考完試！

今日起身再背過d重點。考試......ok啦。條條都識答d咁啦。合格應該冇問題，只係唔高分law。
雖然考完試，但係都係唔會覺得輕鬆，因為仲有兩份功課未做。

last溫書

8點一早就起身溫，依阿sir個lecture review黎睇重點都勉強睇得晒d野。做完past paper更加發覺有某d野好似幾常問，可能係個course的核心。選左一d背，都放棄左一d topic搏佢唔出。

夜晚休息左一陣，實在太累了，所以等唔到零晨就打俾朋友講生日快樂。似乎朋友都好忙呢，我都係...訓先啦...=p

溫書

經過上次考試，今次要俾心機d溫書。朝早同阿媽去一去上水，返黎都下午了。溫左幾份notes，d野好似記唔入腦咁。我決定都係抖抖。

GIGABYTE g-Smart i

原來仲有隻GIGABYTE g-Smart i，不過佢先arm arm 係個CeBIT度出現，唔知幾時先會係香港有得賣呢？

呢個機有128M ROM呢！外型都好左。

GIGABYTE g-Smart VS Xda Atom Pure

講左咁耐我都仲係未買電話，老豆都換左電話啦！
上次聽朋友講有個可以睇電視的新機，原來就係GIGABYTE g-Smart 。睇左佢d config，其實同Atom差唔多，就係多左個睇碗視的function，而個ROM就得64M。

Atom 就黎出白色啦！Xda Atom Pure　我一向都係白色愛好者，如果要買一定買白色o既。

咁點好呢？我真係想換機啦喎！g-smart 有tv function，價錢都平1千，但係佢得64M ROM，會唔會...睇人地d評論話當個tv function係冇o既就得喎！因為收得唔係咁好。而外型都係一般。

Atom就外型好d，有128M ROM，但係貴1千呀！

嗚...仲有冇新機呀？！

都係冇......

今日做左一陣野，就走左去同professor 整photoshop。想教左佢之後佢自己做，但係似乎對佢黎講都係太深了，結果我同佢整左幾個鐘。咸豬手professor 最後以掃背黎表示佢對我的感謝...-.- 又走唔甩了！

放工食左串魚皮餃燒賣，去左沙田去睇o下我諗住買俾人的禮物。因為唔清楚arm 唔arm朋友，都買唔到，要去套o下料先再黎買，結果連價錢都唔記得問。不過唔急o既~

同屋企人食左拉麵，返到去又冇溫書。睇左一版notes咁大把。

食飯

今日返工，決定要開始做返公司d野，唔好成日休息。放工去左同親戚食飯，我嫁左去外國的表姐返左黎，之前同埋我阿媽佢地去左澳門玩，今日返黎。去到坐係我外國返黎的姨丈身邊，一邊食一邊傾d 電腦野。

今晚都冇時間溫書了。

係公司睇左好幾間餐廳都想去食，黎緊有母親節、結婚週年紀念(我媽o既)同埋朋友生日，可以試o下呢幾間野。不過......就係貴law，洗錢多law...

溫唔到書

今日mummy同親戚去左澳門，所以冇人叫我起身。唔知係咪尋日太慘痛的經歷，訓時都唔係一上床就訓得到，今早一醒望o下個鐘，正正係9點鐘要起床的時間。起身開工溫書，一個早上都溫左一份notes。下午妹妹起埋身，佢又聽歌，又成日出黎撩我傾計，又要煮野佢食，跟本就溫唔到，成日都係只係完成左兩份notes。夜晚我決定都係休息，老豆返黎睇埋電視我根本就冇可能溫到啦。唉...遲幾日係屋企再溫過啦。

超級唔開心

前兩日都請左假係屋企溫書，今日考試。時間係唔夠嫁啦，不過睇佢份assignment同埋d past paper都好多數要計，所以溫書時都係集中係明白佢d數要點計。點知一開考就死了，佢5條做4條，有一條講咩ROC curve，完全冇印象，所以都唔洗choose啦。唔夠一個鐘，隔離個靚仔就交卷走人，我個心就不知幾慌。乜咁淺咩？咁快就做完走得？之後都陸陸續續好多人走。我支持到最後一秒先交卷，自己覺得如果我寫的野大部份都拎到分的話，係100分拎30 (合格)應該...都有得搏o既。

點知我打俾個同學仔討論一下，原來佢都唔識做，只係再留係度都寫唔出野先早走。傾傾o下我先想走我犯左一個好大的錯誤。果一題叫我計matrix，唯一一題要計數。a) part我做到個answer，唔知做乜鬼，見佢係d 2/3, 5/6 就將佢乘左6！！！ 呢個都唔緊要，因為我有寫未乘6之前果個correct answer。最慘係b) part (16分) 我居然用左乘左6果個答案黎做！做出黎個answer都係大左6倍呀！！！真係dum心口啦！雖然個method 都未必arm，但係如果arm，我就衰係我個『乘6』身上啦！！

一邊返屋企一邊好唔開心，係車度r晒頭，差d想喊出黎。原本已經係合格邊緣掙扎，而家好明顯係會唔合格啦！我得一個retake的quota嫁咋！我仲有一科考試，仲有一年未讀，我......有可能完全唔fail其他科嗎！？

......好冇把握......唉。

溫泉同按摩...>_<

去旅行果時冇浸到溫泉又冇按摩，今日起身個身都好累呢！返工果時聽到個小學同學梁婉茵同佢媽媽係我後面殺出，邊行邊講野，聽到佢話﹕「呢個世界就係有一種人，唔生仔但係就養一大群狗，呢種人仲衰過生仔果d。」跟住佢地行前左，我就唔方便再聽落去。不過我係度諗佢點解會咁諗呢？生仔果d都唔算係衰o者...o下話？不過可能佢地話緊生左出黎唔養果d，同唔生仔養埋大班狗仔果d。生個b出黎萬一父母走左都仲可以自力更新，養d狗仔萬一個主人走左，d狗仔唔係死就係變野狗。唔知佢係咪咁o既意思呢？

係金雞附近有車禍！好似係小巴撞到人，有個人訓左係地下，有一個交通警係度做緊野。現場幾架小巴圍住左個人，令我想起風之谷果d甲蟲圍住小木蘭停左係度咁呢~ haha...小巴d窗係甲蟲的眼...

返到公司去買左包高鈣奶飲。因為之前已check到我骨質疏鬆嫁啦！好幾個月前行去西寶城時我落幾廿級樓梯，個膝蓋會痛。去旅行時起身mau低都有「叻叻」聲。都係聽阿媽講飲d高鈣奶補補佢，不過又會用多左錢...唉...。

買禮物 + 派手信

今日返工一個朝早都係做自己野，睇o下email, newsgroup同做o下功課咁。lunch去左同manfred食，知道佢眼有少少問題，都真係嚇左我一跳。大我6日之ma，咁快就出現d病痛，我仲以為我都仲未到要憂慮病痛的年齡嫁ma。唔知係咪因為對得電腦太多先會令對眼有事？我係咪都去check o下好呢？

下午就幫supervisor改一個homepage，都係少少野o者！放工就去旺角同carrie行街買gary份禮物。因為係sherman個blog度知道gary 仲有一隻psp game想要，我就想買埋果隻psp game俾佢啦。交託左sherman幫我向gary套料，我同carrie就邊行邊睇o下仲有冇其他choice。點知......carrie一心又走返去果間shop果度。上年佢已經話買呢個俾gary嫁啦！不過忽然去左買biotherm之ma。今年佢又走返黎買呢樣野呢~ 打多幾個電話睇o下sherman問到未，但係都搵佢唔到。結果係買完呢樣野時先收到sherman電話。太遲啦！！>_< 對唔住呀gary，psp game你都係自己買啦！仲有我知你想約星期六o既，不過我考試，考完試再約你地出去玩啦~

呀！仲有今日聽到兩個好消息，真係要恭喜恭喜呢~ 一個就搵到拖友，一個就要結婚了！又係時候要準備定d人情啦！

係旺角周圍行行到9點幾就去等人地放學俾手信。d糕唔擺得嫁ma，人地放我飛機，我只好去捕人law。朋友仔話我同carrie剛買果份禮物，個牌子out左啦喎~ @_@ 我唔知嫁，我乜都唔知嫁！時也命也，呢份禮物注定係gary嫁啦，上年冇送，今年唔送的話，睇怕下年都係會送俾佢嫁啦。
仲有一份禮物未買呢我...

呀......我可唔可以對5月有所期待呢？！

回港後的兩天

返左黎兩日，都有開始溫書嫁啦，不過都係好難專心，始終都係holiday mood緊。睇漫畫同溫書同食野就係呢兩日的寫照。

聽到朋友話去沙巴，好羨慕，我都想去呀！！！

考完試得返一日就要交功課同做presentation，真係唔知點死。完全冇晒心情。

仲有，俾人放飛機，唔happy。取消都要通知聲嫁ma！男又係咁女又係咁，難得人地咁有你地心，買左手信俾你地，約出黎都要諸多推搪。好！算數！我自己食晒佢！哼~

戰利品陳列區

其餘的戰利品

幾米的「微笑的魚」電影入場票！！好想睇呀！不過係台灣，又係21號...原本想放上去賣o既，不過日子咁近，賣到俾台灣人都郵寄唔切啦！只好留俾妹妹儲law。如果有人起程去台灣，arm時間o既，咪問我拎張飛去睇law。















幾米的書夾/錢夾。手信黎嫁！














幾米的card holder。我同妹妹都有買，呢兩個都係我o既~













幾米的mouse pad。














指甲貼紙。都幾貴呀！有d成廿蚊張呀！我估其實香港都有得賣，不過見arm d花就買d返黎玩o下。我而家整左d玫瑰花係指甲度呢！查實去整果d水晶甲仲靚，不過又貴...

















係d手飾同埋公仔。呢隻野叫巫毒娃娃喎！你見到穿泳衣果d係減肥o既，黑色的惡魔同忍者係防小人o既，而有個好似harry plotter咁o既係學業o既！呢d都係賣俾我果個哥哥仔話我知嫁！d台灣男仔講野都用「哦、囉」咁，好鬼死cute同嗲嫁o者~

台灣之旅 第八日 陰

談話頭->老天碌->誠品->中正機場->香港

今日訓得晏d，先起身去談話頭度食。聽講好多明星都黎呢度食嫁！我地去到佢先arm arm開店，叫左幾個招牌菜黎食。

















我地叫左無錫排骨、冷x牛筋、湖南蛋、竽頭雞乾麵。呢四樣都好好食呀！排骨半肥瘦，牛筋唔un，湖南蛋好惹味，竽頭雞乾麵味道好好。唔怪得之佢出名啦！店內一張同明星合照的相都冇，可能佢標榜的係食物，唔靠明星效應啦！

之後返西門町老天碌度買野食，去誠品去補補倉，就去等shuttle bus返屋企lu。

台灣之旅 第七日 陰

阿宗麵線->蛋蛋屋->西門町->永康階->誠品書店

一早去試阿宗麵線，果然幾好味！d辣醬好辣。















再去蛋蛋屋度食。 個裝修就唔錯啦！不過野食就......真係冇咩特別law。又要有最低消費，黎呢度真係為影相咋！


















































由於重要景點都差唔多去晒，我地都係去shopping啦。又行一次西門町，返房訓個晏覺，先至再去食dinner。

原本想去果個惡魔島，原來真係執左，於時去左果度是但一間度食。
















呢間『陽光空氣花和水』同佢店名一樣，就係食裝修law。西餐野食唔大份嫁，but氣氛都ok。最好的位置就係門口隔離果個位。

台灣之旅 第六日 陰

鼎泰豐->光華商場->東區地下街->天母->美麗華摩天輪->士林夜市

一早去再食鼎泰豐，今次就真係唔洗等位啦，開門半個鐘原來都有唔少人黎左食啦！仲好多都係日本人tim！今次我地食蟹粉小籠包、蝦肉餃、豆沙小包同埋肉包。個豆沙小包真係唔試就算啦，就係d皮包住豆沙之ma，唔好食o既。其他都ok。

之後我地就去光華商場度行。佢而家裝緊修，d店搬左去個臨時地方度。我都冇諗住去買劇o既，所以都係去睇o下。見到NDS d game同埋PSP果d都貴過香港，就走人lu。阿妹話佢都想買NDS一起玩呢~ 呵呵~

東區地下街千其唔好去呀！真係冇咩野睇，又唔arm買喎！之後去左101附近行o下，食左mister donut。好多款色呀！

















天母都係冇咩野好行，我地去左果間『吃吃看』度食cheese cake，據聞好似好正咁。我妹食完就話都唔錯，不過都唔夠佢鍾意食果隻咁正。反而阿爸食果個茄汁酥就唔錯啦！我地行去果個汽車restaurant度，想話食少少野影相，點知有最低消費呀！仲話唔食飯唔俾坐果個最靚的車位tim！咁由得佢law......
















我地都係雪糕店前影左相。

之後就去美麗華摩天輪啦！




































個商場內就冇咩好行啦，都係d名牌的shop，摩天輪隔離有個旋轉木馬，超細，唔會有人玩啦！我地係度等到夜晚佢開燈先坐摩天輪。原來佢套票包埋汽水同埋爆谷嫁！不過之後去士林夜市，爆谷......唔想食呢~

夜市都係食左果d綜合煎、花枝煎、豪大大雞扒等。食完就急急腳去左sogo度買我鍾意食o既綠豆糕啦！

台灣之旅 第五日 晴

港式飲茶->野柳->九份->基隆

今日行程原本就好緊湊嫁啦，想係佢好天時去晒d重要景點ma。點知老豆又老點左去飲中茶，唉。不過d野食都ok好食，唔係平law，仲有最低消費tim。

食完就拿拿聲坐車去基隆，因為野柳同九份分別係基隆的左同右，所以我地係台北車站轉台鐵去基隆。好似多左香港人咁，因為都有人同我地同路去基隆呢~ 去到基隆我地等公車去野柳。同車有一定大細7口都係香港人，佢地都係靠我問司機邊度落先識落車咋！忽然之間覺得自己好勁咁呢，好似團長。車程上老豆不停咁同我講『係呀係呀，我記得都係好多彎路嫁！上山落山之後就係嫁啦！』我都反晒白眼，你叫我信唔信佢廿六年前的記憶好呢？！

野柳都係阿媽想去o既，影相ma，全部都係石頭。要逐個搵返邊個係女王頭邊個係咩頭都真係幾難，我地一開始就俾一舊石呃左，以為呢個就係女王頭，係咁影，想走果時先發現真正果個女王頭！-.-"


之後就轉去九份，今次食到個牛肉麵啦，d牛肉又真係幾ok o既。仲有食果個雪糕花生pancake。















根據張師傅的指引，我地去到昇平戲院，同埋唔知係唔係悲情城市的地方影左相，再坐公車返去基隆廟口食晚飯。























係廟口食左奶油磅蟹，阿妹話好好食喎！仲有烤鳥蛋、一口香腸同埋魯肉飯、花生冰都係水準之作！

台灣之旅 第四日 晴

維格->孔廟->圓山大飯店->淡水老街->漁人碼頭->飛天麻辣

貶o下眼就第四日，一早就去左維格度訂野食先。飯店可以幫我地訂，不過屋企人未試食過ma，咁反正都係果邊行，就直接去果度訂啦。買完就去左附近的孔廟度影o下相，咁arm佢地搞個保安宮o既唔知咩節，有花車巡遊同燒炮仗。孔廟內有好多個神位，供奉住好多果d好有哲理的先人。我估都係得個牌嫁o者~ 有個阿伯係果度奏樂，有d細路化晒妝準備巡遊。我地係個支持保護古蹟的簽名薄上留名，就去下一個景點lu。
















係捷運站附近上左圓山大飯店的車。我想係果度住嫁！但係太貴啦。我地去左果個圓苑度叫左個『美齡鬆糕』外賣，因為果度飲茶太貴啦！求其搵個地方食左個糕，睇o下究竟係d乜野咁吸引呀宋美齡係都要食呢度d鬆糕。原來......就係紅豆糕ma！中式的鬆糕內有紅豆，唔係港式果d鬆糕。佢係煙煙un un o既，本人就唔係太識欣賞啦，果pat紅豆容...都係唔錯o既~

之後我地再走去忠烈寺，想話唔去嫁啦，不過老人家鍾意影相同睇步操ma。一去到我先帶左個妹去休息室飲水同坐o下，再同老豆佢地出去睇人步操。等d團友散晒，我地先行入去個內堂度，居然見到個士兵係度同人吹水，乜唔係唔講得野嫁咩？！ 影幾幅相就坐的士返捷運站，直入淡水啦！

淡水老街都幾多野食，不過更多o既係精品店。我地去買左好多小飾品，仲俾我搵到之前係呀馬仔個網頁度見到佢地買的特別糖果tim！
















呢d係手信黎o既，可能收到o既係你呢~ =p

行到咁上下，就去碼頭度睇o下坐船過去漁人碼頭啦。去到都仲未日落，我地搵個位坐o下，食o下野休息o下，睇埋日落，再等埋情人橋著燈，影埋相先至走。都好累啦今日。

















(太黑啦！主要都係睇個橋o者~)

之後去左飯店隔離果間麻辣火煱度食，well，都係一般啦。

台灣之旅 第三日 雷雨

港式早餐->六福主題遊樂場->上閤屋

尋晚睇新聞都知今日會有雨嫁啦！佢話早上都仲係天晴，下午就會下雨。點知真係咁準！

一早起身去食個早餐，又俾老豆睇到有港式早餐店喎！入到去差唔多全部都係香港人，個個都係為左果杯唔好味的奶茶。果然香港人都係上晒奶茶癮......

跟住我地就去等公車，等左差唔多一個鐘，上車去到半路就開始落雨。都唔開心嫁啦，但係都上左車啦，希望去到仲玩到d遊戲啦！點知去到已經落大下同打雷，票都買左啦，點都入去行o下啦，我地冇第二日再黎嫁啦，d入場票又貴。我地去買左兩件雨褸，加埋自己帶o既兩把雨傘，就入去行啦。見到的人全部都係國中生，原來佢地黎旅行！點解我學校從來都冇帶我去海洋公園旅行o既？
















我地去玩個激流，同歡樂谷一樣，有個位置會俾其他人射水彈。果個國中生，一見我地就起勢咁射。雖則我係唔驚，我都穿晒雨衣啦，仲怕咩濕身，我都係咁而都叫幾聲扮o下野，唔係人地射得好冇引嫁ma。哈哈！點知佢見我地叫佢又射。咁就蕩黎蕩去就玩完啦。

之後果d海盜船、過山車同埋跳樓機都停晒。我地去玩左旋轉木馬 -.-"，就去左一間餐廳度食野。食完野睇o下個3D影院，行一陣就走lu。果個3D影院真係超級咋。連我阿媽都唔驚o既。上次去韓國果個好好多！

我地早d走返去飯店整理一下，就去左上閤屋度食自助餐啦。





















個旅遊書同埋d親戚都話呢個自助餐好正，我地冒住大雨由捷運站走去果度(唔記得左可以坐的士)，成身又濕返晒。野食都真係幾多o既，d款式以前都冇食過，不過係咪咁好味，又真係見人見志啦。d魚生我覺得一般，三文魚我都好難咬斷咁。可能因為雷雨同埋成身濕影響晒心情啦，食得唔係好多野。我地一致認為都係澳門金莎果個自助餐又抵又多野食。

台灣之旅 第二日 晴

紅樓->中正紀念堂->永康街->深坑豆腐街

今日早餐都唔食就先去左紅樓、再去中正紀念堂度影相。天氣真係熱得好犀利，我地都係走入個商店度涼冷氣同埋扮團友去聽人地d導遊講野。因為尋日我地就每人出左張悠遊卡，所以大部份時間我地都係坐捷運o既。

行得咁上下，我地就去左鼎泰豐度食中午飯。點知去到勁多人，可能因為係星期日啦！我地等位等左個幾鐘先有得食。我係門口睇左佢果d電視介紹，所以點左一d佢話好食的野黎食。
















小籠包
我地叫左4樣野，小籠包當然係正啦！我媽夾好多次都整穿左個皮，因為真係好薄呢~

菜肉餃
菜肉餃都ok，不過我唔係咁喜歡食菜肉o者。

雞湯
雞湯好似話d人個個都讚，之但係我覺得係味道濃d之外都冇咩特別，如果阿媽煲湯時落少d水定落多隻雞，我估都應該煲得出掛......

蝦仁燒賣
個蝦仁燒賣就冇咩待別啦！整隻蝦係個小籠包面之ma。

食完我地都決定會再黎食多次。雖然我地每人都食左差唔多8隻餃/包，but都仲未飽喎！果然好味呢！



就係鼎泰豐的轉角，就係永康街啦！一出門口就漂晒汗的我地，梗係去食冰先啦！果然係長龍冰店，排左好多人。而且好多都係同我地一樣食完鼎泰豐就黎食冰啦！因為我地認得好幾個香港人呢！















我地叫左兩個冰，分別係『雜果冰』同埋『竽頭紅豆冰』。原本係想叫芒果冰嫁！不過賣晒啦！但係雜果冰都好正！果度裝修唔錯，天花度有d凍氣吹出黎，雖然唔係好夠涼，不過呢個環境食冰都好夠啦！我喜歡雜果果個多d，因為又靚又好味。竽頭果個都ok，不過有少少滯的感覺，但係又幾甜喎！好想再食多次呢！


跟住我地係西門町又行一陣先至再去下一個地點。行行o下俾我見到......


































嘩！卡華e呢~ 之前係電視節目度見到d鬼佬用超大個apple整的，都想試o下食嫁啦！點知係度見到喎！雖然真係冇咩特別，就係青蘋果上有焦糖同朱古力，再加花生呀、星星糖果d。我地食左個花生的，切開左4份，一人食d咁啦！所以都唔會太飽。


跟住我地就去深坑豆腐街啦！我屋企都鍾意食豆腐o既，所以佢地都抱住好高冀望去。雖然我去過都叫佢地唔好有咁大的冀望嫁啦，但係，都係冇辦法。=.=

















豆腐就冇咩影到啦，我地去左食呢個豆腐三吃，就係第一間果個『大樹下』度食。食左佢d招牌菜，咩豆腐魚呀、豆腐雞呀、豆腐湯咁啦，都係冇咩特別。反而阿妹又食果d竽圓，都唔知有乜咁好食。我帶佢地去飲上次個導遊介紹果個黑豆槳，之後就返歸lu。

夜晚返到去飯店，個廁所燈居然唔work喎！打去問佢咩事，原來係電力故障，過一陣好似得返，又忽然成間房都冇晒電，嚇到阿妹都唔敢沖涼。雖則我唔怕黑，之但係我都等佢有返電，睇埋個電視先至沖涼訓覺。=p