行太平山

今日返工都冇做d咩，星期六就係唔知點解冇mood做野，唯有平時專心d啦...兩個星期後要俾CO睇了。

下午同manfred去行山，一開始由港大上，條斜路真係想攞我條命，唔洗一陣就成身汗。上次係gym room都係做左半個鐘先叫有汗冒出黎，今次真係....大獲...。之後到老襯亭再上就好d了，天陰陰有d風，俯瞰西環中環同埋呢個西九龍，感覺唔錯。一邊行一邊同manfred傾計..haha...咩都拎黎傾啦...，之後係凌宵閣Delifrance 度食lunch。居然冇我平時食開果個香芒雞肉意大利包！最後同manfred一樣食左個三文魚意粉，飲左杯朱古力雪香(好味呀！but 貴law)。辛苦左成個鐘，梗係要對自己好d啦！再買埋d花生糖俾屋企人做手信，之後就再挑戰行上去。嘩...如果係呢度有幢樓就好law......！去到參觀左香港十大『搞野』勝地(haha..)，見唔到人搞野，可能係仲早的關係，同埋霧氣重law。

之後就坐纜車落金鐘，食個tea行左陣果個名牌商場就返屋企lu。成身汗，快d澡涼！

你估會瘦左幾多呢？hoho

唉～

今日同朋友傾icq。知道佢仍為失戀而唔開心，更加指以往的都是一場遊戲。其實我自己都好懷疑愛情其實係d咩黎o既。細個果時睇愛情小說真的好羨慕瓊瑤書內的情深男主角，點樣愛護女主角，點樣歷盡千辛萬苦都要係埋一起；亦被果d愛情金句所迷惑，乜野一生只愛一個，為愛而死，愛情就係整個生命咁。雖然姑姐叫我唔好睇咁多瓊瑤，睇亦舒好d。不過睇亦舒總係覺得一切都淡淡的，愛得唔夠轟烈，唔夠堅持，總認為愛情，就係要好似瓊瑤寫的一樣先至係真愛。

當試過拍拖，分手，長大之後，好快就發現轟烈的愛情只是留在書上跟我們的想像空間內比較好。什麼為他而死，為情所困而潦倒一生，書上看很感人，現實看好淒慘。反而亦舒的作品比較近乎現實。愛情ma，還是淡淡的好。

可是心裡憧憬的東西找不到，還挺遺憾的。

看見身邊的人都逐漸找到了對的人還感到幸福，不禁自己問自己，我手裡有幸福嗎？為什麼女朋友都想有個男孩子倚靠，可我卻心裡總想著不能靠男人了？！是失望多了嗎？是女權獨立了嗎？可是幸福不就是找一個可以倚靠跟愛護你的男人過一輩子嗎？那個幸福我可能得不到了。把自己的一生寄托在另一個人的身上，不是太傻了嗎？為什麼我自己的一生不托付給我自己卻交給別人來操縱了？

看見朋友為愛上的人開心傷心，我只覺得是在自己折磨自己。什麼自己不能控制！？自己的感情連自己都不可以控制，還有誰能幫你了？我總覺得自己放縱自己的感情，讓自己受傷害，那就是『偉大的愛跟堅持』嗎？

可是我又卻羨慕別人...

做GYM

今日lunch同manfred去左pizza hut食大餐，好飽。朝早send左email去chole度諗住同佢係email度傾o下計，點知佢冇覆我喎！原來都係我一頭熱...=.="

放工去左gym room度做gym，其實同poly果個差唔多，我諗大少少啦！都幾多人係果度。我做一陣又休息，再做多陣，就走了。都叫做成身微微出汗嫁！做完運動個人真係精神d o既~ 至於幾時再去做......呀...搵個機會啦！=p

生日慶祝

今日穿左件新衫同外套，因為之前懶同冇時間去買埋鞋呀、裙呀、褲呀咁，所以都係穿舊o既~ 我自己覺得還可以啦！不過就俾阿媽"o我"我得閒出去買o下衫，行街當運動喎~

個EQ低的同事今日又『發爛咋』了！其他同事的假都出左，係佢果份hold住左，少不免又罵交law，我真係怕佢有心臟病，時不時咁激氣法‥‥‥

夜晚去左APM度果間『潮館』度食，都係稻香集團o既。食得都幾貴嫁我覺得，不過唔緊要啦，慶祝ma~ 呵呵。居然發現原來我手都好粗的，粗過人地果隻...唉...真係depressed.

頭文字D預告片

~>.<~

夜晚去左整正經野，終於都決定左了。唉~希望會好啦！

同阿妹同佢朋友食飯，聽佢地講野，工作啦，化妝啦~ 我完全都唔夾咀型o既~ 見佢地講極都唔停，都想話走先嫁啦，不過阿妹都話走law，就等埋佢啦。之後又俾佢個friend拉左去買化妝品，整得黎都10點幾返屋企。阿妹又話我大隻，叫我好心減o下肥呀！！！唉...

Madlax

今日原本mandy約去游水，我唔去。11點幾yvonne打黎想話睇o下有咩節目。我都冇咩節目，因為尋日行左一日，今日都係想係屋企的。不過去shopping都可以，天氣咁熱，我提議去又一城or旺角，不過佢都唔係好想咁。咁就想諗o下啦！尖沙咀尋日先行過黎，雖然係冇睇衫，but唔想再出去果度，銅鑼灣又好遠o者~ 最後都係係屋企睇我o既cartoon。

睇完左個cartoon叫MADLAX。都ok啦！不過我覺得個主角個情形都...唔知點講。佢接受唔到自己的邪惡面，所以將自己分裂成兩個人，一個就係天真無邪的自己，另一個就係殺人無數的殺手，之後一直逃避現實。我覺得現實世界都真係有咁o既人，並唔接受自己or人地係有壞的，係有做錯的。只係相信自己想相信的，令自己好似好好，好值得人憐愛咁。其實，就係逃避左自己唔好的一d野，搵個借口黎掩飾自己的行為。呀...都唔知講乜呢..haha，傻左~

睇到電視果個節目講『老人魅力大賽』參加者果d公公婆婆，即使老了，自覺都係冇青春了，卻仍然好積極的去參加呢d活動，唔會認為自己冇魅力。我覺得佢好都真係好值得尊敬，老左都仍然持有青春的心，樣樣都會想去知，想去試。睇返我屋企果兩老...... -.-"......唉~

普通話聚會

今日下午約左普通話d同學聚會，19人只有6個出黎，不過都照攪。我睇埋套卡通先出，結果遲到左半個鐘。以為係酒店的餐廳度傾，舒舒服服咁，點知原來係food court度..-.-" 都係傾o下大家考成點呀，會唔會再考呀，會自修定係報course呀咁。何同學(好煩果個)又表現出佢一向的個性，又"懶"同我熟咁，成日要我附和佢。原本我都想趁機表達我唔同佢一組嫁啦！點知俾Patie搶先左。講左佢會搵單對單黎教，我只好都話『咁都好喎！我都覺得可以單對單會有幫助d。』其中我感覺到余同學都唔係咁喜歡何同學。因為佢講野o下o下都窒住何同學嫁！haha...

傾左一陣，mary都黎埋傾幾句就要散band啦。Patie要帶囡囡去學Jazz，楊大哥都有野做。走的時間mary問我﹕「最近點呀？生活點呀？」我就忍唔住將呀何同學的事同佢傾訴了，講講o下，其他同學都走晒，得返何同學過黎問我地去邊。mary話去shopping，我話陪佢shop，何同學又話自己冇野做，but又唔走喎！似乎想一起咁。我同mary打個眼色就話「咁我地走先啦！」擺脫左佢大家都鬆一口氣，一邊走一邊傾到6點到就返屋企啦。

mary果個係女呢！楊大哥話男仔都鍾意女多d，因為女會痴人，男仔都係鍾意有女仔痴o下喎！haha

Italian tomato

晚上約左阿妹同阿妹個friend出黎食飯同傾野。十點幾就返屋企，聽完d野都係要諗諗先。

又冇睇書

今日返工食左早餐果次藥，唔記得左食下午果次呀！下午開會，結果都唔多時間可以集中咁坐係度做野，進度都算慢呢！都係我唔專心law。放工返屋企又睇comics，而家睇緊『死亡筆記』。睇到訓覺，所以都係冇睇到書呢！

夜晚打俾d putonghua同學約佢地出黎gathering。不過好多都唔得閒黎呢！都唔知攪唔攪得成。

hehe..病容

今日當然唔可以再sick leave啦！起身返工，見到因為睇動畫而喊腫的雙眼，同長期積累的黑眼圈，真係要買返d眼霜黎用先得啦！阿妹果d都係幫唔到咩手。

返到公司，d人見我眼都睜唔大，就話我真係好病咁。加埋我睜唔開眼，所以要成日"奏"埋眉頭先可以睇清楚個mon黎做野，我根本就好少出聲講野了，所以更加似病左law。特登去買個包，食完就食藥。supervisor見到我張病假紙個醫生地址係沙田，就以半開玩笑的形式問：『乜你鍾意去沙田睇醫生嫁咩？個地址係沙田嫁喎！』嘩！一聽到就覺得係懷疑我請假病假的聲氣啦！我明明係粉嶺睇嫁ma！點會變左係沙田！我睇o下張紙，指俾佢睇個醫生印係粉嶺地址的，話佢知個醫生兩頭住家。佢就話：『呀！我唔係懷疑你d咩呀！只係好奇之ma。』我信佢至奇呀！佢d口吻一向都咁衰，我理得你講笑定講真，我的而且確係粉嶺睇的，我怕你有牙呀！？=p

夜晚8點幾，電話響喎！平時我一個電話都冇嫁ma，我立刻就想起果位何同學，又打黎同我講putonghua。因為飛左線所以我睇唔到來電顯示，猶豫左一陣，都係拎起個電話黎聽，點知‥‥‥真係佢！講返佢知我地決定搞gathering一次過搵啦，佢又話唔好公開咁，怕人地會唔鍾意我地自己一組唔遇佢地。-.-" 我話是但啦，我話佢地知可以小組讀but唔叫佢地同我一組咪得law。跟住又講返上次考試份卷part 1, part 2點點點，又係都要同我傾我想幾月開始學，我想學邊一part。老細呀！幾十歲人啦你，阿miss！人都未搵夠6個，你講時間課程都冇用嫁！我就算同你想的差唔多，其他人都未必啦！倒不如搵晒人，約出黎傾掂佢咪仲好！人都未搵到夠一組，都唔知up乜鬼其他野。況且我本身就未必要考到一甲一乙，如果考試成績唔錯我都未必考tim啦！就算我考，都未必同你一組啦！你咁煩！

動畫AIR

今朝媽咪叫我起身返工，我都係決定sick leave。偶而偷o下懶都冇問題啦呵~？因為近黎都冇點訓得過12點呢！我10點幾起左身就睇埋comics，3點幾去睇左醫生，俾左好多藥我，老實講，病假紙先係目的，藥係附屬品。喉嚨痛同咳都唔係第一日啦！"隅隅"o下都就黎好啦，唔係食藥o下話！？

返黎繼續睇『魔界小金毛』，完左就睇動畫『AIR』。一邊睇一邊喊，睇到10點幾11點。其實睇完都係唔清楚個故仔講乜，因為佢太亂了。俾左電腦阿妹用我先拎返起本書黎睇，原本係想點都要睇左1至2個chapter，當然係冇可能啦！睇左幾版就訓了。可惜一訓低就咳，加埋阿妹一邊玩電腦一邊同人傾電話。明知我係佢隔離都仲要大大聲傾。d電話響聲同傾計聲根本就令我訓唔到，又費事話佢。起身飲左d水，入黎佢終於話要訓了，我先有得訓咋！

聽日都真係食o下藥好，訓唔到真係好慘。

Gary 生日

今日gary生日，約左佢地下午去gary屋企玩，夜晚再去南山谷食飯。

同yvonne 一起去的車途上傾左carrie學校的一d事，想睇o下佢對呢d事的看法。佢的看法係我同carrie之間。其實我都明如終我唔係當事人唔清楚事件的睇法，我又唔係學校的人，更加唔會對佢地的校譽點樣看重。不過我就覺得d老師唔夠客觀law，佢地d老師看重的係自己學校的校譽，千般籍口的將所有錯誤都歸咎於個社工。佢自己都試講啦，社工咁做在理係arm，在情唔arm之ma。咁情呢d野係可俾可唔俾嫁ma。咁個社工都唔係錯o者。=p yvonne講的都有佢的道理，起碼聽起黎係客觀。

去到gary屋企，見到佢阿婆同表弟，就開始玩carrie話好好玩的棋。玩左幾次，我就好累好眼訓同有d悶了。因為個game實在太用腦了。要每人抽d牌，好似出蛇同俘佬咁出，都可以調地上面的牌黎插入自己的牌，總之手上冇晒牌就係win。有時將d牌調黎調去，都唔記得左原本係點嫁啦。佢仲話要計時tim！結果sherman真係有之整唔返原本個樣，carrie仲猛催叫佢還原，我都唔好意思咁出聲，如果佢還原到都還原左啦，如果carrie記得點還原就不如黎幫個手啦！咁就梗係大家都唔記得啦！於是求求其其的整返arm就玩埋落去了。carrie又係果d好執著的人，玩個遊戲o者，計唔計時同計幾耐都冇所謂啦，反正個目的就係消磨時間之ma，做乜鬼要咁認真o者，唉~

最後我蛇左入gary 房打機就算了。

夜晚去食南山谷，都唔錯呢！果然係同和民差唔多，不過有d野係韓式，卻又有壽司同剃身食嫁喎！食到10點就埋單走了，不過真係累了。返屋企睇左陣comic就訓。

mummy今日叫我去睇醫生，我就唔睇啦！要睇都聽日先啦！可以拎埋sick leave ma..=p
咁聽日sick唔sick leave好呢2

頭重重

前一兩日開始有幾聲咳，今早起身見頭重重，鬼咩！梗係尋日食果個南瓜天婦羅熱氣啦！食果時都覺有d野嫁啦。不過都照返工，去執埋尋日未做完果part，改返auto generate password同send email 之後，就蛇過去scan d 雜誌。因為想掉左佢，but d 食店的資料又好想留。雖然話蛇，不過俾d同事見到晒我係邊樹做緊d 乜，佢地都冇講咩，話『你咪用law，總之搵到你就得啦！有d人蛇王唔知蛇左去邊，有事都搵唔到佢嫁！』，當然又係指桑罵槐果隻啦！

一點放工，原本打算去做gym，因為入左會一次都未做過，不過個心好掙扎，拎住袋衫就行左啦。行行o下發現我行錯左去另一個出口出喎！做gym同返屋企都唔係呢邊嫁！咁我就知，我可能真係病了，連自己行錯左都唔知，所以都係折返office放低返個袋，返返屋企law。

返到去就梗係唔係休息啦！雖然真係有d累。我繼續睇我的『魔界小金毛』。睇到夜晚，又收到果個何同學電話。之前佢打黎問我一唔一起組隊學putonghua嫁啦！因為佢同patie都考得唔係咁好，想再考好d，想拎一甲或者一乙。我自己都考得唔係咁好，都未必可以去到二乙呢個目標，都想過想考，不過就未想係再報course定係自修就算。佢提到law，我咪睇o下law，仲叫我搵人tim！人樣我就認得o既，不過名就真係唔知啦。望住個contact list都唔知打俾邊個先arm。因為要搵返d差唔多level的人一起先唔會拖累其他人。最後都係冇打到，過幾日先啦，洗乜咁急o者！點知今晚佢就打黎催我啦，我唯有話即刻打就收左佢線。

其實我係打去patie度想問o下佢點睇，由於我對何同學唔係太有好感。就係佢個人太執著，太煩，太急了。一黎我又冇想過即刻就讀返putonghua，因為我未背晒d單字同詞的讀法，而黎我覺得自己衰得最多都係衰係緊張表達唔到感情，同埋講題目果時玩天才波，冇準備先會衰。所以並唔需要上太多堂。而已由5月讀到10月尾先考試個費用都唔平，起碼都要4千蚊，而每個星期都只係平均有十幾分鐘係我嫁咋喎！唔化算。而且果個何同學就係我之前講上putonghua堂係度唔肯坐後一個位，因為佢要近門口行快d去趕巴士放學果位。我覺得佢呢d性格同我夾唔黎，我會唔開心的。so 都係同patie傾左陣，決定搞個gathering黎認返d人同樣先再搵law。

好橋喎！

今日朝早聽到supervisor唔知同個人講咩電話，話收到佢個application仲叫佢黎見佢tim！我地個team都冇位嫁啦，仲點會請人？！唔通...佢想抄左我！？嘩！所以今朝就好勤力同專心咁做野。一直到左12點幾，我join左個seminar要去聽。個seminar講IT management for education。其實興趣一般，不過murphy叫到，我又可以聽o下野唔洗做，冇話唔好嫁係咪？點知一去到就見到阿輝！原來係佢地公司搞的seminar，介紹佢地的software喎！都好似幾勁咁嫁個software同間公司。more

四葉草～死之預兆

上個星期六見個ｓｈｏｐ果棵四葉草生得好茁壯，泥都幾濕ｏ下，就諗起我果梱ｄ莖都好幼，成日都有d枯葉要修剪，唔知係咪我俾得太少水d營養唔夠。於是就落左多d水，點知今日睇個情形都係冇好轉，而且多水到打側少少都見到有水係d泥度漏出黎。我開始覺得我做左件不得了的事，就係親手殺死四葉草了...

可能係水太多又可能係我唔夠細心，個d草根有d浮左上黎泥面。唔知係咪我修剪佢地果時力大左d扯o下扯o下就上晒黎...唉...

呢幾日我要唔落水，等佢吸晒果d水先...

唉~我背後的冤靈又多左件了。

宮崎駿霍爾的移動城堡 【劇情Q&A】

為什麼人們傳說霍爾會吃掉年輕女孩子的心臟？
在電影中沒有提到，但根據原著 魔幻城堡(黛安娜 韋恩 瓊斯著尖端出版社出版)描述，霍爾自從跟火魔卡西法訂下契約，交出心臟之後，他再也無法真心愛人，但他仍舊不放棄尋求真愛，只是一旦追求的對象愛上他，他的感情也就結束了，因此讓很多女孩心碎了，也因此惹了很多麻煩（譬如被女孩的姑姑阿姨拿著麵桿追殺）。所以當魔幻城堡剛移到蘇菲居住的馬克其平郊區時，霍爾就要徒弟馬魯克去鎮上傳播謠言，說霍爾會吃年輕女孩子的心臟，因此所有的年輕女孩都被告誡，不要單獨靠近霍爾。當然，霍爾還是不斷地追求女孩子。（電影中的霍爾倒是收斂多了。）

為什麼霍爾會被荒野女巫追殺？
在原著中，荒野女巫年紀雖然很大了（超過100歲），但是因為跟火魔訂契約，長得還是非常迷人（不像電影中長得那麼抱歉），霍爾曾經跟她交往過一陣子，後來知道她的可怕，就逃走了，荒野女巫因此下了咒語追殺他，另外，女巫的心臟也已經很老了，與她定約的火魔也很想從卡西法身上取出霍爾年輕的心來用。只是在電影中，沒有了魔法的女巫，還是執著著從卡西法取出霍爾的心，似乎單純只是對青春的渴慕，及對得到霍爾愛情的嚮往。

為什麼荒野女巫要把蘇菲變成九十歲的老太婆
從電影中看來，似乎是因為嫉妒，蘇菲被二個軍人搭訕時，霍爾幫她解圍，當時的霍爾正被荒地女巫的手下追趕，,霍爾親熱摟著蘇菲的樣子,荒地女巫的手下回去通報後，讓她以為蘇菲是霍爾的新的追求對象,所以荒地女巫就把蘇菲變成90歲的老太婆,看霍爾還怎麼喜歡她。

霍爾常從黑色的任意門出去做什麼？
霍爾雖然拒絕皇室徵召上戰場，但常會變成黑色大鳥，由黑色的任意門到達戰場，阻止飛機火炮屠殺無辜的百姓，皇室對他非常頭痛。

為什麼蘇菲要把卡西法搬出來，讓城堡倒掉？後來又建了一個比較小的城堡？
因為之前霍爾為了保護蘇菲他們不被莎莉曼夫人找到，把移動城堡下了一個結界保護，（就是他用粉筆車畫的那個很大的魔法陣）。但是啟動了這個魔法後移動城堡就不能動了，(霍爾把它搬到蘇菲原來家的位置，還把其中一個房間佈置成蘇菲原來工作間的樣子，讓蘇菲感動得說不出話來。）這個時候霍爾為了保護這個魔法陣，也為了不再做個膽小鬼（他要保護他最重要的人），而跟莎莉曼夫人派出的軍隊苦戰，蘇菲為了讓霍爾停止作戰，決定帶著大家離開城堡及結界。移動城堡本就是靠著卡西法的魔力而存在，卡西法一被蘇菲移出，城堡就垮了。為了飛去救霍爾，蘇菲又用了自己的頭髮跟卡西法訂了契約，造了一個新城堡。(跟惡魔訂契約需要給它們人類身上獨一無二的東西)。

為什麼莎莉曼夫人是霍爾跟荒野女巫的老師，卻要解除女巫的魔力及追殺霍爾？
因為莎莉曼夫人是皇家御用的魔法師，也掌理了國家的大權，當時因為處於兩國交戰，政府對人心控管很嚴格，尤其是力量強大的魔法師。荒野女巫因為與火魔訂約已經很久，心性已被惡魔控制而邪惡，莎莉曼夫人乾脆直接廢掉她的法力，對霍爾則是要求他為皇家效力，並答應幫霍爾解除與火魔的契?。但霍爾不願加入戰爭。莎莉曼夫人怕他將來心性也會被火魔控制，對皇家不利，就下令追捕他。

蘇菲進入霍爾的童年那段，有什麼含意？為什麼蘇菲就哭了？
蘇菲跌進了時光隧道中，回到了霍爾的童年，看到了星之湖畔霍爾吞下流星的一幕，因而知道了霍爾到底和卡西法訂了什麼契約。蘇菲要回到未來去解除霍爾及卡西法之間的契約，她想要救他們卻很怕救不到，才對童年的霍爾說要他等她，另外一方面，她也此時才明白，原來她跟霍爾早就立下了約訂，長久以來霍爾一直在等待她，一時間百感交集，因此蘇菲的?一直掉不停。

火魔卡西法是誰？為什麼要跟霍爾訂契約？
卡西法是一顆流星，當它隕落到地面生命就告終結，童年的霍爾在星星之湖畔抓住了下墜中的卡西法，與它訂下契約，吃下它，然後卡西法與霍爾的心合而為一，從此以火魔的形態跟霍爾共存，霍爾得到了強大的法力。得替霍爾工作，但當霍爾使用卡西法的魔力愈久，他其實入魔愈深，這也是霍爾跟卡西法所共同擔心的。

蘇菲為什麼有時老有時候年輕？
根據官方的解說書上面的說明，蘇菲被下的咒語，是會讓她的外表隨心理年紀變化的咒語。蘇菲在變成老太婆後，反而一改她少女時缺乏追求自我的勇氣，變得樂觀進取，尢其愈到後面，蘇菲為了保護身邊的人，所展現的勇敢堅強，化為高度的意志力凝聚，讓她得以解脫咒語的束縛，回復原來的面貌。

為什麼莎莉曼夫人從水晶球看到，鄰國的王子被解除詛咒，就馬上下令終止戰爭?
很可能因為鄰國王子在史博麗王國時，因為被詛咒而失蹤了，因而引起兩國的戰爭。現在既然王子出現了，莎莉曼夫人才會說這一場愚蠢的戰爭應該結束了。

和花亭

今日難得人地約我食飯喎！夜晚去左太子始創果間和花亭。7點鐘我就到左啦，我都預左人地唔會早黎到嫁啦，所以自己係果個商場度行左陣。不過因為下午去左拎first aid的證而冇食到午餐，所以好肚餓，爭扎左一陣，都係去買左d野食。食左炸魚蛋，炸豆腐同埋炸蝦，再食多底雞蛋仔。死啦！開始飽tim！仲點食壽司？！只係一邊等一邊深呼吸等呢個消化系統多d oxygen，可能會消化得快d。

等埋人地等得位黎都8點幾啦，食左一陣就走啦。其實都幾累呢，返屋企check個email就係度搽手指甲油。嘩！搽完又洗，整左粒幾鐘，成屋都係果d洗甲水味。最後都係求其整埋就訓了。

和花亭都ok呢，but又唔係咁有驚喜law。

真係煩

今日約d大學同學星期日聚會。d同學故然係難約嫁啦，不過呀某人真係......，我都唔識講了。佢一向都係主觀我知嫁啦，我都知佢唔喜歡大家朋友聚埋吹o下水就算，佢鍾意大家會拎d野出黎傾，傾o下心事。不過唔係個個都鍾意攤自己d野出黎傾嫁ma。我都知約人係好辛苦嫁啦，尤其係大家畢左業之後各有各忙。所以一直都係我，gary，或者係佢負責約o既。不過有時聽到佢講d野真係令人覺得好唔likey。係o既，係有d人無論你點叫佢係唔黎就唔黎，臨事甩底就甩底，咁都冇法嫁，我地控制唔到嫁ma。今次係gary生日，都預左唔理幾多人我地都會出黎嫁啦！係咪咁就代表唔洗就其他人呢？係咪話『我地定左係幾點就幾點，你地黎到就黎，黎唔到就唔黎，隨便你』要用呢種態度去約人呢？理智小小，我地係為咩要聚呀？係為左gary慶祝生日ma，如果係我生日都想一大班人慶祝而唔係小貓三幾隻啦！咁做咩要為左自己果d不滿就搞wor晒件事先？！既然有心約人就要約d大眾化的時間啦。結果之前propose果d plan 俾人ban晒之後就『判pair』，『求其搵間餐廳食』，呢d態度真係令人唔開心。


南山谷 (韓國野，和民式)
Fat Angelo
新吉士(上海野)
儂(京滬)

Shopping

考完putonghua試應該係可以訓晏d的，不過我都係10點就起身，睇左陣漫畫，就要準備出街了。今日的任務係shopping同同親戚食飯。

先去左旺角買左一份禮物先。(今個月有2個人生日呀！)跟住買左個袋俾自己，行過又買左支唇彩同指甲油。之後去左朗豪坊行，去買衫。因為mandy5點要走了，所以都唔行得幾耐，佢買左衫就要走了。之後我去左觀塘，因為要係果度食飯，有時間就去左新開的果個APM度行，行左2層，都係好粗略的走走咋！買左衫呢都！就去食飯。食左個手掌咁大的壽包，有原隻蛋黃係裡面嫁！食果時d蛋黃酒熱熱咁流出黎，真係正！不過食完個包就好飽，想挺胸收腹隱藏個豬腩肉都做唔到了。好彩冇撞到咩熟人o者~

普通話考試

一早就起身作最後衝刺了，溫左2個鐘到食埋野就去考。去到何添樓兜左個圈先搵到路上去，一去到原來就到我了。我係出面一邊溫一邊等我上一個準備完，原來上一個係呀楊大哥呀！(如果冇記錯佢個姓的話......)我抽左2號，d字同詞都唔係好深，but都係有唔識，篇文都好在係我讀左好多次的。不過個講題係『我尊敬的人』或者『談談服飾』。我choose左前者，一早就想好講小學阿陳主任的了，不過其實呢個係虛構的，因為我都唔尊敬佢。=p

考果時對住兩個考官，就緊張了，除左成日會重覆讀返個字之外，好多時都會讀錯又再讀。篇文章就慘啦！明明我識讀嫁ma，太緊張讀唔出果d感情。最後果part先慘，題目果度因為係考天才波，所以完全唔得，不停係度停頓同唔知講乜。如果最後果度30份完全冇分，之前果d又扣得多就會唔合格了。不過我諗合格就會合格掛，不過黎緊10月或者再考。都係睇心情了。

原本見天氣熱係想去游水的，不過朋友唔去得，所以都冇去。最後去左修眉就返屋企睇漫畫同打機了。

IBM Globalize Technology Outlook

今日上午去左聽seminar，係IBM講的technology outlook。佢都唔係講將來的technology的，反而佢講ibm對未來點睇同埋佢地做緊邊d research。原來佢地做緊d speech recognition的野呢，係美國已經apply緊。其實好似以前上AI堂阿sir 俾我地睇果個virtual people, Alice一樣。都係靠分析我地問佢的問題黎俾返d 答案。ibm就用係customer service方面。佢有播一段錄音係果個virtual customer service 叫juliet的同一個買火車飛的客的對話。即係以後我地唔洗聽"廣東話按1字，英文按2字...查詢帳目，請按1字"咁啦。你只要對住個電話講check my bill就可以了。都幾得意呀！

放工坐巴士係Road show度睇到個減肥纖型的廣告，個女仔好肥，而佢男友就對佢講﹕「我其實好鍾意攬你的，不過你睇o下？你個肚腩夾住我隻手指呀！」haha...於是個女仔先去減肥咋！

我都唔想有人咁同我講呢~.~

Red stone

尋日join左個red stone的free japanese online game，今日下午lunch又打，返屋企又打。而家level 10到啦...居然識到日本仔呀！ 有兩個日本仔同我組左隊，有一個識睇英文嫁！太好了！當我知道佢地係日本仔，即刻就煩爆了。我要點同佢地溝通呢？組左隊冇理由唔講野嫁ma！日本人英文又唔好喎，我日文只識得幾隻字。結果我都係用我d 日文未拼音黎溝通。

anata wa nihongo desu?
hai
watashi wa .....chinese.....desu
chotto
watashi wa ....sleep....desu....mata ne~

就咁就off左line。好在有一個佢識睇英文嫁！我見佢知我講緊英文(有d字)。我想copy and paste d 日文入去都唔得呀！又轉唔到去日文的輸入法。我真係要研究o下可以點打日文先，仲有睇多d日文。如果我一早就識日文...而家話唔定同d日本仔傾得好好啦...唉~ 失敗~

清明

7點幾就要起身準備出門口。一如往常，一早就去拜左嫲嫲先。買左d 朱古力同餅乾去俾d表弟食，都買左成舊水啦！點知原來有2個都唔係咁likey 我買果d野喎！阿妹話我連買零食呢方面都out左了，根本唔知而家d細路鍾意食d咩。唉~ 不過我知啦而家！下次要買棉花糖同紫菜呢！因為尋日我都帶左d私伙去食，試左果個『上好佳』的朱古力威化咁o既野，上次本雜誌有介紹ma，都ok呢...不過阿妹話有d 痴牙。睇d newsgroup話佢出的烤汁/烤肉薯片好正喎，百佳我見唔到有呀，好似話要係惠康先有，下次買黎試o下先！不過一個清明就洗左兩舊幾水係買零食度，只係...-.-"...

拜完嫲嫲就再去拜公公，完左就返屋企休息lu。

最後一個星期日

考試前的最後一個星期日。睇左陣漫畫就開工溫putonghua，都幾集中嫁，都背左幾百個單字，不過點都係唔夠快，記得幾多得幾多啦。

收到中大叫我registration果包野了，都要交錢了唉~

做gym => 失敗

我join左hku個gym ma..咁今日係第一次去做。放左工就行過去，因為原來唔係好遠。行左十幾廿分鐘終於到啦，而我都熱身都做得差唔多(行路ma)，都有點點的汗珠冒出黎。點知，原來第一次用時要office d 人入返d data 係我張職員証度o既，不過d 人放晒人了。咁我就白行一趟啦！又返返offcie放低袋衫law。原本夜晚約左人食飯，即刻改下午啦。結果去左食tea再睇左套戲。咩~『美麗緣未了』！wah！原來係法文片，講戰爭中的愛情，類似呢d野啦。之前聽過2堂法文mp3的我，只係識得聽 "bonjour, monsieur.", "Oui, mademoiselle.", "Je comprends. "同"Au revoir."。其他的時間只係追字幕，總之就好悶係啦！有段時間都真係訓左覺tim。下次都係咪鬼學人睇d 咁有深度的電影啦~ 唉！


唔...做左d野，以為會開心，反而有d後悔同空虛的感覺。

又一日

今日居然我最早返工。

坐左兩個月的小巴，大部份乘客都記得上車就先俾錢的。有時有人唔記得，司機都會好直接咁講﹕「上車先俾錢呀唔該！」今日小巴中途上左一個男人，佢冇上車俾錢喎！個司機同佢講﹕「用唔用八達通呀哥仔？」忽然覺得個司機勁呀！有用心去做野嫁喎！呢一句婉轉得黎又可以提醒到個客要俾錢先。

放工坐巴士，有個阿婆同埋個後生仔坐係我兩邊喎！咁就呢一班人上車的時候，一陣好強烈的異味係我身旁不遠處傳出。由於呢個站好多人上車，有個男人拎左２大袋唔知咩上車喎，我都唔好意思估你邊個啦．．．呢個唔係臭蛋黎嫁！係ｄ『宿宿臭臭』的味道。我諗可能係太多男人的『男人味』掛，於是我盡量忍受並唔好表現出黎有幾難頂啦，費事人地embrass ma。點知我身邊個阿婆鬼咁唔識做，佢不單止用手掩鼻，仲不時望住我！喂！阿婆！你唔係以為係我傳播出黎嫁ｏ下話？！我懷疑ｄ男人都未懷疑到你，你居然咁對我！？我盡量唔同個阿婆眼神接觸，費時我忍唔住怒睥佢～　後黎，我隔離個後生仔佢個手臂貼住我手臂，仲熱熱地！我猛然醒覺，可能係我隔離的係一隻狐仙！-.-"最後兇手就梗係捉唔到啦，過左一個難頂的巴士旅程。返到屋企換衫，仲梗係形住d咪就咁high左黎我件衫度，即刻拎去洗！