好勤力

尋日失敗左所以好down，當然都冇心情去開工啦，結果都冇做到d咩。放工時同老細講果part野就黎做完，佢話『o下？咁你做咁耐？』我面無表情咁話聽日就得嫁啦。一邊返屋企一邊都驚驚地，又係o既，偷懶偷得我咁密，真係唔arm，聽日聽日一定要一早整好佢。

所以今日一返去就做野，icq都好少傾，整整o下又發現有bugs 又改，最後check埋晒再transfer埋去real server度都要下午先完成到。阿head send左email出去叫人地試我就完成左我的使命，又回復返冇野做的情形了。聽左陣歌就開始睇『達芬奇密碼』，亦係『達文西密碼』。Da Vinci係廣東係譯達文西嫁！上次俾朋友呃左，以為我記錯左達芬奇同達文西係唔同人tim呢！睇左8章，又真係幾好睇，唔怪得咁暢銷啦本書。

達芬奇密碼官方網頁 <=只有第一至五十章
達芬奇密碼 <= 有全本

夜晚返到屋企食完麵，又對住電腦，不過今次冇打機，反而繼續睇The Da Vinci code。睇到43章，快要大結局啦！收到人地電話，傾左一陣，之後就好眼訓，俾妹妹用電腦我就訓左覺lu。