紅酒入門工作坊

上星期看畢『神之水滴』後，一直都被紅酒所迷惑住。兩日前於網上尋得『紅酒潛水會』有舉辦『紅酒入門工作坊』，價錢亦只是$100，即時就報名了。大學同學KENNETH最近成日問我有咩節目，似乎佢最近好悶，所以我都有問佢去唔去，不過佢唔得閒。

今晚8點15到達酒樓，本來係上OFFICE度上堂的，但係由於人數太多，所以加開左班，變左係酒樓度上。計埋都有20人分兩枱坐，個個都係有朋友咁一起黎，大概只有我係一個人膽粗粗咁黎啦！1個小時內試左4支酒，除左學下點睇色、點試酒、點睇D招紙咁。基本上『神之水滴』都有講過。試左果D酒咩名就唔記得，有一支叫PENGUIN'S KISS，不過4支都好難飲，可能我真偽唔唔多ARM飲酒。呀SIR話聞到有朱古力味、有木炭味，我咩味都聞唔到，就只係知好酸。飲到後黎我都唔飲晒D酒，反而食麵包沖下D味。

同枱有一個上左年紀的男人，人稱輝SIR。佢望左我一陣，問我夠18歲未？=.=" 大佬呀！唔好再誇張D？30都黎緊啦！

仲有抽中左獎喎！所謂的獎，其實係張免費的COUPON，5月10日參加佢的墨魚團，當然紅酒任飲啦！不過5月10日要開校友會喎....

Fly me to the moon

宇多田光version
其他version

呢首歌好聽！

Fly me to the moon 带我飞向月球
And let me play among the stars 并让我在群星之间嬉戏
Let me see what Spring is like 让我看看在木星和土星上的春天是怎样的
On Jupiter and Mars

In other words, hold my hand! 换句话说，请握住我的手
In other words, daring, kiss me! 换句话说，亲爱的，吻我

Fill my heart with song 让我的心灵充满歌声
And let me sing forevermore 并让我永远歌唱
You are all I long for 你是我所有的渴望
All I worship and adore 我所敬仰与热爱的一切

In other words, please be true! 换句话说，请真心对我
In other words, I love you! 换句话说，我爱你

失眠

改善睡眠的行為改變

1. 除了睡覺之外，盡量減少躺床的時間
2. 只在真正想睡時才上床睡覺
3. 若躺床 10 至 15 分鐘後仍無法入睡，就必須起床，直到睡意濃重時再回到床上
4. 固定的起床時間
5. 臥室只用於睡眠
6. 白天不可小睡

睡眠衛生

• 咖啡因：茶葉、咖啡和某些感冒藥裏都有咖啡因的成份。咖啡因是一種中樞神經興奮劑，有提神的作用，所以若要服用含咖啡因的食物或藥物，一定要在就寢前六小時前服用，以免影響睡眠。
• 尼古丁：香煙中所含的尼古丁也是興奮劑，所以盡量避免晚上吸菸，以免影響睡眠。
• 酒精：酒精為中樞神經抑制劑，所以喝酒可以幫助入睡，但是卻會導致早醒，且不利身體健康，故應避免以酒助眠。
• 飲食：睡前吃點東西可幫助入睡，但是若吃得太飽反而影響睡眠。牛奶中含有一種胺基酸可幫助睡眠，睡前不妨喝杯溫牛奶。
• 避免在睡前作激烈的運動：運動可以使人睡得更深更香，但是就寢前三、四個鐘頭內作激烈的運動，反而會影響睡眠，激烈運動最好於傍晚時作。另外睡前也不可以洗熱水澡，以免精神更加亢奮。若要洗澡，可以溫水泡澡，讓全身放鬆，會更好睡。
• 就寢前要有個緩衝時間：準備就寢前，最好能讓自己的心情能有個轉變緩衝的時間，否則您可能上床後，腦中轉來轉去的還是電視中的情節、今天未做完的公事、甚至是明天預定的計畫等等。在平時就寢前的一個小時，就該從事一些安靜的活動，作準備睡覺的事，像是喝杯牛奶、刷牙、泡澡，放鬆自己都是不錯的。
• 減低噪音，避免過熱、太冷、太亮的環境：可以使用耳塞、眼罩、窗簾、冷暖氣等，來減少環境的干擾。

紫來坊 + 遲來的禮物

好早就醒左，一開機就大獲！個機忽然著著下 "dart" 一聲死左！燈又照著，風扇又郁緊，係個畫面變左黑色，但係我冇郁過部機喎！於是再restart，又restart，發覺佢一開機時係冇事o既，一樣入window一樣有畫面。但係過一陣就會 "dart" ，個hardisk仲好似好靜。

開左個機箱睇下，個hardisk好熱，唔知係咪過熱呢？但上年我都係咁用，今日天氣又唔係熱。經廣泛咨詢之後，我覺得應該唔係display card / monitor的問題。反而係火牛似d。因為第一次開機死左時，我有係火牛後面smell到『羅羅』地的味道，有人話可能係火牛死死地，忽然唔夠電供俾個hard disk。於是我決定聽日買個火牛返黎試下。用住notebook先。

晏d又食雪糕火鍋，再晏d就出銅鑼灣食素。睇magazine話大S黎香港都鍾意去呢間紫來坊度食素，同leo去到叫左竽頭魚、西檸糖醋魚、魚扒飯、酸辣湯、意米咩湯、仲有腰果露。我最喜歡食的係竽頭魚，剛出爐熱辣辣點甜酸醬食。而糖醋魚都好有魚味，係黃豆纖維做o既，唔知會唔會養顏呢？另外腰果露都好味，唔係周圍有得食呢！食落我覺得係有腰果磨成粉的，好香。店面的兩個師奶級人馬招呼都好好，親切啦而且好開心咁。問佢野都會答我地呢！

跟住收到遲左2個幾月的情人節禮物，係魚仔手鏈！呵呵~ 不過戴果時差d以為唔arm戴，幾驚我肥成咁。夜晚再行左陣sogo，果左太陽眼鏡同一個袋呢~

有人近排病左，又訓得唔好。不過唔緊要，我已經俾左護身符佢嫁啦！

偷懶中

晨早醒來，落去樓下做facial，決定今日都係唔去yoga。唔知係咪因為10:30去做facial，今日阿姐做得比上次好，不過一到倒模就真係勁唔掂。d 模倒到係咁流，滴落我shoulder、hair同d 衫度！真係激死！

之後去左附近的衫店買左兩件衫，個sales居然認得我！不過所謂的折頭，都係得果少少。另外又去左間平時唔會入的店度行下，同老闆娘傾左幾句，又買左d野。

返屋企食d野抖下，就開始睇『神之水滴』的漫畫。呢部係一部講酒的漫畫，愈睇就愈想飲，好似好正咁。之前係澳洲買的紅酒白酒都未飲，於是夜晚食完pizza就開黎飲，點知......勁難飲...=p

所以我決定去搵d品酒course百幾蚊去學下點飲紅酒先得！

講返pizza hut，真係火滾到我！我個人就冇咩野o既，最頂唔順就係肚餓。7點半開始係佢個網度想訂餐，好不容易決定左要邊d，就完成個訂單。點知佢個網load得勁慢！我另一邊load 漫畫就鬼咁快，係佢個website先咁慢！到選擇送貨地址，咁我之前入左嫁啦ma，就選返果個地址，佢又話因為系統更新，要我重新入過。好啦！再入啦！點知屋邨同街道都load唔到d choice出黎，又唔俾自己打入去。整到8點幾我頂唔順，打去佢個熱線度問，要佢幫我落單同俾返個免費雞『槌』俾我(網上訂餐係有o既)。點知佢話唔得，個客戶服務經理又話唔得，話送返張下次免費雞翼coupon俾我！大佬呀！我而家要食，你送下餐的野俾我做咩？我下次都唔食你啦！叫佢睇下個網頁有冇事，幫我fix個問題，佢叫我office hour再打過去！！

收線之後，個網頁又load到啦喎！結果終於落左單，set埋用visa簽帳。到送貨黎果時，梗係check清佢有冇俾錯野啦！9點幾啦！餓到死。送貨果個人話，如果俾visa，下次係網頁訂單度寫清楚。我咁興，梗係即刻就話，『我係寫左簽卡嫁喎！』

食完啖氣都未消呀！有網上訂餐，就冇IT support o既！哼！整返封投訴信先！

What a heart-breaking news!

港大畢業生平均月薪1.7萬

演戲家族《雪后》

告訴我在這冰冷的世界裡，你最渴望得到什麼？

世上有這樣的一個傳說：
一天，雪皇后的魔鏡碎了
碎片灑滿世界每個角落
人只要接觸到這些碎片
就算多微小的一塊
都會令人變得冷漠無情
漸漸 ……
世上只剩下冬天
小男孩無意間沾上魔鏡的碎片
開始忘記心愛的小女孩和玫瑰花
在雪皇后的冰冷中長大成人……

今天看城市電腦售票網，看到這個劇公演，很想看喔！

可惜......

哈根單士 - 雪糕朱古力火鍋

今日返工好......靜，同埋好悶。想住仲有咁多野未做，而全部都要今個星期起貨，真係有d頭痛。因為我完全唔想OT，每當時間一到5點，個腦就好似實晒咁。



7點鐘決定走，因為我要去拎訂左的哈根單士 - 雪糕朱古力火鍋套裝返屋企。9點幾食兩年蛋糕打底先食火鍋。



唔~唔知點解見人地食好似食得好滋味，自己食就...感覺好溜。我同妹妹食左大概16個雪糕球仔，就宣佈棄權。淨返果d留返下次食囉...=.="

俾人咒罵

十點多起床吃了爸爸買的麥當勞餐，現在我在存麥樂雞果張卡，有4隻色，而家我有兩張藍色。如果有人有唔同顏色，麻煩俾我 / 同我換 / 夾埋一起。儲夠4個色就可以有一年365日的麥樂雞食啦！幫下手啦~

12點幾的起心肝出旺角，先去朗豪坊換票今晚睇『一個好爸爸』，join yoga時送的coupon。之後再去拎埋d野。當我行過雅蘭中心時，見到人頭湧湧的街道上有穿白色制服的一男一女係度派傳單(事後我醒起係myoga的職員)。當我以快步穿過悶熱的街頭時，見到果個男仔正以相同的步伐想對我橫向截擊。我當然唔會慢下腳步，佢居然伸直隻手係我面前都攔住我。我完全冇想過要停下的情況下，伸起我的左手，以太極四兩bu千斤的手法，迅速的將該男仕將要碰到我胸部的手，bu回去，仲加多句『冇興趣』。之後只聽到個男人『嘩...嘩..』兩聲，我已經絕塵而去。相信我即時被咀咒左數千字...=.="

之後就去左漫畫店又睇漫畫睇左一個下午，因為費事返屋企又出又入的。5點多就逛逛新之城，等埋leo食d野就睇戲。套戲都ok呀！以古天樂做旁白的方法講返個故仔出黎。當古媽死時我當然又滴滴...，走的時候leo一句『你就滿足啦！！』...=.="...唔俾人喊嫁咩~

去發記食埋糖水就走lu。

全日漫畫

今天沒心情去做yoga，因為明天約了去游泳，所以今天想要在家休息。

可惜『浣熊』來了，掛起風球來，整個下午都是狂風暴雨，明天游泳也終告取消。看了一個下午的漫畫。晚上本來說約了vee, author他們去飲野預祝april的生日的，可是橫風橫雨，妹妹yoga回來都濕了半邊身了。我怕麻煩最終也沒有去了。

yoga

今天放工我絕對絕對不加班！6點45分就走收執東西走人了，去了旺角做yoga。還是一貫的做hot-yoga，可是今次的sir叫binu，印度人，他教得很快，動作轉換也很快，一時站立、一時彎身、一時坐下、一時俯卧，我被他弄得頭暈暈的。那還不是重點，重點是我的腿！好像不是自己的，特別是做一些要壓腿的動作。一小時還未過，我就在想下一個小時的課，不如cancel算了吧！最後還是有上課，腿真的沒力，左腿還有一點點的抽筋跡象，緊緊的。不過完成後洗個澡又覺得還蠻舒服的。

也許真的如妹妹所說，weekday 下班後整個人都很累，都用不出力吧！不過今天做完yoga之後，覺得也許可以跟昨天的魚生飯互相抵銷吧！呵呵~

超不開心

今天放工本來打算去旺角問一下印刷的價錢，也順便去看看一些資料。本想着昨天已經加班了，今天我不加班的啦。可是一大早工作時才發現，同事負責setup的environment原來還不行！report不能夠正常的產生。馬上跟他說一聲，叫他看看。可是他只說不知道原因，就忙其他的事了。我的task今個星期要完成呀！而且已經behind schedule了。結果我一整天都在看configuration。終於下午5點多搞定了，想要開始自己的task，這時候他說改了點東西，想要restart。那好吧！不過restart完之後問題又出現了！6點多看着同事一個個走了，他也走了；8點了，心裡覺得有點委屈，明明是他工作還未完成，在會議上就跟經理說100% complete。

結果我8點多就走了，問題還未解決，只是我沒有心情工作了，很想逃出office。到了mtr，打電話跟leo說了一會，回到家附近，十點還買了魚生飯吃。雖然其實並不餓，可是我總覺得吃得飽飽就會有力量，心情也會好一點。結果這飯吃了好久．．．才吃得下，及後就後悔了。才說要減肥，結果兩天都吃了很多才睡覺。

Yoga Again

下午又同妹妹去做yoga，今日上belly dance同埋hatha。belly dance個miss唔同左，今次個miss係個師奶，仲好大個肚腩，但係佢又跳到喎！1個鐘扭黎扭去都唔知自己跳左乜。

之後hatha又係冇咩運動量，都係waste左d時間。

試左living yoga的美容服務，好差囉。清黑頭的時候係咁而點幾點，之後照鏡仲見到唔少。試做都咁馬虎，俾左錢咪仲差？咪搞。

夜晚同親戚食飯，呀姨丈勁衰。人地下巴有粒青春痘ma，佢話我『美人生鬚』！激死！

返到屋企附近去買六合彩，5千幾萬呀！點知唔中。d number都係我成日會選的字，但係就係冇係同一條飛度出現。唉~

校友會開會

2點半就同mandy早d返去為開會set野，其實我都幫唔到咩手。

開會就互選單野就傾左成粒幾鐘，其實都預左唔會再選，不過發表下意見都需要o既，如果唔係就只係得主席同埋一d心有d野o既人出聲，好快就會變罵戰。聽左呀議員果番說話就真係有好大的意見，堂堂議員都up得出『義務工作，有時間就做多d，冇時間就做少d』。俾著係以前ESA莊，晨早就俾人粗口問候啦！在坐除左主席個個都返工、個個都有自己屋企，你估只有做議員的忙咩？！自己主動話要搞呢個會時就預左要抽時間出黎幫手嫁啦！而且個會先剛開始，大家都預左會多野做的，個個話得閒就做多d，唔得閒咪做少d，即係大家唔洗做囉！對我地好唔公平。開會之前得我同主席係房，佢話初初聽講我黎唔到開會，我話我可能去旅行不過最後冇去，佢就話『係咁嫁啦！要犧牲一下，我都冇同老婆去美國。』

好難咁完左個話題先入會務問題，一傾就傾到7點鐘。起碼要傾的野都傾左，唔似平時夜晚咁，拗交都拗左一半時間，咩都講唔到就散場。

不過以後每個月都要留一個星期六黎開會就慘d。

*******************************************
居然收到炸彈！係意料之外呀！
同李委員認識都只有3個多月，傾計不足十句，都黎炸我！唔係話唔登佢高興，同中學同學結婚係好值得高興o既事，之但係...我爆晒quota嫁啦ma！唉~

有冇外快幫補下呀？？
兩個5月、一個8月、一個11月、兩個1月。

Yoga

今日又去做yoga，上到10點半沖洗得黎都11點先走。又係最後一個女生客人走，都唔知其他人點解可以沖咁快！10點半落埋沖個涼洗個面換件衫點都要半個鐘掛？眨下眼冇晒人。

試姊妹衫

本來預計6:45就走人的，點知去完toilet返黎supervisor忽然叫我整d野，又冇得話我有約，你自己整返啦，咁嫁ma。所以整到7:15分，我就打俾mandy話佢地知我會遲啦！

8點到去到尖沙咀試綺薇的姊妹衫，試左一陣，結果大家都選low-cut果件。其實我露左個肥膊頭同手臂出黎唔係咁好，但係我試過一件一字膊的黎遮下手臂，效果一般，而且郁動時又唔係太方便。如果加披肩又好似幾累贅下，所以只好選low-cut啦！希望呢幾個月可以修下手臂同條腰啦~唉！我試探過，12個姊妹中應該我都係最肥果個啦...

試完衫我地4個，mandy、綺薇、慧妍同我一起去左意粉屋度食飯。原來我同綺薇都鍾意食果個挪威煙三文魚鮮果沙律，不過今次冇叫。叫左個set大家食。其實一向見綺薇多過見慧妍，今次聽到多d慧妍的事。

回到家俾媽咪睇左d相，佢都話叫我修下腰。=.="

有人好"魚"

放工7點幾去銅鑼灣會合leo，佢要去圖書館借書。點知我係公司附近打俾佢果時，佢話仲有十分鐘就到圖書館，到我去到銅鑼灣果時，佢話我知，佢去左灣仔！haha笑死我！有人行錯方向要見到灣仔地鐵站先知自己行錯！結果坐返地鐵黎銅鑼灣一起去啦。

好久冇去過公共圖書館，辦理返智能身份証內的圖書証服務，雖然我真係冇幾何係度借書。

之後去左pizza hut度食野！過左9點食野會肥，但係冇法啦！我地食左闊條麵、沙律同埋小食拼盤呢！

另一單"魚"野...就唔講啦，留返d face俾佢。哈哈！

補堂

尋日走左堂，今日補返。放工7點到就走去做hot yoga，今次跟返之前果個wendy做，覺得比起上次個印度阿sir簡單d。不過因為房太熱，都出左唔少汗呀！

今次做一堂就走lu，星期一都幾多人呢！返到屋企發現媽咪買左我想食的甜筒！呵呵~

走堂

尋晚睇網上漫畫(仲要係之前睇過o既)睇通宵，到早上7點幾先訓到11點幾。其實都好耐冇通過宵啦！呵呵~ 唔通宵你唔會知有幾恐怖嫁！話說我阿媽有發開口夢的習慣，半夜2點幾佢就已經口up up唔知up咩嫁啦。到凌晨6點幾就有大獲野！

當我聚精會神咁睇緊漫畫時，忽然......

『哎呀老豆呀！...(嗚嗚...)你做咩拎d神主牌返黎呀！......唔好呀...唔好拎返黎啦...(嗚嗚嗚...)』
我忍唔住口就答佢『你係咪傻嫁？阿爸做咩無拿拿拎神主牌返黎呀？』
『我點知佢o者！......唔好呀...唔好拎返黎呀...』仲係瞇埋眼。
『kee kee kee......你係咪發緊夢呀你！』
『......』

人類的想像力，真係非常之豐富嫁！

******************************
訓左陣起身又睇漫畫同劇，本來book左做yoga都冇去做。冇法啦！唔夠訓，我怕會暈呀！(其實仲有一集先睇完個漫畫)下午去青年中心拎埋下星期開會的資料，就全日係電腦面前lu。

試衫日

下午2點幾就同mandy同埋伯母一起出發去陪mandy 試衫，順便睇下d伴娘奶奶衫。我今日幾醒目呀！佢地都冇帶相機但係我有帶喎！雖然果度講明唔俾影相，但係我都諗住睇下有冇得偷偷雞咁影。去到mandy選左幾套黎試，我都係最喜歡開枝散葉款，可惜俾人book左。試晒mandy d衫，就上去睇新郎伴娘同奶奶果d。

之後去埋另一間度試埋。就去金田度食壽司，果度d飯超大件，食到好飽，我仲穿住戰衣添ga！之後行左陣再食埋糖水就返屋企lu。

整體黎講我比較喜歡第二間的伴娘裙，覺得設計特別d。不過第一間我都有一兩件鐘意o既。總之都係先減肥啦唉~

拜左半個山

好似返工咁早起身出柴灣拜女麻女麻。伯伯繼上次想話託我買電腦之後，今次見面就冇再出聲，反而佢買左電話(Nokia N75)，就叫我教佢上網。我一見到細姑丈，佢就已經係度玩緊個電話，但係佢舞左一輪都係唔識，就過黎叫我搞。

上去閃電式拜山，留係度都唔知有冇20分鐘就走。其實家下拜山都係好形式化，又唔係話上去對住d骨灰傾下計咁，上去都係抹下個牌、鞠個躬、燒下野。落黎就去酒樓食飯。

當落緊山果時，我行係我媽後面，見到佢褲腳有d泥濘，就話佢咁唔小心呀，整到條褲咁烏糟。阿媽就話﹕『緊係你踩我嫁啦！』『拿拿拿，你又冇見到點可以斷定係我呀？』細姑丈係隔離就出聲﹕『你咪嘈。你阿媽話係你整o既就係你整o既。』『點解呀？』『因為佢係你呀媽！』

..................叭嘞！！！..................

真係無名火三丈起！呢句說話係我最討厭o既說話之一，因為佢係你阿爸你要點點點、佢係你阿媽你要點點點、佢係阿妹你又要點點點。家下一件阿媽條褲污糟左o既小事，我同阿媽都係度講笑咁吹下水，細姑丈就插把咀埋黎，好似係度講咩大道理咁！我忍唔住登左細姑丈一句﹕『你又見唔到事發係點，就唔好講咁多野啦！』阿媽就同我單眼叫我唔好窒人咁多，話晒人地新年禮物同利是都有俾我。但係我都係忍唔住頂左句﹕『咁係呀ma。我同我阿媽講野咋喎(關你咩事o者)！』跟住細姑丈就冇再出聲啦。

阿媽同阿妹又話我衰左啦！上次初三見面時同細姑姐唱反調，今次又窒細姑丈。大佬我唔想嫁喎！我最憎就係咁樣嫁啦！擺高姿態幫我媽教女。我唔係幾歲果d細路仔，唔係你講句『我係阿爸，你要聽我話。』『我係阿媽，你食我o既住我o既，我叫你做乜你都要做。』咁我就聽話嫁！我唔排除真係我踩左阿媽條褲整到污糟，係我整咪我整囉！有咩大不了，都係返屋企放入洗衣機洗嫁o者。你可以話我一直都行係阿媽後面，多數都係我整o既；但我就係唔like 人地話因為佢係邊個，所以你就要咁樣。要教仔先教好自己果兩個啦！

阿媽就話我，由細到大都係咁o既。小時候有個姨媽話我唔知咩野，我都係笨左佢一句﹕『你又唔係我阿媽，你有咩資格話我呀？』結果激到姨媽同我媽投訴。

係酒樓食晏時教左伯伯點上網，不過佢識唔識再按返出黎就真係唔知啦。食完野本來要去沙田再拜公公，不過成家人都好累，所以都係返左屋企抖，等呀媽搵日自己去拜返囉。

打左一身

放工去左做yoga，今日做左hot yoga同埋hatha，都係同一個印度阿sir教。放工先上堂，原來真係好少學生，數埋都唔夠10個，所以阿sir可以成日捉我地d姿勢。我俾阿sir捉左好多，拉到我d根好痛，而且係高溫yoga room度起身坐低，有少少見頭暈tim！

之後手震腳震咁，抖左3個字又玩hatha，動作都差唔多，不過有d都幾難。又係俾阿sir捉住執姿勢。沖埋涼成11點先走，都幾夜呀！