拉闊演唱會

星期二，公益金服飾日，捐左$30，所以今日穿左casual wear。





由於上星期五我OT到10點先走，所以今日工作好輕鬆，個bottleneck去左另一個同事度。放工都可以準時走，而且今日我4點就走得！去左銅鑼灣漫畫店度睇書，之後去左Ireland's Potato度，買左招牌芝士薯條黎試下。果然聞名不如見面，實在太太太太多人等啦！買左半粒鐘先買到。同阿妹食完先去東涌，再去博覽館站。


















拉闊今次有林海峰、Eric Kwok、農fu、楊千嬅。有大部份的歌我都唔識，好out呢~ 估唔到農fu有咁多FANS，佢RAP到我都唔知佢UP乜。楊千嬅話跟佢歌唱老師再學唱歌，不過頭幾首都係好大的呼吸聲。不過佢D新歌幾好聽咁喎~

返到屋企都成12點幾，超累。

龍皇

老豆今日請食飯，去左皇悅酒店內的龍皇度食。


































好味道。最後食的桂花椰汁糕都好好。

Shocking day

一直都相安無事，就唔會想到會有改變。

今早仲一起傾緊PROJECT D野，LUNCH我見出左糧，自己一個去Ruby Tuesday 度食大餐。叫左個Ruby Mini(?) Hamburger Set. 漢堡包真係好好味，個包脆得黎都軟熟，而且佢個雞扒牛扒本身就有味，想起上次Freshless burger 要靠另外D汁真係唔掂擋！

食飽飽返上去繼續做野，點知見到同事個電脳機都關埋。問下Terence, Issac去左邊，點知佢話佢走左！我仲以為佢放假！原來，係炒魷。真係心寒，一個LUNCH就唔見左D人。

好得人驚，下個會唔會係我？！

夜晚L生黎左一起係大食代食晚飯，雖然有人想買康鈣C我飲，不過我唔肯買！心意我收左嫁啦。

夜晚只食得下呢個。功德林的芝麻糕、椰汁馬豆糕、桂花紅豆糕。

聚集期

下午跟老豆阿媽早D出去觀塘行左陣，先上婆婆屋企。呀婉詠表姨黎派餅，佢個仔結婚啦！又傾左陣。之後早D去食飯，早D返屋企睇家好月圓大結局。

睇完又有任務要我做，我好累了，但都要睇網頁搵資料。搞到成點幾先訓得。

夜遊海洋公園

9點半就起身，唉！因為要返心誠打電話俾烹飪班的參加者，提佢地上堂。一來一回，天氣又熱，真係辛苦死。返屋企時行過商場，BOOK埋2點幾做facial。

今次做facial果個好差！幾馬虎呀！修眉係咁易整幾條、清黑頭又係。D時間用晒係full mask度！我記住佢個簽名嫁啦，下次指名唔要佢先！

沖個涼出金鐘跟L君會合，去海洋公園玩。$40 價錢有$60食物coupon，抵玩啦！入去先玩咩飛車，即係過山車啦！排隊都幾耐下，見到一個好似係以前POLYU 黃區定黑區的人。又見到Evelyn同佢老公。之後把握時間去睇我未睇過的水母館。真係好靚呀！可惜影出黎唔係好靚。之後坐纜車，去睇熊貓。不過佢地都訓晒覺LU。最後先食野，好多野食都冇得食，幾難先搵到雞脾、沙冰同雪糕。

最後仲買左熊貓錢包仔，掛頸果隻！

不過天氣真係熱死人。下次有機會再玩，一入去就先食野先！

慘啦

上午十點開team meeting，經理講講講，Terence辯解辯解辯解。不過經理就真係識做野O既，我就係想知做緊個project d milestone係邊，聽日到下星期我負責做咩之MA。唔知呢D，我點知自己D野做唔做得切，洗唔洗OT?!

不過聽得出經理唔LIKEY我同人地開會時咩都唔知，搞到人地話返佢轉頭。關我咩事，我真係唔知呀MA。

大件事日

同事Terence放病假，經理問我知唔知D野，我點會知呀！

又叫我同Issac一起去join人地個會，搞到我俾人問到口啞啞。Terence都冇同我講邊D係pharse 1, pharse 2，幾時係deadline都冇講，只係叫我見邊D未做就做啦咁。仲有Issac抽左去幫其他team，Terence同我講話以後D野要我自己做晒，Issac唔得閒幫手。所以前兩日我都做到7-8點先走。原來佢下星期就會返黎幫手！

查實之前我問過Terence某D野嫁啦，但佢唔講，我咪由得佢，而家搞到好似篤左佢背一野咁。聽日有野睇。

自由式挑戰

下午去左泳池游水，今個暑假第一次呀陰公，之前仲話去海灘，冬天都黎緊囉！

今次有浮板，主力做踢水，但係踢唔夠一陣就好累。結果走時沖涼，對手臂好累，可能係我捉住浮板太大力了。

晚上去左沙田食PIZZA HUT，撞到馮宏傑喎！

中秋節食飯

訓到咁上下，下午同阿妹係屋企攤下抖下先出去柴灣食飯。一去到就見阿媽好像指揮大旗咁叫呢個坐、果個坐咁。細路多迫埋一張枱，又嘈又亂，心情即刻變得好煩。

伯伯買左好易通叫我教佢用，佢又提話想買電腦。細姑丈上次正氣凜然咁話我好唔幫伯伯，而家佢自己又係縮沙，明明自己買左ASUS EEPC之類的細電腦，都唔幫伯伯買埋。總之下次見面重陽，要俾D資料伯伯睇下啦~

V08 party

開完會晚上到左尖沙咀寶勒巷後一條街的樓上BAR度參加VEE的生日派對。十點上到去發現小貓三幾隻，仲佈置緊個場。所以我幫手整下野，等到12點D人先開始黎。

基本上我不太喜歡喝啤酒，所以一開始我就跟APRIL個FRIEND Thomas 同Ryan玩左一陣，就走去霸左個味唱K。唱左一陣點幾到，切蛋糕影下相。之後AUTHOR拉我同埋椰子佢地玩左陣非洲話事啤。之後又一個人坐左一陣。我今次雖然係俾面而黎呢個PARTY，但自己不停的問自己，點解我要捱眼訓係度呆坐？捱眼訓玩骰盅飲唔想飲的酒？同埋係一個我搵唔到人傾計的地方逗留？3點多，雖然媽咪叫我留到天光坐火車返屋企，但我實在諗唔到點解要呆係度到5點幾。於是我4:30返到屋企訓覺。

上次同JESSE佢地去飲野唔係咁的，我通左宵，玩骰盅，飲酒，玩我好開心的。同一個遊戲，同樣係酒吧，原來同咩人去玩的分別真的好大。

校友會開會

下午同MANDY一起返去學校開校友會的會議，由於主席辭任，所以我地要重選主席。老實講，對於前任主席我當然有不滿，覺得佢平時咁有交帶，甚至係去到煩的程度，但係今次辭任咁輕率，總覺得佢好不負責任。至於新任主席，未選都估到係佢，實在冇咩人可以擔任，但係佢做唔到要職時就咩都唔做，到有機會做主席時先蒲頭，總覺得佢個人唔係咁好，為名多過做野。如果佢一開始就積極做野，而家我就會毫不猶豫的選佢囉。不過票選後佢都係做左主席。

當聽到佢話兼任時，我感覺覺得唔好。一黎佢好似事先就跟校長傾過內定係佢做咁，二黎實際上我仲未見到佢為個會做過D咩，而家俾個主席佢做我都有保留，仲要做多個位，佢咁忙做唔做得黎呀！定係又想掛多個名好睇D？！好在，後黎都係要輪選，搵人做外務副主席。

其實一聽就估到被提名的人會有邊個，要講做野多而顯著的，都係我同MANDY嫁O者。當MANDY第一個被提名時，我心裡即刻有個問號，唔通我做的野都唔夠MANDY多，唔夠MANDY好？定係我係會中的人緣太差？不論最後選出邊個做副主席，我覺得被提名已經係對之前做野表現的一種肯定，難道原來發言、搞烹飪班、做半年刊同埋幫手做WEBSITE，所付出的時間對大家黎講都係咁微不足道？！當下個心都真係寒左一截。不過之後玉芬提名我時，就覺得有種欣慰。

到要投票係我地之間二選一時，我好快的就話我支持MANDY當選，其實並不是要砌佢生豬肉。一黎，我地兩個爭一個位，感覺好尷尬。二黎由佢先被提名，而又立即有人和議時黎睇，大概大家都係孰意由佢擔任的多。三黎大概係我都對自己冇咩信心，怕投票出黎會輸得好難睇吧！四黎一想之下，其實我人緣一定冇佢咁好。之前我得罪過何小姐，因為得嫌佢做半年刊時校對好煩，搵到一個問題就打一次電話黎，而且有時候都唔合作。另外係發表意見及電郵往來時，得罪人都唔出奇，始終意見表達得愈多的人，就愈容易得罪人。所以學習將想法收埋係心度係一個課題，一個我成日都學唔會的課題。(五黎，我覺得MANDY都係想做O既。=P)

有左我的支持，MANDY當然即刻當選啦！之後傾埋餘下的事情就散會。我想新主席大概都FEEL到我並不特別承認佢，畢竟佢早知自己今日當選，連個會有咩活動搞緊都唔知道，我覺得冇咩誠意囉。之後D委員話過兩日去BBQ，雖然係一個增加人緣的大好機會，不過我早就有約了。

其實我都早有辭鄉歸故里的想法，如果真的一個提名都冇，我都會跟前主席一樣咁做。吃力不討好，又為何要花自己心思同精神去做咁多野？身為會的一份子，別人的要求可能只係人地叫佢做咩，只要做妥就OK。但我對自己上心的事，要求可不止這樣，否則我又何必要提出搞烹飪班，當初又點會主動提議幫WEBSITE轉樣，同發表咁多意見？正如hanna婚宴的『大學同學』事件，可能佢地會覺得『只要MC叫大學同學，我地就會俾反應，因為佢知道只要佢出聲，我地就會幫手。』但我的要求卻係，如果當我係朋友的，係我重要的婚宴上，幫手搞氣氛呢D係必然的事，如果要出到聲先識幫手的話，實在太難看了。(如有得罪，切勿見怪。)

飯聚

提早3個星期約的大學同學食飯，終於今晚就食啦！今次預計人數應該有13人，不過總係會有人甩底O既，所以得10個人。

7點去到佐敦，時間尚早，就先行去搵果間餐廳的位置。原來都幾易搵。今次食野的餐廳係Wall's 咩pub and Thai Food。我地試左生蝦、冰鎮四寶、炸蝦餅、菠羅炒飯、炒金邊粉、串燒、通菜等。我想試的炒羅蔔糕冇得食，而生菜包我唔記得叫。咁多樣生蝦真係幾好食，冰鎮四寶就一般，我唔多食螺同埋青口。席間CARRIE又講佢細佬D野，其實有部份上次傾電話時佢講過嫁啦，山雞夾左係我地中間都唔知點好，好明顯佢都唔想聽。我同大家分享左一D我飲宴上見到的事情，大家都笑得幾開心！不過對阿輝真係唔好意思，佢唔食海鮮，叫的野食唔係咁多ARM佢食。

你地放心啦！我會好識做，婚宴上唔洗你地叫大學同學，我都識俾反應你地嫁啦！

同事Siu的婚禮

前日去完Hanna的，今日又去同事阿Siu的婚禮。因為放假，所以說打算打扮一下，穿左條裙，化左個妝，痴埋指甲，8點準時去到新世紀的美心酒樓。點知都仲未食得，D同事全部都穿得勁casual，牛仔褲T-shirt咁。

去到坐位，今次同D大粒佬一起坐，另外的都係一雙一對的同事。結果成晚都冇野好講，食完野就走。整個婚禮，都冇咩特別。都係會放花炮，都係播片。不過稍為特別的係佢即晚就晒好頭先ARM ARM影的相俾我地。

Hanna & 文浩婚禮

今日5點鐘就見D Manager 係咁走，個心幾慌，唔通今日可以早走？！

6點鐘D同事話去酒樓打牌，我都跟住一起去。不過牌我就唔打啦，打得咁差，一陣輸好多俾同事我會心痛死的。不過好在MANDY做姊妹，而佢又唔係咁忙，可以同我傾下計。

都見返MANDY D大學同學，其實wwk同阿頂就實認得。其他我都唔多認得嫁啦，席間坐係同事Edmond隔離，可能佢怕悶，所以就撩我傾下計咁。其實今次去Hanna飲宴的目的，除左係登佢高興之外，都係等我有機會同D同事熟D。平時返工我坐埋位就唔出聲嫁啦！始終都要個群O既。

自置物業

Lunch時跟Miranda食飯，談及自置物業的事。聽說公司有員工優惠，有同事開始供物業，為自己屋企買傢俬真係開心。不過買一間只夠一個人住的舊樓，長遠計好似唔係咁適合咁。當投資，又要供完間樓先可以租出去，如果賣左先供第二間又唔知賣唔賣得出，第二間又冇優惠。

總之都係先要儲到首期，先可以有自己的物業O既。

好長遠的計劃。

升職！恭喜晒

放工去做YOGA，係旺角天橋度撞到Mandy！
原來佢升職喎！勁呀！恭喜晒~

YOGA都係咁啦！冇輕到，唉。不過做之前我偷食左個泰昌蛋撻，好味道！

火燭呀！

今日返工坐新位，真係好黑仔！隔兩個位就係Department Head，後面又有我對上兩個manager，一抬頭就見到晒我個monitor！呢個三煞位真係...唉~

下午terence又黎警告我，要專心D做野。有野做咪專心到囉，冇野做的話我去睇e-learning都唔係好過份O者~ 咪又係學野，咪又係公司D materials。

放工返屋企想拎兩個harddisk出黎駁external咁，拎返個cashflow pc version send俾前兩日識果兩個女仔。點知忽然pi li pa la，火花四射，仲要係我嫩滑的大脾上！嗅到燶味，應該係個external harddisk case個供電死左。如果我個hardisk都死埋，如果又要拎去整，120GB，就唔止$4500嫁啦！應該唔係裝相果個harddisk黎O既呢個。

如果我就咁燒爛左面，你真的會仲係度嗎？
如果你燒爛左塊面，我......

嘻嘻，凡事都係小心D好，我唔想諗呢D咁難諗的問題~