好的開始？！

尋晚去拎左副新眼鏡，今朝就帶啦～返到黎首先就過左數俾我個大債主先。望住個戶口變得咁少，真係好心痛。點知上到去房門口見到同事，佢一見我就問﹕『做咩今日咁靚呀？』呵呵！果然識貨呀ｒａｙｍｏｎｄ！

Rain
http://ipro1kr2.com.ne.kr/music/movie/dance.wmv

有冇搞錯！又一單d細路俾人gum住黎打！十幾廿巴，真係過份！
http://www.i-channel.net/UploadFiles/200542391731364.rm

游水

今日同朋友去左游水，游左一個池就已經手痛了。你知啦，我地呢d靠對手搵食嫁ma，梗係就住啦！所以都冇好勤力咁游。人地游兩次我先游一次咁law，hoho...不過我成功以呢個職員証扮學生証入去游呀！都唔算多人。不過...

我同朋友係池邊傾計的時候，一名男子游係我身邊，一個翻身又游出去。當佢翻身果時居然成隻手打左我pat pat一下！！！我即刻回頭望啦！我睇到就好似係個pat pat細的男仔，我估都唔係成人，冇心的。不過我個friend話係佬黎嫁喎！如果係佬就要即罵佢啦！不過我真的係佢翻身，個pat 突出水面的時候，見到係一個細小的pat黎o既‥‥‥呵呵~

偷...拍！？

今日返工睇完newsgroup就開始scan野，50幾頁紙原來都唔係好多野，個幾鐘就搞掂。之後都係scan自己野，scan完都收工law，所以都冇去到sports centre果邊整証。

放工坐巴士果時，我坐係直果d座位，即係要向右轉90度個頭先可以睇到roadshow o既。果時坐係我右邊(即係近roadshow) 隔兩個位有個肥仔，我望望o下roadshow同佢有眼神的接觸，當然就即刻望開啦。當我再望返個roadshow果時，我見到個肥仔拎佢個電話出黎，oh！新野喎！就望多幾望啦！正好奇點解佢個電話個面會向住我呢邊停左拎住，又唔係聽電話。忽然見到個肥仔手指按一按旁邊的掣，電話的燈就變左橙色一下，之後佢就開個電話黎睇，我就落左車了。諗諗o下‥‥‥唔通佢係度影緊相？！我果邊得我一個『靚女』之喎！唔係‥‥‥偷影我掛？！(hehe) 早知就唔好黑口黑面，放多d笑容先影啦！唉~

哈哈！

今日早上都仲係下細雨，放工果時就勁大雨。仲有十五分鐘就收工果陣忽然俾d野我做，仲話想今日交tim！好在supervisor都明白冇可能，結果就要聽日做啦~

放工好大雨，有遮都冇用，膝頭哥以下都濕晒！係坐火車返屋企的時候，阿妹打左好多次電話俾我而我又聽唔到。到我發覺果時打返俾佢，先知原來佢冇錢but又去左叫野食，而家冇錢找數。佢冇check自己有冇錢就走去叫外賣，叫完發覺冇錢，又唔想去返火車站度gum機，所以打黎叫我去救佢，咁我順便叫佢幫我叫埋。阿妹話佢勁俾人窒，個阿叔知佢冇錢，即使阿妹幫我order多樣野，佢都當聽唔到，唔落單。阿妹見佢果份出左啦，就問阿叔份野食係咪佢的，阿叔死都話唔係。不過當我黎到俾左錢，果份野就係我阿妹叫果份。=.=" 跟住佢先幫我落單咋！都唔知係咪怕我阿妹會一手拎左d飯就沖出門口走佢條數，所以死都話盒飯唔係佢o既。真係超級"law"呢！

計劃

睇返以前的日記，發覺之前都計劃左好多野。

完成左

• 學普通話+ 考埋試
• 報master

進行中

• 學車
• 搵份好工

仲未完成

• 學d 興趣班 e.g. 唱歌，聲樂，配音，鋼琴，結他‥‥‥
• 試o下玩浮潛
• 做多d運動
• 試o下我個wireless keyboard同mouse 係咪真係整返好
• 學日文 (download左d 日文教學o既cd，而家仲背緊果50音)
• 學法文 (download左d 法文教學o既mp3)
• 睇o下投資野o既資料

筆試

今日朝早拎左半日假去考呢個車的筆試。一早去到李健果度聽個阿sir俾tips，見到一兩條幾tricky的題目，即刻記左佢。之後去對面的長沙灣運輸署度考試。一直都溫果份276條的mc，以為考100條只准錯4條，去到先知原來係考20條只准錯4條。正如阿sir所講，唔洗3分鐘就搞掂了。我呢個穩陣派當然係再睇多次d題目同答案先至交卷，都係用左3分鐘。成績？梗係pass左啦！完左之後去左西九龍中心搵野食。雖然我係帶左cookies當午餐的，不過考完試加埋尋晚冇啖好食，今日就想對自己好d，行過見到明將有自助餐，去試o下啦！真係好唔抵嫁！d壽司整得唔係好食，而且成個迴轉帶都係粟米，沙律，蟹柳果d壽司。等左一排都見唔到三文魚，正想叫個伙計問的時候，見到係我前面不遠處的一對男女係度食緊三文魚壽司！再觀察多一陣，連我隔離的男女都bear住果pair人啦！因為原來所有三文魚壽司都係果度俾佢抽起晒呀！佢碟上的都未食完就驚死走寶咁拎轉過黎的三文魚壽司，搞到我地呢d坐佢之後的人連工文魚個影都見唔到！最後都係靠向伙計order，食左6碟共12件壽司就走了。HK$44的價錢食左12件算係咁啦~ 當然如果果個再choose，我係唔會入呢度食的。嗚‥‥‥

之後就搵架970/970x返工啦！係車度有個外國人(我估係印度？！)問我地架車係咪去aberdeen，個師奶唔識又答佢，個中學生明明識又訓覺唔理佢，佢用目光向我求助的時候，我居然醒唔起Aberdeen 就係香港仔=.=" 所以都答唔到佢。到我落車我先醒起，唉‥‥‥係咪要去學返英文呢？！

下午係公司同ｄ同事開會傾返如果要setup一部機的guidelines，一開始就係度拗點解要有一個ghost 種，而家4個人4個種咪相安無事..ba ba ba...聽左幾分鐘就已經想走了，因為根本就係d staff唔願意去改變，覺得自己做法冇問題，而且講野時會間唔中諷刺其他同事。我supervisor亦即係今次會的holder，我都估唔到佢咁坦白，佢話果個人ridiculous，話而家係有人唔合作。嘩！我都嚇左一跳。雖然我好認同，不過呢班同事一得閒就會講人壞話，佢咁講佢地都唔怕！？雖然佢係阿head。總之呢度d人就係收埋左自己十年，完全都唔接受新事物，更加冇一d management的概念，咁樣會令我supervisor做起野上黎更加難。

死左

今日個blog死左呀！原來係個hardware有事，d人換緊喎~

浮潛果度睇左價啦！$300+都有得玩了。尋晚都問左屋企人有冇興趣，如果佢地冇興趣，我再問o下其他人先~

HKIST

HK $300@, 唔落水的 $190@

包午膳，器材同埋教練

POSC

HK $350@, sat/sun

包午膳，器材同埋教練

夜晚同mummy阿妹去左行街，買左眼鏡同埋個袋。不過就冇啖好食....唉~

超恐怖！

今日返工，西隧出口有車死左，搞到更加遲。lunch時見到大學同學阿偉傾左幾句。

係newsgroup度見到有個17歲女仔話佢有左要墮胎，問大家有邊度介紹。當然個個都叫佢唔好墮，叫佢生出黎。佢咁細，根本就冇想過要做人mummy，問佢男友點算，個男仔都話唔知。大家都建議佢同父母講，頂多都係俾佢地罵，不過父母可以支持佢生，定係俾錢佢去私家醫院落左佢。個女仔都係堅持要係黑市醫生度落，唔俾父母知，亦俾唔起私家醫生的錢。最後有人叫佢睇完呢段片先去落。我都好奇的去睇o下咩片，原來係講晚期墮胎。即係bb已經4-9個月大的時候整佢出黎，佢果度仲影左個真實的手術出黎。我睇到佢夾bb d 肉出黎，醫生夾住的係bb的胸膛同埋可以見到肋骨，就停左佢唔睇了。因為真係好恐怖，呢個分明就係肢解案，係個子宮內生勾勾咁同鉗扯開bb的肉，一塊塊咁拎出黎。由其一開頭就用內窺鏡見到bb的眼耳口鼻，仲係仔黎tim。真係冇陰公。

今日新聞都有一個12歲女仔俾人呃強姦左，又俾個學長的friend tum左一起有性關係，仲有埋bb tim！而家d人真係唔知點諗的，newsgroup成日都有人問廿歲都未拍拖未有性行為係咪好唔正常。佢地就真係唔正常啦！你睇？個個都搞到一pat野先係newsgroup度問邊度可以黑市墮胎。我身邊的朋友，都有朋友係咁樣墮左好多次。

真係奉勸大家一句，係有性行為之前，請諗一諗，萬一(即使你有左安全措施)真係有左bb，你有冇能力承擔得起呢個責任。係咪已經想好左會生定係會墮，雙方都係咪有左共識。個男仔會唔會好似以上講的男主角一樣，做就識做，出左事就話唔知點好。完全的唔可靠。

浮潛？！

返工近排都係debug時間，所以都冇咩野，當然係搵到唔少bug啦。

知道有人唔開心同好多野做，希望佢開心返啦。

Mario d friend搞活動，叫埋我呢！好似話去遊船河，會跳水同浮潛。我未玩過浮潛呀！好想玩，唔知係點嫁呢？如果識左，第時去旅行果d好靚o既島咪都可以浮潛去睇珊瑚law？！hehehe...順便可以識o下人。不過...要穿泳衣...-.-" ...我都係會穿t-shirt遮掩o下嫁啦~ 唉~

反晒面

今日成日都睇cartoon，叫BECK。講一個日本男仔組band到成名咁呢！

夜晚果個煩人何同學打黎問我成績，普通話果個呢！原來佢三甲，之前佢考過一次係三乙，都叫有進步o既。知道我二甲差1.7分就一乙之後，又黎料啦！話我抽果份卷易，佢果份個個都話難o既，好似我只係因為運氣好先有高分。之後又講果個翻譯的同學高傲，個miss 冇料，仲話其他同學都認同佢咁話。一口氣係咁講完全唔停口又唔俾我發言，結果兩個對住個電話係咁講，我唔聽佢講野佢又唔聽我講野，咪鬥邊個講完先law。其間門口有d sales 我叫佢等一陣，之後我搞掂返黎，佢就猛問我做咩走左去咁耐，門口有咩人，搞咩野。我xy佢個z，洗唔洗連去個toilet 食左雪糕睇緊電視都要話佢知呀！？ 火都黎埋就唔俾面佢啦！ 如果要講人地串，個翻譯同學係好明顯有自信，高傲都會有少少，不過我唔覺佢有話人地d咩law。起碼佢真係有料呀！呢個何同學自己之前死都話同我同一level，又話以一甲為目標，而家事實擺在眼前，自己有幾多斤兩自己知o既。冇斤兩又唔抵得人地有料咪話人高傲law。好心佢反醒一下自己冇料平時講野就唔好咁寸。

上次聚會我講左句『死啦！諗諗下唔知拎唔拎到二乙。』佢就即話『你又話你會拎到二乙？！』我當然覺得佢寸啦！關你x事咩！我都係估同驚o者！洗唔洗串我先？上次翻譯同學只係講『如果成績冇一甲/一乙就唔好學人教人啦！累死人呀！』佢就覺得人地高傲，話我地同學仔好多都係教師，即係叫人地辭晒職佢啦？！ 我就同意啦！做教師要求高係要嫁喎，唔係話二甲/乙都走去教人o下話？！我自己都知我而家邊可能教到人先得嫁？老師水準唔高，教出黎d學生就差，咁仲唔係累死人呀？到大個先好似我地咁改返晒d錯誤係好難的，學咩都係基礎好緊要嫁啦！佢擺明就係身有屎，自己冇料就覺得人地係針對佢，話緊佢，個心咪唔『鋸』law。我篤佢出黎佢又唔認自己主觀。又話人地上堂問埋d淺野，晒佢時間。用o下腦都知啦！人地不嬲都係好o既，考開一乙o既，你就三乙，邊個會問埋d淺野呀？！何同學平時問埋d兒化，輕聲，miss都講過係初中班教嫁啦！一係就係小息/放學時問，佢係上堂問我都未話佢晒我時間，佢竟敢話個全班都叻果個晒佢時間。都short short地的！

跟住一口氣講晒對佢的不滿出黎，反正都唔係同佢做friend，我洗俾面佢？！話佢唔尊重人，聲氣串，主觀，只顧自己，佢一樣都唔認。話自己教會d教友同朋友都從來冇咁講過佢，反過黎覺得我主觀，我小器。最後仲要講埋『可能我年紀大過你，見的人多過人，識野廣過你，唔似你咁主觀同狹窄。不過算啦，如果有咩得罪，真係唔好意思啦~』嘩！你話佢係咪玩野？好明顯就係串緊我啦？！我都係忍左佢，如果唔係我會收唔到線一直同佢罵的。

你見過d咁o既人未？！我敢打賭佢係老姑婆！呢d就係我最憎的四十幾歲老女人了！
咩話？呢d年紀女人有女人味？！ BULL SHIT! 你啃埋我果份了！好在我唔係男人！

[Kiss]的基本技巧

係newsgroup度見到，真係令人驚嘆！原來錫錫都可以有咁多野ｏ既～　係度同大家分享ｏ下！


吻不單只是單純的唇與唇之間的接觸，真正的吻，運用唇、舌、牙等。

以下介紹最基本的四種吻技：

★摩擦
唇與唇摩擦是最基礎的吻法。可練習如羽毛般輕輕掠過對方的唇；或雙唇緊貼的摩擦。　

★吸吮
只要雙方都張開嘴就可吸吮對方；初學者可練習吸吮對方的唇部，以吸力的強弱及收放為練習重點；熟練後可改練習吸吮對方的舌。　

★咬
這是比較刺激的玩法；初學者可以練習用牙齒輕咬對方的唇。

★舔
這是靈活運用巧妙的舌，去舔舐對方的唇、舌、牙齦等處，是最挑逗煽情的吻技。初學者可練習用舌輕舔對方的唇。

「Kiss」三階段

初級

★輕吻
以唇輕觸對方的唇，如鳥啄式的輕吻。

★舔吻
用舌舔對方的上下唇，讓對方感受舌部味蕾舔掠的感覺，注意要保持唾液的充份，如果唾液太少，乾燥的舔吻會有不舒服的感覺。

★咬吻
用牙齒輕咬對方的唇，但別咬的太用力，以免受傷喔！

★吸吻
輕輕的吸吮對方的唇部；可用自己的唾液輕抹在對方的唇部，然後要吮乾淨。

中級

★推動吻
把舌伸進對方口中，讓舌與舌互相推放，男生力氣應放小以免女生疼痛；這種互推吻可形成快感。

★吸舌吻
以你的唇含住他的舌，輕輕的吸吮對方的舌頭，動作宜緩慢而輕柔，勿過於倉促。

★齒齦吻
用舌探索對方的牙及牙齦的內外兩側，以刺激口內黏膜為目的。動作要仔細、慢、輕柔的介於碰觸與不碰觸之間，以產生一種特殊的親密感。

★滑動吻
用舌尖稍用力的舔對方的舌部內側，由裡向外滑舔一舔舌吻：雙方以舌對舌互舔，以用舌尖為主，不用唇。

高級

★嚼食之吻
咬住對方的舌頭，似欲吞食般的吻；請小心別用力過火，只是假裝而已。想對方的舌頭是好吃的東西，又咬又舔又吸的想吞進肚子裡去。

★律動之吻
以舌在對方的口中，有節奏律動般的的繞著對方的舌尖，畫圈似的舔吻。

★深喉嚨吻
將舌深入對方的喉嚨重舔，重壓，是霸道佔有般的吻；這是一種頗不舒服的吻法，但還是有樂在其中的人。

★熱情之吻
將自己的舌把對方的舌包捲於口中，上下左右迴旋翻動，用放肆的旋動來增加快感，雖嫌粗魯但頗具挑戰性，是接吻高手必備的技巧之一。

★甘泉之吻
利用兩唇相接時....以舌將自己的唾液渡入對方口中，並吸食對方的唾液。適用於兩情相悅且身體? ! 楛d的愛侶，會覺入口之唾液為瓊漿玉液般，世間獨此有之。

「Kiss」的其他吻法

當前述的三階段你都會了之後，我們再來看看進一步的其他吻法。每個人的情況不見的相同，建議你選擇適合你的去做，不用照我所說的順序；如果有敘述不周全的地方，歡迎高手來函指教。

★吻臉頰
輕輕的用唇在對方的臉頰或額頭印上淺淺的一吻，是最容易的！甚至比你想吻對方的唇來的容易喔！但是....如果是高竿的接吻高手，可以把這個小動作做的更挑逗，當你的唇輕映在對方臉頰上時，不露痕跡的輕輕吐出一小截的舌尖舔畫對方的臉頰....慢慢移動著吻對方，然後再輕移往你真正想吻的地方，注意唇不可與對方的肌膚離開喔！

★吻眼睛
眼睛的敏感度超乎你能想像喔！尤其對女性來說，男性親吻她的眼部，有表現溫柔體貼的意味。因為眼部的高度敏感，吻眼部時動作會更為輕柔撩人。

★吻眼睛四周
用唇暑智素臻晰周或用舌尖輕舔眼睛四周。

★吻眼瞼
當對方閤上眼睛，用舌輕舔對方的眼瞼，或用唇輕輕蓋在眼瞼上摩擦。

★舔睫毛
當對方閤上眼睛，描繪般的舔對方的睫毛。

★舔眼白
絕大多數人並不知! ! 道眼白也是敏感帶之一；嘗試此法請注意，如用力舔舐會引起疼痛，須做到若有似無的境界才算合格。（帶隱形眼鏡者不適用此法！）

★吻鼻子
吻鼻子聽起來可能有點滑稽，但可表現出兩人的親暱及俏皮感，可運用輕吻、咬吻、舔吻的技巧，只是吻的地方不是對方的唇，而是對方的鼻子。這個方法給人可愛和淘氣的感覺。（鼻子過油，或粉刺太多者不適用！此為親密遊戲，也不適用初交往的情侶！）

★吻耳朵
在五官來說，吻耳朵最具性挑逗的意味，因為耳朵是身體器官的性敏感帶之一，輕輕的對著耳朵呼熱氣，就能使較易敏感的人興奮。

★舔耳廓
用舌尖輕畫對方的耳朵輪廓，順著耳朵複雜的輪廓線條輕滑，注意不要將口水流在對方的耳朵上

★舔耳孔
用舌尖輕鑽對方的耳朵孔，微微輕轉舌尖的舔鑽。

★吸吮耳垂
以唇含住對方耳垂，狀如吸吮流體食物般的吻。

★咬耳垂
用牙輕咬對方耳垂，咬著輕輕搖動；可配合吸吮的吻法用。

★吻下巴
用舌尖舔吻對方的下巴。通常此法是過渡期用。當你想將吻由唇移往下方時....一路滑吻下來；如果你夠調皮的話，可以試試在下巴處久留不去，你將會發現對方被吻的...! ! .又癢又?纗L（不知該制止你！還是催促你往下去~~）！

★吻頸部
除了用舌尖舔吻外，可用吸吮吻法；但力道不宜過大，以免在對方頸部留下吻痕！佔有慾強者常利用吸吮頸部留下吻痕，來向眾人宣告，這個身上有吻痕的是他的人喔！不過....也有新手不會拿捏力道，不小心就在對方頸上留下證據。

★吻鎖骨
此處較適用的吻法是基本技巧的第一個「摩擦」，連續不斷如羽毛般輕輕掠過對方的鎖骨凹凸附近的輕柔吻法，有助於製造浪漫溫柔的氣氛。

★吻隆椎
你知道優美的後頸曲線也能挑逗人心嗎？當對方害羞低頭時，露出後頸，頸椎突起，你可以親啄突起點，或輕咬一下。如果是此中高手，可能一邊親吻隆椎點，雙手也不放鬆的摸索對方的胸部。（此法適用於對方背對你時！）

★其它
接下去的吻胸、吻四肢、吻下體等，幾乎是做愛的前戲了！ (經過作者思考，決定不加在教戰『吻』策中，如果有人想知道進一步的....前戲及做?R的吻....呃～目前無可奉告!!^^嗯嗯....那個無可奉告是因為，我男朋友說！女孩子不要亂說話！）

「Kiss」加料篇
關於其他特別的吻法介紹～

★間接吻
又名! ! 抽象吻；飛吻也算抽象吻中的一種吻法，還有親吻對方食用過的器皿之類的吻法，動作宜誇張的引起對方注意，但不可過於輕挑，以免惹起對方的反感。當對方微笑，就表示你的間接吻成功了。

★流川吻
喝一小口的酒或任何飲料，徐徐餵入對方口中，伺機將舌推送進對方口中，使兩舌相纏；此吻易使人心跳加快，作出平常不敢作的事！ 　

★掠食吻
情侶爭食時用之（範例：見拙作〔火熱辣吻〕）。

★餵食吻
這是很親密的愛侶才做的出來的事！（不要跟我說媽媽餵小孩！^^那不在我論述範圍啦！）如果能自然的彼此餵食，那吻技之高已不能用言語形容了！（我是指用口對口的餵食吻喔！）這種行為在旁人眼中被視為噁心八拉！但是能不在乎旁人眼光，隨時都能行此?k者，乃吻林高手之流!!!

★溫差吻
火熱的夏天，一條冰涼小舌滑入你口中，暑氣頓消；試試玩玩兩人口腔?贖蚺ㄕP的吻，別具新意喔！含冰水或冰塊讓自己的舌頭降溫，再趁對方不注意偷吻過?h，感覺新奇喔！

★舔食吻
將可食用的物質塗抹對方唇上，然後像舔糖果或吸密汁般的吻淨對方的唇。（適用範圍不只唇部，可類推至餘處！）

「Kiss」 實戰篇：

★初級（想嘗試初吻的滋味）
請掌握天時、地利、人和，如果老天不幫你！就自己想辦法創造機會！祕訣如下：製造兩人獨處的機會。安排容易讓人心情激盪的環境。避免遭遇外來干擾。

★中級（終於吻上你的唇）
對方已經肯讓你吻了，很好！恭喜你！你可以慢慢練習前面我所敘述的全部吻法！^o^??

★高級（吻你千遍不厭倦）
當以上所述對你而言駕輕就熟時，恭喜你晉入吻林高手之列

十大好書

今日check email見到有十大好書的介紹，就去左睇o下有咩書好睇啦！當中的

1. The Effective Executive
2. El Alquimista
3. 我的名字叫紅
4. 帶一本書去巴黎
5. 外交十記

都幾有興趣。

攪掂！

事情已經完滿解決啦！

今日睇到原來歡樂谷開左第三期，有好多新野玩呢．．．去唔去玩呢？！不過真係好難搵到人一起去玩呢...

尋日同阿伯買的白蘭花仲放係個table度，都幾香嫁~ 不過五件死左兩件啦...

HAHA! 今日收到普通話考試的成績啦！我有90.3分即係二級甲呀！！！原本我係以二級乙為見標o既，而考試前都好懶咁溫，考完都知衰左後半part。估唔到都有二級甲！自中三以黎，都係第一次考試再有9字頭咋~ 嗚‥‥‥

hehe~ 而家再諗o下會唔會自修/係港 大報course考多次，呢次要以一級甲為目標！！

冇事ｏ既

今日擔心的野有左決定，都知道要點做，所以個心都定左落黎。

今日睇esdlife，呢幾個都幾玩得過。睇ｏ下有冇人去先～

1. 甕缸群島浮潛初體驗
2. 中華白海豚生態觀賞之旅
3. 午夜歷奇大埔滘
4. 初級尾波花式滑水

*o*

尋日一整日都係屋企睇『Bleach死神』，之後就打機打到訓，都冇溫到書。

今日一早人地入黎同我食早餐，行o下街咁。呵呵～　甜蜜蜜呢～！
不過阿妹都冇同人地講過野，就已經俾人睇穿左佢係一個巴渣ｏ既人。（抵死～）

下午都係係屋企打機...

有ｄｄ擔心．．．

買衫

今日下午同阿妹同埋佢個friend食lunch 傾野。傾完就係新世紀度行左陣，我同佢都買左d衫，唔錯嫁！下次又有新衫穿lu..hohoho！

果種人

今日佢又約我見面了，我唔得閒所以推左。係icq度傾多幾句，問o下佢係咪幸福，冇答我就offline。其實佢一向都唔會講我知佢d野o既，以前係咁，而家當然亦唔會講。我成日認為佢約我只有一個目的，我都有當面問過係唔係。佢話唔係，所以我相信佢。我唔想知道佢係一個咁衰的人，但係每見佢一次，我就愈覺得佢係；每次見完佢，我都有無可奈何同dd後悔的感覺。我想同佢講﹕『既然我地只係hi-bye friend，以後都冇需要見面了。到佢真心想同我做朋友先再算了。』

我其實唔係好明，點解呢個世上仲會有一d 唔喜歡解釋的人。明知世上有好多野都係因為唔解釋清楚，唔溝通而做成好多誤會，都一樣係唔會講d野出黎。佢地唔覺得自己有問題，只會覺得其他人好煩，其他人想八佢地的野，一切都係其他人的唔arm。呢d人真係好難頂。自己野唔講人知，人地野又唔想知，呢d算那門子的溝通？呢d人最好就自己搵個山洞住啦！

我屋企已經有一個，我唔想再應付多一個。

大檸樂！

今日朝早坐van仔又撞到個CO。係車度坐果時又見到車外有個男人掉垃圾，誇張到呀！大街度光明正大的將個汽水罐拋物線咁掉出馬路。真係冇公德心啦d人！

改改o下d野，放工果時先至搵到d bug。死啦！聽日要交貨了，唉~

走的時候，見到一個傻瓜，呀...唔係，係傻雀。隻麻雀飛上去ETC果個斜的按鍵位，當然係企唔住啦！sher返落黎~ haha

分享：
http://www.pconline.com.cn/pcedu/carton/mtv/0404/flash/040407fumu.swf

心理測驗

你是個穩重而追求感官享樂的人。簡單、沈穩的個性，足以讓你快樂的過日子，將一些形而上的問題，拋諸腦後。抱持享樂主義的你，認為身強體健就是喜樂的泉源。由於個性靦腆，你不容易向夕人吐心事，並以「求人不如求己」為座右銘。為了追求成功，你寧願多花時間在工作上，也不願多經營人際關係。

愛情方面，你是性愛的高手，最棒的戀人。只是感情的伴侶一但有背叛的行為，你馬上翻臉不認人，而且絕不原諒對方。

睇人唔順眼

可能尋日過得唔好，今日心情都唔好得去邊。一早就超唔想返工，半夢半醒咁去到火車站月台等車，車黎啦，等d人出左先啦。點知人太多，我只好向後退一步，即刻俾人用手踭刻意咁撞我一野。我好嬲，即刻回頭望係邊個死人頭，見到一個係度『扮可憐』的阿婆，毫無悔意咁望住我。我只好忍氣吞聲的走入火車，離佢遠一遠，免得佢再整我一野，我忍唔住發佢脾四。

阿婆，驚人迫就坐私家車啦！火車係咁嫁啦！我又係女的，唔方搏你懵啦！再者如果你只係架住雙手係前面護胸都話呀！我好明顯感覺到你係『批踭』我喎！唔好話我唔敬老，不過我真係最憎d老女人。

嚇死我啦！

今日俾老豆佢地嘈醒左，見阿妹未起身，梗係拿拿聲打多陣機啦！跟住佢傾電話，我就一直玩。差唔多4點先去準備出門口，因為要去同親戚食飯。同阿妹嘈。喂！我好心提你要戒口唔好食蛋糕咋喎！個蛋糕我買得返黎就冇話唔俾你食，只不過醫生話你唔食得蛋，我鬼知係蛋白定蛋黃。算！我理得你，話知你發到成身係。

跟住去到觀塘。佢之前已經係俾人捉左亂過馬路要上法庭嫁啦，仲唔識死。聽住個mp3，又要一馬當先，連要上婆婆屋企定係去酒樓都未想清楚就過馬路。根本就唔洗過馬路，而且係紅燈。我即刻叫住佢，佢已經過左3分之一了。佢邊行邊回頭，兩邊車都黎緊，狂響安，我不由自主咁跟埋佢過馬路，仲要跑過去。穿左裙同有"踭"鞋的我，如果係馬路度pk左，你話我仲變唔變左『屎餅』？！之後我就話佢啦，佢唔出聲就算，sorry都冇句呀！！

如果我死左，我睇你點內疚一世！哼！

全日打機

今日訓到點幾，起身食左d蛋糕。一online就用阿manfred已經係度打緊機了，我梗係join埋打啦！一打就天昏地暗...到凌晨4點。

有筍野！

西田減價

名牌開倉
５月２號ｔｏ５月７號
８／Ｆ上海廰
１１ａｍ　－　９ｐｍ


瑪奇Mabinogi Online game

打機

今日買左上次飲果時食過的金龍船壽包黎做午餐，放入微波爐叮一叮，熱就好熱啦，不過個蛋黃冇油呢！我媽咪係屋企蒸佢，都係咁。可能真係要去酒樓度食先會食到最正o既。

夜晚同manfred一起打亂online，我狠心捨下我係台灣server的15level同埋d道具，去左香港server重頭打過。打左兩個幾鐘就要走了，因為到我妹妹打了‥‥‥唉~如果有多部電腦就好了。不過又要upgrade而家果部，又要買多一部，資金唔夠呢~

母親的網頁

今日係報章見到介紹呢個網，係一個開於母親的網，最arm呢個就黎母親節的時候睇啦！
當中有一d文章係人地寫佢地媽媽的野。雖然歌頌母親好似好老土咁，不過睇左一兩篇，覺得都幾感動。有興趣就去睇o下啦！

藉著雨點‥‥

朝早無端端有個professor過黎醒左枝野飲過我，整日都工作進度唔係好得。

夜晚約左去睇『藉著雨點說愛你』，都預左早到等人嫁啦，都預左實係最遲果分鐘先會到嫁啦，我仲自己食定個大薯條打底，差在未買個買一送一的魚柳包入去食咋~ =p 套戲都幾好睇呢，幾感人，都忍唔住滴幾滴。不過唔知人地覺得好唔好睇喎~

睇完戲去左pokka cafe度食野，叫左個dinner+pizza，都係多左d，都食唔晒。

放心啦！我完全冇逼你上我屋企的成份，畢竟我都唔覺得我地到呢個地步。

返屋企坐火車時，收到個搞野電話。

某人﹕「喂，Amanda！豪仔呀！xxx幾多號電話？」(xxx 聽落正係本人的中文名)
我﹕「呀‥‥‥豪仔？xxx？Amanda咪就係xxx law~我咪係law~」(重複一次我個全名以確認我冇聽錯+思考邊個係豪仔)
豪仔﹕「‥‥‥(靜默)哎呀！Amanda，咪玩我啦！xxx幾多號電話o者~？」
我﹕「(-.-") 都話我就係law！‥‥‥er‥‥‥咪住！你邊位豪仔話？全名係咩呀？」
豪仔﹕「徐子豪呀！」
我﹕「邊度o既徐子豪呀？」
豪仔﹕「你中學同學呀！」
我﹕「邊間中學、邊班，邊個徐子豪呀？」
豪仔﹕「呀‥‥‥打錯。」
我﹕「‥‥‥-.-"‥‥‥」

香港話劇團05.06春夏劇季

香港話劇團05.06春夏劇季

5月《鄭和與成祖》
話劇團堅守作為專業劇團的精神、繼續為觀眾提供高質素、嚴謹又具創意的製作。春回大地，新一年春夏劇季，話劇團將獻上連場洋溢著濃情愛意的好戲！掀起序幕的傳奇原創劇《鄭和與成祖》將於5月在葵青劇院演藝廳公演， 《鄭和與成祖》由電影導演冼杞然編導、《韓城攻略》編劇鍾偉雄擔任聯合編劇，將鄭和傳奇一生結合電影及話劇藝術特色重組於舞台上。鄭和，一個前無故人，後無來者的航海英雄；成祖，一個剛愎自用、沉鬱多疑的英明君主……冼杞然、鍾偉雄觸及他們的傷痛，以「人」的角度重組他們一生的恩怨，呈獻歷史以外一段動人的傳奇故事。

6月《2月14》
愛火重燃情人節，隻影形單？今天夏天誓要形影相隨。三位女子，一年的情人節，在一間Dily甜品店內，相約誓要在一年的時間內，找到生命中的真命天子。6月，香港話劇團將於這個初夏在黑盒劇場重演小品式音樂劇場《2月14》──動人的旋律、動人的故事。1月首演連場爆滿，笑聲、淚聲不絕，好評如潮；6月愛火重燃，甜蜜更勝從前。

7月 港滬精英合作 美國最優秀劇本《求証》
7月於香港藝術中心壽臣劇院上演的美國翻譯劇《求証》，是2001年度普立茲戲劇獎(Pulitzer Prize)及百老匯東尼獎(Tony Award)「最佳戲劇獎」雙重榮譽得獎作品。上海話劇藝術中心與香港話劇團首度跨境合作，毛俊輝執導的普通話版已於去年12月在上海首演，為了將此劇引發的心靈顫動從上海帶來香港，7月香港話劇團將上演此劇的粵語版並邀請上海話劇藝術中心原班人馬赴港獻演該劇的國語版，攜手創造出港滬合作最出色的一幕。

8月 春夏劇季壓軸好戲《新傾城之戀2005》
當愛情變作了遊戲，你我都是棋；當遊戲變作了傳奇，結局會否完美？《新傾城之戀》繼2002年首演後的綺麗歌舞最為人回味，為此話劇團決定於8月在演藝學院戲劇院上演《新傾之戀2005》，重拾台前幕後最完美最華麗的組合，讓香江再傾城──此製作的靈魂人物毛俊輝，聯同上海的喻榮軍把中國現代文學最受歡迎的作家之一張愛玲的作品「傾城之戀」改編為舞台劇，毛俊輝更親自為是次製作執導，他運用了音樂和舞蹈的元素以嶄新的劇場形式去演繹《新傾城之戀2005》，同時邀請了梁家輝及蘇玉華演繹張愛玲筆下最膾炙人口的兩名小說人物范柳原和白流蘇，並以劉雅麗擔任歌者一角以歌唱形式去敘述故事外，亦會對情節作出回應，從而表達導演和編劇對現代愛情的觀感。把觀眾帶到一個以上海和香港為背景的交錯時空，並在這個空間裏放肆地談一次傾城的愛。

Lunch with Chole

朝早仲係好懶洋洋的睇o下newsgroup，睇o下新聞咁。其實係有原因嫁！因為我要冇後顧之憂咁做野，個project兩個星期後就要俾CO睇了，真係要快手d整埋果d野先得啦。而家都仲有幾多野未整好嫁！雖然major果d其實都有晒嫁啦，不過debug呀，仲有d小的part未加入去呢！

lunch 約左chole食飯。chole係我大學同學黎o既，最近佢都黎左港大做喎！係我下一層樓咋！所以約出黎傾o下計咁law。原本想去graduate house個餐廳食野o既，不過去到原來full晒，原來係要book位的！上次CO帶我黎果時都冇book位o既~ 之後都係去左simon 唔知咩hall果度，即係學生會果度個canteen度食。好多人，好亂，仲亂過poly個canteen。由於好耐都冇係canteen內食野，真係有d唔慣。(平時買返office食嫁我~)

下午好勤力的做野，做到放工先睇o下個鐘。返屋企果時係旺角報埋學車，俾個哥哥呃左我tim，以為報港島plan會平d，點知原來加鐘費係貴d o既。

夜晚一邊睇返個三國誌.net搞成點，我入邊個國死邊個國嫁喎！真係激死！好在手頭有d錢有d米，如果唔係邊有人邀我入佢地國家呀！再玩亂online，而家我有14level了！單人練level都唔算難o既，不過都會時不時死o下。至於星夢online，就好少玩了‥‥‥遲d啦！遲d先玩。

母親節禮物

今日訓到晏一晏，起身同媽咪去上水逛街。例牌係度八我d料啦！咁我都好醒o既，咪講佢知law。跟住同佢去睇手袋，只係係上水3個商場度行之ma，已經見到有十幾個人都用緊Gucci袋，不停係度諗，係咪假野黎嫁？！69.9一件？點會咁多師奶呀，男人呀，都帶嫁？好在冇花幾千銀買貴野俾呀媽o者~ 唔係真係dum心口了。

去左眼鏡88度睇中左個眼鏡呢！而家果個都好多年了，個人幫我洗果時都話甩晒色了。不過應該都會好快就買呢！

之後想去報埋學車，點知唔記得左今日係公眾假期，冇開。

最後都係係屋企付近買左個平平地的俾媽咪，我自己都有買左一個呢！

今日...同聽日...都有人甩底呢....唉~

甩底

今日起身幫朋友研究o下vba，之後打機..online game
亂online
夜晚原本係約左人o既，點知甩底喎！算！成日都打機。