Emax Halloween 註定無緣

一放工急急腳又趕去九龍灣，今日男友話陪我再去一次emax halloween。點知我地一去到見到......超多人排隊呀！排果時個工作人員都同我地講，而家排隊，一個鐘先買到飛，之後排3個鐘先玩到大鬼屋，就已經12點啦！關門啦！其餘2個鬼屋就玩唔到嫁啦！咁我地一場黎到，照排住先再諗。
















我梗係心思思想玩啦！唔係都唔會想黎多次。但係咁等法，一晚就係度企4個鐘玩幾分鐘，而且聽日又要返工，leo都會累嫁ma。唉~ 排左一陣，都好多排緊隊的人走。於是我地都走囉，無謂咁waste d時間啦！反正本來都係玩唔到嫁啦。

之後出左油麻地食之前yvonne話幾好食果間叫...豐三井的日本餐廳度食，9:30後半價。我地去到時9點，於是去中華書局睇下書。好不容易等到9點半入去坐底，我就起勢咁叫野食(我知我錯啦~)。叫左...

1. 鰻魚飯($??)


2. 炸生蠔($4x)


3. 炸魷魚脆骨($2x )


4. 一磅三文魚刺身($6x)


5. 金龍卷($7x)


6. 2杯酒精飲品 ($5x)

食食下就知衰啦！叫得太多。兩個人食一磅三文魚刺身都真係幾難的一件事，yvonne話呢間抵應該都係因為佢全日三文魚刺身都半價啦！yvonne最鍾意食三文魚刺身。基本上刺身都OK，都幾厚。炸野就一般，我覺得個脆漿好似厚左D。金龍卷ok，都好多件。飲品我最like呀！我叫果杯係香檳酒(荔枝味)，真係好有荔枝味，我唔受得太濃/太烈的酒味。其實又唔係唔受得，只係唔鍾意。食到最後，leo 為左唔好晒野，都食多幾件。結果大家都飽到上心口咁返屋企。

半夜仲收到佢sms話太飽頂住訓唔著。....=.="....係啦係啦！係我唔好，我成日都有個壞習慣就係眼闊肚窄，叫完又食唔晒。下次記得要禁住我！唔好俾我叫啦！

******************

後黎我計返，好似都冇計我地半價添！咁多樣係得炸魷魚脆骨($2x )同一磅三文魚刺身($6x)係係半價同全日半價的紙上。其他照原價計加埋就真係差唔多$270。究竟係我地入座時佢當未到9:30，還是真係唔係全部野都半價？！

蝕了~ =p

嚇死我

今日放工的約會臨時取消左，不過都仲約去eric去拎返d野。本來男友仔話叫我搞完自己野打俾佢，但係我電話捱唔到果一刻。所以我都係返左屋企先打俾佢，順便我都想係屋企休息一下。

繼續睇我套韓劇，睇到訓覺。

再嘗試

今天上班挺準時的，跟jones一起到達。工作都開始set返schedule，不可以再那樣懶了。

放工到了銅鑼灣，約一個小時就完成了。跟想像中一樣，總得付出時間等待。

之後跟妹妹約了在朗豪坊逛街，先到le sauda 買鞋子，十月特價快完結了。之後到italian tomato吃晚餐。佢又食得少，又要叫意粉餐，結果我食完自己個pizza仲要食埋佢半碟意粉，唔肥死我就奇啦！之後再去公仔店度行左陣就返屋企lu。

我在家

11點多到荃灣地鐵站跟俊文他們會合。又到了海灣花園商場內表演，唱了『傻瓜』跟『逼得太緊』之後，就跟leo談天了。本來還有一首『IQ博士』要唱，可是我不太記得歌詞，所以還是讓結小虹唱『美少女戰士』了。走的時候俊文問我之前有冇同佢講要早走，好像不讓我走似的，可是我也不理他了。

到家後趕緊洗個澡，把電話叉電，就開始看劇集。韓劇『18-29』，哭得唏哩嘩啦了。

晚上煮公仔麵吃，因為早上聞到別人煮公仔麵的味道很想吃。

完全失敗！

訓到11點幾起身食d野，就開始左做實驗。結果...唉~

之後心情勁差，去睇下韓劇，18~29，一睇就勁喊！睇到6點幾7點，leo打黎提我準備出門口。乜唔係話預十點先出嫁咩？等我仲喊到眼都腫晒。跟住又打電話黎ee 哦哦，原來係想話叫我裝扮下，化下妝！9點半係銅鑼灣的話，我得返一個多鐘咋喎！沖個涼就化，趕到死求求其咁，眼睫毛液都冇塗。出到去都係遲到。

見到leo的朋友強仔同阿健，之前去clubbing時見過了，今次見埋健仔女朋友"seline"(?) 。係灣仔許留山食左甜品，行去銅鑼灣正式飲野。

本來今日uwants朋友仔係大利行book左場搞halloween party，不過我話左陪男朋友仔的，所以就去左過少少果度飲野。12點到上去，勁多女仔，果度d酒溝得好多可樂橙汁，所以都唔係好勁。女果度都勁多，不過個個都煙不離口，熏到我眼眨眨咁。對於猜枚同骰盅呢d我都唔係特別的好，不過間唔中應酬下都仲可以。2點幾leo就同我走先，因為實在很一般。之後去左另一個唔煙唔嘈的場，抖下咁。因為第二朝我去唱埋歌先返屋企。

*****************
第一次遇到差人查牌，全場靜晒咁check身份証。

Emax Halloween 緣慳一面

尋日係3個月紀念日，今日我地放工約左去九龍灣Emax度睇下佢個halloween有咩搞。

係德福度肚餓，入左pizza hut度食halloween餐，試左個脆米批。個size比普通批細好多呀！成個tea pizza咁細，覺得好呃錢！但係食落先知原來都真係幾飽，話晒都係米黎嫁ma。食完個餐，我又眼闊肚窄的叫左小食拼盤同埋心太軟，結果食淨拼盤d野打包返屋企。好在我有pizza hut coupon，埋單都唔係好貴。

之後我地係德福樓下巴士站上左架去mega box的車，係mega box度搵emax的halloween。聰明的讀者應該已經發現左我犯左一個極之大的錯誤！之咪就係以為emax同megabox 係同一間野！唔怪得我地入到去d shop都關晒，又唔見有鬼屋！！！仲走去問商場d人添！好『魚』呀~

返大陸

10點幾返到內地office，仲買左5個包，1大4小，早餐食左1大1小就飽，又係眼闊肚窄！

lunch同anthony佢地去勝記飲茶，anthony食成$500的大閘蟹！一定勁多膏，肥死，膽固醇又高。不過我都要去食隻平平地的先，應下季節ma。

放工又係自己走，jones黎左蛇口office，所以我今日留到6:30先走！不過d同事都冇咁早走，而且都唔同路，所以又一次自己去搵的士。原來我上次都係係B&Q 百安居前截的士的，今次又係係返同樣的地方度等。不消一會就有車啦！今日個司機好有禮貌，到左皇崗落車，佢仲叫我﹕『慢走』嚇得我呆左一呆，只識點頭示意。

過關坐車去荃灣，leo同我都4-5點食左野(我食埋果3個包，費事waste左)，飽飽地，食左串魚蛋、燒賣同埋雞蛋仔，逛左陣寵物店，同隻摺耳貓貓玩左陣呢！

要努力游水 (自由式)

游泳為你塑造流暢的線條

游泳是一種全身性運動，不但可以提高你的心肺功能，還能鍛煉你幾乎所有的肌肉，尤其是堅持有規律的強化訓練，幾個月的功夫就能使你"脫胎換骨"。在水中人的骨骼得到了充分的放鬆，可以有機會"伸一下懶腰"，這對於保持挺拔的身體很有好處，對於正在長身體的青少年，經常堅持游泳鍛煉可以讓你的長成一個"高個子"。

人在水中活動的阻力比在陸地上大12倍，手腳在水中運動時，你一定能感受到那強大的阻力，所以背部、胸部、腹部、臀部和腿部的肌肉在游泳當中能夠得到很好的鍛煉，游泳運動員身上那線條鮮明的肌肉，就是最好的證據。游泳也是一項激烈的運動，而且水的傳熱的速度比空氣要快，也就是說人在水喪失熱量的速度會很快，大量的熱量會在游泳當中消耗掉。身上那些多餘的脂肪，也會悄悄的"溶解在水中"。

要想獲得良好的鍛煉效果，還需要計劃地進行鍛煉：初練者可以先連續遊3分鐘，然後休息1-2分鐘，再遊2次，每次也是3分鐘。如果不費很大力氣便完成，就可以進入到第二階段：不間斷地均速地遊10分鐘，中間休息3分鐘，一共進行3組。如果仍然感到很輕鬆，就可以開始每次遊20分鐘……，直到增加到每次遊30分鐘為止。如果你感覺強度增加的速度太快，就可以按照你能夠接受的進度進行。另外，游泳消耗的體力比較大，最好隔一天一次，給身體有一個恢復的時間。

游泳時人的新陳代謝速度很快，30分鐘就可以消耗1100幹焦的熱量，而且這樣的代謝速度在你離開水的以後還能保持一段時間，所以游泳是非常理想的減肥方法。對於比較瘦弱者，游泳反而能夠讓體重增加，這是由於游泳對於肌肉的鍛煉作用，使肌肉的體積和重量增加的結果，可以說游泳可以把胖人遊瘦了，把瘦人遊胖了，可以讓所有的人都有一個流暢的線條。

延伸閱讀：
The Importance of Stretching
Create your Home Gym with Minimum of Equipment
Is Analysis Paralysis Getting In Your Way

你陪我定我陪你 之 決戰加州

今日約好左M先生陪我去睇notebook。放工時佢先陪我先去買d野，之後就去朗豪坊度食我前幾日見到，又未試過o既Mos Burger。點左一客季節限定的黑醋雞扒包餐，我覺得味道都ok，薯條一般，個包大小都係一般。ok咁啦，都食得過。等位時播左溫嵐的傻瓜mtv呢！

食完野本身係想去睇電腦嫁，不過M先生話想做運動，叫我陪佢一起入會。我california個會籍今個月月底就完，屋企人猛叫我唔好再join，因為去的次數都唔多。我自己就諗住如果可以禁到同而家一樣/差唔多的價錢，再玩都可以呀！於是我地去左雅蘭果間加記，入去居然冇人sale我地，只好主動的搵sales啦。d sales太忙，結果要由個sales manager，男人婆阿yan同我地傾。

其實佢一傾就知佢好心不在焉，不停左望右望。我唔介意o既，都係黎聽下o者。之後佢點左兩個教練，分別同我地check下body。聽講最近係觀塘開左間新店，而家有得免費試做果個機。一做之下，結果太令人害怕啦！

個教練話我肥囉！成個人有3份1都係脂肪，仲要集中係上半身；相反對腳就比較瘦；再加上全身的肌肉都少得可憐，所以膝蓋會痛，因為負荷過重。的而且確我膝蓋好易痛，所以我從來都唔喜歡跑步，行斜路同行樓梯。而右手同左手的發達程度差好遠，應該係我習慣用右手拎野，同埋右手用mouse。左右腳都有唔平衡。(咁都俾佢知道我有些少大細腳)

之後佢帶我參觀下個場，就落黎傾會費。我梗係借機問下我要點改善好，佢話先要train下對腳的肌肉，打好個底，就再從收背肌開始。我個身體比較厚，背脊勁多肉，而且shoulder 肉好硬，要做返d拉筋(fitball)去拉鬆返先可以減。

傾到會費就由個assistant sales manager黎同我地傾，先係例牌價$688 同$588，all club all time 同 1 club all time。壓下價之後就變左$478 1 club all time。我又話都係太貴，仲有冇得平d，有冇d分日子的？我一年前就係聽過有分日子的plan，果然，佢走去拎個分日子的plan黎話係前不久佢負責的plan。一年前果時都係咁講啦！ 個價跌左去$375 星期一、三、五、日 / 星期二、四、六日。

比較少說話的M先生呢個時候就冷笑幾聲，胸有成竹咁同個assistant sales manager 講﹕『不如我地開門見山啦！』 @_@ 嚇左我一跳，有些少講數feel。我女仔黎梗係出懷柔政策，高壓呢d 留返俾M先生做啦。多番談話後，佢終於出動到皇牌，咪個shap sales manager Yan囉。好似打機咁，一關一關過就一定要去見大boss嫁啦。yan就提出另一個Infinity member 出黎，總之就係第一年大大筆咁俾，之後每年就細細筆咁俾。如果真係將運動變成左習慣，而成日去做gym的話，個plan都係抵o既。當你做夠5-8年時，大概都係break-even嫁啦。

不過我就冇興趣啦！太大筆錢，實俾屋企人罵死。我本身都係諗住如果可以$200 - $250咁上下都會考慮join。不過而家一係就Infinity，一係就$375，都係over budget。M先生似乎好有決心咁要做運動，佢最後都係join左Infinity果隻。傾到呢度都10點幾，男朋友仔打俾我幾次，都因為我壓緊價唔得閒同佢傾。

接住落黎就係傾教練堂。M先生又報左些少，其間兩個阿jer都嘗試向我入手，又話M先生可以用佢referral的quota refer我，就變$323，tum我join埋。不過我都係婉拒了。最後搞到差唔多12點先返屋企。

原來觀塘果間會有swimming pool喎！遲d九龍灣都會開呢！

***************************
我要發散晒人，睇下其他人有冇d平d 的plan介紹先！

靜

放工返屋企想話試肯德基個咩脆爆雞鎚，返到屋企拆開先發現佢俾漏左至重要果隻芥蜜醬！結果我食果隻，只係普通的炸雞鎚而已。

男朋友仔太累，今晚冇點傾電話。

游水+shopping+dinner

下午2點同leo去游水，不過我都係遲左半個鐘。eric 同yvonne上午有野做，2點半都未黎得，叫我地游住先。我望下個表，都2點45，黎到都游唔到幾耐水，都估佢地唔黎嫁啦！leo 又話佢估佢地會黎，結果梗係我win啦！

入到城門谷游泳池，個大池原來裝修緊冇開，只有室外個嬉水池，同埋勁淺水的直池。leo自己游佢的一千米，我係另一邊游自己的蛙式。不過天氣開始凍，一停落黎唔郁就會涼涼地，我有肉地自然唔多覺凍，不過leo就唔同啦。我地游到4點到就沖涼走lu，去左旺角朗豪坊行街。食左個栗子味泡fu；leo食果個係朱古力布甸，唔太好食。

行左一陣就要去新世紀度，我約左大學同學食飯。雖然阿輝同eric都有叫我叫埋leo一起食飯，我有叫嫁，but佢唔黎都冇計。結果一入去就俾yvonne, eric話我做咩唔叫埋leo一起黎。成餐飯都ok啦，不過長table就唔能夠同晒咁多人一起傾計，冇同gary sherman傾過計。走的時候拉robin, eric同yvonne行左轉新世紀的鬼屋。入面乜都冇，有幾個工作人員鬼都唔扮就坐係度。反而行我地前面個細路，係一間房門口旁邊定左唔郁，之後先郁，真的有d嚇到我同robin，行後面的eric同yvonne就梗係見唔到啦。好在唔係好得人驚，唔係我行係yvonne前面，萬一yvonne嚇親，我實行爆耳膜都似。之前同佢去aia果個機動遊戲，我早已見識過佢的音波功了...=.="

同robin一起坐火車走，傾幾句咁啦。大家都係咁上下low paid，唉~

Shopping + 吃滯

約左yvonne同eric 下午1點係尖沙咀等，陪我行街買野，點知佢地2點先黎。eric話係佢自己選衣服選得耐，well......都知係yvonne嫁啦..=.="

佢地陪我行左新港中心一陣，就去食d野。食左串紅腸，之後又去左街市入面d大排檔都食，我食左個奶醬多同埋半個咖哩多。果個咖哩多都真係唔知點解叫咖哩多，上次又唔係有pat咖哩，只係多pat黃色甜甜地的醬，不過都叫試左樣新野。食食下我見到勁大隻老鼠走過！

之後行左陣海港城都冇咩收獲，我去左gordanio ladies度試條裙，7百幾蚊就梗唔買嫁啦，試穿下都好呀！不過件衫完全係冇cutting，一大塊布靠條繩紮住，邊值7百蚊呀？！佢地未黎時我見到starbuck係新太陽廣場新開張，仲有人排晒隊有贈飲。陪yvonne再去睇下，不過去到我見都冇人排隊了，贈飲都應該係完結左lu。但係我見yvonne係starbuck門口團左一陣先走，我睇佢可能都幾鍾意飲咖啡，我都唔飲o既。

跟住我地落左旺角，我個電話冇晒電，飛左線去yvonne度。咁arm 原來男朋友仔有打過俾得，想見面，所以冇法子只好痴住yvonne唔走住。之後終於聯絡上，約左係荃灣食飯，eric同yvonne都係去荃灣，所以一起去。yvonne話佢只睇過相，未見過真人，咁反正同路，咪大家見個面。我吹水話佢真人其實唔係咁靚仔，一陣見到佢唔靚仔唔好當面講，費事hurt到leo啦！haha

唔知係咪太累，好似食滯左。

返到屋企叉埋電，就一個個咁覆電話。先係約返eric 同yvonne聽日游水時間同地點，之後仲有俊文交3首歌歌名，仲有同阿清講聽日個單車我唔去啦。

OH! 今日係shishedo度買左支可以洗防水防曬的cleanser，雖然唔同product line，不過用到就得啦！

拜山

今年拜山唔洗一早去，因為表弟上午有野學，所以都約左下午先去拜山。基本上都唔洗等好耐，但係太陽就勁曬。我仲未買到支cleanser，唔敢用shishedo住呀！

拜完山落黎大家都冇去飲茶，我地返上水行街。

今日終於試左好貴好貴果隻龍島朱古力！Lucullus!而家買100g送20g，我同妹妹隻隻都買一粒，其實加埋加埋只可以買十一二粒，就已經一百蚊啦！當然係我俾錢啦！一粒朱古力分3個人食，哈哈！不過都幾好食，仲幾滑同易溶。

Shishedo ANNESSA

今日lunch去太古同jojo食飯，又係spagetti house，唔知點解jojo好鍾意食呢度的大蝦沙律杯，我照例食左pizza。

jojo去完日本旅行返黎，幫我買左shishedo ANNESSA系列防曬用品。上次miranda 同我滑水時介紹我用過。jojo少不免又係講n次佢最後幾分鐘先係藥房幫我買到的事蹟啦！有少少煩的感覺，不過我託係幫我買野，就預左咁嫁啦。之後又傾下佢d 投資成功個案，等佢認下叻。

金色 - 水上活動用









銀色 - 戶外活動用








cleanser











而家我有一支金色一支銀色，但係未有cleanser！

勁空閒

本來我聽日先返大陸，不過同事要開會，我同佢調左，所以今日返。又係自己一個人返，時間自己控制，不知幾咁正！返到公司十點，我又完全冇野做。因為我要做的野只可以係香港做的。所以就趁機睇有咩公司做data recovery，睇下有咩notebook好。一睇就成日lu。

放工5點45分就閃人，因為夜晚趕住返唱歌班。但係放工時候係好難折的士的，我沿住大路走幾條街都見唔到架『吉』車，真係搞到我心慌慌，我唔識行返去落馬洲嫁ma！

好在終於有的士，上車話佢知去落馬洲火車站，點知司機問我可唔可以換部車！因為佢要返公司開會，去完落馬洲就趕唔切。拒載呀！！我有得講唔可以咩？只好落車，又搵過。同一時間有成2個人同我一起搵的士，等多幾個字終於有啦！

返到香港，出左旺角，又去買d野食先，因為好肚餓。又去旺角電腦中心去睇下d notebook有冇我心中的價位，先去阿sir度上堂。都成8點幾，好在佢未教完其他同學。

放工返屋企都好累，今日走咁多地方。

游泳

晚上跟男朋友约好在九龙公园内的游泳池内见。七点多我刚换好衣服走出去游泳池就碰见他了。他呀，自己先游了一会儿，还据然发生认错自己的女朋友事件！

我下水游了才4个池，就不停的被嘲笑！嘻嘻哈哈的，一会儿就走了，因为他冷得发紫了。当我走过tomlee的时候，它已经要关门了，所以没有看到那个节目的门票。去了吃米线，再到处走走才回家。

在回家的巴士上，当它快要到家时，发生了小插曲。在车行路上局然有以个女生在慢步！挡在巴士前，巴士司机停了下来喊她，她仿佛什麽都没听见！一直走直到她真的碰上车头，才沿车身走开了。不过还时走在马路上。巴士上的乘客都在说，那个女的肯定时服药了，才会迷糊不清。巴士继续行驶时，警察也来了。

我到家的时候，立时的就往我电脑去了。它晚上不知为什麽发出ka ka的声音，我reboot了它，它居然说要我backup data之后，就不再能够进入windows了。那个harddisk也废了。我不太清楚那个harddisk内有什麽资料，可能要去试试data recovery了。

我买电脑的计划，真的是逼在眉睫了！！

想睇

想睇萬千師奶賀台慶！唔知仲有咩位，聽講好似得返最平的票，坐到最遠......今晚去tomlee睇下先。

周日公休

睡到2點幾先起身，睇台劇。5點幾又急急腳的同妹妹出門口，去同親戚食飯。都遲到左2個字呀！今日我又大食了，食左成碗白飯。想不到姨媽居然記得今日係我農曆生日呢！

屋企人生日飯

回到家冇訓到覺，反而睇陣台劇，開始左睇『至尊玻璃鞋』。睇到5點幾就急忙的到沙田跟家人會合。今晚係沙田的『心。泰Simply Thai』度食飯。由於尋晚食得都幾多野，今晚我都冇食太多。當然係審問返錄音事件係點發生啦、嘲笑下老豆講埋d無厘頭野啦！

老豆仲緊張的問，段錄音淨係我聽到，抑或全部friend都聽到。哈哈！怕『魚』又講埋d騎呢野！

壓力

生日過後，甜蜜同幸福的感覺仍殘餘係帶有玫瑰花香的空氣內‥‥‥

之但係呢‥‥‥

仲有唔到廿日，就係到我表現我心機的日子，

我‥‥‥

感到勁大的壓力！！！

生日正日(下)

放工本來話黎接我的男友仔，約左我係金鐘等，因為放工時候實在太多人啦！見到面時發覺佢手拎住盒蛋糕！今晚明明話去火間土食飯嫁喎！二人海景位仲有minium charge 嫁！仲食蛋糕？！不過男友話生日點都要有蛋糕先像樣，我已經預料今日一定係十分的飽！

去到尖沙咀火間土，剛好7:15分，我地坐係最入的一個二人個室，望到海景，8點幾仲睇到幻彩耀香江添！我叫左唔少野食，因為食唔食都係要俾個minium charge，咁梗係叫啦！叫左刺身啦、壽司啦、雞軟骨啦、炸蠔啦、餃子啦、日本酒啦、春卷啦。跟住有人寸我，唔記得話d咩，唔知係話我蠢定係點，我就抵唔住頸的寸返佢。因為係尖沙咀地鐵站時我就見到人地個後褲袋有個盒狀的東西，都估到係買左頸鏈啦！想一手揸落去踢爆佢嫁啦，但係都係唔好破壞佢想俾驚喜我的心情，所以冇講到出黎。而家激我兩激，為左證明我係聰明的，就忍唔住就寸人地，係咪pat pat生左硬塊。哈哈！跟住就俾人點入toilet 梳好個頭出黎影相，出黎就見到條鏈啦！雖然只係銀鏈，心形花形的吊咀，不過都夠啦！又花又鏈又海景dinner又蛋糕，真係洗左唔少錢嫁啦！
















之後飲多杯巨峰酒同埋食埋雪糕就食完餐飯。d人又話自己食好多野，但係大部份都係我食晒o既呢！蛋糕我食左個脆脆底同埋芒果就算了，因為真的太飽，仲有果d酒係肚度搖搖下咁呢！

跟住就去左海旁行下，坐低傾下計。夜d再join朋友去卡拉ok玩通宵。

男友仔勁有心思呀！仲有其他驚喜俾我！其實我都估到，不過就係唔肯定。上次cafe玩時我早走左，第日author話leo好似搵佢地搞左d野，想生日時俾驚喜我。之後過一排leo 就話有d野錄左係電話度想駁埋一個file，叫我俾隻software佢。但係結果佢個電腦用唔到個software，我屋企又唔方便借佢上黎用，所以就作罷。但係佢曾經提過話要9月底前整好，而生日前一晚佢都仲問緊可唔可以上我屋企將d錄音整埋一個file，我如斯聰明，梗係估到會唔會佢果日叫d人錄左d野，俾我聽呢？！

結果真係呀！有阿清、阿峰、阿brian、terry、mie、健、april、vee、阿寶、ryan、ming同author等人的祝福。識左大半年，交心的其實唔算多，大部份都係講句生日快樂，同埋祝我開開心心，同leo白頭到老、永結同心、年生貴子咁。我開始懷疑，係我生日，定係我結婚了...O.0"

最最最意外的，居然係有段錄音，係我屋企人錄嫁！！！最初一聽個男人聲，我完全聽唔出係我老豆，但係佢講咩一家人咩，一家人！？我同呢個男人咩一家人呀？一頭霧水！之後聽到妹妹同媽咪一起唱生日歌，仲有妹妹扮老鼠吱吱的聲音，才敢相信真的係我屋企人錄的。而講出果句勁奇怪又懶感人的說話的人，居然係老豆！！雖然冇感動到喊，不過一時間，就如leo見到咁，都有d水係眼眶中流轉。除左老豆講句勁騎呢的說話之外，仲有leo佢所花的心機。

呢一個生日，雖然並沒有收到好多好多sms，但係都有好多意料之外的驚喜。

呢一切都係多謝男朋友仔呢！錫錫~ *3*

生日正日(上)

返工上網，收到一d朋友的msn msg同埋email祝我happy birthday。11點幾，黎啦！男朋友第一次『送花俾女仔』，就係咁獻左俾我啦！原來係香檳金色的玫瑰，聽花店的人講，比粉紅玫瑰高貴d。不過唔講我都唔知呢隻係香檳金色！附近的同事都見到了，不枉男朋友花的花錢，呵呵呵~
不過隨花送上的心意卡，內容都幾行下喎~




















lunch同isabella, neon, simon, mandy同新同事eric一起去左大江戶日本料理度食。貴野，一個定食都要一舊水。不過今日自己牛一，食好d都ok o既。

今夜真漫長

今日返大陸，上午比較忙，下午勁得閒睇股票。尋日中左隻波司登，招股價3.28，第一日上市3.8，點知之後一直跌跌跌。放工時跌到3.4。當時只睇到佢係羽絨的龍頭公司，諗住應該會唔錯先至抽。不過今日聽同事anthony話，而家全球暖化，仲邊有人買羽絨，銷售唔好邊可能升。佢又講得arm喎。睇埋聽日朝早，如果都係慘淡就賣左佢，冇賺冇蝕或者蝕幾十都好。

lunch聽neon講佢表姐同佢表姐d朋友，真係勁！靠拍拖都搵到百幾萬。而且d女仔都係勁靚女！Anthony話深圳管得好嚴，唔會有不道德場所，都唔知係咪真o既。

夜晚返到香港都7點幾8點，係上水行個round想買條褲，都係買唔到就返屋企lu。

雖然已經收到唔同人係sms, msn, facebook的happy birthday，但係我覺得，始終係12點踏入生日果時收到朋友的sms，感覺好好多。

唱歌班

放工時leo黎接我，我地係天后見面，再送我去油麻地，食車仔麵先上堂。又去書局睇陣書等我落堂送我返屋企。所以我都同阿sir爭取要唱先，早d走。今晚唱左『如果想我哭』方皓玟，已經係第3定4次嘗試，結果都仲係唔理想。

9點正剛好落堂，leo送埋我返屋企。今晚leo對我超好喎！又接放工同做柴可夫。奇啦！唔通因為年近生日，都對我特別好？定係因為尋晚聽到我d聲氣知道我想佢送？

生日k聚

阿清同brian約左d朋友同我係今晚慶祝生日。其實早於一星期前brian就問過我幾時得閒食餐飯，結果約左今日唱k。聽到佢約的人名之後，我就覺得興緻唔係好大，因為有熟有唔熟。尤其係阿寶！我同佢都冇野傾o既，出黎真係你有你唱？！由於terry都想約我星期六食tea，我就索性一次過去佢地今晚搞埋。

去的人有阿清, brian, author, 阿寶, tt, gary。leo, 阿峰同業仔都話黎。後黎係外國剛回來的king都黎join。結果7點到我地上去唱住先，阿清佢地去買埋halloween d衫先黎。成個晚頭都過得一般，一黎上星期10月1日，我就已經同阿清, gary, author, leo唱過k了；二黎同大家冇咩野講；三黎我一心就諗住唔多唱歌留俾人地唱。尋晚author話想唔黎的時候，我都想話cancel嫁啦，都係因為d人唔熟。不過又覺得brian真係好有心幫我約，都係想同我慶祝，我唔俾面唔好。

9點半想話同leo走先，因為佢第日要返工，而我都有d累。點知一搞就搞到11點先走得。author brian都同我講唔好再同terry一起唱k，其實我都明點解o既。terry佢唱左勁多歌，首首都爭住唱；有d人黎左食左野，歌都冇唱過一隻就要俾錢走，我都覺得對佢地唔係幾好意思。而且喜歡唱歌的我地，都喜歡人地聽到自己唱歌的聲音，但係terry佢有理冇理都唱，搞到brian聽唔到自己唱歌好頹。

king 順手送左兩包入微波爐叮的爆谷俾我，而terry就買左兩條手鏈俾我。從包裝同款式上看得出，係旺角中心廿蚊兩條果類手鏈。拍得住上年定再上年我小學同學leo leung送俾我o既小學抽獎必備木框相架。

**********************
杯葛別人唔係咁好，我都明白。如果我係被杯葛的我都會唔開心。但係人都係有權選擇同咩人玩同咩人交朋友o既，又唔可以算得上係自私。冇理由我唔鍾意同佢玩，為左唔令佢難受，都要逼住次次叫佢出黎玩嫁ma。只要唔好好似小學咁幼稚，唔鍾意果個人仲要玩人、蝦人，我覺得都唔係咩問題呀！人同人之間總有熟同唔熟，arm玩同唔arm玩嫁ma。

只係冇人會同terry講點解，好似冇人會同calvin講、冇人會同阿水講點解佢地活動唔再叫埋佢一樣。

Gym finally

又係一抽二lung咁返工，放工都有想返屋企，不過第三日拎晒野唔去的話，又衰左d，話晒都最後一個月。

結果諗左好耐去唔去quarry bay果度上肚皮舞班，定係去旺角上yoga班，都係去返尖沙咀度自己做gym算。我已經係更衣室做埋熱身先出去做運動，但係係跑步機度行都係行唔到最高峰的45分鐘。我只行到25分鐘就頂唔順禁停左個機lu。之後做左手臂、肚腩咁，大概一個鐘就沖涼走。

返到屋企玩陣msn又訓。

剪髮 + 食飯

又係一早就要起身，落去剪個髮同染色。一整就一個上午，返屋企買埋野食俾老豆同阿妹，又開始睇我套台劇。睇到咁上下，6點就出去同leo食野，味千個南瓜拉麵都ok好食喎！好過上次個蕃茄雞肉拉麵。

今日買左兩對鞋，平平地穿下。不過一出街就刮腳，唔記得貼膠布添！

出show + 做gym

一早就要起身，出荃灣的海灣花園度唱歌。 個地點幾好呀！算係個靚商場，唔洗係街外咁熱。但係弊就弊在果個位置冇人行呢！只有d人去酒樓先會行過，而且果個商場大部份都係空置的，搵個人都難。原來今次係呀connie做果間補習社搞的，想話宣傳一下，仲叫左d小朋友係度派宣傳單張。我今日唱3首歌，逼得太緊、傻瓜、你快樂所以我快樂。
















本來打算唱完就去做gym，仲有一個月就完啦個contract。拎左d野去到，唱完歌，唔知點解個人好累，好唔想出。而且果度有車返到屋企，於是就都係返屋企睇台劇『微笑pasta』lu。成個下午同夜晚都冇乜點講野同食野，我覺得都係太累了所以咩都唔想做，訓係度望住個mon就好。

又一城shopping

放工到又一城同妹妹去b+ab度買衫，因為有折。最後買左一條褲同兩件衫，仲加埋我入member 添！咁我又可以自己去買都有九折，遲d申請埋IT信用卡，仲有八一折！good ar~

之後去左LOG-ON內的OZOC度買左個袋，就搵野食。本來想去板前，因為我仲係未食過。不過因為太多人等，成9點幾10點都仲有百幾張飛仔，所以我地最後去左食Simply Life Bakery Cafe。妹妹的朋友話呢間cafe d 包同cake都好食，唔好理佢好唔好食住，裝修設計我幾like，黑色table同chair +米色sofa，都坐得幾舒服。我地叫左大蝦pasta，龍蝦湯，蟹肉沙律，仲有個朱古力brownies。同ruby tuesday一樣，叫左dinner會有包送，d包都幾好食。總括黎講唔錯，不過d野真係細碟同貴，咁樣一餐就冇左三舊幾水。

好在我唔係成日同阿妹去行街，唔係就真係俾佢食窮晒！

九型人格分析

第九型	和平型、和平者、和諧型、維持和諧者 20%
第五型	智慧型、觀察者、思想型、理性分析者、思考型 14%
第二型	助人者、全愛型、助人型、成就他人者、博愛型 14%
第四型	藝術型、浪漫者、自我型、憑感覺者 11%
第七型	快樂主義型、豐富型、活躍型、創造可能者、享樂型 10%
第三型	成就者、事業型、成就型、實踐型 9%
第一型	完美主義者、完美型、改革者、改進型、秩序大使 8%
第八型	領袖型、能力型、挑戰者、保護者、權威型 8%
第六型	忠誠型、忠誠型、尋找安全者、謹慎型 8%

我的九型人格分析？

返大陸

終於試左一個人返蛇口office。今日自己9點係落馬洲過關，係火車度咬包時又俾火車職員撞到。之前果次係個維修技工咁橋行過，今次係個車長由車頭行去車尾！！『小姐，火車度唔俾食野，你好將個包放返入個袋度，唔係我檢控你嫁！』*O* 又魚左~

過晒關就搵taxi，可能d人arm arm放完國慶假，都幾多taxi。到公司10點，好在我認得路，果然只要同taxi司機講『蛇口工業七路』『走南海大道』就可以順利的到達公司。

今日lunch係香港jones會請食飯，不過因為我有野跟，d內地同事放完假返工，我就要去同佢地傾野。算有野做嫁啦！都冇恰眼訓。

唱歌班

黎左幾個新同學，今日唱歌試唱王菲，都知唔得嫁啦，but都係想試下。搞到10點幾先走得，返屋企時好累，唔知係咪因為玩nds太鼓之達人，對眼好累。累到同男朋友仔傾phone都唔知有咩講好。

拎左獎都冇得減收一百蚊學費，阿sir好鬼cheap~

陪伴

本來是想要去做運動，帶晒衫返工。不過唔知男友仔係咪仲有唔開心，成日都只有sms冇傾電話，所以放工都係約佢見個面。佢今日似乎真係好唔開心，見到面又唔多講野，食野時一坐低就自己睇書，係唔想同我講野定係唔想講野？！=.="

陪左佢成晚，好在最後都好似心情心返d，肯講野啦。不過我犧牲好大哦~

Re: 生活

係舅父仔個blog度睇到佢的一篇感想，內容係由一句係文章度摘錄的句子。

「你可以喜歡你過著的生活。你可以過著你喜歡的生活。」

舅父仔就話人應該要「喜歡你過著的生活」，知足常樂。
對我來說，這好像不是一個選擇題。人不是只可以從「喜歡你過著的生活」或者「過著你喜歡的生活」兩者之中擇一的。知足常樂是對的，人嘛，要過得開懷，先要喜歡上自己、喜歡上自己的一切以至生活。所以一定是要「喜歡你過著的生活」，你才會活得開心。

可是在滿足這個之後，是不是還可以想想以後呢？雖然現在的生活很好，比上不足比下有餘。有工作有錢花有娛樂有朋友，可是我是不是也可以追求「過著我更喜歡的生活」呢？！對，也許那是一個漫無止境的追求，可是沒有慾望，就沒有動力，就絕對不可能獲得更好。

在「喜歡你過著的生活」之下，努力想要「過你更喜歡的生活」。

我知道，我挺貪心的。

唱k...又衰左

十點多訓醒，睇埋韓劇大結局，就開始睇台劇『微笑PASTA』，女主角係王心凌。愈黎愈發覺台劇的女主角，無論係邊個做都好，總係一d傻傻呆呆可可愛愛的性格。

因為夜晚出街，又發te tun搽指甲油，結果又係未乾就花左，抹晒！又遲到。同leo約埋先一起上去join gary, author, mickey 同阿清。瓊華個k buffet好似好d，甜品好d。不過坐係邊邊個人成日擰住身，搞到個背有d酸痛。

今晚搞到要前後腳走人，都係因為我衰，貪玩想唱k唱耐d。男朋友仔累了我都冇話同佢走先，淨係顧住玩。好啦~係我唔arm，我唔好，下次我會識做嫁啦！:-(

乜我o都咀真係好LOVELY咩？等我o都多d先~呵呵~