心情忐忑

今日將個手提袋左係個褲袋度，不停留意怕會miss左d call呢。好緊張。希望事實有明確而且良好的發展。

聚集期

今日裝左表哥俾o既老鼠同keyboard，太好啦！唔洗煩啦！有得上網，唔洗copy and paste d 英文字啦！仲有過埋個dc o既相，還返個dc俾表哥。

今晚睇左一個chapter『上帝的指紋』，都幾好睇呀。

求神保佑！！

今日行程好緊密呀！一早就去左港大做interview，首先做左一個鐘test，再黎係interview，之後就係等，一個week內有消息。好想好想去呀！1/4機會，choose我啦！！！

之後約左mandy係朗豪坊度shopping，先去左euro cafe度食lunch，之後佢約左人地傾d野，我就自己行住先啦。跟住佢join返我...又由頭行過！上上落落搞到好累呀！結果今日買左一條裙同一件衫，都係灰色o既~ haha...然後就好趕咁去佐敦"i do" 度影相啦！

超級多人呀果度，等化妝，等影相。影果時都好辛苦呀，成日都話『家姐笑，要笑多d！好！出黎，到阿妹入去，隻手放係......』。老實講啦！都唔係第一次去d影樓度影相，次次都唔方影得出好野o既...唉！我都冇咩寄望嫁啦，反正d老人家鍾意，d錢又倒左出去收唔返黎嫁啦~ 不過個化妝師都讚我皮膚好呢...係乾左d....呵呵....所以返屋企卸妝之後就即刻full返張mask先呢...

聽日原本係約左去補返睇戲呢...點知...cancel左。

好得意o既細路女

火車上......
媽咪同個女見到有個位，個女就坐左個位啦，媽咪企係佢斜對面o既位置，女仔前面有一個男人企左係度。個細路女就"摟計"話﹕「我要媽咪企係我前面，媽咪媽咪媽咪‥‥」(開始有d想喊)個男人就同佢媽咪調位啦。個媽咪就話﹕「乜你咁麻煩嫁！」個囡囡﹕「梗係啦！你係我媽咪黎嫁ma。」

嘩！個女仔好得意好嗲呢....如果我係佢媽咪就冧死啦

今日黑仔

尋晚整左好耐都整唔到個keyboard ，結果今日唔夠訓。出門口果時又唔記得拎返尋日整得好辛苦o既錄音功課，結果一陣都係要媽咪拎俾我。而家只有希望我『偉大』o既表哥借住個mouse同keyboard我用住2個星期先啦！反正你又上唔到網住o既....he.he..

今日同事edvard俾左本書仔我呀！原來係佢出嫁！全本書都係大幅相好少字o既，梗係啦！designer整o既書ma。

聽日我請左半日no paid leave呀！因為聽日好忙...做乜野？！聽日咪話過你知law
呵呵呵！

我都唔想嫁‥‥‥

今日老豆開機玩接龍同睇波果d result...
點知發現個keyboard 『神』左！

整左成晚都整唔到呀
由原本detect唔到..到detect到but d signal冇晒反應‥‥‥跟住臨急臨忙錄埋聽日要交o既錄音功課。整左成個幾鐘都錄唔到一次好o既！算啦！求其錄，交左佢就算啦！
都整到成點鐘先訓。

P.S. 幫唔到人地做野，我都唔想嫁！嗚‥‥‥

黎緊我會想去‥‥‥

1. 上海 (自由行，有阿妹帶路。)
2. 北京
3. 新加坡 (平呀！自由行都唔洗$1000)
4. 泰國 (都係平啦！)
5. 台灣 (he..都係唔貴啦~)

如果下年可以去到其中兩個就very good啦~^_^~

滑鐵盧

前幾晚都去左玩，結果今日就得到報應啦！今日普通話每人講3分鐘野，我冇咩準備，又緊張，結果未衰晒law。聽到miss幫我兜，話我平時都唔係咁差o既，個心好難過呢~ 我次次都係咁o既，一到重要關頭就緊張累事。唱歌比賽又好，朗誦又好，考試又好‥‥‥冇樣掂！真係激死人啦！

黎緊星期五要交錄音帶。錄音就唔怕呀，可以錄完又錄，水準唔會太差。不過考試果時又唔係咁嫁啦！唉...

今日買左票去睇『愛上劉三姐』音樂劇。有果個譚偉權，之前同妹妹睇《邊城》定唔知邊套果時，我睇完都仲哭緊，眼腫腫果時就同佢打左個照面。因為我走，佢係上返黎o既時候係樓梯見到，大家都望左大家一眼(我覺得有嫁！！！)

Girls' talk

今日有同事sick leave冇返工呀！感覺好似得返我一個孤伶伶咁...(因為真係得返我一個programmer)。lunch 同左一班同事去飲茶，又係貴野啦呢區，每人$70先落得樓。今日又係買左2本雜誌，又係咁...係屋企附近買左...豬左...

一路做野一路睇返人地寫d code，嘩...真係...大獲粥呀！要rewrite佢d code，我真係暈得一陣陣。

晚頭約左sam同yvonne 進行我地o既girls' talk。yvonne冇見4年....都係咁靚咁鍾意打扮呢~ 陪左行左陣街，等埋阿sam 9點上完堂，就係九龍灣別府度食晚飯。其間梗係傾o下佢地拍拖我拍拖果d野啦~ 氣氛都唔錯，好似返返當年......(唉...老law)

IT Trainer dinner

今晚同IT Trainer 去左k-dinner，係旺角果間greenbox。一共有9個人啦，我啦，steven，patrick，阿豪，阿yan，alvin，wesley，呀頂，leon。我成晚食得最多o既就係螺肉啦....當然唱得最多歌o既梗係我啦！阿yan好夜先黎到，成場都係得我一個女仔，仲唔係我唱晒？！呵呵呵！全隻joey 碟我只係差『心病』未唱咋！原本佢地都唔知我係想唱晒成隻碟嫁！都係leon law...爆左出黎，結果一見joey d 歌就俾人cut晒啦...嗚....

今晚發生左件好笑o既野呢...主角係阿頂。咁係我同佢爭咪o既時候呢，我win左喎！我拎咪o既時候唔小心碰跌左佢支飲管呀！正當我想話講聲對唔住果時，佢就俯身想飲佢杯野飲喎！我都講唔切佢知啦，只係眼睜睜的睇住佢『啜』向果支用黎篤檸檬o既stand。嘩哈哈！我地都只有笑o既份兒啦！阿頂佢梗係老羞成怒，係咁打我啦！我地叫佢重複返個動作等我地影低佢留為紀念，佢都唔肯呀！

IQ題

喂!關羽,張飛,劉備,趙雲四個人去睇戲,可惜得返三張飛,你估邊個最尾冇得睇丫?

係關公冇得睇呀!
都話左俾你聽啦
人講你就訓
訓醒你又問
咪就係"關羽張飛留俾趙雲"囉!死蠢!

哈哈哈！！

讓男女都覺得窩心的事....

讓男生感到窩心的事：
1. 在朋友面前很給他面子
2. 像小孩子般對他撒嬌
3. 對他很放心，不要一天到晚疑神疑鬼
4. 常稱讚他的優點，把他當成妳的英雄
5. 親手做一些點心或小禮物，讓他的朋友羡慕
6. 穿著他喜歡的衣服樣式，做他欣賞的打扮
7. 聽他說話時，會一副很崇拜他的樣子
8. 就算有別人追求或看見帥哥時，都會說他比那些人棒多了
做到這些，想變心都難，因為這樣的女孩不好找了!!~~~

讓女生感到窩心的事：
1. 了解她心中的感受，不要表現出無聊或不耐煩
2. 常說溫柔體貼的話
3. 記得她的服裝、髮型，也要知道她今天做了什麼改變
4. 到哪裡都能告訴她和誰在一起?何時回家?
5. 吵架時會讓她，先說對不起
6. 讓她有安全感
7. 不用讓她擔心你會出軌
8. 偶爾浪漫的送她花或小禮物如此一來會更恩愛喔!!~~~

Cake 1 cake

今日返工又係咁啦....日做夜做...仲要答埋D無聊問題。

前幾日買果本WEEKEND，我睇完又睇，睇完又睇，完唔唔捨得放手。因為講O既旅行同野食都好正呀！睇晒全部都搵唔到一個ARM我O既旅行團呢~ 因為我只可以去3日2夜...到最後，都只有本地遊o既arm我呢...唉...

其中睇到一個cake1cake o既Homepage，有整cake 班上呀！仲可以rent個場地。當然如果屋企買焗爐就仲好啦~

今日仲特登去買六合彩呢！好多好多錢嫁！我都唔貪啦...都只係寄望earn返起碼一千，等我今個聖誕可以同屋企人同朋友去食聖誕大餐o者...點知...都係....唉~ 有一張可以拎返廿蚊本o既。我都知我家族...都係冇乜橫財運嫁啦！

Canon Expo2004

原來canon 搞expo呀！

11月19-21日
香港會議展覽中心
免費入場

如果有人陪，去睇o下都好呀！因為我地屋企要買digital camera (係呀！好out呀！而家先黎買。都係因為我媽啦...-.-")，而我妹又喜歡canon。

仲有呀！有人話同我睇Beyond our ken嫁喎！唔知人地今個星期得閒冇呢？

‥‥‥

今日手痕，返工果時買左兩本雜誌，《電腦廣場》同埋《Weekend》。不過都冇時間睇，因為今日我要返普通話，拎住3本書重『疊疊』咁返公司，你話豬唔豬？而且我有時間都要備課喎！個普通話每堂都有2篇課文要準備先，再過多幾堂就要交功課啦！都冇準備過。

尋日睇晒套韓劇叫做『浪漫滿屋』(Full house)。都幾好睇呀！宋慧喬又真係幾靚嫁！不過d粉就厚啦，好明顯見到個面同頸係唔同顏色o既。不過個男主角(Rain)好呀！ok嫁！唔算靚仔啦！不過佢係單眼皮o既，笑起黎好得意好cute啦！ha 山雞同佢有dd 似。真係dd咋！就係果對單眼皮o既眼啦！哈哈！當然係呀Rain 靚仔好多啦！


今日做做o下野果時，聽到坐係我隔離果個supervisor同個manager傾電話。對話中好似係manager問佢amanda 做成點，feel唔feel到interesting。個manager話冇，仲覺得我對乜野都唔覺得interesting。嘩！！又幾醒喎！的而且確做野d野真係唔係interesting ma。我並冇愛上我o既工作呀！係成個project design果時都幾interesting o既，因為大家係度討論方法。到後來o既都係一d implementation，仲邊有咩in 唔interesting 先？再者，最初係咁design o既，做左出黎完成左，係正常嫁喎！做唔到就唔正常啦o下話？個site look great？咁梗係啦！有designer嫁ma..你當佢地冇做野嫁咩！咁有乜野咁interesting 有乜野咁great o者？！真係唔明d鬼佬，少少野就interesting呀 good呀咁，你feel到唔緊要呀，你enjoy咪得law，做乜講到我feel唔到好似係我奇怪我有問題咁o者！！！

蟑螂臥底？！

Coach spy

今日睇《都市日報》，見到呢段新聞，覺得好interesting。科學家想發明蟑螂臥底，嘗試『埋堆』，係言談之間引導佢地踏係光線底下，令我地有機可乘！哈哈！

如果成功o既話...仲可以係呢個臥底度藏有利器！自動代我地出手殺左佢，再放埋入埋入垃圾筒度，做埋善後工作。嘩....咁就perfect啦！好似發緊夢咁。不過呢個構想好特別，如果我有份參與呢d科研就好啦！^_^

卡啦ok 預習

今日同mandy去左旺角唱k。都有一排冇唱啦，joey d 新歌隻隻都要唱晒。唱左3個幾鐘，因為我想返屋企食飯，所以6點幾我地就返屋企lu。不過行過pie & tart就買左個栗子批返屋企食，mandy都有買呀！不過係隔離果間伊藤家o既cheese cake呢！

呵呵！今日好日

今日好日呀！！

今日上普通話堂果時呢..有一個鐘小組討論喎。阿miss 過左黎我地果組度聽我地講野呢....今日個題目係『我最喜愛的職業』。內容...就唔講啦...=p 不過係到我講果時呢...miss就同其他人講話我講野個音好準，由其係讀文章好好聽呢！搞到我個心pop pop跳呢...成班都聽到咁滯啦~ 呵呵！

放學坐校車果時呢...一個同學坐係我隔壁喎。之前中班都係同佢一起上嫁..都講過o下野呢...佢問我係咪由細都一直學普通話學到大喎！(梗係唔係啦...) 因為佢聽到頭先miss讚我呢！佢仲話原來讀中班果時miss都有讚我呢！當佢地問miss我地班有邊個讀得好果時，miss有提到我呢！

嘩！超級開心！雖然我都知自己音準嫁啦！唔係我點會咁有信心去報普通話o者~ 就係因為自己有底子ma，先至話想惡補o下考個公開試，拎返張cert咁o者。以前同d日本朋友食飯果時，佢地其中有人係北京做交流生，所以識聽同講普通話嫁！佢都話我好正o既北京口音呢~

好多人生日

今日好多人生日呀！有jojo啦..中學李sir啦...仲有我媽咪。今日仲係我妹o既畢業典禮tim！

今日放工去左尖沙沮我妹極力推介o既『仙宮樓』同屋企人食飯。我妹最鍾意食上海野，所以今次都係。『叉子燒餅』、『賽傍蟹』、『鍋貼』等等。當然少不了我鍾意o既『豆沙鍋餅』啦！

今次呢間都算係唔錯啦！服務幾好..佢地真係serve你，唔似其他店咁咁求其。個『豆沙鍋餅』唔錯！水準之作。皮薄饀又多，只係略為唔夠脆。另外沙田連城廣場上面果間上海野都唔錯嫁！當然銅鑼灣Time Square好多人等果間更好啦！

今次係我妹請o既，至於我請果次ma...遲d先算呢！=p

之後去左haagen dazs 度食雪糕。食左個朱古力波...(唔係男演員呀o下！！)係一set有6個唔同味道o既雪糕球啦！當然係又貴又份量少果d啦，不過耐唔耐食一次都ok呢...

(我已經打左第3次啦呢段內容，我求o下你呀！唔好再hang同埋唔好忽然delete左我d content呀老細！>.<)

重返網吧

尋日約左人傾野呢，需要一個電腦同埋上到網o既。其實有好多都可以呢..pacific coffee呀star buck呀...大快活呀！都好多有電腦嫁！不過就係怕有人用好耐擺住之ma。最後都係決定左去網吧。大學時期我同d friend成日都會去網吧打機嫁！不過畢業之後都好少lu...尋日去返，好似冇咁嘈咁呢！因為人地唔係果度會員所以要入會，期間睇到人地張身份証呢！haha 人地果時個髮型同我印象中o既同學仔人一樣o既呢....中間分界..梳係左右兩邊...

跟住係度傾..傾完又未夠一個鐘喎...就睇o下網頁咁啦....見到個機內好多game...我都未玩過o既...
真係out晒lu....
跟住夠鐘就走人呢...

好在我記得jojo個生日係差唔多時候嫁啦....就打俾佢呢...我生日佢咁有心，如果我唔記得佢生日，佢會好唔開心嫁！原來佢係今日生日呢....同我媽咪一樣..

急救班

今日寄左form啦！就係同mandy一起係12月尾去讀急救班呢~果幾日係我o既annual leave黎o既。其實都未諗到做d咩嫁！反正又冇人陪到我嫁啦..個個都要返工....與其係屋企睇vcd 同埋打機，去學o下急救都好o既。起碼有咩事上黎我都識得救人救自己ma。

呀！要記得問gary同sherman借書呢...

尋根

今日忽然回憶起中學時代，好想搵返果d係我回憶中出現過o既人，於是去左個校友網度搵。其實我想搵o既係我一個住係同一座樓o既師兄，中學同一所，大學亦都係同一間。
點知係校友錄度搵到其他o既舊同學，仲add左icq，傾o下計tim！
^_^ 都叫有收獲！

唔開心

今日我見左一個人，發生左一d事，令我好唔開心。我好憎......軟弱o既自己。不過我已經決定左同呢個人絕交。佢係我咁大個女(十八歲以後計)第二個令我下決心同佢絕交的人。

點解係都要令我憎你你先至安落？你話你唔係我所想o既果d人？你講呀？你解釋呀？你點樣唔係我所想果d人呀？你只係同一般自私自利的人一樣，做咩事都係為自己。如果你有顧及過身邊愛護你o既人，如果你同樣亦愛護佢地o既話......

我最討厭果d人明知我玩得忍得，就任意的對我想測試我究竟能夠忍受到咩程度o既人！你叻啦而家，你cher到d quota盡晒，我冇辦法再當你係朋友啦！你開心啦！

(雖然第一個想絕交o既人，絕左幾年就做返朋友......)

一個月點都有一次！

係啦！今日就係一個月點都有一次o既......2人世界啦！ha..今日去左ruby tuesday用左果張半價e-coupon。唔用個人會覺得好唔抵咁。
上次係尖沙咀食，今次係太古城。點知好"lucky"咁坐左係張table....隔離果table個女人...原來係有病o既。成個dinner佢不停係度好似同人講電話咁，又話人地生愛滋，又話人地呃人30萬。又好大聲咁叫佢個friend 阿華同阿B過去佢張table度坐。當然，就係冇人過黎坐啦。佢睇睇o下雜誌，又忽然話鄭秀文係衰人，話佢逼佢男友做愛。不停咁有人呃人錢，有人生愛滋，有人逼人做雞......

成個dinner o既氣氛都俾佢差禍晒 ...>.<...

實用英語

今日教大家幾句英文『旁』o下身。呢幾句英文係對住一d好麻煩無禮o既鬼佬(好似我個阿頭咁)先至用o既。當佢地用d詞語去侮辱你o既時候，大家大可唔洗俾面佢地，用佢地聽得明o既語言(通常大家都會講中文)，insult返佢地。

1. You are talking pants

2. Ballocks

3. mother fucker.

『金句』....嘩哈哈！

過左幾個月沈悶o既日子，今日我終於出到一句『金句』啦！！！

今晚同友人好認真咁傾計果時傾開kiss....以下係我地o既對答...

友：Kiss is not just kiss. It's not just about lips.
我：it's all about the tongue???
友：( =.=") It's all about eyes.

哈哈！跟住我就笑左差唔多5分鐘......