復活節之節目

仲有一個月到就係復活節啦！有４日假期究竟要點用好呢？
今日諗左好耐，短短幾日去得邊？有咩玩？
而家有兩個方案，不過問題係
１．留係香港，定唔係香港？
２．同邊個一起去玩？

唉．．．冇人陪就唔洗諗啦．．．唉．．．

麗豪buffet

今日一早起身就去左St. John果度上半日ｏ既雞精課程，上次考試衰左，黎緊個星期五晚就要補考啦！呢個係唯一一個俾我實習ｏ既時間。一早約埋朋友去，點知有人唔記得起身，結果都遲左半個鐘到啦！不過唔緊要，因為個阿ｓｉｒ一早就拎返晒d書出黎講，唉，呢d我都識啦！問題係真係做o既時候得唔得咁解o者！聽左一陣課就實習啦！係各人都怕怕醜醜唔敢去做o既時候，我即刻去做左先啦...總共做左一次大人同兩次bb。最後整多個模擬考試，我做bb果個。除左因為緊張時將個bb頭按得太大力而令到呼吸道唔暢通，吹唔到氣之外，都冇咩問題啦！haha...不過我好快就整返好啦~ 所以阿sir都係俾我合格o既~！唉！如果上次俾我做bb就好啦！bb我絕對冇問題嫁！

之後同friend去左銅鑼灣行街，去左《峰壽司》度食。跟住又食左hagan dazz度食左雪糕。試左新出果隻香橙味，不過唔係好得，唔夠香，都仲係cookies' in cream 好味ｄ。行左sogo同埋time square。之後就趕去沙田啦！=.="點知遲左半個鐘有多，要人地等左我大半個鐘真係唔好意思啦！(雖然遲到係女人o既專利，同我o既小習慣...hehe) 夜晚就係去左沙田麗豪度食自助餐，今晚o既主題係...燒烤。因為下午實在係食得太多了，根本就冇買過d咩，全部錢都洗左係食果方面，所以根本就食唔到幾多野呢！食左d三文魚同其他少少野咋！不過個buffet都係普通o者！甜品都冇cheese cake o既！全部都係蛋糕黎o既！不過都算係咁啦~ 反而係返工呢邊果個island pacific hotel o既自助餐仲正d tim！上次公司呢邊食午餐buffet，甜品又好，三文魚都好，都幾多選擇嫁！下次睇o下呢度有冇平，再食過先！

Freeman & Miki

今曰睇甜酸爺爺，freeman同miki分手了。Miki 話freeman 既冇興趣介紹佢俾佢屋企人識，亦唔想公開佢地之間o既關係，係freeman心目中可能都未承認佢呢個女朋友。Freeman成日忙冇時間陪佢，如果真的喜歡佢，無論幾忙都會想見佢，都會抽到時間見面。Freeman明知Miki個人好簡單，嬲o下就冇事，就大安主意唔洗tum，就算次次tum都係要佢細路提佢先會做。Miki話兩人個拍拖最開心的就係全心全意的對對方付出，如果要Miki迫佢先至會做o既，對Miki黎講係一個負擔，對Freeman黎講係一個包袱。Miki都想搵到一個真真正正受護佢，尊重佢的人。

好同意Mikio既想法，奈何而家d男仔都好似Freeman咁吊而郎當。

好在我有『爰過我的好人』仲係人地o既permanent VIP呢~ haha

阿貓地攤

今晚約左舊舊公司同事見面，之前約過but 又postpone左。今次我都唔理有邊個黎唔到啦，都照約，最終咪就係得我同仲係果間公司做緊o既同事食飯同傾計。我地去左呢間『阿貓地攤』，果度都真係幾大o既，真係好多貓，不過隻隻都肥肥地同好懶。就係我地個table，就有3隻攤左係度訓。一隻叫『肥寶 / 小寶』，佢由我地開始坐低到走都係訓緊覺，間唔中主人餵佢食野就起身趙兩啖，伸個懶腰又訓過。另外果兩隻就唔同，好相親相愛嫁，你幫我舔身，我又幫返你舔身。我地又忍唔住玩佢喎！當佢伸高一隻腳舔自己個pat果時，我就猛mung佢果隻『一柱擎天』o既腳，跟住我d friend又mung，佢隻腳就愈縮愈低，哈哈！

另外佢又幫另一隻做body massage喎！佢爬左係另一隻身上，一口哎住佢個頸d皮，就係咁扯啦！另一隻時不時就係度叫。咁佢又成個人騎左係果隻o既身上，隻腳un o下un o下咁，個pat 震o下震o下咁，我除左覺得佢係係度踩緊背之外，我仲好懷疑‥‥‥佢咁o既姿勢，會唔會係度做緊d‥‥‥令人好embrass o既事 -.-" ‥‥‥

不過成晚都ok o既，有d 貓係度做o下話題，都不至於係dead air 好耐咁。不過佢地都唔多肯講自己d野o既~ 咩大計呀，男女朋友呀，都唔肯講...=p
算啦！hehe
收到jojo 封利是啦！

哈爾的移動城堡

今日睇左『哈爾的移動城堡』係妹妹之前個朋友燒俾佢o既。香港都未上影，遲d就上啦。呢個都係偷錄版，見到有2個鏡頭都有人行過。不過真係幾好睇呢，haha，遲d出vcd妹妹一定會買黎儲o者~！

等我有空再愛你

他向來說自己忙，哪有空陪她？ 其實他有的是時間，只是不肯花在她身上罷了。

大學時代，他總是忙著唸書和社團，好不容易等到寒暑假，他又忙著打工賺錢。 那時他家中經濟拮据A唸書和打工是為了獎學金和賺學費。 這些都是事實，也是當理由，她覺得自己應該做個體貼的女友，所以也 不強求他花時間在她身上，甚至盡力為他分憂解勞。

畢業後，他和幾個朋友合夥開了一間小公司，她則在出版社找了一份畫插圖的工作。 創業維艱，白手起家非常辛苦，所以她不但替他處理家務， 還每天送便當和宵夜到公司給他，每次都只是聊兩句就走了，深怕耽誤他的時間。 他的同事們都誇她體貼又得體，將來必定是個賢妻良母；她也有點沾沾自己，認為自己的付出受到了肯定。

公司的營運終於步上常軌，照理說，他應該有空陪她了，可是他卻說：「 我希望在三十歲以前，有自己的車子和房子，還有足夠的存款，這樣才能安心、沒負擔地結婚 。」
於是他變得更忙、更拼了，就連她送便當到公司去，也常常見不到他。 相較之下，她覺得自己像是遊手好閒。 交往五、六年了，她漸漸發覺自己總是在孤單寂寞中渡過， 每年的生日、情人節、聖誕節，都是自己一個人和電視機一起渡過。 同事們總笑說她的男友只是個「傳說」，甚至還有朋友懷疑她是否真的有男朋友。 這些日子以來，她的體貼和識大體，除了換來男性朋友們的稱讚，和姊妹淘們的同情之外，什麼也沒有。

於是，她開始對他做出小小的「反應」，但總被他的好言相勸給抑制下來。 「今天的辛苦，是為了明天的幸福啊！」 「兩個人整天黏在一起，反而更快、更容易分手呢！」

情人節，在她萬般請求之下，他才終於答應晚上陪她到陽明山看夜景。 她殷殷期盼了一個多星期，卻因為一通朋友要他去應酬的電話，粉碎了這個夢。 再也按捺不住這幾年來的孤單寂寞，她邊哭邊抱怨著、訴說著自己的委屈。 「妳以為我喜歡忙嗎？我這麼辛苦，還不都是為了我們的未來！」此話一出，她變得啞口無言。 他不肯放手，而她也還沒準備好離開，可是現狀卻毫無改善。 但是 不甘願的種子已經在她心裡種下，生根發芽，等待開花結果的一天。

他有工作、有朋友、有應酬，所以他沒有空。 這些她也有， 只是她長期選擇待在家裡、守著電話、等待他的來電、讓自己隨傳隨到，而推開了工作和朋友 。

現在，她不想再獨守空閨、癡癡地等他臨幸，不再劃地自限，決心找出自己的一片天。 她不再為他送便當和宵夜，寧可窩在辦公室裡邊啃麵包邊畫插圖，或是想想新點子；她也 不再每天按時打電話問候他了，寧可和姊妹淘們喝咖啡、聊是非，或是花時間打扮自己，更添自信。

他漸漸發覺自己忙碌的生活裡，似乎少了些什麼，但總想不出到底是少了什麼。
半個月過去，他才驚覺是少了她。

心血來潮撥了通電話，卻被潑了桶冷水。 「我現在沒空，明天要交稿，我現在要趕稿。」說完，她立刻掛上電話。 他想，她總算有些事情可以忙，就不會常常埋怨他沒時間陪她了...各自忙碌的生活又過了兩、三個月。

這天，他談成一筆大生意，心情正好，想找她慶祝時，卻再度吃了閉門羹。 「我現在沒空，等一下要開會。最近應該也都沒空。」 開會？他從來都不知道她那份悠閒的畫圖工作需要開什麼會。 原來她的插圖受到讀者歡迎，出版社打算為她出版一系列的圖畫筆記書。

又過了一個多月，他終於買了夢想中的新車。 想起和她久未見面，決定開車帶她出去兜兜風。 「我現在沒空，要趕著去新書發表會。」 「我載妳去！」 「不用了，總編輯會送我去，我現在沒空。」 他再也無法忍受了。 他們已經兩個多月沒有見面了，每次打電話給她，她總說沒有空，就匆匆掛上電話。 以前的她不是? o樣的，這到底是怎麼回事？ 「妳到底還當不當我是妳的男朋友？妳到底愛不愛我？」 「我現在沒空，等我有空再愛你吧！」 按下結束通話鍵，她將手機丟到皮包裡，交給身旁的出版社總編輯，準備走進新書 發表會的會場。

「男朋友嗎？」 「不再是了。」 「那麼....簽名會結束後，妳有空嗎？」 「只要你有空，我隨時都有空。」她笑著說。

麥斯威爾咖啡的廣告曾說：「 再忙也要和你喝杯咖啡。」 現在我們的生活是處於忙碌狀態，但是你是否忘了你的另一半呢？ 或許事情有輕重緩急，但是我們將心比心來看，你是否也希望遭此對待呢？ 不要將自己的另一半，總是排在最後，等到你想到之時，可能往事只能回味了?

又逗多封

今日返工又逗多封利是！

朝早望一望d玫瑰先走，返到公司又照顧好我d四葉草先開工。做野都係咁啦，慢慢黎，佢叫我唔洗急o既~

放工果時係旺角新世紀度見到謝霆峰呀！原來佢係今次試叮大會o既嘉賓。
呢~ 《殘酷一叮》呢！如果屋企冇煮我飯都會係果度睇一陣先呢！不過‥‥‥都係返左屋企。

原來我選左『氣結』！？

十一朵玫瑰花花語

今年的情人節如果你收到十一朵玫瑰花，你是要幸福呢？還是要氣結？
收到花=>幸福
硬要搵花語=>氣結


一對情侶，男生的他不是一個羅曼蒂克的人，但知道女朋友喜歡玫瑰花，而且有一個地方可以買到便宜又漂亮的自助剪花後，偶而也會刻意去買十一朵玫瑰花送給她；女生的她收到花，心理總是高興，但對「十一朵」玫瑰花的意涵，一直存著不解的疑惑，直到有一天， 她在花店看到「十一朵」代表的花語後才知道，送花不一定要成雙的數目，而且十一朵玫瑰花代表「一生一世」的花語還真令人感動呢！

可是她還是希望能聽到他親口說出浪漫感人的心意，於是逼問著他十一朵玫瑰花代表些甚麼？他竟也只能支吾其詞，最後只得跑去問花農十一朵玫瑰花的花語，花農說：「種了三十年的花，沒聽過甚麼花的語言！倒是常常聽到來買花的男人向女人說些花言巧語。」那為什麼你賣花每把都是十一朵呢？他疑惑地問，花農說因為「買十送一！」。

Google Labs Aptitude Test

This is the GLAT. The exam for you to get hired by GOOGLE!!
Pencil down
Give up


GLAT


GLAT1


GLAT2


GLAT3

情人節

今日見到d同事，收左兩封利是。工作都好緩慢，尤其知道要改返之前整左果d object 同pages就唔想做了，不過都係要做o既。慢慢黎law‥‥‥

hehe...要儲錢，為十月去旅行而努力！=.="更加要為黎緊o既夏天可以穿三點色而努力！！(好大o既妄想~)

原來11枝花係有"最愛"o既含意，不過我相信唔係個個都有留意到。

d男人就係咪唔生性，咁冇交代，係要人擔心佢o既。個人係邊，做緊咩，有冇危險？！女人只能乾着急。

朋友推介
今集 森美移動 整左個情人節Special
叫D男人打電話上去
講佢地D慘無人道o既經歷
反擊自己女友

超人特工隊

今日去左郎豪坊個UA度睇戲。(終於可以去呢度睇戲了...)
呢個《超人特工隊》又真係幾好睇喎~幾好笑呢~
雖然我多數睇外語片都睇返英文o既，不過今次睇左中文，唔緊要啦！都配得幾好聽呀！由其係呀葛文輝。

禮物~*.*~


Valentine flower



Flower close up

呢個係人生o既第三束花。第一束是中學朋友們送給我的百合花，第二束是yui software果時d同事買俾我o既，都係白色o既花，這一次是粉紅色的玫瑰花。

妹妹o既禮物

呢份係其中一份送俾阿妹o既禮物，都幾靚o既~


Sister present


Sister present 1

初三

今日訓到好晏，補返尋日唔夠訓ma。起身就煎糕同個細妹食，之後又準備出門口去我爸爸果邊d親戚度拜年。伯娘送左金莎俾我地，我地開左黎俾d表弟(有6個)同堂弟(有2個)食。開埋我地拎去o既雪之餅，當然仲有我整o既朱古力啦！我表弟一路話唔好食，不過就食左三、四粒。另一個表弟就點都唔肯食，結果佢daddy 一定要佢食，佢食左...不過喊law~ 搞到我好似硬要人地食我d朱古力咁。我只好俾返粒金莎佢補返數law。唉~

*** 趣事 ***
今日訓醒果時打電話俾阿媽，想問清楚究竟係幾多點出去姑姐度。老豆聽先，跟住俾阿媽。當我問﹕「媽咪呀，我地要幾點出門口呀？」我媽就超高音咁叫﹕「o下？！」無名火都起晒啦！我只係問幾多點o者！叫咁大聲做咩o者！=.=" 原來佢只係聽到我柔柔弱弱o既聲講﹕「媽咪呀‥‥‥」佢以為屋企俾賊入左屋果d大單野發生左，佢仲可以聯想到我係喊緊tim~

問你死未？！

初二

今日十點就醒左了。因為尋晚訓得唔好。

睇左 "The terminal"，果然係好好睇呢~

夜晚帶mummy, daddy去朗豪坊行o下，再睇埋《非常外父生擒霍老爺》。 都幾好笑，尤其係果d BB手語呢~ 睇完戲再食飯，今次係老豆請(好難得！)。去返funky fish 度食日本野，hehe 因為佢地未係度食過ma，而且夠貴~ 食返老豆一餐。都食得好多同好飽啦！

*** 趣事 ***
係出去旺角的火車上，我地一行3個人企係度啦~ 阿媽就扶住個柱，"中"o下"中"o下咁。跟住黎左一個爸一個叔同一個仔。阿媽前面個位空左，個細路一野就坐落去。佢阿爸就話啦﹕「阿仔，起身！聽話啦！俾個位婆婆坐！」好笑o既野就係‥‥‥我地果度，係冇阿婆o既~ 而我同老豆都知果個「婆婆」其實就係指我阿媽。我阿媽當然就意識唔到啦！咁冇人郁，又冇人坐落去。結果個爸爸叫個細路「邀請」我阿媽坐law。哈哈！

阿媽==「婆婆」

今日留意到原來阿媽扁咀個樣同我real果個婆婆，真係好似嫁！！

雞年年初一

尋晚打機打過左12點，年初一就係打機咁過啦！訓醒當然就食餐飯，同老豆老母仲有d 親戚拜年逗利是啦~ 今年我帶左角仔，竽蝦同埋朱古力去。姨媽都話好食，係真係甜左d law~仲話向我落訂單tim呢~！呵呵~

下午同表妹同個妹去左唱k，第一次見個妹唱k，嘩！都點好多歌~ 鬼咩~ 梗係全部都係d 失戀安慰自己o既歌咩~ 今次自己水準都唔錯，反而係臨走果時唔知唱邊首唱得差左d。

今年利是收入算唔錯，都係多得老豆果封o者~ 夜晚食左黃金糕，都唔錯，煎起上黎d 味好似係雞蛋仔咁o既味道呢！

阿妹尋日買左d桃花返黎。


Punch of flower


flower close up

年三十

今日係年三十，返工就返半日o者，都預左唔多做野嫁啦。睇o下報紙，做左少少野，睇o下newsgroup，又周圍撩人傾icq。以往同我傾開o既呢幾曰都冇傾到，難免會有d 靜o既感覺。有professor 送左盒金莎黎，又冇人開喎！我"猴"住好耐嫁啦！終於有人開先，我就梗係食啦！仲帶左三粒返黎俾屋企人~ 準一點就走，仲帶埋我個四葉草返黎屋企。話晒都三日嫁ma，冇人理就唔好啦。

今日都係一樣，冇講野。

老豆生日

返工都係整果d野，fine tune o下d function咁。仲有幫個放左假o既同事裝software，點知唔記得個admin password，結果都係要問supervisor。佢一黎就問邊個要裝software，我話我，佢問點解要裝，又話呢d係果個同事o既工作，唔應該係我做o既。咁個同事放假ma，我又得閒，如果d學生用到部機時有問題就唔好啦，咁我家o下幫人有咩問題o者！？一係就唔想俾個password我，一係就唔likey我做埋人地要做o既野。我都係個team d人黎嫁，點解我唔知得就你地個個都知先？我係負責寫program，but我都要support嫁ma！冇理由連個password都唔俾我掛！？至於幫人仲離譜！喂~家o下我得閒，我自願幫人地做嫁喎！又唔係人地瀉膊，裝個software洗幾多時間幾麻煩o者？！做少少野都係度問長問短，管三管四。仲煩過我阿媽，真係激死人啦！！

晚頭同屋企人去左酒樓食飯。都係老豆咁老定，以為一定有位，點知去到都要等起碼半個鐘先有得食。又叫得好多野，食到好飽。

今日都係一句野都冇講。

自助餐團年

今日同姑姐佢地食團年飯，因為book唔到酒樓，所以去左酒店食自助餐。係沙田果間帝苑度食。係樓下見到個poster 咩意大利自助餐，即刻就好期待了。點知上到去，裝修又係中式果d ，野食，又係一般野。多左個炒意大利麵咁大把law~ 不過我都食左好多魚生。之後仲有火焰雪糕蛋糕食tim！由於一次過拎得太多雪糕，食到唔想食。

今日約左人地俾野，點知人地居然唔記得左。對朋友都唔會唔記得約左人啦o下話！？
我真係超級嬲。

超級down

知道有同學有offer讀master都好登佢高興。之不過未免令我太...傷心了。唉！人地連transcript同ref letter都未交就收左佢。今日交application聽日就出信收佢啦！雖然我都知自己咩料，都係搏『猛車邊』嫁啦~ 不過太令人depress了。

Funky fish

今日訓到都幾晏，起身食o下野呀抖o下咁，就要準備出去同大學同學團年啦！去左朗豪坊o既funky fish，食日本野o既。人就唔係好多啦，不過d野都幾貴啦。我地食左3 round，因為要等埋主角yvonne到先ma。不過我地食黎食去都好似唔係好飽咁~ haha...不過算啦！叫做試o下咁啦！都幾好食o既！

之後去返果間hundred cafe度飲野，玩o下玩具咁啦。我都係飲左香蕉朱古力呢！好味~
不過而家d uno 真係好難玩，好深，都唔係我地以前玩開果d o既！

打邊爐

今日supervisor個態度唔同左啦！不過佢個approach都係自己收埋收埋做左先，之後先改到arm 人地o既。我就唔制啦！想做死我呀！我梗係問清人地想要咩先整啦！當我傻嫁咩！我先唔會做得辛苦，出黎d野人地又唔要。你估我仲係初出黎呀！

晚上同sabrina, szeto佢地打邊爐，行左成個幾兩個鐘先至打。去左寧記，識左szeto一個friend。不過個湯底真係唔係好得，果個咩胡椒，真係幾難頂。十二點先食完，之後又去左『手造甜品』食糖水，我請o既。大家開心o者！當然佢地話食haagen daz度食果個朱古力火煱！嘩！我都想食呀！不過貴到飛起，你地食左我算啦。返到屋企都點半啦，好累~

Yvonne生日

今日係yvonne 生日，我有打到電話同佢講生日快樂，仲有sms呢！跟住就約d人出黎食飯啦。d大學同學啦，團年加興祝(係補祝)yvonne生日o既。

一早就同d大粒佬開會，傾個project d野。之後返黎又同個supervisor 傾，又係度拗design d野。做project d documentation同uml 係好重要嫁ma。而家個個都好重視software engineering，首要o既就梗係planning 同designing啦！一個system 咁多個modules，係人都知一個module一個module咁做啦！不過最初要睇o下成個system 邊個module同邊個module有關，佢地又會share 個咩table，咩object，先至會定到個好o既data structure嫁ma！唔通我整完一個module，到開始另一個先知前面果d 唔arm 洗，又去改過晒咩！老細，咪玩啦！大家都係IT人，佢都讀晒master啦！唔係呢少少野都唔識o下話！成日拎句『唔想逼你做你唔鍾意做o既野。』呢句黎撻我！你知d野係我做o既就聽我枝笛啦！咁多聲氣！如果d野係你負責改你咪鍾意點做就點做law！都係阿fred講得arm。佢地係result-orientated。

都仲有一堂training，個同事...都唔識教人o既。咁樣整個briefing法，我係學生都講粗口講到park park聲啦！家o下係教人ma，唔係叫你幫人做ma，d technical support 一埋位就做，又唔講d step又唔解釋，『咪咁law，咁law，就得左！』玩野咩！我又唔方便插咀喎！話晒人地做左咁多年，briefing session又搞左咁多次。點好意思話人o者！如果同supervisor講，又好似篤人地背脊咁。呢個同事都對我唔錯o既，只係...真係唔識教law！

唉~

今日有個briefing session，有10分鐘係我教人地點用photoshop o既。報名有5個，最後黎o既得1個。最慘o既係我同事唔洗我講啦，幫我講埋，我個幾鐘都係度聽佢講野。唉~！仲有同supervisor傾聽日開會d 野果時，佢分得好清楚programming o既係我要理，其他野例如點allocate d resources，點用it去solve 個problem就完全唔洗我理。有冇搞錯呀！咁我同一個programmer有咩分別o者~！in果時都講左我唔likey係咁嫁啦！唔得！要搵個機會同佢傾o下！好似想獨攬大權表現自己咁！激死人！

放工俾左角仔同朱古力俾山雞，哎呀！d 朱古力有d溶tim呢！不過係我自己第一次整嫁！算係咁啦！呵呵~

夜晚返到屋企食埋飯，就開工炸埋尋日炸唔切o既『竽蝦』。炸完得返十幾舊係食得o既。我要帶返一兩個俾婆婆睇佢俾我幾多分先~

時間唔夠呀！

今日訓晏左，去到poly要申請transcript，又要去faculty certify我個award 係true o既，去俾ref letter form 俾我個referee，去埋jordan 拎我之前買果份禮物，都已經係下午3點啦！我再去埋九龍塘搵一d 包裝紙同盒，返屋企又切竽頭條，切到隻手硬晒，好累。之後又去我個friend屋企一起整野啦！一整就成晚冇晒，製成品‥‥‥樣子‥‥‥唉~ but 都有內涵嫁！差在人地發唔發掘得到咋！不過就唔夠時間炸我d 『竽蝦』呢！睇o下聽日有冇時間啦！