加勒比海盜

這是一個開始、一個終結、還是一個過程？

初相識時我們就相約要一起看這套電影，今晚終於要去看了。放工到達又一城時約7點半，看到鍾嘉欣跟名車。再到皇府吃有名的食神叉燒飯。我覺得不錯，燒味汁挺好吃，叉燒也肥肉參半。再買了爆谷看了這套片。

我沒有看過第二集，不過覺得今集沒之前那麼好看。故事的主線放在那總督的女兒跟她男友身上，周潤發又很快就死了。周潤發不知怎的，最近這套跟黃金甲那套都是做奸角，我覺得演法很相似，沒什麼突破。原來很期待那個女海神得到釋放後會怎樣對待各海盜，又會怎樣對待那個負心的鬼船長。怎料她得到釋放，身體變大後，就爆開變成很多蟹，就完了。船長說了句『就是這樣？！』這也正好是我想說的。她後來做出了大漩渦，可是不見得是特別針對鬼船長的復仇。

故事完結後我們沒有走，因為joanna說等到字幕升起後會有片看。等了很久，原來是交代男女主角生了小孩。而這個小孩好像就是故事一開始，因為是海盜而被吊死的那個，算是首尾呼應吧！

看完都趕快的回家了。

我想這是一個終結。

上堂

今日上返今個星期堂。放工早d走費事遲到，點知早左半個鐘上去，仲要阿sir都未到。同阿wing係門口吹下水先，咁我梗係講阿sir d衰野啦！我地呢班全都過廿歲都做晒野，又同阿sir唔friend，咁先傾到計嫁ma。

等阿sir到左，我就入去同貓貓玩。可能佢成兩個week都冇見我，都不知幾咁熱情，一入去就喵我。我坐低同佢玩左陣就出去，因為呀miss chan想搵貓貓，唔好阻住人啦。之後我見男仔唱先，我又入去搵佢啦。貓真係好纏人，我去toilet都係我腳邊『嬲』住我，仲主動訓低要我摸佢。玩左陣我諗住差唔多到我，就起身洗手出去啦。點知貓貓係咁喵我，又係度咬我條褲，扯我叫我唔好走。但係冇計，我走左，仲有其他同學黎安撫佢o既...

今日開聲都ok，開咩gop hop聲時，到高音真係見住個指標爆晒，彈琴果個都彈到琴邊，我都仲好有聲。睇得出自己係有進步o既。之後唱歌，阿子峰提議我唱『花無雪』，咁我試下啦。結果評語ok喎！可能開聲開得到，d高音都到位。阿sir話我吸氣慢同埋唔夠深，有時好似有d hold唔住個音咁。阿ben 哥哥走的時候話我呢首唱得幾好聽，呵呵~ 之後佢問我一唔一起食麵，因為佢未食野好餓。我見都成10點啦！都係返歸啦~

唱歌補堂

今日放工就趕去旺角上唱歌補堂，去到旺角食晒串魷魚同埋pancake先上去。今堂會同返hana佢地一起，上堂冇咩野，我唱左首逆光咁，阿sir話個音就去得幾準，但係唔夠力同埋氣。

不過今次阿sir唔知做乜鬼走黎問下我返工d野，又問我想做到咩職位等等。不過我又係好唔like佢d人生哲理。有個中五女同學，佢考完會考搵暑期工，想話搵文職。send左好多信都係得一個interview，講起d人多數都唔consider佢，因為都知佢係做暑期工而唔係長工。有個同學就話梗係死都要話自己係做長o既，先有機嫁ma。阿sir就係度講，『冇嫁，洗乜有咩理由o者！我屋企冇俾錢我洗，等錢洗咪要做野囉！請就請，唔請就bye！』講到佢以前有個僱主賞識佢，請左佢，其他同事同上級都唔敢頂撞個manager，係得佢先敢，結果個manager話想抄佢上級，升佢。『我係咁嫁喎！我個style係咁，係buy就好buy我。我唔會忍嫁喎！我唔鍾意做狗嫁！』

聽到我心火都快要爆！好心佢啦！佢教唱歌嫁咋，品格德行仲係留返俾人地老師同家長教啦！教壞晒！係囉，佢唔等錢洗，佢讀得上去讀埋碩士畢業，唔在乎果份暑期工同經驗就梗係咁講啦！都唔諗下個女仔，中五出黎佢係想搵文職經驗，佢自己都諗住係讀ive算嫁啦！份工對佢黎講係好重要的。如果跟佢咁樣態度，真係食x啦！100個僱主，99個都係鍾意d誠懇努力的，唔會鐘意d臭串嫁啦！佢果時好彩搵到份唔代表佢的方法係arm嫁喎！一味係度晒命，真係頂佢唔順。

我冇出聲串佢，只係完全唔理佢自己整自己野咁囉~ 係佢地頭佢d o靚度串佢係冇意思o既，淨間搞到僵o者。不過當然對於我的工作同我的目標，佢冇一樣可以串我啦！我唔係細路仔任佢點嫁ma！大家咁高咁大，你試下針我呀！我實駁返你嫁！哼~

出show

訓左3粒鐘，就要起身化個妝，因為下午要出show。今次我唱兒歌，美少女戰士。可惜天公不造美，一去到就落大雨，成個function係雨中渡過。今次重踏愛民邨，呢個佢居住o既屋邨，最後見面的地方，食飯o既地方，等人o既地方，真係好有回憶o既感覺。不過因為天雨，成個show都delay晒，我係商場度邊避雨邊聽。隔離個哥仔同我一起企左幾個鐘，我拍手時佢拍手，勁搞笑。到4點幾5點，先到我上台唱美少女戰士，唱成點唔好講啦！不過都不過不失啦！

之後就返屋企同屋企人去上水shopping同食飯。

比賽 + 聚會

夜晚去左上水度參加個普通話歌唱比賽，因為之後仲有地方去，就要求調上前面唱。原來參加者有一班師奶，應該係參加社區中心搞果d學唱歌課程，連佢地個老師都有黎參加比賽，咁邊有得fight呀！聽完個小城故事，之後仲有個咩中國心，呢個仲唔記得歌詞。我上台都唔好得幾多，緊張係把聲度聽得出，吞口水又食左幾隻字。不過算啦，都係玩下o者~

唱完就走左出去銅鑼灣一間cafe度，去到大家都早已開始左食野。我緊係坐埋去阿清果堆度啦。食到咁上下野，就話玩game，點知原來佢地冇準備o既，邊個有game就自己出去hold。咁我見冇人出手，就等我黎先啦！同大家玩左心臟病，輸左果隊要罰食野。其實個個人都好，就係有個tony唔好，把聲響到拆天，搞到我要嗌晒咁。之後玩左阿明個game，最後仲有sunnyo既智力game。不過智力game我完全冇興趣。

後來一班人到左neway唱k 飲野，咁就到第二朝了。

宜家傢俬

跟coleman約了一起去逛街，他要看他的hifi，而我則要看送給同事raymond的結婚禮物。先去吃tea，再去看他的hifi，又到試聽室試機，一弄就個多小時。說實話，我對hifi是沒什麼研究的，買套裝機好還是分開買個amplifier同喇叭好。我自己就覺得套裝機夠型，屋仔細細又唔開得大聲，買咁好都冇用啦。不過似乎男仔對hifi係有執著o既，好似我老豆後生果時都係迷hifi o既。最後我都係坐係度聽下蔡琴算了。

之後就到西田行下睇下有咩禮物好買。基本上我地team的人係以實際派為多，但係送禮總好過送現金o既。睇左水晶，又睇左酒杯仲有金公仔，最後都係覺得唔係好arm。仲係去買cash coupon算啦。

再到宜家睇佢想睇o既櫃，同埋食出名o既豬肉牛肉丸，聽聞呀蘇施黃推介喎！我食完，覺得都ok，幾爽又唔un。

ESA聚餐

中午我主動gather了loans team的兄弟們一起吃飯，因為人數眾多，所以都是去飲茶。佢地都好奇怪我會約佢地食飯，總係覺得我有目的。大佬呀！咪就係我夠媽冇煮飯，我咪借機聯誼下囉~

上次吹水時提及我有個表姐同表妹都single，有冇好介紹。今日佢地就捉住黎講，又話我搵表姊夫同表妹夫先係真正o既目的，haha。其實佢地team有個幾ok o既男人o既，叫alex，今日就拎左佢黎吹水，話介紹女仔俾佢呀咁。佢又話佢open喎！仲吹水吹到如果搞得成，我日日返公司就左邊一個表姊夫，右邊一個表妹夫，哈哈~笑死我啦！咁當然我都想話幫下手介紹下o既，可惜年齡上唔match，冇法子啦~

今晚把唱歌班改期了，為了跟大學上莊的朋友吃飯。假期的前一天，放工也沒有加班就走了。到尖沙咀還未到集合的時間，跟sabrina到處逛逛。見到司徒，腹肌不見了，卻在肚子裡『養鬼仔』了。

我們在街市的『妹記大排檔』食飯。點了什麼招牌菜，什麼勝瓜、芥『末』墨魚丸、南瓜盅等。但係大家都覺得一般。之後叫多左個羊肉同埋唔知咩肉，不過蔥仲多過肉，唉~ 所以大家食完好似冇食過咁，都要俾$60。

除左3個女仔會互問下大家的工作及感情狀況之外，其他男仔都係吹水o既多。不過都ok啦，只係我真係好累好眼訓，都提唔起精神。食完野就分道揚標了。

斷絕往來

星期日跟yvonne及eric打了一場羽毛球。也討論了我現在的狀況。eric說就算dicky沒有說什麼，我feel到有野都應該要表明態度，不要浪費別人的心力。可是女孩子都是覺得，男仔都沒有表態，我幹嗎要自己挖出來說？只要沒有什麼超出朋友的舉動就可以了。

昨晚回家想了想，星期六晚他已在試探我是不是有別的追求者之類的，還是說清楚比較好。結果以例子方式討論下，得知他也跟eric想法差不多。他認為要斷絕往來才可以令男孩子死心，而且不要再應約。我反覆的問了他幾次是真的要這樣連朋友都做不成嗎？他還是覺得對。那沒辦法，我就照他的說話做吧！

結果，他今天打來想要約我明天晚上喝東西，我就拒絕了。不收禮物不讓送回家，還是不明白。我猜這一次他應該明白我是什麼意思了吧？！

還是加班

這兩天還是在加班，大概8點半才收工。沒有去上唱歌班了。

好聽soundtrack

學過少少韓文，我要學識呢首歌！！

Maria - 김아중(金雅中)

자 지금 시작해
조금씩...뜨겁게...
Oh~두려워하지마

펼쳐진 눈앞에
저 태양이 길을 비춰
Oh~절대 멈추지마

Maria~ Ave maria~
저 흰 구름끝까지 날아
Maria~ Ave maria~
거친 파도따윈 상관없이
기적은 이렇게
네 눈앞에 펼쳐있어
Oh~절대 멈추지마

Maria~ Ave maria~
저 흰 구름끝까지 날아
Maria~ Ave maria~
거친 파도따윈 상관없이
Maria~

멈춰버린 심장 전체가
걷잡을수 없이 뛰어와
♪

全日活動

今天跟coleman去看了『醜女大翻身』，韓語版在amc做，買不到票了，所以還是去看了粵語版。我自己是覺得還是韓文版更原汁原味了，不過還好。戲是挺感動的，很多女生都哭了。然後到了又一城吃了tea，逛逛franc franc，coleman還是買不到他的心頭好。

晚上跟dicky在沙田碰面，到euro go go吃點東西，就到西田去逛。今晚是要陪他買禮物給他在美國的兒甥女的。最後他還是選擇了『阿輝』cushion，還問我有沒有什麼想要呢！然後到cafe喝果汁談談話，差不多時間就回家了。

勁夜

今日返工遲到左幾分鐘！不過夜晚真係乜都賠返晒俾佢。

返到公司原來anthony l. 早就將尋晚飯局情形講出去！佢講左兩句，一句係『個男仔幾大隻』，另一句係『Amanda好飽』。haha ，都唔知點答好。男仔大唔大隻我就唔知，我見到佢係幾高，不過anthony有攬過佢，可能個男仔真係有d肌肉吧！至於我，係o既，我真係由頭食到尾。大佬，冇咩野講就緊係食啦！的確，wilson最後係有問『仲洗唔洗叫野...』，我都知d男仔係唔飽嫁啦....=p

講返做野，今晚真係，做野做到10點45分先走得。因為今日先講d野要monday俾人，但係未test嫁喎！先瞭解一下要點test，再做都下午了。test呢d野唔係做一次就得嫁ma！第一次test總係有d野係做漏o既，結果做到咁夜先搞掂。

返到屋企聽阿媽講佢係巴士上俾阿嬸話o既經歷。原因係佢係巴士上大聲的跟舅父仔討論近黎調查話要加公務員同教師人工黎吸引人，佢覺得好唔應該。點知個阿嬸個女就係做老師o既，阿嬸就好大聲咁罵我媽唔知做教師o既辛苦。

我覺得阿媽就真係唔應該係公眾場所咁大聲講呢d野嫁啦！佢自己都識得話叫我唔好得罪人，一陣俾人斬都唔知咩事，自己又唔注意下。不過以事論事，我都覺得幾ridiculous。前果排先至話教師人口過盛，薪酬跟市況脫勾，先至要減薪同埋裁員。果d小學老師一個教席要兩個人分，好多人都搵唔到教師做。而家又話冇人做教師要加薪吸引人才，一加就加4千。

我都有三個好朋友係做教師o既。無可否認教師本身就係一個要付出好多心力o既工作，但係係咪真係辛苦到難以想像呢？

先講加班情形，教師放工仲要帶薄返去改，即係係屋企都要做返工野。其實香港好多行業都係要加班冇補水嫁啦！我今晚都加到11點啦！舊同事terrence公司長期都冇星期六日放假，d假只係空口講，一星期返足7日，日日9至11，都係咁返；之前就聽過askin工作又係好忙，星期六日都係屋企做公司野；阿roy, robin仲更加唔洗講，晚晚都ot，連約佢地食飯約十次都只能出現一次。開ot工作到夜o既人比比皆是，各行各業，再加上好多人都邊做野邊進修，工作量亦唔得比教師少。

至於面對人群問題，教師面對的係校長、老師同家長，要做成績做交代，壓力很大。若果跟sales行業比較又如何？每天係街上面對張張冷漠及躲避的咀臉，又要面對交quota o既壓力，又不比老師的少。就大排檔的啤酒妹，都要跑好幾條數啦！別的人若覺得做唔黎，壓力大會搵方法減壓，或者決定轉行；而反觀早前很多老師都以結束自己的生命，以死控訴工作壓力大，生活不如意，這究竟是真的工作壓力太大，還是他們承受壓力的能力比較弱？當要教導學生要尊重生命的同時，很多老師卻如此的輕視生命。雖然我聽說過carrie, mandy跟yvonne都很忙，很大壓力，有時候因為壓力弄得身子虛弱，或者是放假必須要離開香港走走，可是我也有看到她們還是有能力去跟朋友吃飯，去參加活動，去拍拖，去行山呀！老師的假期多是肯定的，我們這些打工仔是否能夠每幾個月都有個長假期到外地走走、透透氣呢！？

再說那位阿嬸提及基準試對老師所造成的壓力。看看engineer、律師、醫生？他們也一樣要考專業試，就engineer，先要做6年才有機會charter，才有專業資格。就說我們IT，還不是每個人都急著要考多幾張cert？ronald每年都要考兩張cert來提升自己的技術，我剛考完master，manager就問我會不會考CFA。我team今年已有兩個人要去考了。別的打工仔，也是需要面對各種各樣的測試跟挑戰呀！

我不否認當教師有當教師的辛苦，可是是不是比別的工作辛苦千倍百倍，我卻心存疑惑。

Mission failed

自從Henry被調去幫手隔離loans team的野之後，我就要take up埋佢做o既野。原本有request黎，一係我做一係佢做，都叫做分擔下，而家野野都係我做，唉~

今日isabella, anthony c., evelyn都返去蛇口，我果行得自己一個人，都幾輕鬆。但係仍然係code海中浮沈。到放工時忽然先黎一張hotfix要跟，原本係執野就同埋loans team 幾個同事食飯o既，點知都係要遲d先走。做到7點都未完，只好叫阿飛去join左佢個friend同wilson先，anthony l. 等埋我先去啦！好在都唔係做多好耐就搞掂。

其實今日個飯局主要係介紹我俾個男仔認識，又或者介紹個男仔俾我認識。呢個男仔叫阿ken, 係阿飛o既舊同事。全程都係由口水最多o既anthony l. 主導，講得最多o既除左股票，就係loans team o既野，呢d我都好有興趣聽，因為平時我都唔知佢地team o既野o既。可惜咁就冷落左阿ken。都有講到劇集，點知佢地睇大陸劇，我冇睇，得個聽字。坐係anthony l. 同埋wilson中間，兩個bi li ba la講不停，我只好不停的食野同聽佢地講野啦！到最後傾到10點幾就走。

同anthony去restaurant的途中傾計，佢問我覺得manager點，嘩！點o者可以，唔係咁like咁囉。點知係mtr就撞到manager一起搭地鐵。

對於阿ken呢，就真係冇feeling啦！首先計都冇傾幾句就唔係咁熟，我自己本身都係偏靜o既人，都唔想另一伴係同我一樣太靜。而且我都係prefer一d主動d o既人。仲有就係細心同識做，呢d我好睇佢坐埋一圍會唔會識做野。人地拎野食黎，會唔會幫手放好係table度。睇人地飲晒野會唔會識幫人倒返滿咁。可惜我唔係好覺佢有咁做喎。

相反對於anthony l., 印象好左。平時都知佢係個吹水唔抹咀o既人黎嫁啦！輕挑！不過今日真係好在有佢係度，唔係會悶死。就算兩個人一起行去地鐵，都唔會驚冇話題講。呢d人易相處，差就差在佢口水太多，成日飛晒落我度，同埋好似有煙士牙，仲有太亂唔執拾，manager成日都話佢張table好似垃圾場咁！haha。

上堂

今日成日都好悶，睇code睇到傻都仲係搵唔到個問題。lunch時食完飯去同evelyn, henry傾計。都係咩都傾下咁啦。之後就帶佢去認識coleman，因為佢想問關於裝修新屋的價錢問題。不過俾manager睇到我地傾計..=p 之後我經過loans team想問阿fung幾時走，因為要同佢搞個farewell lunch。但係俾阿kay串我，結果我地走左去佢個i21 team度認識『靚仔』jeff。真係，認真d睇，除左眼大鼻大口大同黑之外，點都算唔上係靚仔喎！不過呢d野，我同evelyn icq傾就得啦，唔好hurt人啦。

放工想快d走，6點半就閃人。早d上阿sir度坐下玩貓。貓貓又係熱情地喵喵喵，我坐係toilet地下同佢玩，佢不停要人摸佢個頭，又訓低，又搵手推我隻鞋。最衰就係佢成日搵機會咬我。有次大膽到兩隻手捉住我隻手，一啖咁『犀』埋黎，俾佢抓破少少皮啦。不過我就係咁篤佢個鼻罵佢，佢都頭dup dup唔敢正面望我。

好久都冇post自己o既歌出黎俾人欣賞，因為實在係差得太犀利。不過今次ok呀！可以聽下！haha 係泳兒o既一時倦了。

睇畫

下午要attend另一個team 給我地o既briefing，講下一d佢地整o既component。由2點到6點，真係悶死人。我忍唔住hup左陣。好在佢5點到就完左。

放工約左coleman，陪佢去買畫，因為佢想係屋企放d畫裝飾下。於是放工就一起到彩虹一家住宅度睇畫。原來果度係一group學畫o既人士組成o既畫廊，都係佢地d師兄弟o既畫。佢地冇shop都冇門市，所以買畫就要上去佢度睇。睇左好幾張，我都唔知講邊張好，其實好多都好好，但係coleman屋企用的色係冷色。飯廳係灰呀，黑呀咁，佢自己都想搵返d淡色的畫襯返。但係我其實覺得飯廳係一家人聚埋食飯的地方，應該要warm d，感覺先至好。cool的格調都係suitable for 示範單位多d。所以我的選擇都以多d色彩但柔和為主，而佢就選擇白底淡色為主。所以我都唔方便俾太多意見。最後佢買左一張以啡色為主的歐陸畫，有巴黎鐵塔咁啦！我覺得都ok。

買左畫之後就去左啟業邨o既大排檔度食飯。聽聞當中o既椒鹽九肚魚好正喎~ 咁我食過都真係幾好。外皮脆得黎唔厚，d肉又好嫩滑。不過我地兩個人食唔晒d野。埋單都係好平。

走o既時候因為大家都唔識路，結果行左一圈又返黎大排檔，上小巴又上左對面線。好在司機俾我地唔洗再俾錢上車咋！

題外話

上次狂歡時我口多多同gary、sherman開左個小玩笑。想不到會連累gary有排同sherman解釋，我點知sherman人仔細細，原來個醋酲咁大！>_< 我對你唔住呀gary！我以後唔敢啦~

前兩日食lunch時係henry, evelyn傾d愛情野，想不到henry尋日就請教我愛情煩惱，仲叫我做師父！ha，真係有d唔知點算好，你估我真係愛情顧問咩~ 係我就老早嫁左啦。不過都好高興佢睇得起我，都buy我的想法，唔係都唔問我呢d野啦！

dicky仲係keep住約我一個星期見一次面，老實講，唔知佢想點。但係我只有當大家係朋友，見面食飯我唔mind o既，又唔係食佢o既~

至於coleman嗎，出左一次街，同之前感覺一樣，覺得幾好傾，都做到朋友o既，因為大家都係interesting people ma！不過佢有叫我介紹女仔俾佢喎！想必我都唔係佢o既type嫁啦~ =p 咁佢都唔係我o既type，不過得唔到人欣賞，梗有少少失落感o既。nevermind~ 世上總有賞識我o既人存在~ 呵呵~

oh~ tue 同anthony佢地之約，唔知會有咩野好介紹，不過總係覺得係一個陷阱！

刺青

今晚又係準時走。因為要去北角做問卷調查，之後再去睇戲。其實就係同果個同事約左去睇刺青。本來係約睇加勒比海盜，但係都仲未做，而佢想睇o既十分愛(想睇stephy)，又冇夜場。結果我選左睇刺青，因為好似講到好好睇咁。

我早d去到sogo 行左陣supermarket，見到吉百利o既朱古力，忍唔住買左。之後就打俾同事約佢係sogo門口等。等等下dicky就打黎同我吹水，其實佢呢幾日已經成日send sms黎講埋d 無謂野，好似同我報告佢o既生活咁，我冇野o既，有時應下有時就唔應咁囉。傾緊果時coleman就到啦。時間尚早而佢食左tea飽飽地，加上佢正在減肥中，所以我都唔去食飯，陪佢去行左陣實惠。佢剛搬家，有好多野都未買齊。再逛下百老匯同電腦shop，傾下計，就索性去戲院拎飛買爆谷食住等入場。今次我地去坐palace影院，又真係幾舒服。

刺青套戲一般啦！其實都係isabella o既表現好好多，楊丞琳o既戲好一般。cute o既佢要做引誘o既post唔係好得，仲發覺佢大髀其實都唔瘦o既。有少少位都好笑o既。睇完戲coleman 又話想去mcdonald度食，我串佢又話減肥！？但係都係去食左串魚蛋燒賣同埋許留山飲野，先一起坐巴士返屋企。

整體黎講覺得同佢都好傾o既，起碼感覺舒服，想講就講，係吹到水o既人。dicky就唔同，唔係冇野講，都多野講，但總係覺得好多野大家想法都唔同，冇咩共鳴，有d就住就住o既感覺。

仲有今日係公司evelyn話我sexy~ haha 真係第一次有人咁話我，超奇怪。不過coleman話joanna同佢講覺得我係個好女仔喎！ha，好野~ 識貨呀下！haha

做gym

今晚又『準時』放工，因為約左dicky食飯同做gym。我地係delifrance度食d野傾陣計先，再入去gym centre度做，都係邊做邊傾計啦。基本上我都係去借機踏入女生禁地o既啞鈴區域，因為平時我唔會去做果d機，而且都唔敢行入去。今次陪dicky做舉重，我就企係一邊奉旨睇仔。

跟住夠鐘我就上去上body balance course，太久冇拉筋，結果好快對腳就有d扯住o既感覺。dicky等埋我一起梳洗離開，係火車度傾多陣計就say bye。

做gym

今晚又『準時』放工，因為約左dicky食飯同做gym。我地係delifrance度食d野傾陣計先，再入去gym centre度做，都係邊做邊傾計啦。基本上我都係去借機踏入女生禁地o既啞鈴區域，因為平時我唔會去做果d機，而且都唔敢行入去。今次陪dicky做舉重，我就企係一邊奉旨睇仔。

跟住夠鐘我就上去上body balance course，太久冇拉筋，結果好快對腳就有d扯住o既感覺。dicky等埋我一起梳洗離開，係火車度傾多陣計就say bye。

大躍進

今晚返唱歌班遲到，估唔到阿sir都仲係教緊之前果個女仔。阿豪過左鐘好耐都未到，大家都估佢係放棄唔學嫁啦，見佢平時咁懶又發呆。點知佢又真係趕黎，穿住校服不單止，仲成身熱氣，睇怕都係跑過黎o既，仲有兩個包未食，就要開始上堂。發覺原來佢都真係幾有心學喎！

今期大病初癒，開聲時阿sir話我good呀！因為某d發音上到高音同埋用到吊鐘。今晚選左唱『愛情抗體』。之前試過一次，不過阿sir話我拉高左，總之評得好慘。今次唱完阿sir o既評語唔錯！除左吊鐘聲發得好之外，聲線都算得上sweet，只係聲線變化唔多，同埋乎合唔到首歌咁輕快。鬼咩~ 邊顧到咁多野~ 總之有讚就好啦！同學ben哥哥話佢都聽得出我唱得好左，因為開聲果度d高音同埋唱歌時我的聲音都比之前穩。佢話之前d聲有d散同埋飄喎！

試餐廳

今天工作不太順利，沒有什麼進展。freda今天要離開公司了，跟她拍了照片，放工時跟evelyn跟她談了半個鐘。心想該回位子收拾離開了，因為約了manfred 晚餐。可是剛回坐位supervisor就跟我說這裡怎麼那裡怎樣的，還在code海中尋找。我坐在旁邊幫也幫不到她，又不好意思就我要走了，明天做可以嗎？只好看著時間溜走。幸好manfred打來電話，讓我supervisor知道我有約，才放我走。

急忙的趕到cwb跟manfred會合，邊等位子邊到機鋪打機。槍擊的game 我很快就輸掉，原來我不知道怎麼避開子彈。然後我們去摘彩虹。記得只有爸爸在荔園有玩過，我自己就不太喜歡這種倒錢入海的玩意。可是為了manfred 逗他老婆開心，我也來碰碰運氣。怎料居然讓我中了紅色，得到了珍寶珠一顆！很可惜是strawberry的味道，我不太喜歡。
















在那餐廳吃了二人套餐，這次還蠻貴的。不過炸蠔是挺好吃，飯跟菜都可以免費加，只可惜我們吃不下更多了。比較特別的是用來蘸吉列豬扒的醬汁，是要自己磨白芝麻，再加上汁了，算是挺特別。

吃完我要求再上去槍戰，真不幸，又在同一個大佬上輸掉。manfred也不比我好多，就比我支持多一點時間而已~ =p

忘了說

忘了說，在蘭桂芳找pub的時候呢！我被人叫了兩次靚女呀！呵呵！

一次說『靚女，呢度~』
另一次是『Madam, so beautiful~』

雖然知道是拉客的台詞，可是我還是有so，賺了兩句稱讚！

狂歡

約了大伙11點在西灣河mtr等，再去挑戰上一次的行山路線。可是我又遲到半個小時了，因為昨天做gym太累了，很難起床。怎料yvonne跟eric都會遲到。好巧合的，我在西灣河下車時，因為兩個出口分別在我左右兩邊，我選擇向左走，嘩！就看到一些不知道該不該看的東西。我當然立時的就停下腳步，先觀察有沒有被『目標』發現，結果是safe。然後轉而向右邊出口走，為避免再碰頭，我刻意的留後，怎想到還是碰面了！這是...天意！天意！

我跟target會合，再到gary他們正在吃lunch的餐廳吃飯。因為吃得太飽，整個肚子都很漲！幸好路不是很難走，幾乎是很平坦，一直沿著引水道跟水塘走。我特地下載在pocket pc 的行山1地圖也很有用，因為地圖上有政府的標記，讓我們可以認得路！可惜在末段居然有百多級超級斜的樓梯，還有一群極度飢餓的蚊，在我看地圖時瘋狂的向我們7人襲擊！原本穿短褲而能全身而退的我，也在大腿上被叮了！不過最慘的都是男生！

然後我們到了sherman家休息，我跟manfred, yvonne買了雪糕雪條呢！行完山吃個雪條真是賞心樂事。男生也吃了下午茶。我們也開始竹戰了。為免我水源大開，所以我沒有下場，反而跟manfred一組在旁邊看一下他們的牌章。

晚上到中環跟carrie 會合吃飯，算是補祝gary 跟yvonne的生日，雖然真的是過得蠻久的了。原本manfred推介的築地市場沒有開業，我們也只好邊走邊看到哪家吃飯了。結果選了一定有位子的餐廳吃西餐，裝修還好，鬼佬老闆很不錯，會跟我say hi呢！不過侍應就不太好，好像不說英文就不理睬你一樣。食物我覺得一般，manfred選的天使麵是很不錯；反而gary選的牛扒烤了太燶了，到了苦的地步；而我選的雞肉薄餅、pizza跟闊條麵都只是中庸之選。不過我覺得是好賞試，我喜歡吃西餐/意大利餐，又很喜歡試新餐廳。

之後我們轉戰蘭桂芳。這是我第一次在晚上在消遣的。之前上班就在附近，常常在早上走過，爸爸也帶我們逛過這裡，細說當年。我們逛了很久想找eric常去的那家，可是又關門了，才十點半呀！最後還是到manfred常去的那家，雖然是有煙味。點了budweiser，yvonne不知點了什麼，eric的是wisky+cola，下次我也要試一下他們喝的是什麼味道。我們玩十五二十輸的人喂一口自己的飲料，結果yvonne輸得很慘。最後她還分了我一點budweiser，結果...下場很慘。

其實吃完飯已見她有點醉，臉紅紅的，還幫我喝了點啤酒。還要送我回家呢！結果在大埔就嘔吐發作。幸好我有叫eric拿定膠袋，才沒有把車廂弄髒。結果當然是我自己回家，eric送她回去啦！下次yvonne就不要那麼逞強啦！雖然我也不是喝酒的料，不常喝也不太喜歡喝，記得以前上莊被玩時，我還是堅持不喝的。可是喝一兩枝diamond black我是完全沒問題的。我喝完在mtr上閉著眼睛，是不想看太甜蜜的畫面刺激我(=D)，而且也很想睡而已啦！還有就是剛才吃飯太拼命，吃得太飽，再加上啤酒，肚子漲得快要爆裂，才會說辛苦，而不是不勝酒力呢！

朋友

上次happy hour後的一天，我就知道誰是supervisor想要介紹給我的人了，正如我的估計，就是他。因為他主動的add了我icq也交換了msn。這幾天來都有msn談話。說實在的，他是跟阿邦一樣很活躍很funny的人，跟他說話是蠻開心的。我想我們應該可以當很好的朋友。

他快要搬家，邀請我跟他的teamate到他家玩。我跟他的teamate又不是很熟，我最怕尷尬的，所以也不打算去了。

回應

要是我不喜歡那個人，不同意他說的話，我自然不會去看他的blog，也不會到他的forum留言。就像我中學同學的那個forum。反正道不同不相為謀。

我是不知道在什麼時候、什麼地方招惹了什麼人，喜歡在我的blog內惡意留言。如果是我認識的人，卻要改變nickname在此留言的話，他也未免太膽小了吧！敢說敢當呀！如果是我根本就不認識的網友，很高興會有人對我私人的blog有興趣，可是又覺得他跟我素未謀面，又未有共事相處，憑什麼對我作出批評呢？！好奇怪！

我是不敢說我是一個很有禮貌的人，可是我就不曾被人說過我沒禮貌。至少我沒有跟任何人說過髒話來辱罵他，別人說話時我不會打斷他的說話，別人跟我打招呼我不會不理他，別人請我吃飯、約我逛街、送我禮物，我也不會吝嗇一句謝謝。我也不曾惡意的到別人的blog上留言，縱使我發表了跟版主不一樣的意見，也不曾傷害/辱罵過版主，留言的措詞也是很正經的。要數比我不禮貌的人，大有人在。

再說呢！我是不否認我愛自己。正如王菲的一首歌歌詞一樣，『自己都不愛，怎麼相愛，怎麼給愛人好處』。愛自己是很正常也是必須的一件事。那我是不是只愛自己呢？是不是不懂怎樣去愛別人呢？那我可不敢說了。世界上懂得愛別人的人不多，所以我確實是在學習中。

拎cert

出門時碰見中學學長阿dick，他走在我前面，我馬上的留後，因為不想相認，也不知道跟他說什麼好，而且我還穿得很隨便呢！

早上到了中文大學拿我的普通話證書，二級甲的那份。這張是比較好了，起碼會把分數都印下來，不過就要多收我$120。

之後到了california fitness，展開了master完成後的第一次做gym，還join了body combat 跟jazz class。累得不行了。

加班

今天忽然又多了兩個task做，結果跟client來來回回的email，時間都沒了。原定schedule內的事都做不完。下午anthony請吃tea，不知道是他股票賺多了還是他跟別人打賭輸了。反正有人請吃tea，吃了就算，不要問原因就對了。

聽說Freda快要走了，放工後找她談談。雖然我們不太熟，不過她也算是我在這家公司裡最早認識的人之一。她將要到炮台山的software house工作呢！交換了msn，以後保持聯絡。雖然她是個很靜的人，可是感覺是很nice的。她還跟我說，如果在這公司留下來，一定會跟我做成好朋友呢！可能在她眼早我就比較活躍跟多話吧！(其實也不是啦~)

原本打算加班到很晚的，可是7點已經受不了了。跟supervisor說一下現在的進度，就告辭了。明天還要早起呢！

搞定了

昨天supervisor跟我說了schedule，今個星期要完成的東西不少，肯定要加班完成。一整天都專心工作了。放工時收到dicky電話，約我今晚吃飯。之前曾答應過他，所以也答應了。

今晚加班到7點，工作是做不完的了。到了APM 跟dicky會合，在和民等了一下就有位子了。吃的東西叫得不多，不過我胃口也不是很大。邊談邊吃的，都是在說工作跟自己的過去。不知道為什麼，總覺得不太能夠溝通順利。我的壞習慣也跑出來了，總是不會望別人的臉說話。反正我左看右看上看下看，就是不看前面正在跟我說話的人。雖然我知道是不太禮貌，可是我的習慣很難改變。這次是我爭著埋單的，因為前幾次都是他請我的，我不喜歡欠別人的感覺。『寧可別人欠我』。

禮物、送回家這些事當然是免了。

謝謝他的出現，讓我知道自己是有吸引力的(嘻嘻~)。不過不好意思，還是要拒絕。

中華白海豚

7點45分起身，因為今日同master同學及佢d朋友一起去行山1。尋日買定左d cake 作充肌，去到再買枝水。點知一見其他人的裝備，就真係小毛見大毛，佢地個個都係揹住個行山背包，仲有3支水tim！可能dicky見我咁，所以特登改行程就我。原本佢地行18km入澳，改左行另一條路入。對於佢朋友brian、jeff同埋samuel就真係唔好意思啦，佢地唔夠喉。不過我都行到死下死下，一上斜就喘，落斜就怕冼。今日個太陽真係好猛，成個身係興o既！

係大澳行下市集，食左燴瀨尿蝦，又買左蜜糖柑桔做手信。不過我見唔到d雜誌影o既蝦膏場同埋好多咸魚係度曬太陽o既情景。我地食左係碼頭附近出名o既豆腐花，我覺得仲係澳門果間滑d。今日大澳好多人，行山去的又有，渡輪都爆晒。見到好多人拎相機去影相，有個女仔拎住個復古相機吸引住我o既視線。因為我見到我係雜誌見過o既舊相機，係果d有兩個鏡頭，長方形，而且係向下望o既相機。jeff話果隻真係古董喎！

之後我地俾左每人廿蚊坐艇仔出海睇中華白海豚。我地都冇咩期望嫁啦，人地搞團果d要俾成300幾蚊仲唔係一定見到，但係個船家又話有好多，一定見到。我地都係諗住當出海唱下海風。點知原來真係見到！仲見到好幾條！真係估唔到。

之後我地坐巴士出返東涌，陪d男士行下outlet，不過仲係乜都冇買。之後仲去埋青衣食飯先返屋企。

仲係第一次同年過30 o既男士度過一整天，感覺上好似我都老左好多，又好似我係度觀察呢個年齡o既男士o既生活。