感觸

『要看那個人多愛你，就看他願意為你犧牲多少。』

今天想起這樣的話。當我喜歡吃日本菜，他卻不喜歡吃，但是還是每天陪我吃的話，他就是為我捨棄了他一點點的自我。我喜歡所以他喜歡，這就是他重視我的表現。

這也可以套用在朋友身上。

最近一個接一個的婚宴，讓我發現了好多奇怪的現象，也讓我有一點感觸。當大日子快要來臨，被邀請當姊妹的好朋友，對主人家定下的服裝顏色跟款式都很不滿意。覺得應該要有自由去選擇自己喜歡的衣服，只因為她覺得那個款式不怎麼樣，或是跟她本人不相襯。很多很多類似的case發生，讓我覺得很不明所以。

因為是好朋友才會被邀請當姊妹的。但如果是好朋友，還會介意那一天的早起？還會介意為新娘穿上一件你不十分喜歡的姊妹裙一天嗎？有那麼一個人說過﹕『我只是來觀禮的，用不著穿得美美的吧！穿我喜歡的衣服就行啦！』我以為賓客才是來觀禮的，姊妹是來出份力，用行動協助整個婚宴順利的進行，送上另一個形式的祝福。姊妹們穿得美美的，是給主人家FACE。既然都清楚那天的主角並不是自己，那又為何那麼執著的不肯穿上主人家選的衣服？又為何那麼不情願的早點起床幫忙？既然那天的目的是為了『登』別人開心，為什麼卻要為別人添上那麼多麻煩跟難題？

說穿了，就是你不願意為那個人犧牲你一天，你一點點的自我。
說穿了，儘管答應當姊妹，卻一次次在行動上說出了心底話。『我並沒有覺得跟你很熟』、『你並不值得我為你犧牲那一點自我』。

有些人說，愛不是以犧牲自己來衡量的。
但是，有時候一點點的犧牲，正是愛的表現。

如果將來我有機會辦婚宴，而邀請你們當我姊妹的話，自問不能為我犧牲那一點點時間、一點點自我的你，請不要答應當我的姊妹。

我不介意姊妹的數量多少，卻很介意姊妹的『質素』。

我今日肚痾......

係假O既！因為今日係ESA莊員Yvonne的大日子，所以我特地的『肚痾』請病假出席佢的婚禮。可能因為上莊時的日子太美好，所以所有莊友都係我美好時光中重要的一員，請假出席婚禮係義無反顧O既。

10點起身準備我今日個LOOK。最主要都係化妝啦！尋晚急急的買左Shiseido的The makeup粉底，今日搽上去，見到粉粒。覺得都係用開果隻BOBBI BROWN的粉底好好多，細滑到睇唔到。整晒D基本野，就要整假眼睫毛。之前同MANDY買左幾盒返屋企，都未有機會自己試用。今日一整，就整左個幾鐘！真係想死呀！痴極都痴唔ARM！最後都痴到，但我剪到左邊的短過右邊的。人地睇唔出，但我『仍』住『仍』住囉。

最後都係遲左到，等埋大家一起坐的士入去小白鷺餐廳。西式的婚禮同想像中的一樣，大草地上有白色的COUNTER同台。但佈置略為簡陋，整個婚禮真的真的...實在係好差。住個婚禮一個司儀都冇，完全係自動波，自己簽紙、切蛋糕、飲香檳。連要影相，都要自己出去排隊，冇人話請女家的邊個邊個上去影相的。D兄弟姊妹仲衰，一March in 完就坐埋一邊自己有自己傾，有時新人想叫佢地做野，都只可以係台度猛望向佢地度，等佢地反應。拋花球仲慘，得幾個姊妹同伴娘，仲要唔係企係新娘後面，好明顯係一定唔會扔中的。我同SEBRINA就去充下場砷，費事咁少人啦！點知個花球就向住我地黎，我冇伸手接呀！Sebrina接左，跟住就係咁推俾我。嘩！我叫佢推俾伴娘算啦，唔好俾我呀！

跟住我地去左個亭度食野傾計，跟住就唔見左YVONNE！D賓客食完就走左，我地都係度問，係咪完嫁啦！食完野就走嫁啦！定係YVONNE換緊衫？！ 邦同小白走左先，我地幾個傾訐坐多陣，之後就見到YVONNE出黎，換左件衫，原來，仲未散場。我地拿拿臨去同佢影多張相先走啦，一場黎到。

大家傾開都話個婚禮真係有好多進步的空間，甚至好懷疑係咪有左『函』先結，因為籌備得好似好倉促咁。而YVONNE個媽媽都唔笑，好似唔多開心咁。

Anyway, 晚頭我, SEBRINA同KENNETH去沙田行左陣，係和民食晚飯傾下計，再去ZARA度睇裙。因為我話聖誕應該要買返件『飲』裙見人先得O既~