Last fitting

今晚同MANDY, 慧妍約左一起上去做FITTING，話咁快今個WEEKEND綺薇就要變做陳太了。

我6:30就到左尖沙咀，自己一個人行下先。點知好日都唔行下，就又俾人係街度問﹕『小姐，你穿咩碼衫呀？』唔等佢邀請我做咩FITTING MODEL，我就主動的話唔洗客氣。6年前又問我，今日又問我，係咪即係話我個樣冇變，一直都咁豬，睇落好似好易俾人呃？！

去左ROXY試BIKINI，當然都係空手而回啦！今年仲係同BIKINI無緣，唉~

等埋MANDY去左甜蜜蜜度食D野，再同埋慧妍同埋佢個FRIEND一起上去。一個鐘到就走得LU。

超恐怖事件

幾日前上午係我屋企發生左一單發現屍體案。你一定以為係cockcoach，不過我話你知唔係。

果日朝早返工換衫，係衣櫃度拎出我剛洗完的褲。穿上去時覺得褲袋好似有D野，心諗一定又係自己放左紙巾入去，唔記得拎返出黎，於是就伸手入去拎返舊垃圾出黎啦。點知褲袋D野好似好細舊，仲碎濕濕咁。拎出黎睇下，咦？咩黎嫁？黑色一粒脆脆地咁O既？由於我冇戴眼鏡，就『哄』埋D睇，點知‥‥‥

係一隻好似蜜蜂的乾屍！

我即刻拋左條屍落地下，搵我地洗衣部部長黎問，但係佢都係冇任何的頭緒。忽然，我想起了數日前我放工時的一段小插曲。

果日我係火車度訓得咁上下，某個站時聽到身邊的人話有隻『大野』飛左入車廂，果日成日落雨，有昆蟲飛入車廂都好平常，所以我都冇加以理會。但當我聽到隔離位話見到隻野飛左係靚女後面，我就即刻醒晒，發現個個都望住我身後。我左望右望都見佢唔到，個心都定左D，可能佢地睇漏眼。有個男人叫我起身望下，我就話唔好囉，我見佢唔到，佢又冇煩到我，眼不見為乾淨算囉。事件就咁告一段落，當然我落車都唔見隻野啦！

而家，事件終於水落石出了！

為唔好彩死係我褲袋，仲慘遭洗衣機蹂躝抽乾水，再俾我誤碎屍的蟲蟲祈禱。

阿們

書展

妹妹又話12點同我出去睇書展，點知12點先訓醒，結果2:30先出到去。妹妹又以為會冇咩人，點知出到去排晒隊。行到晚上7點幾先行完Hall1 同 Hall2，我買左幾本英文書，都係一D小說。

晚上慰勞自己，去左California Pizza Kitchen度食返個dinner。

Facial + 釣墨魚

訓到12點幾，起身去妹妹做開facial果間度試做。做完覺得都ok，清黑頭同埋按摩手勢係好過我做開果邊，不過環境就差D囉。

行左陣商場，返屋企抖一陣，就出去尖沙咀鐘樓等人啦。今晚我地參加左釣墨魚團，我都係第一次釣咋！7:00開船，6:45發現原來阿Eric同埋Wallace兩對人都遲到，心急死我啦！到最後都等到差唔多7:30先開得船。原來除左我地有4個人遲到之外，另外都仲有一個人遲。一船人有成60-70人，都真係估唔到咁多囉。

一開始大家食左自助餐先，食到一半D人就開始釣墨魚啦！我都拿拿聲擺返個位，可惜D人ZIP下又一個ZIP下又一個，好逼。我chor 左好耐都冇野釣到，最後都係放棄左。不過其他團友就釣到呀！墨魚有2條，仲有其他魚，雞泡魚都有一條！不過就放生，因為唔食得嫁ma。

好搞笑，阿輝兩公婆釣釣下話見到D核突野。阿輝佢地釣釣下見到海面上有D野飄浮，阿怡好天真地以為係D人丟麵包餵魚，但唔明點解個包係啡色的。哈哈！原來船主係度沖廁所，果D係....阿輝即刻收起D鈎，幾驚鈎到D烏糟野！

11點幾先返去岸邊，大家食埋糖水就返屋企LU。

食在吉之島

這幾天都在吉之島食LUNCH，入面好多新野食。

超群的流沙包。又話叮唔叮都會流，條隊排得好長嫁！不過都無一般，老豆仲話似雞尾包。




















未食過手製的飯團。不過唔多好食。





















燒餅+八爪魚丸，八爪魚丸好多粉。
















其實仲有好多好野食，我見到日本溫室蘋果，成$25.9一個！但又大又紅，真係好想知個蘋果點特別法。

超黑仔

今日返工返錯左地方！！真係前所未有咁大件事！結果我遲左1個鐘先返到工。

跟住中午明明已set好晒d野，點知lunch完自己玩下玩下玩到出左事，成個下午對住個mon整到6點幾，都仲未work，仲勞煩左其他同事tim。

俾人知道晒我d 論盡野，唉~

返屋企係火車度，忽然d人話有好大隻昆蟲入左黎車廂，我冇理呀！訓緊覺嫁ma。點知隔壁位個囡囡話，隻野係靚女(即係我)後面，即刻醒晒！左邊個哥仔過有半個拳頭咁大，右邊個媽媽就好驚咁望我後面。我左望右望都見唔到，哥仔叫我起身睇下，我話算啦，眼不見為淨。

其實我係以靜制動。萬一隻野真係係我身度，我郁佢就飛，一飛其他人就會雞飛狗走，成個車廂咪好亂？我地驚時隻野又驚到飛黎飛去。

Batman - 黑夜之神

下午到了沙田看BATMAN。事前舊同事ERIC說這套片很好看，out of expectation! 其實我並不特別喜歡看什麼BATMAN，還是SPIDERMAN的。不過爸爸喜歡看因為這片有在香港取景。

在戲院買了一個小食叫墨西哥脆片，奉勸大家千萬不要買！$30一少盒不怎麼好吃的脆片，我情願去買卡樂B算了。

看完戲媽媽還是不太明白戲的內容...=.=" 我們去了滿記吃甜品就去跟婆婆吃飯。席間看到表弟手上有鑽石戒指！女人當然對這些東西比較敏感。不過奇怪的是他戴的是女裝的，很少有男生喜歡戴女裝鑽石戒指的呢！

校友會開會

1點半就跟mandy一起回到心誠了，協助禮堂的佈置，2點鐘就開會。幸好今天沒有什麼特別的事要議決，否則肯定要超時了。

不過關於行山bbq的活動，我得要幫忙想一下。而且我已答應了幫忙會員証的製作呢！

6點鐘的校友代表聚會開始了，我不太懂得主動的找別的校友談話，除了上次蛋糕班見過的盧校友，能談得上幾句之外。

走

你把我靜靜的放在河邊，就轉身離去。晚上，風忽地的吹來，把我吹走了。第二天，你回來了，可是我不見了。

這難道不就是你所希望的嗎？

你輕輕的把我給放下了。

Fruity Friday

很特別的friday，吃完飯居然有水果吃！好像以後每個星期五都有免費水果吃呢！

今天開始

很久沒有5點多起床，超累的！

今天上了一個很閒的班，超爽的！最重要是今天不用加班！

髒話

昨天放工時在地鐵金鐘站排隊，放工時間等3-4班車是很平常的事。不過當我排在最前排的時候，一架列車靠站了，然後有人上車，然後有空位呀！等了一兩秒都沒有人上車，看到右邊一個胖女人上車了，我也趕上了車。

可是另一個排在前排的女人，就開始口若懸河的說髒話。她說那個『死肥x，搶左人地個位，本來上到都上唔到啦！』不停的重覆『肥』字同東南x北的x字，外加其他不堪入耳的說話。地鐵另一個習慣就係對門關極都極唔到，結果我就係企係車度聽住個女人講埋d粗卑不堪的說話幾分鐘。跟住我頂佢唔住，一野咁睥埋佢度，佢同我眼神對望左一下，就冇出聲，架車都開走了。

先唔理佢罵的肥x 係指我定係之前的胖女人，而家係佢自己有位唔上，咁佢唔上，人地上左怪得咩？我都清楚意識到有1, 2秒冇人郁，先行上去啦！大不了咪等多架囉，1分鐘1班車，嘈乜野o者嘈！而且個位上到兩個人，佢都唔上係佢有問題啦！

我其實好唔鍾意人地講粗口，不過而家時下的人個個都要講上幾句先係正常咁。好似講左粗口先發洩到自己不滿的情緒，但實則又唔係嫁喎！講完佢仲要再講，根本就係完全冇發洩的作用之餘，又令聽果d人唔舒服。

最惡劣的情況係你被困係同一架車廂，聽住果個人由尖沙咀到羅湖，係度講電話講不停，句句都係由粗口夾粗口的句子。

休息

這幾天沒有什麼特別，都是做yoga，回家看書看劇集。不過最近我覺得眼睛很累，十點多十一點就要睡了。

上個weekend我去逛莎莎，很想買一樣東西，可是家裡那一枝還未用完。

HTC Touch Diamond 入手

上個月跟bong一起訂的touch diamond終於有貨返！不過由於我發現我原來有合約在身，思前想後之下，決定單買機算。不過今日放工去買機時同個sales傾傾下，原來有另一種方法。所以而家我照樣可以同用緊3的人免費sms，又可以用123上網。hehe~

等叉好電，試左機，就可以正式咁研究一下lu！



















不過...之後就要慳d洗，唉~

Disordering

Q: Is there any difference in selecting data from Oracle 8i and Oracle 10g? Because in Oracle 10g I'm getting data in a different order. Note: I never used the order by clause in either case.
A: In relational database theory, you are not guaranteed any order. Rows are part of a set and by definition, there is no ordering in a set. If you need a guaranteed order, then you must use the ORDER BY clause. Just because you received the data in a specific order in the past does not guarantee that you will always get that order in the future -- unless you use the ORDER BY clause.

我地發現d report ordering 係oracle8g同oracle10i有分別，而我睇到有ordering問題的都係一d冇寫order by 某個field的query。經理叫我問下公司dba，再問下oracle metalink，有冇d natural ordering的野。當我同個dba傾果時，我地都爆笑，話條query冇用order by，冇disordering都好正常o者~ 唔係仲要問metalink掛？ 咁當然老細要我問，我梗問嫁，又唔洗死o既。

不過我都同我阿head講左我同dba的想法先，阿head話佢唔信，佢話一個db一定有一個natural ordering的setting喎！咁唔緊要啦，照問。家下問完返黎，經理自己send返條link出黎，就係以上果段，話唔同order by，出黎的result就梗係唔保證同樣order嫁啦！

認真得啖笑~

姊妹聚

下午落大雨，我都照出去做yoga。做到6點，周身痛，行過bread & butter買左兩件衫，就去左尖沙咀羽壽司度同mandy同埋綺薇的一班姊妹食飯。6點半邊食邊傾傾到9點先走，其實在座都幾多有經驗的人，所以都俾到好多意見綺薇。負責左一d項目之後，就坐火車返屋企lu。

真的假的？

收到世溢的email，咁樣的建築係咪假嫁？？

另外恭喜佢第二個bb出左世呢！

Excel 同事飯聚

放工呆了一會就跟evelyn, simon, eric還有黎明一起去尖沙咀的泰豐廔酒家。今天是我搞的飯聚，相約幾個離職2個月至半年的同事一起吃晚飯。其實他們離開後，我們都沒有見過面，當然他們小圈子聚會不算。本來只想約幾個人，想不到anthony又想叫這個叫那個的，一叫就11個人了。

大約7點45分，點了一個6-8人份的餐，9個人就談天。有他們在氣氛就是不同呀！咳嗽的我邊咳邊笑的，挺辛苦的呢！

走的時候isabella問我為什麼不宣佈，我為什麼要宣佈什麼？她總以為我約大家出來吃飯是為了宣佈些事，我只是為聚舊而已，只多心。

最後的禮物

睇完一大輪韓劇，都係睇返套日劇，如果唔係我怕我好快就會做左韓國人。

睇左幾集《最後的禮物》，係講一個離左婚的媽媽，忽然發現自己患左肝癌，於是想為自己的女兒做返d美好的回憶。

如果我好似女主角咁，忽然只得返3個月命，我會點？

我諗我會辭左份工，有可能o既就去旅行，同屋企人、朋友、同所愛的人多d相處，又或者去上一d自己喜歡上的興趣班。不過大前提之下，都係要有錢，唔係我點可以享受我3個月的生命？要買保險俾屋企人有保障，所以而家...都係自己有返d錢好d。

又或者當你想搵你所愛的人陪你過埋最後的3個月，但係你愛的人已係人地的男朋友/老公，咁點算呢？又，你就黎死就唔洗做o者，另外果個仲要生活仲要返工嫁ma，點陪你3個月呢？

@_@ 太...難...諗...啦...

Parting is sweet and sorrow

昨天5點鐘supervisor才給我一個task做，結果又要開ot到8點，搞到我好忟！

不過好彩今日放假，又係訓到11點幾先起身，食d野就睇韓劇。睇完一套叫做Parting，中文名係《我們應對離別時的姿態》。故事主角...唔洗講，勁唔靚仔，勝左後生only。故事主要講分手，最初男仔飛女仔因為佢本身係玩玩下o既，女仔唔捨得，於是訂下張分手契約書，要男仔俾時間佢直到佢放得低同埋搵到新的愛。跟住個男仔一直都冇在乎個女仔，傷左佢好多次心。當個女仔有另一個人鐘意，而且漸漸地放得下時，男仔發現原來佢真的愛上左個女仔。今次輪到個男仔要用分手契約書。當然就係冇可能係返埋一起，佢最後自己去個長旅行，返黎就放開個女仔。

當中有幾句說話都值得聽o既。比如『我同你係埋一起，係想見到因為我的存在而感到幸福的你﹔而家我已經無辦法給你幸福，所以只好放開你。』，又或者『我不管你愛我深不深，只要你愛我，就已經令我覺得好幸福』。

其實呢d都係中文翻譯，我相信韓文本意應該更加浪漫詩意d，可惜我唔識韓文。