House warming @ Manfred's house

尋日兩點幾到左Manfred屋企參觀。真係幾唔錯，係離商場遠左D。不過就算我屋企同商場幾近，我都係好少要出街，所以其實又唔係咩大問題。人地D屋企幾時都咁企理，睇返自己屋企...

玩左成個下午的Monopoly Deal，原來都OK O既，又唔係人地講得咁好玩呀~ 不過好在唔會玩好耐都冇結果。記得細個果時同表兄弟姐妹玩一盤都一個下午。

可能近排睇護膚野多左，上到人地屋企，忍唔住睇下人地用咩護膚化妝品，睇下係咪好用。HAHA
多謝Kelly，送左D潤唇膏俾我。不過我諗起佢老公以前成日冬天爆擦都唔塗潤唇膏返學嫁！所以記得留返枝俾你老公呀！HAHA

夜晚6點食飯，點知等人等到7點幾。要兩個大肚婆等，真係唔好囉。即係咁，如果6點鐘食飯，你6點鐘先至出發入黎，仲要成個幾鐘。咁係咪應該話趕唔切黎唔黎啦？又或者早D同我地講，叫我地改時間食飯，咁我地都可以係manfred屋企坐多陣，食D野呀！雖然遲到要人等一向係佢的性格，之但係只有佢老公先至會奉旨要等佢嫁ma。真係激死人！

不過睇返轉頭，可能未必係個老婆錯晒。會唔會係個老公冇講明俾個老婆聽我地6點食飯？又會唔會個老婆話左唔入黎，但個老公堅持要佢入黎食飯，要我地等埋佢老婆先開飯？咁就真係唔知啦！黎到都唔會做個樣講聲『唔好意思呀！要你地等咁耐~』，係咪好唔識做人呀？！即係佢老婆係屋企係女王O者，人地個老婆係人地屋企都係寶貝黎嫁ma！唉~

本來打算早D食完飯，早D返屋企休息，點知都係要10點幾先返到屋企。