Many little things: 03.2005

真係激氣！

今日係復活節後第一日返工。尋晚12點幾睇完漫畫，良心受責，讀左一陣普通話，1點就係床度想訓了。點知個妹同人地傾電話傾得好大聲，都唔顧o下我o既~ 我又有少少八卦，堅持住要聽多陣先，咁就又搞到2點幾先訓了。今朝起身好辛苦，撞正火車有故障，遲左少少返。跟住返黎check email收到netvigator張單，又收多我錢！仲多過上個月！

原因係咁o既，我個account 度有個file cabinet，因為我1月尾果時想俾d相人地download，所以係個account度見到有個咁o既function可以share d野俾人，於是我就用啦。點知原來係要收錢嫁喎！佢唔講我又點知o者？！佢應該係唔好俾我入到佢果度ma...果版又冇一d 字句去提醒返d客戶。仲有個email account呀！明明得果8mb，個quota居然自來動set係18mb，即係就算email超出quota都唔會alert我啦！上個月我打去問，先知呢d野，就即時delete左d野同改返個quota setting。點知今次仲有！佢話係截數日的問題喎！我唔鬼知佢啦！我mark低個customer service的名，下個月再係咁我真係xxx佢！

都係要寫封投訴信去netvigator度先！！

夜晚放工坐巴士，車尾又撞到果班男人（之前都係一起坐呢架巴士）。當巴士駛到去佐敦地鐵站前的交通燈位等轉燈時，忽然聽到其中一個男人講﹕「你地睇ｏ下！出面果條女呀，以前好索嫁！眼又大，身材又勁，不過係我arm arm出黎做野果時lu。」我不禁一起望向出面果個女人。佢年紀都有返咁上下啦，對眼冇乜神，可能因為累了，呆坐係街邊好似個報紙攤的位置。再望返o下講野果個男人，都咁上下年紀了。佢同佢d朋友繼續評論個女人，架巴士就開左啦。呢一刻的心情真係有d感觸。當然就係年華老去果隻啦，十年前好索，十年後成個師奶咁，仍然係同一個地方度坐。仲要俾d男人評頭論足，真係咪話唔心up。

家有菲菲

原本今晚約左人食飯，又取消左。結果好懶咁係屋企又睇vcd，都冇溫書呀！！唉...實在太懶了。睇電視見到講果d『隱蔽青年』，我就好似佢地咁，又守唔到時，又好懶，乜都唔願做。好彩的係我有讀上黎，我又冇玩online game，如果唔係我就又迷左入去嫁啦！

夜晚一定一定一定要，溫o下書！

聽日去街要約yvonne，我差d唔記得左，好彩都係carrie打黎提一提，即刻約佢，佢話ok呢。

家有菲菲中的插曲，好好聽呢~

我不想忘記你
曲：黃忠平詞：嚴雲農編：呂紹淳
我在向前走卻像在後退
我在用想念狂歡寂寞
越快樂就越失落
愛將我們高高舉起以後
再讓心學會墜落
懷念著寬闊的天空
雖然那裡空氣很稀薄

* 我努力想起你笑著哭泣
讓自己深愛你再學會放棄
我不想忘記你
就算可以我寧可記得所有傷心

# 我努力想起你哭也沒關係
用祝福和感激勇敢失去你
愛你這個決定
難然艱辛我不說對不起

一個人不懂什麼是擁有
兩個人不懂怎麼把握
越在乎就越脆弱
愛將我們高高舉起以後
再讓心學會墜落

懷念著寬闊的天空
雖然那裡空氣很稀薄
Repeat * # * #

Howl's moving castle

今日訓左7個多鐘就醒左了。又休息睇左漫畫同卡通，夜晚去左睇戲。睇呢個『哈爾之移動城堡』，其實之前睇左老翻嫁啦！不過又想出街，又冇咩節目喎，加上朋友未睇過ma。不過係戲院睇真係好睇d o既呢！因為一大班人一起睇，有笑位果時大家一起笑。我自己睇果時都冇笑到出黎，係覺得幾開心咁。不過今次係戲院睇就有同埋其他觀眾一起笑。Howl好靚仔，女主角都好靚女，個粵語配音好好聽，都唔會比木村拓哉的日本配音差。其實我諗佢係用返一直用開o既配音員呢！個配樂先係最正，聽好多次都好好聽。以前果d o既配樂都好好呀！

骨質疏鬆‥‥‥

復活假的第一日。

訓醒覺同媽咪去左watson's 度check身體。佢有counter 免費幫你check血壓呀、脂肪比例、骨質疏鬆，如果俾$30就會check埋血糖果d。其實正值盛年的我身體都係唔錯，血壓果d都冇問題，連糖尿都ok喎！你知我啦，唔甜唔食嫁ma。反而係身體的脂肪比例就arm arm 達標，係一般同肥胖之間的中界線，都當我pass左，不過當然最好就係減o下肥啦。另外骨質疏鬆先係大問題，應該要高過2 o既，我只有0.8，即係唔夠鈣。而家後生都仲冇事，老左就大件事law，d骨脆易斷。或者要飲多d奶同食多d鈣片先得啦~

夜晚清左好多漫畫，睇左full house呀！睇到3點先訓。原來個漫畫同個電視劇都真係差好多嫁！

復活節假前夕

返埋今日就放假了。下午約左朋友食lunch，pizza hut。好耐都冇食過lunch set啦係pizza hut。除左2年前係it trainer果時。朋友有張半價卷，點知原來18號過左期，個女侍應望o下張卷，話俾我地有折喎！當佢自己睇唔到喎！wah..乜咁好人o既d侍應而家？！唔通劉德華教左佢待客之道？！如果半島呀，ruby tuesday呀d侍應都會隻眼開隻眼閉咁俾我半價食野就好了......

返黎pizza攻心，好想訓覺。點知同表哥斷斷續續咁傾icq，愈傾愈起勁，真係一發不可收拾！！！

放假的心情‥‥‥已經淹沒左我的理智了。

小城知味

夜晚約左it trainer d人食飯。

放工果時天陰陰，行緊去巴士站果時就忽然下起大滴大滴的雨了。我係個天橋底度避雨，離個巴士站仲有一段路。趁細雨時就走多左一半，又係另一個天橋底度企。一架巴士埋黎放低左個師奶，佢跑過黎一起避雨，就撩我傾計了。(好熱情呀佢~) 問我係邊度做野呀，又講o下天氣咁。見一個有傘的男人行過，佢去問佢可唔可以遮埋。不過個男人唔多願意。佢話因為佢老了，叫我d後生的出馬。佢大概以為我地都同路，我會順便幫埋佢掛。其實我地係反方向的，我去巴士站，佢係要離開巴士站。一個女人經過，我走上去幫佢搭訕(傘)啦，原來呢個女人係講普通話的，我用我半咸半淡的普通話請佢幫手。佢明我講咩嫁！but 果個師奶就唔識同呢個女人溝通。個女人其實係去接佢仔仔放學的。我唔理三七廿一都推左佢兩個走，只要佢帶個師奶去有瓦遮頂的地方，佢就可以自己離開的了。同佢地say左bye之後，就係巴士站遇見ryan。

今晚見到呀ryan女友，係我第一次見咋！我地係海港城「小城知味」度食飯，食左好多好飽呢~ 其間氣氛都仲算好，起碼唔多deadair先啦。果度o既湯丸唔錯呢，個皮好薄，正！之後去左city super 買左果包好好味o既朱古力，steven叫我請佢食一粒，我都冇呢！呵呵...咁多人，一開就一人一粒冇晒啦...貴野黎嫁！買黎俾個妹試o下嫁！=p

訓覺聽到阿妹唔係同平時傾開果個傾計喎！好似係工作上識到o既，有冇咁熱門呀佢！！
-.-"

借左書

呢排聽d friend 都對finance/投資方面o既野好有興趣，我自己都有嫁，只要可以將d錢愈滾愈大就有興趣嫁啦，呵呵~！尋日alvin講得好pro，又要睇財經，雜誌，新聞，書，再要搵埋d software，再自己predict，實在有好多野我都唔明。所以今日都去借左d 書黎睇，諗住係公司有時間就會拎黎睇o下啦，都係係library 借o者。

Business finance: theory and practice
Financial management for non-specialists

我都唔知呢d書有冇用嫁，借黎睇睇先law。而搵左d e-book 係hku個library度，係關於master d 科o既，得閒咪又睇o下law。係大學度唔吸收返d書卷氣好似唔係咁好咁。

不過話時話，港大個圖書館都真係幾靚，冇poly果個咁衰。入poly果個個感覺好侷促，唔係咁舒服，不過港大呢個又大，個設計同中央圖書館o既差唔多，幾開揚幾舒服嫁！如果唔係趕住返屋企，係圖書館度heir o下都真係唔錯。又發現一個好去處！

呀！仲有，係條路邊有一棵唔知咩樹，佢好香呀！行過聞到d香味都好開心~

Suzuki cafe

今日返工都係幾懶散，你知啦...星期一症候群，又係度諗復活節有咩做，諗左成個月都諗唔出d咩好o既idea。應該會同媽咪去離島行o下掛...上次都去唔成。gary話去海洋公園ma，睇o下約人約成點先啦。

急救今日放榜啦！合格左。不過我都唔係有好大o既喜悅，因為基本上都唔係咁重要。

夜晚約左alvin食飯，都好多個月冇見law。去左朗豪坊度食，今次我choose左係Suzuki cafe度食呀！之前係weekend見過話唔錯ma，食左果個x牛肉pizza，x蠔飯，三文魚沙律，仲有甜品係白朱古力堡壘同埋豆腐cheese cake。份量其實都幾少嫁，因為alvin 病arm arm 好食得唔多先夠咋。但係d野都幾好食，我鍾意食個pizza。一路食一路傾，之後alvin要去拎cd，去到simcity，我見好多人呀..我就冇等佢啦，走o既時候見到ps2碟老翻$100/17隻！！都睇中左一d game，不過又怕佢叫我成個鐘之後返黎拎，都係下次出開黎行街先買啦，而且我自己d碟都未打晒。

alvin話我『淡定有錢淨』~ 呵呵~ 承你貴言！！

喉嚨痛

訓醒睇左陣卡通片食埋飯就開始溫書了。60篇o既文章到而家只係讀左40篇到，至於自由題o既稿都未作，單字又未熟晒，之前miss俾果d模擬測驗都未有時間做。仲有3個星期咋！！溫完書就開始喉嚨痛了，夜晚都係俾個喉嚨休息o下，睇左個漫畫就訓呢。

聽日就係急救補考個成績出爐之日了。

計過了，上master、旅行的planning、學車、學唱歌、蓄錢o既planning、投資的planning‥‥‥
實在冇可能係近期內實現晒所有呢！唉~ 有d沮喪。

好魚~

今日朝早有d唔舒服。

聽到mario有master讀啦！之後我地去左睇學車d野。係呀！又係學車呀！上個星期同mandy睇完，今個星期同mario睇。佢仲報左tim。我都會報啦！四月中等我考完試先啦！

係個店度我見到佢地穿黃色jacket的員工，咁我搵左個後生仔黎問佢拎資料啦！點知..-.-" 原來...佢係客人黎o既。佢地國美電器o既員工，都係穿黃色jacket嫁！！！天呀！！魚爆！俾我問果個男仔仲係度笑，耐唔耐又望過黎笑..-.-" 我仲俾mario係咁篤我個頭話我蠢呀！唉...

我都真係要睇o下d投資野啦！

都仲係冇溫過書..-.-"

人事

真係．．．周圍都有ｄ令我唔鍾意ｏ既人ｏ既。
就好似我個對上個上司，本身個attitude俾人就係一個唔好o既感覺。笑又笑得陰森，成日趙香口膠趙到o即o即聲。根本就俾人一個唔好o既感覺，雖然佢對我都冇咩野。

至於d同事就真係..唉..可能大家都做左十年啦..全部都有惡習。有d就咩都唔願做，死話自己忙，又成日玩針對，脾氣又唔好。有d呢就好似好精乖伶俐咁，其實咪又係衰o既，想擺住公家機都夠膽死，叫佢拎返出黎又左up up 右up up，唔願唔願咁。又有d 長頭草，係兩個黨之間擺黎擺去，見人話人話咁啦。

我就冇咩所謂啦，又唔關我事。

財政預算

唐英年公佈左佢的財政預算案都好幾日了，報紙不停都有關於佢的消息。各個政黨見香港經濟好返，都紛紛要求減呢樣減果樣。當然，有得減就梗係好嫁。不過，我又覺得佢地好無謂喎。今年收入好左，大部份都係因為賣地的收益多左ｍａ，而且財赤仲係度，只係已經比較樂觀的態度而已。加上之前港府發的債要還，其實真正的危機都仲未渡過。香港咁大盤數，唔通今年收入好左ｄ就減呢樣減果樣，下年差啦，就加呢樣加果樣咩！梗係等個勢穩定ｄ先至俾返多ｄ福利出黎啦。而家有ｄ小恩小惠係正常嫁喎！

我都知ｄ政黨要做的就係為市民爭取，以博民心。只不過你提出，唐英年都講左咩理由，而且仲係好合理ｔｉｍ，仲要係度嘈！

成熟的人

今日有個網友問我﹕「你係咪一個成熟的人？」
我梗係反問返佢咩叫成熟啦。
佢話﹕「俾人就，好似俾人可憐咁!成熟既人都會咁講。」
我問﹕「如果俾人就 = 有人錫又點睇呢？」
佢話﹕「有人就妳可能因為某種壓力，所以先就妳! 而錫妳係發自內心，愛或情!」

ha...完全令我好意外。呢個icq 寫o既年齡係27 o既人，覺得俾人就係俾人可憐，係一種恥辱。

咁我又諗，咩叫成熟。可能懂得體諒人o既人就係成熟o既人law。
我諗每個人都會想俾人就嫁啦~ 因為有時就本身就係一種錫你愛你的表現。如果一個成熟的人係要「不屑」俾人就，而且仲成日「可憐」人地，咁我一定唔係一個成熟的人了。因為我唔介意有時就o下人，but都好需要人地就我。

講呢d說話的人，我估，就只有一d自尊心好強o既男仔。佢地總係覺得自己唔可以俾人睇死，唔可以俾人睇到佢脆弱的一面，面對咩人都唔可以示弱。佢地覺得咁係男子漢的堅強。亦都即係成熟。

照佢的說法，一個成熟的人一定要同一個唔成熟的人相處先會覺得開心。因為有人俾佢施捨o下，咁先可以show到佢有幾咁堅強同成熟。如果兩個咁成熟o既人係埋一起，你又唔會俾佢就你，佢又唔會俾你就佢‥‥‥ -.-" 好難想像。

其實聽到個netfriend講句咁o既野，我覺得佢too naive。世上真係咩人都有。

整左啦！

今日整左鳥結糖同埋糯米糍。鳥結糖睇黎都好易整，其實係有個難處，就係叮熔左d棉花糖要超級快速咁加奶粉同花生再攪先得。因為眨o下眼d棉花糖就凝結了，變左一pat pat好樣衰~之後雪極都係痴笠笠，最終要sum d 糖粉係面。非常甜~

糯米糍就真係大獲啦！個份量原來成40幾隻有多o既，一整就成個下午冇左了。因為買唔到芒果，只好用香蕉代替。不過我盡量整到佢皮薄餡靚嫁啦~食落...都ok啦...不過屋企人話唔夠甜呀d皮。食咁甜冇咩為o者~ 糖尿呀因住！！

後日

後日我放假，之前已經想好果日要整野食嫁啦！原本想整晚餐的。可惜搵黎搵去d食譜，正餐果d 普通過普通。我就選左呢幾樣，睇o下會唔會做到？！

炸香蕉 (甜品)
Tiramisu (不過我唔食的，有邊個會肯食呢？！)
蝴蝶蛋散 (阿媽鍾意食嫁！不過做唔做到都係睇阿媽俾唔俾我炸野啦。)
Melty kiss 朱古力 (近黎成日食，仲整？！)
朱古力火煱(呢個好易，不過‥‥‥後晚出街食飯喎‥‥‥)
芒果燸米糍(必整！！！)
鳥結糖(必整！！！)

-.-" 又係咁

就係一個人唔敢學先叫埋人地一起學o者~ 講果時又大家都好興奮，又話想學。到真係問到話報果時，又縮沙！學車就話真係貴o者~而且又真係未有耐有用住。唱歌又話都有興趣o既，而家又話冇啦。所以話靠人就真係麻煩，最好就自己理自己唔洗靠人。

可惜我一向都係個好受人影響o既人，自己一個人學，我會驚的。唉‥‥‥

French lesson 2

F: Hello, sir.
F: Bonjour monsieur.

M: Hello, miss.
M: Bonjour mademoiselle.

F: How are you?
F: Comment allez-vous, monsieur?

M: Very well, thanks.
M: très bien merci

F: Are you American?
F: Est-ce que vous êtes américain?

M: Yes, miss.
M: Oui, mademoiselle

F: Do you understand French?
F: Est-ce que vous comprenez Français?

M: A little.
M: Un peu

M: I understand French a little.
M: Je comprends un peu Français

F: You understand very well.
F: Vous comprenez très bien.

M: Thanks, miss.
M: Merci, mademoiselle.

F: Goodbye, sir.
F: Au revoir, monsieur

M: Goodbye, miss.
M: Au revoir, mademoiselle.

French lesson 1

English - French

M: Excuse me. Do you understand English?
M: Pardon. Est-ce que vous comprenez Anglais?

F: No, sir. I don't understand English.
F: Non, monsieur. Je ne comprends pas Anglais.

M: I understand a little french.
M: Je comprends un peu français.

F: Are you American?
F: Est-ce que vous êtes américain?

M: yes, miss.
M: oui, mademoiselle

因為只有個聲，d notes都唔arm o既。呢d都係一邊查字典，用translator 整返出黎咋！對返個聲大部份都arm，只係最尾果個 "yes, miss." 似乎差緊d呢！因為佢好似好多個音，但個字就好似好短咁。

考車...-.-"...無望

今日放工，放棄左做gym，約左人去報學車o既。點知1點等人地等到3點！2個鐘呀！！好在我去左食pancake，又睇左陣衫先o者..but 都企左係度差唔多9個字呀！唉..之後去問d詳細，最後都係冇報到。我地都係dig唔起心肝去學呢！返而去問左唱歌班。學唔到車，或者學唱歌！！！

點都要學d野嫁啦！！

去左旺角果間水道橋試左，真係唔掂嫁！千其唔好去！因為ｄ壽司超細件，果個三文魚壽司做緊$9/2件，不過2件先等於你係出面食o既一件。你食左都唔覺係左野咁。人地「峰壽司」咁出名呀！三文魚$9就真係$9/2件正常size啦！有心做就咪做得咁寒酸啦~我見只有叫$45果d壽司先係正常size嫁咋！

好suprise呀！

下午收到中大電話，話佢都收我呀！而家有理工同中大choose。計學校同學科，都似乎係中大好d啦！不過理大我有同學仔一起讀，地方又熟識，而且佢o既course係有CEF Fund o既。真係唔知choose邊個好呢！

不過真的好出奇，又會收我o既？可能真係如manfred 所講，而家冇咩人讀IT啦！仲要係master tim！咦？如果係咁，會唔會港大都有可能收我呢？！(ha...似乎太過天真了)

咦？考試？

呢排晚晚都keep住讀普通話，希望仲趕得切拎返個二乙返屋企啦！急救補考個result好似下個星期就知了，不過都唔係好緊張。而家返工都係一般休閒啦！成個project自己做，真的係自己supervise自己咁滯。不過我係時候要搵d 電腦書睇o下，一係就問人地介紹d書學o下，咁近城隍廟，冇理由唔求返支簽o者！去圖書館借書睇又好，去sit人地堂睇人地notes都好。黎緊master 係真係不容有失，只可以有一次retake o既機會，絕對唔可以ya ya 烏就過左去。

返屋企收到封信，原來係好耐之前報o既政府工，而家叫我去考試。又係果d 中文英文apitude ，再黎就係essay，一考就7個鐘。都會去考啦！始終都係一個機會，而且時間又許可，份工好過我而家果份嫁！我指人工。可能考之前果幾日睇o下d 英文咁law...^_^

激死我啦！！

真係激死我啦！我做得都幾辛苦o既smart draw file，係我做緊o既時候唔見左喎！我save又save唔到，咁我close左佢諗住再開過啦，點知已經搵佢唔到啦！完全唔知佢去左邊，我search過成個電腦都冇呀！！

唔通要我重頭做返！？

嗚‥‥‥

尋日溫左一日書，今日就開始懶了。起身睇左w-wish，係個無厘頭o既卡通片呢！冇頭冇尾得啖笑咁。個主角仲要係唔靚仔喎！一個就成舊木咁，一個就二pi雞。嘩！我真係覺得留鬚唔得呢男仔！不過都幾好笑嫁！

之後讀左幾次書，又忍唔住睇啦！今次睇呢個『最後兵器之彼女』，喊得好犀利呀！係講戰爭o既。都係一個細路女因事故入左醫院就俾人移植左d武器入去，變左個殺人兵器。日本仔最興呢d嫁啦！結果果個女仔人唔係人，兵器‥‥‥又只會將一個一個城鎮咁催毀。最後世界步向終結，而只有男主角可以生存‥‥‥好慘呀！喊左好耐，d紙巾都用晒了~！

普通話考試

就黎係普通話考試，今日dig起心肝溫左一日書。當然係訓左一場大覺先啦！訓到下午2:30-3:00嫁！之後就讀課文。

今日收到啦終於！^_^ 真係好開心。以為都係冇望了，不過而家真係希望在明天咁o既感覺！

急救考試

夜晚係急救補考，放工就直接去考試o既地方，點知早左半個鐘，朋友都未黎，只好係路邊等。天氣咁凍又企係街邊等人真係別有一番滋味。考試由A組開始，而我係E組。我出術選左考BB，不過非常之唔好彩，撞正上次考包紮果個刻薄師奶。都俾佢捉到幾個錯處，因為緊張，唔應該錯o既都錯左呢！希望會合格啦！

之後去左尖沙咀元綠度食飯，食左好多呀！有好多新款色呢！一邊食一邊聽到d令我幾suprise o既野。我係覺得果個人唔係好人嫁啦，不過冇想過佢咁o既o者！食完野就返屋企訓lu。

Yahoo 友緣人

無無聊聊就走去睇ｏ下ｙａｈｏｏ友緣人ｄ相。男仔女仔都睇左一千多個，搵到以下o既靚仔靚女。*.*好想識佢地呀！

仔

女

Many little things

3.29.2005

真係激氣！

3.27.2005

家有菲菲

3.26.2005

Howl's moving castle

3.25.2005

骨質疏鬆‥‥‥

3.24.2005

復活節假前夕

3.23.2005

小城知味

3.22.2005

借左書

Suzuki cafe

3.20.2005

喉嚨痛

3.19.2005

好魚~

3.18.2005

人事

財政預算

3.17.2005

成熟的人

整左啦！

3.14.2005

後日

-.-" 又係咁

3.13.2005

French lesson 2

3.12.2005

French lesson 1

考車...-.-"...無望

3.11.2005

好suprise呀！

3.10.2005

咦？考試？

3.08.2005

激死我啦！！

3.07.2005

嗚‥‥‥

3.06.2005

普通話考試

3.05.2005

急救考試

3.01.2005

Yahoo 友緣人

關於我

Links

Previous

Archives