時令大閘蟹

11點幾起身，睇左幾集『峰女壁女』，深田恭子咁勁，真係羨慕死人~

4點多出去配眼鏡，但係睇黎睇去都睇唔ARM，妹妹話下次出旺角睇。我見D客仔都係細路女，睇Agnes B. 的黑框眼鏡多。之後出沙田去食嚼江南，見到有大閘蟹食！之前託MANDY睇下有冇人買開買兩隻，不過冇聲氣，應該都係冇嫁啦。所以就今次食左佢！

蟹皇$198(6兩)，大蟹$98(5兩)，中蟹$68(4兩)。

依價錢黎睇，大蟹好似抵D。所以我同老豆都叫左隻食下，時令野MA，呵呵！不過食大閘蟹實在係太辛苦啦！由肚餓，liu 蟹肉 liu到唔餓。所以我覺得下次要食，都係食蟹粉小籠包好D。人地剝晒殼，唔洗自己剝。

最後買左一條裙，WALLACE婚宴穿，KEKEKE。不過要買埋其他野襯返先！

VEE house warming

約左author, vee, April and Hilda出黎食飯。其實上次author加左人工請左我食飯，人地人工都唔係多都請左，我無謂咁cheap走數啦。

去左尖沙咀的印尼餐廳，一坐低就食食食，可能大家都餓了。Hilda 唔舒服黎唔到，April又要10點幾先黎到，都唔知點由8點HEIR到10點幾！

好在APRIL早放工，大家埋單早D入去VEE屋企。我帶左澳洲買的白酒去，因為我一個人飲唔到咁大枝，趁機清左佢。佢地再買左支紅酒，同埋diamond black。上去睇左與敵同行大結局，一坐低玩啤牌，april就話不如傾計呀？

主角當然係VEE啦，仲講到佢眼濕濕左添！=P
一搞就搞到半夜3點幾，本來佢地叫我留低過埋夜先走，不過費事啦，梗係自己張床先舒服嫁MA。

愉景灣

今日放假，下午入左愉景灣度行下。因為聽朋友講果度好靚，而且附近又有沙灘，感覺好像好好FEEL咁。

但係入到去，都真係好失望。餐廳位置係幾好，對住個海，但都幾貴。
想話去行沙灘，附近的太白灣(?) 勁多油污，勁烏糟！
加埋落雨，都唔知去邊度好。都係坐返車出去食野算囉。

收到手錶做禮物喔！

海洋公園哈佬喂

今日我生日，好早買定左飛同屋企人去海洋公園玩哈佬喂。

下午2點幾就出去銅鑼灣食太平館餐廳當下午茶，點知D野真係好貴。一個煙倉魚餐成$17X，魚仲要得兩片，沙律就一大PAT！不過出名的瑞士雞翼瑞士汁真係好味，食完最後隻雞翼D汁都仲未『鯨』。少少地食D野就去海洋公園。

5點半入場勁多人，好在我地係大樹灣入口入，因為呢邊有最好玩的厲鬼邨。由於早入，而且最重要係買左至尊飛，所以唔洗等好耐就入到。有時真係等都唔洗等添呀！呢D錢真係唔慳得，因為普通飛條隧成4-5個圈啦！至尊飛先係十幾人等咋！

雖然我地都早有左心理準備，但係同老豆玩呢D真係好無引呀！成家只有我抵得諗肯企係佢身邊玩，一心俾錢想黎俾鬼嚇，佢就係身邊猛大叫：『有乜好驚O者~ HAHA！假嫁之MA！』真係好鬼死冇引。=.=" 佢唔驚，D鬼就唔埋黎，唔埋黎，咁我俾左錢咪好唔抵？！My god!

媽咪就驚到猛捉人手臂，我懷疑佢驚自己心臟病法，多過驚俾鬼嚇。

成晚我地玩晒8個鬼屋，不過對廣昌隆謀殺案實在係太太太太失望啦！好在唔洗排隊就入到去，普通飛果D排成粒鐘入去只係聽TAPE，真係DUM心口啦！

最後玩到10點幾，睇埋個SHOW就走LU，好多人玩到12點佢關門先走呢！

返到屋企，老豆問幾時去埋迪士尼果個，我望住佢，真係唔知點答好。
你拎錢出黎，咪即刻去囉~
我生日買埋飛請你地去玩...唔係想我再請下話？
下年生日再提啦~

白之戀人曲奇餅

星期六下午又去青協度整餅，今次整白之戀人曲奇餅。算係多人JOIN啦，不過反應都真係唔係咁好，下年都唔方會再搞。

本來話2點搞到4點半，點知一搞搞到6點，個個都急急腳走。鬼咩，佢D模太少了，個個整都要排晒隊咁。整完晒都唔上兩打餅乾，勁多呀！但衰在真係好甜，好似食糖咁。我嗜甜都一塊起兩塊止。

Shopping Day

十點幾起身同妹妹出去，今日同澳洲返黎的表妹shopping，加埋另一個表妹，一行四人。行銅鑼灣Times square、行SOGO，行左成日，超級累。我自己平時都唔會咁樣行街法。不過都有D收獲，買左個手袋啦！仲有買左Godiva的橙味巧克力豆。































晚上我們到了峰壽司吃飯，我就知道表妹是喜歡吃日本餐的了。吃完再去逛金百利，這裡的東西比較合眼，我買到了一枝想買好久的戒指！最後十點多就送表妹回家了。

明天又要上班，唉~