最後一課

今日放工去上今個學期的最後一課。下星期就考試，今日講埋d notes呀，好似都唔會好難咁。放晚返屋企又要即刻開工。舊公司有d手尾要做，做到點幾先訓。

充實 == 忙碌！？

富士山下

攔路雨偏似雪花 飲泣的你凍嗎
這風褸我給你磨到有襟花
連調了職也不怕 怎麼始終牽掛
苦心選中今天想車你回家

原諒我不再送花 傷口應要結疤
花瓣鋪滿心裡墳場才害怕
如若你非我不嫁 彼此終必火化
一生一世等一天需要代價

*誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有

何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有*

情人節不要說穿 只敢撫你髮端
這種姿態可會令你更心酸
留在汽車裡取暖 應該怎麼規勸
怎麼可以將手腕忍痛劃損

人活到幾歲算短 失戀只有更短
歸家需要幾里路誰能預算
忘掉我跟你恩怨 櫻花開了幾轉
東京之旅一早比一世遙遠

Repeat * *

你還嫌不夠
我把這陳年風褸
送贈你解咒

成龍旗下

今日買左兩個包，早餐一個午餐一個，放工時8級肚餓。走的時候Alfia問我今日洗唔洗返學，我話唔洗，隨即想佢係咪話我咁早走的意思？但係6點半啦喎！我有OT半個鐘嫁！之後就去左旺角，等埋妹妹就去搵d野食先，食左八爪魚丸。

今日係我的大喜日子，因為我正式的加入左成龍旗下... ...的加記。因為妹妹公司有優惠價，所以我、表哥同佢d朋友都join。好快手簽個紙交個錢就搞掂，不過membership card就下個week先有，而家都有temporary card用。之後就同表哥say個bye就走左啦~

返到屋企媽咪話姨媽話表哥過我地急急腳走左，想請我地食飯都唔得。噢！因為妹妹佢聽晚考First Aid，所以先咁急走咋！表哥你的好意，請留待下次，我一定會俾你請返我食返餐好o既~ hehe...

討厭蔡依林

最初接觸蔡依林，係朋友借左佢隻碟我聽，我放入Hi-fi播出黎，只係聽到佢把妹妹仔聲(雞仔聲)，果時仲係佢唔知最初第幾隻碟。聽開王菲呢d高質的聲線，對於蔡依林完全的看不上眼。只聽左半首都冇，係我妹都投訴的情形下銷毀左果隻碟。

之後一直都冇留意都冇聽佢的歌。到而家因為私人理由十分的抗拒佢。係呀！我有私心呀！唔好問我咩理由，我係唔會講o既~ 反正我就係好唔順佢。不過都聽話佢一、兩首歌，冇果時咁差，但係都改變唔到我。

我好唔鍾意你呀！Jolin！

聖誕燈飾

今晚唔洗返學，因為下個week就考試了。先見daniel拎返佢上次漏左俾我的帖，再到尖沙咀等埋妹妹。自己一個人閒逛時發現早就掛上聖誕燈飾了！

沒有來得及買衫就跟妹妹到yoga centre上第二堂yoga。放工後yoga真的很累，上次的疲勞仍未消退，所以今次我很多動作都不能維持，因為腿抖得很厲害。不過仍然堅持到上完堂。又俾佢sale左陣先返屋企。好夜啦...

激鬼死

最近成日同一個netfriend傾計，每日每日都係講佢心儀的女仔的事。最緊要的係每日都係講果d。佢好似只有weekend先見到個女仔咁，咁mon-fri，9-6就係咁講佢地果幾個鐘見面發生的事。你知啦，我返工咁清閒，有d netfriend傾o下計係好o既~ 但係我真係真係好唔like同d咁o既男仔傾計囉。

24歲仔，識左個做waitress的內地女仔，成鬼日就問個女仔穿高叉旗袍會唔會走光，係咪一定穿絲襪，佢會唔會係好開放。講成日都係講緊佢開高叉同穿絲襪，十足十d變態佬咁，好似個女仔就只有高叉同絲襪係值得佢關心咁。又嫌人地個人衛生問題，但係又想搏人懵。成日問我點樣追佢點樣點樣點樣！

大佬呀！我唔係教人點變態嫁！我算唔上十分聰明的腦袋，唔係用黎幫你諗點搏到人懵嫁！我更加唔係偷情專家！日日8個鐘都淨係諗住呢d野，點同女仔親熱都要上網搵智囊團？！有冇病呀？d後生仔！！

心癢癢

唔睇由自可，一睇就心癢癢。睇見forum d 人已經玩緊Wii，就好想買。但係而家抄得咁高，美版要成3千幾，而日版12月2日先出。原本有想話託表姐整部美版返黎o既~ 但係聽人講美版玩唔到日文game，日文又玩唔到英文game，咁唔掂喎！你知好多日文game好玩又未必出英文game嫁喎！就算出都遲過日文game！

d人話出年1月香港先出行貨，點解唔係x'mas出埋呢？！但係出年下半年就會出有得play dvd的Wii了！真係...都唔知點好~

我搵到singapore online shop有我個寶貝的耳仔啦！但係成2百幾蚊，不過應該都會買，唔係就聽唔到收音機了~

小狗小貓大招募

今日於雜誌內見到一寵物餐廳，非常漂亮，寵物食物特別。現誠徵寵物一隻(狗/貓)，連同其主人專責照顧佢，同我一起到餐廳光顧！

=p

韓劇重開

今日返工好爽，因為mentor放假，管我地個SA又放，管SA個manager都放！勁free，不過都係做一般的野啦，做陣report，睇陣書仔、報紙呀咁。對眼好累~

自從唔開心果排開始，我就停左冇睇我d vcd，都冇download。今晚飯後，拎住上個week的weekend(沒錯，我仲未睇)，就繼續睇返我睇開的韓劇，果套《我們結婚吧》仲有十集未睇，晏d先啦！我發覺d韓劇出得好快，好多套都係06年的未睇過。真係要加把勁清d位先可以load入黎。

講開電腦，遲d想幫而家個機加返d ram，就俾阿妹用。我就買過部新的，行埋1月尾出的window vista，最好就駁返個ps2，買返個好d的唱歌mic同sound card，仲有ram真係好重要！仲有邊度有人可以幫我買Wii呢？香港好似抄得好高...唔知等幾耐先有得玩呢？

愛之語 (婚姻)

很久很久以前download的愛之語(婚姻)一書，今天終於在偷閒日看完。的確甚有得著。作者雖是教會人士，不過他並沒有經常的用聖經金句來表達其意見，令人不會反感。

他認為，戀愛的神魂癲倒同為他人犧牲的感覺，都是虛幻的，都只是錯覺。因為每個人都是自我中心，不可能全然利他的。每段戀愛當過了熱戀期都會從高峰落下，並回到真實中看到對方的缺點。而每個人心內都有一個愛的箱子，每個人都有自己一套的愛的語言，只要你懂得如何用對方的愛的語言表達你的愛，讓雙方的愛箱填滿，關係就自然可以保持，婚姻並不是愛情的墳墓。

他提及的愛之語基本上分為5種﹕

• 肯定的言词
• 精心的时刻
• 接受礼物
• 服务的行动
• 身体的接触

他提及他作為婚姻輔導員所接觸的一些個案及他如何應用愛之語令他們重獲美滿的婚姻。看完後真的感到很有得著。試著想一下自己的愛之語究竟是何種，又想到以往的對象的愛之語又是什麼。

以往對愛情仍有憧憬時，總是覺得要有feel才會有愛。不過事實上被神聖化的愛，也許只是一種抉擇。feel也許只為你帶來夢幻的感覺，然而重要的是，雙方是否能瞭解到對方的愛之語，並且實行它。

個案中有一對將要離婚的夫妻，老公對老婆說已對她毫無感覺了。他們的愛箱分別空虛了很久，終於老公從另一個女人身上感到愛了。他對作者說他絕對相信這個女人是他的真愛，他們必定會好好的在一起，不會發生像這段婚姻的失敗。漠視作者的忠告，不相信戀愛很快便會從盲目中清醒，結果幾個月後他懊惱的回到作者辦公室。那個女人比他更快的回到現實，開始挑剔他的不好，而且淡淡的離開了。最後作者協助他回到老婆身邊，重新的發現對方的愛之語並努力的實行，結果當然變成美滿的關係。

愛，其實是一種抉擇。

那裡是假音？！

前天我唱了張靚穎的《想你，零點零一分》，錄低左，係Adobe Audition度清左d雜聲，同埋將低音好細聲果度加返大少少，就上載左。我仲post左係個forum度。(kekekeke)

有網友話...
把聲好好聽，大細聲、唱功都控制得好好，唔支持唔得 ！

但係基本上我唱得係細聲的，都係用audition度整大聲d咋！至於唱功喎...-.-" 完全唔知我有呢樣野...

另一個話...
我勁想唱呢首。。 MY GOD 靚穎正歌~~呢首其實唱既技巧幾難。覺得。假音可以上得輕D。開頭低音可以再落得好D 。+PORT 你。呢首唔E 唱。

低音可以落d都arm呀！阿sir之前都有講過我低音要再落d。不過...假音要上得輕d？借問聲，邊part應該係假音？點解我唱完都唔知邊d係假音o既？！

Bikram Yoga

今日下午同妹妹去Bikram Yoga度玩。今次呢個係高溫瑜珈，仲要成個半鐘一堂。比起之前mYoga一個鐘一堂好似抵好多咁，不過佢都係男女一起上o既。呢次個老師係鬼婆黎，一如d鬼佬節目咁，佢不停的講野，根本就冇停的時間。Bikram yoga共有26式，我們做晒果26式先落堂，真係超辛苦。我尋晚訓得好好嫁！不過做到一半我就覺得有d dizzy，眼好似有雪花咁。佢d動作都冇簡單同難的分別，總之就初學又好、熟手又好都係做呢d。我同妹妹都冇預計到出咁多汗，所以自己帶黎的水都唔夠飲。而且個個都出晒汗，訓係度做動作果時真係臭到...-.-"。我半堂就想話夠啦，走啦唔玩啦！但係我都係堅持到。

我地當然就冇join會啦！妹妹都係比較喜歡好似mYoga果隻做好慢，而且靜靜地，有音樂聽o下，而唔係呢個鬼婆咁嘈囉。我地仲有得上多兩堂~

之後食左串蟹鉗買左d包聽日食，就去同relatives食飯啦~

收帖

今日下午溫左陣書，同埋試用Adobe Audition。都幾好用呀！仲試錄左首歌添~

夜晚出去見daniel同埋小白，仲有小白菜。因為daniel 結婚啦，我幫其他莊員拎埋帖。去左星加坡餐廳食飯傾計。見到小白菜(仍然係6年前果個)好似肥左，印象中佢好瘦嫁~ 今日一見，腰果度肥左。不過佢就勁閃，耳環啦、頸鏈啦同埋戒指都有石咁係咁閃。小白ma，都係咁款啦，其實佢粗心大意的性格，小白菜都真係要好包容佢。好似佢有卡片，小白菜又唔知，佢平時係公司d"魚"事，又幾令人embrass。不過其實小白佢對女友都幾好o既。

chris後尾加入，佢原來揸電單車！果套jacket、手套同頭盔，一睇就知好重。而且佢仲抄左幾次tim！今日都車到人，揸電單車都真係幾危險呀！

daniel show左佢的相薄俾我地睇，都真係影得幾靚，佢老婆真係睇唔出咁靚。

聽左Janice的新碟，有幾首歌都ok。

等

等一束永未來的花
等一堆漂亮的大話
等親訪我家
等好友話你也　不差

等肯跟我漫游風沙
仍然期待你講實話
虔誠地愛我
我等不到的　消失如流沙

＊如果　期待得到結果
願意因你著魔
曾受的苦值得恭賀
我恨我　被動期盼也太傻
耐心啃苦果　是為著你改變麼

期待畢竟太多
為了等到甚麼
難道你　能自己自動的改過
你一再犯錯
承受等的苦楚
問我等到甚麼＊

等到聽你前來申冤
專一相好發於自願
巴不得去等
天天見面更似相戀

不想等到別人失戀
才成全著你亂誓願
如期望太遠　我只好去等
等苦辣甜酸

REPEAT＊

常期待你用力的撫摸
便讓我理解戀愛得瘋魔
如果真的愛我　歷盡甚麼都可

REPEAT＊

李亞鵬

雖說我的偶像是王菲，可是我根本就不是她的瘋狂歌迷，不會追著她的新聞看。自從她不再唱歌了，就已沒了她的消息。聽說她跟李亞鵬結婚了，聽說她生了女兒，聽說她女兒要去美國醫病。

今日忽然找到李亞鵬在sina的blog。說實在他是誰我不知道，他的戲也大概沒看過，他對於我來說，只是王菲的丈夫而已。不過看完他的blog後，倒覺得他好像不錯。

錯生於女兒身的男同性戀者

3478pts
Rank A
單語數 39
正解率 99%

http://blog.kokoku-kansoku.com/2006/11/13-1850-36.php

夜晚返學冇咩特別，只係講下個星期四都仲要上堂，反而功課就可以聖誕後先交。落堂時出面傾盆大雨，我又冇帶遮，剛好見到一個熟d的同學仔有遮，梗係遮埋啦！邊行邊傾，佢話而家我地呢行好缺人，人工仲...！點解我唔見O既？！

返屋企睇到半集肥肥同曾慶瑜的專訪。曾慶瑜話佢係錯生於女兒身的男同性戀者，即係男仔頭囉~ 咁我算唔算係？ 唔...

夜晚打陣機先訓。諗緊好唔好買，十五十六咁~

唉~

今天在網上看到了這句話。

『我需要愛，很多很多的愛。 如果沒有愛，那麼給我 ...』

如果讓你接下去，沒有愛了，你會要什麼？我的答案嘛~『......那麼給我...錢。』忍不住笑了，又會被人說我貪錢的啦~

今天開會的時候，manager說了不准玩msn跟icq。不知道他是看到我還是everlyn在玩，反正就要關掉了。以後只好在寶貝上玩msn囉~ 說真的，不太方便。web icq我還是會在電腦上開的。

沒有什麼事發生，只是在火車上看到一個阿伯深藍色的外套上還夾著一個鮮紅色的衣夾，在他的肩膀上......

銀行櫃員機

係火車度聽到呢個新聞。其實我一早就知呢件事了，只係如果想拎錢，佢一定會check 個password，所以先冇咁大反應。事緣某日我想拎錢，但唔記得邊個密碼打邊個密碼。結果我求其打一個入去，果時我就醒起我打錯密碼，幾驚佢食我卡。點知都去到menu！我以為佢第一次問密碼時係作阻嚇作用咋~ 哈~

弊！

今天穿的褲子有點鬆。因為質料是洗過就會鬆一點的，再加上前一陣子我瘦了點，低腰褲子變了『墮浪』褲子，所以穿這條褲子時我要特別的留意，久不久就要拉它一下。今天邊走邊拉，覺得褲子好像掉得有點過份(我有穿外套剛好過pat)，急急的買早餐回公司，到廁所一看。慘啦！褲子鬆得只要往下拉就會整個脫掉！回家要讓媽媽修一下才行。今天還是把褲子拉住慢慢的走吧~

繼4年前褲子爆呔又一力作...-.-"

發手痕~

今日下午上training，悶到痴線。平時自己一個人係度睇，都話悶可以偷懶。今次係有同事黎同我地講powerpoint，但係個同事都係冇prepare o既。結果佢一路睇slide、一路諗，有d識，有d佢都唔知係咩黎，好多都話飛左先。成個下午都係咁過，我不停的打呵欠，我都唔想嫁！身體係最忠實嫁啦~ 真係好悶呀嘛！

終於到放工時間又arm arm講晒d slide，忽然收到mentor email話有urgent野交俾我做，仲問我今日洗唔洗返學，想我ot做埋先。我梗唔答佢啦，雖然佢應該知我今日係唔洗o既。我話聽日一日幫佢做啦，佢又話怕一日都做唔晒。咁我頂多唔lunch做埋佢囉！今日悶左成個下午，都不知幾想走出個office。臨門一腳想留我係度？！真係唔得呀！我俾面留到7點先走。

之後去左尖沙咀買指甲油，因為忽然發手痕好想整o下。食左個donut shop的donut。well, 唔係咁好食囉。佢d donut係蛋糕質地o既，人地donut 係似炸左的包多d嫁ma，佢似係炸左的蛋糕囉~ 不過都唔係油。行過simply bread，見佢d cake幾靚都幾想食，不過睇到d價錢，又想起arm arm買d甲油洗左錢，都係算啦！留返黎去文華餅店。今日我又睇左d website講文華餅店。d cake細細件要$30外賣，出名的new york cheese cake冇細件裝，橙味朱古力要$58/2粒呀！仲有最出名的玫瑰花醬，如果要試晒我估都要花接近一千，先叫試到晒又食得夠喉。不過我都冇想過要食晒~ =p 總之先儲錢啦~

一睇就知係我人手做嫁啦！幾醜樣！？

天意弄人呀~！

尋晚食完buffet，肚漲到要慢步去黃大仙地鐵站，仲誓神劈願的同阿媽講，我地咁細食，以後都係唔好再食自助餐啦！食完又自己辛苦，減左磅又肥返晒。

點知今日買新假期，上網check o下我個本編號有冇中獎。一向都冇中獎運的我居然中左特獎！就係富豪酒店4位以上Mon, Tue半價自助晚餐！！主題係『南非牛肉』！你話中個潤手霜都有得搽o下，而家咁樣，我食好唔食好？半價有酒店自助餐喎！都係抵嫁ma！但係剛剛先...而家又...

唉~ 好煩呀~

我想

★天秤座 【性格代表字彙：我想】

不同於雙子的 “變”，雙子 “遇到” 太過沈重的局面時，會避重就輕；而秤子則是在思考時就“已經”將十字架背在身上了，他會習慣性的先 “秤” 出對方會不會感覺受傷害、先預估對方的反應。因此，他最懂得營造 “尊重及體貼” 的氣氛。原因無他，反覆思量及評估罷了！但是這樣的思考，會嚴重影響到秤子真實表達自我情緒的直率。而維納斯愛神的守護更讓他視 “口角與衝突” 為粗魯野蠻。 所以與秤子相處，就算到了感覺岌岌可危的情況，一般也難從表面看出來；他即使設法表達，也必定是委婉有禮的讓直線條的對方完全聽不出來。慣於維持表面和平的秤子一旦失衡，他會絕決而去，至少好一陣子！原因在於，在他的想法中，他其實已給了你很多次機會了，而他替你設想的一切，你並沒有反過來給予回應。秤子總是在 “思考平衡及公正”，凡事面面俱到最好；不過這也讓秤子缺乏果斷力，常常猶豫不決。

前功盡廢！

今日又係一早起身去做yoga。去左中環的Planet Yoga度上，今次係做治療的yoga。講就好聽囉治療，點知完全係平時拉筋的動作，忽然想起以前d PE老師，原來真係有料到的。動作又係擰頭呀、拉手呀、扭腰呀咁。主要就係要配合呼吸囉。今次好多人一起玩，因為nike而家出左封email，憑email就可以去免費玩3堂。我同妹妹做左一個鐘拉筋，我身體係好僵硬，背啦、腰啦、腳啦都好緊，仲有啪啪聲添！不過最慘係佢d動作成日都要跪係度，我d微絲血管因為近表皮，跪兩跪都會『魚』嫁ma！唉~ 最後梗係有拎埋free gift先走，係nike毛巾呢！

出黎例牌俾佢sell，不過呢個sales都知我地係想試o下先，所以都冇cher住我地，就放我地走。我同妹妹都覺得係mYoga好d嫁啦，不過我妹就好討厭個靚仔trainer 囉~ Planet Yoga感覺上冇咁ok，而且仲有男仔一起玩，感覺上唔好。

我地仲有封email(3堂)去玩，下次想去尖沙咀果間BikramYoga度試o下！有興趣免費玩3堂的女性朋友，可以contact我，我send 封email俾你地，print左就可以去玩嫁啦~

夜晚去左我媽同事話好正o既『外野手』度食日本野，算係請我媽生日飯。查實知佢係新蒲崗都預左唔方好野嫁啦，不過人地講到咁正，咪去試o下囉。我覺得同出面果d咩BB特區就差唔多。係刺身冇限你叫幾多，d炸蠔都幾好幾滑，野食的款色都算多。但係你話整體黎講好唔好呢？我就覺得一般囉。環境又同一般茶餐廳差唔多，$148一個人實在係覺得有d貴。不過叫做試過o下啦。因為唔想蝕，我食左好多，肚都漲晒，今次真係前功盡廢！

深秋之旅減壓大行動

訓晏左少少起身，所以都做唔到功課，就換衫出門口。今日去robin, roy的教會活動。

我都係第一次去浸會神學院。果度都幾靚、幾清幽。不過d樹都掛住好多紅色的風箏，搞到我都好想玩。我地去到先唱左陣歌，就玩game。今次d game都幾好玩，係d要動身體的活動，玩得都投入d。不過仲係有d美中不足，其中有一個環節叫我地係樹上搵野，但係又冇講搵d咩，搞到我地盲中中都唔知點好。

之後就bbq，野食唔多款嫁，不過價錢都平，食o下咁啦。圍係爐邊，少不免講o下壓力呀、教會呀咁啦！食完野就上去課室上佈道會。唱歌聽道咁啦！之後食埋糖水就走啦。

當中有個emily的女仔，佢幾靚，話信左主令佢改變左好多。我自己覺得，好多時d人都係以信主，作為一個改變、做返好人的轉捩點。但係咪唔信主就唔變得好？又唔係喎！信主返教會，好似變左係一個無形的規條、約束，每當遇到有事，就會同自己講『我係基督徒，我唔可以咁做的。』以管理自己的思想同行為。好多人都係因為失意、唔開心先返教會從而得到慰藉。但係我自己覺得如果本身的心係夠強，其實唔需要以信仰黎幫忙。當你相信神係你身邊陪你走人生的路的時候，點解唔相信一下有一班家人同朋友，其實都係係你身邊同你一起走呢？唔通你的空虛寂寞同唔開心，就只可能被神所瞭解？被神所包容？

傳道話佢係唔開心的時候收到弟兄姊妹的關心。其實如果你識著一d好的朋友，佢一樣都會咁樣關心你。係呢個信仰令你覺得人間有情，定係有呢個信仰的人，令你覺得人間有情？

「石頭論證」

今日睇返前幾日bookmark左的一d心理學同哲學的網頁。當中搵到上次bbq Eric講到口沫橫飛的石頭論證。

無神論論證的代表理論可稱為「石頭論證」，它先提出一問題：「神能否創造一塊連祂自己也不能舉起的石頭？」如果我們答「不能」，那麼，我們必須承認祂不是萬能的；就算我們答「能夠」，神還是不能舉起此石頭，因此，祂亦不是萬能的。最後，我們必須承認，萬能的神是不可能存在的。可是，反對者揭穿：上述的問題本身有矛盾，不能成立，因為如果真的有神，神是萬能的，祂根本沒有事情是不能做的？因此，說有神舉不起的石頭是無意義的。

夜晚同Manfred去太古食飯。食o下傾o下居然食晒成個吉列豬扒飯，食完都食唔到想食的香蕉格仔餅了。out晒quota，好飽。

dum 心口呀！錯過了的Rockstar party!!

終於的起心肝用係公司偷懶的時間黎做功課。其實個project的software係要係屋企先用得，不過我可以係公司搵定一 d啱用的3d object，send返屋企等夜晚用。咁可以慳返夜晚坐係度search野的時間。

夜晚上堂同d同學傾開個project，大家都有同樣的問題做唔到呢~ 落堂時有個同學話如果我早d講佢知我做咩topic，佢可以俾晒d object我，因為佢做左。咁我又唔洗花時間整，又有貨仔交。拿~ 呢d同學就識得過啦！我連佢名都唔識，只係認得個樣搭左幾句訕，就主動俾料我做功課，呢d先係叫好同學ma！不過佢雖有呢個心意，但似乎佢d object 早就delete晒呢！唉~

原來之前nike有個rockstar party！我唔知道所以冇得去玩~ 唉~蝕了。不過今個星期日仲有一堂yoga可以玩~

今日唱歌阿sir問我考完試未，haha！唔知係咪太掛住我呢？上堂冇左我把『美妙』的聲音，感到好寂寞呢~

豪lunch

lunch本想去食麥記，不過果度停電，麥記都冇開門。轉而去左pizza hut度食pizza lunch，飽晒~

之前果個《人與人的相處》睇完lu，大致上都係同《人性的弱點》講差唔多o既野。

睇左陣《The Shakespeare Reader》的仲夏夜之夢，實在係太多生字啦！一黎佢用d古老的英文，而家係唔常用的，二黎我識的字真係太少。好在我之前冇去到睇哈姆雷特，唔係洗成4百幾蚊入到去一d都聽唔明咁出返黎就唔抵。睇黎都係先睇晒d script先好走入去睇。

返屋企時遇到阿伯放狗，我同其中一隻狗相遇，我企定想話等佢自己行開先，點知佢又企定等我行開先。結果我同佢對住咁企係度幾秒，我盯住佢，佢又舐住我條褲。佢主人叫一叫佢，佢先識走開，我條褲就咁濕左。

其實我都係覺得狗仔係可愛d o既呢~

今晚份功課，只係整左個花園咋！d圖仲係求其整住先，有時間先再執返好，都未有script。唉~ 一晚能做的野太少了。

張靚穎

睇左幾日的《人性的弱點》，終於過左60%啦！佢講的野我有d都明都知，不過總係覺得幾難做到，真係做到就好似聖人咁囉。

今日有d野做都唔會話太話悶，食o下蛋糕開o下會咁，輕鬆係因為Manager放假考試。今日上堂果科講明open notes同埋有4條case study。一份卷都係得6-7條，4條都係case study即係唔洗點讀，另外果1-2條，open notes又可以即時搵返出黎，所以感覺上好似都幾易咁。

聽左張靚穎的The One，同週筆暢行的路線好唔同。都arm o既，佢把聲係女仔d，週筆暢係中性d。成隻碟都好呢~ 佢唱英文歌真係有水準，冇d特別的腔。我比較喜歡《想你0.01分》同埋《如果愛下去》。

想你0.01分

時間它一聲不吭 仿佛停頓
我不睡但是也不困
愛原本應該能和被愛對等
你説那怎麼可能 我太過天真

@ 當你在我額頭輕輕一吻
我竟然會哭的像個小女生
你説我的付出讓你於心不忍
那個時候我恨你是一個好人

心還是會疼想你在零點零一分
幸福的人都睡的好安穩
寂寞太會見縫插針
我拿什麼來和它抗衡

心還是會疼想你在零點零一分
痛苦的人都醒著被併吞
放眼望去是座空城
沒有一個懷抱可投奔 @

Repeat @

又到了夜深 世界都 熄了燈
只剩我亮起一盞黯淡的靈魂
天亮以後忘記 昨夜重逢有多冷

哈姆雷特

Mentor sick leave邊左冇王管，我又係度做自己野。之但係呢度冇sound card冇歌聽，真係唔知有咩好做。只係同d netfriend icq 同msn，好悶好空虛咁。於是都係係網度search o下有咩睇。

搵左陣心理學的網頁，睇左少少關於心理治療的野。看了哈姆雷特的劇本，真悲慘的命運。 很後悔前一陣子沒有買票去看它的舞台劇。現在要先存錢，下次再上演的時候要去看一看！

另外，仲有呢個，等閒睇埋佢先~ 人與人的相處

徵 - 奢華嘆tea之友

看了又看雜誌，還是想到文華酒店一嚐其著名的芝士蛋糕及巧克力蛋糕。
現誠徵對美食有同樣愛好，又想一起high tea之士，找一星期六到文華tea一tea。
有意者，覆。

情歌手 - 彭佳慧

星期六在家先做了tutorial，再繼續練歌。正當我已開聲的時間，忽然有人到家來修鐵閘。雖然我有少少害羞，但還是讓他們邊工作邊聽我唱歌~

台灣網友的留言！

透過你的聲音詮釋的味道也相當好聽唷!

很好聽耶~雖然仍帶有香港腔，但增添了很多韻味唷！好聽~很特別的聲音^^

哎唷！超感動的~ 謝謝讚賞~
不過我還在等老師的評語。

mYoga (Nike Women 試玩)

今日下午去左mYoga度玩一堂係Nike women度抽中的yoga試玩。因為出門口遲左，所以同妹妹都好趕好趕咁去到雅蘭地庫，換衫除鞋入去玩。

原來我報左o既係高溫瑜珈，好似入左桑拿房咁，不過唔係真係咁高溫。人數唔係好多，都係大概得十個人到。個阿sir一邊講野，一邊睇我地做成點。佢講野講得實在係有d攪笑，令我好難集中精神。不過佢講的動作都唔係難做，所以基本上都做得到，但係開始左冇耐我就狂流汗。有一個動作係扒係個yoga mat度，將對腳升空，對手又升空，上半身都升空，係得個腹部係地下。我堅持左一陣，但實在係太累，結果『叭！』四肢都撻左係個mat度，我同阿妹就笑唔停，前面果對姐妹都係度笑我law......-.-"

之後我們沖個涼，例牌俾d人sell o下咁啦。sell我果個係靚仔黎喔！不過佢都幾自大嫁，不停話自己fit啦、model身型啦、拍廣告啦，又俾我地睇佢鎖骨同埋老鼠仔呀咁，又要人地讚佢靚咁呢~ 查實我就幾buy佢呢隻type o既，官仔骨骨又有d肌肉，最重要的係雙眼靚。不過阿妹就話佢"拿"型啦，男人係要man d先好喎！finally我地梗係冇join class啦！

得到兩件nike紀念品，係sock同埋calendar呢！仲有佢地果度的導師又係michelle同utah，即係之前係nike dance度、又係california度有教o既教練！佢地就真係好賺啦！

************
忘了提到，那個靚仔叫Leon Liu / Lui。到myoga時記得留意囉！不過他超受現的，你一定會看得到他。他還表演了一些hip hop舞呢~

街角的祝福 - 戴佩妮

作詞：戴佩妮　
作曲：戴佩妮　
編曲：戴佩妮/陳達偉　演

多少個秋　多少個冬
我幾乎快要被治癒好
但還是會　只因為一個重覆的話題　就無心自擾

也曾想過　若真遇見
我們應該如何是好
我想我還是　會還站在某一個街角　不讓你看到

＊只因為我不想打擾
只因為怕你解釋不了
只因為現在你的眼睛裡
她比我還重要

＃我只好假裝我看不到
看不到你和她在對街擁抱
你的快樂　我可以感受得到
這樣的見面方式對誰都好

我只好假裝我聽不到
聽不到別人口中的她好不好
再不想問　也不想被通知到
反正你的世界我管不了

Dinner + Karaoke

今日由於mentor返左大陸，我做左交低的野就好閒，都冇人理我。放工打算返屋企做功課嫁啦，不過roy、robin忽然話食飯，咁arm我屋企都冇飯開，就出去食啦~ 食左飯就同埋佢地的同事karen一起去唱k。本來都仲可以keep到上堂學果d野，唱華麗邂逅都仲得嫁！不過之後就唔得，勁唔夠氣又冇聲，總之仲有排學啦！唉~

我明o既~ 我係太硬淨、唔識撒嬌的果類人。唔好話同男仔撒嬌，我係N年前都已經唔會同我媽子撒嬌。所以ronald話我男仔頭囉~ 不過撒嬌呢家野，同我唔係好夾喎~

愛需要合唱 太過剛強 他不會留低欣賞
愛需要合唱 太軟心腸 他都會毫不欣賞

欣賞我吧原諒你原諒到自豪
我太好難隨便憤怒
明白你明白到 怪責我不好

仲有今日我撞到rainbow同佢男友，傾左一陣，話遲ｄ約埋steven佢地見見面。

地下鐵偶遇他~

今早上班係地鐵度企，忽然從身後走過一個男人的影子。抬頭一望，粗壯的手臂、熊厚的背部、豎起的頭髮，再加埋果對迷糊的雙眼，令我覺得好熟悉。我按捺不住一窺佢真面目的慾望，尾隨佢走了好幾卡車廂，直至他停下來，我亦於其身後停下。心裡盤算著若果認錯人後的尷尬，鼓起勇氣的走上前看其龍山真面目！

果然，我冇認錯人，真的係佢！Ricky~ =P

『熱辣辣』的來~

收到錄音啦！雖然唔係唱得好好，不過起碼冇上次唱得咁差呢~！
沒那麼愛他 <=上一堂o既
接受 <=今堂o既

良坊其他同學<=得左獎o既！ 真係唱得好好聽！好勁！

白色婚禮 - Sharon

哭 - Rebecca

痴心絕對 - Ricky

我尋晚就係同Sharon一起上堂呢！

呵~ 幾時我先可以好似佢地咁呢？~>_<~

寶貝唔得啦

之前我寶貝變左單邊耳，今日一早就發現，佢失去左handfree的功能呀！個handfree真的變成左一隻單邊的headphone！我講的野對方係聽唔到呢！唉~ 係時間再打去O2問o下幾時先有得買啦！

尋日唱歌阿sir問我拎左msn，今日一早就見佢online，大家都傾左陣計。原來佢唔係24歲，天真的ray女友錯信佢吹水的謊言o者~ 聽到佢原來係大過我o既，唔多，幾年咁啦！(我都覺得明明係我細過佢嫁啦！點可能佢細過我？！) 本以為都係讀唔成書而從事音樂發展，原來佢都double degree嫁啦！亦都同椰子一樣，覺得讀書冇用/討厭讀書。彈琴的stephanie都係master，又係中大，校友黎tim！傾左陣計，都係瞭解o下大家咁啦~

返學知道都有d同學同我一樣仲係做緊tutorial 6 ，個心都定左好多~ =p 大家都未做晒d野！

唱歌班

上次果首可惜不是你被彈得片甲不留，今晚上堂阿sir仲問我覺得佢d評語點。大佬呀！咪一個字『hurt』囉~

不過今次同我一起上堂的女仔叫sharon，佢細我2-3年大學生，真係唱得好勁！開聲時一起開，我完全你聽唔到我自己把聲，而且佢個音域上得好高，我只有企埋一邊等的份。不過同佢一起practice加埋阿sir講的theory，今次開聲用聲好似好左。阿sir同其中一個男仔『子峰』講，同期除左我之外，佢係進步得最大的一個！yeah~ 即係我進步得好多啦！阿sir話下次再搵d勁人同我一起上堂，等我學得快d。Sharon唱的歌係Sandy的『哭』，唱得好有感情，又夠氣同夠響。超好聽~

我就唱梁靜茹的『接受』，居然得到阿sir話我低音唱得ok，仲可以沉d。用氣都ok，反而係高音有d吊住吊住。都係要訓練口型同吸氣。=p 期待收到錄音中~

走的時候同埋d同學一起走。終於同d同學仔傾到幾句野啦！Monkey同子峰都係19歲，一個大學生一個做緊野，另外彈琴阿ray的女友，先中四。佢話我知阿sir得24歲！！我即刻嚇左一跳！唔係掛？！

返到屋企就做細姑姐果邊d野，個graphic執左好耐，太夜了，都係訓先。

好熟呀？！(四)

眨o下眼又黎到(四)了。

話說我已收到佢寄黎的信，外加親筆簽名及『十分感激』四個大字。昨天已寄回所需文件。

『喂~』
『喂？』
『又係我呀~』
『喔~ 你呀~』
『你寄左d野俾我未呀？』
『我尋日寄左啦！』
『嘩~ 咁我聽日就可以收到信啦！哈哈~』(-.-"...)
『呀！好彩你尋日寄左o者~ 我驚係寄失左咋~』
『ha..ha...』
『咁你記得有呢d文件(省略..)啦呵？』
『有呀！呢張深色d果張淺色d ma~』
『係啦！因為我新黎o既，都唔知道咁咁(省略) 係唔得o既tim~』
『ha..ha...』
『咁就好啦！咁我聽日等你封信啦~ byebye』
『byebye』

我同佢大概就快變成line友啦~ 得閒就打黎吹幾句水...

不復當年勇

今天上學，同學沒有帶notes借我呢！星期四要提他一下了。放工後肚子太餓吃了飯才上學，課堂一樣的悶、一樣的想睡。隔壁的靚仔阿宗還穿短袖衣服，天呀！冷氣多冷！合共兩份project未做，看來lunch time是要先拿來做其中一份了。

回家路上邊唱歌邊坐火車，隔壁的女孩不知是不是被我嚇怕了，坐了一站就讓別人坐。我只好注意一點，關掉聲線只做口形囉~ 我的『可惜不是你』給老師評得太慘了，唉~ 還以為自己大聲了‥‥‥明天應該會唱梁靜茹，老師說他有新歌啦！希望是『不是不明白』、『可樂戒指』或是『親親』啦！唱歌班應該會暫停一個月，等功課跟考試過去了才再學。也幸好我還未繳費給潛水公司去浮潛，天氣那麼冷，怎麼潛？冬天該有什麼活動呢？

回到家，立刻開始hku supervisor那邊的事，做完還要做細姑姐那邊的圖呢！結果一點多才睡。三年前做freelance的時候再晚都有試過，現在卻很累了。唉~ 看來我是應該回覆當年勇才對！要不要找個freelance做做看？當然先考試再算啦！

上班那邊剛開始有code寫，可是無從入手。雖然有別的選擇，可是還是呆在這學習一下吧！

運程天書

今天一早就剪下新假期的印花，換了本運程天書！skim thru了一點，說我來年運程平平，財弱不過桃花運盛！可惜是三角戀哦！

在網絡search自己的英文名字，想不到‥‥‥
AMANDA（拉丁名）其詞根表示愛的意思。AMANDA 表示可愛的人。人們認為她保守美麗又纖細，甜美富有。
總之一個字！就是好啦！

收到HKU supervisor的一封email，有野做啦~ 於是成個夜晚就整佢d野，咩功課都冇做到。日子唔多啦！我個project仲係0%，真係頭痛！

沒有做功課~

昨天在kara24H唱了首歌可惜不是你 ，收到一些台灣網友的回應。還有一個跟唱歌老師以及Albert Au一樣，稱讚我的聲音很清晰！嘿！這位網友，高水平喔！懂得欣賞我~ 呵呵呵呵~

今天下午跟媽媽、妹妹一起去shopping，買了一些衣服。妹妹決定買了『美腿魔師』，下星期六就會送到家了。我在osim那裡試用了一下，我覺得腳痛，由其是腳底的窩位。妹妹說正常是不會痛的，應該是我穿高跟鞋，弄得腳本身就痛。=p 真的是哦~我本來就覺得腳痛的啦~

在一間衣服店內試衫，我選了幾件連身裙，不過妹妹都說我像肥田一樣，唉~ 那個sales又問了很多人都問過的問題。『你們誰才是姐姐呢？』我笑而不答，叫她自己猜一下。果然！她猜我是妹妹！難道歲月真的不在我身上留痕嗎？！kakaka~ (我猜是因為妹妹態度惡死，所以才會被人覺得是姐姐吧！我常被她欺負的呢~ )

晚上我們到了樓下的酒樓吃個飯，吃了今年的第一隻大閘蟹。挺好吃~ 雖然是最便宜的那種，不過都很多油，味道很『蛋黃』喔！

朋友send來的Monkey kiss。那些女孩很慘，那些monkey也很會親哦！幸好沒有一個女的跟牠們舌吻，否則太嘔心了！

公司bbq

今左是公司的聚會，到白石bbq。昨天同事Jack說今早可以順路載我到bbq的地方，可是我拒絕了。因為跟他又不熟，坐便車又會有dead air，我最怕這些情形的啦。十點半到了九龍塘集合，坐公司車到白石燒烤場。 那裡地方很大，不過今天很熱，我們到達還要等自行來的人，拍一張大合照、玩遊戲才燒烤。

同事中有大概有十個在玩ndsl，一起玩mario kart。看著他們，有點發愁了。我的nds很久沒玩了，要拿它去改裝嗎？還是賣掉再買ndsl呢？可是這是一份有意義的禮物，我想把它當作紀念品哦~真煩惱！不過現在我很忙，沒空玩，也沒有玩伴，先擱著吧！

吃了一會，我就跟Evelyn和Freda一起去打golf了。想不到Evelyn的golf打得這麼好，而我只來跟Eric打過一次而已。有一次我連續4次打空了！氣得我跳起來了，還給Henry恥笑了。然後有些高層過來打，其中一個教我們姿勢跟理論。

Jack老婆的娘家跟我住的是同一個樓，所以最後我還是坐了他們的便車回家了。公司同事男多女少，有些看起來還像個高中生，真不知道他們究竟是誰的兒女，還是真的是同事。有幾個看來才不過廿十初，原來都結婚了，生了孩子，真是看不出來。

因為我值得快樂，所以我能夠快樂

今日係網度search search o下又搵到兩篇幾好的文章。

我單身，我很快樂

我需要的，不是愛情，只是快樂。我缺少的，不是被愛，只是發現愛的能力。原来我是幸福的，原來我也被很多人愛着。只是那偶爾的孤單，偶爾的自尋煩惱，讓我迷失了自己。‥‥‥我其實是快樂的，只是忘了微笑；我其實是勇敢的，只是忘了去實踐；我其實是幸福的，只是忘了去享受；我其實是理智的，只是忘了提醒我自己。

『我需要的，不是愛情，只是快樂。』

想清楚，究竟我們為何要尋找愛情？是因為我們確信愛情會帶給我們極大的快樂，這種快樂大得甚至讓我們願意承受痛苦作為代價。那我們其實是要尋找快樂的，為什麼我們會本末倒置呢？我們是要尋找快樂，才追求愛情；而不是為了追求愛情，才尋找快樂的。

『我缺少的，不是被愛，只是發現愛的能力。』

總以為只有一個人才能帶給我們神聖的愛，只有他才會帶給我們被愛的感覺，這是錯誤的想法。其實我們只是忽略了別的愛而已。

我想說我很快樂

我依然讓自己笑着接受，因為曾經我對你說“如果有一天你不在愛我了，你要告訴我。如果你有了新的女朋友你要告訴我”‥‥‥也許正是心中有愛，而且我也不相信你的人性太壞，我才能做到這麼冷静。那麼，親愛的，再見了。除了祝福還是祝福。

作者跟我在做同樣的事呀！

準備作戰了

今天下班就去上課了。跟同學借了notes，下星期二把我沒有抄下的都抄下來，準備快要來臨的考試。考試在12月初開始，看著日曆，安排時間做功課跟讀書，原來真的一刻都不能少，還要請幾天假呢~

表哥有著數益我，我當然先向屋企老媽子講聲先啦！咁都係預料之內係咁俾佢話，不過我都應該會join呢~ 黎緊呢一年，一定要穿得上比堅尼！

回到家，原本打算開始做d tutorial先的，但係發現果如所料‥‥‥，傾左一陣。又同阿roy傾到點幾，冇時間再傾落去了，太夜了。都冇時間再去分心了，我唔可以俾個master就咁冇左嫁！

仲有，對腳而家好返好多，係右腳小腿仲有d扯住扯住咁。不過暫時大家都忙，應該唔會去行山lu~ 等考完試再搞啦！

仲有之前唔記得講，係澳門去金都賭場時，唔止我妹俾人check身份証，我都有份呀！嘩哈哈！乜我似細過18咩？葡京都冇check我喎~

我唔喜歡發脾氣的自己，所以我唔開心時好快就可以自己抒解自己的情緒，我認為自己EQ係幾高嫁！但係咁都係叫收埋自己嗎？天秤座的我就是不喜歡爭執，喜歡和諧呀！所以才讓人覺得疏離嗎？

又中了

一个女天秤座分手后全不像处女巨蟹在人前要死要活，她嬉笑怒骂，变得更加“开朗”。她，在听到他的话题时，从不刻意回避，她适当参与，淡然微笑。她的表现总是遭人怀疑这段感情的深浅，她的付出。而人群中只有那些知道背后情节的人才看见她背后的眼泪和努力。

没有分手的天秤会在情人面前大声哭泣，但她几乎都是每晚在被窝里哭得虚脱直到睡去。如果你看到了她的眼泪，请相信这不是她在博取同情，这是他这样一个内心骄傲的女子不得已的场景。分手后的天平还是追求和谐，理智的她想通了后甚至还能和你恢复到朋友时的话题和语气。一切那么自然，你自以为她解脱很快……她，只是为了减轻你的负担。一个天秤结束感情后，也许会选择遗忘。但请你不要给她承诺和誓言，即使她很难相信，也会选择等待和坚持。哪怕她料想得到结果，她也会选择认命。

分开后，你会觉得她身边的异性多了起来。可是你不知道的事实是曾经的她为了表示对你的专注，竟然傻到刻意疏远那些朋友。现在的她，只是想找回原来的自己。当然，你大可以放心，或者说得意，她需要很长很长，以年来计算的时间才会开始新的恋情。她想对你负责，对他负责，对自己的过去和未来负责。

天秤的伤不浓烈似酒，只是一杯白水，可是她们早让它渗入生活的点滴。她们选择在其中淡定，在其中沉淀。

又準~

☆第三個階段是生日在１０月１２日到１０月２２日之間

個人主宰星是天王星，你常太過於委屈自己，而忽略了自己的想法，所以每隔一陣子你就會覺得很受傷，但是卻又讓這種狀況繼續下去。你要學習拒絕的能力，並且了解到人和人之間的相處，光靠你單方面的忍耐是沒有用的，只會讓對方更吃定你而已。

********************

★☆ 愛上了就放不下的前五名女生星座 ☆★

★第一名：天秤座
天秤座的女生看起來朋友很多，個性好像也很放得下。其實那都是硬撐，她一定要有伴，讓她覺得自己不是孤單的。但是如果沒有男伴也會讓她覺得很失落，而當她有了另一伴之後她又怕失去，因此對方的一舉一動都會讓她非常敏感，因為她在找一個最恰當、自己不會受傷的時候放手。在這個步步為營的過程當中，她完全感受對方任何一句話的用意，因為她怕有閃失，她怕對不起對方，也對不起自己。

************
天秤座的人嫁不出去的原因

是年紀愈大對感情就愈來愈理智，導致於想太多而嫁不出去。年輕的時候很多天秤座的人也很瞎會愛錯人，可是經過這些事情以後有些人還是會繼續勇往直前，但是天秤座就不一樣了她會愈來愈理性了，另一方面也愈來愈無感了，所以漸漸地她愈來愈離這種麻煩事遠一點，當然到最後就很難嫁出去了。

好熟呀？！(三)

真係意想不到，居然呢篇『好熟呀？！』會有(三)的出現。

arm arm jerry 哥又打黎‥‥‥

睇見個電話number都知，又係佢啦......
『喂~ 唔該xx呀！(本人名字，不包括姓氏)』
(勁唐突！幾時邊得咁親暱？可以不連姓氏咁叫我？！)
『...我係』
『唔好意思呀！張form俾人彈返轉頭呀！......(文件模糊)』
『咁呀...一係我寄黎俾你啦。』
『好呀好呀！等我寄個回郵信封俾你呀！』
『err...其實我前幾日收到你地AIG 提我補文件的信，有回郵信封o既，我用果個得啦。』
『果個係我手寫俾你定係公司電腦印嫁？』
『電腦印嫁。』
『咁唔好，等我寄個回郵信封俾你啦~』
『咁好啦』
『唔該晒你呀~』
『唔該~ byebye』

失敗~

今日早上又到惠康添貨，又展開了上班食零食的習慣。tea time mentor請吃tea，要了個芒果鮮果沙律，加上中午飲茶的東西，肚子飽得很。晚上去上唱歌班，開聲時不停的往上升，升到我都快要發不出聲音來了，聽到聲音怪怪的，忍不住的笑了出來。阿sir說我還可以再高一點，不過我笑了，破壞了『一鼓作氣』。他指點了拿咪高峰的手勢，用力的咀形，還是老話，多練習吸氣還有咀形。再來就是吸多一點氣。

邊聽男生開聲，我把《兩個人的孤獨》看完了。今天唱的《沒那麼愛他》水準差多了，我當然是不太可能夠氣唱的，我選這歌是因為我想唱，而且嘗試一下是不是真的那麼不行。結果唱到尾段我都用不了氣，遜了。

原來同班的『子峰』是大學生，快要考mid-term了。真的看不出來，這麼小的瞼原來也是大學生了。

在你的生活中，有什麼東西是一但失去就真的活不下去的？

在我的生活中，沒有東西是一但失去了就真的活不下去。沒有錢我可以賺，沒有朋友可以去結交，親人也終會離我而去。這世界這生命，本就是一個人走下去的。很矛盾，失去了任何東西，都不會讓我活不下去。可是當什麼東西都沒有了，活下去又有什麼意義呢？

真的要說，可能當自己連自己都失去了，就真的活不下去了吧。如果我沒了雙手、沒了腿、沒了腦袋、沒了思想，我還可以做什麼？活下去又為了什麼？

最後，對自己最重要的，還是自己。

**************************

『‥‥‥為的大可能是只想證明給自己看，她是可以戀愛的，瞧，好不是為愛可以付出很多淚水和諒解嗎？這樣解釋愛情的女子，過了理性的關口，也過不了感性的一關。心底裡，好多麼害怕會被拋棄，因為她堅強，會接受和體諒，這種女子彷彿注定被離棄，因為他不想傷害另一個較軟弱的女子。一句妳會明白的，留下這個她獨憔悴。』

堅強的女子，注定是悲劇的命運，多麼令人不服氣！是的，一頭獅子跟一隻小鹿在一起，雖都會覺得小鹿比較柔弱，應該受保護，可是又有誰看得出獅子也未見得比小鹿堅強呀！不是因為她堅強，好懂得接受、懂得體諒、懂得愛不是佔有，她就活該的被犧牲、被離棄的。可是往往在二選一的選擇關口，堅強的人都是輸家。

堅強讓人吃虧，任性、軟弱才是有利的武器。所以在人前，不要顯示你的堅強，而要顯示你的懦弱，那可能才是對的吧？！