不五時還會請他們小聚一番，有點羨慕他們：上班時間彈性，不用隨 call隨到，不用接送，不用埋單，不用送禮，不用面對你冷漠一面，可看到你陽光似的笑容，聽到你幽默言談。而我雖佔了情人的缺，除了責任加重卻沒任何特殊待遇；沒有甜言蜜語，沒有多一點關心，沒有禮物，沒有..XX...

現在決定辭去這職務，至於你是否願讓我調部門，一切尊重你的裁決.....

一個盡心盡力的員工 敬上

神秘電話

近一個星期都接到一個神秘電話。只有係返工的日子，大約中午時份，就會有個冇來電顯示的電話打黎。係你未黎得及接聽時收線，完全唔知係邊個為乜打黎。

做功課

下個星期交的功課只有今日得閒做。訓到12點起身睇兩集韓劇先開工做。基本上同想像中一樣，冇咩難度，只不過係要花時間。當要計個5x5的matrix時，我就想死了，好耐都冇計matrix啦！結果我同個excel係度tune條數搵返5個variable出黎。後黎andrew打黎先話俾我知有個website可以計matrix，唔洗自己計！不過好在我個答案都係arm o既。

夜晚又睇陣劇集，清緊d magazine先訓。

忽然想起

今日忽然想起食團年果晚阿gary, alice同sherman講開o'camp時話我唔通得頂。其實係串緊我黃區果時係都要訓覺。事件過左去咁耐，我都好少提起，不過一提起就會有股暗火。計計埋埋我自己做freshman時去過3個o'camp，做搞手時都做過3個o'camp，真的係有好多野可以比較。

當我係freshman果時，我join左大o，係黃區，同alice gary都一樣。果時我並唔覺得大o有幾咁好玩。老實講我唔enjoy tim！我果組的兩個組爸同組媽都係danso人，冇錯，我係好鍾意同好有興趣睇同埋學佢地跳舞。但係講到玩game的投入感，我就真係一d都冇。基本上所有野都冇咩印象，就只記得有晚大家沖晒涼係房，玩非洲話事pair，我同班同學enzo俾我罰hum頭埋牆，佢真係大大力的hum埋去，眼前一黑起埋樓，搞到我鬼咁唔好意思。另外就係夜晚冇野做又唔俾人訓覺，推我地去另外d房度玩咩騎馬打杖。我完全冇興趣都逼住要去玩，仲要坐係陌生男仔的背上，當然，我老早就黑晒口面，所以佢地都唔敢叫我玩。對於大o，我可以話覺得好一般，唔算最差，不過算唔上話好。

最差的係編委果個！夜晚沖晒涼唔俾我地訓玩game，都要玩d有意義d interest d先得嫁！居然叫我地剪報！唔單止我地悶，組爸組媽都悶到痴晒線！

最好的當然就係ESA果個啦！雖然佢住的地方好多蟻，沖涼地方又flooding，但係真的係幾好玩。要人投入當然搞手都要先投入。組爸組媽都好照顧我地。其實我一如以往的黑口黑面同唔多講野，不過某次俾同組人扔落海之後，仲有有男仔挺身為我食左隻爛熔熔的蕉之後，我先至投入返d。之後re-u，之後仲上埋莊。

講返做搞手果時，我自己莊搞o'camp，自己系個o'camp又搵我幫手做組媽，當大o黃區搵人做組爸組媽果時我都有猶豫，一黎我覺得唔多好玩，二黎我知道學生會場地都book唔到，搞到要係poly度訓，不過見gary同alice都有join，我都想去join下玩下，可能有唔同的觀感。但係開會時我覺得一般，尤其係分左組，我同唔知邊個女仔一組，矮矮細細bilibala的，總之我冇乜好感的一個人。that's not a problem！之後我仲知道原來日子同我自己莊個o'camp撞左，只可以係度玩日半就要join返自己個camp，我更覺得好，有乜唔對路都唔洗捱幾日走唔到。有次係度排舞時個拖板壞左，我上去莊房搵個新的借俾佢地，點知原來都唔work，我莊員即時幫我拆開電線整好，點知我拎落去果時佢地都搵到另一個拖板排緊舞，都唔叫返我，浪費我同莊員一翻心機，亦唔覺得佢地有當我係團隊的一份子。o'camp果時bilibala女係我地組阿head，萬事都有佢講冇我講，有時連之後個schedule變成點我都唔知，我都唔知要點做組媽好。不過算啦，唔緊要，我玩日幾o者，我做日半跟班就走得，總之佢話要嗌口號，我咪幫手嗌口號囉！之但係到晚頭果時大家係x block沖晒涼，又按照傳統的唔俾freshmen訓的地獄式折磨。又係度玩上山落山，當時我地兩team人廿幾三十人係一間課室度圍住坐，7個組爸組媽七咀八舌的講點玩點玩，我就坐係d freshmen堆度幫下手。當我同身邊的freshmen傾計時，佢地問我返學上堂d野，又閒聊下，我都有叫佢地聽下上山落山點玩，佢地話佢地一早就識，仲話好累好眼訓。我都係咁覺得，跟住就俾alice話，叫我出去幫手教人。大佬呀！7個組爸組媽各有各教，各有各大聲叫喊，我出去邊有位？又幫得咩手？再者我就唔係咁滿意無無聊聊地為左唔俾人訓覺的o'camp傳統而浪費我時間。當然我冇阻住佢地的教學，只係我當我自己透明o者~ 我話我想訓先，有d唔舒服，聽日都走第二場了，等我休息下先。佢地又死唔俾我休息。就係咁串我唔通得頂，一定要訓覺。

老實講，個o'camp好唔好玩，d人投唔投入唔係話唔訓覺就能夠營造的。我地ESA個o'camp，我唔舒服訓左係房成日，我d莊員都冇話唔俾我休息，仲會做埋我份，再得閒上黎睇下我點。冇野嫁，呢d野大家一起搞活動就係你幫我我幫你嫁啦！我地o'camp都照訓嫁喎！o'camp最緊要係玩得開心！大家想訓咪訓囉，我地都仲要開會，第日又有精彩活動玩。再唔係各自自由活動上天台睇星星傾下心事，都已經係增進大家之間的友誼，增加投入感的一種方法啦！唔一定要唔訓覺嫁喎！我地冇好型的camp dance，但係我地camp fire果間跳下慢四都已經夠happy。

再講我同IT個肥仔一起做scs o'camp的組爸組媽，完全冇問題喎！幫佢地拎野、put扇，取笑下佢地自然就會玩得埋。仲記得水戰時要我地d長頭髮女仔整濕個頭運水，d女仔都唔多願，我第一個就企出黎話等我黎，結果俾d freshmen同埋肥仔仲有daniel係咁窒我個頭落水，起身仲唔扶我，搞到我冇晒儀態！我地一樣夜晚訓覺，一樣玩得開心。

至於通頂啦喎！我趕功課、平時開會，都一樣會唔訓覺開ot。我都試過屈蛇入科大成晚冇訓傾計睇日出，我都試過做freelance通頂冇訓覺。唔係我唔通得頂，而係有冇必要，自己想唔想，同埋通頂做的野有冇意義。

以我記憶果晚最後都係捱多陣d freshmen都嘈要訓，個個都冇精神太累，大家都訓左幾粒鐘。老實講，早上幾咁多體力勞動，晚頭有幾咁眼訓大家知，我就係唔明做咩係都唔俾人訓覺，更唔明我唔同意佢的做法，所以自己放自己埋一邊唔阻住佢地又有咩唔arm。我又唔係拉隊叫freshmen一起訓覺搞對抗，freshmen自己都覺得累想訓覺都唔關我事。我都拎晒籍口話我仲要走兩場，而且唔多舒服，我想休息下。咁都唔放我埋一邊，亦唔體諒我，仲要覺得我唔參與逼freshmen唔訓覺呢個工作，係好唔應該？！係呀~我有咁大能力叫晒三十幾四十人一起訓覺唔同你地玩！？

最後我只得一句，道不同不相為謀。反正我就玩一d又訓得覺又好玩的o'camp的，呢d無無謂謂又唔俾人訓覺的o'camp我就唔欣賞。

仲有，alice同gary有表演/同佢地成日食飯打牌熟、有歸屬感投入感係佢地的事。我唔係是必都要對黃區好有投入感的。我同佢地又唔多玩得埋，佢地並沒有令我覺得我係佢地的一分子，我又唔同意佢地做法，難道咁都係要怪我嗎？！再講，當我果日離隊走的時候，好好交帶，講聲先走，同組的bilibala女都完全冇say bye，只有幾個freshmen傾開計的會理會下有個組媽走啦！ESA o'camp我冇落組做central，行過d組，d組爸組媽都識帶freshmen同我打下招呼啦！

唱歌rehearsal

一早要起身去銀行搞入票的野。下午又要走去返學。今次上堂都好唔專心，基本上都唔係好知佢up乜，所以我決定都係一陣放學後去買本reference book睇睇好d。

放學出左去星際買書。西洋菜街超多人！原來係有波板糖派。當然唔少得靚女同專影靚女的攝影友。 我覺得都ok啦！冇去到要驚為天人的程度。

之後就上左新課室等rehearsal的開始。因為學唱歌果度有show出，所以今晚約晒所有人黎rehearsal。原本我係立心要唱《糖不甩》的，不過尋日唱過覺得唔係好得，今日唱出黎，又真係唔妥，唱唔到fiona咁甜。所以臨時改左唱彭羚的《給我愛過的男孩們》。而家要快d背熟晒d歌詞，仲要希望到時唔好太緊張唔記得晒。其他同學唱歌都ok，某幾多係唱得好好多o既。不過聽cathy講，搞手今次搞得好混亂，好多野都未定同唔知，所以都唔方會搞得好。算啦，有個機會我上台玩下咪算囉~

打bowling, 飲野

今日我報左名去公司的活動，所以放工後就OT到7點幾join埋同事一起去。其實我自己team就冇人去，不過我參加都係想識下公司d人，你知啦，要混熟d嫁ma。好在我地的秘書joey佢會去，所以就跟住佢。不過到放工時佢臨時有野要趕，將我交左俾隔離team的同事帶我一起去。果個成日都見到的男仔原來叫colesman，我同佢地成team的同事去茶餐廳度食晚飯。原來佢地team都幾好玩的，個個都幾講得笑，唔似我地team死氣沉沉，只有講股票先至最精神。



我地去左九龍灣展貿的保齡球城度打，分組計分。我打左3局，最高的成績就係110咋！同我一起打的有兩個男同事，坐係我後面，不過好日都唔見影的。佢地同joey都係老同事了。


















打完波都10點，走的時候去toilet跟sun boyz擦身而過！！佢wear左冷帽同埋大眼鏡，我都冇留意到佢，係同事話係我先佢係sun boyz。唔洗講，我梗係唔知佢究竟係sun boyz內的邊位啦！

joey佢地原來有下場，走的時候佢例牌式的問我去唔去，我梗話去啦！你知啦，呢d野要聯誼要soso，唔係點同d同事熟？！咁都有聽到dd野o既~ 都係d 是是非非咁啦！返到屋企都兩點幾了！

原來budweiser都幾好飲，冇咩啤酒的臭味！

【生日快樂】

放工後跟屋企人去causeway bay 買d野，俾人發我老脾。

我睇左【生日快樂】。看了yahoo的影評都早知道這是一套淡淡然的戲。看完之後，我還是哭了。確實古天樂以往總只能演誇張的角色，很難把他放進這一類型的戲。今次看來我覺得還好，也許是戲主要從小米的角度出發，所以小南的內心戲不太著重。也因為戲拍得真的很自然，好像每個有愛情經歷的女生都會明白、都會很容易的投入。有些網友說戲很悶，我卻覺得這才真實。現實中的愛情那有這麼多的轟轟烈烈、槍臨彈雨？！小米心內的矛盾，很愛但卻總保持距離﹔明明不想小南離開，卻還是硬要肯開口的阻礙他的發展。不去送機可能小南會覺得她冷漠，可是她只是不想看到離別的情形，寧願背過身來暗地裡哭一場。

雖然劇情是很老土，以結婚的謊話來掩飾絕症的事實。最後小米還是不知道小南過世了。有這樣一個人常會把自己放在心上，真的很幸福。比好朋友更要好的朋友，卻不是男朋友，真浪漫。很可惜我不太可能做得到。如果小南並不是真的最愛小米，是懷念還是掛念，每年的生日傳來的祝福，還會有那麼浪漫嗎？如果小南真的跟別的人結婚了？！雖然不再是男女朋友，可是還是在做一樣的事，小南豈不是像多了個情婦一樣？小米是不是當了第三者呢？而小南的女朋友Annie，豈不是更可憐？！唉~


主唱：劉若英
作曲：陳輝陽
填詞：林夕
編曲：監製：

彷彿你就在我身邊
等待了一年　又一年
對你的思念
三百六十五天
我只等 這一天
勇敢地把從前
情人節快樂變成
祝你生日快樂

I Love You　說不出口的傾訴
I Miss You　讓掛念　代替了　相處
瞬間是永遠 談情變祝福
可惜　甜言也帶苦

I Love You　是最完美的結束
I Miss You　一輩子　靠今天　接觸
瞬間是永遠　談情變祝福
可惜　都於事無補

今夜　有人陪你慶祝
不枉　我一年的孤獨
請你　原諒我　不多寫一個字像
普通人糢糊
多一字　多份痛
今夜　我不想哭
Happy Birthday to You

Happy Birthday to You

世界末日

古文明的瑪雅人紀錄2012年12月22日將會是第五個太陽紀的結束。

根據呢篇文，佢話到時地球的磁場會互轉，即係南北互換。生物會因為適應唔到天氣的劇變而大量死亡。

唔知可信性......有幾高呢？

我地香港係赤道位置，南北極互換，照理我地係赤道，應該...ok掛？ 定係之後會變成南北極先係最熱，赤道唔叫赤道，叫冰道？變成最凍的地方？

上帝的指紋

近排冷落左我nds的小狗，變左睇返ppc內的電子書。我睇緊的係『上帝的指紋』。

其實呢個係一個尋根的書。我唔知佢講的野係真定假，不過如果係真的，咁睇下睇下真係都幾令人著迷。就好似古文明的碼雅人精通的曆法，相傳地球正在第5個太陽紀。依照他們的推算，2012年將會係太陽紀完結的時候，亦即係世界末日。人類世界會被摧毀後又重生。許許多多神話、古蹟、雕塑都顯示很多我地不明白的事。比如係美洲，早於耶穌誕生前，黑人就跟白人共存而不是奴隸關係。又比如早於哥倫布發現新大陸之前，南北地區都享有共同的文明。

真的令人很驚訝！我地認識的歷史就只係第五太陽紀的一小部份。金字塔的建造等問題，仍然未被解開。我才看到第三個chapter，就覺得有很多東西都很不可思議，好像自己都在翻開地球所隱藏的面紗一樣。

哈！總之本書幾好睇啦。

瑪雅文明

‥‥‥不過功課要幾時先有時間做呢！？唉~

外快

放學原本去上堂，不過個阿sir次次都拎大半堂黎重覆上星期的notes，剩下的半個鐘先講新notes，攪到大家都唔多願返。(...係，只係我唔多願返o者...) 而且今日有任務，就係賺返我買護膚品的錢啦！

放工去左銅鑼灣參加市場調查公司的一個座談會。上次參加時因為人太多，我沒被選中，所以即時就拎錢走人。今次冇咁好彩了。去到要等埋其他人先開始，不過好在有電視有晚餐呀飲品呀零食呀供應。下午食左野所以好飽，不過我都有食下盒星洲炒米o既。

今次個調查係關於保誠一個新推出的醫療保險。其實我都有想過要供返份，一黎政府會漸漸的將醫療開支俾返市民負擔，有份醫療保好似會好d咁。不過我一向都唔多病痛，好好地地走去供死會，又好似蠢左d咁。今次聽下呢個新的醫療保究竟有幾咁新。

成個plan一開始都幾吸引，因為佢有折扣積分優惠，好似唔錯咁。其實即係佢有張list講明有做d咩就有幾多積分，如果有幾多積分，下年的保費又可以有幾多折咁。我地有8個人，最後生唔洗講就梗係我啦！3女5男，大家俾分，有人俾10分我就俾得6分。大家都提出左好多疑問，因為佢話要做運動拎積分，but要係伙伴公司做運動，咁咪即係tum你入會。仲有呢！又要打針，又要身體檢查同埋體檢，呢d邊個俾？！玩下手我俾錢出黎做檢查，仲貴過佢俾我的折扣！仲有佢每年保費的加幅，如果多過個折扣，咁咪又係即係加左保費。

當然睇到最尾，就梗係如我地所料。折扣只係個啅頭，其實變相自己要拎錢出黎做檢查先換到d積分，即使冇積分可獲的25%折扣，都仍然係cover唔到個保費的加幅。唔洗額外俾錢而拎到積分的少之有少。大家都覺得唔抵，我覺得佢係有推動我健康的作用，不過如果係建築於我要付出更多的金錢上，而所能享有的保障又只係同其他一般的醫療保一樣，咁呢個plan的selling point係邊呢？以無索償折扣為名，其實又名不乎實，最後佢問我地對呢個plan的感覺，我都好想出聲話『呃錢！』，不過又唔好意思。只係講左我就一定唔會買。

8點幾完成左，收左錢就返家早d抖lu。

又行街

今日放工又行街，因為要買衫過年。上次行完旺角、行完沙田，今次又走返黎旺角，真係行到快要悶死。今日主要行旺角中心，人唔算好多，起碼唔係每步都逼黎逼去。不過行完我都係買唔到d咩野。7點幾，好累，返屋企罷了。

炸竽蝦、團年飯

又係6點幾起身，一早起身就係要砌竽頭條同埋扮靚。尋日整左一隻手的指甲，今日仲要整埋另一隻手。砌完條要"yip"下佢，結果1點先開始炸。成果ma，ok咁啦！阿媽幫我接力，我就去拎埋阿妹d化妝品黎搞。

掛住花左我足足3個小時的妝，準時到達poly李嘉誠樓的酒樓。原本我已figure經常甩底的3個甩底王，三個都甩晒底，今期六合彩應該有d機啦！yvonne又係同往常一樣，訓左覺，打俾佢先arm arm醒。生日流流冇理由送個鐘俾佢嫁，約左人好心就知醒d啦。原本諗住約sunday就唔洗等，點知都係要等齊人先食得。Sherman帶左支白酒黎俾我地試下味，果支白酒又真係幾好，酒味唔太濃烈，易入口仲甜甜地。

我地食個set都唔係貴，原本我地似為係$2000，而家叫果個係$1400到。有蝦有翅有魚有海鮮卷，我覺得都ok好食。但係由於位置編排失誤，搞到yvonne悶悶地，又有d dead air。我都唔知講咩好。當大家開始話當年，講返果時o'camp點點點的時候，我覺得我地真的老了，又回顧了。

差唔多十點先至返屋企，走的時候yvonne話我件褸好睇，影得我瘦左高左。*o* 幾舊水都叫花得有d價值！不過個妝佢話對眼化得太白。其實我係塗左紫色的，不過跟戴con好累，成日都rub 眼，可能早已冇晒色了。

新年穿的衫仲未搞掂，又要諗定carrie個wedding dinner的衫了......

整角仔、大出血

6點半就起身，因為今日要去大姑姐屋企整角仔。正於梳洗其間，忽然鼻血直流，我花左4-5個字先至止到血，血染洗手盆。7點幾8點，跟媽媽到海皇粥店食早餐，吃了一舊炸兩，低頭喝口粥時，又流鼻血！搵隻碟就住，但係我一直捏住個算都仲係止唔到血。d阿姐又俾紙我，又話流到bar bar聲，唔得啦唔得啦咁。我都有d驚係咪有咩不治之症做乜捏左咁耐都仲流。阿媽帶我坐的士去北區醫院睇急症。

激氣野就係度啦！去到急症室，姑娘叫我登記，另一個分流護士就走黎話我捏鼻方法錯。我本想叫住阿媽唔好登記，慳返一舊水，我就唔信佢唔教我止血！咁結果梗係有俾到錢啦。之後就到分流護士個位度，佢串到死，話我止血方法錯！有冇搞錯呀！自小都係咁學嫁啦！邊有可能錯！我都冇聽d阿姐話仰頭啦！應該係俯頭，捏住鼻樑嫁ma。我已經諗住直接壓法係要按住個傷口嫁ma，鼻樑可能有骨頂住，於是我捏鼻骨落少少。咁都仲錯？！

拿！而家教精你地啦！係我付出$100，再加承受分流護士『串串共』先得知的『止血秘笈』呀！護士教你呀！抹晒之前學的野呀！而家佢教你，要捏住個鼻翼，再向臉壓，用口呼吸，直接壓法你曉唔曉！？當我個first aid流嫁喎佢！我問姑娘直接壓法係要直接壓住傷口，我點知鼻腔邊忽有傷口呀？！護士就冇好氣的話﹕『我教你係就跟住做啦！』 XY佢個Z！我有跟住做呀！不過我有求知慾嫁ma！俾左一舊水問多幾句都唔得呀？

最後緊係15分鐘到就止血走人啦！

跟住咪去大姑姐屋企整角仔。點幾到就返返入中大上堂，差d訓著左。夜晚係屋企整指甲。

團年飯@蛇口

今日返工係悠閒，因為我報左名夜晚上大陸參加公司大陸的annual dinner。一黎我一次都未到過大陸office，未見過大陸同事，二黎公司搞的活動都係要支持下好，順便同d同事熟d。

下午3:15，我地一行3人就離開公司到尖沙咀中港城坐船。趕到去時船剛好走了，於是我地坐taxi到太子坐巴士到黃崗，再轉的士到蛇口。其實我早就覺得唔好搞咁"mun"嫁啦，結果遲出發就waste左時間係transportation度。 大陸的士坐得我好暈！

參觀左office，就到酒樓。酒樓係海皇大廈，有隻馬同天使係大廈中間插出黎果座。內地同事都唔多野講，只有team leader 趙然多說話。不過佢地好飲得，一開始就飲紅酒，99年長城牌。之後又飲啤酒。成個dinner都好多野食，差唔多廿碟不停上，根本就食唔晒。我飲左少少紅酒同埋好多椰子汁。

大概9點多我地就起程返香港，經羅湖回家，忽然發覺返屋企真係方便。

小白的雲南之旅

今日終於抽空欣賞晒小白同佢女友去的雲南之旅的相啦！d相影得就好靚，不過睇佢d字，知道坐好幾個鐘車，又個個病晒，回想起上海果時d景象，我覺得大陸的地方都係睇相會開心d。

Set 頭

search到一d set頭的網頁，好想自己set。不過大部份都係長頭髮的！好後悔未留返長d頭髮。

http://www.chong4.com.cn/blog-163
http://www.beautyno1.com/articles/sudden/s176/fb-a/html/176fb-a01.html
http://www.be-labo.com/album/index.php?cat=7
http://www.fotop.net/nataliemakeup/Sethttp://tv.sina.com.hk/cgi-bin/subindex.cgi?id=100&navidx=4
http://www.be-labo.com/album/index.php?cat=5 http://www.gatsby.jp/index.html
http://www.toolsofsassoon.com/hk/styling.html
http://www.colabug.net/file/57/346137.html
http://lady.atnext.com/articles/art_main.cfm?sec_id=3837437&subsec_id=3840149&art_id=3941913&showdate=20040325&av=NO
http://www.wretch.cc/blog/tpaobj&article_id=4517388
http://www.chong4.com.cn/blog-102
http://www.chong4.com.cn/blog-79
http://www.chong4.com.cn/blog-45
http://www.youtube.com/watch?v=bjVVEAKmF_M
http://www.youtube.com/watch?v=Jb3KyhVdfeo
http://www.youtube.com/watch?v=kpxYydSzZXg
http://www.youtube.com/watch?v=3K3TTLN2K_0
http://www.youtube.com/watch?v=XE5WhYhYBYw
http://failforum.net/forum/viewthread.php?tid=318049