The air car

睇報紙講印度同法國公司合作出左用壓縮空氣作為動力的汽車，明年就會出產3千部。勁！雖然款式唔掂，不過汽車不再用汽油，節約能源、環保、保護荷包之餘，也會有自動化系統。比如就GPS、不用車匙用身份辨識卡等等。價格預計是8萬5。

希望將來多點款式、價格便宜點，我也可以擁有一部...*o*

I NEED TO BE IN LOVE

係google度search野時search到。係carpenters的歌，歌詞好正。

I NEED TO BE IN LOVE
Richard Carpenter & John Bettis & Albert Hammond

The hardest thing I've ever done is keep believing
There's someone in this crazy world for me
The way that people come and go through temporary lives
My chance could come and I might never know

I used to say "No promises, let's keep it simple"
But freedom only helps you say goodbye
It took a while for me to learn that nothing comes for free
The price I paid is high enough for me

*
I know I need to be in love
I know I've wasted too much time
I know I ask perfection of a quite imperfect world
And fool enough to think that's what I'll find

+
So here I am with pockets full of good intentions
But none of them will comfort me tonight
I'm wide awake at 4 a.m. without a friend in sight
I'm hanging on a hope but I'm all right

repeat *
repeat +
repeat *

有感

一直都沒空寫寫自己對這文章的想法。(你知道，要在上班時間騰出這麼多的時間確實不容易。)

『你們生我出來之前，有沒有問過我是否願意來這世界呢？』

話說在前頭，我從來都沒反對要孝順父母的。可是對於這句說話卻很有感受。毫無疑問的，我是有說過這樣的話，值得關注的是，在什麼樣的情況下子女說出這句話呢？我想應該是爭執得臉紅耳熱的時候吧！誰都知道是不可能在你出生前咨詢你的意願才誕下你，可是這句話所包含的應該有對現況生活的不滿吧！因為討厭現在一些事，才會說出怪責父母誕下他的說話，也顯出一點無奈。吵架中，傷害對方的說話不絕於耳，我就不相信只有子女才會說出傷害父母而不自知的說話。難道父母就不曾在跟子女相處的過程中傷害過子女的心靈嗎？

不說別的，我就在稍一不如父母意的時候，被質問過『我養到你咁大，柴米油米醬醋茶，供你讀書什麼什麼的，那一項不是錢？你要怎麼還？現在叫你做一點事都這樣？！』(大約是這樣的意思) 當然，我就回了那句話了。

聖經裏告訴我們︰
「 為甚麼看見你弟兄眼中刺，卻不想自己眼中有樑木呢？」（馬太書七章三節）
「 你們願意人怎樣待你們，你們也要怎樣待人……，」 (馬太書七章十二節)

雖然我不信教，可是我是覺得這些說話很有道理。父母只看見自己受到傷害，又看到了自己也傷害了子女了嗎？說得好像生下我是莫大恩典、說得好像因為我吃他的喝他的住他的，所以我失去我的自主權、所以我要聽他們話，因為我應當回報他們。人的出生，不是因為父母得到了他們的長期飯票、不是因為他們開展了比強積金更有回報能力的投資、更不是因為他們得到了可愛的洋娃娃吧！

說到這裡，就說到回報 / 感恩兩個詞。父母與子女的關係，如果是建立在要求回報跟還債之上，那多沒意思？我孝順父母是因為我感激他們的對待，而不是因為要還債。當父母常就子女應該要感恩，因為父母不是一定得對子女好，付出最好的東西給他們時，我也想勸勸父母，他們也得感恩，也不是子女都一定會孝順父母的。 我沒當過父母，確實未必能夠體會到父母的心情。可是為人父母的，也應該當過別人的兒女吧！那一個子女喜歡父母用誕生養育作為要你妥協的盾牌？那一個子女喜歡父母用『因為我是你爸媽，你就得聽我的。』來強迫你屈服，漠視你的意願？

再說，說到父母給最好的給子女。很不好意思地說，你覺得最好的並不一定是子女想要的。你自以為想給他光明的將來，威迫、恐嚇、打罵來逼子女讀書，這樣也不一定是子女想要的，也許他們會很遺憾自己有這麼一個不快的童年。你以為給他吃的穿的就是對他好，也許他會希望你給他多一點尊重，比吃一頓高級料理更好。

所以，每當父母聽到這句話的時候，除了注視自己受傷的心靈外，應該想想自己剛剛是不是也拿刀刺向子女的心。我也會像徐步高一樣，把一些有意思的字句跟文章保留下來。小時候就在一本小說中影印下一段話。大意是父母跟子女就像是弓跟箭，箭一但發出去了，弓是不能影響它的。箭有自己的軌跡。

我們有『樹欲靜而風不息，子欲養而親不在。』，也有『白頭人送黑頭人』。珍惜跟諒解是不分身份的吧！

尾二堂

今日上堂坐正中間，比之前專心左d啦！因為佢講明係最難果part，點都要留心d o既~

break時同dicky傾傾下，原來佢都係尖沙咀california度做gym o既！睇下會唔會一起做喎~
=p

拜山

今日一早起身梳洗，因為約左mandy同埋心誠一班老師去拜山。拜邊個？就係兩年前意外身故的簡志遠老師。真係唔經唔覺就兩年，自去過佢的葬禮後，佢入土後我都未拜過佢。今次都係多得mandy佢問埋我，我先會有機會去，如果唔係，我又真係唔會咁神心去搵師母去拜。

到街市買左紮花，本來想話買生果，不過最後都係冇買。李sir就車我地去簡sir屋企集合，都幾多老師到左嫁啦！不過有一半我都唔識/唔認得lu。見到簡sir個仔簡浩衡，以前仲係心誠教電腦班時，簡sir有抱過佢返黎俾我睇，果時佢仲係好細個，而家都幾高瘦，身型同臉蛋都好有簡sir的影子。等埋晒人之後，就同簡sir的屋企人一起去後山。因為佢地係原居民，所以係後山有塊地作為墳墓之用，我都係第一之去拜土葬的。走過小山坡，見到簡sir個墳，非常之簡陋，只有一個碑斜靠係土坡上，有個沙煲同一個膠樽。原來墳要等7年後執左骨先可以起，所以而家都只可以咁樣拜住先。當佢家人拜佢佢地太公時，我地老師就拜拜簡sir，再閒談一下。我係心裡同佢報告一下近況，又提及我地的同學楊偉康, 綺薇的現況。回頭看見mandy係度眼濕濕，雖則我都有少少淚意，不過我都係好快就冇事。逗留左一陣，食左d生果，大家就車返去簡sir屋企解散。簡師爺叫我地一起去飲茶，不過我地都冇去。由李sir車返我地返屋企。臨走時我同簡sir講，下次我會搵埋綺薇佢地黎睇佢。

下午同mandy去屋企附近食埋lunch，傾下計先返屋企。做左陣功課，但係總係覺得好似做得唔arm，所以留返上堂問左同學先繼續。

開始睇埋宮s，忍唔住skip下skip下咁睇。女主角唔係好靚，不過鼻好挺，有dd楊恭如的影子。

飲恨Annual dinner

今日係annual dinner，早上都choose左條裙黎著。返到公司有d人都超級咁casual。人地話smart casual，但係佢地就穿牛仔褲。不過evelyn都穿左條裙，大粒果d穿埋褂tim！

6點放工，supervisor都走晒，因為要去做準備。我同evelyn就去左causeway bay度行下sogo先。7點多先去到regal hotel，點知已經係最遲果幾個。地方好細咋！d野食又唔係好正。不過好在佢有人分野食，咁唔洗夾黎夾去咁麻煩。全程都好多game同埋抽獎，獎品仲好正tim！有LV, Gucci, Agnes b., CK, Patrick cox, ...好多好多。相機、dvd錄影機、lcd monitor、Wii、PS3...但係我一份都冇。由細到大都冇咩抽獎運，真係應驗晒！！

入場果時撞正老闆娘行出黎，佢從上到下的打量我同evelyn，死啦！唔通穿得唔arm佢心水？！另外由於我地team係上半場都冇中過獎，係玩勁飲果時manager jones就去幫我地出面。佢原本係唔夠人飲的，不過最後佢淨緊啖唔飲就係咁倒係個頭度！個個見到都緊係拍晒手掌啦！不過犧牲都幾大，啤酒洗頭。佢另一邊d 手下，loans team d仔，非常之得佢心。因為佢真係當正自己係大佬咁。當d仔太嘈，jones居然大聲叫佢地，"behave!"。我聽到就覺得唔舒服啦！你估真係跟大佬咩！喝狗呀？behave？！ 唔怪得d loan 仔暗地裡都唔妥jones啦...

散席我同evelyn就走先lu。見loans仔仔唔願走，睇黎佢地都係有下場。

今堂上堂我遲到半個鐘，原本坐的位俾人坐晒，andrew同willian都天各一方。我都求其搵個位坐低，就拎我包優之良品同埋蘋果綠茶出黎邊食邊聽書，勁似係戲院睇戲。

今堂講的數學prove，就唔係一時三刻就跟得上的。但係講hedging，我就聽得明啦！反而andrew完全get唔到point。我break的時候說了一遍，放學邊走也邊說，可是今次連william都不說話，他好像也聽得不太懂。最重要的是，andrew不明白股票市場是可以沽空的！！他問了幾次，自己沒有那種股票又怎麼可以賣！？ -.-" 那我也沒辦法說下去了...

第一次是我明白而他們都不明白！=p

開始睇宮S ，真係比宮悶。主角se7en有d角度仲可以，但係另一個主角...唔出聲時仲得o既，一開口講野就真係...唔好睇囉...

Gym day

今日放工同evelyn一起坐地鐵，原來佢成8點先做gym，太夜了。

到左尖沙咀centre，發現原來d course schedule同人都轉左。thur 係body combat之後body balance！我即刻連上兩堂。不過body combat打拳實在好難做，我呢d斯文人要做打拳的動作實在做極都冇咩勁咁。做到10點成身都散晒，返歸。

Evelyn話佢個personal trainer講唔可以做死一set動作喎！因為d肌肉習慣晒d刺激就唔得嫁啦喎！咁我咪唔可以次次都跑步？

唱歌班

今日同學仔張宇最後一堂上堂，原來佢公司派佢去菲律賓起香格里拉酒店同埋resort，起碼都半年至一年，所以就唔可以再繼續學了。

貓貓俾阿sir嚇左入sofa底就再都冇出過黎。

叫左阿sir幫我choose幾首arm我唱的歌，等我practice熟d。

Tuesday lunch with Jojo

今日online見到jojo！原來佢而家係太古城adidas度做緊temp，於是就約埋lunch一起食。update下大家近況，又講野佢d婆媳糾紛咁啦！但係去到太古城食keywest，食得都幾急下，成個下午都頂住頂住咁。

夜晚上堂，今次我有print notes，都冇玩大富翁啦！但係都係需要溫書先可以明白。黎緊有份功課要交tim嫁！好在復活節有假。

返到屋企上網，表哥唔係度喎！send唔到 d nds game俾佢tim。仲有，阿欣想要的鑽石game，究竟係邊隻呢？

久違了的Gym

今日放工遲左少少，去到尖沙咀都係的起心肝去做gym。因為時間過左，所以都係join唔到個body combat class，結果我都係自己做機。行40分鐘跑步機，先至消耗200 卡路里，lunch飲茶都唔知食左幾多個200 cal啦！唉~ 做多陣其他機就走人。

側面

『猶如x行和匯演，你眼光只接觸我側面...』


我叫左阿輝幫我影d snapshot，我覺得呢張影得幾好的側面！因為塊面幾白幾滑，而且表情自然，好過我硬係要笑果d相。

比賽‧慘敗

上午起身睇幾集卡通又趕出門口。今日我相約幾位唱歌班的同學，一起去參加歌唱比賽。今次係黃埔青少年中心搞的活動(公開組)，我地一行8人準時到達。30名參賽者中將會有10名能夠入圍決賽，成功率好高，同學仔都好興奮。其他參賽者大都係男仔。我地係由12-20號的參賽者，所以一開始就坐係度聽人地唱。老實講個個都唱得呃得下人！因為我唔識聽覺得個個都好似幾勁，不過我有個同學rebecca佢參賽無數，佢都有講我知呢個邊度唔好。不過有d我都聽得出係嗌得好誇張。

我ma，太緊張了，上台即告戰敗。rebecca水準幾好，佢唱古巨基的必殺技唱得高低有致，一個字！勁！其他人好難有得比。等大家都唱晒我地就一起到佐敦搭地鐵。rebecca話我知我都算係快有show出的同學，不過我選的歌都太冷門，人地聽到都唔識冇咩共鳴，所以出show比較難。咁我都知o既，好多時唱k我點d歌都係我solo就知啦！但係冇法喎！我有時聽的真係冷門d的歌，又多聽台灣歌手。好似上次係勁歌金曲聽的陳思祺，唱k唱時又係冇人識。反而千嬅果d大傻我又唔鍾意，joey果d又唔arm我唱。阿sir都話我唱d清新的歌比較吸引，但係k歌多數都係唔清新嫁啦！真係好難arm咀形喎！

我要開始諗返我個參賽歌曲pool，之後不停practice果幾隻！

夜晚去婆婆度食飯，表哥都買左ndsl啦！於是一起雙打，野野都臨到終點先炸我結果之次都輸俾佢！真係好慘，由細俾佢恰到大呀！該煨~！

返到屋企又睇左陣卡通先訓。

返學

訓醒梳洗一下又趕去返學。上堂走左堂扮靚去飲，今堂唔可以唔返啦！見到andrew同william，佢地話上堂d數好難！我睇返notes，覺得一般咋喎！佢講果d都係中六七Maths教的probability & statistics。雖則我唔係記得晒所有，但係見到條式都記得係學過。今堂佢都係繼續proof返d式出黎，難又唔係好難明，但係係唔知佢同stock有咩關係o者！

上完堂就返屋企煲劇。『星萍果樂園』已經搞掂，又開始睇另一套。今次睇的係卡通片Princess Tutu!係套講童話故事同現實中交疊，再加芭蕾舞的卡通！要快d空出d位出黎先得！

都是夜歸人

『是冰凍的時份，已過了零時的夜晚...』

怎麼可能過了零時呢？今晚我只是留到8點就走了。走前詢問了isabella對於我將參加的course的意見，再考慮考慮。回到家就繼續看『星萍果樂園』。

Lincoln

好攪笑！今日log入yahoo友緣人，有人send左msg俾我，咁我咪去睇下咩人講咩啦！點知一睇就覺得眼熟，你知啦，我認人都幾叻嫁ma。個名又係叫Lincoln，佢又話自己搞過學生會，我就醒起大家原來係識o既！佢係我地果屆莊，Manufacturing Engineering的department society president. 咁咪同佢相認囉~

佢係搞學系會咋喎！我都只係學院會，做乜吹到咁大話自己搞學生會o者~？

活動取消

原本今晚約左同事食飯，點知臨時話取消。聽晚約左好舊的同事食飯，又打黎話取消。結果都係返屋企食飯，睇左十集星萍果樂園。阿明道ma，真係唔係我杯茶，係就係比較靚仔，但係都係...唔得。(sherman對唔住了) 仲要見埋183club個隊長呀顏行書！扮乜得靚仔小開！呀天齊又係，得個外形係得，眼耳口鼻都唔好。女主角係sweety的其中一個，肥，手臂同我差唔多，咁佢梗係cute d嫁！

仲有十幾集先大結局。

掠水會！？

尋晚唱歌班的同學打黎，話阿sir星期五生日，問我夾唔夾錢買禮物俾佢，每人百幾蚊。我聽完，就咁『哦！』。皆因我真係有猶豫。一黎佢地每兩個月搞一次生日會，咁阿sir應該係3,4月的，4月底先至會慶祝，咁而家又要另外俾錢買禮物俾佢？仲有，我同佢一般嫁咋喎！十個學生每人舊幾水都千幾啦，買咩禮物俾佢呀要！好在當時仲有個人識做，話叫我諗好再打俾佢。



最後我梗係話唔夾啦！生日會時先幫佢慶祝。



今晚上堂勁遲放，因為有兩個新同學黎。男的就黎左，中學生，女o既就失左蹤。阿sir又花左成個鐘一對一咁講d基本野俾佢聽，我地就係度等。之後新同學咪俾d大師兄帶住practice呼吸，我地有我地上堂。結果都十點半先走得。



另外阿sir隻貓真的係同我熟左！我一入去toilet，佢就突個頭出黎喵啦！跟住咪俾我引左出黎廳行下囉，佢d貓毛不停咁甩，而且佢唔坐嫁喎！只會企係度俾我摸，又去嗅下其他同學咁啦！不過有一次我撩佢腳，想話教佢hand hand，佢竟然自己訓低，好似d狗咁側身訓係度！成個肚腩表露無遺！勁攪笑。今日佢好親民，連新同學仔都可以摸佢。


由老馮為我地演繹的復古電話風！你睇？佢係用緊舊式電話的聽筒，聽手提電話嫁！呢個配件插係叉電果個位，都唔平嫁！成$3xx 係海港城的LCX度買。我估係地鐵聽果時會好得意！手提電話就愈買愈細，但係就拎住個咁大的配件出街。佢話佢同阿妹一人一件，仲可以作武器，有如隨身摺凳一樣的功效！

萬事俱備，只欠東風

咩係東風？咪係錢囉！

我終於睇定左個course啦！完左master就去學呢個！<=賣個關子先~
反正就係冇咩其他人想同我一起去學的野。但係個course要6月中先開。

仲好，有時間俾我存錢。

點摺金莎花

食左好多朱古力，有好多靚o既朱古力包裝紙！唔知摺起黎會唔會都好似金莎花咁靚呢？

南生圍

想去士多啤梨園呀！不過好似冇咩人想去。

補相

我想話呢~ 呢張相影得我自然d，塊面又尖d，笑得又好睇d。可惜只有我同miranda有望鏡頭。

呢d相係from Miranda個杷機o既！

單身男女

從中學同學海龜的blog內，睇到呢兩個blog link，討論單身男女。非常同意佢地的說話，由其係女的一方。

單身男士的悲歌

單身女士的悲歌

返學

今晚返學居然係第二個到的學生！今個sem都係第二次咋！鬼咩！公司次次都明知我5點半要走就5點先黎開會，實遲啦！

上堂個個都印左notes，只有我冇。因為我勤力返工，冇上去個website度check，咪唔知有notes囉！不過唔緊要聽下先囉。一邊聽一邊玩ppc內的大富翁，我又係選我一貫用開的錢夫人，今次勁呀！雖然冇買好多地，但係不停用均富卡食晒大老千d錢！

另外買左cheese cake邊上堂邊食，靚仔d o既阿宗話我引佢地d未食野o既同學喎！咁好啦，請你地食粒朱古力又點話o者~ 原來阿宗全名係顏x宗，好似好型咁。

放學dicky又同我一起行去火車站同地鐵站，傾開復活節有咩活動，知道我都有行下山。所以佢話佢同朋友行開時叫埋我去喎！good!!又可以擴闊圈子啦！=p

心研有好野醒我。原來佢有個朋友的朋友的女，小學生已經學緊中學的野啦！佢搵個科大degree生幫佢補習，但係覺得個老師唔掂，所以問我有冇興趣教。嘩！degree唔得就搵master人，唔得洗唔洗搵埋professor？！我都想賺錢呀！可惜我從來都冇幫人補過習，再者我d HKAL同HKCEE成績又唔係叻。叫我講咩momentum，死得啦！所以我介紹左yvonne去試下，佢自己又係physics miss，教開書，之前又有幫人補習，arm晒佢啦！幫佢交換左contact，我就大公告成，返歸！

如果成功，要屈yvonne一餐先！

隱瞞 - 陳慧琳

這首歌有粵語國語的版本，我當然是推薦國語的啦！因為歌詞寫得好多了！如果半年前聽到這首歌，可真的要哭死了！雖然現在還是很感動。

別讓情緒當你的主人 - 這句話真的是對極了！偶然陷入低潮了，讓壞情緒出來走走兩三天就好了。如果讓它待得太久，它就不會離去的啦！

還有，王傑的《心癮》也是寫得很好的。

隱瞞 - 陳慧琳

歌手：陳慧琳
作曲：雷頌德
填詞：徐世珍
編曲：雷頌德

安靜的電話　安靜得讓人害怕
你不想我嗎　難道你就真的那麼忙
你的愛　煩了嗎　舊了嗎　厭倦了嗎
最近你連一個吻　都那麼假

恐怕　是你一時的善良
明明想離開　只是同情我不夠堅強
很悲哀　不敢問　不敢想　愛到沒有膽量
但願所有一切都是我自己的　胡思亂想

＊告訴我　該繼續等待嗎　
等到的會是再見嗎　
你當初為我的瘋狂　
是遺忘在什麼地方　

回憶　壓在心頭上　
哭紅眼睛也不知道你要怎樣　
你現在在哪裡　我都不敢想　
你有心想隱瞞＊

這份愛恐怕　是你一時的善良
明明想離開　只是同情我不夠堅強
很悲哀　不敢問　不敢想　愛到沒有膽量
但願所有一切都是我自己的　胡思亂想

REPEAT＊

你在等待著我離開嗎

resting 永遠都不夠

早上7點幾返到屋企，換件衫、開左個電腦load野就訓 lu。set左alarm2點叫醒我做功課，不過點半就人有三急起左身。幾經掙扎之後，都係乖乖咁做埋份功課先。基本上唔難，只有一part唔肯定。打俾andrew留言叫佢做完同我對答案，跟住就睇左『卧虎』。

其實我對於黑社會戲都係一般，所以後半部都係好快好快咁lap左佢。但係我都留返係度，等我換機買返個dvd burner先燒俾老豆睇。(係呀！我個機好out嫁！仲係vcd burner咋~) 之後又冇心機睇劇，結果都係開返個中華客棧2黎玩陣。

而家有個flash 小遊戲好玩呢！我想去佢個website度register就玩完整版，但係我唔識睇韓文，而且好似要用韓國身份証id同埋韓國email先得呀！唉~

登登燈登......

原本較左alarm 9點叫醒我化左妝先去返學，之後先返屋企換衫出去o既。但係世事往往...事與願違...



我11點先起身，梳洗得黎化個妝。下午1點半要出門口返學的時候，我仲同緊d假眼睫毛拉扯緊，只好放棄返學啦！(yeah~)



一整就整到3點幾4點先完成，結果都係試左用藍綠色做眼影。而家先開始肚餓，我未食午餐ma！媽咪買個河粉我食，之後見有時間，咪睇陣劇先啦！一睇，睇到阿妹返黎，又左彈右彈我個妝，咁我唔識ma！6點幾即刻出門口！



係車度收到yvonne電話，原來佢到左啦！又話返埋學要7點幾先到o既？！我準時7點多到達尖沙咀文化中心的映月樓。梁韓婚宴設係4樓。上到去我見到有條經典的結婚長樓梯呀！簽個字俾左人情，我仲以為可以一嘗走落樓梯的感覺，不過原來係樓梯前轉左先係個廳。一入到去就見今日做MC的阿roy，叫我去同carrie影相先。咪住！梗係要入toilet除褸，整返我件披遮下d 肉先去影啦！carrie同梁郁都讚我今日穿得靚呢！呵呵！不過真係今日先知原來梁郁英文名係叫Jason。之後我就去搵埋班friend。點知佢地一班打牌、一班玩廿一點，我粗身大細費事逼入去又唔係玩，所以都係同山雞坐埋一邊傾下計咁。仲有同carrie妹妹晴晴講下野。



今次飲宴整體黎講我覺得ok。野食好唔好食我就唔係好識講，ok啦！唔係難食。我喜歡最後黎的甜品，唔係中式的笑口『早』呀果d，而係細細件的cheese cake！雖然呢隻係有d creamy的，不過我都覺得幾好食。至於玩新郎果d game呢，都好一般。當新郎黎逐枱拎rose時我地本想叫佢重演求婚一幕，點知俾前一枱講左，即刻騰晒雞。最後都係叫佢講下佢地最幸福的回憶咁啦！朋友話我係個slideshow度出左鏡！佢地個個都冇只得我有。但係我睇唔到呀！果時因為yvonne要換衫，我見佢唔識toilet係邊，就陪佢去，就咁錯過左啦！但係我都諗得到係邊張相，反正就係我好肥果d相啦！成個飲宴最唔好就係d service好趕咁，d野放低都未食完，就係咁拎走晒d野。所以我都唔建議人地黎呢度擺。



之後走的時候梁郁又讚我今日好靚女，客套話啦！伯母對住sherman講佢好靚仔tim呀！haha！之後我地去左greenbox唱k，3點幾sherman, gary走先，我、yvonne同eric就唱到6點。



*******************

好在sherman, alice, miranda, yvonne都穿得靚靚，唔係我就好誇張咁嫁啦！

我覺得我都ok啦！但係笑得勁唔自然，我一向都合口笑嫁ma，但係成日都話我唔夠開心，抿住咀。好啦！聽一次話，開咀笑啦！點知原來咁鬼生硬，好醜樣。當然都影得我肥啦...雖則我係...有dd咁啦...

聽到eric話我知yvonne話我靚，勁~開~心~

兄弟，睇中邊個就同我開句聲，我介紹你識！(keke...)

作好準備

明晚就係carrie結婚請飲的大日子，萬事俱備只欠...facial囉！所以夜晚就去左做facial。老話題，又係話我皮膚缺水(我知呀~)，又話佢地做緊咩promotion咁啦！

差唔多8點幾返屋企食d野，睇陣劇就訓lu！

有料爆

尋晚收到舅父仔的email，我地一家先醒起原來真係做漏野！大獲啦！點補救？

今日又多一個上次識的朋友仔add左我呢！

相@Mario

今日收到表弟Mario之前係香港同我地過新年、唱k同食飯的相。冇張影得我靚！

佢仲收埋左有一張偷影我講野/食野果時個樣，留俾tina睇！！唉~ 一定係十分十分的醜樣啦張相...

貓兄/貓姊

大約一個月前係唱歌老師上堂的地方，同寄養係佢度的貓玩，點知佢扮晒舒服咁係我手腕度hi下hi下果時，居然一啖『犀』落黎！血就冇流，不過『魚』左幾日。果日我想話關返toilet門都俾佢wear我手。

尋日上去上堂，又入去佢的地盤(廁所)度小解。佢原本係自己個安樂窩度o既，見我入去就走出黎不停係度『喵』。我睇書話d貓如果條尾直晒豎高即係戰意正濃，不過我見佢fa下fa下咁，又唔似係撩交打。係我如廁時佢都冇釘住我，只係成日『喵』。咁我又『喵』返佢。敵不動我不動，係我洗埋手時我就睇佢想點，所以我都冇開門出去。不過佢走向門邊好似想出去，我一開門，佢又跟住我出左去。腳步好猶豫咁係廳行左個圈又望下我，返黎我身邊等我摸佢『舒服舒服』。同學monkey伸手都俾佢咬手指。

嗯~ 唔通我地不咬不相識？

膽顫心驚

前幾日開progress meeting，manager話有d野要講，我就開始驚啦。佢開會前就已經搵SSA同SA私底下傾過，好驚佢想話我表現唔好。開會果時佢又掃視我地各人，先講...

我地team會請多一個人，會接多舊野做。

嚇鬼死我咩!

跌 逾 兩 成

冠 中 狂 升 1.31 倍

日 前 遭 重 創 的 二 、 三 線 股 亦 受 追 捧 ， 昨 日 再 有 超 過 二 十 隻 小 型 股 份 升 幅 達 兩 成 以 上 ， 除 高 據 榜 首 的 冠 中 地 產 急 升 一 點 三 一 倍 外 ， 中 國 創 新 投 資 （ 1217 ） 、 銀 創 控 股 （ 0706 ） 、 國 新 集 團 （ 1215 ） 、 凱 暉 國 際 （ 0269 ） 及 東 北 電 氣 （ 0042 ） 等 ， 昨 日 均 隨 大 市 反 彈 逾 兩 成 半 至 五 成 八 不 等 。 小 型 股 升 得 快 也 跌 得 快 ， 昨 同 樣 有 多 隻 二 、 三 線 股 遭 拋 售 ， 當 中 志 鴻 科 技 （ 8048 ） 、 百 德 國 際 （ 2668 ） 跌 逾 兩 成

三林

抽唔到！是禍是福聽日就知。

中國銀行今次一跌，就變返同初初咁上下，唉~

中國人壽，睇個圖係咪就係仲跌緊呢？佢每次跌左升返都升唔上上一個高位，應該仲有得跌掛？！Isabella話佢的支持位係$18，再唔係就要去返$10。不過今日又升返$21個幾啦喎...

匯豐銀行個圖都唔識睇喎！不停的升下跌下咁，邊度係支持位邊度係咩位，完全睇唔出...-.-

魅力是沒法擋

新認識的朋友中，有一個問我拎相同埋約我出街(好彩冇食白果...)。

很可惜He's not my cup of tea~ =p

(懶巴閉！)

做咩o者~ 俾我開心下唔得咩？！(雖則標題係誇張左d...)

回覆﹕有線電視投訴

尋日有線電視的客戶關係科的伍小姐打黎，講返收到我封投訴信同埋東方轉介的個案。咁佢當然冇咩解釋，只係話佢會跟進返有關同事同埋公司的政策咁啦！即係廢話囉。

不過起碼佢可以即時同我終止左份合約，因為22日話會send黎的表格，當然又係收唔到。真係好懷疑郵政署係咪逢寄親有線的信都會遺失！？還是有線只有mark低電腦度話寄左，實際係冇做野？

不過算啦！即時cut左就安心晒。

跌市

最近個市係咁跌，手上未放果少少IPO都跌晒，果汁仲跌穿$9！早知就佢再升上$10果時賣左佢啦...不過而家就唔賣住嫁啦，放係度先囉。反正我都唔係打算抄股玩短線o既。

前幾日聽到一d令我唔開心的說話，雖則人地可能係講笑，不過好可能係認真的。我自己就覺得冇人天生係乜都識o既，都冇人話邊d人唔可以做d咩野。咁我有興趣學，又唔知點學起，自然就係聽多d同事講的野、睇下網上人地點講、又問下d朋友的意見。如果係not willing to share o既，咁我以後咪唔問你地囉~ 反正都係討論下，聽下你地點分析，等我自己都可以學下o者~

我覺得反而同事更加willing to share。閒時傾下佢地的分析，留意下佢地點睇個圖，都學到野。尋日isabella就教左我少少睇圖的technique。我就唔明人地憑咩可以渺視我所作出的努力，人地知我冇睇過書咩？知我冇睇新聞咩？至少我唔係咩新股都抽，我次次抽都睇過份章程的，都未抽過一隻一上市就跌穿招股價的股。也許未如其他人搜集資料做得咁仔細，但係至少我唔係係度買大細。同事都同我講初學係要交下學費，stanly曾經蝕晒父母的退休金。咁我都知，所以才少少地試下，買親都係d實力股。

枉我曾經真的為人地掛心過，又曾經努力的想好好同佢相處。

變靚d

今日返工好頹，因為又做testing。其實上個星期三、四我都做緊個testing嫁啦！但係次次都做唔成功。一時就係source code都未build，一時就唔知咩原因錯左條數。今日又做，成日做左3、4次同樣的步驟都係得唔到arm的result！真係唔想再做呢個testing啦！d steps好煩！

前日sherman同yvonne都打黎問我carrie結婚果日著咩。原本我係諗住都係著返新年果set嫁啦，裙都唔著，不過俾sherman撩起話穿晚裝就心癮癮。於是放工就去左旺角新之城度睇有冇d簡單而隆重的晚裝。最後買左一件，其實都唔算係晚裝，因為我特登叫佢幫我choose件唔好咁誇的。穿起身黑色真係幾好睇，顯得瘦d，不過我最後都係買左另外一隻色，費事黑沈沈咁啦！

返屋企途中send埋sms提sherman同yvonne要陪我著靚d，唔係果日得我一個著裙，其他人牛記笠記就唔好啦！=p

Party

唔洗問，今日又係煲劇。訓到晏一晏又起身睇過，不過夜晚出左去join個party。所謂的party查實都唔係咩party啦！只係去識下人，玩下遊戲咁之ma，見平平地就去見識見識。

總括黎講就唔多arm玩。我係識到呀！識到幾個女仔friend咁啦，交換左msn。但係又見到d怪雞人！有一個穿紅色polo衫，大大粒墨係咀邊，樣唔好都唔會乞我憎，但係佢食野的attitude真係嚇死人。佢去拎野食果時居然一邊食一邊夾，用返自己個叉！好在我係頭一批夾的女仔，d野食仲未俾佢染指。大佬呀！幾大個人呀？未食過自助餐嫁？要人食你口水尾！？我地果table的女仔梗係即時投訴啦！

之後玩下game，同d人傾下計咁。有個睇唔出呀！又唔係靚仔，肥肥地，又靜，靜到係唔講野果隻的男仔，居然23歲拍左6次拖！！我同manda真係睇佢唔出！另一個拍左9次拖的23歲男仔就幾正常，因為佢係幾靚仔o既！gel晒頭果d款，實好多女仔翁埋去o既。

最後我同某幾個交換左msn就走了。有d仲留係度飲野同傾計。但係計埋計埋，其實我都係老餅一個了！雖然靚仔23歲果個話我同manda睇落都係23歲到，不過真係唔係幾arm傾。而且一聽我係做IT就已經覺得同我有距離咁，manda話我一講職業就嚇怕左人喎！

大佬！讀到書都成為交友障礙？！咩世界呀！？

***************
睇到4點幾終於睇晒『宮』，俾你係女主角，你會choose邊個王子？我......兩個都想要喎！hoho~ 不過最後當律開記者會話佢同太子妃係『什麼都不是』的感情，感覺好慘。再講上一代的孽緣又關律咩事？！唉~ 好可憐~

Mid-term

尋晚睇劇睇到2點幾，今日一訓醒就要返學考試。mid-term考得......一般啦！梗有d唔識做。放學同andrew對答案時發覺有幾題大家都係用同一個方法做，我估都唔會點錯掛？另外有兩題其實係可以用返之前份功課自己寫的program黎做，可惜我冇notebook，pocketpc又行唔到macro，結果我都係要人手代返d數入條式度計一次。

放學返屋企又繼續34集的『宮』。Prison Break Series 1都終於睇完，原來大佬細佬都係未死o既！開始睇左幾集series 2。但係唔知點解，我覺得開始冇咁好睇。而且新帶出黎捉Michael果個人......都唔靚仔o既！

休息

係屋企溫左陣書，因為聽日個mid-term其實係open book的，而且講明係計數，所以唔洗花時間去背野。之後睇左『妄想』、『伊莎貝拉』又開始睇左陣『宮』。

之前已經聽人講『妄想』的真正主角係isabella，但係我睇完，覺得故仔主角係isabella冇錯，但係其實仍然係阿sa擔正呀！畢竟我地睇o既係阿sa的演技呀~

至於『伊莎貝拉』，其實我就唔係幾知佢成個故仔想講咩。聽人讚到天咁高，我本有好大期望。雖然的確isabella係呢套戲係有d發揮o既，但係我都係睇完都唔係好知佢想帶出咩意思。

至於『宮』呢~之前我早就睇左套漫畫，所以劇情大約都知道。兩位男主角都唔算樣衰，ok呀！女主角就好d。

久休復出

今日諗住開始返運動大計，放工想去做返gym。因為星期六要考mid-term而我都冇溫過，所以聽日想sick leave，咁今日就要做晒d野先。結果要係度開ot開到7點幾8點。走的時候仲非常唔好彩同左個幾大粒的manager一起坐mtr，結果就要不停的搵話題傾。好在係tst我出左車，望下鐘仲夠時間趕上8:40果堂body combat。

近黎背部經常疼痛，感覺好似拉得好緊，大概因為2個月都冇做運動吧！所以做body combat拉筋的堂就arm晒。導師Ayisha教得有d快，感覺唔係太relax，不過做完個身都鬆左d。

乍暖還寒

今日東方講下星期三的天氣。

猶記得中六時作篇『冬日』，當中有呢個詞語。當時交俾英文科主任即係我個社監睇下，點知佢話中文冇呢個詞，話我自己作出黎。我梗唔開心啦，冇理由冇呢個四字詞語嫁ma！咁當然唔洗幾耐我就知係個miss唔識字啦！

每次見到，又會想起當時的師資。你話而家專科專教，會唔會英文科老市唔識中文，中文科老師唔識英文，數學科老師冇常識？！