六月聚會

今日穿靚靚的因為夜晚同大學同學聚會。出左門口發現唔記得帶八達o都，媽咪拎返黎俾我，所以返工就遲到啦。好在我阿head放假去台灣，返到去都遲左半個鐘，點知原來另一個同事直情話sick leave就唔返了。因為一日半日sick leave我地係唔洗假紙o既，另一位同我一樣有返工的同事話﹕「ha..呢度係咁嫁啦~」我心內暗罵，早知我都用呢條橋啦！不過算，反正我都好holiday mood，成日都冇做d咩野。

放工去左尖沙咀食飯，我arm arm出左office搭lift就收到carrie電話，原來佢約晒人but就冇book table。嘩！唔係呀化？十二條友黎晒先話冇地方食飯！？我拿拿聲入返office開左個腦search 客家好棧的電話打去book，當然係一早full左。佢話叫我親身去等位，為免真係冇位食飯，十二條友係餐廳門口等位的情況發生，我book埋『儂』作後備。之後我去到就去客家好棧睇o下有冇位。佢話即時食就有，如果8點就冇，因為full booking，要等人地埋單先會有，點都要8點9。打俾carrie，佢練完琴黎緊，決定都係無謂等啦。不過我地係『儂』度食飯都係坐等到8點9先食，因為有幾個人要好遲先黎到。果度食野都ok呀！豆沙窩餅就唔掂啦，豆沙又少皮又唔脆。反而山雞介紹的高力流沙包唔錯，因為我都鍾意食奶皇飽o既，味道同顏色超似蛋黃呀！之後就散band lu，我仲以為會好似以前咁去cafe傾計嫁tim。而且諗住聽日佢地會約埋一起搵節目嫁ma，點知都係各人約左人。唉~ 算~ 我係屋企休息~

唔...手機

尋日終於收左錢了，雖然唔係好多，不過都係我額外的收入。黎緊的活動都係靠佢了‥‥‥嗚..

除左想去食餐好o既之外，我想轉電話呢...呢部好似幾好，不過又唔係3G...

長毛

今日一早就係旺角火車站見到長毛，佢係度叫人去七·一遊行支持普選。我行過bear佢一野就急急腳走了。一黎我唔鍾意佢，二黎我好趕時間返工。唔知見到佢係咪我今日黑仔的徵兆呢！？

想起長毛，就想起普通話班我錯將佢『長毛(第二聲)』讀成『長貓(第一聲)』，笑死同學仔的事件了。-.-"

下午check o下我個yahoo mail，居然話我抽中左可以睇荒失失奇兵優先場喎！因為之前我冇野做果時睇yahoo網頁，話登記入佢個movie club就有機會可以得到2張票，反正都係填d資料就join左。點知真係中左！？我諗梗係冇咩人join啦！雖然係早上10點場，不過人地14號先上畫，我而家就有得睇啦喎~又唔洗錢...不過得2張票，如果有4張可以一家人去睇..點好呢？

小魚滋味

今晚約左carrie去買野。其實我上行街就睇左呢樣野係一個唔錯的choice，不過想搵埋carrie睇多d先決定。點知同佢一去到佢就拍版話買呢個了，我覺得好似好快，都未睇到其他有冇更好的就買，好似冇乜心思咁。不過carrie話覺得唔錯，幾好，咁就冇所謂啦！因為個野原本係我選嫁ma，希望人地會鍾意啦。

之後我地去左始創的『小魚滋味』度食。其實個餐好小野之ma，一個麵，一碟菜，加埋個湯圓，不過唔知點解食完好飽。我同carrie傾計傾到十點幾先走，都係傾o下屋企野，感情野，同學野咁啦。知道一個我以為應該好幸福的同學，原來並唔係我所想的，不禁有d唏噓~

計劃7/2005

唔‥‥‥離開學仲有兩個月，呢兩個月內有咩planning好呢？

• 8月中–考車
• 想再報唱歌班，不過唔見佢有初班
• 想報浮潛，應該會7月內去玩o既
• 持續進修基金仲有3千幾未claim，想搵多個course黎報。一係就搵個普通話深造班，再考多次試，今次要拎一級乙接近一級甲。唔係o既，就報日文/法文班。
• 想俾返d心機學左struts佢，再開始睇SAP

暫時係咁先~

有冇搞......錯！

今日訓過左時間，同唔到媽咪去聯和墟走轉。不過都要12點幾就起身，因為約左3:30學車。arm arm 趕到銅鑼灣的時候，見唔到師父喎！就打俾佢啦！點知佢原來唔記得今日要教我車，真係激死我！咁我咁早起身做咩？成個下午咁點過先？又唔返得屋企，因為晚頭要去聽車的機械堂。佢話俾返車錢我喎~ 真係唔抵呀！上次我塞車遲左佢都照收我錢，而家佢唔記得左甩我底，居然俾車錢就算！哼！

結果我咪就去左好耐都冇去的網吧度，打呢篇野law~ -.-"

頭文字D

今晚去左睇頭文字D，都幾好睇，阿杜文澤講野幾生鬼。阿jay又真係幾arm呢個角色，懶洋洋的，成個抬住個頭開車，而且又少野講。不過我就唔係咁受秋生的角色，我記得漫畫同埋呢個動畫中，文也都唔係醉酒佬黎o既，而且唔係咁喜歡佢成日講香港的術語。始終景同故事都係日本的，講野就好似香港地的野，總係有d唔夾咁。

今日仲試玩左人地部NDS，真係幾好玩喎！心思思想買...其實我都想買電話‥‥‥嘩！好多野想買呢~

南記飯店

今晚約左d舊莊員食飯，而其中一個生日。有人建議去九龍城度食。我穿左裙去呀！因為一黎我平時都唔會打扮o下o既，有約就梗係扮o下啦！而且佢地話會約埋其他莊的女仔嫁ma，business定係art果邊d女仔都幾靚又識打扮，唔想對比起黎我好似好差咁所以就穿好d。-.-" 點知原來佢地唔記得約果d人，只有自己莊的人。搞到我落大雨都仲要穿裙，有d狼狽。

我地總共有5個人食飯，因為有一個OT黎唔到，而呢個就係話想去九龍城度食果個。-.-" 咁我地唔知為乜入去去食。不過呢間野都ok呢~ 墨魚掂唔掂我唔識分，不過果個唔知咩『水瓜烙』就幾好食，個豬肚湯太多胡椒好辣。傾計都傾得幾開心，知道daniel 買屋plan結婚真係覺得佢果然係好男人。^_^ 好羨慕呢~

二月十四

今日同妹妹去左睇舞台劇《二月十四》，講三個女仔朋友各自己尋找佢地的真命天子，三個唔同的戀愛態度。呢一年的二月十四佢地一起過，並且許下承諾，明年今日要搵到佢地的真命天子。一年的每個節日都會一起過。其中一個俾未婚夫撇下，以後害怕再愛﹔另一個因病希望丈夫以後過得開心而跟佢離婚﹔最後一個人生如戲戲如人生，男朋友好多，卻全都係可有可無。最後病的果個死左﹔其餘兩個終於懂得發現身邊一直等佢地的男人。當中少不免有專為賺我眼淚的病同埋死人戲。其實呢d細劇場同之前睇的大劇真係冇得比，個d背景佈置差好遠。不過d歌都算唔錯，主角果三位唱歌係唔錯，不過都係差緊dd，最正的係負責彈鋼琴果個，一開口就掂！

• Tiramisu = 帶我走(意大利文)
• 我需要男人使我感存在
• 做女人需要覺得被愛

《他不需要英俊》
他不需太英俊　也不可以太醜
他只需要對我好

他不需要很富有　卻肯跟我一起奮鬥
熱情但謙厚

他不用很英俊　真的不用很英俊
偶爾會煮番幾味餸
放假會跟我行勻　旺角與及尖東
說話時有禮自信

他不用很英俊　真的不用很英俊
對我已痴心深種
永遠也跟我誠實　夜晚冇話失踪
到情人節有禮物送

從此　幸福甜蜜
寒夜未凍　枕邊人暖暖體溫相送
從此　再不困惑
同偕白髮　悠長路兩個
有問有講有夢發

《除夕夜》
絕望　是否真絕望
幸福的願望　彷似這煙花渺茫
沒法再正常　隨處盪

一次又一次又受傷
一次又一次要獨唱
一個人哭責罵自己混帳
隨緣而來　隨緣而去
一息間通通告吹
無力再繼續遊戲
繼續重新一次再傷過心
勇敢再追

在這除夕夜　想找個依傍
在這除夕夜　只得我頑抗
只有重覆去問自己
有誰會真的愛你
有個夢　遠走高飛　離這地
在明日天涯路上　請給我希望
在明日天涯路上　始終要頑抗
只有認真去做自己
努力要爭氣
每年也有煙花飛
同一個日期

比心機

今日我好比心機做野呀！當然都有偷懶o既~不過比平時少左好多啦！因為我要快d 搞掂晒d bugs。返屋企途中去左修一修眉，點知就一肚氣。夜晚一樣係上o下網睇o下電視咁啦。同舊同事傾左陣計，不來佢地一直都有打波果d活動嫁！記得以前約佢地佢地都唔願去，可能...不受歡迎的係我呢~不過算，我都唔恨去。

亦同左個同年同月同日生的舊同學傾icq，都有五年冇見，傾o下近況咁啦。成日話去幫襯佢間網吧but一次都冇去過。-.-" sorry呀，椰子。聽日佢地有打機meeting，有好多仔介紹我識呀！不過全部都細過我，我唔想俾人叫大姐姐/老餅，所以係唔會去o既~！=p


介紹
前幾日睇電視提及的果個已死去的女仔的網頁『呀咩吉場』。今日忽然見到人地d post想去佢，個女仔已經係血癌死左啦！一直都係佢的屋企人維持呢個網站。裡面有好多呢個女仔的日記同埋支持佢的人的留言。大家有興趣去睇o下呀！

好好味~

尋晚去左學車，因為交通大塞車，我去到已經遲左到，師父話太塞要去另一個地方學，佢就車左我去啦。真真正正開始學的時候已經差唔多7點鐘了，係蝕左半個鐘呀！好唔抵~不過今次主要都係練習斜路開車，窄路掉頭，同埋一般駕駛。臨尾停車果時我唔記得入返off 波就拉手掣同埋鬆離合器，結果架車忽然衝前差d就撞埋人地車度，嚇死我呀！之後就坐巴士去沙田火車站，食左"泡fu"，再返屋企呢。仲有時不時有頭痛。

今日返工做好左謝sir個網了，之後放工去左尖沙咀間羽壽司度食lunch。開左一排我都未去過，都ok呢！之後就開始整機，可惜都係唔可以今日整晒。原本係想今日整晒d手尾就收埋錢就搞掂的，唉~ 結果仲係要搵時間去整多次同教人地點用d software。臨走的時候，我又去食左杯雪糕，係意大利雪糕da dalce黎嫁！講明得3%的脂肪咋！好似好健康咁。我食左芒果同埋榛子朱古力，口感唔錯，幾滑，味度都ok！價錢...同"Haagen Dazs" (唔記得點串)差唔多啦！下次再去食。

超級奇怪！

今日返工，睇到阿head出email叫d同事記得聽返隔離d電話，唔好由得佢響。其實係前日開會時有同事投訴我地個team 有人唔聽同事電話，令到佢求救無門。為左唔想好似針對某一小撮同事，所以阿head都係email度講晒所有同事記得咁做。點知睇完email冇耐，同房的兩位同事就即刻捉住阿head問啦，問佢係咪有人投訴，係咪指佢地，因為阿head坐呢間房，所以佢地覺得事件一定係發生係呢間房的同事，更加覺得係針對佢地。於是就大動肝火，猛問係咪話緊我，定話緊阿dave，定係邊個邊個﹔另一個同事就係度話係咪星期三發生的事，之後就將呢件事娓娓道來，指錯不在佢。我阿head已經不停話唔係佢地，不過佢地不到黃河心不死，係都要阿head講係邊個同事，最後擾攘左15分鐘，阿head唯有講唔係我地房的人，佢地先至安心，並一再澄清佢地一直都有做得好o既。

我由於有attend果個meeting，所以我知係邊d同事俾人投訴，不過見呢兩個同事咁大反應都覺得好搞笑。清者自清，冇做過又洗乜猜疑係咪自己呢？阿head唔針對某幾位同事的做法係好正常嫁喎~ 我都唔明點解要搞咁多野。

築地

前日去上學車堂，去到都係上得半堂。上完就去試左呢間野---築地。真係好正呀！佢係賣八爪魚丸的，外面真係脆脆地，內裡又唔係好一pat pat 槳，同其他d檔口真係冇得比。希望佢繼續keep住個水準，雖然佢係貴過其他，不過都值得去食呢~！

至於今日，我一早起身又咳到有d想嘔，加上傷風，再加上‥‥‥所以留左係屋企休息。即係請左sick leave呢~ 不過我都係7點幾就起左身，睇左陣漫畫同卡通，就頂唔順，去左訓覺。訓o下醒o下的，2點幾先起身食lunch。再睇一陣野，就要換衫出去整電腦。應該整多一次就ok呢~

病

前晚兩點先訓，主要係準備d software，試裝一次，因為我要幫人做maintenance。尋晚去整啦！去到人地屋企，見到有3隻狗，阿安，阿佳仲有阿歡。原本都幾順利，點知臨走果時整衰左人地d野，唉，eric 麻煩晒你啦！返到屋企11點幾，整陣野就要訓了。今日又比平時早半個鐘起身，返9:15分的工，我6:30就要起身了，加埋前晚，尋晚都係訓得5-6個鐘，又俾冷氣凍親，起身的時候喉嚨就好痛。唔知係咪見到佢果3隻狗就起啖，果時開始想咳。今日又傷風又喉嚨痛，咦？都係時候sick leave一下啦喎！hehe.....我都係諗o下o者~

今日咁早起身係因為9:30就要同d大粒佬開會。其實係果個我阿head個head啦，加埋d administrative的人，好似d EO 呀 Programme Officer 咁，佢地先係手握重權的人呀！聽左好多內政，就介紹我做緊果個system，點知demo緊果時居然有bug！嚇死我~ 不過都唔緊要...略過就算。

今晚要去上考牌秘訣的堂呢！6:00開始，我放5:45。希望唔會去到就完啦個堂。

好多日都冇寫日記

係呀！好多日都冇寫日記，因為真係冇咩好寫。日日都係返工同放工啦，又冇咩得意野發生。

10號星期五
學車。不過唔係得掂。放工好趕咁去坐巴士，加上少少塞車，去到都遲左一個字。一上去佢就叫我斜路開車，佢以為上堂教左！我同佢講未教，佢就即刻教，叫我試。因為個人都未平定，忽然叫我開車，停車，而斜路開車停車又係唔同的做法，令到我好亂，只有聽佢叫我踩break我就踩break，加油就加油，完全都唔記得咩時候同點解要咁做。不過到尾段就開得好d，因為係返上次開開的路上走，我都記得大概要點做。好懷疑到考試時，忽然去個未去過的地方開車，我係咪真係好識得點做。

P.S. 個師父好惡！一味話我返去冇practice，冇做思想訓練。


11號星期六
原本係想去剪髮的，不過得我一個人，訓醒起身就當然唔想出去啦！結果都係係屋企睇漫畫同埋卡通片。仲有食左媽咪買(其實係姨媽俾的)粽，紅豆粽好好味呀！甜甜地。不過果隻綠豆粽就‥‥‥因為唔同平時食開的傳統綠豆粽的，食落梗係唔知點咁。我都係鍾意返傳統果隻同埋紅豆呢隻。今次d粽好似係東海堂買的。

12號星期日
原本又係想早d出去APM剪髮/行街的，點知阿妹唔想出，留係屋企睇創世紀。加上聽聞張柏芝會係APM，一定係好多人，所以我都打消呢個念頭，係屋企睇漫畫同卡通。本應夠鐘出門口，可惜有人睇完一集又一集，催佢仲發脾氣話洗乜咁早！擺明就係冇聽老媽子講野啦！惡人先告狀！搞到我要打去搵阿媽同佢講，之後又話我篤佢背脊。知道自己唔arm仲要大聲夾惡，都唔知佢邊忽令人地覺得佢乖。

13號星期一
今日又係混混惡惡的過左。下午yvonne打黎話佢係中環附近，等埋我放工。佢一定係唔記得我而家係薄扶林做啦！知道左之後佢就話算啦。到放工我想起原來媽咪去左送姨媽機，屋企冇飯開，就搵返yvonne一起食飯。原本我想去試夏雪的，上幾個星期的雜誌有介紹。我搵到間野啦！d價錢都唔係貴呀！不過睇yvonne係人地門口睇左成個幾字都唔講話入去，就知佢唔係咁想啦。就轉去仙跡岩度食。傾左d計，知道佢的planning，我都好羨慕，我都好想呀！可惜人工就差咁多，前景又唔明朗，仲有master d錢未俾，仲有xx未俾。

忽然激氣

今日忽然想起唔開心的野。真係唔明白人的思想點可能差得咁遠的。

1) 有兩家人，感情好好，你的細路成日去人地屋企玩，人地的細路又會過黎訓。兩家人一起去旅行，自然係一起玩會開心d同多個照應。去到外地，一個家庭的大人要去睇d成人先睇到的野，細路入唔到去，於是佢將自己的孩子交托俾另一家人代為照顧。另一家人卻撇下別人交托的小孩，自己一家去shopping。5-8歲的小孩，係一個陌生同埋語言不通的國度獨自係街上徘徊。可幸的是，小孩並沒有周圍去，緊記母親的叮嚀--『如果唔見左媽媽，要係原地等，千其唔好走開，媽媽一定會返黎搵你。』

呢件事上，小孩的家人覺得另一家人並沒有守信用，孩子交托得俾佢，佢又應承得，自然就有責任去睇住佢。要shopping都要帶埋佢去。就咁放任一個年幼的小孩係外地，無視佢的安危，於情於理都說不過去。但係另一家人卻說，小孩係你的，照顧佢的責任係你身上，你可以唔去睇成人show而留下來照顧佢。當然，如果果對父母知道自己的孩子會被置於街頭而不顧，佢地絕對唔會去睇呢個show。即使兩個家庭可能有些爭執，放下小孩不管都係不能饒恕的錯誤。

2)一班親戚去旅行，自然會諗住大家要守望相助，互相照顧同照應。如果一個行開左，另一個記得幫手睇實行李咁。如果其中一個手信買得太多，另一個要幫手拎一d咁。可是當其中幾個從車上搬行李回酒店房，另一個人負責看管重要財物及行李時，其中一個卻自己拎住自己的行李，係一邊冷眼旁觀。當被詢問可否幫忙的時候，回答說d行李唔係佢的，佢自己的行李都好重實則只有一個旅行袋，並不對他們施以援手。

看管重要財物的人覺得呢個人錯了。看住其餘的幾個人搬得身水身汗，回看那個唯一的男生施施然的係度等都不幫手，看管重要財物的人就出聲話佢了。正以為為那些辛勞的親戚掙取一個正義/公平，卻被辛苦的人笨左句﹕『佢係冇義務幫我地。』

老天！簡直氣炸了！辛苦的並唔係佢，佢係登人地辛苦，不值果個男人的所作所為，原來人地並不讚許，呢d叫好心做壞事。最後於旅行完結，更被指為亂發小姐脾氣，為臭萬年。

即使係一班朋友去旅行都知道要互相幫忙，更何況係親戚！？當男人離開女人們，跟別的團友活動時，年長的女人都尚且知道，佢有責任去照顧下果個男人，佢有冇事，有冇意外。就正如搬行李事件，只係對男人有恰當的互相幫助的冀望，原來係過份o既！？


真係唔明人的思想點解會差咁多。將小孩交托俾一個非常熟悉的友人照顧，但係友人原來覺得自己冇責任同義務去照顧。但係友人卻又已經承諾過幫忙，重要的，係佢承諾了。而家佢毀左約，仲認為係理所當然的。一班有血緣關係的親戚一起去旅行，自然expect會互相幫助，呢個係一個合理的expectation。可惜身為男子卻不幫，即使朋友去旅行都會幫手啦！呢個男子欠缺gentlemen風度之餘，亦認為自己冇錯。係，佢冇錯，不過佢缺乏左道義的責任。辛苦的人更加冇想過那個人為什麼係度話個男子，有想過人地係為左佢嗎？係見佢咁辛苦而為佢不值嗎？未了解卻笨左人地。

想起都又再激氣上黎，你話我小氣咩？係呀！睇係咩事啦！如果只係罵一兩o下交，頂o下咀，我可以當粉筆字抹左佢。如果係關乎失信，被冤枉同誤會，我會記係個心入面。男子話自己係個好男人，話我係個野蠻，亂發脾氣的女仔。我當然地十分激動啦！一黎，係佢認為自己冇去幫助有需要幫助的人係arm o既時候，而果個唔係陌生人，而係一起旅行的親戚，佢已經失去當一個好男人的資格了。(至少係我咁認為)


我睇唔起男人？
係o既，我都講過我睇唔起果d自己未夠班(好)又以為自己有(好)，仲要去批評人地的人。

我亂發脾氣？
如果唔係登人地不值我都唔會發脾氣，如果咁係亂發脾氣o既我係law。

我唔乖？
如果

• 有空都唔會出席親戚間的聚會，情願約朋友/係屋企訓覺，
• 因為費事同你地講咁多野而黎到唔講野，只食飯，食完就走
• 因為冇好氣同你地表達咁多自己的意見，而選擇唔表達

咁樣係一個乖女的話，sorry law，我係唔乖law。

我倔強？
我絕對係啦！我唔會因為人地覺得某人成日笑，而我唔笑就係嬲，就係唔開心，而去迫我自己笑。我唔會為左要人地認為我係個乖女而粒聲都唔出。我亦唔會因為某人係我親戚，即使我唔同意佢的說話，都會扮同意。係，我係倔強，都可以叫有個性~ haha

好奇怪

呢幾日唔知做咩失晒魂咁。前日已經係撘錯左巴士結果遊左車河先返到屋企，尋日就上巴士拎住『八達o都』都唔記得o都一o都。

近黎好想出去食野呀！想去食果個

1. 日本野自助餐，$148
2. 生果蔬菜自助餐，Lunch $138(一至五), $198 (六日), Dinner $298
3. 洋蔥頭地址：彌敦道593-601號創興廣場地下，查詢：2388 9498。自助餐收費：晚市（6:00pm-9:45pm）：成人$88 。消夜（10:00pm-1:00am）：成人$68 小童$58

．．．．．．

尋晚發夢夢見佢，今日返工搭車又想起以前中學時的學長，返到黎睇到newsgroup人地講佢地的浪漫的事，不禁又想起自己曾有過的浪漫。

忽然好想見那個曾為我眼濕濕的男仔。

大出血

今日先同朋友去食lunch，再同mandy去左旺角買衫。其實我主要的目的係買一對鞋襯返我條短褲，一條腳鏈，一條鎖匙頸鏈o既，不過今日收獲都真係唔錯呢！我買左兩對鞋，好靚嫁！不過都係襯唔到短褲。由於本人已經年屆廿十有四，實在唔應該成日都係T-shirt牛仔褲+波鞋o既，應該要發揮一下女人味o既~ 呵呵呵~ 所以今年要買多d女仔衫，雖然仍然係baby fat。

不過我都係未買到一對可以襯我果set 衫的鞋同埋鎖匙頸鏈呢！今日見到果條鎖匙頸鏈太貴了，$350一條，長度都唔係我想的果種，so都係冇買呢，唉！

李永達

今晚睇電視節目講特首競選，聽到李永達的一番話真係氣得破口大罵。節目講到曾任權拎住幾百票在手，依然表示會繼續努力去爭取七百九十四票的每一票。李永達就話﹕『佢呢個舉動，係英文黎講，就係想Lock out李永達！‥‥‥』

真係懷疑李生有冇腦嫁？既然曾生入得黎參選，如果佢係認真的，自然就會爭取每一票，而唔係話自己夠票當選啦，就留返d票俾阿李生同呀詹生玩o下啦咁！如果佢係咁做的話，我就真係睇唔起佢啦！而家李生明知自己唔夠票，曾生認真咁去爭取票數，佢居然話人地趕盡殺絕！？冇野o下話你？如果曾生唔拉票啦，大家又會話佢似住自己『欽點』，『做梗』特首，連拉票都慳返啦！最初係李生話，即使呢個係既定的事實(曾生當選)，都要求佢出黎俾佢的政綱大家睇，要求佢做足一切參選的程序。而家人地做到足啦！一日個game未完，一日都要努力去爭票，居然又話人地明係唔想俾佢玩。

民主黨推個咁的人出黎講d咁o既言論係唔係路呀？！我反而覺得曾任權做事認真，李永達就真係冇做領導的果種智慧law。唔係話一味擺出個親民形象出黎就ok嫁！個人的思想，行為同言論都係重要嫁！反醒o下先再黎爭票啦李生！

第一次‥‥‥揸車

今晚係第一晚學車，約左係銅鑼灣6:30，我因為唔識路所以遲到左。見到孔師傅，係一個老人家黎o既，頭髮都白晒啦，聽人講師傅後生個考管會覺得佢教出黎的唔會教得好o既。跟住就上車講車的油門呀，入波呀等等。佢開車解釋一次，就要我自己開了。真係好驚呀！周圍都有人嫁ma，好在就冇整到死火，不過有試過雞手鴨腳佢叫我踩離合器，我就一野踩左落個剎車掣度。不過都幾好玩，係驚d law，驚會車親人。

係咪真係得嫁？

Window xp home => Window xp professional

他約我去迪士尼(鋼琴版)　幾好聽呀！


原曲歌手: kellyjackie @ Royals
原曲作者: kellyjackie @ Royals
原曲作詞: 海藍 @ Royals ／ 庭 @ Royals
原曲編曲: 林柿 @ Royals

兜過幾個圈　看木馬旋轉
美夢似是遙遠　仍埋藏著繾綣
快樂旅途中　有沒有熱戀
看著這入場券　如同尋獲溫暖

笑問你　你話連夜候票再多的困倦　也不怨
似在平靜地說出　絲絲的愛戀

畢生也願記起　香港迪士尼
煙火璀璨夜晚定會很美 坐咖啡杯
溫馨記憶　旋轉中細味
天邊星宿也沒法比

今天心碎或痛悲　只需要記住陪伴在你身邊有米妮
始終可以幸福地　沉迷在美夢裡希冀

要是你　決定明日伴我去闖天與地　會很美
故事延續下世紀　一生都記起

不必理是與非　不需要顧忌
穿梭堡壘內陪伴我嬉戲
米老鼠　比精品店的美
輕輕靠近　都可使我快樂跳起

當　身邊掛著相機
假使到最後還未望到不准你別離
可知心裡正準備　無緣合照亦抱緊你

公主與白雪都　不需要羨慕
因可跟你在長夜裡擁抱 見阿拉丁
本想說聲坐飛氈　卻又不可媲美你待我好
星空不算是太高　假使有你在旁陪伴我一起每段路
可將一切記心內　明日共你愉快傾訴