死火！

忽然醒起yvonne佢2月3日就生日，我居然忘記左要同佢慶祝！！而家約實約唔切啦！今次真係大檸樂啦！

夜晚上堂開聲時阿sir問我屋企搞咩黎，終於有進步，唱到吊鐘聲了！雖然唔算明顯，but都聽得出喎！well，我自己都覺得今日狀態ok！不過原本想唱徐若x的『別愛我』，不過阿sir冇個mtv喎！咁只好改週筆暢的『別愛我 像愛個朋友』啦！咁就梗係死晒啦！有幾句又唔記得點唱。沙律話出show果日係年三十，叫我唔好選d慘情歌。唉~ 我d聲係要唱下慢歌慘情歌先唱到嫁ma，快歌我實死啦！因為同學hana佢今日冇返，得返我同crystal兩個女仔，crystal就主動同我講野。不過看樣子佢係幾內歛的人，因為次次同佢講野佢都好細聲。同埋看得出佢極力的想同我溝通，但係題目就欠奉。睇下佢表妹張相，話我知佢個friend俾人係newsgroup度唱呀咁。亦都有同另外兩個同學仔nds連線玩mario kart，我架冬菇車包晒尾啦！佢地一開波就撞開晒我，點追都追唔上！ 走的時候同19歲monkey仔一起行去地鐵站，最近佢好似變左憂鬱小生咁唔多講野。佢話好多野煩喎！吹下水果時佢居然踩左落人地的嘔吐物度！仲係青bb嫁！！佢原來真的很黑仔，唔好近佢咁多先得。

返到屋企諗左好耐，我終於決定唱Fiona的『糖不甩』！

Taste Cheese cake

昨晚上堂吃的taste內的cheese cake。$16/4小件，我試左new york cheese cake同埋濃朱古力芝士餅。我覺得new york cheese cake ok，不過濃朱古力有一半都係朱古力mousse。

哈！

唱歌果個阿sir，其實我就唔係咁like佢本人。才大我幾年，總是裝作很明理，說要開導學生。這兩天我都在msn內跟他跟其他同學開了msn chat。其實他跟另外好幾個唱歌老師都在香港討論區內貼post招來學生，不過討論區不容許賣廣告成份，於是各出奇謀。

有個Adam，之前得過tvb的唱歌比賽唔知咩獎，好似係星際開班教學，狂出post 貼其網址及叫同學留通訊方法，更有免費試讀班。另一個梁乙玲老師則由其學生post過一兩個post，基本上不太積極。今天adam的post又被版主刪除了，他在投訴區內投訴我阿sir 都有賣廣告成份。阿sir好似好興，仲話adam有咩好爭，自己又冇料，學生少就自然嫁啦！又話要表演，出個賣廣告post而又唔會俾版主ban，潤呀adam。

我睇左只係覺得阿sir咪又係一樣咁無聊。阿sir好多學生都係果個討論區黎的，各有各搵食咪得囉。佢又的而且確的係post左email同埋網址出黎呀！只不過佢用的方法高明d，又卑鄙d o者~ 佢先係獲取學生的愛戴，之後咪籍住d學生同佢宣傳囉！有個二十出頭的同學俊文，佢經常的係網頁度讚阿sir，又推薦其他同學黎上堂。我完全覺得佢係俾阿sir利用左。而家仲話要出個咩post表演俾adam睇，大佬，又係佢自己話有咩有爭，各搵各學生，咁又係度鬥咩！？

細路仔！

論﹕種牙

最近我妹妹面臨牙齒危機，前面兩隻門牙也許都需要剝掉，上星期的一個晚上，她說想要再嘗試種牙，哭得很傷心。原本我都跟媽媽一樣，覺得帶假牙就可以啦，無謂花d咁的錢。(今天我媽告訴我，跟親戚討論時，親戚們都同樣地覺得戴假牙就好。)不過再想想，卻又同意她種牙。

她雖算不上是青春少艾，都二十有四，卻亦算不上年華老去。年輕人重視外表儀容，實屬正常。儀容不單止是外表美觀那麼簡單，亦是一個人的自信的一部份。除了學歷、能力、性格、語言談吐，你不可能不在乎一個人的外觀。失去兩隻門牙，說話、食飯，甚至笑的時候都會讓別人看到空洞洞的牙洞，多令人難堪？

沒錯，種牙並不是唯一可行的方法，戴假牙亦是另一個選擇。若那是臼齒，我亦覺得戴假牙比較好。但是門牙位置，若裝上假牙，必讓人看見銀色的牙cool，緊扣住兩邊的犬齒，仍然有礙觀瞻。不從美觀的角度來看，從實用上來討論。門牙是吃東西時必用的牙齒，不論係咬還是"扯"，門牙都是受力的地方。方便，相信不算太方便。有時受力過大，假牙感覺不太好，有時又怕清潔步驟繁複。那及得上種牙？！人均年齡有八十多的香港女性，人生還未過一半，仍然在買靚衫、花靚妝、出街仍會有人望的女人，誰會願意接受一個將會降低其自信，並要陪伴其終老的負擔(假牙)？！即使是五十多歲的女人，還不都在買靚衫、護膚、重視儀容？！

也許以上都未能說服你同意種牙比假牙的好。最大的concern，莫過於金錢。種牙自然比假牙貴得多。值不值得付出這筆金錢是很個人的，不過若果戴假牙令我妹失去自信，終日擔心、愁眉不展﹔付出這筆錢讓佢活得開心，那樣還不值得嗎？！我自己都有種牙，正正就是在前臼齒，因為我天生就沒有一隻前臼齒的恆齒。當乳齒用到不可再用時，我媽亦勸我裝上假牙就算，反正那有人看得到我的前臼齒？！那時我才20歲，我妹初試種牙但失敗，我仍然堅持嘗試種牙並成功了。更何況以前我才剛進大學，經濟並不輕鬆，現在全民就業，我也有份對家庭付出。我覺得既然我媽也給了金錢及機會給我種牙，為什麼不給予我妹同等的機會？！

我實在想不出支持戴假牙而不種牙的原因，除了錢還有什麼。若不是吝嗇那筆錢，就請告訴我‥‥‥

戴假牙比種牙好的理據，在那裡？

別人升職而我沒有

今日開會，我阿mentor 同mentor個阿head都升了職。分別由SAP => SA, SA => SSA。其實我一點都不意外，要走的都走晒，成team人留下來的，就只有他們兩個。其餘的都跟我一樣新來的，還不夠一年。

不過mentor才比我大一年，就半上SA了。而我，則還要升上SAP，才可再升上SA。順利地一年升一次，我還得要2年。不過會有這麼順利嗎？！

南丫島行山

打算再搞行山活動，以下係搵到的路線圖。

http://www.hktraveler.com/route/route_33_a.asp

http://www.oasistrek.com/sok_kwu_wan.htm

http://www.oasistrek.com/lamma.htm

收獲

今日收工去左旺角，想話買返件衫過年。但係時間咁少，太多地方要行，基本上都係走馬看花。除左衫之外，仲想買條裙，仲有買褲返工，仲有手飾同鞋，不過呢d一樣都冇買到。迅速地走過california百寶利果條街、去埋新之城同埋花園街，我最後只光顧了卓悅同莎莎。

買左幾張nail sticker，買左枝甲油筆返黎玩下，仲有個樂天熊仔餅樣的暖袋。

大清貨

由於我連日的努力，hard disk的space已亮起紅燈，所以今日就要實行救亡行動。先係睇左廿幾集韓劇『19歲的純情』，仲要係未完的。呢個劇真係超級長劇，已經去到一百五十集，都仲未完。

之後又睇另一套韓劇『結婚』，係很久冇見的張娜拉做主角的。睇到零晨1點幾，坐到pat pat都痛。不過我覺得都ok。劇中主角問『你認為結婚最重要的是什麼？』4個主角關係錯綜複雜，其中一個話最重要的係互相喜歡﹔另一個話係安全的感覺﹔再另一個話係好似親人咁互相依賴的心﹔而最後張娜拉講的同我所想每一段關係都重要的，是信任。

張娜拉由第一集愛上相親對象(男主角)，到明知男主角心中有一個一生中最愛都決定下嫁，想要共同努力的獲得幸福，也許有一天男主角會愛上她。到發現男主角的好友正是其心儀二十年的對象、發現此情敵的男友正是年少時曾拍拖3日的男友。經過很多忍耐、很多遷就及妥協、哭了又哭，往往在原諒男主角的下一瞬間，又發現電話內親密的照片、得知佢地二人見面的事實。聽到男主角承諾不再跟那個她見面，一邊暗喜，一邊卻為男主角不可見其一生最愛的悲傷感到傷心。久而久之，亦害怕男主角會討厭經常哭及發脾氣的自己。不安原來已經不是男主角所引起的，漸漸地發現自己聽男主角的甜言蜜語或是承諾都毫無感覺，已不能再信任他。原本對結婚的幸福期待早已煙消雲散。

結果，係第13集，香港時間零晨1點幾，張娜拉係男主角生日那晚，許下第三個願望。
『我們，到此為止吧！』

留下喊到豬頭炳的板主，想住明早腫起的雙眼‥‥‥唉~

懶

今日超級咁懶。遲左起身，原本想話出去尖沙咀睇d唱歌同學係文化中心門外表演的show，都冇去了。睇陣劇集沖個涼，毫不情願去上學。心內掙扎又掙扎，睇住時間一分一分咁過‥‥‥咦？而家返學都遲到啦！繼續睇劇。

良心責備下，我仲係拎起d notes，睇左幾個chapter。

4點幾彩豐行打黎話送貨啦！之前表姐們有訂話平，我都仲未落實去試。不過近黎sherman試左好似話ok，而冬天我面霜同埋保濕mask都嚴重地缺乏。即係咁，唔係咁多人會讚我靚，但係都唔少人話我皮膚好。咁我梗係要keep返好先得嫁ma，所以我都訂左d野試。

收到貨俾左$254，買左個玫瑰sleeping mask、eye mask、16杯水面霜、lip mask、hand mask、潤手霜等等。而佢就送左幾隻paper mask、潤手霜、發財肥皂等等。

夜晚即時就用左幾隻，well，感覺ok，but又唔係見好大功效。睇多幾日先。

打邊爐

今日工作上照樣茫無頭緒。

中午同miranda約左食飯，去左一間日本野度食。原本月尾冇錢的我，都一樣要破費。成$50一個set我選擇左食壽司餐。不過地方雖然真係好逼，由其是今日咁凍，個個都咁厚衫，但係野食真係好好。我個壽司餐有湯、有炸豆腐、有冷麵仲有就梗係壽司。食得出d魚真係好新鮮，當然比壽司亭更好。食食下見一條條活生生的魚運入kitchen tim！

食食下lunch老豆打黎問今晚有冇約人，話夜晚打邊爐喎！咁好啦，通知其他成員，一放工就返屋企。等到阿媽收工，樓下酒樓正好8:30後打邊爐特價。入到去阿爸不停叫我地點呢樣點果樣，好明顯係好肚餓，叫左14碟野食。邊食邊聽阿媽講野，差唔多十點先返到屋企。

Gym

今日放工都有去做gym，如常跑步機同埋body balance。

有感

很久冇係icq見佢online的netfriend，今天終於online了。上一次當他告訴我他二奶找他0老婆爆大獲，之後就同佢失去聯絡。今日問返佢，跟電視情節一樣，老婆實喊啦、又哦佢咁啦！少少的精神虐待都係正常o既。

不過當提起果個二奶，佢仍然深深不忿，話二奶過份，一人做事一人當，做乜攪佢有左身孕的老婆。佢老婆冇對二奶唔住，佢憑什麼、有什麼權利去傷害佢。

真的不太明白究竟男人天生思想係咪就係咁鈍？感情呢家野有應該唔應該嫁咩？以為當初大家講明係出黎玩，就一定唔會有意外、唔會有真感情？難道係決定玩的時候，想不到有可能會有今日的局面？見佢不停的怪二奶、甚至咀咒佢將來生仔xxx咁，真係覺得佢好過份。居然將自己的錯推晒落個二奶身上！個二奶想要得到佢，自然就會行動，佢又冇打佢老婆、只係打俾佢講個事實佢知o者~ 佢冇錯呀！究竟真正傷害佢老婆的係邊個？佢老婆受到傷害的主因，究竟係個二奶打黎告知事實的行動，定係自己個老公出去滾的事實？

再者什麼一人做事一人當？往往都係一人做事身邊人同佢承擔嫁啦！如果你個女殺左人坐左監，你作為佢的屋企人，都仲要代你個女同受害者家人道歉。古時都會有誅九族。出黎玩之前，唔通冇想過會連累屋企人？就算借錢還唔到，還不時你屋企人要幫你還埋？

好『登』佢老婆可憐，一個只有搵錢能力的老公，思想上行為上都唔成熟，好似要照顧細路咁照顧佢，而家仲有埋bb。唉~

有進步、冇進步

今日臨到放工先俾野人做，ot左半個hr想話要走去上堂，mentor話唔得喎！話d野要今日做起！咁只好打俾阿sir話佢知我上遲一班囉。不過要做的野要俾個manager approve，果個manager就走鬼左啦！冇人approve就算我做晒佢都係今日起唔到貨嫁啦！不過我費事同佢拗，照做。7點半做晒，佢先黎講Jack話其實都唔係咁緊要。阿Evelyn佢都仲有一個case未做走左啦！哼！

去到同原本果堂的同學仔傾下計，都要9點幾先開始我果堂。阿sir話我仲係唔夠放、冇進步，衰到死！跟住仲想我幫佢執佢個homepage，整個book房page喎！佢就發啦，租多間屋開多幾班，賺到笑。homepage d野我都係應左佢先，有時間咪整囉！

另外，前幾日終於send左個song list俾阿sir，黎緊呢年如果有機會出show我會唱邊幾隻歌。我諗爆頭都係得果幾隻飲歌之ma。今晚同學仔沙律居然走黎話叫我年三十出show！冇想過咁快會有機會，我又唔係唱得好。沙律話唔怕，果個係我地學院的show，係商場度唱，人人總有第一次，又話我唱得好聽。well, 我仲未傻到咩係恭維說話都聽唔出，不過聽到都係禁不住竊喜o既！死啦，唱邊首好呢？邊首先唔會丟面呢？

帶左個adaptor去阿sir度過返晒我唱過的錄音，聽返發覺聲音係前面用力，同係後口出都真係幾大分別，我呢d門外漢都聽得出。近呢幾堂唱的都好聽d，前期果d聲音真係放得幾前下。不過我呢d都係一時時唱到。

走得快、好世界

今日同事stanly請食tea，我因為要返學就拎埋個tea去上堂。同學甲忽然問我係咪drop左星期一果科，我話係呀！佢就話我醒目啦！原來尋日上堂講的野真的好似networking果d計咩cpu time呀！handshaking呀、msg arrival time呀果d野，我就最唔like呢d嫁啦！好在我轉左科。尋日佢地得返24個人上，仲大吐苦水tim！

阿sir講野一如之前咁輕快，70幾版的ppt，佢半個鐘就飛到50幾，9點落堂。走的時候又同同學甲傾下呢樣果樣。不過我唔好意思問佢叫咩名，其實我原本想問佢係咩系過黎讀的，點知聽佢講野時原來佢由year1已經係我同學。=p

Master真係好難識人嫁！

A little better today

經紀寄左封野俾我，同我分享信報的一篇文章。雖則大部份的野我早就知道，但當中仍有d野想分享下。

不抱怨，不要令自己常常成為受害者
愈愛抱怨的人，他們的注意力便集中在壞事情上，所謂物以類聚，仔細便會發現愈來愈多的壞事情出現。時常抱怨的人的日子一般都不會好過，而且會嚇怕人。

特別給那些經常覺得自己好黑仔、覺得自己生活唔開心好灰、覺得自己好多野都唔好、成日自怨自艾的人。

共勉之。

做GYM

今日穿裙返工俾人話我要叫兒童餐！！ok，我今日係colourful左d，但洗唔洗咁串我先？！

早左收工，因為我轉左科冇話俾公司聽。反正我第日都係補返時間俾佢的，冇所謂啦！放工又去做gym，想話上body combat，遲左去結果好多人又開始左。想話上下一個hr的body pump，點知去到見到d啞鈴，拿拿聲縮沙。最後都係行左跑步機、做左少少其他機械、焗個sonar就走。

走的時候門口的sales都有同我講byebye，忽然咁好禮貌。其中一個問我記唔記得佢，我望佢一下，根本就唔鬼識佢，走人。

返到屋企仲睇埋個半集Pursuits of Happiness，同幾集韓劇先訓。

嘻嘻~

收到內地網友的offline msn msg，他到外地去工幹，閒來無事把我send給他的demo『忽然之間』聽了一遍。特地send來msn msg告訴我他覺得很好聽！呵呵~

心情good！

哄動

今早一返工d同事就好哄動，後黎睇左段新聞就知咩事啦！原來個金融管理局的資訊科技譚性經理，就係我地客仔，仲係識o既tim！所以個個都係度話估唔到呀~咁。

睇戲

今日又清左幾套片。

睇左『愛情魔師』，個女主角雖然係屬黑人，但係皮膚唔太黑，眼睛都好大，有佢的魅力。不過身形略肥，穿起佢地果d印度定中東裝，露腰就......

又睇左『夜宴』，章子怡真係大犧牲，又要露股又要俾個阿叔摸心口。不過我略嫌佢太年輕了做皇后呢個角色，我反而喜歡鞏脷係黃金甲果度做的皇后。即係有咁上下年輕同歷練，先可以做到嫵媚同冷酷做到家。吳彥祖我覺得就睇唔出有咩演技，佢長期都帶住面具，即使冇帶面具，佢都只係打架同埋冇面部表情就可以了，勉強要講有幾個鏡頭佢係要喊o既，都見到眼有淚水。不過最後死剩章子怡做皇帝的時候，唔知點解飛黎一把劍殺死埋佢，仲有人掉左劍落阱底。見皇帝死，d容女都可以冇事咁走返入後台o既！ 我就唔係咁明白啦！大概係想話有其他人想謀朝篡位，慾望呢家野係成個皇宮內人人都有！？

再睇左半集的The Pursuits of Happiness，呢半集都係講主角個家庭事業點樣失意，相信係我未睇果半集會係佢點樣搵到happiness。當中佢會講 "This part of my life is ......being stupid" 我個life有好多part being stupid添呢！仲有一幕影住主角見到人地放工，個個面上都咁開心，係度問點解佢地可以咁開心。我都會咁樣。

舊生會

今日3點返左去心誠參加果個舊生會的籌備會。原本我以為會係十幾個人圍埋張table，草議份會章出黎o既。不過我想得太簡單了。

原來今日總共成幾十人返左去，我都真係估唔到會有咁多校友，仲要過半數都係七十幾、八十幾年代的，一家大細的到來！明顯地我預料不到差距有咁大。而且去到睇個格局似係聽訓話的多，即時起左想咋家而溜走的念頭。不過咁樣好衰o既~

最後都係有聽晒先走。基本上一如所料，見到果個區議員校友成個主人家擺酒咁招呼親朋戚友，就估到佢係重要角色啦！既係今次的主持，亦都係內定的籌備會召集人。咁都arm o既，年紀經驗都多咁多。我以為另一個法官校友又係內地的一員，不過我都唔清楚最後佢有冇入到。其實我比較想做遲d先選的果個d搞活動果d，而唔係傾會章果d。因為會章黎黎去去都係一式一樣的，唔會有d咩特別野。不過何小姐好人推左我有份做，我梗拉埋mandy陪我。當識多d校友囉，識個區議員都唔錯呀！可能第時我從政呢！haha~

未詳細睇份草議的會章，不過睇佢的宗旨，主要在聯繫校友，反而校友跟學校之間的互動好似比較少咁。

今日返到學校，都冇咩老師想見，因為在我跟學校有連繫的老師，早就passed away了。

返學

今日第一次返呢堂講business的野。問左表弟個ERB LT係邊之後，約埋同學andrew一起去。果度明明就係蒙文偉工程大樓(MMW)，最多都係叫咩順興咩鬼野，都唔知點解叫ERB！

個room都幾大幾舒服，我地坐得好前，因為個阿sir係唔用mic的。大陸阿sir講野好慢，而且成日都唔同powerpoint而用另外一d handout。不過今次係我第一次, 係master course, 見到一個咁勤力的TA，會走黎sit 堂！break的時候我地可以問佢野tim！而且佢答唔到我佢都會mark低我問佢d咩，係email度reply返我。內地人做野係唔同d，起碼冇咁練精學懶！

哈！攪笑？！

係中學同學newsgroup度又睇到一d好奇趣的野。佢話我地d女仔好奇怪，去廁所前都要同人地講聲『去toilet』先。咁男仔係咪要答『一路順風』！？佢家姐同佢公司d阿姐都會咁做。哈哈~ 佢唔講我又唔覺，我又真係會咁樣嫁喎！又真係好少聽男仔咁樣做。

係公司或者同朋友一起都會咁樣嫁喎！即係好似我同mentor一坐係度睇緊code，我都會同佢講聲『我去一去toilet』。又或者開開下會我要出去，都會同身邊的同事講聲『我去toilet』。係屋企如果要開大的，都要同屋企人講聲。我其實又唔覺得有咩唔正常。即係咁，我地一起做緊d野，忽然我要離開一下，都要講低聲我去邊嫁ma，如果唔係人地問起咪完全唔知我係邊？或者一班人去玩，比然唔見左一個，如果知佢係toilet，就會等埋佢。係屋企廁所就得一個，如果開大果個聲都唔聲罷住個廁所，其他人開小的咪大獲！？

總而言之，女仔係習慣有交帶，而且呢句說話都冇expect男仔要講句咩~ 『哦』一聲表示知道就可以了。

我不是八卦！只是...

今晚我又去做gym了！已經是第3個星期了！keep up! (也許是得到天父的保守，那個萬惡的根源、那個靚仔，再沒有來sell我教練堂了。連帶其他的PT都沒有煩我！good！) 今天又上了body balance堂，想要拉一下筋骨。今天是那個dominic教的堂。那個dominic是一個頗陽光的男孩，上一之nike dance時他也有份教，就是圍住美女的那個。今次他又是特別的關照前排那3個美女呢！

回家途中，有一個男生坐在我隔壁講電話。我正在跟我nds內的小狗散步，他勁爆的話傳到我耳裡頭‥‥‥他的聲音有一點點嬌柔，正在訴就他感情的煩惱。我很少聽男孩子在火車上高談自己的情感，覺得挺奇怪的。他好像陷入了4角戀中，什麼johnson、方/科仔、還有Vanesse，聽得我滿頭沒腦的，都是男生名字呀！什麼喜歡方仔、Vanesse說很想他、johnson很賤！難道...是四角同性戀！？(嘩！)他們是網上認識的！(嘩！)

再勁爆的是那個男生說，johnson很濫，誰都可以跟他咩。方仔跟他咩過了，他自己也跟johnson咩過了。嘔心？做的時候是有一點點，可是都不介意啦！(嘩！)

我忍不住很想很想很想看他究竟長相如何。要知道很多tomboy都是很美的女孩，難道我旁邊的是一位帥哥？他自己也說自己只愛靚仔！

結果在太和站他下車了。我緊盯着他的臉，也不外如是吧！粗框眼睛、一般長相。

唱歌比賽+出show

今晚上堂阿sir有講兩個唱歌比賽叫我地參加。其中一個跟老豆生日果日撞左期，我冇玩到，另一個俾阿sir 問兩問，俊文叫幾下都係報左名。仲有月底前阿sir叫如果想出show就要交歌名俾佢，死啦，諗爆頭都諗唔到有邊首我唱得可以見得下人。

今晚唱左劉若英的『後來』，低音perfect呀！阿sir話入咪啦終於！做得好準確的胸腔共鳴！可惜中音高音仍係有待改善。

有冇邊隻歌只有低音？咁我的表現會唔會好d？

臨死前一秒

sherman blog度有篇問死前一秒你會做d咩的文章。

死前一秒，咁短時間，可以做得乜？按得電話俾屋企人黎我都香左啦！正如中學英文作文一樣，我都係會選擇靜靜的看看我的周圍、人和物，看看天空，再保持一個由心內發出的微笑。

咯！香得！

Add/Drop

昨天上學問了心賢關於星期六的那一課，原來是關於Finance Analyst的，跟現在的工作related，起了轉科的念頭。另外也有一科是Innovation & Entrepreneur，請guest來演講，這一科大概跟上一年上的seminar差不多吧！也很吸引。

還在想。

依靠點

看完素黑這篇文章，很認同。

『人是群體的動物，我們不可能就一個人的生活下去；人也是孤獨的動物，沒有人能代替你活下去，但不用執着孤獨。 』

人就是這樣矛盾的動物，在孤獨的時候渴望群體，在群體中又渴望孤獨。反正人的一生就是賦與尋找的使命，尋找人生的意義、尋找紅線的另一端、尋找通向未來的路，同樣也尋找在死前想要走過的路。

『找个感情的依靠点，譬如爱人，譬如宠物，譬如自己，譬如神，放在心里，爱着他/它，然后对自己微笑，说声感谢。不要计较这依靠点是否真实存在，人就是人，要依靠比自己更强的感情支柱活下去。』

確實，人就是那麼的心靈脆弱，要為自己的感情找到依靠點。正如朋友相信神一樣，因為神是一個更強更大的靈，成為信徒的支柱。在於我來說，我不希望我的依靠點是在一些我根本不能確定是否真實的東西上，所以我依靠的是我自己，因為我不可能對自己說謊，而我也不會讓自己失望。

考古學

正於網上搜尋短期課程，見到考古學的course，想起表弟之前好似話有興趣，可以試下喎！

遺愛人間

有這個念頭很久了，但是卻從來沒有行動。因為太懶的關係，連去逛街都不情願，又怎會特地到醫院填表格呢？！幸好現在有電子渠道。

若有興趣的朋友，可到以上網址填寫表格。

Act Now!!

動力

睇見朋友clark一遍講動力的文章，我都想講下自己的看法。

我都覺得動力係好重要的，有動力先至會驅使你去努力。有人係為伴侶、有人係為屋企，不論咩原因都好，總括黎講都只有一個main point，就係對現況不滿足。有些人為了去旅行、為了買個名牌、為了高質享受而努力，亦有些人係為了三餐溫飽、為了生存、為了所愛的人而努力。可能有人覺得前者就係貪心，後者就係正確。但係我又覺得每個人想要的東西唔同，佢只係為佢的目標而努力，並無什麼不妥。或者有些人會說知足常樂，基本上生活並不需要太多，早上起床可以吃到早餐，閒時看下風景就該感到滿足。我同意這樣的生活沒什麼不好，不過太易感到滿足亦不是一件好事。當你的demand就只是簡簡單單的吃份西多，以現在的能力就可以達到，那你餘下的幾十年，又該做些什麼？又如何能有動力呢？你的能力不止於此，為何要把它荒廢呢？

為自己尋找目標，是人生重要的一課。時間才是人生寶貴的財產，當你正在猶疑為何要努力的時候，時間早就溜走了，到最後你想努力都冇機會了。

倘若對自身真的沒有什麼想法，沒有什麼的目標了，那不如就愛愛其他人。何不為你的未來伴侶、你的家人，甚至不認識的大陸同胞、第三世界國家的兒童、患病無法醫治的人，作出努力呢？或許你清高得視錢財如糞土，但是卻有很多人需要這些糞土的。社會給予你那麼多，何不將之給予更多的人？

倘若為名牌為享受是一種貪心，那明明有能力去幫助別人，卻選擇去享受簡單人生，又算不算得上是貪心？！

*******************
知道同事把自己要繳交的稅金，捐給慈善團體，覺得他的做法很好。也許當我不再讀書而要繳交稅項時，我會把一半的稅金到宣明會助養兒童，另一半則交由特首發落。到宣明會助養兒童，曾是我一個朋友的念頭，可惜他沒有完成。在幫助其他人時，本港的人及社會亦需要支持。

睇左好多戲

訓到11點幾，開始我清碟的工作。終於睇完晒個『我們結婚吧』，最後的悲慘結局有點兒老土，不過都賺左我幾滴眼淚。

另外睇左『我的超人前女友My Super Ex-GirlFriend』，原本係好想去戲院睇的。不過而家睇左之後又覺得冇咩野。基本上係想睇個超人前女友點報復個男友，但係睇睇下，又覺得其實係個女人真係太怪，個男人離開佢都好正常o者~ 報復果度又唔係拍得好搞笑，所以覺得都係一般。

之後又睇左『穿Prada的惡魔』，因為冇字幕，而且太細聲，我邊睇邊飛，睇完都只估到大概佢想講咩，要等妹妹返黎再問一下劇情。反而d女角真係穿得好靚！大褸手袋鞋，真羨慕佢有得穿。

仲有睇左『情意拳拳』。一般戲。

夜晚食飯時，睇到星期日檔案，講個女仔腦部有惡性瘤盲左，可能好快就要死了，而佢的心願就係去北京天安門度睇升旗。佢老豆同記者，仲有好多受感動的人，係佢居住的地區，上演左一場升旗的戲，很令人感動。孩子咁細，心願居然係睇升旗！佢對自己國家同民族的熱愛真的很令人慚愧。那個充當導遊的大學生，跟個女仔講，『你要記住，咱們的五星紅旗，是跟太陽一同升起的。』當時那個記者聽到就哭了，我聽到也覺得說不出的感動。很可惜我還是不擁有他們的那種對國家民族的熱情。

Harry

一早就入港大，十時前到達，跟Anthony打個招呼就直接去搵Alex同埋個新同事Harry。Harry佢係一個幾主動積極的人，佢早已想好一些問題問我，睇我想用邊個方式開始。我先brief一次個system係點用的，個design係點，個database d野等等。其實我早就寫好晒document嫁啦！我都唔明點解要我重覆一次。原來Harry佢搵唔到d document係邊，我明明就有燒落disc的，佢話佢搵唔到。well，我都費事用時間check佢arm定我arm，總之係個電腦度仲搵到我d files，就實搵到份document啦。

我看不出Harry的年紀，不過就係年青人啦！我們傾談時的語氣都比較舒服，唔似其他人咁死板，可以用d吹水的口吻。差唔多講足3個小時，過去同Tony, Anthony吹下水，就走了。

下午想話去域多利監獄參觀，又想話去打golf，但係最後都係返左屋企就唔願再出街lu。留返下個week先去啦！

在家

今日係成個星期內第一天留係屋企食飯，不過屋企都係冇飯開o既。同老豆食完外賣，就開始我的休息時間。不過今晚唔可以玩太夜，因為聽朝仲要一早去做義工，義務返HKU交低d工作俾新黎接我個位的同事。

健身

今日放工補返d時間之後，我就去左做gym啦！都係去返尖沙咀果間咋！不過今次我避開晒d PT的眼光，費事有眼神接觸就走黎sell我。而家好似唔知有d咩送，一入去就俾張coupon我叫我俾張membership card佢登記。我睇睇下好似係咩皮膚分析果d野，無謂搞啦！

例行公事的上左跑步機度行路，都出左少少汗。之後見差唔多8:40pm，就去睇下有咩course上。今次我上左個Body balance，原來都真係太極同yoga的混合，好多動作yoga時都做過，做到一半我都標汗了。

今次冇做其他機就走了。

又係唱歌班

放工去上唱歌班，係眾坊街過馬路時見到chole攬住佢男友的手迎面過黎，佢見我唔到呀！不過我就見得佢幾清楚。都話我認人好掂嫁啦！唔知係新男友定係同舊男友覆合呢？！

今日上堂又多左幾位新同學，而家8個人full晒！咁樣一人分到的時間好少，但係又唔捨得花更多的錢一對一。邊似得早一個鐘上堂果個女仔咁有錢，一對一學都只係為左討好佢夾band果個男朋友。我就花唔起呢d奢侈錢啦！ 不過今次呢d都係女仔，都係化行妝咁啦，有個幾靚o既都。今日冷氣太凍影響表現。月尾我都要去睇下阿sir同其他同學出show，等時機成熟我都或者有機會出嫁ma..=p

走的時候同幾靚女果個新同學一起走，佢話我知原來星期六呢個studio有試音日，佢會去。我即時就提佢唔好俾人呃，好多呢d騙案。佢過上個月佢朋友都去過試音，咁梗係入唔到圍果隻啦！佢諗住俾$50叫做去見識下studio錄音係點嫁喎~ 好在我試過係studio錄音lu，呢~果次webradio果次咪上過去studio錄音囉~ 呵呵~

要諗定幾隻歌先得~

又上堂

今個sem 連續兩晚要上堂，其實都幾慘，隔開幾日先上感覺會好d。今次個阿sir 係老人家，所以上堂時我地都叫佢坐低講唔洗企係身啦。呢個阿sir 都算多野講，一時講下佢個女一時講下佢做的research，評下港府的一d 電子服務。

原來心賢佢成績低我少少...=p

返學

又開始返學啦！今日因為要開會早唔到走，去到課室都冇左半個鐘。今個sem我地唔洗入到中大，但係尖沙咀果邊又冇租到，所以去左九龍塘的InnoCentre度上，個classroom細到呀！不過就腳就算啦，好過入中大。一開始講simulation，教CSIM，居然講m/m/1同m/m/k model！雖則我唔記得詳細個model係點，但係我好肯定我degree時學過，可能係Allan Wong的distributed computing學simulation & modelling果時學‥‥‥唔記得lu~

見到dicky，從大家口中，都知大家的成績係一樣呢！唔差，又唔高咁啦~哈哈~

又過關了~

前日Wii gathering聽Gary講先知佢地year1 今日開始semester2啦！咁冇理由佢地開始先嫁ma，即係我都係今日開始返學啦！？我仲以為有一個月semester break (唔記得左有半個月都用左黎做功課)添！而且今日亦都係出成績的日子！呢個真係大件事。我個project好求其的交左，我好怕會fail。我交左兩個version，一個係我加左好多野入去，但係係我個腦度係compile唔到的，可能係有bug，可能係我的腦力有限；另一個係我compile到的，不過就好多野都冇。我梗係希望係我腦力有限，佢個機係完全compile到我多d野果個version，咁分就會高d；之但係萬一佢都compile唔到果個，只係可以用少野d果個version，咁都唔知可以執得幾多分。多野d果個10成野都做左7成，少野果個10成野先得2、3成。不過一交完功課我就忘記佢，如果唔係會擔心好耐。

今日log入去academic report個site度一睇... ...咦？合格喎！唔係C唔係D，仲猛車邊猛得住個B喎！安樂晒~ 3個term gpa拉埋都仲係我個Expectation之內。之後只要過埋黎緊呢個sem，就一天光晒lu！

Wii gathering

上年年尾買入Wii之後，我都只玩左兩次，一次同老豆玩，一次同阿妹玩。今日我就約左朋友黎屋企開個Wii gathering，所以一早就起身執屋呀，買d零食招呼下人咁啦。我d game得果兩隻，就係Wii sport同埋Zelda，得Wii sport係可以雙打的，我怕會玩唔到幾耐，於是落去補買手掣之餘都買多盒mini game的game。睇左好多人地的game評，普遍黎講有Wario, monkey ball & Rayman rabbit的選擇，我最後都係choose左wario。

2點玩到6點幾到，我地就叫左pizza返屋企食，睇左陣電視先走。wario黎講唔算得好好玩，因為真係d 低b game，玩左都唔知玩左咩~ 其實都係各種用remote的方法game。成日我地已經爆左單手掣的game啦！

等佢地走左之後，我又自己由頭打多次，原來單手掣game爆左之後，係有雙手掣的game，咩二刀流！好彩都仲有game玩，唔係隻game三百幾蚊一個下午KO，都真係幾唔抵！

返大陸

夜晚阿媽同d舊同學聚會返黎，講左佢地d舊同學返大陸做野的經驗。雖然而家好多人都會成日返大陸度做野，好似都唔係真係好危險咁，但係原來都真係幾危嫁喎！

媽咪有個同學，係內地做完野飲野，飲完11點幾到，出店再話過馬路返宿舍訓。佢見到有架電單車黎緊，佢急急咁過馬路，點知...... 佢冇俾車撞！但係俾扑頭黨扑中，醒返就冇晒錢啦！當其時都仲有路人嫁！大家都扮睇佢唔到，好在係佢老細好人，去到醫院好似幾嚴重要做手術，係佢老細掟舊錢出黎話即刻同佢做手術，先救得返。於是佢就冇再返大陸做野啦！

另一單仲得人驚，係媽咪同學個friend。又係係大陸，唔知點樣俾人打左支針，暈左。醒返時就已經係醫院，全身的器官都冇緊一半！醫生話已經好多單啦！今次D人算有良心，留返半個俾你，好多因為冇半個器官都救唔返啦！ 係o既，救得返係好事，不過救返，但係已經失去工作能力，同癱左係冇咩分別啦~ 唉~

雖然我估難免有少少誇張，不過都真係幾得人驚！

Living Yoga

今日等到臨放工，mentor先solve到個problem俾我，咁拿拿聲做埋先走，費事好似冇做過野咁。但係夜晚又約左阿妹去Living Yoga試堂，結果我都係做唔晒就要走。去到新世紀時間arm arm好，今次又係做hot yoga，佢分陰陽，即係激烈d同柔和d咁囉。整體黎講我就唔多like呢間啦！個miss只係口up up 又唔做示範，佢話將手放係胸前位置，我都唔知係手背向內地向外嫁，另一隻手有冇野要做呀咁嫁ma！而且個間隔好似課室咁，人又多位置又窄，總之我就relax唔到啦！hot yoga又唔hot。陽的動作其實同bikram yoga真係差唔多，陰的動作都有少少同myoga類似。阿妹就幾like，話佢d堂多樣化、多選擇，老師又唔似bikram yoga d鬼婆咁不停講野。well，各有不同啦，我buy鬼婆果邊多d。

不過呢度個價係平過其他地方o既~ 我當然冇join啦！我入左成龍個會嫁ma...

唱歌班

放工又OT，OT到差唔多成7點！7點半就上堂啦ma，真係趕過去。不過都諗住如果遲到就上遲一個鐘果堂嫁啦~ 點知去到又冇遲，因為阿sir overrun左d時間，我都等左成個鐘先有得上堂，之後果班d人真係要上成10點啦。

d男仔個個都係度學狗仔式呼吸，女仔唔學得嫁喎~ 不過我照睇佢點教。今日阿sir好串，可能因為overrun左，問多幾句就話我讀左咁多書呢d野都仲要問咁！我就最討厭咁樣嫁啦！喂！我俾錢你教我嫁！問問題都唔得呀？！

今晚想唱果首歌記錯左歌名，只好臨時轉唱左徐若萱的《親愛的》。之前自己係屋企錄過一次，都係勁唔夠氣，今次唱時一樣，吸唔切氣，好差。不過阿sir的評語反而話我今次有用吊鐘發聲幾好，口形仲要練多d。氣果d唔洗講都知有排練啦！

咁都認得！？

回家的路上，剛走出火車站，忽然聽到有人叫我。我一向都咁好記性，連小學同學都認得，冇理由有熟人係附近都認唔到。回頭見一個陌生男人叫我，我想黎想去都唔記得佢係邊個，只好例牌式的傾幾句。點知傾傾下佢講到佢住邊，我就知呢個人就係一個新識的netfriend！居然會認得我個樣！真係服左佢。

懺悔

仁慈的天父啊！請你赦免我的罪。

剛剛我到california做gym，受到魔鬼的試探。一個樣子稍為俊俏、身材都幾有肌肉的PT主動撩我傾計。佢話留意左我好耐，講得出我玩左咩機，又話我年輕，唔肥，令我警戒心下降，由他教我使用其他機器的方法。我知道，他是撒旦派來的使者。可惜懦弱的人類如我，受不了魔鬼使的美男計。被一個教練及俊俏的他圍住(一度有3人)，心內感到無比的恐懼，但口部仍不受控地跟他『哈拉』。最後我抱住對您的堅持，以疲累為由極力的掙脫呢個陷阱。可惜，他們已獲得我的聯絡方法，俊俏的他說下星期一打給我，提我去做gym，佢會再陪我做。聽到真係暈得一陣陣，不過唔多唔少又覺得PT有d似鴨，既要俾女人睇，又要逗佢地說話、逗佢地開心，有時免不了又要出賣肌肉，或跟客人有肌膚之親。(我冇摸佢嫁！我清白嫁！)

天父啊！請人原諒我今晚受到試探的表現，請你保護我免受撒旦的引誘，守護我叫我不再受試探。

奉主耶穌基督之名祈求，阿們。

1月1日

1月1日0時0分 我係教阿妹用adobe image ready中渡過的。沒什麼氣氛，反正年年都係這樣過。日子，要有特別的人才會變得有特別的意義o既~

訓醒我就睇漫畫、同阿妹打Wii sport、打Zelda中渡過。

新一年很遺憾地，係由一個財政緊絀的情況下開始的。所以之前想報的溜冰班要順延了。新的電腦係First Priority!