整角仔

又到新年啦！我又要去做角仔師傅。

尋晚點幾兩點先訓，今早六點幾就要起身，當然係起唔到，遲左半個鐘先起身。去到姑姐屋企大約9點，一如以往大細姑姐都開始緊整啦。我同媽咪加入幫手，大家就傾下整下咁。

細姑丈今日有黎，原來佢arm arm改左個英文名，叫做David!! 俾我笑佢！而佢兩個仔就叫Cell 同埋Tom。Tom Lee =.=" 真係唔方唔俾人笑死~

整到7點幾先由細姑丈車返屋企附近，左手虎口位已經好痛，因為要幫手lookd麵團做皮。上次同老豆阿妹試果間赤川，今晚叫左佢兩個早d落去排隊等位，點知唔洗半個鐘就有位。結果佢地係入面坐成半個鐘我地先到。

講返間野，表哥話好好食，好食過間福井，但我地食完覺得都係一般。野食的選擇唔多，有幾版都係野飲，好似酒啦、奶昔等等。三文魚刺身係幾抵、又厚，但係妹妹話味道一般喎~ 再者個赤川其實唔係新開張，而係細店轉大店only。

下次我地要試下屋企附近另外一間日本野同埋西餐廳先得。

一門 + 按摩 + 打機

十點多就醒了，開始看劇集。天氣太冷了，想要做運動都不行。跟leo想來想去都想不到下午做什麼好，結果各自各的玩算了。6點鐘一起到我想試的一門吃飯。

6點鐘那裡沒多少個人，我聽取了alice的介紹跟openrice的食評，點了好幾個菜。包括﹕

• 長蔥玉子
• 軟殼蟹沙律
• 壽司拼盤
• 南瓜燒
• 牛油粟米燒 x2
• 東洋卷

還好leo叫停了我，否則我又叫到滿桌都是了。炸南瓜不錯，我也挺喜歡南瓜的味道；軟殼蟹沙律十分大碟，玩下手軟殼蟹仲多過雜菜；牛油粟米燒很好吃，牛油味很香，粟米很脆；而東洋卷也不錯，有蟹子、牛油果、鰻魚等，再有pancake包住。吃到最後我覺得很飽了，可是還是吃多一條牛油燒粟米。8點鐘交枱，很多人在外面等呢！

之後我們去了逛街，在街上有個慈善活動，我就玩了那個頸肩按摩10分鐘只是$20！！按完也挺舒服的。還捉了吃藥吃得昏昏的leo跟我去打街機，玩了賽車mario kart、槍戰、太鼓之達人跟那個選材料的遊戲。很好笑的leo在mario kart中拍的照片很上鏡呢！而且他賽車時居然倒轉了方向，還不知道呢！哈哈~笑死我啦！

本來想去拍卡的，可是粗心的我忘記了明天他要早起，而且病病的應該要早點休息，所以還是下次再拍吧！

Lestsariel

這是我表弟的名字。

以前看過他的blog，他所說的文學什麼的我都不太懂，畢竟理科生的我本來就對中國文學或者歷史等都不感興趣。昨晚聽到媽媽說去了冰島旅行的表弟有在blog上寫他旅行的事，說那裡沒有想像中那麼冷。其實我在他爸爸的blog內就知道關於錯估天氣的事情，不過我還是好奇的想要看看他的blog。遍尋不獲下，我向google老師請教，他有關於冰島旅行的blog我找不到，怎料卻看了很多有趣的事。

原來Lestsariel這名字很特別，特別到搜尋到的網頁，全都真的是有關我表弟的。他有好幾個blog，yahoo、blogger等。內裡還是一篇一篇的文章，我還是沒能力好好的把他們看完。

他跟他的朋友常在辯論。好幾個人的blog都在反駁他的說話，看了一會，忍不住的發笑了。

最搞笑的是n年前看他改篇看『唐山大地震』的『我和我的高考』文章，看了笑了說算。沒想到他的文章被別人廣泛的轉貼。他，原來是個名人。(哈哈~)

Clubbing 真感情？

前陣子跟一個朋友談過一席話，又在網路上看了一些文章，略有所感。

有人問在Clubbing能不能找到真感情？有些人說難、非常難，到那些地方去的人都抱著出來玩的心態，根本不是找認真的對象的場合；有人說Clubbing只是玩的途徑，跟去唱k打球一樣，當然會有真感情，身邊很多人都是從那裡認識、相愛到結婚的。

朋友就是曾經想要在那裡找到真感情，卻碰壁的人。結果她以遊戲人間的態度對待在Clubbing認識的男人。看過一個過來人的blog，她去過好幾次clubbing，然後得出結論，就是在那裡的人只有兩種，一是真的想要跳舞的人，二是為了認識異性的人。盡管你本身對愛情多認真，在那裡玩久了，是會被同化的。當你一次又一次的在clubbing認識的異性身上受傷，一次又一次渴求真感情而碰壁，你就會知道要在那裡混，要有甚麼樣的態度，才不會受傷。

開心的談話

今天好像正常了一點，有些東西做，不會有太多時間發呆。下午經理捉了我們開會說要弄schedule。放工ot了一陣子，因為有個document要明天給isabella，而且我上8點的歌唱班。快要7點的時候，anthony過來撩我說話。好久沒有跟他說話了，也許是今天我msn問了他明天去不去蛇口的annual dinner吧！

我們當然是談八卦了，跟我不可能談股票，我都不懂。先說了那個來了幾天又走了的SA Keith, 說了經理的壞話，又說了大家對review滿不滿意。還有說了感情問題啦！談到一半，看見經理來來往往的投來目光，想必他是有事要找anthony了。於是我也先走了。

歌唱班還是一樣，阿sir又問我為什麼不唱『傻瓜』，因為我最近狀態不佳，不想唱衰這首歌呀！=.="

**************************
昨天回家途中看到一個胖男人烏低身執掉在地上的東西。我看到他後腰跟股溝，真的想洗眼！他疏落又圈圈的體毛在後腰上裸露，再加上那絕對不吸引人的股溝‥‥‥唉~

還沒吃飯的我，沒胃口吃東西了。

收到手信啦！

今日經理同我地做左review，係呢度都做左一年啦！通常我都差唔多轉工。今早返工時見到個programmer入左去做review，出黎傾左陣，快要lunch時就到我。唔...整體上冇驚喜，一切都係expect以內，甚至比expect差。

lunch雖然有帶飯，但都係同左evelyn出去食。兩個當然地一起做review檢討，睇下經理點講ma。又講下股票呀、佢男友(仲有一星期就變老公)。

差唔多放工時收到leo sms，話仲發緊燒，今晚都係唔見。佢去完旅行返黎就病病地了，咁好啦，本來改聽日的唱歌班都係今日上返啦。點知當我係地鐵帶住headphone打緊nds時，企隔離個鬼佬篤我，我好驚訝咁望住佢，你知啦，我邊係會俾人撩果隻o者~ 佢指住我個袋，我望下個袋又望下佢，一時想唔到係咩事。直至佢做手勢，我先知原來我電話響呀！=.=" 瘀爆~

原來leo send sms又打左3次電話俾我，今次死啦~！結果今晚都係見面，我收到紫晶酥同綠豆糕呀！雖然唔係我想要的『生計』綠豆糕(我都知好難搵)，不過新東陽的都幾好食呀！最重要都係果份心意，花時間為左買手信俾我而周圍撲，真係難為左佢(同佢d朋友)囉！=p 下次等我去台灣，我就買好好味的『生計』綠豆糕俾leo試下！

除左野食之外，仲收到一個鴛鴦陶瓷樂器，我地係糖水店度邊食糖水邊學吹，但係走晒音。我諗隔離枱真係多得我地唔少啦！有人話要吹『月亮代表我的心』俾我聽呢！呵呵~

一門

今日係openrice度搵野食時見到呢間。好誇張地好評有百幾個，劣評只有十幾個！！！
係咪真係咁好食呢？
有冇人食過話我知？

或者等埋leo一起去食。

按摩

今日得閒冇野做時又search下有咩好睇，就search左d按摩資料。唔知係咪人大左，以前我幾累都好，夜晚訓係張床度，第朝就唔覺有咩酸痛。但係而家...，雖然都一樣訓落床就3,2,1訓到大天光，但係都係會enjoy人地幫我按摩。

情侶按摩
自我按摩
香薰按摩
眼部按摩

有冇人有興趣同我一起去報讀按摩班呢？我想報肩頸、背的按摩，學曉左可以幫另一伴按下，做個體貼的女朋友/老婆哦！

又頹

睡醒下午2點多！好久沒有睡得這麼久了。幫媽媽跟妹妹處理一些事務，又打機跟看劇。本來打算看的書一點都沒看過！唉~

昨天完成了校友會網頁的更新，主席打來的電話煩死了！我又不是常check email，怎知道他又要改什麼？還有都沒有看清楚就說我刪掉他的東西，我只是掉了位置而已。今天他說改這一點點，明天又說改那裡一點點的。超煩的說！

晚上在家吃火鍋，吃太多了。

大概再兩天他就回來了吧！

Alone at home

早上訓到十點多，就起床活動，難得的私人時間，當然要好好的看我的劇集。整天都是看劇打nds的渡過。

偶而跟男友sms，他就爽啦！浸溫泉！可是我也不弱，吃、看、睡，yeah!

回家

星期五晚上，一下班就回家。阿媽還在潤我沒街去！我不回家的日子還不是說連跟我說話的時間都沒有？女人真善變。

又開始看我的台、韓、日劇了，而且整理了一下nds內的遊戲。最近打完了兩隻rpg game，換了一個新game。新的牧場物語，leo說話這個除了經營牧場外還會打怪獸。

補課

由於昨晚偷懶的關係，今晚要補回唱歌的課。在旺角天橋下買了半磅栗子，就上課室等上堂。栗子炒得很好，沒幾個是臭的，果然是聞不虛傳。可是一個人吃半磅栗子，吃到我口都累了，真不知道妹妹如何吃一磅的。

唱歌不順利，聲音好像失控似的，阿sir說我的聲音有點病病的。可能近日天氣太涼，有點作病吧！

男友今早就飛去台灣了，接下來是我一連5天的私人空間，呵呵呵呵~

病假 + 蝴蝶飛

早上起來感覺唔舒服，可能近黎天氣轉涼、尋晚又捱夜吧！於是請左個病假係屋企休息。點知9點幾十點，主席佢地睇左我d email，個司庫就打黎同我傾買電腦d野，講點俾返d錢我果d問題。同佢傾完，又開個電腦睇下主席又有咩講。

同佢傾電話，佢又話冇想到我地update個網頁咁快，果d野都未finalize，話同步o者~其實寄信同網頁都仲差緊一日時間嫁ma，唔洗咁急。

拿拿拿！唔做佢野時，又係咁催，話明16號同步出街，而家又話唔洗咁急，玩野咩！都唔鬼理佢。

下午同leo去買左d佢聽日旅行用o既野、去睇埋蝴蝶飛、傾陣計就返屋企lu。蝴蝶飛真係唔係咁值得睇，個故事好平淡同簡單。主要都係講李冰冰忘記左當初點樣愛上仔仔，而仔仔係佢想起左大家一起時的情形，又知道左自己爸爸其實係好錫佢的咁，就安然去投胎轉世。雖則我都流左些少淚水，不過確實套戲很一般。

校友會網頁

1月16日係校友會網頁更新的期限。上次開會時果個好得閒又退左休的主席，講明係同d信同步於16日發放消息，於是我同mandy約好左今晚整網頁。下午又同mandy傾左幫校友會買的電腦同軟件配備，準備向主席同司庫提交。

放工本來約左阿妹同佢個friend kitty傾下投資野，不過由5點幾打到7點幾，阿妹個電話都係冇人接的，所以算數，早d返屋企做野。話早d其實返到屋企都要8點幾，買左小食拼盤同迷你pizza當晚餐。食飽就開始整網頁，發覺d資料好唔對路。mandy返到屋企大家一起再整多陣，就當搞掂，其他的等主席睇完有咩改先改。

凌晨一點，訓。

解夢

我訓覺晚晚都會發夢的，但係已經好耐冇發過惡夢，即係唔會發果d好緊張好驚，之後醒左時個心仲係好緊張果d。但係尋晚發果個...

係夢入面，我同我d朋友，大概係大學同學吧！係街度行緊，望上街邊的樹，我看到一條條好肥大的蟲。朋友的女朋友話睇唔到，我就指俾佢睇。點知回過頭來，d蟲都變晒做蝴蝶，係勁多的藍蝴蝶，多得令人好驚！我跑返自己屋企，係窗口見到外面已經俾蝴蝶包圍晒！我趕緊的關埋d窗，費事佢地飛晒入黎。但係始終都俾佢地入左黎，好多好多飛到我身上、左手上，從衣服入鑽來鑽去，我伸手去捉住佢地對翼，諗住捉返佢地出黎。點知我點扯，拎出黎的都只係一對藍色的翼，蝴蝶個身(即係條蟲)黑猛猛係我身度行黎行去。我一隻隻咁抽出黎pat係地踩，踩踩踩‥‥‥

咁就醒左返工。

*************************
解夢
梦见蝴蝶在花丛里飞舞，会过上幸福豪华的生活。但是梦见断了翅膀的蝴蝶，会感到失望，生意亏损，身体患病，忍受精神折磨。梦见蝴蝶落在自己的头顶或帽子上，会连升三级，或成为百万富翁。梦见追捕蝴蝶，会与自己相爱的姑娘结为伉俪。但是梦见抓住的蝴蝶又飞跑了，他相爱的姑娘会嫁给别人
*************************
冇一個講俾蝴蝶攻擊，點算？

貓『猛』腳

星期一返工，起身有難度。下午開左兩個會，出黎時都差唔多放工。見到mummy打俾我，想起一定係wii出左咩問題了，就覆返佢。佢話我知要收$600先肯整...我心諗...咁都冇法啦唉~ 點知原來佢玩野！$200就ok了！搞掂！而家只要load埋game就得啦！

放工準時的走，約左sabrina同szeto係尖沙咀等，阿邦開ot唔得閒喎！我地去左一間叫Holic的新開餐廳度食，新開到係冇客的！好耐都冇夜晚食成個餐咁多，當我食完時，覺得個肚漲住好唔舒服。大家傾下近況呀，台劇呀咁。原來佢地鍾意小豬，我就一般啦。

傾到9點幾，大家就散band lu。返屋企時太累，係火車度訓過龍，過左一個站呢！

邊同leo傾電話邊返屋企，當我行到屋企附近，提起左腳往前走時，忽然有d野扯住我隻腳！我心震左震，不敢輕舉妄動，低呼左一聲回望係咩野cool住我‥‥‥我見到一向係呢度徘徊的老貓就係我左腳隔離，俾我低呼一聲嚇左嚇，行開幾步望住我。對上一次寒冷的天氣，佢又係定晴的看我對我喵，想跟我返屋企咁。今晚又係寒冷的一晚，難道佢想我帶佢返屋企嗎？！但係那是不可行的，最後我跟他喵了幾下，就走了。

看完『去海邊吧』大結局，睡前跟妹妹說了貓貓的事，妹妹說了愛莫能助，就睡了。

『師奶』後感

成個劇分成左好多段。其實食無線劇集長大的人，應該會成日會心微笑，尤其佢提返d對白。經典對白入面，除左大契的『呢度唔係法庭...』之外，好搞笑地『你今日累唔累呀？煮個麵你食呀？』都係經典對白。咁又係真喎！我覺得真係有可能每個劇都會講呢句！haha，當詹瑞文扮的師奶喊住咁話﹕『我唔鍾意食麵，做乜要逼我食呀...』果時，我真係笑爆！

咁多個單元內其實我最喜歡的係『智能飯局』，亦都係唯一一個詹sir以男裝出場的一個單元。正如詹sir咁講，我真係覺得係一個女人扮緊男人，可能佢扮女人太入戲，把聲嗲到我同leo都頂唔順起晒雞皮呢！『智能飯局』諷刺得好易明，成個飯局真係係度挑戰我地的智能。主持人問的野係好普通，甚至算得上無聊。記得之前睇過一集係梁詠琪的專輯，志雲問佢同伊麵的事，當時早就過晒氣，而佢問的問題又係人地問過晒的，gigi答的都係之前答過晒的答案，但係gigi同樣係哭得肝腸寸斷。講到一半志雲又話呢道菜點點點，其實個節目係介紹菜色，定係訪問藝人？睇完成倨專輯，我都唔覺得我有更瞭解到gigi呢個人。就好似單元中最尾一句一樣，呢個訪問究竟俾左d咩觀眾？

唔記得有幾耐我已經冇追劇集、冇睇台慶、基本上電視都唔多對住。睇左廿幾年電視，其實真係有d悶。尤其係台慶，我就最討厭！對上一次台慶，我睇左幾分鐘，佢不停的懷舊，搵左d劇的演員企係度定格，俾d主持人玩。扔蛋糕定係寸人，都覺得好悶。一黎主持人講的野冇咩好笑，只係想搵個籍口pat個蛋糕去個演員度；二黎個演員又唔係show專業，定格的佢都一樣都走黎走去；d觀眾只係呆坐係度睇佢地互扔，係超級咁無聊。

整個劇當中唔難搵得出身邊師奶的影子。好似主角買LV, Gucci就猛話平、抵買，但轉個頭去街市買餸就一角都唔可以蝕，少少都話貴。而同老公傾電話果時又係，電話冇響就好想老公打返黎，又喊又tum又pray，但係當老公打返黎時，一起手就罵做乜唔打返黎呀死佬！haha 真係勁似！

睇左本小冊子，又深的明白成個劇想表明d咩。自己睇時都知佢一直係度諷刺tvb，話係tv bullshit，好搞笑有一度話要研究點樣將d idea變做shit，同埋將shit變做idea！最後個單元講主角親手殺死左四十歲生日的丈夫，當時就知道係指tvb，而個感覺係好傷感好唔開心，而唔係恨不得佢死的感覺。正如劇本身都係想tvb改好，而唔係想佢死一樣。

師奶呢個稱號，林奕華解釋得最好，我好同意。師奶係指d目光短淺的人，她只看得到自己的家庭，並以維持到一個家庭而自傲。要做師奶，先要有個老公。但係師奶卻又係持住自己成為左師奶，就安於現狀，甘於做目光短淺的一群，每天都係浸淫於換湯不換藥的劇集入面。

好似我媽媽咁。今早提到想睇下仲有冇地方幫人改wii，佢話幫我去睇，妹妹提醒佢因住俾d卧底警察捉佢，佢就話﹕『咩呀！我唔知犯法唔得嫁？我係師奶黎嫁咋喎！』

...師奶犯法冇罪呀？自認係咩都唔識的師奶，唔通係社會上會得到厚待？！

唔夠訓

今日訓醒一舊暈咁，一返工個人起身時就好似唔夠訓，但係sat, sun起身時又覺得好清醒嫁喎！

一邊返工一邊睇埋尋晚個『師奶』的小冊子，睇完又諗下野咁。係地鐵俾人踩左腳趾一野，痛到我叫左出黎...細細聲o者~

今日有時間偷懶的話，要做下校友會網頁了，星期三就要出。mandy唔知點呢？仲未得閒傾個電腦d野呢~

萬千師奶賀台慶

訓到12點幾，起身心郁郁想睇下仲有冇得改wii。尋晚聽佢地講先知原來而家改機係犯法，冇人幫你改嫁啦！咁死啦！我仲未改機嫁ma。不過想想下，我好日都唔玩下，如果真係想玩，就買一兩隻正版囉。我落去睇過附近果間game 店，真係收起晒d改機價目表呢！

2點去做個facial，順便join埋新plan。之後出去同leo係旺角掃街，食左好多野呀！就去灣仔演藝度睇『萬千師奶賀台慶』。7點半睇到10點半，上半場勁笑，笑到肚痛；下半場就悶左d，尤其係我唔喜歡聽食字。不過整體黎講都係一個good show！詹瑞文好勁呀！真係成個女人咁，身型好fit呀！智能飯局度串得好精彩呀！

雖然完場時11點到有d夜同眼訓。

House warming

訓到12點幾，起身睇左一集劇，就梳洗出門口，去wallace 屋企玩。我遲到左半個鐘到，等埋gary sherman就打牌同玩wii啦！本來以賺一個老婆餅為目標，點知最後輸左兩個老婆餅，唉~

晚飯時間大家去左kfc度食全桶餐。又係kfc呀！食到好『漏』呢！食完飯係大廈樓下同leo傾phone傾左好耐先上返去wallace屋企，勁俾人串我，問我係咪去左機場先返黎。=.="

玩到11點幾就返屋企lu。我要記住去的時候要坐284，返黎就要坐73A。

去海邊吧！

尋晚去左補唱歌堂，所以今晚可以返屋企抖下。食左kfc一人套餐，仲加左隻新口味的咩芝麻辛辣雞翼，可惜唔多覺辣。

食完就睇幾年前的韓劇『去海邊吧！』一睇都睇到8-9集呀！

生計綠豆糕

生計綠豆糕
台北市羅斯福路3段15號

我最喜歡吃生計的綠豆糕！如果有朋友去台灣的話，麻煩買兩盒(24小個裝)給我。

一盒 全芝麻
一盒 12個花生、12原味

其實他的棗泥味才是最有名的，可是我試吃的時候覺得太甜，而且我本身不太喜歡棗泥的味道。

樣本

one's life is only one's business

今日入facebook睇野時，好奇地入sting (大學一個同學) info度睇，見到呢一句。

one's life is only one's business

Is that true?
I really don't think so.

見面

leo 開始左返英文班應該係第二個星期，發覺我又忙佢又忙時，真係冇咩時間可以見面。所以今日要上的唱歌班我改左聽日上，就可以見一下面啦。

放工去到荃灣，自己食雞蛋仔、辣魚蛋咁，諗住leo佢係屋企食左野先，出到黎就唔洗再花時間陪我食野啦！跟住沿住我地行日行的路線，邊食邊逛，經過小食店忍唔住買左d零食返工食。

8點多跟leo見面傾下行下咁。

距離佢去旅行的日子仲有......剛好一個星期。

*********************
有人發生超『魚』事件，途中有異性不停的望住佢，我心諗﹕『你又唔係靚仔到咁掛？賀軍翔就話o者~』

點知...原來......哈哈！有人...xxx呀！

名人人面辨識

係author個blog度搵到呢個site，原來我似日本妹多d，之後就係sammi。竟然連paris hilton都似似地，我咪用緊佢支香水囉！

OT

想不到才一天，就立時要我OT了。

下班前15分鐘，isabella才說明天中午要做好一份工作，而我看了看內容，就知道不可能在明天一個早上內做完。結果當然是要留下來OT啦！

9點多才做了一半，剩下的一半如無意外，明早可以完成的。於是我就走了，呢個時候行左公司一個圈‥‥‥我發現我做左最遲走的人。

*********************
知道mandy有d唔開心的事發生左，希望佢可以好d，睇開d。

CFA notes + 萬千師奶

雖然開會時有點不愉快，可是今天下班我還是沒有OT以博取經理好感。6點45分我就先走了。

因為我約了人7點買CFA Level 1的notes。CFA的level 1 知識，好像對工作上有一點用處。我的同事isabella跟evelyn都考了level 1了。經理之前也提過叫我考的。我也想學一學。可是7大本的書，加上我這麼忙的schedule，根本不可能參加6月的考試。所以我是在想也許我會參加12月份的考試，那我就有一整年來準備了。

7點半又約了robin見面，我向他買了萬千師奶賀台慶的票子，因為他跟roy要去飲宴不能去了。

搬了這樣重的書回到家附近，收到leo的電話，看來他今天也挺累的。
晚上沒有看書，還是跟我的nds內的牧場物語渡過。

看在眼裡，記在心裡

今天把我一向負責的難題，交給了isabella處理。結果她也是束手無策。問了henry chan，結果也是一樣。我不是不想幫忙，只是我斷斷續續的都已經看了一個月了，還是茫無頭緒。最重要發生問題的部份，沒有documentation沒有designflow，根本就不知道它是如果運作，從哪裡呼叫到有問題的那部份。最最重要的，發生問題的這個模組，我們都沒有改過。

下午開會的時候，經理作了一個簡短的review，大致上良好，只是有關production incident的處理，他有一點意見。負責這次處理的，主要就是我，就是對我有意見ma。首先，說我沒有OT，在重要的關頭是應該要留下OT的。那個星期我們正在出build，isabella她家裡有事經常早退請假；evelyn則到了西安去談project；henry早就不負責我們team的事了；就只有我負責出build。

星期一OT到7點多，發現build有問題，叫內地同事改。incident那裡改了code，送回了client那邊。

星期二主力測試改完的build，OT到8點多。

星期三我跟jack討論過為什麼sent過去的code不能解決incident問題。我們都沒有頭緒，於是向isabella求救。交下我的進度後，我就在6點多離開公司了。然後經理有問過我去了哪裡。

星期四跟星期五都在為incident OT到7點多8點。

說我沒為incident OT，是說不過去的。可是就那一天我準時的走了，給他抓個正著。我不是說我沒有做錯，基本上incident為什麼弄了這麼久，是因為我提供解決的那些code發生問題。我以為公司的code都會緊跟著programming guideline。那料到有一行被comment了的code，又沒有花牌說明，原來是而需要的。不知道哪個programmer comment了code又不註明。反正我有事走了，還是有把進度跟問題向isabella交代清楚的。

至於另一次對log的問題。那天又是只有我跟jack在office，中午時份client send來了log files，我們分別的核對了兩天的logs，jack集合了所有exception到一份report中，5點多我們坐下來研究那些exception是不是正常。基本上大部份的exception都是因為一個exception而引發的，而對於那個exception，我跟jack都不知道那是不是正常。其實平時我都看過這個exception出現在我們的testing 場，一直都沒人理。而我看過code，覺得好像是因為data而導致的。與其花4-5小時我的下班時間來研究一個有可能是已知的、正常的exception，那倒不如明天問一問isabella，看看她是不是早就知道那是甚麼一回事比較有效率吧！而且jack也說了明天才做。誰料到經理想要即日完成？！結果我跟isabella花了一個上午才証實那是一個program bug。合共一個man day的工作那可能就我自己一個人OT就搞定呢？！

雖然經理也不是很嚴厲的訓斥，可是我總是覺得有點氣。他看到那天我準時走了，別的OT日子他看到了嗎？有時候要等client回覆才可以繼續研究，呆坐到11點也是沒用的呀！

我想在review的時候，我要向他溫和的表達我的想法。

他add了我的facebook

早就在facebook中search到他了，只是我沒有add他。因為我們根本就不會說話，msn都不會說，所以更不用add facebook了。

前幾天收到他add我的request，還真詫異的。可是我還是add了他。

add不add他只有一個考慮，就是add了他之後，他就會看到我的photo album了。那裡有我跟leo的照片呢！0_0

還有add他時我註明了我們曾經一起共事，還想著要不要寫我們曾經dated，而結果是怎樣。這才讓我發現facebook也搞爛gag。如果我加了他而註明了我們甚麼時候是情侶，現在的狀態是We never speak。那不奇怪嗎！？

************************
看了askin跟他現在的女朋友去日本旅行的照片，他的女朋友還真不錯，挺漂亮的，可以算是眾多女朋友中最漂亮的一個(我在自己踩自己嗎？！)。不過，我還是覺得jovi跟他比較襯。算了，陳年舊事，haha。=p

New York Cheese Cake ......失敗？！

訓到1點起身，今日要整new york cheese cake。上次聽同事isabella話整焗cheese cake好容易，我就一心想用左x'mas買黎整cake俾leo，但係就整唔成的材料，黎整一個new york cheese cake。

跟住兩個食譜，一個係為食貓o既，而另一個係美食DIY的。我都係跟為食貓果個多d。整呀整呀就整左成日，整到6點幾先放得入爐焗，見佢不停的升高，個心就驚啦！呢個cake好似係實淨，而唔係好似普通蛋糕咁發大嫁喎！冇理由成個食譜都唔arm掛？阿妹話我用打蛋器打得太多空氣入去啦喎！唉~

拎佢出黎放涼，老豆名妹都meet一舊食，話好難食。我地就落去牽晴間果邊食飯，想試下新開果間赤川日本野。表哥話好食過我地呢邊間福井。可惜新開就預左有排得，等唔切囉，就去返前幾日同mandy、綺薇食果間泰國野金枕頭度食。去的途中見到表哥同佢女友祺祺，第一次見面，但係我穿得好求其喎！唉~

返到屋企見個cake 塌返落黎，isabella話咁係arm嫁喎！佢係會發起之後塌返落黎，之後放入雪櫃雪就ok。我抱住一絲希望將兩個一忽忽的蛋糕雪左入雪櫃。

聽日。
聽日就會知係成功...定係失敗！

********************
仲有男友仔勁乖呀！一返到黎都未打俾屋企人就打左俾我先，抵鍚呀！聽左佢呢兩日的行程，好似都幾好玩咁呢~ 可惜我唔得閒一起去。

tea buffet + 火鍋

尋晚返屋企都幾夜，諗住都唔會搵到leo，點知有人起身痾夜尿睇到我msg，hahaha。約好左今日下午去食tea buffet。

2點多到左葵芳，leo買左新電話，係htc呢！我d同事都有好幾個買呢部，呢個價錢有pocket pc phone，真係幾抵咁呢！不過我個電話仲未壞，之前聽唔到聲係因為個鐵片鬆左d，冇插hand free又當左我插住handfree，而家冇事lu。

我地去左...應該係新都會廣場5樓，果間relaxing tea house度食tea buffet。我覺得外面環境好d，因為我鍾意白色為主的傢俬，不過我地坐係入面。$75個tea buffet覺得都幾好，除左有熟食如豬扒、雞肉、螺絲粉、菜等，仲有cheese cake3款、waffle、飛碟、龍蝦湯、jelly糖等等。當中龍蝦湯不太好食，其他我都覺得幾好。仲有食到雪糕添！結果我食左唔知幾多round，肚都漲晒先走。

送左leo返大陸之後，我就同表妹們去左九龍灣mega box的德興火鍋度打邊爐。早就表明我好飽，但係阿妹同rebecca表妹狂點，咩都叫黎食，田雞又試、鴕鳥肉又試，叫到一個table都係。食淨就一定嫁啦！不過都唔算淨得太多。埋左單就行megabox，rebecca仲可以跳黎跳去，不過我地幾個老野，挺住個大肚腩，只好慢慢的散步跟尾lu。

佢地買左d野，走的時送埋rebecca返屋企，我地都要11點幾12點先返到屋企呢！

本來係可以打俾leo o既，不過，只係一晚o者，聽日傾返電話都可以啦！

校友會開會

今日老細催我個task的進度，我都冇法子答佢。isabella同我一起睇，睇左半日都冇咩idea。

放工趁個個都唔係度，就準時的走。因為要返心誠開校友會會議。今次開會基本上都冇咩特別野，收到份agenda時都預左唔會傾得晒。好在冇真係整個powerpoint黎present，唔係就真係晒鬼氣。講左咁上下野，又講左網頁有d咩野講，講左買機果度點。所以黎緊就要幫手quota價，同整網頁。2月24日function前都有唔少野做呢！因為太忙，所以我都冇主動的參與2月24日的function籌備。

返到屋企11點幾，最近呢幾晚都好夜先返到屋企呢！

聚舊

今日放工準時的走。趕返屋企附近，因為約左mandy同綺薇食dinner。

返到去打電話俾佢地，發覺唔知點解我打電話聽唔到佢地講野，佢地都聽唔到我講野！好在有sms先可以meet到。唔通我電話夠期要換！？唔好呀！又要洗一筆啦！

見到面之後，mandy同綺薇早早就傾佢地的共同話題傾得不奕樂乎，而我就睇下食咩。大家叫左野食之後就傾計。話題當然都係圍繞佢地的共同話題啦！我邊食邊聽，都聽到唔少有趣的事呢！哈哈！不過佢地顧住講野，d咖哩蟹俾我食左好多，仲有菠蘿焗飯都係。唉~ 枉我呢幾日都好神心咁有做mario教果3步曲，今次冇啦！

食完傾完都十點幾十一點，我見到綺薇對眼恰下恰下咁！約好左之後一起去睇野、同化妝、做facial！

呀！要睇下隻呃有冇得拎去整，可以叫綺薇幫我拎去整呢！

鍾無艷 - 謝安琪

很久冇聽歌，前陣子author介紹我聽呢首。聽下聽下真係幾好聽。

鍾無艷 - 謝安琪

其實我怕你總誇獎高估我堅忍
其實更怕你只懂得欣賞我品行
無人及我用字絕重拾了你信心
無人問我可甘心演這偉大化身

其實我想間中崩潰脆弱如戀人
誰在你兩臂中低得不需要身份
＊無奈被你識穿這個念頭
得到好處的你明示不想失去絕世好友

沒有得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　卻不配愛下去
在你悲傷一刻必須解慰找到我樂趣
我甘於當副車　也是快樂著唏噓
彼此這麼了解　難怪註定似兄妹一對

其實我怕你的好感基於我修養
其實最怕你的私心虧准我體諒
無人問我寂寞像投何處去養傷
原來是我的心境高到變為偶像

誰情願照耀著別人就如月亮
為奴婢為你備飯奉茶是殘忍真相

REPEAT＊

讓我決定我的快樂
那須得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　無須裝說下去
在你悲傷一刻必須解慰找到我樂趣
我甘於當副車　卻沒法撞入堡壘
彼此這麼了解　難怪註定似兄妹一對

你的她怎允許　結伴觀賞雪的淚
永不開封的汽水　讓我抱在懷內吻下去

〈如果你也聽說〉

今日係我重返唱歌班的日子。放工後去到兩個月冇去的課室，同學仔的面孔都有d改變，主要係多左人。結果我由7:30坐到9:30先有得上堂，呢個真係大問題，浪費晒d時間。當中我又入去同貓貓玩，隻貓貓之前同十十玩得太開心，一入去就不停喵你要你摸佢。摸左陣想走，佢又唔夠皮，就咬我腳背唔俾我走。

本來想唱〈鍾無艷〉，但係太新阿sir冇，所以唱返首〈如果你也聽說〉。超好聽嫁！初初聽我都忍唔住眼濕濕，張惠妹唱得勁有感情。

如果你也聽說
詞：李焯雄 曲：周杰倫

突然發現站了好久　不知道要往哪走
還不想回家的我　再多人陪只會更寂寞

許多話題關於我　就連我也有聽過
我的快樂要被認可　委曲卻沒有人訴說

夜把心洋蔥般剝落
拿掉防衛剩下什麼
為什麼脆弱時候　想你更多

如果你也聽說　有沒有想過我
像普通舊朋友　還是你 依然會心疼我
好多好多的話想對你說
懸著一顆心沒著落　要怎麼負荷
捨不得　又無可奈何

如果你也聽說　會不會相信我
對流言會附和　還是你 知道我還是我
跌跌撞撞才明白了許多
等我的人就你一個
想到你想起我　胸口依然溫熱

許多話題關於我　就連我也有聽過
我想我寧可都沉默
解釋反而顯得做作

夜把心洋蔥般剝落　拿掉防衛剩下什麼
為什麼脆弱時候　想你更多

如果你也聽說　有沒有想過我
像普通舊朋友　還是你 依然會心疼我
好多好多的話想對你說
懸著一顆心沒著落　要怎麼負荷
捨不得　又無可奈何

如果你也聽說　會不會相信我
對流言會附和　還是你 知道我還是我
跌跌撞撞才明白了許多
等我的人就你一個
想到你想起我　胸口依然溫熱

如果你也聽說　有沒有想過我
像普通舊朋友　還是你 依然會心疼我
跌跌撞撞才明白了許多
等我的人就你一個
想到你想起我　胸口依然溫熱

如果你想起我　你會想到什麼

07年大事回顧 + 08 展望

學業
07年5月完成左碩士課程，11月則參加左畢業典禮。讀書到呢度都差唔多，唔會再讀上去phD果d，基本上我都冇可能讀得上，嘻嘻。好好彩的碩士成績有B，雖然唔係好勁，搵工都唔會睇你咩grade，不過算係彌補返degree 差勁的成績。

08年打算會讀一d cert。可能去考返張java cert? 定係PMP? 不過最有可能的應該會係CFA Level 1，因為我d同事都考緊，老細想我地考。

另外仲有兩本投資書未睇。

事業
07年係呢間公司度做左成年都冇轉工，唔知係好定係唔好。呢間公司的好處就只係佢做的係finance application，而我會有多d 機會去接觸management o既野。年尾有機會轉工加薪，但係結果都冇轉到，決定唔知係arm定錯。

不過打算繼續係度做住先，睇下review之後有冇加薪，新年過後再睇下有冇d更加好的工。所以學習最好係年頭時學，咁之後就可以多d野搵份好工。

金錢
07年儲蓄...唔知。因為我一向都冇做年結的。不過依我的感覺上看，應該係以龜速的向上揚。

今年開始左買股票，抽過d新股，有執過少少錢。不過年尾跌市，我買的股都冇放，變晒蟹貨。雖然都係新股抽返黎，又或者係大公司，都唔係太驚。

至於基金ma，都係穩步上揚啦！升幅再冇第一年的時候咁多啦！

另外，因為報左唱歌班，年尾又買左新notebook，都洗左一筆。

08年梗係希望財源滾滾啦！最直接就係薪金的上升，股市上揚。

健康
健康大致上良好，冇咩大事。最嚴重的應該係牙痛，同埋周身瘀。上星期對腳真係慘不忍睹，leo見到都嚇左跳。但係同mandy講話一起去做的身體檢查就一直都未做。

08年希望可以做到個身體檢查，令自己同愛錫自己的都安心。(女性25歲過後要年年驗身嫁！)
仲有08年一定要減肥成功！！！將有兩個好朋友要結婚，我要做伴娘同姊妹，我絕對要瘦！

家庭
都係咁，不過愈黎愈唔喜歡某人事無大小都大聲的吵鬧。

愛情
07年告別左單身。有人錫當然係好事，但是都有唔少麻煩事。始終跟別人相處，溝通仍係最重要的課題。上半年參加左幾次的matching dinner，覺得都唔好玩，識到的人都冇聯絡。

08年當然的希望順景，希望俾人錫多d，都希望自己會有所成長；希望兩個人互相支持，大家係個人方面都有正面的發展。倘若有不幸的事發生，過程同回憶都會係美好的。

旅遊
07年年尾舉家衝出東南亞，終於去到澳洲探姨媽，又去左大堡礁，算係還左阿爸阿媽的心願。

08年的旅行大計嗎？睇下有冇錢先算啦！想去的地方包括...

東南亞
- 新加坡+馬來西亞
- 日本的北海道
- 浮羅交怡
- 沙巴

中國
- 北京

歐美
- 全部！(冇錯，我祟洋~)

地中海/非洲/印度
- 杜拜
- 埃及
- 希臘

以上的都係未去過又想去的地方，可惜highlight左果d先至係有機會去的。

至於重臨的地方都包括
- 台灣
- 韓國
- 泰國

當中泰國我都十幾年冇去過！

其他
剛被選上做心誠校友會的幹事之一，希望可以幫到手，但工作量最好唔好太多。

唱歌興趣班希望可以繼續上，到一定時候，我應該就唔會再學。

想參加下一d戲劇的班玩下。

化妝、樹脂甲可能都係學習的一些課題。

08年的第一天

早上吃完午飯才回家，坐巴士打盹結果遲了一個站下車。回到家筋疲力盡，由下午2:00訓到夜晚8:00。食個飯，整下電腦，1點多又訓。