香港都有櫻花！

今日睇報紙先知，原來長洲都有得睇櫻花！！真係要搵日去睇o下先得啦！

封面

呢兩日都係屋企做功課，唔係咁專心呀！份功課下星期deadline了，今日終於叫做/改完左。個program郁得呀！所以唔會話冇得交功課。不過有幾part都係唔係咁完善，唔知係我改得唔好定係人地的source本身冇做幾個function。黎緊果幾日想加返呢d function入去呢~

另外我以前以前以前....的同事，又上左封面啦！

Jo Jo & So So

今晚終於都去左jojo屋企拜年啦！係呀！搞到咁遲先去因為我忙ma。我買左個『沙田柚』同埋士多啤梨上去，因為jojo佢留左利是俾我，上人地屋企兩手空空唔好o既~

我上左就同佢囡囡so so玩，佢好大力嫁，mug住手指就係咁扯。不過係幾精靈o既~ 而家個樣好左好多，初出世果時頭小小但係兩邊面都肥o都o都，好怪咁。傾左一陣計就同jojo落去食飯啦。佢帶左我去一間叫『新幹線』的日式餐廳度食，佢話d生蠔好新鮮，海譫都好味，仲有手打烏冬同埋呢個柚子雪芭！不過我最後都係試左壽司、烏冬同埋雪芭，真係唔錯！下次黎開呢頭都要去再食先！

吳卓『希』

今日返工居然係門口見到TVB架外景車，同埋....吳卓『希』！其他人我都唔見邊個係我識嫁，好可惜，我都唔like吳生o既。做戲一般，黑黑實實，唱歌都係一般。望多幾眼就走左lu。

緊張

今日返工又係上午做公司野，下午就功課。不過就係好懶咁做做o下做左其他野。去左睇某d course的info，唔知sem break時可唔可以讀緊d 先呢？

放工去返唱歌班，逐個逐個起身唱，好驚，人地唱時我都係度practice o下。點知就黎到我時就落堂了。得返兩堂咋！下一堂話教「梧桐樹下」喎...

犀照

今日上午完成埋supervisor叫果d改動，下午時間就自己做自己野了。開左個JMF API Guide，睇完做功課，不過睇左幾版，又好悶。走左去搵d flash game玩，wah...真係好多..
Bar keeper
幫媽媽看sushi店
仲有好多，唔寫係度啦....

夜晚去左睇『犀照』，唔...都ok啦。雖然個劇情冇咩驚喜，冇話不可思議果d位，但係氣氛同劇情都幾緊張o既。不過APM個院又真係幾舒服。

近黎好怪

成日都唔記得尋日做過d咩...真係好怪

上次係電視見到曾志偉果shop開張，醒起不如下次去試o下。點知睇o下d網友的食評，居然個個都話唔好食。$20得6片肉，真係好似好唔掂咁喎！咁食法幾百蚊都唔夠埋單嫁喎...都係睇定d先好。火辣獎門人

另外，尋日忽然想起去左愛護動物協會個網頁度睇。我一向都鍾意同狗仔玩的，不過屋企唔俾養，而且我媽好怕見到狗仔死的。原來而家有個義工領犬員計劃，去做義工服務，上訓練狗隻的堂，就可以帶狗仔去街街。諗緊參唔參加好，不過佢話要睇o下表現，如果可以控制到d狗，先可以帶佢出街的。我仲想整狗餅佢地食呢~

馬仔

之前玩過佢的一d flash game，從而去佢網站度睇。今日見到佢之前俾人訪問，全職做flash game，月入近萬，真係覺得好羨慕。幾個月前我上完hku的GE course，我都興起整flash game的念頭。如果可以好似佢咁樣，加埋自己份正職，就好了。

....-.-...衰左...

今日老表話唔係因為地殼薄，而係因為個density太高。
佢話因為凍的係空氣，所以直接接觸空氣果d就會結冰。低下果d仍然係水，係因為鹽份都沈晒係底，density愈高個freezing point就愈低。而且個面結左冰，block左d heat loss，所以係下層係結唔成冰。另外個冰層的厚度唔係度度都一樣，所以係summer，溶冰時唔同地方都會唔同，so有d溶晒有d溶唔晒。


.......
.....
....
...
..
.

睇黎我老豆阿媽都係要自摑了......

係我唔好

我唔應該講得咁激的。原來咁多人都冇呢d common sense。包括... ... 佢...-.-"

我要係度多謝我的歷年的理科老師，我阿爸同我阿媽，因為佢地生得我有少少醒，特別係我阿爸！因為佢成日擺住電視睇d 地球生態。

有冇病呀d人！

尋日開始join左yahoo!知識，係以發問同解答黎拎分數升級。有d人好搞笑，會問點樣將小烏龜變成忍者龜。haha...有人答佢係個卡通入面主角係點變身呢！

今日見到一個真係唔知好嬲地好笑。有個人問...


關於北極和冰的問題
我想問，北極的溫度一般來說是必定低於0度，水在0度會變固体(一般知識)咁我帶支水去北極，會唔會結冰呢?如果結冰，點解有D一直都係海...唔結冰呢??(我估)咁點解科學家會擔心溫室效應會溶化北極或南極D冰??不是越多冰越冬嗎??

居然有人答...
正確D黎講，清水既冰點先係0℃。將清水帶去極地應該都會結冰。海水有鹽份，唔係清水，所以冰點唔係0℃，所以海水唔會結冰。溫室效應係大氣層內二氧化碳&其他溫室氣體增多…溫室氣體會trap heat，令大氣層溫度上升。大氣層溫度上升，令兩極氣溫上升，所以D冰會溶。

......
....
..
.

做佢阿sir果個真係要反省，做佢阿爸阿媽果個好自摑啦！有冇病呀佢！
海水唔結冰唔係因為佢有鹽喎！都唔知有冇讀理科的，冇讀都睇o下屋企個雪櫃呀！冰箱就已經係零度以下了，你只係放支可樂，維他奶定檸檬茶入去，都會結冰啦！如果唔係清水就結唔到冰，咁7-11果d思樂冰點黎嫁！？仲有冰條同雪條o既？

真係激氣到呀！
好明顯某d地方的海水結唔成冰，係因為地殼薄啦！common sense都知地球中心係熔岩有高熱，個地殼薄，地熱傳到上黎，果d海水咪唔夠凍結冰law......

果個人都唔知咩人黎的，common sense都冇！

如果大家都有興趣去睇一下，甚至向果d無知小朋友伸出援手，可瀏覽
http://hk.knowledge.yahoo.com/live_qack?tab=ask

又俾人『困』左啦！

星期二阿sir話份功課delay一個week先交，當堂個心都定晒，起碼可以weekend先慢慢做。
呢幾日都冇得點偷懶，因為要將d file upload返去另一個server度，成日都係做埋d工廠妹做的野，唉~

夜晚去左返webradio果個唱歌班，教我果個係張偉文。老實講，我唔係佢fans，連佢係咩樣我都唔認得，只不過知佢幾唱得，就報黎試o下o者~ 點知入去原來全班同學95%都係阿媽級的！個心即刻"dump"一聲，死啦！上當了！ 不過當中居然有一個中學生仲穿住校服，大概佢都同我一樣有呢個感覺吧！今當張sir講左d 簡譜的符號我地知，俾左隻碟同埋歌詞，係一首好舊好舊，舊到唔知咩年代的歌，叫做『再會了野茉莉』。一唱起do re me，個個都好似好上手咁，都唔知係我太耐冇上過音樂堂唔記得do re me，定係d人個個都係張sir d fans。我就唱左三次先跟到，點知就開始每個人唱一段了。好在我坐係第二排，未輪到我就落堂，下堂先唱。返屋企練o下先law。佢話最後果堂會唱不了情喎！呢首歌好呀！起碼我識，又好聽。

一致好評！

今日返工都一直有野做，雖然做得唔係好專心。整左一個上午都未抽到空做功課，唉~

個cake大家都話幾好食呢~ 不過個cake真的係有d硬，佢地仲以為係因為自己冇雪/雪實左tim！仲有朋友的同事話包裝靚，拎得出去賣tim呢~ 呵呵！仲有足材料。下次我會再試整另一隻cake！一定要再下一城，獲得更多的讚賞！

尋日去左數碼港，傾左一個鐘到，冇咩結果嫁啦，不過都係一個experience黎o既。

全日休

今日一起身就決定唔返工了，因為想整埋個電腦，同埋俾d cake俾朋友仔食。先出去俾cake，之後同表哥傾左陣計，再返去買display card，sound card同speaker。返屋企再整，整左兩次終於成功了！不過我都仲係唔知點解。如果我裝左window先再放個sound card入去，佢就入唔到window了。我今次咩都放晒入去先裝window，而且用過另一條PCI槽。就得左！夜晚都冇去返學，係屋企裝埋d野先。

Format

今日一早起身，十點就開始裝機。先幫我妹個notebook，一整就下午4點了。到我果部就大獲！整到夜晚11點都仲未得，個人好沮喪。

個機係咁樣的。上次整完router之後reboot機時死左，個sound card一插就整死個window，仲係repair唔到。我試左幾次之後，都係放棄，唔要個sound card了。點知裝緊d program時佢又死！佢話個display card唔stable，damage個window，仲去到死memory的畫面！見住個妹一邊玩icq, msn, 睇網頁，仲係度話個機慢，自己就由早上十點做到夜晚十一點都仲未有得上網，個心真係好唔開心。最後都係訓覺先。

終於完成了

今日一早就起身執野去屯門度整cake。我買定左好多材料，因為我個食譜幾複雜，我怕跟唔足會做唔成功，仲waste晒d錢。結果我拎住兩大袋好重的野去，因為又生果，又jam，又香檳。去到買埋果d粉同蛋，就開工做了。我先整個cream，用香檳、奶等等煮成，點知一煮就有燶味，我最初攪緊煲野果時見到d黑色野，我以為係我未攪勻d材料，仲起勢係咁刮佢出黎。點知d人話好燶我先醒覺果d...係焦黎的。我都照煮啦！唔理咁多！跟住d step咁整，放pat野一邊等佢凍就再整個蛋糕。

至於個蛋糕原本係開心果味的，不過我走勻百佳同city super都搵唔到，只好用花生醬代替了。加上之前個cream的失敗，心慌慌的份量都係求其就放入去煮，不過整出黎都幾香同埋睇得o下！

果時已經係得返3個字了，根本唔夠時間切生果同組合個cake。我只好執埋d野，同朋友去佢屋企整埋其他steps。嘩！d生果原封不動的由屋企去屯門，又由屯門去屋企。回程的時候對手太累了，頂唔順，結果都有坐的士返到樓下。至於果pat燶左的cream，雖然佢整出黎個樣同質地都好似個食譜同video的，不過由於燶味實在太勁，為避免佢影響埋我塊花生醬蛋糕，我都係唔用了。最後將之前用剩的cream人手打起，冇錯！係人手打！真係唔係小野，不停打幾個字都仲未企身，手都斷了！結果都整好左出黎，整左有6件呢！

食譜

原圖








製成品





























唔單止食得，仲好睇得，包裝仲得！















Me & My cake

都唔知做咩~

今日又係係公司做自己的功課。socket programming係整到啦，but點加個video 果個入去呢？個個同學都做好咁，我就仲未攪掂，都真係幾擔心。放工去買埋未買的材料，因為聽日就係了。點知返到屋企又俾媽咪話我好去整蛋糕，仲同左咁多錢。咁鬼叫我要做日本仔果d食譜喎~ 人地多材料，我跟足就係咁嫁啦！d錢又係我自己出，咪當我自己消遣，開心o下都有錯咩！

食飯＋ｓｈｏｐｐｉｎｇ

今日一整天都偷偷地做功課，整先整左個work的socket server同client，之後先再加返d video野。不過整左成日個socket 都唔係好work。唔知點解個server冇事喎！只係個client佢send到野去server但係收極都收唔到。

收到電話好開心~ 咁多個月終於都收到電話了。成唔成功就唔知，but最緊要係有機會。

放工去左海港城度睇o下果隻almond paste有冇得賣，點知都係要去沙田先有，去左cd shop度聽劉德華cd。之後就join朋友去食左dinner，間野都幾一般，係個芝士南瓜波ok，d壽司飯唔係好得。之後就去行街，陪朋友買禮物lu。我咩都冇買呀~

Love is ......

arm arm睇細我一年的poly師妹icq，呢句話幾有意思。

Love isn't about becoming somebody else's "perfect person"
it's about finding someone who helps you become the best person you can be~

幾得意的keiko

今日supervisor sick leave，我又偷懶一日啦！今日先睇左陣功課d資料，好悶呀...跟住去左yahoo玩左呢個新game Keiko 其實都好易打爆o既，個女仔係幾得意，不過有d片睇得出佢唔夠笑容law，不過男仔係鍾意呢隻女仔嫁啦！

Format computer

今日開機都係咁hang，我睇都係要format左裝過睇o下ok唔ok了。不過點都要weekend先有時間搞，呢幾日希望佢捱到啦......

唱歌班

今日lunch 去左attend HKU General Education 的一個seminar，係關於唱歌的。佢地請左Harry Wong黎教(我都唔知佢係邊個)，原來佢係教呀boyz果個kenny、李逸朗、Yani等人嫁喎~ 不過我唔覺得呢幾個唱歌有幾好喎...... 個半鐘的堂都唔係沉悶，佢講野都幾搞笑o既。我地有學用丹田氣，用吹氣球黎實習、有開聲果隻訓練。今堂抽左6個人出黎呀！下一堂呢6個人要當眾唱歌，等harry黎執執佢地。唉~ 又抽唔中我，我想唱Desperado 嫁ma...

幾好聽~

水 - Fiona

為了愛你個性一早全面的洗去　能忍耐到
隨便你營造我圓或四方的身軀
做你的順眼的仁慈的愛侶
我似你杯中的暖水
照你意思改變下去
只要共你間中仍然可一對

*柔情必須似水　才能夠隱藏眼淚
才能容納承受你刺來的錐
痛在心底裡　仍然能平靜似水
覆蓋在面上的顧慮

長期供給榨取　仍含笑包容恕罪
刀鋒一過毫無痕跡惹負累
要是能令你晚些回去　做不到
但我都統統吞進去

就當女性賦有堅忍原諒的天性　由天做證
其實你瞞住我陪著那位的溫馨
二百位撞過的途人可作證
就恨自己不長眼睛　有對耳都不太願聽
枉費汗血搏取情人的心領

Repeat *

一跤栽進水裡　一生和你一對
我有時也恐懼　這掙扎總會累
其實我知這感情已死去　無聊是我
仍然想聽到屍體講句
再不應愛下去
為寄望沖一桶冷水

柔情必須似水　才能夠隱藏眼淚
才能容納承受你刺下來的錐
痛在心底裡　仍然能平靜似水
覆蓋在面上的顧慮
長期供給榨取　仍含笑包容恕罪
刀鋒一過毫無痕跡惹負累
最後船渡若已經離去　任得我
就這麼安躺於這裡

華仔呀！

今日一早起身，因為要出去搵材料、買router、換禮卷同埋約左朋友打保齡。去左沙田city super度搵，仲差兩隻材料冇得賣，所以咩都冇買，返黎諗o下先，第日先買。跟住去左元綠食lunch，再去旺角度買router。買左有線的呢~ 唔知ok唔ok呢？ 幫媽咪換埋禮品就入去奧海城度打保齡。

由於yvonne唔識打，打打o下隔離果三個阿叔忽然同我講，叫我話俾yvonne聽佢咁打會手痛。我梗係叫yvonne黎直接俾佢講啦，之後佢地都不停教我地d姿勢果d野，不過最主要都係教yvonne o者~ (真係招蜂引碟... =p) 我打左兩局，得一個全中，第一局都過一百分，不過第二局就有幾次落坑，唉~ 手累啦ma，失左水準law。跟住我唔打了，坐係度同朋友傾計，其他就打第三局。我地走的時候商量緊去邊食飯，忽然俾我見到......

華仔呀！！！

我地係18號line，佢係13號呀！佢arm arm黎穿左白色t-shirt同深藍色外套，好靚仔呀！佢拖住個行李喼，仲有幾個肥佬好似保鏢咁帶住handfree 跟住佢呀！係我猛望住佢同我d朋友講見到華仔的時候，華仔都有望返我呀！眼神接觸~

之後我地想走又想睇多佢一陣，佢就去左另一條line果度睇人打bowling，又簽名又影相，我又係度狂望住佢，佢好似都有望o下我呢~ 呵呵~ (都可能冇...) 因為我會返屋企食飯，robin都係，我地要走先了，所以冇等華仔去完toilet就走左了。打俾阿媽，俾阿媽罵我做咩唔等埋影埋相，咁難得見到佢 >_< 。不過yvonne有同佢影呀！叫佢send埋張相俾我留個紀念先！

返到屋企食埋飯整router，上就上到網啦！不過唔知做咩個speaker 不停bit bit bit。之後仲入唔到window，跟住我整好多野，又repair window，又裝多次window 蓋住舊果個，不過都係有問題。好奇怪的佢會問我display card個驅動程式未受microsoft認可喎！最後我直情remove左sound card先入到window。不過當妹妹關機的時候都係關唔到喎~

唔知係咪個router同張sounc card crash左呢？因為sound card係個裝置管理員度話佢個registry損毀/不能使用呢~ 但係我remove左之後佢又會自動detect返喎！聽日再整啦~唉~ 一係換過張sound card，一係就買過另一部，呢部做server/俾人算啦...

我知道...

我知道我的壞脾氣又來了。

就是不爽那一類人。

比如說，他找我一起做一個project，然後我在為project擔心、找資料、約開會時間、想用什麼方法去做才好等等。可是他卻懶懶的，問他想怎樣又沒有答案，看著日子過去，時間緊迫，卻只有我在趕著急。王子不急太監急，真令人氣憤！

或者說，在他沒事做的時候就找我去玩，去談心，說是密友。可是當他有個伴了，那會記得有我的存在ma！如果我弄了吃的會想起要給我的朋友們嘗嘗，經過什麼特別的地方會問問朋友要不要幫他買。可是別人沒有這樣對待我呀~

天秤座的人看什麼事都要用天秤來稱稱，不平衡的關係是不能接受的。可是就是找不到讓天秤平衡的方法‥‥‥

PK

今日返工，係屋企附近的商場行緊去火車站的路上有三級樓梯。當我行緊果三級樓梯的時候，距我不夠米的黑外套黃衫黑裙黑絲襪黑手袋......的女仔，忽然PK左係個樓梯度！嚇左我一跳！猶豫左幾秒洗唔洗去扶佢，最後都係冇扶，因為佢有手有腳，而且佢已經夠『魚』了...

尋晚得表哥相助，我日文的食譜翻譯有一點進展！今日要再繼續。

狼來了~

今日朝早起身好累，因為尋晚同朋友傾整cake傾到一點先訓。今日要打去問o下個場有冇時間先！整到的話，hehe, 我會請你地食我的第三件成品o既！之前整過朱古力同埋cookie ma。

坐van仔返工時，西隧塞車，司機就轉左路喎！咁我聽住mp3唔知司機講過野，到我除低個耳筒時，只係聽到佢話二、三街同高街唔經，又冇提唔經港大。咁我照坐啦！點知見到瑪麗醫院，心知不妙，問一問司機原來佢之前講過唔經港大的，要早d落左車先，只好係瑪麗醫院對面搵車返去啦。好在我早出門口，仲有d時間，咁我邊等車邊打返屋企同阿媽講，一開口就同佢講﹕『阿媽！我而家係瑪麗醫院呀！』佢即刻急問﹕『o下？你做咩咁細聲呀？做咩會係醫院嫁？發生咩事呀？』我先至醒起咁講佢會誤會的，我就叫佢冷靜d，我唔係有事，之後講返件事佢知law。呵呵~ 嚇到佢心都離晒！

負托邦

今日睇埋果本『我這一代香港人』，諗住過幾日還。當中關於負托邦是一個幾有趣的題目。


負托邦
論者將理論弄得特別重要，把話說得太滿，變成密不透風的危言聳聽，卻要別人把它當成真實而不是故事。如果你買它的脹，你會充滿負面情緒，只能批評之後還是批評，卻原想幹任何建設性的事，因為根據那些理論，這世界除非推翻重來，否則是沒出路沒希望的。http://hem.passagen.se/replikant