呀...o_o"

今天leo放假，一早我就send sms給他，因為他喜歡別人主動找他呀！lunch時跟miranda見面，她拿了日本的手信給我，是一條Anna Sui的手帕，我沒有買過Anna Sui的東西呢！雖然同事說這個在日本很便宜，不用1000 Yen就買得到，她也在用burberry的。不過我挺喜歡的，謝謝miranda囉！

互相報告一下新進展，吃完飯leo打來，就跟miranda分手，回公司去。

下午跟author, 阿清, brian, 阿v在msn內談心事。放工時阿清問我叫我陪她一起去camp，我說可以。我買了delifrance上去邊上室內設計課邊吃，挺累的。之後我約了coleman在火炭拿回我借他的Wii，明明說好了我大概十點多到十一點到，可是他卻不在家，還不聽我電話呢！我只好回家了。之後他打回來說他以為我十一點多才到，所以還未在家。算了，下星期再拿吧！

到家跟leo談電話，不知道是我累了還是他也很累，聽起來他不常笑，常常在嘆氣。掛了電話還是sms 問他是不是不開心，沒想到他居然上網了跟我談。原來他不喜歡我陪阿清去camp呢，又不喜歡我常常出去活動，怕我惹很多狂峰浪碟。他還說了一句話，讓我心都紮了一下！

『我們才剛開始，感情都沒未穩定。雖然感情是要經歷考驗的，可是我不想現在就要面對大考驗。不要在我們之間加上阻礙吧！』(意思是這樣)

嚇...嚇死我了！這...這...不就是我數個星期前，一個朋友跟我說不要妨礙他跟女朋友之間的話嗎？怎麼會這麼像？！

係我衰

明明下午先開會，忽然改上午，結果一返工就忙準備會議d野，都冇乜點sms。收到leo問我仲有冇唔舒服，咁當時真係有d唔舒服，咪照講。點知lunch時出左office行下個人舒服左，食緊野時收到leo電話，話佢聽日拎左假，今晚送我返屋企。0_0 但係我今晚約左妹妹一起去見個保險經紀，我冇理由撇低妹妹自己返屋企嫁ma，明明同路。於是我都應承左佢先，佢又醒喎！知道如果佢冇拎假我一定話聽日返工咁夜叫佢唔好送。

下午做做下野，我都係諗唔到點算好。阿妹就梗係話『咪一起返屋企囉~』咁嫁，但係好embrass嫁ma。結果我send左sms俾leo問佢其實今晚係咪有約人，我都怕怕地佢為左送我而推左佢朋友的約會。見佢reply我話有約，咁wed先送我。我就心知不妙。

夜晚返屋企同佢傾電話，證實佢果然係冇約人，佢知道我同妹妹一起，好似唔係好方便，所以就咁講。唉~ 好似我好唔識做咁呢~

不能說的秘密‧咖啡灣

11點多醒來，吃點東西，就得梳洗一下準備出門。今天本來跟leo約了去海灘游泳的，不過還是改變成去看電影，再去沙灘逛了。

天氣熱得很，不能說的秘密才剛上畫，百老匯的座位都滿的，只有在葵芳那邊有位置。位置挺前，頭抬得有點累。之後吃了點拉麵，leo帶了外套給我，怕我不舒服時冷到。座位太大風，怕我吹到冷﹔喝杯豆漿，又要問有沒有熱的，還要用手溫著杯子才給我喝。雖然很想很想說，『別這麼麻煩啦！我又不是弱不禁風的那一類女孩(Yo~ man!)，豆漿當然是要冷才好喝呀！』可是如果說這個未免太不知情識趣，太傷人心了吧！我還是乖乖的享受一下被人照顧的感覺吧！=p

這套戲我覺得很MV feel，故事是童話式的，有harry plotter的影子。先是校服的樣式，再來是在書桌上對話，跟harry plotter內有本簿子可以跟佛地魔對話不是一樣嗎？還有穿越時空這是老掉牙的情節了，所以呢我總覺得很有MV感覺。不過拍得挺美，兩個女角都是文靜柔弱的那種。黃秋生再當jay的父親，還要一起跳舞，彈結他，jay不知道是不是真的彈琴那麼棒？單手彈琴！？

然後就坐巴士到咖啡灣那裡。那個路痴居然沒有迷路！在沙灘上走走，再找個地方坐下來看看月亮看看星說說話。一眨眼就9點多，回家了。

好久沒有在晚上到沙灘上看月亮星星、吹海風聽海浪聲了。好像就只有記憶中的那個夏天跟那個中秋節......

在家

難得一天假期，可以安然的待在家。由於昨晚很晚才睡，今早我1點多2點才起床。吃了點東西，看了數集東方茱麗葉，處理一些信件，又跟媽媽說說話。晚上跟爸媽吃個飯，邊msn邊把我室內設計課的功課做好。

本來晚上有兩場約會的。先是阿清她們叫我出飲野，不過我昨天才喝了，而且我要好喝酒，還是待在家休息、省點錢。另外就是IT Trainer Alvin搞聚會，由於我不太想出去，雖然好久沒見，還是推掉了。

我記得，校友網的網頁還未......

轉角遇到愛

羅志祥 - 愛＊轉角 (轉角遇到愛片尾曲)
愛轉角
詞：Ｇｉｎｏ　Ｃｈｅｎ
曲：菊池一仁
演唱：羅志祥

我偽裝著 不露痕跡的 想在你身邊 靜靜的陪著看著天邊
騎著單車 往前行進著 某個路口 愛在等著

你往前走 不回頭看了 記憶的笑臉 緩緩的敲著我的琴鍵
我不捨得 讓你孤單單的 我愛你的 心牽掛著

心不再拼命躲 不去害怕結果 假設有個以後 你會怎麼說
一直想跟你說 幸福不在溜走 下個路口 你會看見愛 有美麗笑容

愛轉角遇見了誰 是否有愛情的美 愛轉角以後的街 能不能有我來陪
愛轉角遇見了誰 是否不讓你流淚 也許陌生到了解 讓我來當你的誰
我不讓愛掉眼淚 不讓你掉眼淚 現在永遠 你就是我 就是我的美

心不再拼命躲 不去害怕結果 假設有個以後 你會怎麼說
一直想跟你說 幸福不在溜走 下個路口 你會看見愛 有美麗笑容

愛轉角遇見了誰 是否有愛情的美 愛轉角以後的街 能不能有我來陪
愛轉角遇見了誰 是否不讓你流淚 也許陌生到了解 讓我來當你的誰
我不讓愛掉眼淚 不讓你掉眼淚 現在永遠 你就是我 就是我的美

愛轉角遇見了誰 是否有愛情的美 愛轉角以後的街 能不能有我來陪
愛轉角遇見了誰 是否不讓你流淚 將寂寞孤單作廢 讓我來當你的誰
我不讓愛掉眼淚 不讓你掉眼淚 現在永遠 你就是我 就是我的美

********************

別人送我的一支歌

我還未看這套劇集呢！

我很怪

我不是覺得妒忌，只是很不喜歡這一撮人，我也不知道為什麼。

星期四才跟gary說清楚事情，他把對我說的『一直保護你...』字句換下來，變成『enjoy my life』。今天星期六，居然這麼快就『發現愛』！！

之前才拒絕coleman，不夠幾天就問有沒有女孩子介紹給他。

以前大學小白追我，我沒有給反應，一個sem break就跟別人拍拖了。

對以上3個人，我都沒有什麼後悔。可能是我要求高，睇到佢地不成功就好快轉變，總係覺得佢地唔夠sincere，覺得自己冇選錯。如果有付出過感情，失敗左又點解可以好快咁轉向另一個人呢？咁樣的愛同喜歡其實不就是很淺？！

不過從另一個方向咁諗，唔通要人地失敗左之後死去活來，自閉一排先叫做好？佢地復原得快係好事黎o既。

總之就係好矛盾的想法。

食飯 + 飲野

星期五好鬼holiday mood，不過supervisor又俾左兩樣野我做，又係睇code。我最怕就係睇code，睇睇下個人成日都lost。到放工時我都係未解決晒兩個問題，好在唔係趕住交。

到尖沙咀霸王山莊度拎位，約左大學同學7月飯聚。去到拎位佢居然話我冇book！我星期二同manfred上堂前食完正壽司走過黎book嫁ma！見住個人抄低我d野都可以miss左booking？咩餐廳呀！結果當我係而家黎等位咁 ，又要我過半數人先有得入。不過當佢對下對下野，又話今次俾我入去先，都唔知佢係咪搵得返我個booking。食野就ok啦！不過服務就差左d，成日都拎錯野。

睇左山雞的女友張相，又俾大家睇左leo張相大家睇下咁。食完野大家一起去銅鑼灣食甜品，我同yvonne就離開大隊，去搵eric。因為eric話介紹佢d同事俾我識。去到燈龍街永光中心9樓果間bar度，嘩！人多到冇位坐，不過eric的同事同佢地的男女朋友都係好靚仔，有個似吳彥祖！d女仔又fit又sexy。不過真係太多人、又多煙、又成日要調位，跟本同佢地傾唔到計。又無謂阻住eric同yvonne兩個互隊，所以我都係早走早著，返屋企訓下好。

坐van仔返到屋企點幾，上左陣網先訓。

金句

係中學同學Alice的blog上，睇到一篇係講聖經o既野。當中一句我覺得幾好，送俾所有因為信心不足而成日憂慮的朋友。

只要好好保養你的信心, 疑慮之心便會慢慢凋謝.

解決 + 游泳

今天一早跟Leo在sms內對話，想起gary約了我星期六一起吃飯，我就想我應該要把這個約會推掉。說實在，拖著gary都沒用，壓根兒我就不是很喜歡他，由其是他也有別的選擇。於是就用msn跟他說我星期六不能去了。他打個苦臉，又說可不可以問我為什麼。

既然都拒絕了，就該給個明確的答案給他。如果星期一說的timing不對，當好朋友比較好還是不能滿足他，那不如說實話吧！對大家都好。聽了我說的話，他就說他sat下午約了mickey，晚上約了我，是想跟我說他的感受。再說什麼mickey跟他怎樣、挺sweet等等，又問我他們是不是有機會。又把msn title的字立刻的換了別的字。

不要說是我多心，他明明就是覺得我是preferred的，聽到我明確的拒絕就馬上轉頭向mickey了。星期一說mickey問我有沒有男友，他還說我應該要回答他是我的男友。上星期他的好朋友還當著mickey的面前笑說我是他的amanda，要我坐到他身邊去。如果他本身就對mickey有較多的feeling，還會這樣的不在乎mickey心情嗎？好明顯的是要向我展示他的mickey很有機會，表示他沒有什麼不開心跟損失。

他的msn title由 『一直保護你...』轉到了『Enjoy my life!』。

晚上下班趕到九龍公園去，跟leo游泳。原來我真的沒有進過九龍公園，那裡還有一個在上海見過的奧運時間倒數牌呢！Leo 問我要不要拍下，我說不要。其實呢我也想到他是很浪漫的叫我拍下這個時間作紀念的，可是我真的沒有覺得想要拍下來呀！在室內游泳池游了兩個池，說說話，又跑到室外的邊游邊看月亮跟星星。景觀不錯。

走的時候上磅，原來leo跟我一樣重！真的是要減肥啦！之後我地行左好耐先搵到leo話好食果間米線，原來佢係一名路痴！如果佢早d講我知條街係尖沙咀，有好多酒吧的，我就一早知係寶勒巷啦！邊洗由佐敦搵返去尖沙咀？！之後坐火車送我返屋企。

唱歌班 + 回家

臨放工時阿清send sms俾我同author，話去唱k喎！不過我要上唱歌堂，所以唔去啦。我同佢講，如果佢地夜晚去食糖水都仲可以黎join。好奇怪地阿清冇叫佢死黨mickey，而mickey鍾意的gary，都冇同我講今晚會去唱k。細問之下，原來mickey今晚要返學，之後gary約左佢一起食飯。

星期一晚先又問我可唔可以做佢女友，轉個頭今日早上又同我傾佢同mickey之間的事，幾咁唔sincere？感覺上只係想搵個女友，我定mickey，邊個ok就邊個黎。呢d offer，我就‥‥‥算罷啦~！

上堂原來有個新同學，真係死得，次次有新同學阿sir都up好耐野。果然唔到9點都未開始到我地。結果10點先唱歌，電話就打黎啦。其實今晚leo話黎送我返屋企o既，我叫佢等多我一陣，拿拿聲唱埋首『我找到了』就急步的走。再sms俾author話佢知我唔去食糖水啦！點知阿清打黎話我甩底..=.="..最多我下次陪返佢地囉。

返到屋企都成12點，leo返到屋企都點半，真係好夜。睇黎下次要盡早放學先得啦！

室內設計實務

今日放工前一個鐘就好想離開，好不容易6點剛到，我6點15就急急腳的離開了。

夜晚係我同manfred報左的『室內設計實務』課第一堂，不過返成8點鐘。我係尖沙咀等埋manfred，一起去正壽司度食飯。之前行過幾次都見有人排隊，所以要去試下。可能時間尚早，都有好多吉位。我地食左好多款壽司，都有食到蟹羔果隻，都ok好食。但係總係第一次係築地食果時好食d，可能係第一次食的關係。正壽司特別的地方係佢有兩支鼓油，一隻係食多脂肪的壽司用的，如三文魚壽司、吞拿魚腩壽司，味道比較重﹔而另一隻則係俾冇咁多脂肪的壽司用的，味道比較淡。我覺得壽司的size比較小，同之前係水道橋食一樣，食左好多碟都冇好飽的感覺。不過其實味道都ok o既。

食到8點就去霸王山莊book埋位星期五食飯，就去上堂。個阿sir好多野講講不停，又慣性的講講下唔知自己講左去邊。不過我幾like佢有d習作做下，好似會俾個單位叫我地設計呀咁。第一堂的功課，係要畫出自己屋企的平面圖呢！簡單！我細個有試過畫過啦~ 呵呵~

夜晚返到屋企上網都11點幾，見到leo offline。就msn同其他人傾左陣計，download返d歌，點幾鐘就好眼訓。收到leo sms 又傾左陣先訓。

持續

返工都係冇咩值得講，醒起要約大學同學食7月生日飯，仲有leo要我send sms俾佢。

早上上網見到gary，就八卦一下佢同mickey係咩情況。想不到佢和盤托出，佢同mickey的煩惱。mickey主動的約佢，但係出到黎又唔主動。佢覺得反應唔係好熱烈。再加上mickey自己有陰影，似乎情況都係一般。見佢講得咁明，即係真係對我冇野啦！咁我都以朋友身份話佢知要俾d時間俾d耐性。mickey唔夠主動你咪主動d囉。仲傾到有我呢個朋友真係好，同我傾完好左好多。

5點幾到leo放工返到屋企上黎同我msn左一陣。我傾到7點先返屋企。

返到屋企食個麵，同老豆阿媽傾計先上網。上到網gary又同我吹水，吹吹下佢好白咁叫我考慮佢做我男友，佢話佢而家冇女友。佢話覺得我多野講，唔洗佢講咁多野，而且我關心身邊的人，佢對我的好感多過mickey。我聽完佢咁講，更加覺得佢唔係好arm我。首先我唔係多野講的人，到我咩野都講晒，就會好靜。第二，關心身邊的人係好多人都會，有禮貌都係一樣。根本就唔成喜歡我的原因。最後我都係婉轉的拒絕左佢，同佢講timing唔arm。我冇好想留係佢身邊的感覺。<=同我同coleman講的野一樣。如果第時識落我鍾意左佢，我會主動的追佢o既。haha

相比起上黎，leo對我上心d。起碼佢因為我同其他男仔玩得埋而呷醋唔開心，呷到要不如不見。知我整親手指，果日帶埋藥酒想幫我卒。當佢話不如不見，我發悔氣話隨佢鍾意，佢之後仍然係會同我講返佢的心情佢的想法，而唔係斷左就算，女死女還在。

Wakeboarding@西貢

尋日bbq早走，就係因為今日約左miranda玩wakeboard。其實我地6月傾傾到而家，book左好耐先book到。9點鐘到左西貢同miranda去食早餐先，佢好醒目的去買左支水俾我，話一陣wake會好想飲水。miranda之前wake左幾次嫁啦！同佢d同事朋友去玩，不過都仲係未上到水。我就第一次想去試下玩，之前遊船河玩唔到ma。

我訓左3個鐘，精神狀態一般，尋晚發生的事都仲係好頂住。同miranda一邊食早餐，一邊交換近況。當我同佢講左leo同gary的事之後，佢話如果係佢，佢唔會諗咁多野，覺得ok就會試左先。你唔同佢開始，了解佢唔arm都係唔會一起﹔你同佢開始先了解佢，唔arm都係會分，咁做咩唔試下先呢？我又真係第一次聽到呢d論調。教wakeboard的阿sir大塞車，因為西貢今日有巡遊。我地施施然的去到西沙水上活動中心，換衫執野。於是我send左個sms俾leo，話不如不見，就不如不見啦，尊重佢的想法。之後我同miranda就係office度等阿sir，又傾下心事咁。
















阿sir黎到先同我地講半個鐘理論，聽落好似唔係好難咁。我叫阿sir講下d人通常wake唔到會犯左咩錯，等我留意一下自己。講完就落快艇。我試用左miranda係日本買返黎的防曬，勁到要用另一支cleanser洗嫁！佢話佢識個女仔好白都係玩wakeboard，係靠呢支野咋！miranda先試，我見佢其實就係起到水，只係企唔到起身同埋轉唔到腰。睇佢玩左十幾分鐘，佢就上黎換我落去。我試左幾次，就漸入佳境，好快就起到水同企到起身，不過都跌得好甘。之後又到miranda又再到我。我結果加埋都有十次到係真係企到起身wake到嫁！miranda仲幫我影左相。阿sir又豎起手指讚我叻呢！





















你睇？係咪又睇似模似樣？miranda幫我影左短片tim呀！都wake成半分鐘嫁！

之後我地去沖涼俾錢走人，去左滿記食甜品。miranda話不如book定下個月，我就冇答佢。因為我想睇下點先，玩wakeboard都唔平嫁！個個月去一次都幾大支出。而且都仲要睇下有冇時間先。

4點幾5點返到屋企，成個人都好累。肌肉酸痛開始黎料，希望唔好好似阿sir 其他客咁，返工打唔到字，按唔到lift啦！返黎上網一開msn，就收到leo好多個offline msg。由尋晚佢點解有咁o既表現，點解呷醋，講到我地之前一起出街、游水時佢的心情，佢msn說話的意思等等，睇到我都有d眼濕濕。原來佢都我呢類人，總係事情發生過後先可以將自己的心情平心靜氣的講出黎。我扮住offline咁打返咁上下野俾佢，等佢知道我又係點諗。

結果一傾就由5點幾傾到夜晚9點，佢要出去約左朋友先至停。好啦~ 我諗不如不見事件過去啦。

大大獲@BBQ

早上9點起身為左落去剪髮，因為前額的頭髮太長啦！剪完後發覺剪到我好細路仔，仲young，今次大獲啦！

下午又去左水陸墟出show。今次內容豐富好多，有兩隊band黎表演，不過兩隊都唔多得。有人跳舞，都仲叫睇得下。唱歌就...梗係唔多得啦。之後我地同學唱，我準備4首都只唱得兩首。搞到5點幾成身汗，先出去旺角join author佢地買野食。

係旺角mtr度等author，俾佢打黎個電話嚇一嚇，跌左我個o2 atom exec落地下呀！我顧住個機，醒唔起個memory card，就咁我的歌, ebook, programs同games就遺失左啦！

join埋大家就入阿king屋企度燒野食。 等埋坐小巴果班人，發現阿清、小米同埋gary都唔見左，原來小米落車時跌左電話，gary同阿清陪佢去元朗拎返。咁好啦，我地幾個先上去平台同king屋企參觀、抹身、抖下。佢地返黎，我地就開始整野。阿king買左超級多野食，只係雞翼都成9磅！嚇死我！先得果15個人，邊食得到呀！仲有d丸呀！粟米呀！雜菜呀咁！我地淨係洗野都整到9點幾。天氣又熱d人都唔願燒。結果有d開四方城，有d就玩psp，有d就真係燒野食。我同author 凌晨兩點先至走，其他人仲玩緊呀！佢地有d玩到4點，有d通宵食埋早餐先走呢！

********************
整緊野食途中小米黎八我d野。小米係鍾意gary的女仔，佢黎問我有冇男朋友有冇男友候選人，聽到我話冇男友果時佢好驚訝，唔通佢以為我同gary 定係我同author有野？！反正冇咩料可以爆俾佢聽啦。

成晚gary同leo都冇對我做d咩特別野。我都知嫁啦！gary會顧忌小米係度ma，實唔會得失其中一個嫁！不過依我所見，就好明顯地佢地係有d野o既。好似gary去bbq時，小米都會跟住去。

leo ma，佢又冇主動同我傾計。但係就有想叫我去行沙灘。佢落左樓，想打俾我叫我靜雞雞出去，不過可惜我電話冇電，飛左線去author度，author順手一聽，嚇窒左leo囉~ haha。不過最後發生唔開心事。

一個晚上，一個轉投另一個女仔，一個呷醋呷到話不如不見。

缺席校友會

臨放工5點先整d野我做，仲話urgent，即係要OT啦！搞到7點先睇完，返到粉嶺都8點幾，所以同mandy講左我去唔到校友會，叫佢開住先，順便講一講我地個website。

返到粉嶺真係8點幾，想去剪個髮又關左門，買件t-shirt聽日bbq又關埋門。算數，返屋企食公仔麵。

gary wed問我去睇佢踢波，我話唔去。而佢又問我點樣indirectly拒絕人，唔知佢係想拒絕mickey，定係想睇下我係咪拒絕緊佢。不過author話男人諗野冇咁複雜喎~ 唔知啦。

夜晚mandy打黎講返meeting d野，有d野今個week要做呢！之後匯報一下gary同leo d野，傾到點幾，都好夜啦！不過好耐都冇咁樣傾電話法啦！

藍球‧吉魚蛋

今日有帶衫同鞋，因為放工去打藍球。其實我一向都冇打波o既，不過只係當join下同事d activity，上次我冇帶衫，今次就帶埋去打下。放工7點幾先換衫落去，落場就梗係唔得啦，行下企下，都有試截一兩次波。不過好煩惱，我又唔係叻，如果太積極，人地會覺得玩下o者，洗唔洗下下都截住呀~ 唔積極的話，又會覺得你係咪真係玩嫁，都唔投入o既。我又怕會打到人。

結果我拗親隻右手無名指。果晚去左打冷食d野就走，不過都好夜。成11點半先坐mtr走，我最後係觀塘坐277x返屋企。

講返coleman啦！今日佢對呀joanna同wendy不知幾照顧，又夾野食又俾紙巾，不過就係唔照顧我喎~ 算啦！係咁嫁啦，就係有d男仔追你時候當寶(查實都唔係點寶)，追唔到時連基本gentleman的野都冇。kay問我有冇拍過拖，話我悶似係冇拍過咁。又問coleman係咪結左婚生埋仔，笑死我！一早就話佢個樣老嫁啦~

更家唔洗講，咁夜返屋企同路的佢都唔會送我返屋企，我冇expect佢會送，因為佢只送過一次。

唱歌@好累

今日晚上去上堂，敲門敲左兩次都冇人應，我以為阿sir又未返，仲好手尾咁幫佢關閘。係門口企左個鐘，有另一d同學黎，按門鈴，居然有人係入面走出黎！我白白的企左半個鐘呀！

入到去食左魷魚絲，仲要等，好累咁恰左陣。可能上堂女仔唱先，男仔搞到好夜，今次佢就俾男仔唱先，結果我就等左好耐先有得唱。已經好累，冇心機聽阿sir d 無聊笑話，所以快d唱完快d返屋企。

卡拉ok

夜晚7點半先到neway city，今晚約左阿清佢地去唱k。一去到梗係去拎野食先啦，d野食好快就冇晒，不過有d特別d o既野，好似咖哩呀、pancake、燒餅咁。可惜係我下午食飯盒食得幾飽，都唔食得幾多野。

因為有d新朋友，我都唔點咁多歌，費事又霸住個咪唱。見到oscar同gary，oscar又亂up野，咩『你個amanda...』author聽到即刻問我點解oscar咁講野，問我係咪泊左碼頭。=.="之後又問我洗唔洗掉位坐gary隔離呀咁，我梗係唔鬼理佢啦。miki帶黎的friend唱歌幾好聽，後黎我掉左坐係brian隔離。brian好鬼靜，得閒撩下佢講野過下日辰囉，都冇歌仔唱。原來gary唱歌都ok嫁喎！不過都係咬字唔正，d國語仲....=.=。

我set左schedule9點send左個sms俾佢，話佢知今晚唔洗送我返屋企，因為約左朋友。其實係下午leo話佢唔黎唱k，but黎送我返屋企。11點15分走的時候，我叫左leo係百老匯等我，我諗住大家散band就去搵leo。點知大家都唔願散咁，又話去食糖水，我最後都有同leo會合到，不過就差d俾阿清佢地發現。其實係怕gary知，因為我係推左佢而同leo返屋企嫁ma。

之後我地坐van仔傾下計，返到屋企都12點半有多，傾多陣電話先訓。車程中gary有打黎叫我返到屋企打俾佢。leo都有問到gary而家同我係咩情形，嗯，總之都係果句，做朋友啦！

八卦@飯聚

今日上午gary msn話佢下午會黎我果頭開會，問我放工後有咩做，不如一起返屋企。又問我係咪返屋企食飯。我今晚屋企冇飯開呀~ 咪照直講。點知佢就約我一起食。

放工ot左一陣，聽anthony講佢爆笑的經歷。就係佢曾經去旅行時識左個團友，同年齡仲好好傾。咁之後個女仔call佢約佢去睇戲食飯，佢就最怕同埋唔識拒絕人，於是就同佢出去啦。佢地去睇果套又唔係恐怖片，果個女仔居然作狀的驚嚇，一手拖住anthony隻手，又訓晒係佢心口。嘩！狼死得佢！我聽到笑到好大聲。我冇想過會咁主動，雖然唔係十指緊扣果隻拖法，但係都係手心對手心嫁ma！anthony真係艷福無邊。所以話，第時教仔最緊要係教佢口才，溝死女啦！

之後收到gary電話，原來佢就係我公司後面的政府合署度開會，佢係樓下等埋我，我地一起坐巴士去polyu，因為我答應左幫同事evelyn去polyu還書。之後我地去左附近的商場食飯，傾傾下就傾開感情野，拍拖次數呀果d啦，朋友d野啦，都算多野講。差唔多9點幾就走，送埋我返屋企。

佢成日都話唔會回望過去，要展望將來。又話總係想黎緊果個係最後一個。我覺得......有d暗示成份喎......

今日走左之後都有sms黎。

聚集期

訓到12點幾，起身整網頁，又要準備出門口。今日係同親戚食飯的日子。

遲左出門口但係去到時間arm arm好！食完飯返屋企。駭然發現阿媽穿左妹妹的鞋！好搞笑！

游水

訓到11點幾起身，睇埋個『剪刀、石頭、布』的大結局，ok啦，許紹偉不算很帥，不過還ok啦。之後梳洗一下，6點多就到火車站跟leo會合。他今天約了我放工到我定附近游泳。在火車站附近居然遇到嘉輝表哥！原來他跟他的朋友約好去看大學同學的bb呢~！

跟leo到mcdonald吃點東西，填一下肚子，因為今天我除了零食什麼都沒吃過，怕到時候有氣沒力游。邊吃邊討論今天晚上，uwants朋友們出去吃飯，還有看戲跟唱k。當中不受歡迎人物阿水也會去，我們在擔心他的目標阿mie會不會出事，所以致電author跟阿峰去看顧一下，最怕阿mie喝多了。之後我們到游泳池游泳，人很多，今次是今個夏天第一次到這個游泳池游泳了。leo以前是救生員，他四式都曉得，而我呢，當然也不可以讓人看小。沒有停頓的就游到對面，真是x一把汗！我跟mandy去游的時候，20個池也只會有1,2次可以不停的游到對面。大概游了6個池吧！其他時間都是在池邊聊天，leo平時游泳游一千個！！嚇得我~

可能是談游泳吧！他變得多話起來，好像是想問我去不去書展，我是不想勉強的去了，我都不會買書的，而且會很逼，所以還是叫他約別人去了。他糾正了我蛙式的泳姿，說手划得太大了，會阻水，所以游得慢了點，而且節奏也不太好。>_< 好吧！我會努力的改的啦！

游完水我們去吃了點甜品，到公園坐坐說話，就回家了。

說實話，我喜歡有點傻呼呼、cute cute的男生。leo是這種，不過他也不多話的，就這點可惜，而且年齡差距也是考慮的重要因素。反正，還是做做朋友吧！

翠華食飯

今日返工完全冇心機做野，一黎跟緊兩張sir冇咩進展，做local client果度更加係一籌莫展添！

放工約左oscar同埋gary 8點半食飯。所以我放工就去左cwb睇漫畫，同rorris一起坐mtr，傾左少少野咁啦。睇完漫畫就同gary約左係sogo度見，點知得返gary一個，原來oscar佢唔舒服，夜d佢都唔去阿v同maymay度clubbing啦。

我同gary去左翠華度食d野，去左sogo度行個round，眼見做緊大減價，不過我唔like同男仔去行街o既，所以就冇睇到。行下傾下，之後坐巴士去到沙田火車站再坐火車返屋企。我而家先知原來cwb有巴士去到沙田火車站，都幾方便，下次可以搭呢個返屋企。同gary都係左傾又傾d野咁，唔算好多野傾，間唔中講下佢工作上的野，大家都係IT人，多d topic o既。之後佢送埋我返屋企就講下屋企人呀、中學d野呀咁。還可以啦，不過已經出黎過3、4次，都仲係好怕冇話題，我覺得佢都係太靜，應該都唔係好arm我。

飯聚

放工約左joey, fion同埋coleman係尖沙咀食飯。其實係coleman自從上次之後就叫我介紹女仔俾佢，咁又係呀！兩至三年內要結婚，真係要快d搵到女朋友先得。於是我決定約左阿roy的中學同學joey同fion出黎食飯，事前都同雙方講左唔好expect 有靚仔、有錢仔定係靚女、富婆咁嫁啦。

我7:10就到左尖沙咀，接到joey電話，原來fion同一個女仔朋友行緊街，一起黎食得唔得，咁我of coz冇問題啦！都係識人之ma，多個人多雙筷。等緊coleman時yvonne又打黎話佢行緊causeway bay開倉好抵，不過我去唔到啦。佢冇咩地方去，於是咪叫佢過埋黎一起食野。

整餐飯我覺得ok，起碼唔係deadly slient，其實我最怕就係死寂。coleman發揮佢多野講的性格，fion又係多野講o既，所以都幾多野傾。joey怕生，所以都幾靜下，rebecca其實都唔錯。叫下食下，食下傾下，yvonne黎埋，跟住eric都放學黎埋。可以散band。

走的時候eric同yvonne唔識做啦！今晚明明係介紹coleman俾其他女仔，佢地串我同coleman做咩？俾fion, joey同rebecca聽到，咁今晚的目的咪冇晒？再者我拒絕左佢啦ma，佢都唔會再同我表白嫁啦，怕食檸檬。佢咁結婚oriented，唔arm我。so eric同yvonne講笑，要睇場合啦...=.="

睇下幾時再約另一個男仔同佢地見面。=p

英仙座流星雨

未來兩月現多次流星雨11/07/2007

【 本 報 訊 】 流 星 雨 天 文 奇 景 未 來 兩 個 月 將 陸 續 降 臨 ， 其 中 下 月 中 出 現 的 英 仙 座 流 星 雨 ， 預 計 在 高 峰 期 時 每 小 時 將 有 逾 百 顆 流 星 劃 過 天 際 ， 蔚 為 壯 觀 ， 香 港 市 民 在 東 面 及 南 面 郊 區 有 機 會 親 睹 天 文 現 象 。 但 有 觀 星 「 發 燒 友 」 指 ， 香 港 礙 於 空 氣 、 環 境 因 素 影 響 ， 相 信 觀 賞 效 果 欠 佳 。

高 峰 每 小 時 逾 百 顆 據 中 國 科 學 院 國 家 天 文 台 稱 ， 由 現 在 至 下 月 十 五 日 將 出 現 魔 羯 座 流 星 雨 ， 本 月 卅 日 左 右 達 到 極 盛 ， 而 本 月 廿 八 日 亦 有 寶 瓶 座 流 星 雨 。 下 周 二 起 至 下 月 廿 四 日 則 可 觀 測 到 英 仙 座 流 星 雨 ， 當 中 在 下 月 十 三 日 晚 十 時 前 後 將 達 到 極 盛 狀 況 ， 最 高 峰 時 每 小 時 將 有 逾 百 顆 流 星 劃 過 夜 空 。

天 文 「 發 燒 友 」 鄒 永 健 指 ， 英 仙 座 流 星 雨 特 性 是 較 光 亮 ， 尾 也 較 長 ， 「 有 足 夠 時 間 畀 人 許 願 ！ 」 由 於 流 星 雨 均 是 東 升 西 落 ， 市 民 可 到 東 面 及 南 面 空 曠 地 點 如 石 澳 、 赤 柱 泳 灘 或 大 美 督 等 觀 賞 。
另 一 天 文 愛 好 者 高 子 翔 則 指 ， 魔 羯 座 及 寶 瓶 座 流 星 雨 體 積 較 小 ， 就 算 是 體 積 較 大 的 英 仙 座 ， 也 受 空 氣 、 環 境 因 素 影 響 ， 市 民 所 看 到 的 流 星 量 僅 是 原 來 的 兩 成 。

8月12日
英仙座流星雨
極盛期每小時100顆。

http://www.starrix.hk/starrix_phe.html

史力加3

6:45放工就過去鑽石山度搵阿清佢地，今日約左大家睇戲。其實有好幾個我都唔係咁熟o既，不過唔緊要，author我成日同佢傾開，好d。我地分兩批人，一d去睇史力加3，一d去睇x屍‧索女‧機關槍。阿峰、阿mie、author同我去睇史力加3，見阿峰對阿mie關懷備至就知有野啦。不過聽講阿mie當佢係普通朋友，我同author留意事態的發展。

開場冇耐，我就貢獻我兩包m&m出黎，睇到一半見阿峰除衫。ha，一早就同author講，阿峰咁熱都穿兩件衫就知係有料到啦！而家凍囉，咪除俾人穿囉！呵呵~ 台上一套戲，台下又一套戲。散場係出面搵返索女果邊d人，一起去左附近的茶餐廳叫餸食飯。由於都過左9點幾女仔都食好少，所以埋單每人都係$27咋！

之後就坐巴士返屋企lu。

OT

今日開始唔洗化妝，準時返工冇再遲到！今個week就係day day full，得今日冇約，所以都特別的留低做埋d野，OT做樣都要啦。OT到7點半想話走果時，見anthony執野走，就諗住等佢走左先，費事一起走又冇野講咁embrass啦！

又估唔到佢走之前會過黎同我吹兩咀喎！haha~

每當變幻時

訓到點幾兩點先起身，成個week 晚晚都訓得5,6個鐘，今次補返晒。4點到落去做個facial就出去旺角，約左新朋友Leo睇戲。我早到去左joy & peace買左對鞋，因為而家穿緊果對實在係太痛，因為平野，手工唔好，頂住對腳。買完冇耐leo就黎到了。本來想睇『跟蹤』，因為同事henry話故事好緊湊，不過冇得做，所以就睇『每當變幻時』。

先去食野。好搞笑地leo打俾佢朋友問新世紀有咩好食，大佬，食飯o者，唔洗咁誇張掛。行左幾個圈，我決定都係由我是但指一間，去左food court隔離o既泰國野度食。leo 好少野講，其實我都估到，上次飲野佢都冇咩野up過。我問下佢工作d野呀，又傾下我地uwants朋友仔的八卦野咁，佢都多左野講。之後我地就去百老匯睇戲。

套戲唔錯呀！係就係老土嫁啦。如果俾你係呀妙，你會唔會選街市仔？如果你係佢，到最後見到魚佬結左婚，你會唔會後悔？係阿妙爸爸走果時，我都有d忍唔住借左張紙巾。散場後leo問我愛情事業會算邊樣，我好老實咁講，如果我係阿妙，我都可能會同佢做一樣的決擇。即使之後會有一剎那的後悔，我都唔想嫁個街市佬呀！咁樣係市儈嗎？阿妙後黎幾好呀！終於可以開展自己的人生，不過事業愛情，總係不可共存o者。

之後我地落左尖沙咀食糖水，再行下海傍傾下計。聽leo初戀的故事，真係好sweet，真係幾感激係呢個人生中有咁多呢d傻傻地的事發生，先會令我地而家回想起黎咁開心。

出show@水陸墟

訓左幾個鐘又起身，因為今日要出show。不過今次我就冇再化妝同埋著靚衫，因為經過前幾次經驗，應該場地唔會係好好嫁啦。

準時12:15分係大埔集合，咩都冇食，就急住記歌詞同埋問ricky拎d meldey o既音樂。星期二只practice過一首獨唱一首合唱，另外一首合唱同埋兩首meldey 都未夾過，所以好驚。係新達隔離坐接駁巴士就去到水陸墟，好一個偏遠閒靜的地方。面對吐露港的景色，沿岸走過條長廊，就到左我地要表演的stage。一如想像，唔多人囉。呢度係新開的地方，俾人擺攤位，我去到果時都係得工作人員係度。

一見到daisy就即刻捉住佢去practice首『有你真好』，高音部份好怕走音。趁有時間我都入去行個轉，食左串燒賣同買左枝野飲。兩點幾正式開show。

表現好壞參半，第一次一個show度唱5首歌，『有你真好』真係衰左，不過ricky話我同daisy把聲夾，佢去買野飲果時邊聽邊覺得似歌聲唱歌，叫我地再practice一下，遲d可以再出show試。至於其他歌，有d唔記得歌詞有d緊張咁。到5點幾場show完左，我就同ricky、rebecca、阿峰、ben哥哥一起坐的士返火車站。阿峰媽媽原來入左醫院，希望佢冇事啦。

之後就出左去寶林o既美心同屋企人食晚飯，補返父親節果餐，用埋個coupon。
十點幾eric打黎問我去唔去唱k，我成個week得今晚係有陪屋企人食飯仲係可以早返屋企，下午又出完show，所以都係唔唱lu。

e-Match matching party

今日盛裝打扮，因為要參加isabella搞的matching party。由於今日jones上左大陸office，我地勁free。一返到去就俾anthony 捉住要審視我今日的打扮。不過意見都幾正面，今日呢個紫金妝都獲得讚賞，白色裙都唔錯，配埋我對閃靚靚o既涼鞋，我覺得都幾good嫁。不過眼睫毛就真係好煩，長期都覺得佢篤落眼度，一掂佢，佢就跌黑色粉，一抹就大獲。結果到放工果時我d mascara都差唔多冇晒。

問各同事借d用品補補妝，7點就同anthony一起出發。不過戴con真係好累同好乾，根本就好想訓。anthony都睇得出我好冇精神。係地鐵度撞到佢地team的thomas，thomas問有冇阻住我地拍拖。haha 我地逼於無耐都要對佢和盤托出，講佢知我地今晚去參加matching dinner啦！

搵左一陣先搵到間herbal cafe係邊，都係我唔好，睇地圖睇得唔arm所以搞到我地都遲到左少許。herbal cafe都幾大，e-match包左間房仔，去到時都坐左好多人。為左大家的利益，我同anthony分開的坐係唔同table，免得損失左識其他男仔o既機會。坐係我對面的KC原來係我一早就識，另外anthony chu的朋友louis我見過相，wilson的兩個朋友....結果成個table5個男仔，等一個係真係完全冇關係o既。

食飯玩game都冇咩值得提。玩game時同anthony傾開，佢話佢冇睇arm，但係有兩個都幾靚嫁喎！之後到speed dating環節，即係同每個男仔有8分鐘獨處o既機會。呢個先係最難捱的地方。為左避免deadair，只好咩都拎黎講。只有同anthony果8分鐘係對free o既。因為唔洗再講埋d互相認識的野。anthony仲教我搵女朋友係唔可以搵靚女，因為做靚女的男朋友好難，除左要做個好男友之外，仲要做晒個女仔之前所有男友做過的好事，一定會好辛苦。haha聽佢咁講，又真係幾有point喎！睇佢手上的表，紀錄住同佢傾過計o既女仔，係remarks果度有個bar 由0-10分，我見有個有10分，有個冇分tim！haha 我即刻係自己果條bar度填上10分。

anthony又趁機的問我拍左幾多次拖呀，對上果次點解散呀咁。又俾佢捉到機會問我呢d野，上次旅行時只有佢講，我、everlyn同henry都冇講到呢~ haha。我又問佢佢咁識照顧人，係咪因為之前失敗左好多次的鍛鍊而得出黎o既。嘩！佢幾咁大反應呀！重新的再講左次佢只拍左一次拖，而且仲係佢飛人，佢係冇俾人飛過o既。真係超級好笑，我估全場d人都知道佢只拍過一次拖啦！咦？可能佢o既目的就係呢樣！都叫老謀深算啦~

neon呢，我覺得佢係睇中嫁啦，不過佢就怕人地覺得佢細。我同neon都冇咩傾，都係講公司野，悶死人。完左之後，我地相約去飲野，叫埋anthony chu同埋wilson出黎tim。我就主力唱歌，因為佢地講咩我都聽唔到又插唔上咀。之後anthony走過黎我隔離同我唱歌，仲細細聲講，我隔離個KC對我好似有d野。嘩！撞鬼囉佢！原來頭先陰d陰d同isabella係度細聲講大聲笑就係想屈我呢樣！服左佢地。差唔多1點就走，同neon同路，坐van仔返屋企。2點先返到，又拿拿聲訓。

戲王之王

上次食飯的gary約左我今晚睇戲。一放工就要趕去旺角新世紀度搵佢。先上food court食d野再入場睇戲。

戲王之王我覺得幾好睇，有詹瑞文同阿sa。詹瑞文都真係幾勁，做得好搞笑，好多位都令人忍俊不禁。成場其實好多時都係大家一起笑。當講到詹瑞文的感情線時，我都有少少感動想喊，不過唔可以整花個妝o既，忍住。

睇完我地都走，都係一樣送我到屋企個火車站度。之後同樣係收到sms，一樣話係覺得今晚好開心，同埋珍惜同我一起的時光。仲話想keep住見我。msn 時仲send埋d "I want to take care you" sth like that. 太誇張了吧！才見了兩次面就說這些。現在的人是怎樣了啦？！

不過佢講得最arm聽o既，仲係讚我OL Look好得呢句說話。呵呵呵呵~

上堂 + 練歌

原本星期三先上堂，不過因為今晚要練歌同埋聽晚有野做，所以上堂都改埋今晚上。

上堂阿sir又係度up野up左好多時間，結果開聲開得好少。我不停的聽kary的逼得太緊，因為上次阿sir建議我可以試下唱kary d歌，又話我聽埋d冷門歌，所以我都想試下今堂唱。結果唱完聽到有同學話我唱得幾好，阿sir d評語都話我聲線控制得好好，不過...果d吸氣呀其他野都好多要執。都幾開心！原來聽左十幾廿次唱出黎的效果都唔錯喎！

成十點幾先開始練，因為星期六出show我要唱一首獨唱、兩首合唱、同兩首串燒歌，今晚就只練到其中兩首，就要趕火車返屋企了。

睇打波

今日返工又遲到，趕唔切帶衫去打波，所以決定都係去睇人打算。基本上運動係我o既弱項。

放工d同事約埋一起去打藍球打街場，我就索性坐埋一邊幫佢地睇袋之餘，我仲可以練歌。阿kay話我成個師奶咁縮埋一邊唔郁唔出聲，仲叫我除鞋出去打。嘩！如果俾佢地踩到一野，我就死得啦！而且我都唔恨打。

原來wendy同coleman打藍球好勁！wendy係完全唔怕男仔咁走入藍下，而coleman佢好遠射都射得入，成個神射手咁款。打到咁上下，我地就去太古坊的泰國野度食飯、傾下計咁。

之後返到屋企都11點幾12點。

雀局

訓到晏一晏，冇錯！點半先起身，但係話左兩點係manfred屋企打牌。-.-" 所以咪大遲到囉。

拿拿聲梳洗出門口，去到manfred屋企都4點。樓下仲見到有巡遊，應該都係回歸的慶祝活動吧！

上到manfred屋企，叮返熱個pizza食先！我未食晏嫁大佬！alice好日唔打，一打就輸得好慘，於是我醫飽肚就落場，睇下究竟邊個黑d今日。打完發現原來今日我win呀！雖然唔多，win左$12。原本可以win$80走o既，不過最後搏一搏輸左俾manfred。但係完全唔緊要，意頭最重要！win住走先係最重要！

打完落街食飯，alice請左我地呢！之後去食埋糖水，洗埋果$12。咁就返得歸啦~

全日台劇

7月1日回歸大日子，我都回歸於屋企，一整天都係屋企睇台劇。同埋同新朋友leo sms。