清保良

是日餐湯 ---清保良。

mcdonald的雙層朱古力新地，好漏呀！

仲係麥記見到一個...專望細路女的金魚益！哼！

估你唔到

上個星期我屋企捱左快要5年的電脳，終於因為顯示卡再都插唔實個底板，冇晒畫面而宣告死亡。正當我仲在盤算去買個DELL機加返自己用開果兩隻harddisk入去好，定係去搵人砌過部機好的時候，阿妹又提起果隻死左快要一年的陳年40GB harddisk，要拎去做data recovery。

星期二我的起心肝拎個harddisk去韓新公司度做recovery，要$4500呀！唉~

今晚收完一個早抖SMS，就發現我的舊愛O2 atom exec 有粒掣甩左唔知去左邊！搞到支筆插唔返入個機度。雖然我早已買左新手機diamond，但O2我仲用緊嫁MA。結果我都係同佢做左一次hard reset，洗晒D野，我存係度果3515個SMS都洗埋。如果果時買DIAMOND時我肯用$760賣左俾123的話，你話幾好呢？而家拎去收買佬，都唔知肯唔肯俾$20我！

我以為佢會頂到舊電死，又或者個機死，我冇想到會係個機殼死嫁MA！
上個月出糧清晒D數，諗住黎緊個月可以開始我的儲蓄大計，但係咁情形，下個月財務都仲係異常緊絀！9月份有兩個同事結婚！

現金流遊戲工作坊

11:30AM去左做Facial，老闆娘問我我個Friend做咩唔一起黎。咁要問返MANDY啦~ 做乜咁耐都唔去做FACIAL?又話想靚D?

下午去左銅鑼灣參加『現金流遊戲工作坊』，本來的以為只係大家網友出後一起係CAFE度玩個Game而已。點知去到樓下，望下水牌，咩咩理財公司？！大獲！又係想搞花臣TUM係投資果D。咁讓水路黎到，我都係上去望一望，唔對路就即走。上到去我都黑晒口面咁嫁啦，不過D人到晒就真係開始玩個game。原來同我之前下載的PC版一模一樣，不過我勁黑仔，失業4次。到4點幾就例牌有個discussion，求其答幾句好在都冇hard sell。坐lift落黎時，有個女仔出聲問我係咪有PC版，可唔可以SEND俾佢。跟住有其他人都話要，結果大家交換左電話同MSN，仲同其中兩個女仔企左係度傾投資野。

其中一個係文員，本身已有基金組合，最近讀緊技術分析的HKU SPACE course。另一個仲係學生，想個多D投資有關的野。傾左一陣話下次約出黎再玩個game，因為文員小姐自己買左，仲可以交流下意見，睇下佢讀果個course係咪真係咁正！

晴朗的天空

回到家樓下，天還是藍藍的，感覺真好。

今天同事Terence說高層看到我跟Issac 常常看elearning，問我們是不是太閒，要不要加點工作給我們。嘩！雖然我地真係幾閒，但以後都係扮忙好D啦。我仲想準時收工嫁！

LUNCH去食板長壽司，未食過，今日要對自己好D。三文魚壽司$5件咋！不過原來今日Benny走前請我地食野，Tea 時勁多野食，又春卷咖喱角、又雞翼，食到肚都爆啦！

I am HOT today!

公司有個叫HOT的campaign，就係一個月當中有一日係可以4點鐘走，今日我就享受到呢個待遇啦！3點開始我就唔想做野，一到4點，個個仲做緊野時我走出OFFICE的感覺好爽！

夜晚去左食『大救駕』，一間雲南米線店，上過蔡瀾節目嫁！食左豆花米線、水晶皮凍、麻X雞軟骨、椰子吹氣烏雞湯等。都幾好食，當中個湯甚得人家讚賞喎！我覺得個雞軟骨都好好，因為佢D粉漿唔多，其他地方食通常D炸漿就大大PAT，舊骨就細細舊。

今日我又叫左好多碟，俾人話我叫得多呢！>_< 人地想試呢樣又想試果樣MA，我會節制下啦。仲有今日有人好唔合作，所以係火車度俾D顏色佢睇 ！成車人都知佢點恰我呢！哼哼~

Freshless Burger

放工去到新世紀，未夠鐘就周圍行下。見到Freshless burger，我未食過的漢堡包店！於是忍唔住都買左一個和風肉汁漢堡包食。一個包收$25，加埋汽水就要俾$35，唔個佢包唔包薯條添喎。如果要轉其他飲品就加$5，如果要洋蔥圈或者薯圈要加$10，要薯皮就加$12!!

聽下聽下真係覺得好唔抵。咁樣加法食一食味成$50埋單？！再睇下個包，除左番茄厚D之外，其他野都好普通。D肉汁係幾好味，不過塊漢堡就‥‥‥。

妹妹之前話呢間野好垃圾，唔食過我都唔信。不過如果食平野，我情願食麥當當，都係$8一個包。要好D就可以係Mos burger，佢D包烘到脆脆咁，好味道。再貴D，就食Triple O's，又大又多料。Freshless burger 真係得一個Fresh 字，因為佢即整，個包仲係熱的。

家庭聚

一早跟老豆阿媽去左沙田度睇harddisk錄影機，因為屋企個舊錄影機壞壞地。睇左幾間之後，我地都決定左一係菲利蒲、一係就pioneer。

去到婆婆屋企同姨媽舅父傾，原來因為2012年變高清，所以而家買就好唔抵。最後都係決定唔買。

夜晚同埋D親戚食飯，返屋企途中，表妹話我知頭先舅母同佢地講，我有D似王苑之！當然所有表兄弟姊妹都冇一個同意，不過我支持舅母。HOHO

借左姨媽個夾髮器。

奪命YOGA

台風一走，我就照原定計劃去做YOGA。上個星期狂食妹妹係台灣幫我買的綠豆糕，係要做返D野O既。連續做左兩堂YOGA，真係攞命，手腳都冇晒力，前日打羽毛球而家手臂仲痛緊。

磅一磅真係重左1-2磅，唉~

9號台風

尋日下午各同事都已盛傳話今日會打9號風球，大家都約定朋友今日去做咩。今早訓醒聽到電視話天文台將會係8點掛，即係唔洗返工啦！正！

訓到咁上下，睇下台劇『蜂蜜幸運草』同埋卡通片『Devil may cry』，一整天就過去了。

Training@Olympic + 打羽毛球

早上到了奧海城那邊做TRAINING。今次我又衰左啦！尋日放工急住走，冇睇清楚今日去邊個房上堂。去到憑記憶上18樓試下，點知果層的裝修同我記憶上唔同。游左十分鐘，想話打俾同事問下可唔可以CHECK到，但我冇同事電話。之前幫個電話UPDATE個ROM時冇晒。HANNA佢放左幾日假，但想問佢其他同事的電話，於是打俾MANDY問，=.="太早嘈醒佢TIM。但都係打唔通。

最後走出去LIFT口，見到冇TRAINING的LIST！好在我記得自己上的TRAINING名，原來係17樓呢！

行過奧海城的超市，見到之前見的Penfold's Koonunga Hill仲做緊特價，於是把心一橫，買返屋企搵日試下。Tasting Notes話佢冇Penfold's classic的味道喎~

夜晚放工去左藍田麗港城個club house度同舊同事打羽毛波，打到身水身汗，又去食埋飯先返屋企。諗住聽日唔洗返工，點知返到屋企阿媽話天文台話下午先掛風球，唔係掛！上午仲要返工咁慘？！

經濟一週

妹妹今晚就返黎啦！佢幫我買左4盒綠豆糕呢！(其實我只叫佢買兩盒，不過佢誤會左...唔緊要！多有多食！)

今日成日留係屋企，好難先捱完成本經濟一週。雖然自己睇黎睇去都唔太明，不過學呀Kim Kiyosaki咁話，唔好怕唔識，睇得多自然就會識。我發現唔同的分析人的睇法都可以差幾遠嫁喎！有d又話覺得個隻股會下試$80，有d又話頂多都係$90。不過由於我一向都好少睇中國新聞，睇左本雜誌先知『反壟斷法』原來對於中移動都有影響喎！仲有就係原來8月好多股票的禁售期完結，會有人賣股票吐現。真係唔睇唔知。

另外由於搵唔到現金流遊戲玩，我上網下載左cashflow101同202的電腦版遊戲黎體驗一下個game。雖然只有玩左101果隻，不過原來都幾複雜，真係要花心機，抱住學習的想法先會覺得好玩。如果當佢係大富翁呢，就會嫌佢悶左d囉。

選伴娘衫

今日約左mandy出去睇下伴娘衫，我以為有得試，所以穿左girdle出去，紮左我成日呀！嗚...不過都因為咁我食唔到野，當係為減肥出一分力囉。

去左mandy選姊妹衫果度睇，其實都睇到有幾件都ok o既。不過因為未需要咁急買住，所以就由得佢先。行過另一間店，d衫包起晒！但係靚好多喎！不過都貴好多呢！佢肯俾我試一件，我梗係試下啦！唔好執輸ma。穿起身都ok，就係我自己肥囉。都有諗過不如自己補錢買d靚d o既，但係諗諗下，買左我又冇機會穿第二次，都係唔好拎d錢黎晒啦。穿夠就除返出黎俾人囉~

仲有今日有同mandy去買化妝品，卓悅莎莎都超多人呀！逼到呀！好在我妹妹會買定晒d化妝用品，唔洗我自己去買o者。我買左d假眼睫毛同埋假手指甲(出左新款呀！好靚呀！今次果d有glue，唔知會唔會仲係咁易甩呢？)，遲d Hanna 同埋同事呀Siu 結婚，我都可以扮下野，呵呵~
最特別係我買左果個電眼睫毛器，原來好平嫁啦！我要搵日試下，如果好用，方便過夾好多呀！因為夾我成日都夾唔到d眼睫毛，因為太短了。

至於直/曲髮夾呢，見到都係幾十蚊就有交易，不過因為我親戚有，所以都係借返黎試用下，好用先去買呢！

有人話我曲髮會好師奶，我唔信！！

呀！仲有去買左clinque的eye mask，因為我d眼紋出晒黎啦！要補補佢先得呀！唔可以咁懶。

Cashflow101

最近睇緊『窮爸爸富爸爸』個老婆寫的Rich woman。當中提到佢同老公整的果個Cashflow101 board game，即係現金流遊戲，話可以讓玩家多d瞭解咩係investment。記起之前uwants阿君佢有叫過我一起去玩呢個game，but我都係冇去到。所以就撩下佢睇下仲有冇得玩。

今日返工好holiday mood。早上坐車冇乜人，返到公司d人都顧住傾計多過做野。lunch完個個都pack箱，準備搬落20樓，我地又走去20樓睇下自己個位咁，直頭係一個字，爽。

不過5點幾個個熄機俾工人搬電腦，可以早收工果時，我個電腦做緊lock, synchronize同埋unlock d source的動作，我唔可以強制停左佢，又唔可以lock左唔unlock由得佢！結果人地5點就收工，我5點45分先走得。唉~ 蝕呀！

之後去玩具反斗城睇下果個cashflow101 game有冇得賣。我記得上年買twister去vee屋企玩果時我係有見過cashflow101呢個game嫁！售貨員話賣晒啦！可能遲d會翻貨。咁都係搵d有呢個game的人一起玩先得。

早d訓

尋晚返到屋企成11點幾，仲未訓得住，因為妹妹佢就黎要去台灣工幹，d台證呀保險呀，咩都要我幫手搞。所以整下整下都要點半先訓到。

今日放工又係一支箭咁跑返屋企，十點幾就覺覺豬lu。

咦？！

下午收到電話約食飯，放工就準時走，尋日OT到8點，今晚真係唔想再留低。

去到深水埗，同人地堂哥、堂哥女友同其他幾個人一起食飯。邊傾計邊睇奧運，之後再去大埔食糖水。

0_0！

大進展~

慘絕人寰

在奧運開幕幾日，中國係咁奪金牌的時候，發生慘絕人寰的事件！雖然旺角大火係其中之一，不過我唔係講呢樣。(都話唔好做消防員啦！意外呢D野真係好難講。文職係就係悶左D，不過至少安全呀~)

今日我OT呀！好慘好慘，連續兩個星期都係準時走，忽然間開始要OT，我有D接受唔到。OT到8點到，成個team得返我同另一個同事。中午飯我冇食到，而夜晚飯又因為OT都冇食到。放工去埋旺角123拎埋我DIAMOND舊電，落雨濕濕，快D返屋企訓覺，聽日又返工。

陰晴不定喔！

睡到十點鐘，起床看完了『翻滾吧！蛋炒飯』。

談了一個電話，吃了一餐飯。

天氣是不是轉好呢？

我留意到手上的東西喔！還有喝了一樣的飲料。

情況好像變好了，可是還是有點距離。

不過還是個令人愉快的晚上。

翻滾吧！蛋炒飯

今天好早就起床去做facial了，因為上星期做姊妹時化妝了，我怕自己洗臉洗得不乾淨，塞住毛孔造成暗瘡，所以還是要去清理一下。

完事後回家看『翻滾吧！蛋炒飯』，是汪東城做主角的喔！他真得很cute，跟某人一樣。

『在事業上站隱之後，才談男女感情，這樣才能夠算是真正的男人。』 這是爸爸哄冷冽的說話。

『現在我的目標，就是要陪著她，讓她快樂。 』
『但是現在你是唯一不能給她快樂的人啊！ 』

『人生就像料理，有時候殘缺才能造就完美。』

還有，書展買的「偷書賊 The book thief」已經看完了。有很多生字都不懂，不過還是應明白故事的內容的。Sad ending。故事最後一個炸彈把女主角所愛的人全都帶走了。如果她早知道Rudy會這樣死掉，她絕不會吝X給他一個吻的。

哭慘了~

外快

放工很忙，6:15分要到太古坊，可是我6:20還在公司。飛奔到達的時候，剛好另一個參加者也到了。其實今天是去做市場調查，完成後有一點交通費啦！

聽說銅鑼灣有疑似爆炸品！真的開始對安全有點擔心呢！

回到家剛好可以看到點燃火炬那一幕，雖然李寧跑得比卷軸快，是吊WIRE的大哥跟放投射的人沒溝通好，有一點醜。不過還是挺好看的。在有線重看了奧運開幕時的煙花，也是挺有心思的。

綺薇婚禮 Day 2

唔記得提d兄弟姊妹點添。姊妹就真係正啦！個個都好靚，我最喜歡的係iris，因為佢又靚，個人又熱情。至於兄弟就...唉...唔好提啦。伴郎...外形好似飛仔咁，但佢有個火辣辣的女朋友！基本上兄弟的年齡都好細，有d大d年紀o既，就...。不值一提。所以當中我評價最高的係新郎的表弟，花名叫『吳尊』，應屆會考生，最青靚白淨係佢嫁啦！我睇好佢，將來如果唔變黑唔染金，又唔生暗瘡的話，應該會係一個靚仔黎o既。

講返婚禮。由於尋日大累，今日我決定咩都唔搞，髮型又好，妝又好都交晒俾holy佢地搞。所以2點鐘準時要去到俾佢化妝。點知我出左門口先發現我唔記得幫塊面塗cream，算啦，一次半次。行多陣又發現我唔記得戴隱形眼鏡！今次真係大獲，我六百幾度近視+散光，唔戴眼鏡睇唔到野嫁ma。只好返屋企拎，結果又遲到。所以我又決定係hung hum坐的士去酒店。

去到好在都唔遲好多，換衫等化妝，再等set頭，真係想唔到一等就等到6點幾先搞掂。鬼咩，咁多姊妹個個都等化妝。落到去我忍唔住食d春卷頂下肚先，因為我只飲左一包奶咋成日。基本上今日我都冇咩野要做，只係幫手遞下茶俾新娘新郎敬茶，唔...我估我都會出現係好多張相度，haha。

成個晚宴基本上都ok，只係賓客度有一枱自己有自己講下，好冇禮貌。我坐位附近的係港基的人，忍唔住都會望下有冇相熟的面孔。中段係我地兄弟姊妹，向新娘送花，俾個surprise，因為今日正正係佢的生日。新娘當然感動到喊啦！我仲有攬到佢實添呀！雖然我冇流淚，不過我相信呢一幕應該係好感人的。

另外仲有一樣好搞笑的野，就係席間播返尋日教堂感人的說話時，鏡頭影住新娘邊講邊哭。點知影到一行白色的鼻涕吊住係度，又吸返上去，好似小新咁！haha，本來我又聽到果d說話又眼濕濕，clark仲話我聽第二次都仲要喊。點知一見到呢個畫面就忍唔住笑左出黎。

綺薇雖然真係比以前肥左唔少，不過佢穿起a-line的裙真係好ok呀！恨死人。

結果凌晨先走，返到屋企1:30。今日個眼睫毛痴得好好，慧妍話我個妝襯我，but我就唔識睇啦。妹妹就話佢唔like我個眼化得扯高咁喎。

綺薇婚禮 Day 1

set左鬧鐘早上5點半起床，鬧鐘係響左，不過我仲係6點半先起到床。一起身就知大獲，約左mandy7點半等，一個鐘頭都唔知夠我沖個涼定化個妝。結果我真係遲左到......一陣咁啦，順便mandy係7-11度睇下有冇冰賣。買左冰就一起坐的士去綺薇屋企。

去到大部份的姊妹都到左啦，新娘有新娘化，姊妹有姊妹化。因為唔知幫我地姊妹化妝的人技術得唔得，所以我聽妹妹講都係自己化定先過去。不過睇到佢地有3個人，化其他姊妹都化得幾好，而且從對話中聽到佢地係化妝學校度學緊，d工具又齊，聽日都係交俾佢地化，唔洗自己整到一獲泡。

差唔多時候d兄弟就黎啦，先係門口要佢地穿些成人紙尿片，帶上浴帽同埋食住奶咀糖，象徵住好多BB入門口。跟住就玩我地負責的game，係要新郎用腳係d冰度夾d一索出黎，意思就係『一索得男』啦！mandy同慧妍都冇出去講，所以我只好挺身而出啦，因為係我地負責個game嫁ma。我發覺新郎只係撩d麻雀出黎，好似夾唔到咁，唔知係咪凍到腳都僵晒呢？！

之後其他姊妹就玩另一d遊戲，有一個係要d兄弟扒係地下，用口咬住筆黎寫d吉利的說話，有人居然寫家肥屋潤！都同結婚冇關o既！另一個game就係要兄弟抱起新郎，錫牆同埋天花上老婆的相。之後就係愛的宣言，俾埋開門利是就接到老婆啦！跟住倒茶呀，講d祝福的說話就去男家了。我想講果d說話俾我前一個姊妹講左，搞到我都唔知講咩好。

本來我地負責物資的，不過物資的list唔係我地手，物資放係邊我地又唔知，所以都係有名無實，唯一做到的野就係問人地拎晒d野未。其實都arm o既，呢d最好都係佢地親戚做返啦。

去到男家我冇入去睇佢jum茶，因為人太多了。不過我食到奶奶整的紅豆糕，真係好好味呀！綺薇收到金豬牌，仲有6隻小豬，想抱孫的心態表露無遺啦！之後我地跟車回門，返去女家食d野，又出發去教堂。其實根本就食唔到d咩，一黎天氣好熱，二黎穿住d 『促』身衫，食唔到野啦！

下午去教堂，都幾多人呀！最精華的都係新郎新娘向屋企人講感謝的說話，忍唔住就喊出黎。咩妝都冇晒啦，變晒花面貓。

************************
第一次痴眼睫毛，原來整得太長，好易就甩，搞到對眼好累。返到屋企食d野，沖個涼就拿拿聲訓，對腳好似跛左咁。但係訓得唔係好熟。

12點收到個電話，太累了第日再傾，但係收左線後，仲更加唔易訓得著。

保齡

中午VEE打黎問我今晚去唔去玩，本來佢話去唱K，我話唔去，想返屋企塗下指甲油。不過後黎話去打保齡，於是我就去啦。放工入左黃埔，去食左飯先，原來阿VEE話如果我唔去就會後悔的意思係咁，因為AUTHOR請食飯呀！佢加左人工。咁我都只係叫左沙律O者，一般唔好意思食佢咁多，二黎我都唔應該食咁多野，三黎我仲有一個私家蘋果係個袋度，一定要依食埋。

尋日同事COLIN走時買左好多"HAGAN DAZZ"? 雪糕係個櫃度，今日又係FRUITY FRIDAY，有生果派，所以我下午茶食左雪糕，生果就留左係度。

食完飯9點幾去保齡球場打左兩ROUND。好彩我D成績都係中上。不過犧牲左一隻指甲，仲打算塗指甲油嫁MA。

佢地話下次到我，大佬，出左糧先講啦，家下窮過鬼呀！