做錯野

22日做錯野，仲好大獲，搞到其他同事要幫我救火同解圍。
唉~
D蜂爛仲係未好，有朋友話呢D係天氣變，又或者係壓力大的徵狀。
唔知呀~
總之呢幾日就難做人啦。

棕櫚島

17-19日去左惠陽淡水的棕櫚島度假。是第一次同老豆果邊的親戚一起去旅行，由於果邊最大的細路係我，所以我都負責搵點去。本來係可以BOOK度假屋的專車接送，不過如果自己在巴士轉的士去，每人都平廿蚊，4人就平100，12人就平...300嫁啦！所以轉折D都冇所謂啦。

17日請左半日假，3點半就等埋人係羅湖過關，坐大巴去淡水。原來都幾易搵，巴士都唔算雜。個幾鐘車先到淡水市，治途仲經過人地D菜田，就係馬路邊咋。坐埋的士入去上到房都6點幾，嘩！間屋好大！雖然都知有3千幾尺，我以為係好似D村屋咁3層，不過原來係一層過。睇中左最靚果間房，但要讓俾表弟，因為佢地3個人一張床，要張大D的床。安頓好就坐返的士出去淡水市度搵野食。去左度假屋職員介紹的『珍美味』菜館。平都平嫁！12個人食都係2百7落樓，不過就梗係冇香港D野咁好食嫁啦。返去沖涼，D表弟嘈住要打牌，玩左一陣，1點幾就訓覺。聽日要早D起身BOOK定活動俾D細的玩。

18日我7點多就起身，聽到大姑姐姑丈係廳度，就起身出去傾下計，打去BOOK定燒槍、兵乓波的活動。D人都陸陸續續起身啦。11點去左打table tennis，同細表弟去波波池度玩，捐黎捐去撞到腰骨呀陰公。不過果度冇其他小朋友同佢玩，我入去同佢影下相，唔係佢好悶O既。打完table tennis，我地又去射槍先。影下相，去左度假屋的餐廳度食LUNCH，同香港價錢差唔多，食物都比尋晚果間好。度假屋出入要坐SHUTLE BUS，職員話我地知呢度個老細叫鄭家誠，好似係新世界發展嫁喎，仲經過佢間屋添！有衝動想係佢門口叫入去同佢打聲招呼，香港人ma，哈哈！

下午我地再去打桌球，本來想打完就去游水，點知個天就落雨，仲好大下。結果打完桌球，打左陣機，都係返左去屋果度抖下。表弟又麻雀大戰，我就訓個午覺。晚頭係度假屋的麵包店度叫左PIZZA外賣，OK啦。我同妹妹去做腳底按摩後，返上屋又食下零食吹下水，又一晚。

第三日仲係有陣雨，我地去左租單車踩下。點知阿媽十幾年冇踩過單車，拿手唔成世，=.=" 只係遊左都冇半個度假村。不過我都去左游泳池度望下係咩樣O既，最後因為雨愈黎愈大，同埋都夠鐘CHECKOUT。中午係淡水果度搵間菜館食野，又食肯德基的藍莓葡撻，先坐車返香港。

都痴線嫁！

個袋佢買返黎，新新淨淨唔俾我用。FINE！我一次都冇用過佢的，即使唔係佢自己錢買。
到佢用到殘用到爛，補完同我講話我都可以用。咁我拎黎用有乜問題？

好啦，我拎左黎用啦。跟住就係度話我用左佢個袋，搞到佢冇袋用。
大佬！個袋兩份的，我執野時佢冇話想用，咁我就用嫁啦？！我用左黎裝野，如果佢係想用O既，佢咪話佢想用囉，我咪換過個袋囉~ 佢又冇出聲話佢要用，轉頭就係度話我用左佢個袋冇問過佢。

個袋又唔係佢出錢，只係佢睇中，仲要用爛左先話同我兩份用的。兩份用的野我仲要用之前先問佢用唔用，唔用我先有得用？！憑咩話係佢個袋？因為佢睇中，用屋企錢買的就叫佢個袋？！

都痴X線的。我睇中買返黎的衫，有幾多次係冇問過我就俾佢著左？我都未著過就俾人著左咁點計？仲要話係我自私！！

復活節假

臨放假前發現原來而家同我一起共事的GARY，就係以前大學時細我一年的同校生。佢仲係上SCS的莊員添！佢提起我又隱約記得佢地係成日叫『清雲』咁O既人O既。

仲有就係我做錯左野，好在唔係好大件事，不過都嚇到心驚膽跳。

Elaine約左我出去傾基金D野，一傾就到11點，累死我。不過我都係冇打算同佢買喎~

放假勁煲劇，清左好多。
而家睇緊LOVE SHUFFLE。

Too defensive

有D人係咁嫁！即係無論人地講乜野，佢都覺得係講緊佢，就一味係度攻擊人，因為佢以為自己俾人攻擊緊。

我有D野要FAX俾人。我就想話FAX之前通知一聲人地留意下個FAX機收野，咁就問下人，咁做好唔好啦。跟住人地就話，FAX完之後SEND先至ARM。未FAX野就通知佢都冇人理你啦。咁我覺得兩個方法都冇問題，咁我話好啦。不過我試過有時SEND D 有私人資料的野俾人時，係要通知人地留意一下FAX機O既。

THEN就有人提高聲線係度拗，早通知冇人理，SEND完先通知先係正確。都冇人話佢的做法唔ARM，只係做野好多時都有好多個OPTIONS，有時人地鍾意用A方法，用B方法都一樣可以。冇人話你錯，但人地的做法都唔見得係唔ARM咁O者。

有D人就係接受唔到，佢覺得只有佢的做法先係正確。即使人地唔係話佢錯，佢都唔容許人地認為仲有另一個可行的方法。

一句說話，撩交嗌。

兩星期沒有BLOG

近黎真係一反常態，兩星期都冇寫BLOG了，而且MSN都不常ONLINE。

上星期六本來約左去SHERMAN屋企打牌，不過唔舒服冇去到。到星期日好返D，可以同MANDY佢地返大陸行下，點知行行下風難又發。冇錯，風難已經起左成個幾兩個星期啦！我同MIRANDA有去試ELAINE介紹的中醫，不過對風難真係冇咩幫助囉。嚴重果幾日，半夜會痕醒，但平時都可以成日都冇事。結果我都係去左睇西醫，到而家都仲係有發，不過範圍唔算好大。

果日返大陸就去左行街、DUM骨同埋食BUFFET。其實都幾高消費嫁~ DUM 骨係幾舒服，不過一DUM完肩膀同埋背都痛，不痛左兩日先好返。返工又因為要多D同同事交流，所以隔日出去同佢地食飯，一食就成碗，食多左好多野。肥左，唉~

尋晚TEAM GATHERING，有人請係RUBY TUESDAY度食，食完再去唱K。咁當然都有同事讚我唱得幾好，音準咁啦。不過原來都唔少同事唱得幾好，我個MANAGER啦，仲有同我一起轉TEAM的EDMOND。唱到12點，要坐亡命小既返屋企。

今日一早又起身去拜山，一搞就到下午3點。今日阿爸、阿媽、阿妹都衰左，講左D唔應該講的野，做左D唔應該做的事咁啦。之後我地去左沙田行街，撞到VEE同KIN。行到好累，睇中左件BIKINI!!!但係....唉...都係冇買到，因為我不停咁俾人打擊，冇晒心機。係FOOD COURT食左MOS BURGER，買左兩個卷蛋就返屋企LU。

卷蛋係黑芝麻黑豆同埋櫻花紅豆大福，好特別的口味。用黎TUM返自己開心D。