想跣我！？

今日係長週要返工，一早返去食左早餐就開工做野。另一個同事話要去睇醫生，所以佢10點先返。不過都唔係有好多野做，個system 3/1就launch，有d野要執返。11點幾果時同事tony黎同我講，話我住得遠叫我今日12點就好走了。我應左佢，之後就諗，佢又唔係我supervisor，我又唔係under佢，點解佢可以叫我早d收工o既？！諗諗o下真係唔對路，萬一我真的早左一個鐘走，俾supervisor知就死，俾其他同事知，以為我埋左佢堆，又會係後面唱我。最後我都係壓抑住想偷懶的心，做到12:45先走。早走3個字supervisor唔會話我d咩o既~

之後去左睇漫畫，到4點幾5點先食lunch，好肚餓。跟住就返屋企lu。

English lesson

今日又清緊我個email box，我之前apply左每日一英語，而家窒爆我個mail box. 今日完成左8月份的email，學左幾個生字。

• passionate 熱心於
• Acrophobia 畏高
• stood up for what you believe in
• Proliferation 散佈
• It's easier said than done
• Contemporary 現代
• Can I take a rain check 我可以再重新安排嗎？
• Calm weather 好天氣
• Plagiarism 抄襲
• workout 運動
• Alma mater ㄧ個人畢業的學校
  

另外通常我地講『我都係』會用『Me too』，不過我見佢教用『Mine too』，係咪都係得o既呢？

O2 Atom

佢出左啦！今日行過睇過，英文版呢隻都要$66xx呢~ 好貴......

中學聚會

講得咁好聽『中學聚會』，其實係中一至中五甲寅年的3人聚會，有海龜(唔知仲有冇人咁叫佢)、yvonne同我。我地夜晚係大熊本度食dinner同傾計。其實中學時候都冇話點樣交過心嫁同海龜，我的記憶就只有我打佢同蝦佢的片段，仲有佢同馬薯打交同埋坐我隔離位的事、呀！仲有佢係紀念冊畫左cartoon公仔的事。不過今晚都傾左好多野，中學時期暗戀過幾多個人呀、拍過幾多次拖呀、色狼的經驗呀、返工、緋聞等等。一傾就傾足3個鐘，到10:30先至走。走的時候仲有係樓下影card同貼紙相，我好耐都冇影啦！對上一次係......3,4年前啦！我地走的時候已經12點半，都預左冇火車呢~ 結果坐van仔返屋企，返到屋企都兩點啦凌晨，好耐都冇試過返工仲玩咁夜先返屋企。佢地就冇所謂啦，兩個都唔洗返工，係我要o者。不過都估唔到會咁多野講，都傾得幾開心。下次見面或者會係農曆新年，到時叫唔叫埋馮宏傑、賴俊傑果d好呢？

呀！海龜係我中一至中三其中一個暗戀對象呢~ ha...冇錯，係其中一個咋，因為我花心ma~.~ 今日有同佢講我暗戀過佢呀！算係為過去的自己了左件心事啦！(講得好誇張咁~)

食晏

今日約左人地睇戲的，點知尋晚冇電話講幾點，我send左sms又冇reply就訓左。今早10點起身等左20分鐘先收到人地9點幾send果個sms，我懷疑係咪我電話有問題，點解有時一收收成3個一樣的message，而且d message唔係即時收到，係開左電話等幾個字先收到，好怪。原來朋友入左黎，原來呢頭的戲院未開，我地一起食個晏，傾左陣計，就say bye lu。改過另一日睇戲啦。

不過知道朋友買左咩野俾我做禮物，呵呵，都算你啦！起碼有買。

受洗

今日下午去左睇robin受洗，係旺角坐van仔去九龍城的教堂，去到果時早左9個字，擺返個靚位。祈禱呀，唱聖詩呀，讀o下經文咁，受洗的時候佢地穿住黑色的衫係個水缸度，由神父講句『以聖父、聖旨、聖靈之名，為你受洗。』好似係咁的。咁就浸個頭落水上黎就完成了。robin浸的時候呆呆地咁幾好笑，之後就睇其他人洗呀咁。全程都要2個鐘，其間阿roy恰著左，haha！唱歌果度我只係識一首『聽呀！天使高聲唱！』，其他都係唔識。最後同robin影返張相就走了。

平安夜

尋晚睇漫畫睇到3點先訓，今日11點幾就醒了，真的係有d唔舒服。今日的活動全程都係睇comics，網上load得好慢，睇一套都用足成日時間，都係直接去漫畫店度睇好d。check左email，收到人地果d 識人的website，已經join左friendster而家join埋hi5，不過我從來都冇係果度識到人喎。

問左個netfriend 佢地話夜晚會搞party，不過成$400一個人，真係太貴了，識人食好野都係咁話啦，我自己去食buffet好過啦咁的價錢，真係懷疑係昆人水的。

偷懶

一早起身好凍同埋懶洋洋，終於都係扮病冇返工。聽日係學校假，所以一連5日都唔洗返。訓得咁上下就起身睇vcd同埋打機，仲有睇online comics。生活過得好悠閒，又有少少悶的感覺。話要學人地咁做o下呼啦圈，不過又冇做到...

破相

今日係冬至，公司放4點。放工之後去鑽石山等食飯，原本係想行o下商場買衫的，不過因為冇心情同埋唔係好舒服，於是坐左係food court度打機聽mp3等夠鐘。食飯時同兩個堂弟玩o下，呢一個經常係大陸好少見，就同佢玩啦，點知佢初初都係搵指甲拮我手，我又拮返佢，之後佢就用口咬我手同衫，我都作狀咁哎返佢。真係估唔到佢一手係我頭頂wear落黎，眼鏡都甩埋，係我額頭上留下一大條血痕。好大塊皮冇左，又唔可以怪個5歲細路，又唔可以喊，前排剪左d蔭而家有用處了，遮一下傷口。萬一真的破左相點算？！唉...好後悔同佢玩，好痛...

前路茫茫

聽到兩個朋友轉工，又有一個升職，真係好擔心自己。仲有兩年係呢度做，我怕到時搵唔到好工。而家都一個interview都冇呢...唉...如果我同人地的差距咁大，我會好唔開心的。

神

聞說robin將會受洗，入基督教，都幾意外。自己本身就唔信宗教，始終呢d野，信則有不信則冇。遇過好多傳教的人，傾黎傾去佢地都係講唔出有咩prove說明神的存在。記得有一個同我講﹕『信左你就得永生，唔信就落地獄，唔信就笨啦！』都有話經歷過神蹟的人同我講話佢夢中聽到神的聲音，都有人話佢病危時得到神的指引，在我看來都只係巧合，都可以有其他的事引至呢個結果。夢中聽的神的聲音，定係發夢咋？如何確定果個係神的聲音？你同佢之前傾過計啦咩？醫好你病的係醫生係科技，點解會歸功於神？

聖經並不是神所寫的，係佢十二個門徒同佢的後人作註成的。邊個話佢講的真的係100%神的旨意，神的意向？如何確定你信的係真的神，定係只係彼得的想法？佛家都唔會話其他的宗教係邪教，會尊重其他宗教。而基督教卻係視別的教為邪教。佛家普渡眾生，無分信徒抑或唔係信徒。基督卻說『信我者得永生』唔信佢的就要歸於撤旦的地獄。聖經以『別人打你左邊臉、你要俾埋右邊臉佢打』以帶出要愛你的敵人，而神的愛係偉大的係無私的。但係咁偉大咁無私的愛住世人的神，卻只拯救信佢的人，唔信佢的就要永墮地獄。咁樣有條件的愛就係神偉大的愛嗎？！

畢竟信仰宗教都只係一個心靈的慰藉，當你相信一個超乎常人的神會主宰你的一生，會好好安排你的事情，想必會有安全感，亦唔會感到徬徨。之不過又有幾多人真的認知自己要的係心靈慰藉？當然，只要你活得開心就夠了，信定唔信唔係咁重要的事。

若果死左之後真的有天堂同地獄，而唔係輪迴，咁到時我會係撒旦的懷抱中向係天堂的你打聲招呼。你估果時有冇得叫埋耶穌同撒旦一起bbq？！

馬路天使

尋晚去左元朗睇『馬路天使』，有焦媛、石修、廖啟志做主角，高志森做編劇同埋杜國威做美指。整個都係講周旋的一生，帶出左佢的另一面。焦媛唱歌真係幾好聽，佢叫的歌係我記憶內係陳松伶唱的，果時佢做『天涯歌女』同埋鄭伊健做『血魔』果套劇。

睇睇o下果時有人電話響，又有人跌完一個錢又跌，不停係度叮叮聲。最誇張的係一對夫婦，個男的忽然好大聲的講『好失望‥‥‥真係好失望』。全場靜晒只係聽到台上焦媛同埋石修的聲，當然仲有呢個冇禮貌的男人聲。之後佢老婆就話『又係你自己話要睇o既~』，好多人都回bear佢地，我都唔例外，後黎職員都叫佢地唔好出聲，個老婆都仲要講多句『咁係呀ma‥‥‥又係佢自己話要睇o既~』真係服左佢！咁冇品的觀眾都有的。唉~

同朋友借左兩盒NDS game打，呵呵，sem break 的消遣呢！9/1先開學，有兩個星期休息。
另外睇中左呢兩隻game
Lost in blue
前日睇賣$310，今晚睇賣$280，唔知過幾日會唔會再平d呢？

TAMAGOCHI的小小店舖
冇貨呢...可能太舊了...

考完試

由15號起就放假準備17號的考試，以前考好多科，d時間都唔夠洗，不過而家考一科，溫黎溫去都係果十份notes，真係好悶。所以都唔係好專心的溫，基本上有幾個algorithm都預左佢實出黎計數，不過又怕佢鍾意出冷門野，so睇左兩次個notes，有d野背左。我都有睇vcd同埋打機。結果17號去到考，平心而論個阿sir真係幾好人啦，5條題目有1條半都係背書，起碼唔識計果d都有d分拎。5條我都做晒，以為佢會出果個zeuthen theory點知冇出，不過都有幾part我作落去的。背野果度好在我都有背，係第一科的notes，之前同學『心賢』就話專攻後期的notes，唔知佢有冇背到呢？考完出黎，我早走左1個鐘，我諗會合格掛......之後就係等下個sem開學。

呢幾日都好留意世貿d野，可能因為冇咩好做啦。17晚時已知灣仔封鎖左，攪得好激，今日睇到報紙有市民罵警察不分暴民同市民，真係覺得好無理取鬧。支持示威者唔係問題，不過見住人地搵矛呀，棍呀咁扔向警察，佢地都仲入埋示威者度，咁已經變左暴民啦！唔通警方仲要係果時check一check 你身份証先黎噴胡椒噴霧咩！既然同意並參於左呢個暴力的示威，自然就有覺悟會受咩對待嫁啦~ 俾人整襯就話自己係良好市民，又唔想o下佢先前係咪都拎住棍擲向警方！？作為香港市民，要支持人地可以好似其他人咁送水送蛋撻或者絕食抗議，不過對於激烈的行動，作為本地市民唔係應該更加冷靜的不參與咩？d人真係...有冇搞錯！

好想...

下星期就要考試了，尋日都溫左成個下午書，發現愈近的書愈唔明，可能因為上堂時冇咩心機啦，真係要搵多d時間睇書先得。今日朝早起身睇卡通片同食野，下午就去左中大同manfred影畢業相。尋晚睇韓劇喊腫左對眼，所以今日去到都冇咩精神，而且都冇咩野好講。悶就悶左少少嫁啦，不過主要目的係同manfred影相ma，而且對我兩年後的畢業影相做一個考察。

總括黎講景點都幾多，食tea果時坐埋一起傾計。原來sherman都鍾意呢部呢...我都幾鍾意呢...不過好貴。唉，真係唔係好捨得拎錢出黎買，雖然我用的電話都會用上幾年。另外，原來billy買左車呢！！！嘩~ 好恨呀~ 雖然係二手(我都係想買二手)，不過聽佢講好似d 保險又唔係好貴咋喎！攪到我心郁郁。不過如果我要買，我就冇錢save啦...save埋d錢一年要俾牌費同保險，仲有停車場費同埋油費都冇晒去了。再者......屋企隔離個停車場...冇小型貨車月租有蓋的位呀！露天都要$1710，同billy果邊個地$800真係冇得比。唉...暫時睇中的車

數碼遊戲展

The Keys to Your Heart

The Keys to Your Heart

You are attracted to those who are unbridled, untrammeled, and free. In love, you feel the most alive when your lover is creative and never lets you feel bored. You'd like to your lover to think you are loyal and faithful... that you'll never change. You would be forced to break up with someone who was emotional, moody, and difficult to please. Your ideal relationship is lasting. You want a relationship that looks to the future... one you can grow with. Your risk of cheating is 100%. You are not suited for a monogamous relationship. You think of marriage pessimistically. You don't think happy marriages exist anymore. In this moment, you think of love as something you thirst for. You'll do anything for love, but you won't fall for it easily.

What Are The Keys To Your Heart?

最後一課

今晚上埋最後一課就要做功課同等考試了。唔到9點就教晒書，講幾句考試野就走得。我問左同學影印左一張幾年前的exam paper，睇o下會唔會識做。返到屋企都係睇左陣日劇先訓。

supervisor又整大獲野。之前阿dave先勞氣咁講話supervisor窒左個dynamic web page佢做，我都唔likey嫁啦，明明係我d job，做咩要份俾其他人做？即係算削減我的job？！點知今日收到佢email，佢公開的話係阿dave自己提出要做呢個job的。阿dave好慶，話要求佢道歉(私底下仲叫佢大話精)，不過dave即刻出返email講返個job係supervisor assign的，唔係佢自己提出的，至於一個星期有一日唔洗做classroom support都係supervisor佢認為要專心d做先俾的，仲有話take咩course都唔係有faculty資助的。d同事間都流傳話dave有special待遇，好似俾supervisor篤左出黎做箭靶咁。

老實講呀，其實dave係屬於support果邊的，至於web development係我同vincent的，完全唔知點解今次呢個job唔俾我又唔俾vincent，反而會俾dave。dave話supervisor係想佢做唔到個job喎！我就覺得supervisor一係就有心想整走我d job，一係佢就分工分到亂晒大籠！佢地已經choose左用php啦！之前我都做過content management system啦，都係php冇java咁好先會轉，佢而家又用返php，我真係服得佢。再者如果幾個system想link埋一起咁點算？！我地大學個portal係java，同我整果個information system都係java，可以pass token , single login就得。佢果個用左php，password encrypt d野又唔同，又唔可以link埋一起，完全係因為佢自己識得同鍾意php先至用。又叫dave開始做template，佢咩design都冇，就要著手做。我都唔知佢點做computer officer，點manage其他人的。上次同d admin開會時已經俾人話佢分工分到亂晒，而家又係咁，真係好唔鍾意佢。

楊千嬅blog

Surfing

今日係網上閒逛，都睇到唔少有趣o既野。

• http://hk.soho.yahoo.com/promotion/xmas05/
• http://webserv1.discoverhongkong.com/taiwan/meetings/media/news-taiwan/hktb_2001newsRelease/0402_SummerTour.pdf
• http://life.sina.com.cn/art/2004-11-16/57213.shtml

......

點解我打左又publish左的野唔見晒嫁！？

探jojo

放工之後要去探jojo，因為佢前排生左，bb滿月了。我早到左，去左千賀度食左dinner先，再上去。我送左一件粉紅色的bb衫俾佢的囡囡，容濼恣。而家d人改名改到愈黎愈難，唔講都唔知個名點讀。佢個bb女好似都好細隻咁，不過就古伶精怪，多多表情咁啦。食左少少薑醋，傾左陣計就返屋企lu。原來買bb衫可以係德福商場二樓果度買嫁！

今日返工果時學左d英文。

• Online shopping is the best product since sliced bread。
• Now that's what I call a shopping spree!
• All the spending has made me hungry
• What a space cadet
• Foul mood
• In no time