阿嫂

今日穿左短裙仔去睇阿嫂。老細以為我去學車所以照俾我5:30就走，不過因為改左時間，今日其實係唔洗去學車o既。一邊行都一邊有d顧忌，因為好怕風吹起/俾人偷拍。

跟住去左apm palace度拎ticket，我一早就網上買左飛。點知個自動拎ticket的機好多部都出唔到，我搵個人黎問啦。跟住見佢一邊check ，係個網上的system 係搵到我買的record，不過係local的system 卻係冇左我的record。一睇就知係有bug啦！後黎佢個supervisor 過黎話因為轉左院，話而家買過張ticket好唔好，仲話預留左個seat俾我，咁我約晒人啦ma，梗係話好啦。不過心知佢明係system有問題而家開多場黎補獲啦~ 我走開的時候，後面果個又係買左同一場的阿嫂，都係咁的情況呢~ 好在位置都唔錯，可惜就係『阿嫂』真係唔值得睇呀！好似咩都抄埋一碟咁。有d手法就似無間道，又係曾志偉、黃秋生，又係佛。鄭丹瑞做監制，就加左d爸爸同女兒的插畫入去，好多時都會見到攝影技巧係有講究的，不過個故事真係好唔得。臨尾講佢地自傷殘殺，一架車撞一架車，撞黎撞去撞成幾分鐘，真係人都癲。最後女主角死左，林嘉欣話，呢個女仔改變左呢個世界...-.-" ....我真係服左個編劇五體頭地law~ 佢咁就改變左成個世界？！一直憎恨佢的林嘉欣忽然唔再憎佢！？真係睇完一頭煙！

跟住去左food court度食飯，叫左果個出名的將王餃子同佢的麻婆豆腐飯。餃子真係好正呢~ 飯就唔得啦...都係我地平時食開的好食好多。