又學車

今早返去要幫手睇d人黎registration，我返9點正的，but都係9點5分到10分到先到。點知個同事就好快手咁幫我開左間房同d機，搞到我唔係咁好意思。跟住就係果間房度坐，check o下mail，睇o下新聞同newsgroup同埋ebook咁。不過d人都好多野問，可能因為個instruction都唔係太清楚。有人連中文電碼係咩都唔知！仲有人問我佢個國籍係中國定係澳門！-.-"

之後就去學車，今次開得好左好多，冇再咁烏龍啦！不過就用左好多時間係度等。我估都係衰路試的多，因為d車真係太多同埋好亂。黎緊得返星期一同埋星期三考試前的時間，真係擔心呢~

學完車就去左旺角，因為今晚carrie話要介紹男仔我識，好似話靚仔過我上一個男朋友喎！4點鐘就係朗豪坊等佢啦，因為肚餓就去左食章魚燒，打俾佢睇佢係邊，點知佢係觀塘，話到左先打俾我。收左線真係幾興，又係佢約我4點果度等o既，咁佢黎唔到都好應該打俾我先o者~ 要我打俾佢，仲要好似冇野咁，sorry 定唔好意思都冇聲喎！以前佢都唔係咁o既，一向都係好有交帶果d人黎o既。真係有想過打返俾佢同佢講今晚取消唔去啦！不過咁我會好小氣喎！查實家o下係佢想介紹我俾佢男友的friend之ma，我興趣一般般咋~ 因為個男仔係讀ive的，學歷比我低。當然我又唔係歧視人地，只係如果我要choose一個同我會長期發展甚至結婚的伴侶，自然係樣樣都好樣樣都高就perfect啦！不過我又想得太多o既，我都係抱住識多個朋友的心態o者~

之後我去左網bar打機，打亂online。好攪笑地隔離個中一二到大的細路女見我同佢打埋同一隻game。就望過黎睇我d level呀，法術呀咁。跟住仲zip左我半個mon黎睇，仲開口同我講野，問我點解唔set返呢d呢d，等我幫你set啦！我見佢咁熱心，咪話好law。之後就停唔到口啦！同我講佢同學仔都有玩，成80+ level, 問我如果同佢同學打邊個會win。我梗係話佢同學啦！我先得果35level，同個80的打一招就ko左我啦！跟住我一邊打一邊同佢傾計，心想可能佢係屋企冇人理就黎網吧度打機吹水，咁細個就咁真係好dd慘。後黎發現原來佢家姐係附近o既。我打到7點到就去同carrie佢地食飯。食完飯就去行左陣朗豪坊同埋食糖水就散啦！成晚我只知佢係叫Thomas。haha...反而同carrie同佢bf就猛傾計。

不過今晚洗左唔少錢呢....