閉關

原本今天是約了yvonne去shopping的。可是她要去打badminton，再吃點東西都3點多4點多才可以有空。我在家1點多，換好衣服邊看劇集邊等，邊等邊沒出門的興致。最後還是跟她說改期，留在家看劇集了。

晚上master同學dicky打來告訴我之前考的一科出了成績，上網一看。還好！最高分79，最低分25，我是65.5，dicky是51，剛合格。現在只差昨天那一科了。

看了『孃王』，終於知道誰是什麼蒼井什麼空的，中學同學以前提過的女優。

完了

今天早起床再盡力讓自己安心點。2點鐘到課室，碰見同學andrew，原來課室還未開。很多人都帶了手提電腦，以為會有幫助。確實mid-term的時候是有用啦！可是我還是相信it is not necessary。結果當然是not necessary啦。

2:30開始，我3點多就把能寫的寫完了。其實那份卷用不著那麼多時間，只有13條，當中有5條都是multiple choice。同學都開始走了，我還在磨，左翻右翻，堅持到4點，眼看我是不可能再磨爛『隻』一個鐘，所以都係收拾包袱返歸算啦。

之後就開始我考完試o既生活。

Happy Hour gathering

早上想要8點醒來溫習的，可是太累了，結果9點才起床。溫習還好。其實時間是肯定不夠的，畢竟我很多課都沒上，就算有上課，教授說的東西太散亂了。他可以把時間都花在證明那一條數學formula，而這條forumula呢，我們基本上是不太需要使用，而且不用考試的。而要考試的內容，卻一個圖表，一句文字就帶過了。所以3個小時看完了notes，根本就沒什麼概念。只好看書了。可是書的內容更深，而且教授肯定不會考。最後還是看了幾課當作是自己安心就算了。

晚上特地的回到公司參加公司的happy hour。其實supervisor叫我去是另有目的的，而且我也大概知道。就是說說工作表現之類了。聽完她的表達，我只有一個感覺，就是以後肯定會加班加得很慘了！至於happy hour就跟隔壁team的inter-trade一起坐。感覺還好，都是一些有風度的男生。比如說見你接電話了，會幫你留下食物；看你不太會喝酒，會搶去你的杯子幫你喝掉。不過另外loan team不知在玩什麼遊戲，居然要咬/舔我們manager的手背！我是不喜歡開這些玩笑的，這分明是貶低自己抬高manager的玩意吧！可能參與者都是小朋友，都以為是玩瘋了，可是我總覺得manager感覺超好。好說的就是有一班兄弟、哥們，難聽的我就覺得是有一班受他指使的狗。巴巴的舔他的手，他一聲behave就得乖乖的sit down聽話，真的很難看。

魔女宅急便

仲記得宮騎駿係《魔女宅急便》中，男主角係個成日研究飛行機器的人。佢研究用單車加螺旋槳，係陸上踏到一定高速，就會升空。

想不到現時都有人以電單車改裝，加入螺旋槳而成為飛行機器呢！

*********************
尋晚係yahoo auction度e-shop，想不到有好多靚裙。可惜我都係唔敢就咁買，又怕唔arm穿，又怕太大碼。

last返學

訓到差唔多鐘數先起身返學。今日因為唔係咁舒服，所以早d出門口慢慢lan返去，結果早左半個鐘。上堂阿sir竟然仲教書！下星期都考啦！仲教新野。下半堂就俾我地問佢上堂出的exercise，滿以為佢會派answer逐條同我地explain，點知佢話佢唔會派answer。死火啦！我一條都唔識做喎！只好硬住頭皮同同學落去捉阿sir逐條問。點知其他同學仲快手過我地，一時間幾十個人圍住阿sir，阿sir只好話break10分鐘，之後開咪講exercise啦。有d同學走左就冇福啦！或者佢地識晒掛。

雖然阿sir冇講answer，但係都有講用邊d formula黎做。聽完都起碼可以自己返屋企思索下。

放學去剪個髮返屋企。有線有人上黎整機，因為我地又join有線啦！(上次有人發晒脾氣話以後唔會裝o既) 果裝仔後生仔入黎裝，我係房望出去，發覺佢成日都瞄我。我緊唔會覺得自己太靚的原故啦！反而...係因為我奇裝異服。我傷風所以大熱天時都係屋企穿大褸，想人唔望我都難啦！我自己都熱到出汗 -.-"

又OT

今日節奏都幾緊湊，咁緊係啦！唔想OT咁耐緊係要勤力d！不過都係無可避免的8點幾9點先走。因為其中一個同事下星期放假，佢跟開的野都係urgent的，由我跟埋。所以要同佢handover d野，先至可以繼續趕自己果邊d野。但係又因為公司今日停電，一定要係11點前關晒d server，咁負責關server的同事就要係度等我做完先走得。真係非常的唔好意思，不過都係做到8點幾9點，發現要再做多一段時間先有野睇，只好先走了，星期一再做埋佢囉。

走的時候同loans team的alex傾左幾句。另外今日應承左isabella 下星期五去公司的happy hour，去識多d人，混熟d喎~ 之但係果日我放假係屋企溫書ma，又要特登出去...唉~

OT

今晚OT到7點幾。因為忽然間星期一就要拎走infrasture內的一d component，因為license的問題。所以我地的program都要改唔用果一part野。講明urgent你都冇得唔OT嫁啦！所以...做到7點幾，supervisor叫我走先走囉。

龔如心

arm arm lunch 同miranda食飯，俾返carrie wedding d相俾佢。例牌傾下呢樣果樣咁啦。感情status呀、宗教呀、活動呀等等。返公司時例牌行過殯儀館，今日係龔如心出殯的日子，真係花海，全都係白色的花，有百合、玫瑰等等。行過時一陣花的香氣，可惜好多花瓣掉係地面，令我差d 冼低。

股市

hsbc 終於升返上$14幾水平啦！而中國銀行都終於升破$4水位。可惜匯源果汁仍然載浮載沈。

中信1616...先係大問題。
佢已經連跌左幾日，由4.1幾今日最低係3.59。之前咪見新加坡政府投資機構(GIC)入左貨，後黎仲增持tim！但係原來前幾日有大戶出左貨喎！當個市升緊，中信1616仲一直咁插水，係咪即係代表佢呢隻股好有問題呢？定係只係大家話個個都出貨黎抽其他新股？

過關.......掛？！

叫左alarm 8點叫醒我溫書，結果我都係9點半先起身。開得工黎都10點幾。開工冇耐就聽到隔離屋好嘈啦！原來佢地裝修準備搬入黎。真係慘，溫書呢家野就最怕嘈，會心煩氣躁嫁ma！

結果我睇完淨低d chapter，lunch睇陣劇，又再重做assignment一次。
今次呢科冇past paper呀！阿sir講左係邊幾個chapter，做數多。tutor話仔細d睇notes，做返d assignment就ok。我梗係死做d 數啦！背野都冇背。

7點去考，點知原來除左計數都仲係要背野。好在計數果d我都識計，只係唔100% sure。背野果課我下午都仲有revise返！因為我記得上堂阿sir花左好多時間講SET講encryption同decryption o既野。所以都有野寫落去。

考完試走時聽到其他同學問最後果題計到幾多年，一個話9年，一個話7年，嚇得我唔敢出聲。好在有兩個同我一樣都係計到4年！即係arm啦！=p

合格冇難道！...... 應該就 ......

後悔冇請假

今日真係唔願起身返工。早知就請埋假係屋企溫書啦！

一黎就係心虛，聽日考試，今日仲有2個chapter同埋d assignment未做過一次。二黎就梗係眼訓啦！

不過返工做左陣野，一碰釘停左係度就冇心機睇code啦。結果下午好多時間都係發呆。
夜晚返屋企睇『花樣少年少女』，聽日先溫書。

最緊要正字2 + 疑心生暗鬼

夜晚睇無線大結局，屋企主婦就話﹕『就好似呀胡杏兒相信陳錦鴻未死一樣，龔如心到死都仲相信黃德輝係未死o既。你冇睇報紙咩？佢個卜聞用黃德輝名嫁！﹃

當時屋企冇人出聲，我就話﹕『阿媽！咩卜聞？果個係訃聞呀！你咪有邊讀邊先得嫁！？卜聞！笑死人啦！』

跟住阿妹就笑阿媽，老豆都訓係sofa陰陰咀笑，阿媽...尷尬地背住我笑...-.-"

我懷疑只有我一個知佢係讀錯左。

*************************
同場加映 - 疑心生暗鬼

某月某日我同媽咪去完街回家，媽咪見到係門口隔壁的牆上有一塊好似係用係手錶的圓形電池再大一點的東西，同透明膠痴實左係度。阿媽就同我講﹕『我留意左幾日嫁啦！唔知點解會多左舊咁o既野係度。死啦！可能係人地打算爆格係度做個記號。唔得，等我搣左佢先得！』於是佢就起勢咁搣d膠。

我靜左一陣，就問﹕『阿媽，你想像力會唔會太豐富左d？d賊整咁大粒記號係度方死你唔知？你有冇想過，果d可能係保安洗樓果時簽到的東西？』因為我之前見過有d警察/保安，係手拎住支野，對住崗位上的一粒(估計會)發出signal的物體，用以記錄有人到過呢個位置視察。

聽完我講之後，阿媽猛然醒覺﹕『咦！係喎係喎！聽你講又似喎！死啦，搣左一大折添！』

幾日後放工回家。阿媽話﹕『原來真係保安用嫁！我今日見到佢地用啦！』

(鴉雀無聲......)

凌晨3點的曲奇及芝士蛋糕

訓醒下午就出左去同學食lunch，再返中大上堂。之後去百佳買埋野想話終於整cake，點知阿妹去左做facial，咁我都做埋facial先返屋企啦。返屋企食埋野8點幾先開始，我整4色曲奇，妹妹整日式芝士蛋糕，點知一整......就整到凌晨3點幾4點！真係意料之外！

我d曲奇...唉~
妹妹d芝士蛋糕...都仲似似地樣o既~

*********************
前幾日有個女仔打黎俾我，話佢係朋友的朋友度知道我電話，問我係咪想做part-time。咁我問佢有咩好野醒我先啦！我以為係d電腦freelance。但係聽佢講，話好似係幫佢公司聯絡已有的客戶，又唔係sales果d cold call。佢話過幾日再約我見工。我係咁而應左佢，諗住到佢真係打黎先算。

點知尋晚佢就打黎，叫我今日6點去見工。佢今次又話上去見下佢supervisor先，再睇下有咩工arm我。我聽到一頭冒水，究竟佢公司係d agent幫人搵工，定係佢公司要請人呀？！佢又叫我去尖沙咀火車站n出口就去到佢公司，n出口咁大邊度先係佢公司？我再問佢一次確實地址係邊，佢都係冇答我，反而叫我去到寶勒巷再打俾佢，佢教我去。我收左線之後都覺得好有問題。個女仔講野好窒，好似唔係好識應對，叫我見工冇理由地址都唔講嫁！我可以睇地圖去嫁ma！又冇公司名，工作類型又一時一樣。再想返起佢話係朋友的朋友度拎到我資料，如果係我朋友介紹我，冇理由唔同我單聲o者！所以我都係決定唔去。

結果係我做緊facial的時候，佢狂打電話俾我，我當然冇聽啦！幫我做facial個阿姐都話十成十係呃人！

K-meeting

中午收到tutor回覆，於是就係lunch time時做埋份功課。

公司工作唔算忙，最近都係study內地同事propose的solution係唔係arm o既，又或者係俾個direction佢地叫佢地再investigate一下。未到3點就已經同同事icq等放工。Isabella今日問我有冇係intertrade睇中邊個，想話介紹個男仔我識。intertrade d人我其實有同佢地食過一次飯，我都估到佢想介紹coleman嫁啦！不過我地識左啦！=p

夜晚6點d同事都冇人走！因為今晚我地同loans team約好左一起去唱k，但係佢地仲係好多野做。於是我地team一行5人先去攞位唱住等。原來阿Jack真係幾唱得，成日係度變聲，都仲係好update。反而細henry就弱左d啦，evelyn都係好細聲。hanson、anthony同大henry就較好。loans team佢地黎下一個咁，黎到都顧住劈酒。我地team d人就以唱歌為主，佢地team就以飲酒為主。最後佢地好幾個都飲得好勁。佢地有個股神anthony平時都唔多講野，玩起上黎原來都幾多野講。玩到2點我地得返6個人就走，anthony佢頂唔住都係嘔左。返到屋企3點幾先訓。

嘻~ anthony有話我唱得好聽呀！可惜我真係唱唔到劉若英的生日快樂，味道呢d野真係好難學。

趕功課

又冇去到gym，因為星期六要交的功課仲未做起，所以一早就返屋企做。花左成晚，做左一次又覺得唔對路。最後都係send email問清楚個tutor先。

唱歌班

返工第二日，就故態復萌，好似做咩都總係有阻滯咁。o牛o牛下又放工，ot左一陣先去些堂。今次係第二次同呢個新同學仔，豪仔，一起上堂。佢睇落大大份又gel晒長髮飛出黎咁，但係都幾怕醜，仲會傻笑。真係青春~

我地得4個同學仔，而且得我一個女仔。尋晚我唱『如果你想我哭』，阿sir話我中段開始先多返d吊鐘聲，咁我知知地係咩事，點唱先係佢所講的吊鐘啦。今晚我就唱『心花怒放』，唔......一般，有d唔記得點唱，不過唔知係我夠氣定係個咪開得好大聲，我開始覺得自己把聲都唔弱o既。但係唱完就要食返喉糖之得，上次通宵唱k個喉嚨就開始痛痛地。

返屋企又做唔到功課，阿妹用電腦。又再一次提醒我，要買電腦。

好累

第一日返工就好累，可能係因為放假都冇一日係訓到幾點就幾點。因為去街/(做樣)溫書，我經常性都係10點起身。今日返工雖然勤力左，真係有落手做d野，不過下半後時間都已經狂打呵欠了。

放工去左返唱歌班。上個week放假唔願出去上堂，所以今日補返。先去返買d整餅工具同材料，再係街係d野就上去旺角課室。人超多，上緊個人包堂果個小朋友，上次出show都有一起出，但係佢上堂時總係唔認真，成日扮晒d 雞仔聲，都唔知俾成千幾蚊包堂但又唔認真學，係咁俾錢阿sir洗黎做乜。可能我真係唔係cute果隻女仔，見住佢係度扮cute扮傻，也許男仔會覺得佢正，但係我就覺得......好大條代溝。

同Hana, crystal 一起上堂，原來佢地出左show啦！仲係尋日tim！至於hana，好似出左兩次，而且唱得好好，阿sir話拎佢果首歌做貼堂作品呢！勁！

溫書

受尋日支簽影響，今日終於有開功溫書，睇左幾個chapter咋！一想到聽日就要返工，就忍唔住都要抖返陣。

原本今日係要整cake的，但係因為工具同材料都有d未準備好，所以都要再擇日啦！

至於人地約我去行山，我當然係推左啦。

昂坪360

原本係一早就買定套票的，可惜因為天氣唔穩定，我地都係去到先買票，咁就中晒招啦！

十點幾出門口坐火車地鐵去東涌。途中坐左迪士尼地鐵影相，因為我地屋企仲未去過迪士尼呢！所以趁機遊車河。當架車係迪士尼返欣澳時，因為咁早冇咩人係迪士尼走，所以車廂好『吉』。我地可以隨意咁訓係度影相。

之後就係東涌排隊買票。好多人，真係排足兩個鐘先有得坐纜車。但係如果一早買左換票卷就可以直入唔洗排！所以如果有朋友要去的話，都係預早買定票好d啦！我地睇到個牌話個纜車可以坐17個人，嚇得我地，咁多人一架車？！原來都係10個人o者。婆婆前陣子先同舅父去過黎，話俾媽咪知個纜車埋站時有相影，記得望住門口。我地就梗係覺得自己好似有貼士咁，就埋站就死望住個門口啦！點知...... 原來個相機係係前面嫁！張相影左出黎全都係我地的側面！俾婆婆老點事件之一。

一到埗，未見官先打三十大板，老豆就冇左一舊水啦！因為佢同阿妹輸賭話纜車一落就係大佛隔離，唔洗行果百幾級樓梯喎~ 我地先到euro go go度食pizza醫肚，阿媽野都未食就走去睇下復活節有咩獎抽，貪小便宜咪呢d囉~ 人地話明係啟迪身心之旅，你方會有勁獎咩~ 紙巾都冇包，抽返黎o既係一張有金句的紙！-.-"

食完就係市集行下d手信店。其實我幾想去睇靈猴影院套卡通嫁！不過果3條友都話晒錢。之後就去寺的office度登記，上去睇婆婆張後生相。婆婆話俾阿媽聽個number係146，結果人地搵左好耐，原來係145先arm。行百幾級樓梯上去睇左婆婆張相，探埋梅姐，就落返去求簽同食豆腐花。唔知係咪真係咁靈，我冇溫到書都俾菩薩知道，係我求學業果張簽寫明下簽，仲係『蘇秦不第』，唔洗止意高中啦！唉~

走的時候坐返巴士9個字就返到東涌，行左陣東薈城先食泰國野。都有幾年冇黎呢個商場，周圍都係乜乜outlet但又唔係平。食完飯行陣taste就返屋企，大家都好累了。

硬住

尋晚傾計的事仲有d係個心度硬住硬住。

我就唔信有個又靚女又有錢的撲埋黎，會有男人一d猶豫都冇。雖然好似eric咁講，係一大堆的假設上討論其實係冇咩意義。兩個條件完全一樣只係薪金唔同，呢個假設係唔realistic的。雖然席中有女仔一口咬定如果係佢，佢唔會猶豫唔會換畫，我唔知係佢唔誠實定係佢真係咁犀利。也許係佢剛結完婚，以自己現況黎回答呢個問題。不過如果係男未婚女未嫁，猶豫點都會有d掛。唔好講話有個財主出現，單係多個追求者出現都夠你猶豫啦。我都多次表達左猶豫係會有，但係決定唔單係因為月薪的高低而做的。但總係覺得問題被簡化成只因為錢。身邊的朋友換畫，而新男友比舊男友有錢，就枉枉概括分手原因係錢，真係好難令人認同。

同阿妹阿媽訴完苦之後，佢地都話我太過認真的回答呢d問題，其實根本就唔洗同佢地傾得咁深入，求其應下咪算囉，搞到自己硬住有乜謂。

其實都冇野o既，我都係表達自己想法o者~ 以事論事o者~ 又唔係我男友，佢地點諗同我冇關係。再者我完全唔覺得自己咁樣諗係錯。但係最後好似聽到有d唔知係咪是非的說話，先至係令我硬住硬住的原因。

有人就會有是非，我完全明白。但係希望人地講是非時，唔好俾當事人聽到，咁咪大家happy囉。

行錯山+食飯

早上回家睡了5小時，就急忙的出門口，因為約左大學同學去行山，遲到左半個鐘，仲俾例牌遲到的yvonne潤左潤。真係『我有今日』啦~！

由於大家都冇咩準備，結果想行港島徑第七段的，卻行左第六段。不過我自己就唔係咁介懷，因為都係想出去大自然走走咁。我地係中途睇左carrie婚宴的相，影得我一般啦！不過真係咧開咀笑係比較開心d。南生圍的相我覺得都ok，but始終睇過人地係台灣、大陸影的綠草如茵、白沙嶺、懸崖，仲係覺得係外地影的漂亮多了。

5點多我地就係銅鑼灣搵地方食飯，結果去左小南國狀元樓。等埋山雞，我地食左都幾多野。不過只有幾款係ok o既。蟹粉豆腐我覺得ok，見到有蟹肉同蟹粉，牛筋都唔錯，炒年糕都ok，不過我就唔係咁likey食。但係另外個咩齊菜卷、蘿蔔絲酥餅、桂花拉糕都好唔得！其實小籠包都唔得，d皮好厚。不過我對於係香港搵到同台灣頂泰豐一樣的水準，係沒有抱什麼期望o既。至於山雞所愛的生煎包，我覺得ok，佢個底係夠脆。但係同我地係上海食的小揚生煎，仲係差好遠。

食完野我地係度討論左好多野，傾到11點先至走。都估唔到講左咁耐。

shopping+狂睇漫畫+通宵k

下午1點就約左mandy去旺角shopping。由於太耐都冇行旺角的關係，以前食開的pancake shop執左我都唔知。我地係街食左d野，去左一間新發現(可能其實開左好耐)的機舖度打個白鴿轉。就去左潮流特區度行，我買左一件外套。不過非常唔好彩我食pancake時d 朱古力醬弄到我件衫同褸度！真麻煩。之後去埋旺角中心，行左鞋店，mandy就要走了。而我都去左漫畫舖度打躉，ko左兩套漫畫。

10點鐘就去跟阿清會合。今晚我們相約一起去唱通宵k，一行10人。在4個女孩當中，就數我唱得最好了。(是別人稱讚我的啦~ yeah yeah yeah) 大家唱了不久，就有的人拿出『啤派』一起玩遊戲，輸的人要喝早就預備好了的廿四味。我ma，對玩遊戲的興趣不大，還是一直都佔著mic唱得心滿意足。

6點才從k房出來，也不吃早餐，就趕快的回家睡覺了。

最緊要正字

今日阿媽忽然考我地正字。因為佢同佢d同事傾開幾個詞語，點知各有各唔同的寫法。

就好似『誓x大會』，究竟係『獅』定係『師』？

仲有就係『羽x』，係『冀』定係『翼』？

佢d同事當中幾個都係ive學生，一口咬定係『獅』同埋『冀』，搞到阿媽唔敢講自己個答案，因為同佢地的唔同，於是返黎問我地。

咁我地梗係答arm啦！翼字真係冇理由會錯喎！雞翼都成日食啦！點會死話係北田共嫁！呢個明明就係冀望個冀字！

-.-" 中文水平真的係低得幾犀利...

向世界出發 -- 女兒國

近黎成日都睇到訪問呀梁詠琪。前排係重播的『志雲飯局』聽佢講同伊健果段戀情喊到九彩，呢幾集的『向世界出發』又係訪問佢，問得佢都係問感情野，都有少少厭。不過我聽d唔聽d，講女兒國流行走婚的風俗。當中訪問左一個城市的女仔嫁左俾果度的男人，初聽仲期望係一個奇蹟，即係個女人嫁左入去好幸福呀咁。點知原來個女仔都係一個悲劇，一個人嫁左過去，男家d女人唔likey有外來的女子入佢地的母系家族。而個男人又係唔話得事的，慣左由女人做主，咩事都做唔到決定。一個女人受咁的壓力仲要養個仔，男人又唔會有責任去養佢，真係唔知嫁左過去為咩！

主持分別的問男人同女人。男人話仲係走婚好，覺得結婚係無形中死死咁栓住兩個人，佢以過來人的身份話結婚真係唔好。耐唔耐見下都唔知幾happy。個女人反而向各個女人講，結婚都係要搵個識得體貼你的男人，唔好俾愛情沖昏頭腦，相處都係一個重要的問題。由此可知，呢段係一段失敗的婚姻。

個節目最後果句個旁白話﹕『如果愛並不包括責任同承諾，咁仲算唔算係愛？』都幾耐人尋味。

焗爐

尋日我都冇點溫書，因為下午就出左去買材料，去漫畫店快速咁睇左4期漫畫。

夜晚同阿妹去左上水食印度野，食d印度餅都食滯我。之後去佢中學同學屋企，搬左個焗爐同埋d工具返屋企。

冇錯！我屋企終於有焗爐！可以焗cookie同蛋糕啦！

我早就叫阿媽俾我買個新o既，佢又唔肯，而家見到我地搬人地個焗爐返黎，又主動話不如果個新o既！大佬呀！早講我唔洗晒我力水ma！唉~

放假feel

呢幾日放假，雖然有留係屋企溫書，但係其實都冇咩點溫得入腦。對住d notes，就成日問自己，我明明放緊假點解冇放假feel？！雖則我唔可能好似人地咁外遊感受放假的閒適，但至少我也應該有別的方法享受一下吧！於是...就頂不住心癮的看劇集了。

剛看完了『深情密碼』，仔仔~正！幾靚仔！朴恩惠都ok喎！我估佢應該真係唔識國語o既，但係又交到戲喎！勁！仲要識埋咁多手語。最後梗係喊到死去活來咁啦！最羨慕佢地係個大草原度聽返首英文歌"Try to remember" ，穿住白色的衫好舒服咁就訓係草地。你估幾時我都可以好似佢咁穿條白裙係個大草原度聽住王菲或者carpenters，影返幅如詩如畫o既相就perfect啦！

終於看完了！

對！終於看完了放在電腦很久很久的『求婚事務所』了！還是賀軍翔最俊！大S我都喜歡！

返學

今日同個同學係沙田食左lunch先返中大上堂，都係傾下讀書工作果d野。...係有d野嫁啦...
But I'm sorry, so sorry~