Yoga

昨天早收工去左剪髮，所以今日可以訓晏D。下午去左做YOGA，對腳又係累到死。之後返屋企休息同埋試燒WII碟。

燒左5隻，得1隻WORK咋！究竟點解呢？

Last day

Last day in eCommerce team. 我把所有的工作都停止了，交給了Terence，就冇事一身輕。整天都在看新team的training materials。

雖然今天放工後參加了Wine tasting的活動，不過因為也是今個月的HOT，還是選擇早走一點，不去wine tasting了。

錢財如流水

BONUS話出話出都未入到我袋，話咁快我就無端端冇緊成千蚊。

阿妹去完韓國返黎，因為而家WON低，所以買野好抵。去之前我mark左幾樣野叫佢去果邊買，set定左個價，係咁平先好買。我都set得幾低下，要係香港價的3分之1。點知真係可以咁平！只係我要的野冇貨，俾人買晒~

呢$800蚊究竟買左D咩呢？

蜜桃清酒毛孔細緻精華液








生菜青瓜水漾清爽精華

豆乳緊緻精華面膜 (3片裝)










蜂蜜紅茶泡沫潔面乳










眼霜X2

Water sleeping pack










仲有D指甲油、黑糖面膜一盒、一支新出的EYE CREAM、一支而家好興用的BB CREAM、ETUDE的TONE、Moisturizer，同埋好多SKINFOOD的試用裝，仲有一D飾物等等。

由於呢D野都係同阿妹share用O既，所以我只係出半價$800。不過香港$1600，都買唔到咁多野呀！

但係......點解我冇去韓國，都洗左咁多錢！？
我仲係未有eye mask，睇下幾時clinque有優惠先買。

The sister's keeper

終於睇埋係書展買的最後一本英文書。呢本書係講兩姊妹，家姐2-3歲時就check到有cancer，要有人捐野俾佢，佢先至可以續命。於是佢父母就決定生人工BB，呢個BB就可以捐野黎救姐姐。故事的女主角就係呢個妹妹。

其實個故仔就係講妹妹用自己的積蓄搵個律師黎告自己的父母，因為佢地冇問過佢的意願就隨意的捐佢D野俾家姐。其實都好矛盾的，果個係你家姐，你救到佢梗係好啦。但係亦都因為有個家姐係度，自己先要13年都出出入入醫院、承受不必要的痛楚；亦都要放棄好多活動。而父母都將注意力放晒係生病的家姐度。最唔開心的，係自己的出生根本就係為左一生向家姐奉獻。

不過實情其實都仲有其他野係度O既。總之都幾好睇，睇睇下時都眼濕濕。

公佈結果

今日終於公佈左結果。我......入選了！入選左轉去其他TEAM。我地一共有12個人會去。詳細情形咩都唔知，唔知係咪同一個POST，唔知邊條TEAM，係DEV定係SUPPORT。不過知道左要轉、要留、定要CUT，個心就安落左好多。呢個結果由新年等到而家，終於了左件事。

不過聽講除左我地12個，原來仲有2個人要轉走，但係就仲搵緊有邊度收。咁樣一比之下，都好慶幸自己入選左，起碼我唔洗再等、再擔心冇人要的話點算。LUNCH Manager叫左我地去食飯，都係傾下幾句，平復心情咁。Manager自己都要轉過去，呢個都係我覺得好過D的原因。一起走的12個人中，有3個都係未夠一年，其他都係做左幾年的。

校友會開會 + 食飯

上午想話去剪個髮先，但係一早都仲係好唔舒服。即係成身汗都仲係手凍腳凍咁，仲有痾。

中午阿媽買左個蔥油餅我食，我自從尋日下午果餐之後，到而家都冇食過野呀！所以點都要食D。本來講好左話2點返到學校，因為要帶電腦佢地用。但我都係返唔到，到3點鐘先到。何小、Sandy、光明等等都已係度。我返到去梗係先報案，講聲咩事遲到先啦。

到4點開會，6點收工，準時！本來我話左唔去食飯嫁啦，病仲去乜鬼食飯呀？但見都唔少人去，MANDY都話去一陣，我開會到而家都仲OK，就去啦。一去到見到康樂同主席已拎坐咪唱緊K，就知慘啦，實係佢地唱晒。至於打牌，我就唔想同佢地打啦，一黎打得大，二黎我實輸嫁MA，有錢都唔係咁洗下話~

不過最後我都拎到咪唱呀！但係酒樓隻卡拉OK碟就真係差到......，錢真係抵NEWAY賺O既。

Training day

今日training day，上去學QTP software。房間有點冷，而我的胃子開始不太舒服。中午走遍整個奧海城還是沒有想吃的東西，想說吃點生果對胃應該沒什麼負擔，就去了double star cafe喝點熱湯、吃了沙律。

下午上課情況沒什麼好轉，還是胃有點硬硬的，我開始後悔下午吃了午餐，也許不吃還比較好。上課方面其實很簡單，就學一下怎樣用那個SOFTWARE而已。我很快的就把它搞定了。別的同學不知道是不是只顧著VPN check email，所以沒專心上課，都好像沒學會。5點鐘，老師看了我的exercise result是對的，然後就讓完成的同學先走了。我收拾好東西也沒見其他同學走，我只好尷尷尬尬的先走了。

回家的路上不適感愈來愈濃，從火車上走出來的時候，還有想暈倒的感覺。

肚痾了。

BONUS LETTER

星期二上班，一直在等那份bonus letter。同事說她回來那天一早就收到了，可是11點了，還沒有收到。不禁就慌了，難道就只裁我一個人？！

11點半終於版叫了進房間。bonus letter 出了，合符預期，pro-rata的計算方法，比我自己計算的多了點。問及裁員跟轉TEAM的事，老細說上面就不想裁員，可是不能保證不會裁員。至於轉TEAM要等月底才知道。從對話中看來，我應該是on-the-list的，因為我比較新，對這個team的東西也不算熟，轉過去也只不過是學另一些新的東西而已。所以自己做好心理準備吧！

以後幾天都開OT到7-8點，可是還是behind schedule很多。可是也沒有辦法了。星期三VEE打電話來，我太累了，都不接聽她的電話，也不回覆。反正又是她感情的問題吧！

公益金百萬行

勁早起身，6點幾就要起身啦！今日同校友會委員一起參加北區公益金百萬行。出門口前仲諗緊捐最低額$50會唔會太CHEAP，如果人地個個捐$100，我咪好似好衰咁？！屋企人話唔緊要啦，隨心嫁O者。

去到集合，第一時間梗係先繳款，善款黎，唔記得俾就唔好意思啦。點知發現...原來除左主席、康樂贊助之外，其他人都冇捐嫁！今日一起去行的人，得我捐咋！！唉~ 蠢左啦！不過屋企人話福黎O既~ 係O既~ 都係助人O者~

成個行程行左1.5小時，大腿勁累。由科技園行到去大埔海濱長廊，都已經係10點幾11點。之後返屋企附近飲茶，SANDY 屋企人幫我地搵埋位。食到1點先返屋企，我又開工睇我D劇集啦！完左GOSSIP GIRLS，就到帥男偶像，日劇黎O既。

夜晚ONLINE見到VEE，佢主動同我傾MSN。原來佢過左一個SAD VALENTINE DAY呀！傾左一陣，都冇辦法幫到佢。安慰人呢D野好難，都係要靠自己O既。加上佢男友，我一向都覺得唔掂嫁啦~

2月14日 單身情人節

上午訓醒先去做個FACIAL，呢D日子冇情人對我好，就要自己對自己好D。

下午又去做YOGA。但太大懵，去錯課室上錯堂。上左堂勁辛苦的，好多都做唔到。D同學D筋鬆到做到一字馬，點搞呀？！

搞掂之後返屋企抖下睇劇集。

Cooking day

朝早9點半起身，特登走去上水買個豬仔包。之後返屋企，就開始整我個蒜蓉包。整到下午1點幾先有得食，仲整多左D醬，等屋企人今晚返黎試下。

抖陣睇下gossip girls，下午又開工整心太軟。我都係跟SINA TV咁教黎做嫁O者，整左4個係雪櫃。差唔多5點幾，焗左一個黎食。一焗完就知失敗啦！

(請先有心理準備，才往下看......)

嗚！冇錯，佢就好似發MO咁！

失敗的原因﹕

1) 為左唔令佢痴底，我SUM左D麵粉係個模度。可能太多麵粉，起模果時D麵粉痴埋係個心太軟度......

2) 焗得太耐，個心實嫁！但我跟VIDEO咁焗12分鐘嫁咋！

夜晚屋企人返黎，整左蒜蓉包佢地食，又叫阿妹試左心太軟。今次我只焗10分鐘，入面有就有朱古力醬啦！但係佢話外面硬，唔脆。朱古力醬杰喎！

唉~ 仲有2個係雪櫃，返工前要捱埋佢。

皇室纖體 - 痛鬼死我！

放假第一天，早起身，因為要出去旺角試皇室纖體。事緣上個月阿妹俾左張中獎信俾我，去試用一次皇室纖體的服務。佢千叮萬囑叫我唔好帶錢、唔好帶卡去，費事俾人掠到一頸血。

但我唔鬼聽佢話，照樣帶錢同帶卡。去到做個機，我話想減腰。佢就拎個機係我腰度LOOK黎LOOK去。總共就LOOK 4次，一次就通淋巴、一次就MIT脂、跟住唔知做咩，最後就係COOLING喎。MIT 脂果度真係痛死我，成條腰都好似扯住扯住咁，好辛苦。做完係『好似』FIRM左咁囉。當然我冇JOIN到啦，因為我話我失左業、又只係做文員，冇咩錢。所以佢SELL左一陣都放我走LU。

之後去左BakingArt度買朱古力，我想買上年整果時用過的橙味朱古力，點知冇晒。不過我都買左我好鍾意食的薄脆。打黎放假時自己做一次朱古力調溫，整D倒模朱古力出黎食下。之後再去二德惠買其他野。嘩！多人到呀！拿拿聲搞掂拿拿聱走人。

最後4點到去到上水買硬豬仔包，打算聽日就整上次何小姐教整的蒜蓉包。點知賣晒，激死！

仲係冇消息

今日等左成日都係冇消息。聽日我就放假了。

其實我都有考慮過係咪係呢D重要時候唔好放，但我呢3日係上年的假黎O既，又批左，唔放又要改。而且我都想放，日日係公司等消息同驚餐死，個人都好唔想返工。反正係抄人的，就實有我份；唔係抄O既，咁我放假都唔關事啦。

起埋份野俾TERENCE，佢地衰到賭我今次份野有冇錯多過20個錯。大佬呀！700行RECORD，錯20個都係3%之MA。唉~

放工打俾GARY問佢幾時返到屋企，就去葵芳新都城行住等，打算拎返我放左係佢屋企的褸同埋毛巾。

都唔知做到幾時

仲未有消息，聽講星期三先有JOB MATCHING的RESULT。好想快D知，如果佢係抄我的，我就唔鬼同佢OT。如果係唔抄囉，咪O飽佢囉，呢D犧牲我接受到O既。

不過今日我都係冇OT，放工去左中環，上我第三堂的串珠班。千幾蚊拖左幾個月都未學得晒，叫唔叫抵？！去到開始串，MISS問我食唔食壽司，唔好意思O既，我訛稱自己食左野。串到9點幾，搞掂，其實KIU WIRE呢D SKILLS，我自己都學到啦。所以上埋第四堂我都唔會再JOIN。反而自己去深水土步買D珠仔返黎自己試仲好D，拎D學費去買珠仔，我估都買到好多啦。

走時去買返個魚柳包食下，而家真係咩都要慳，玩下手就黎要食自己嫁啦MA。

公司傳抄一千人！

今日返工，心驚膽跳。雖然Sherman收到風話唔係CUT我果度，消息都話CUT大角咀果邊，但係其實我地TEAM都冇BUDGET，要轉人走，咩野都講唔埋O既。

不過今日叫做安然渡過，KENNETH、SABRINA都有打俾我問候，真係有心啦佢地。

其實佢地話如果我俾人CUT左出黎，叫我全職搞我地的十週年旅行。嗚嗚~

逗利是- 吳生吳太 + Daniel

一時唔記得Daniel姓咩添！下午2點到九龍灣去吳生吳太屋企拜年，佢屋企唔掂呀！好似果D套房仔咁咋！但就有個露台。不過我一D都唔LIKE。吳太個身暴肥！果雙肉腿.....。我地傾左陣計，講下旅行。佢地話去清島都有藍天白屋仔的歐洲FEEL，係平價之選喎！最特別係佢露台有一盤好似水仙的野，原來係蒜頭！佢新年冇煮食，搞到蒜頭都生晒芽啦！

4點我地轉移陣地，去左寶林搵DANIEL。飛機YVONNE都黎左JOIN我地。DANIEL屋企就幾好，都算大，幾好洗咁。大家圍埋傾下DANIEL 就黎出世的BB女，又傾下飛機同佢拍拖9年的女友的新情況。

差唔多6點，我地都散BAND lu。

夜晚去左鑽石山同屋企人係夏麵館度食飯，呢間野，唔係真係咁好O者。係得牛筋叫幾好食。

逗利是 - 伍生伍太

因為要整米粉俾阿妹食，搞到我遲到。山雞帶埋佢女朋友黎逗利是喎！叫Yoki，真係唔錯，幾靚女呀！我地上到去都係打牌打機咁啦！我拜託左伍生幫我燒WII碟，等我可以返屋企同阿妹打。

今日的戰績...都係咁啦，都係我輸得最勁，輸$17! 6點鐘急急腳咁走，唔記得左拎返件褸呀！

入到去校友會何小姐屋企，同校友會的委員BBQ。原來今日係惠儀生日，佢地準備左生日蛋糕。何小姐又煲左糖水，又整番薯沙律我地食。最好味的係自製的蒜蓉，塗係朱仔包上燒熱食，好好味呀！我食左成個。

仲有就係話半年刊邊做一年刊啦，同埋自己搞烹飪班喎。我都冇參與討論，因為我仲食緊。之後同佢屋企兩隻狗仔玩左陣，係HAPPY同阿仔/波波。11點幾大家都散BAND lu。

Gathering@Miranda's home

聽到流言話下星期一會裁員，仲一千添！我地TEAM 剛剛做完job matching話要調13-14個人走，因為個TEAM冇Budget。我interview得好差，尋晚心情低落左一陣。所以今日都唔OT了，反正玩下手都抄埋我，唔洗咁勤力啦！

6點半就同Miranda一起放工，去左佢屋企坐住先，咁邊行邊傾計嫁啦。之後再搵埋Yvonne同Eric去食飯。食完野就上佢屋企傾陣計。

可能真係休息唔夠，我好快就眼訓。而且Miranda講野實在係太太太多啦！成場佢講晒，一句同一句係唔洗抖氣咁。我地3個就坐係度得個聽字。唉~

Uwant 小聚

VEE打黎話APRIL約食飯，OK啦！自從9月佢生日聚會，之後好似上過佢屋企一次，就冇再見。又OT左咁多日，今日就去見下朋友啦。

去到見到VEE、RYAN同OSCAR，衰人RYAN，竟然當街大叫『肥妹』，而我又好死唔死，反應好快咁望過去。俾佢地勁笑。RYAN帶領下，去左始創中心後的『本家』日本料理度食，佢話好食喎。入去坐住等先見到原來9點後有半價，於是就問個經理點計，我地等埋朋友先食都等到9點。個經理過埋左張單咪得囉，我心諗arm arm先放左杯茶，野都未叫埋咩單？RYAN就話要俾茶水錢，我就覺得奇，而家飲茶咩！有茶芥嫁？！ 再搵經理問多次，我咪話由入座計，咁我地而家出返去，9點先入黎入座。個經理話唔係唔俾你坐，埋左張單9點後另計。嘩！野都未食埋咩單？幾經商談後，經理先講『我係話，如果你9點前叫左野食，就埋左張單先。9點後再另計。冇叫野食咪唔洗囉。』真係激死。

等下一個等下一個，終於9點鐘D人先黎晒，有April, Vee, Kin, Oscar, Ryan, Author。今期講RYAN同女朋友復合後的非人生活，又講下APRIL新男友。埋單每人$158，我睇下張單，得幾樣叫左9點後半價的野，其他全都係正價。咁怪之得咁貴啦，D男仔真係唔識叫野食的。唉~

成晚都冇咩點出聲，一黎好累，二黎我坐係VEE同KIN對面，真係受唔住阿KIN。佢講野勁大聲，成間餐廳俾佢整到好嘈。仲有佢又係句句都要話阿VEE蠢，真係受唔住呢D要係人面前SHOW OFF自己幾醒、女朋友幾蠢的男仔。一，佢唔係真係好醒；二，唔鍾意D男仔踩低別人抬高自己，果個仲係佢愛的女朋友；三，佢女朋友都唔介意果度先死。

即係咁，VEE問﹕『魚頭係咩魚黎嫁？』KIN答﹕『(勁大聲)魚頭都仲要問係咩魚？！唔係呀化！咁你都唔識？......』但到最後佢都係冇講到呢舊魚頭係咩魚黎O既。佢識唔識我唔知，但有必要當住咁多朋友面前踩自己女友嗎？VEE一向都係低低BB咁問埋呢D問題嫁啦，我覺得KIN就係因為可以係VEE面前認叻，令佢好有滿足感，佢地先至會夾。即使佢問的係蠢問題，男朋友唔可以好SWEET咁摸下女朋友的頭，小聲咁係耳邊講﹕『果D係三文魚魚頭黎嫁，傻瓜！』咁嫁咩？！

生日快樂！

今日係YVONNE 30歲生日快樂！恭喜晒！ (er..虛齡黎o既~)

抱歉我唔記得左，要睇到FACEBOOK呀ERIC整愛心藍莓芝士蛋糕的相片先記得。=P

夜晚邊做野邊約人拜年，星期六同星期日，我分別約左兩班人。工作咁忙，都真係有D唔願打電話。

今晚我10點先放工，返到屋企11點半。而家又要訓啦！早抖~

夢

尋晚訓得果4粒鐘都冇，但都係有發夢O既。
夢入面我好似行左一段石仔路，去到沙灘附近，打算參加一個唔知咩O既活動。但去到之後又唔參加，同身邊一個人轉頭行返條石仔路走。果個人輕輕咁拖住我隻手，我就好似細路仔係D石仔上行獨木橋咁，搖下搖下。

果個人個樣我當然你見唔到，不過我覺得佢係......


夢的後段唔知解係，我去捉鬼，同埋俾鬼捉。

牛年新春事

牛年大事﹕

• 今年利是收入終於過1千大關
• 半年冇玩的Wii，一拎出黎玩，就要俾$100去整。話我個程式亂左喎，都唔知係咪O既~

新春祝福語﹕

有緣睇到我個BLOG的朋友，祝你地﹕

• 有工做的就保住份工之餘，蒸蒸日上
• 好似我咁就黎冇工做，又或者已經冇工做的，就梗係快d搵到份好工啦！
• 讀緊書的人要繼續俾心機，唔好晒左D時間同金錢。得益都係自己的。
• 拍緊拖的就快D拉埋天窗
• 結左婚的就恩恩愛愛
• 身體健康

遲來的一年大計

今日醒起年年我都有寫一年的計劃的，今年都要寫下先。其實就冇咩點諗過，而且年年做到的都唔多。

• 存錢，未來3-5年可以有物業就好lu
• 搵工。呢個好迫切，迫切到而家就要做。
• CFA level 1。買晒notes但只睇過幾頁，幾時捨得睇埋佢？
• 上個戲劇興趣班
• 日文、韓文興趣班
• 持續進修基金仲有2千幾蚊未洗，年尾到期，係時候洗埋佢

其實真係冇咩野想做咁，可能家下我情緒係谷底，都諗唔到想做d 咩。

等得閒先再諗下~

放羊的星星 + 悲慘的命運

尋晚快速咁睇左台劇『放羊的星星』，林志穎真係靚仔，咁多年了，而家佢都仲係個小王子咁。睇佢睇到凌晨1點半先訓，訓左落床罕有地冇即刻訓著。到起身返工，我諗訓左都冇4個鐘。

今日一早就俾Terence拉左入房傾。除左舊事重提之外，估唔到佢都幾好人。我放假時個TEAM有TOWNHALL，原來老細話左我地team要cut 10-13個人。唉，數埋都係30個人到，cut成1/3至1/2，想唔中都難啦！都話成team資歷最淺係我，而且又有負評。~>_<~ 聽講話呢兩、三個月會知，要睇下有冇internal transfer 又或者搵下工先得啦。

另外，工作勁忙，星期三要交一份，星期五又要交一份，都做唔起。而家我日日都冇偷懶，網頁都冇時間睇，都仲要9:30先放工。唉~ 放完工個心情仲好唔開心咁。呢d 咪就係......壓力 stress 囉~