打golf

今日好忙，朝早要返工，繼續改尋日開會傾左的野。不過因為佢唔會而家就用，所以都唔係趕。

放工就去尖沙咀，因為要上master orientation，先係新港中心food court食左lunch ，走左去中港城果頭，因為聽日講係果度。點知原來地址的silvercord 其實就係新港中心。上到去有十幾二十個同學仔，得見到一個bac同學仔呀！唔記得佢叫咩名，but 認得佢啦！我地聽完晒個orientation，走的時候傾左幾句。

之後係街度見到d得意野。有人擺地攤，有個公仔一個頭兩隻腳，自己會係度跳。當佢累了，坐低左，個小販叫佢唔好坐啦起身，佢又起身跳過。好多人圍住，我又圍埋去睇，10蚊一個揭開呢個神秘事件的面紗。當d人買左個公仔，佢就會俾張紙仔佢，張紙仔會教佢地點玩。我心郁郁想買黎睇o下，不過我睇左一陣就發覺佢次次叫個公仔起身，都會放隻手係公仔頭後少少的位置，係垂直，掌心向公仔咁的。我好懷疑其實係咪有detector check 有冇野係呢個附近，有就跳。最後都係冇買。跟住就去左旺角等埋gary佢地一起去打golf。

4點幾等晒gary, sherman, eric，只係差yvonne。打俾佢點知佢又係訓緊覺。其實都幾唔開心嫁！明明約左咁多點，咁大個人都要遲到。一兩次都算啦，其實連續幾次都係咁喎！打俾佢佢仲訓緊覺，要等埋佢先得。其他人好人肯等，but我就覺得咁樣唔得law。我d時間都好寶貴唔係咁黎浪費嫁ma~ 一點鐘果時佢返緊屋企，4點幾約左我地，咁都係得3個鐘o者。起唔到身的就唔好訓啦！要訓就用alarm啦ma。次次係咁真係唔掂當，男朋友肯等你係佢死心塌地，but 朋友冇理由都要咁o者。結果因為gary佢未食lunch 就去左食住等，之後坐個幾鐘車入屯門度打golf。

其實golf都ok好玩o既。不過地方太遠了，而且一個人玩一個鐘會好累。eric有提話不如夾份入會，之後share黎玩。我對呢個興趣不大，因為我好懶，平日連落街食飯都唔會，仲點會去屯門度打？我阿媽話fanling都有嫁喎~ but唔知係咪同一個會啦。反而我有興趣約出黎一起做運動打o下波都ok。

夜晚12點幾返到屋企就訓。