Annual Dinner 2009

9點多起來裝扮，因為我12點要工作到3點半，之後就要馬上的趕去Annual Dinner的場地做準備的工作。當快要12點的時候，我也化好了妝，在弄頭髮。沒想到自己一時玩了那個曲髮的梳，就把我左邊的一撮頭髮跟梳『打成一遍』了！簡直是人間慘劇！弄了半小時，我最後只好剪了那一撮頭髮，希望看起來不會太明顯。

工作也算順利的結束。到了旺角新世紀的帝京酒店，就幫忙decoration的工作。不過內地同事都很早就過來了，我逼著要註守在RECEPTION，做登記、派禮品跟SELL JACKPOT的一條龍工作。本來我是要去化裝攤那邊幫HANNAH手的，可是我根本就走不開。STUDENT有幫忙，不過也幫不了太多，大多都只顧一堆堆的玩。入席了我還在RECEPTION那裡邊等那些遲到的同事，邊在核對抽獎卷的資料。不但錯過了開場那段舞蹈，也快要餓昏了，我一整天都沒吃東西呢！不過幸好有同事出來接力，我就去吃一點東西，再出來一桌桌的賣jackpot的獎卷。之後我就比較閒了，可以在座位上坐一下。到最後就大合照的拍了很多照片，不過都在DANNY爺的相機裡。我今天也挺好運的，抽中了ipod touch呢！值1千5。還有Maggie跟我都化了妝，student Derek笑我們就我們像年輕了十年，他還以為去了Joint U的party呢！=.=" 超誇張的。

收拾好了之後，我們就到KARAOKE找同事們了。唱K唱到4點半再回家。回程上坐小巴的最後窗邊的位置，兩個黑人上了車，看見只有我旁邊跟我旁邊的前面的位置是空的。其中一個跟另一個就他就坐我旁邊那個位置，當他看到我的時候，他居然口花花的說﹕『Oh! I love to seat at the back coz I have a beautiful gal sitting besides me!』我很不好意思的跟他點了頭笑了笑。人家稱讚你難道也不笑一笑嗎？！旁邊的男人回頭看我，大概是想看我是不是真的是Beautiful gal 吧！那黑人跟我說了HI，又跟我握個手。我馬上的就轉頭看窗外，免得他繼續跟我說話，還有1個多小時的車程呢！

雖然心想不要睡覺打醒12分精神，可是我還是睡了，還到了終點站呢！司機叫我下車的時候，那兩個黑人還在！他們跟我SAY BYE，就下車徘徊。我心慌了慌，跟司機就我忘了下車，要怎樣回去。他想了想，就車我回到我家附近，順便去了入油。遇到好人的司機了！不過當他一開動車子的時候，我的意識開始回來了，發覺我原來在上水而已。其實是可以打的回家的。

好返D

整天都呆呆的很不想工作。中午Edmond過來跟我說了幾句，開解了我不少。

下午我完全投入了Annual Dinner的準備工作，一直到6點45分。我跟同事們約好了一起入大嶼山跟內地來的同事一起BBQ。他們住在公司在大嶼山的Bungalow，當然比我上次去的長沙HOUSE好多了。不過事情沒那麼完美，很多事到最後才跑出來，結果你等我、我等你的，到9點半我們才到達了梅窩。

Bungalow佔兩層，大概有3/4 間房間，有小花園BBQ。我吃了一點丸，看他們玩了WII FIT，還玩了一會Danny爺的貴相機。12點多，就由Louis車我們回家。

憂鬱

尋日上午去左拜山，趕返屋企時已經下午1點。我要STANDBY SUPPORT，由1點到4點。當我REMOTE返去公司部機時發現Out of memory!!死未！咁唔洗做啦！我又返唔到去BOOT機。真係求神拜佛唔好打黎叫我做野，唔係就死俾佢睇。

好在冇事，大步LAM過。我仲睇左成晚『王子看見二公主』呢！

今日返工眼腫腫，笑的時候覺得左眼同右眼好似『煙鴦』咁。都幾驚大細眼呀！我發覺人老左真係會『煙鴦』眼嫁！

放工時收到『生命中的某個他』打電話來約吃飯，是要派帖啦！吹了幾句水。收線後想起，他跟我是同月生日的，大概就是今天/明天。所以都send了個sms給他，祝他婚前最後一個生日，要好好玩，要快樂。原來今天正正是他的生日。我記得跟他相處的那一年，我也是分不清他是27號還是28號生日的。HAHA。

唔，今天看了一遍文章，內容是說出席前男友的婚禮。當中主要是說那個男友曾經尋找分別擁有美貌、智慧、內涵的女朋友，結果都離開她們。最後他娶的是一個很平凡的女人，因為他發現他需要的是一個不離不棄的伴侶。

不離不棄，好難哦！除了非常非常的愛之外，我覺得本身性格中的堅持也是一個因素。如果那個人半身就很容易改變，不能堅持自己的決定，要相信他對你不離不棄，也挺難的。同樣的，自己可以有很多選擇的時候，那為何要愛死身邊的一個？有這樣的想法的人也多的是。

似乎只有那些找到了一個，就堅定下來的人，才會容易得到幸福。

****************************************************

今天還是有莫名其妙的憂鬱感，總想起往事。或許是因為現在沒什麼值得我懷念、回味？！不知道呢~

今天計算過了，大概有14天comp leave，自己TEAM的第二位，要怎麼善用這些假期呢？
想到頭都痛了......

風箏結婚

尋日返工，由11點做到凌晨1點幾，咁又CLAIM 21個鐘，成2日幾假！

今日訓到12點幾，本來打算早D起身剪髮冇剪到。下午睇台劇王子看見二公主，都冇咩劇情可言，都係睇下開心下咁啦。3點幾先扮靚，都係剛剛好6點出得門口咋。而家點都要搞成2粒半鐘，幾時先可以好似人地咁半粒鐘出得門口？！

中學同學風箏結婚，擺左40幾50圍，都真係幾多下。不過個場就長型，冇方型黎得咁好。但個呢間帝庭(?)酒家好在佢有燈飾閃閃下，當MARCH IN果時佢地行到邊，果度先會有燈著，都叫OK。不過個咪聲音太細，周圍又好嘈，好多都聽唔到。今次見到楊偉康、張詠敏、楊SIR，我同MANDY。好在楊SIR都係多野講果D，吹得兩咀，唔係就靜......。

飯後同楊偉康一起返屋企，傾下工作生活咁，都OK，起碼唔叫DEAD AIR。我最怕最怕就係DEAD AIR嫁啦。

講起以前曾經傾慕過的、牽掛過的、傷害過的、掙扎過的、想像過的、得到過的、等待過的、失去過的，都快要結晒婚啦！心裡除左羨慕人地的幸福之外、唔多唔少都有D唏噓。愛過恨過傷害過之後，剩下的就只有感謝，感謝佢地曾經同我係生命中交集過，雖然能帶給對方幸福的不是我。

好多時都會想，如果果時我堅持、如果果時我忍、可能而家幸福的係我。不過其實而家結婚的佢地，早就唔係當年我識的佢地。如果果時我識的係今日的佢地，也許我都唔會咁輕易就放手。又或者我本身就冇呢個能耐去睇到佢地的一D好處。楊SIR今日話，唔結婚好過結婚。佢係以一個過來人的身份講的。經歷過婚姻失敗，佢話真係有好多野唔係表面睇咁簡單的。

原來想要回到過去的心情，係因為過去有太多的遺憾而做成的。

D假點放好？

一個project完左，而家做緊果個project仲有兩個星期就出街，不過相對黎講就少好多野做。今個Weekend開始落release，但今個week我係可以7點幾就走得，應覺都幾爽下。

老細話我D comp leave就黎登上頭3名，叫我好放緊D。之但係我D annual leave都未用晒，已經放係聖誕時放嫁啦，斬未諗到到時有乜搞。而家又話再放多D，邊有咁多野做先！？如果可以變錢就好啦......

生日果排同D同事去左唱K，玩到2點到就走。不過俾人捉到我地帶BURGER KING上去食。生日果日放假係屋企冇野做，夜晚同屋企人去左行沙田買衫。

出奇地係Facebook 阿Man居然搵我，問我聖誕節有咩搞。仲以為佢又搞聖誕PARTY叫我去，原來...佢結婚啦！對上一次見面應該係2001年聖誕去佢屋企開PARTY。冇見8年，佢都請我喎？不過佢請到我會去O既，當同D好耐冇見的朋友仔聚下都好呀！而家10月仲有1單，11月兩單，12月又兩單。10月額外去左一個同事的婚宴，查實同佢真係講唔夠10句野，不過佢問到，我都係當多D同同事聚下埋堆咁啦。

最近食LUNCH都洗左好多錢，餐餐同佢地食好野食到我好飽，都唔敢上磅啦。

前幾日放工係尖沙咀站見到原來今年係美酒佳餚年！第日返工就即刻買左張飛，打算一個人去/捉屋企人同我去。同D同事講開，原來都有一個有興趣，鬼咩，最近佢單戀N年果個人又請佢食檸檬，自然心情低落。一個人又冇咩做，所以幫佢買埋飛，大家一起去浪費下時間。

10月31日係我地DEPARTMENT的ANNUAL DINNER，我有份搞。不過搞手果GROUP入面有幾個真係唔係好LIKE的人係度。反而同D STUDENT就熟D，傾得埋D。今日講開，佢地問我同DENNY覺得HANNAH個人點。大佬，咁問我梗係答佢D好野啦...斯文呀...聰明呀...溫柔呀...。跟住佢問，有冇D -VE的野。梗有啦，佢係其中一個我唔太LIKE的人之一，因為佢對住D男仔就勁笑勁親切，但對女仔時就COOL囉，唔多願同你傾計咁囉。咁佢個人係醒係叻，BUT我唔LIKE佢囉。呢D野梗係唔會隨便同STUDENT講啦！

本來30日唔洗返工，可以係屋企扮靚先去ANNUAL DINNER，而家又唔得因為要返工。31晚完左DINNER，仲要搞唱K，同同事RICARDO FAREWELL。佢係度做左5年，轉出去做啦！梗係有好路數啦！1號先去WINE FESTIVAL。

至於諗左好耐的相機，都仲係冇定案。始終都係唔捨得花咁多錢。今日睇文章話要環保，要停止過度揮霍，包括金錢。雖則我唔算過度，但都係三思好。而且10月我爆左電話費，因為上網太多...唉。

船河遊

2009年夏天快要完結，我先去第一次的遊船河。其實上個星期都有人叫我去，不過果個人係以前的同事，仲係冇乜點傾過計的，所以都唔想去。今次係去MARIO教會朋友搞的船河。

從來都只有我遲到，想不到今日我居然記錯時間，早左一個鐘到左火車站等MARIO。失敗！THEN去到西貢，見到佢卡樂B小組的組員同教會傳道人何姑娘。原來佢D組員都幾後生，有可能最老的都係我地加埋佢女友，HAHA。

Anyway, 出海後去左個好似係叫大蛇的地方，有個小沙灘。我上左岸度自己一個人"明"想，曬下太陽，浸下海水。後來EVA/JESSICA叫我一起玩數字球，都玩左陣。呢樣我好差的，我成日都接唔住由高空拋下的野。走左幾步，發現對腳D根扯扯地。死囉，年紀大機器壊，又冇做熱身。後黎太曬，大家都躲係樹蔭等返上船。

食完午飯後，佢地叫出去玩WAKEBOARD同香蕉船。當我塗完防曬時，個快艇都走左LU，所以算數，唔玩LU。見佢地係度跳水，我又冇水泡，個心都怯怯地，都係唔好落水啦。結果個下午就係係船度吹住海風咁訓晏覺啦，補返眠先。

訓醒個快艇返黎，話仲有半個鐘可以出去玩。我諗左陣，家下成身都乾晒，冇理由出去玩幾分鐘，搞到濕LUM LUM返黎O者，無謂搞咁多野啦！所以我去左換衫、食下薯片，跟住去船頭坐返個靚位睇風景同吹海風啦。同佢地影左D相，不過用佢地相機，所以我都冇得POST出黎。雖然我有帶相機，不過都費事拎出黎影。

今次見到MARIO傳聞中的女朋友真人啦！OK喎！幾小女人嫁喎！食個薯片都要問MARIO批准嫁喎！SWEET爆啦馬里奧！其他朋友的名字我記唔晒，只記得D名，人樣...MATCH唔到。

JOYCE, EVA, CARMEN(?), 阿信, 卡樂B, TAMMY, 阿恩同佢老公, 阿達, 阿文, 何姑娘, 係咪有個叫JEFF? 仲有個叫邦, 其他的都唔記得囉~

咁當然，我仍然係一向怕生保的性格，冇乜同人傾計，自己有自己咁過呢一日啦。不過可以吹下海風、曬下太陽、望下遠野，都OK嫁啦，RELAX！

Thanks Mario!