澳洲之旅 第八天

悉尼大橋 -> Botanic Garden -> Lindt -> Queen Elizabeth building -> Town Hall

一早醒來，意想不到的會有早餐食！查實我好耐都冇食早餐。中學開始就唔食，放假訓醒都食晏或者係tea，煎蛋腸仔從來都只會係下午茶度出現，估唔到姨媽一大早就煮早餐俾我地食。















今日姨媽請左假，借左朋友的7人車，帶我地周圍行。先去行悉尼大橋。如果想bridge walk就要俾好貴，所以我地都係係橋的行人道行，而唔係係頂行。不過適逢我身子不適，有氣冇力的捱完條橋，想不到我心愛的草地，都要咁折磨我！Royal Botanic Garden 綠草如茵，有好多情侶係度訓草地曬太陽，摟摟抱抱的，真係目不暇給。我一心想搵係網上人地影的一棵bottle tree，但係公園實在太大，我決定放棄。

網上blog的bottle tree

抖左陣，就去Lindt Chocolate Cafe度食朱古力。阿妹佢係朱古力愛好者，Lindt的朱古力又好味。妹妹叫左個cake，老豆就叫左杯Hot Chocolate，我就叫左3粒朱古力。










































唔洗講，梗係好好好好好好食啦！

跟住去Queen Elizabeth Building度行下，其實入面d野貴到飛起，我地係去睇下坐building幾咁靚。仲有表妹Rebecca一定要我地去睇下果度的女toilet！

完成後係town hall附近等姨丈拎車黎車我地，等左成粒鐘呀！好慘！呢個時候就拎左尋日偷的麵包出黎，餵下隨處可見的白鴿同海鷗啦！

最後姨丈車我地去食左印度野。7個人食，百幾蚊澳紙，都差唔多o既。不過..我唔係太飽...=p

澳洲之旅 第七天

曼利海灘 -> 悉尼歌劇院 -> The Rocks

比導遊所set的morning call更早的起身，因為酒店門前的曼利海灘不容錯過。係酒店食完早餐，偷左兩個麵包同青蘋果，就去行沙灘。呢d景真係係香港難得一見，d雲、個天同海，真係好靚！沙灘上仲有set好晒的排球網，d人只要帶波就可以係度打。我地不停的係海灘度影相，d相影出黎，應該都會好靚。





























之後去返歌劇院，入去劇院內參觀。跟住就散band，自己行lu。我地又逗留左一陣，影左好多相。個太陽勁曬，不過有太陽，先有靚相o既。我地沿住海邊行，去到circular quad。呢度好多沿海餐廳，但係都好貴。不過係咁靚的景度食野我都好想試‥‥‥諗下啦！行行下見到有街頭藝人。原來外國d人鍾意將自己打扮成景點，同人拍照收錢。呢個人扮的係自由神像呢！雖然我都好想去影，不過俾錢的話，都係算啦！

歌劇院我已經第二次黎，雖然真係幾靚，但係......我唔想再見到佢啦！

由於妹妹對The rocks market好有期待，明知人地星期六日先有野賣，但係都要去睇下。結果我地去左the rocks 果度行，食左Pancakes on the rock。本來我地係搵唔到間野的，叫妹妹叫問下人佢又唔肯。我百思不得其解，阿爸阿媽英文字都唔識多個，好自然由我幫佢地問野。但係阿妹都讀過書嫁？做咩死都唔肯問人？最後為免我要行冤枉路，我都係問左人，搵到間野，食左pancakes同crepes。

原來阿妹驚同人講英文，人地會唔明佢講咩，又或者佢聽極都唔明人地講咩。=.="

5點幾等姨丈黎接我地。同姨媽同表妹tina 去食左日本野，就返屋企。

澳洲之旅 第六天

悉尼->魚市場->歌劇院->單軌列車->Darling harbour->Star City賭場->曼利

早上起來又坐飛機到悉尼了。先到有名的魚市場，澳洲海產豐富，魚市場的海產都很新鮮。















雖然這天是星期三，可是魚市場還是很多人。我們先看看有什麼好吃，再選定一些來買。當然，就我這個懂英文的負責去買了。
















我先買了魚生跟生蠔來嚐嚐鮮味。因為三文魚刺身吃多了還是會很飽的，所以沒買太多。而生蠔是推介必吃的東西。妹妹又選了芝士焗龍蝦。第一輪，我最愛的是生蠔！半打蠔我選了不同的品種，生蠔很鮮，而且有淡淡的海水味，真的很好吃！而價錢只是8澳元，就是$56港元而已！！我跟爸爸都吃了，妹妹也嚐了。而生文魚也不錯。















其實我們也想吃海膽刺身，只是我想還是吃點熟食試試。就選了海鮮拼盤了。這都挺好吃的，只是八爪魚太硬了。澳洲最不方便之一，就是醬汁要自己付錢買！我也沒買很多醬汁了，省點吧。



















吃完大家都差不多飽了，想著往後姨媽會再跟我們來一次，那時得嚐嚐海膽刺身跟龍蝦刺身了。

吃完午餐後的活動都很廢，感覺好像是沒安排節目就隨便的去些地方。Darling harbour 旁的商場沒什麼好看的。在賭場進場處，我跟妹妹都被人截查身份證了！hohoho~ so young~

我們用了5澳元玩老虎機，最後當然是輸掉了。之後我們到唐人街吃晚飯，就到了曼利那邊的酒店。跟姨丈聯絡後，姨丈他們當晚就到我們酒店拿行李了。

澳洲之旅 第五天

大堡礁

開恩茲的屋很矮，總是能看到一大片天空，讓人感覺很舒服。

我們吃完早餐，就到酒店附近的碼頭，等上遊船去大堡礁。上船時就要決定待會玩什麼活動，我跟爸爸參加帶氧潛水；妹妹參加直升機觀光；而不諳水性的媽媽則留在浮台上看顧手提包。跟爸爸上了半個小時的diving講解，就回到坐位上等著船泊浮台，以及吃午餐。

浮台上

午餐不吃太飽，我們先參加免費的玻璃潛艇看珊瑚。

然後我們各自的活動。爸爸最後不能潛水，因為他說他呼吸協調不了，而同行參加潛水的團友，也只有一個人跟我一起下海。海底是很美，扣住教練的手臂，看了很多魚跟珊瑚。可是我其實也很緊張，呼吸是忍不住的加快，又怕呼吸太快會把氧氣都用光。最大的問題，還是耳膜。在水裡每下一百尺都要調整氣壓，人的耳腔跟水底的壓力不協調，很容易就會弄穿耳膜。不知怎的，我邊下頻頻都覺得耳膜有異，壓力很大。由其是最低的位置我還聽到耳朵有『沙沙』像是撕裂一樣的聲音，真的把我嚇得半死。我只好不停的跟教練說耳朵不太舒服。

幸好回浮台時我的耳膜還沒穿，只是整個人感覺都不對勁，頭痛還有很累。我把潛水照相機都帶下去，準備拍一下海底的景色，怎料到了水底卻發現我不懂得用，結果都沒拍到什麼。

回來後跟妹妹、爸爸去玩浮潛，這可安全多了，因為我們有穿救生衣。救生員把食物拋進海裡，引來一大群魚在浮台旁邊，我們就在其中看魚跟拍照。

回來後才發現有團友被白炸傷了腿呢！

澳洲之旅 第四天

開恩茲 -> 熱帶雨林

凌晨3點就集合，一早就要坐內陸機去開恩茲了。係飛機度食下訓下，精神好差。其實係飛機度真係唔多訓到覺。
















3點多係旅遊巴上影的，月亮都仲未走。

到左開恩茲，就去左熱帶雨林度，坐水陸兩用車遊覽一下，食個晏，又睇下動物咁。呢度d野食好d，我都係食生果，同埋芝士配餅乾多。呢度都有樹熊睇，不過我地反而想睇袋鼠。



































d袋鼠完全冇被困住，就由得我地自己走埋佢摸佢。不過佢地都係好懶的，全都訓晒係度，只有係佢地需要便溺時，先會企起身......=.=" 。你睇？真係成地黃金嫁！

看左好多紀念品店，都係買唔到野。一黎d野真係幾貴，二黎都冇咩野值得買。冇理由買條袋鼠under，紅卜卜咁送俾人嫁ma。

行程完左，返酒店附近食野，又係中國菜。食完野跟導遊去免稅店度買野，見到我地其中一個target，就係Crabtree & Evelyn的產品！之前用信用卡的迎新coupon換左佢的hand cream用，潤就一般潤，不過香味好好。睇左一陣，我想買的玫瑰味都冇，只好買支hill 花味。另外仲買左一隻香港都算有牌子的香薰護膚品product。

澳洲之旅 第三天

翠兒河-> 睇樹熊 -> 剪羊毛

尋晚訓得幾舒服，今日一早8點就要集合。我地準時去到，點知其他團友都上晒車，洗唔洗咁早？！之後去翠兒河捉蝦毛、釣魚同埋捉蟹。D蝦毛係河底d洞度住o既，所以要赤腳落水，搵佢地個屋企，再用pump咁pump佢地出黎。但係大家搵黎搵去都搵唔到佢地屋企，反而我就enjoy 水冰冰涼涼的，而且好清，行下仲舒服。

船家當然準備左d蝦毛俾我地釣魚，一時間個個都係船度擺好位，我地係船的左邊。我發覺用桿釣魚都幾難，有時我fing左出去，但唔記得開個繩制，條蝦毛仲係枝桿度；有時我太快放左個繩，都未拋出去，條蝦毛就咁就直入船底了。而且點勾個蝦毛都係一個技巧，如果勾得唔好，d魚係咁啄下啄下就食晒蝦毛，都唔洗旨意釣到佢地。結果我曬黑左，同埋釣到一條魚。老豆同阿妹都食白果。

之後就有得食新鮮的蟹。d蟹都幾好食o既，不過係太咸，d團友都話個河水好咸嫁啦。

















食完蟹之後，船家tony就喂雀俾我地睇，呢d唔知叫咩啦！好大個咀咁啦。















離開左翠兒河，我地就去左一個動物園度睇動物，主角當然係樹熊啦！佢地真係成日訓。































係牧場度食埋野，睇埋剪羊毛表演咁，就完左今日行程。

三隻小豬

*******************************

當我地係翠兒河船上，我影相時將個相機套交左俾阿媽，之後影晒相想搵返個相機套時，阿媽居然話佢從來都冇見過、冇收過。但係我同妹妹都見過嫁ma！算啦！相機套返香港再買返囉，但係阿媽佢深深不忿，覺得我地屈佢，係船度左搵右搵，又問導遊會唔會有其他團友拎左。

入夜，佢係老豆背住個行李袋上搵返出黎。佢唔認係佢擺嫁！但我同妹妹自己都背住自己個袋，要收埋的話，點解唔收入自己個袋？！

*******************************

牧場烏蠅勁多，我都煩到冇心機食飯，而且都冇咩好食。

澳洲之旅 第一、二日

香港->布里斯本->黃金海岸

昨晚一放工就趕去機場。去到青衣站先轉去坐機場快綫。第一次坐機場快綫，果度人又唔多，座位又舒適。不過講真，車費咁貴，都唔係本地人坐的！乘客多數都係外國人。

到左機場發現原來我係最早到的，坐下上下網等埋屋企人，8點幾去導遊度集合。之後辦好登機check-in，就係機場食d野先。我又去食左burger king，今次食埋果d雞塊，食到好飽。我媽就話要留肚去食佢兩餐飛機餐。飛機餐邊樹會好食嫁？！

飛機delay左1個鐘，坐8個鐘先到布里斯本。第一次坐咁長途飛機，心情都有d緊張，怕坐得太耐會血栓塞，又怕8個鐘太悶帶埋NDS 同本英文書上機。點知都係係訓下醒下的狀態渡過。















布里斯本機場















華納片場

到左布里斯本機場，先去左華納片場度玩。先去睇左套真人show，警察捉賊咁。當中最勁的爆炸場面，d熱氣噴到觀眾席上，我地塊面都熱烘烘的。老豆一句都聽唔明自然冇咩引，但阿媽居然識跟住人地笑，都唔佢佢係咪真係聽得明的。跟住自由活動，我地去左鬼屋度玩，以為會有人扮鬼嚇我地，點知又係過山車；周圍影下相。果度D員工都會拎住水壼，得閒就射下遊客，同其他員工玩下水戰咁。

之後就睇埋巡遊。

就即刻上旅遊車去黃金海岸，布里斯本只係轉車站而已。到左黃金海岸，我地先上一棟叫Q1的大樓，係呢度遠眺黃金海岸的景色。

晚餐係中國酒樓度食，除左可以食到你未食過的袋SHU肉之外，仲可以GUR鮑魚！呢隻鮑魚為3百幾蚊隻，香港要食就要貴好多，所以我地都叫左兩隻，一賞原隻鮑魚係咁CHEW的感覺。

夜晚入住5星級賭場酒店，最喜歡的係佢個泳池！可惜無緣係度暢泳。

奇怪的一天‧出發

今日起身穿起牛仔褲，返工的心情就完全冇晒。罕有地拎左份免費報紙，我一向都唔拎的，因為會整到手黑黑，都係睇其他乘客果份多。今日拎左，睇到四叔入左貨，話係入貨時機啦喎！真唔真呀？！

係火車度太逼睇唔到報紙，都係急不及待的試一試我d 新game。玩左一個唔知咩病房，超恐怖！又係係間殺人同有怪物黑暗的病院度行。玩左幾個站，唔得，太恐怖。

尋晚11點幾supervisor isabella msn度問我今晚放工有冇時間，幾驚佢唔知搞咩！原來係公司有happy hour，點解個happy hour搞得咁急？email都冇send出去。不過我都去唔到啦~

返工都未正式做野，就收到agent 電話。話有人想問我technical skills，我今日心情本來都ok的，lunch果單interview我都打算唔去，搵工d野去完旅行先再黎。咁我咪話我唔得閒聽佢電話，叫佢12月先打黎，個agent話﹕『講個電話咋喎，講個電話都唔得？！』喂！大佬呀！唔得就係唔得嫁啦！我仲係公司返緊工嫁ma！跟住佢又問﹕『咁你仲搵唔搵工嫁！？』嘩！串到死！我搵係搵，不過而家唔俾唔得閒嫁咩？我係機場入緊閘得唔得？我開緊會得唔得？我奉旨一定得閒聽你個電話嫁咩！痴~線！

我怎樣才能嫁給有錢人？

一個年輕漂亮的美國女孩在美國一家大型網上論壇金融版上發表了這樣一個問題帖︰ 我怎樣才能嫁給有錢人？

“我下面要說的都是心里話。本人25歲，非常漂亮，是那種讓人驚艷的漂亮，談吐文雅，有品位，想嫁給年薪 50萬美元的人。你也許說我貪心，但在紐約年薪100萬才算是中產，本人的要求其實不高。 這個版上有沒有年薪超過 50萬的人？你們都結婚了嗎？我想請教各位一個問題——怎樣才能嫁給你們這樣的有錢人？我約會過的人中，最有錢的年薪 25萬，這似乎是我的上限。要住進紐約中心公園以西的高尚住宅區，年薪25萬遠遠不夠。

我是來誠心誠意請教的。有幾個具體的問題︰
一、有錢的單身漢一般都在哪里消磨時光？ (請列出酒吧、飯店、健身房的名字和詳細地址。) 二、我應該把目標定在哪個年齡段？
三、為什麼有些富豪的妻子看起來相貌平平？我見過有些女孩，長相如同白開水，毫無吸引人的地方，但她們卻能嫁入豪門。而單身酒吧里那些迷死人的美女卻運氣不佳。 四、你們怎麼決定誰能做妻子，誰只能做女朋友？ (我現在的目標是結婚。)”

——波爾斯女士

下面是一個華爾街金融家的回帖︰

“親愛的波爾斯︰我懷著極大的興趣看完了貴帖，相信不少女士也有跟你類似的疑問。 讓我以一個投資專家的身份，對你的處境做一分析。我年薪超過50萬，符合你的擇偶標準，所以請相信我並不是在浪費大家的時間。 從生意人的角度來看，跟你結婚是個糟糕的經營決策，道理再明白不過，請听我解釋。

拋開細枝末節，你所說的其實是一筆簡單的“財”“貌”交易︰甲方提供述人的外表，乙萬出錢，公平交易，童叟無欺。但是，這里有個致命的問題，你的美貌會消逝，但我的錢卻不會無緣無故減少。事實上，我的收入很可能會逐年激增．而你不可能一年比一年漂亮。因此，從經濟學的角度講，我是增值資產，你是貶值資產，不但貶值，而且是加速貶值!你現在25，在未來的五年里，你仍可以保持窈窕的身段，俏麗的容貌，雖然每年略有退步。但美貌消逝的速度會越來越快，如果它是你僅有的資產，十年以後你的價值甚憂。

用華爾街術語說，每筆交易都有一個倉位，跟你交往屬于“交易倉位”(tradingposition)，一旦價值下! 跌就要立即拋售，而不宜長期持有——也就是你想要的婚姻。 听起來很殘忍，但對一件會加速貶值的物資，明智的選擇是租賃，而不是購入。年薪能超過50萬的人，當然都不是傻瓜，因此我們只會跟你交往，但不會跟你結婚。所以我勸你不要苦苦尋找嫁給有錢人的秘方。順便說一句，你倒可以想辦法把自己變成年薪50萬的人，這比踫到一個有錢的傻瓜的勝算要大。

希望我的回帖能對你有幫助。如果你對“租賃”感興趣，請跟我聯系。”

——羅波．坎貝爾（J‧P‧摩根銀行多種產業投資顧問）

旅行前一夜

放工本來有interview，去PCCW solution in Business Analyst一職。但由於同事話果類型的公司都太差，唔好pay之餘都會好忙。而且今晚講好左返屋企執野，所以都係唔去。

返屋企執埋d行李，又要幫阿妹load歌同埋load game落個nds度，等大家都有得玩。一搞就搞到半夜2點。而家我個nds內全都係我未玩過的遊戲！

造新聞

平民資本家

今日上午搞掂左d野，下午就無事一身輕。係度search下d澳洲遊記，見到呢個幾好。睇完抄低d notes，又睇harry plotter 1小說。已經睇到chapter 8啦！

放工去荃灣等leo，行左陣綠揚坊，原來樓上都幾多野食。我見到一間食cake的店冇人坐，d cake勁細件賣$8。好似好抵咁，其實件cake咁細都賣$8，貴啦！兩隻手指咁闊咋！之後我去左間專賣糯米糍的店度買左唔同口味的糯米糍，有芒果奶皇、椰汁馬豆、芝麻、香蕉朱古力、等等。

之後去左三聯書店度買書。我本想買下之前係中華書局睇左一個chapter的英文小說"for one more day"。作者其他作品有"Tuesday with Morrie"同埋"five people you met in heaven"。因為去澳洲的飛機同旅程中的車程都幾長，打nds都怕打到悶，所以買本書仔睇下，順便學下英文。

點知行行下見到木森池的『平民資本家』。之前睇市場先生個yahoo blog講投資之道，佢有介紹過呢本書，適合投資初學者睇。於是我甚感興趣，但係成$200一本。好貴！本想走開嫁啦，點知另外有一男一女行埋黎拎起另一本投資技術分析，男的話太貴唔買。女的話而家花百幾蚊，將來你可能學左野之後會earn勁多錢！付出呢少少絕對值得。一言驚醒夢中人，係o既，有咁o既可能性。買就買啦！

結果我買晒三本書，肉赤死了！

等埋leo就去左大快活度食飯。第一次食呢度的火鍋，平時屋企都去大家樂多。當我一個人差唔多食晒成個火鍋時，隔離對夫妻邊LOOK緊佢地自帶的公仔麵，邊講一個人又嫌太多，兩個人食又唔夠食。呢個時候LEO望下人地，再望下我，真係......相映成趣。=.="

忙於準備

18日
我整日都留係屋企執行李。出發前的最後一個星期日，我好有效率咁執完野仲睇埋套日劇『午餐女王』、開始韓劇『Only You』。

19日
放工時間先黎開會，心急死我！好在約左7點先in，剛好趕得切。不過in完，都係覺得唔係好arm我。

20日
幾個星期都冇上內地，今日終於又上去蛇口office。整日都好忙咁睇code同寫返d logic出黎。下午同同事icq時，知道又一個同事要走了。唔知點解，佢地可以走得咁快。

保齡

今日訓醒去左荃灣度同LEO一起溫書。先去左麥記食D野，因為怕自修室人太多會冇位，所以就係麥記度看書。

大約5點多，我地就去打保齡。都有一排冇去打啦！所以都失晒水準。
















第一局係我領先人地十分O既。















第二局仲贏4分！可惜加埋都唔夠25分。我本來想話贏25分嫁MA！

之後去左仙跡岩度食野，我食左好耐都冇食的脆豆腐、花生吐司。肥死了。

補返我送的禮物的相，就係呢個袋啦！不過我下次會識得搵D帶粗D的買嫁啦！
















有人幫我拎袋，一身鬆晒！

倔強的結果

昨晚雖然已言歸於好，可是我還是深深不忿。說了今天我不會跟他約會，今天是屬於我自己的，我要自己跟自己去約會！說我懶？！我今天偏要一個人去游水給你看！

早上起床，寒風凜凜，還是怕自己會冷壞。

算了，今天不游泳了。

陰霾不散

本來想開ot做耐d，但係6點半時遇到個exception，都係等聽日問一問isabella，費事waste我d時間。走的時候我果team d人都走晒lu。

返到屋企冇咩胃口，食左鮮奶撻就睇韓劇。十點幾，都係打個電話俾人先，費事好似唔多搵佢咁。點知打去講唔夠幾句，又唔開心了。

天氣冷了，游泳會很容易病。前幾天isabella還在問我﹕『其實你係咪好壯嫁？』我都唔知點答佢。我其實真係唔多病，請的病假有9成都唔係因為病到七彩o既，所以我都係答佢﹕『一般啦！』上次游水天氣都未涼，已見到人地手冷得發紫了。黎緊天氣仲話會跌到十幾度，所以先話聽晚唔去游水。如果人地唔去游，一個人我都未必會游，都唔洗去到咁遠游；況且我一個人游咁人地做咩好呢？

但我想唔到會俾人『建議』我，應該先講『我自己懶唔想去』，先好講『怕你會凍親』。掉轉講會好似以『怕你會凍親』黎美化自己，明明自己唔想去，就拎『怕你會凍親』黎做主要理由，好似好為人著想咁。

頓時我都無話可說了。呢盤冷水淋得咁應，應該要點處理？！兩個都係我唔去游水的理由，邊個多邊個少，從我說話的次序上已經表現出來了。要係唔信的都冇法子。就算係明明自己懶唔想去，搵『怕你會凍親』為做籍口；難道就需要要被『建議』嗎？點解唔能夠心知，取笑一下﹕『係囉！係我潺，d人一d都唔懶囉~ hahaha』聽起黎一d都唔刺耳的說話，唔會弄僵氣氛，而且表達左覺得我明明係懶，又賴人潺的意思。

我覺得好似隨便講句說話都會令人唔滿意。同人講野，我覺得好有壓力。

又有d道理喎~

靈數：42

你是個多愁善感的人，容易憂慮，常常會想得太多，覺得自己不夠善良，而且想法一直在變，但是變來變去還是回到原點。即使你處於良好的環境中，只要工作、生活、家庭、感情，遇到挫折時，就會想要趕快離開現場，進入宗教或命理世界，或者其他領域，有逃避的心態，但是如果事情沒有解決，就很容易產生精神上的問題，提醒你悲觀的個性會影響你的命運，尤其在感情上，想愈多愈不順，麻煩也愈多。　　

一生中可能遭遇到幾次重大打擊，心情極為煩惱與痛苦，但你也必須照單全收才行，比如你在遇到結婚對象前，可能歴經幾次的失戀，雖然煩惱很多，但終究能夠順利的通過考驗。　　

在面對事業、健康、愛情時，常常會有挫折，好像潮汐有來有往，當感覺掉落谷底的時候，必定有著另一番美好的前景在等著你去開發，向陽光邁進一步吧，只要是你想做的事情，終究都能獲得成功。　　

你的生命目標中，首先是針對內在協調，以及在成長過程與伴侶之間的相處之道，並且會照顧到兩個人共同的福祉；其次的目標是做好你的人際關係，達成與人和平相處的目標，除此之外，你還要去照顧他人，比如捐款給社會上的弱勢團體等等，當然啦，不一定你會那麼慈悲，但至少會是與服務大眾或陪伴關懷弱勢朋友相關的事，而且你往往為了成全他人而犧牲自己，造成自己的事情還未達成，又要為他人的事奔波煩忙，老是搞得自顧不暇，這就是為甚麼你有時會感嘆自己一生勞碌命的原因了！你的生命目標是要完成一個很大的格局，這中間過程是免不了勞碌的，換個角度想想，這就是最有意義的生命目標，不是嗎？　　

你的性格特徵是非常重視伴侶和人際關係，如果與人相處時產生誤會，遭受挫折，通常你會隨著環境轉變自己的個性，並且重新學習跟對方相處的一套哲學，提醒你如果太執著於感情，容易發生問題喔！另方面你也希望自己表現出有一定身份地位的樣子，但是你還不至於為了面子問題，而事事爭權奪利，搶盡風頭，或處處爭第一，反而會比較喜歡實際運作事情，建議你在幕後扮演操控的角色最適合了。　　

你的優點是能夠很細心的為人服務，而且是很務實的去做，不只是嘴巴上說說而已，換句話說，你不是用錢財來表現對人的關懷，而是以行動力來幫助人，因此給人的感覺非常好。　　

你的缺點是掌控慾太強，太過執著，甚至是太過死心眼，比如有時候過於重面子，甚至成為一個死愛面子的人。而你的表現特質主要在人際方面，或是跟伴侶之間，問題點往往會一再的重複。在性格上的優缺點不斷反覆中，才能與伴侶都學習到成長的經驗。如果你有穩定的家庭，會幫助你更好喔！　　

你的天賦潛能是服務人群，加上細心，往往也會有文書方面的潛能，在文書作業方面都能做得特別好。建議你不一定馬上要能兼善天下，可以將範圍縮小，先獨善其身，先發揮你的潛能把一個家庭照顧得非常好，也就算是成功了。　　

你在命理五術方面的悟性很高，因此你有喜好命理或想要進一步學習命理的可能，在你的生命中會接觸到很多領域的命理人士，但你不一定會從事這一行。

又黎啦~

本來係要煲湯俾人飲o既，不過醒黎收到sms話唔洗煲，都唔知係咪仲發緊脾氣。起身睇陣劇，就打俾人傾下計。約好晚上食飯。本來打算tum下人o既，點知又講起d敏感的話題。

我都唔明做咩次次都係因為其他唔關我地事的野而嘈。我的做法同你的做法會唔同，我見到我唔同意的會出聲，其他人可能回應都嫌費事，呢d係個人選擇ma。冇對同錯之分。再講我地做人係做自己，唔係做判官，冇人會單單因為我話好，就會做d野；我話唔好，就唔會做d咩野。我講我的想法，係會影響到人，冇錯，但係受唔受我影響係睇果個人自己決定的。冇可能因為我怕我睇的野唔夠全面，所以連自己的想法都唔講吧？！

我覺得我基本上係接受批評的，不過要睇咩態度同用咩字眼。如果無端白事有人走埋黎話你唔應該點點點，應該要點點點，好似教你做野咁，而d理由你又唔同意喎！

點講都好，我最多係承認我回post時的態度可能係劣些少，但係我完全冇叫人唔好去個camp。我只係話個camp好可疑，覺得會有人身安全的危險。當有人話『人身安全問題去邊都會有，而且唔止女仔有呢個問題，男仔都一樣可能俾人非禮。』我先至話同意，男士都一樣會有人身安全的危險。而且去camp又點可能同去disco相比？係disco話晒都係幾十人係一個open area度玩。唔對路可以走，disco唔會落閘放狗唔俾你走。但係去camp係係一個私人空間度，點比個危機都係大過去disco。或者身為男仔冇咩好驚，不過女仔唔係咁諗。見到呢d可疑的活動，總係想提醒一下要注意呢個危險。如果都係選擇去，萬一有咩事，自己要承擔個風險。

如果講到d人咁大個自己識諗，洗乜你提。咁就真係唔係咁講。係forum度睇的人大的30幾歲有，少的到13歲都有。你點知邊個識諗唔識諗？60幾歲都一樣咁俾寶藥黨呃。我出個post可能人地會話我多心，小人之心度君子之腹，可能個camp真係正常過正常。係o既咪皆大歡喜囉。但係至少人地見到我講的野，可能都會想一想呢個可能性。

一個網友聚會，搞去camp仲要男收$500，女唔洗錢。有疑惑好正常，要過夜又飲酒，要有d提防更加正常。活動點搞係搞手的事，有冇人參加同搞唔搞得成都唔係我關心的事。出聲的人都只係想一d 十五十六想join的人，想清楚而已。

**********************************
雖然最後大家都冇咩野，但係真係唔想再為一d唔關我地事的野而嘈。

點解會咁？！

訓到11點幾，起身展開今日一連串的活動。因為早前收到舊同學send黎的email，叫我睇定姊妹衫，一睇真係知死，件件咁貼又醣背同膊。佢d朋友好多都係空姐靚女，身材鬼咁fit，我就走晒樣(雖然從未好樣過...)。真係要keep一keep，好在仲有差唔多一年時間。

所以起身就換衫，趕係1點幾至3點的時間內去泳池游水，有太陽冇咁凍ma。arm arm落到樓下就撞到阿jack黎見佢外母，之後去食件奶醬多就走去游水。人唔算多，不過好多細路學游水。本來係想游自由式，但係大池太深，我怕自己未熟練中途停會浸親。所以都係先游蛙式，當練下心肺都好。一游就游左12個池，梗係唔係一口氣啦。

返屋企沖個涼又去做facial。今次賺左個保濕mask，因為個姐姐仔做錯野，full多左個mask，haha！完左就直接出旺角，睇陣漫畫先食飯。

8點多係好景等埋brian佢地叫食韓燒，食到11點到，又去左cafe度玩killer。玩到2點到就返歸lu。

***********************************
我一向都不習慣在別人面前展露我嬌嗲的聲線。冇錯講電話時係聲氣粗左d，but都唔洗好似話我因為要出黎搵食先至咁嫁ma，果度8成人都知我地拍拖，點搵食呢？！而且我又唔係冇問過你去唔去喎，有問嫁喎！我承認我冇積極的叫你去，只係因為我覺得你想食bbq就黎，唔想食就可以唔黎。唔需要因為我去你就要去。冇錯我係有私心，想一個人出席下，有d空間。

但係講到之後我係咪真心咁叫你去cafe，真係令我好懊惱。一黎我真係覺得11點太夜，我都就走，出黎玩唔得幾耐就返歸，唔值得出。(當然，你可能好想出黎玩。)二黎大家都係咁叫你出，我都係幫手出句聲，tum你出黎所以講我都想你出黎。但係就咁執住話我唔係真心想你出，但又講呢d說話，我覺得好無奈囉。似乎係我禁制你唔俾你黎玩咁。

維記『口架』啡粉麵

今日下午收到男朋友仔電話話接放工。(咁好？！)

放工做多陣野就join埋，一起去灣仔食飯。行行下都諗唔到有咩食，不如就去早幾日佢同同事去食果間出名的潤麵。改去左深水埗，行左陣先搵到間野(跟住個路痴...係咁嫁啦...)，好在未關門。維記『口架』啡粉麵 係用呢個『口架』！幾特別呀！

基本上我唔太好食內臟的，一黎媽咪唔食，自然成家都唔多食。二黎我唔太喜歡內臟果種好濃烈的味道。果次同屋企人去鹿名春試出名的鴨肝，即使係幾咁入口即溶，果d味道都叫我地怕怕。所以今次去我都係食其他麵o既。我叫左餐牛麵，佢都係用潤湯俾我。基本上都ok，只係湯都潤味都係太重，蓋過我d牛的味道，所以我覺得一般。喜歡食潤的朋友應該會喜歡。

之後去食糖水，仲買到『妹』魷魚食添！好耐冇食過芝麻糊，不過都係食淨。唔知係咪呢d糊狀太杰，食到咁上下就好似漿住個喉嚨咁，所以我食唔晒一碗。

食完飽晒，坐van仔送埋我返屋企。

做錯野

今日hanson生日，輪到我幫佢搞。因為isabella佢前幾日放左假，evelyn又臨時上左北京做野，兩條team得我一個女仔。訂左蛋糕又book埋枱食lunch，不過人丁真係單薄。可能因為hanson同佢地唔熟，個個都唔黎，得兩個新人肯跟過黎食飯。飯後4點就拎個cake出黎食。















呢個係Chocolate Marble Cheese Cake 朱古力雲石芝士餅。老實講呢個cake就真係唔係好得啦！我同妹妹都幾鍾意食呢d重芝士的cake，但係佢成個cake係冇芝士味o既！Hanson都係鍾意食芝士蛋糕，都覺得唔得呀！

反而十月份果個仲好味好多！呢個係Chocolate Chips Cheese Cake。


















臨放工我居然做錯野！其實我都驚驚地嫁啦！話晒都係delete緊db d野，點知冇睇清楚，駁錯db，delete錯野！諗住公司每晚都backup，應該冇咩事o既~ 點知原來個backup得個樣！backup唔到o既！真係超唔開心！聽日返工再睇下technical support d同事幫唔幫到手。

外快

今天忙翻天了。搞了半天，才發現又是設定的錯。放工阿JACK想我OT把工作做完，可是我有外快要做，所以很不好意思的推掉了。不知道他會不會很不滿意。

急急的到金鐘，因為要參加一個市場調查。就是去說說話、發表意見，付出兩個小時，就可以收到一點點錢、吃免費的晚餐。不過也不是每次都被選中的。

8點多9點完結，就回家了。著實有點累。

食飯

放工工作多一會，就到荃灣找LEO，食壽司說說話。

生日蛋糕

放工OT一會就到香港富豪酒店拎前幾日訂的栗子蛋糕。阿媽等住食呀!

仲有

sherman手上果粒鑽戒‥‥‥

好大粒，好靚呀！！

Yvonne 畢業相

9點幾俾leo嘈醒。原來有人記錯左返工schedule，今日返錯工呀！哈哈！好一個傻佬！

訓唔返就起身整我個新電腦。因為下午約左yvonne佢地去影畢業相，所以都唔敢整得太多，只係想set好左我期待已久的wireless network。雖則屋企豆腐yun咁細，但係有wireless用個感覺好似好d咁，haha。不過一整就整左我幾個鐘，先發現原來係我唔記得駁上網果個login同pwd ，所以個router先上唔到網！11點幾整到destop 同lan線駁wireless router上網，就即刻試下我個電話用無線上網，set埋WEP 加密，費事左鄰右里用左我個network下載野俾人捉，我就一身蟻。

搞得黎裝個身，都黎唔切化妝就已經遲到。yvonne打黎叫我帶個扣針俾佢。本來yvonne尋晚問我借化妝品用o既，但係我都係痴我妹妹果d用。我妹妹d化妝品係寶黎，唔借人，我用多幾次都要哦我用到d野差晒咁，所以都係借唔到俾佢。出到去已經係3點了，係浸大的舊校度影左陣，當佢地要去新校時我就同阿輝一起走。

夜晚約左leo同佢朋友一起bbq，一行6人係其中一個人(Moona? Luna?)屋企天台度燒。我都唔知同佢地講咩好，所以都係聽下笑下、玩下wii、玩狗同玩下bb。toffee (花名肥肥)都幾得意，成日圍住我地打圈咁行，見你有麵包、粟米就會好乖咁sit係你面前、盯住d野食。仲lam 蜜糖報紙！呀o仔都ok cute呀‥‥‥唔喊果陣時。

羅富記 + 有骨氣火鍋

尋晚點幾先訓，今早10點幾又起身，同阿妹阿媽去中環睇牙醫。途中經過『羅富記』，就入去食個lunch，媽咪話婆婆同公公後生時成日去果度食，所以而家有時都會帶婆婆黎懷舊一下。我地食左雲吞麵、水餃同埋油菜。都幾好食，d蝦幾爽嫁！仲好多老人家黎食，要排隊。
(居然係過馬路時俾manfred老婆kelly見到我！)

跟住就去左旺角度行街，一買就幾粒鐘。5點幾我就話去買notebook。其實想買notebook很很很很久了，只係一直都冇錢、唔捨得、又冇迫切性。最近死左個harddisk，阿妹喊到天崩地裂，都迫使我要去買notebook，同好重要的wireless router。前幾個week我都有去睇過，次次睇都次次唔同model唔同心水。最後我都係諗住一係就compad、一係就華碩、一係就dell。帶妹妹去睇左一次，大家傾完傾罷，都係買左華碩。

1. CPU: Core2 Dual 2G
2. RAM: 2G
3. Harddisk: 120GB 5400rpm
4. Graphic card: 獨立 (打機有好處)
5. Others: 有web cam, 有mic, 有IEEE , 有蓋芽, 有dvd burner, 有card reader, etc

基本上配置我覺得都幾ok嫁啦！我最看重的都係個cpu同ram，其次就係graphic card。近年黎我最常的活動都係上網傾計、睇forum、睇劇、聽歌咁，所以其實都唔洗咁高config、夠晒用。之不過之前聽coleman買果部大概係7千幾8千，我都訂左個budget係咁上下，緊係睇下咁的價錢可以買最抵的機啦！

買得太耐，結果媽咪自己去同老豆去有骨氣度拎位食住等。我同妹妹買埋d野就去join佢地，有骨氣d野都幾好食，食到飽晒就返屋企。今餐算係同媽咪慶祝生日嫁啦！

咁個蛋糕就仲訂緊，等下啦。

生日@峰景

今日係男友的大喜日子，下午請左假去做個準備。上午吞完"pop"就做野，做到1點先走。就走去太古坊果邊的Teresa Festival 度拎蛋糕。本來係想自己整的，前幾日我都講左『實驗失敗』了(點失敗一陣先講)。總之我都係決定去買個cake算數。

買完就坐車去銅鑼灣的香港富豪酒店訂個栗子蛋糕俾媽咪，因為妹妹見到報紙有張蛋糕優惠卷。訂完順便去返學車果頭食個好味道的豬扒包，就坐車去中環IFC2期。雖然男朋友仔早就估到我今日係book左山頂的餐廳，又打埋電話黎叫我唔好搞到自己咁煩，但係我都請左假，都唔差在早d上去放低d野先啦。於是坐1號van仔上左山頂峰景餐廳度放低個蛋糕同禮物。














(之前同屋企人去過馬路邊的小木屋餐廳，未去過呢間，所以今次可以試下！阿輝同阿儀黎食過都話幾ok)

(果度個夜景真係幾正嫁！)

放完d野，叫左佢係食完main course之後上cake同present，我就一身鬆晒。可以去旺角度買返我個pocket pc phone的電。早幾日個電死鬼左，要借住妹妹個舊電話用住先，但係佢冇晒memory搞到我send唔到sms，幾慘呀！上到去旺角公司又話冇電池賣，要去銅鑼灣先有！死啦！arm arm先去完而家又要去，但係都冇計，又去買埋個電，就去男友屋企附近的mtr度等佢。

我地上到去都安排到個window seat，不過明明話reserve左俾我，明知我兩個人食，俾張4人table我！係就係多d位可以放野，但係總係覺得二人table好d ma，所以都要要求轉table。我地叫左兩個set dinner，點知兩個選埋的野都係一樣！=.=" 試唔到多幾樣野tim！

• 餐前酒
• 鵝肝壽司
• 麵士湯
• 牛扒薯蓉
• Chocolate Truffle Cake

另外我地仲叫左cocktail飲tim！

呢杯野名叫HoneyMoon!係男朋友仔叫的，都算幾好飲，起碼好過我叫果杯。呀！佢仲有一個心心形蜜瓜同車厘子long係個杯度tim！至於我果杯都唔記得叫咩名。我明明係叫有orange juice的香檳酒，諗住冇死啦，唔方太大酒味而且應該會甜。點知黎左杯紅色的物體，都冇橙味o既，可能個呆呆地的waitress落錯左單。不過都好過果杯餐前酒"Martini"(唔識串)。















咁影係咪幾有MOOD?















其實係咁O既。

食完牛扒，等左好耐先上我個CAKE。呢個係Chocolate Mousse Cake，係5"的二人size。我同事話Teresa Festival的cake幾好食，所以我先買黎試下。其實都幾好食，係甜左d，我同男友每人食左1/4，都覺得甜到漏。最搞笑係個waitress 幫我將剩下果半件cake入返盒，佢話個雪糕蛋糕唔怕溶咩？！=.=" 呢個..係mousse cake黎嫁~ haha















(Tiger, Happy Birthday! 叫得老虎o既，你都知佢幾惡死。)















甜品都係食左少少，因為又係朱古力，不過佢個truffle cake其實真係幾好食。飯後我地去左睇夜景，都唔少遊客係果度。我個相機太差，夜景影出黎都唔靚。男朋友仔收到我送佢的禮物，係個袋黎o既，唔知佢鍾唔鍾意個袋呢~？不過顏色佢就話選得arm，佢係鍾意啡色多d嫁！呵呵~

我地再坐返van仔返落山，就返屋企lu。

**********************************************
呢個就係我的失敗品，你睇下！？硬過石頭，堅過石堅！

學英文

尋晚行書局時見到harry plotter7的小說出左啦！勾起我條引。今日睇uwants forum時見到有關harry plotter的分區，搵到英文版的pdf 小說，當然都有中文版。

之前老表simon send過唔記得邊集的英文版harry plotter俾我睇，我就知原來d字係咁深o既！最後我有睇晒，不過唔係識晒每隻字咁睇，而係上文下理咁估到佢個意思，睇完個story就算。

今日拎返第一集出黎睇，學返幾個生字先。 第一頁就已經有......

1. Shudder 抖震
2. Mustache 小鬍子
3. Dull 陰暗
4. Hummed 發出嗡嗡聲
5. Wrestle 摔角
6. Tawny 黃褐色
7. Flutter 拍翅
8. Pecked 啄食