學車

之前整好個電腦，阿妹而家好似冇嬲我洗左佢d相啦，不過唔知係真唔係真o既。呢幾晚都係過返d 卡通片去新個harddisk度做storage，同睇緊d comics。等屋企人睇埋電視就玩ps2，因為mandy幫我買左『牧場物語』，我自己買左本攻略。

今日朝早我請左annual leave去學車，試o下朝早的情形係點。點知第一次仲ok的，第二次窄路同泊位就死啦，明明係向後走的，卻用左1波。結果點？咪衝前law，不停俾個師父話我叫我冷靜d，不過聽佢話我呢樣肥硬果樣肥硬，點冷靜呀！？唉‥‥‥真係兇多吉少。