補課

今天工作只剩下一點點，其實的都不太趕，趕的東西deadline也順延了。

中午跟evelyn在討論勁爆的消息。同事anthony聽說成了isabella ematch的成功例子。根據線報，好像是上個月南丫島行山之行內，有一個女生跟他有意思。當我問anthony是不是有好事要跟我分享時，他說他"Just want to have a gf"。真的是shocking news！大陸旅行時，他才說他獨身8年，覺得還是獨身的好。雖然有很多女生追他，可是他一個都不喜歡，而且也不打算要找一個女朋友。今天聽到他這樣說，真的傻了眼。是什麼讓這個以獨身自傲的男人，忽然的改變了？那天沒有美女呀！我都看過相片了。不過當事人還是否認了拍拖，否認有了有意思的人。

放工去上唱歌課，選了盧巧音的舊歌『垃圾』。阿sir說我整體表現算是升了一級，可是還要需要訓練穩定性。這次吊鐘跟聲音的texture很不錯，只是不夠自然。

回到家跟leo談電話。他這幾天不知道是不是太累了，整個人都沒什麼精神一樣，話也變少了。說著說著，他居然告訴我一些他一直都沒有跟我說的事。邊聽著，我也沈默了。這些事應該一早就跟我說的，不應該是現在才說，讓我有一點被騙的感覺。大家都靜了下來，不知道要說什麼才好。結果，說要給時間我消化、想清楚而掛線了。這些日子我也累了，不想想太多，想要先睡覺，明天再說。再收到他的sms，說對不起，因為最初他沒有跟我坦白。我除了回應他之外，什麼都不想說了。

租樓 VS 買樓

沒上大陸

由於工作做不完，我跟SSA說了今天我不上大陸了。整天都沒什麼msn，都在忙。

星期二中午跟miranda又吃了lunch，到附近的maggie cafe，食物很一般。她沒有什麼news update我，都是說她的舊男友的事，上次我都聽過了。不過我還是由她說，她喜歡說就讓她再說一遍吧！而我，也是update了她我跟leo的一些事。反正她也只會說我的個性太冷淡，他的個性太熱情。情況若果原改善的話，不出幾個月，就會散。我也不知道要怎樣點答她了。

今天居然收到她的email，說那天lunch聽了我說的事，覺得leo對我真的很好，有點妒忌了。哈哈~

再OT

冇錯！今日又係好忙。負責要做幾個SIT test，但係我都未做自己果d，其他同事做緊佢地果d野先就黎搵我要我幫手。其實support其他同事都要用時間嫁ma...唉~

結果我仲係返唔到唱歌班，打去話星期五補課，又繼續做。做到差唔多8點幾，就走，搵埋leo一起返屋企。他有把手呃戴在身上。而且下午我說笑要check他的sms，看看是不是有9個女生在跟他聯絡。回家途中我說笑要check，他真的拿出來讓我看。看完sms，再看通話紀錄，逐一解釋這個是誰，打來幹什麼。其實聽到一半我都沒興趣聽了，我根本就沒有想要聽，只是拿來說說而已。而且有心要騙我的話，一個紀錄、一個人名，能證明什麼？就算是真的有鬼也會說謊呀！所以我check他通話紀錄是沒有意義的。sms也會delete的呀~

不過看見他很高興我會check他的sms，又覺得他挺可愛的。那有人喜歡被人家check手機的呢！？

又OT

進入左忙碌的一周。今日八卦左一個上午，下午先努力做野。本來應該同manfred去食好野o既，不過都係留返d時間開ot算啦。做到差唔多時間，就走simply bread度買個包去上堂。一買就買左兩個包同埋一個cake，行過7-11，聞到咖喱香，又忍唔住買左魚蛋燒賣食，仲有買左一排益力多，因為想起某人ma。呵呵呵~

上堂時食呀食，結果只剩下3支益力多同埋個cake拎返屋企。上堂又係左耳入右耳出，果d notes真係抄黎都冇用，又唔係考試，又唔係做果行。聽過有d瞭解就算啦~

放學時先黎落雨。

悶悶的

一返工，就好多野等住做。真係從未試過有5樣野要我做。早上收到uwants calvin的『遺書』，同八卦o既author、阿vee傾左成朝。下午先真係開始做野。放工都OT到7點半做緊d野先走。

之後我都係想去尖沙咀行一行，想話買返d t-shirt去camp穿同埋買下衫返工。點知出左mtr見到落晒大雨，都係轉頭去左旺角新世紀。行左一round，特價係有，but 冇咩邊件arm心水。9點幾肚餓，想話月尾，係窮嫁啦！都對自己好d，一個人去明將食返餐壽司啦！點知一個人搵位都要等。真係激死！算數，返屋企食公仔麵。

leo夜晚約左同事去飲野，同佢傾phone傾到佢電話冇電。到佢叉完電12點幾，就打黎傾多陣先訓。之後佢玩到3點幾，走時sms我，返到屋企又sms我。不過我訓左覺，都唔願起身reply返佢。

book屋

由於怕terry佢搞得唔好玩，所以我同author同埋阿vee都插手入去搞915的camp。今日下午就應承左一起去睇屋。本來terry約我早上一起去睇電腦展o既，不過我唔想咁早起身，所以都係下午先見面啦。

睇左集『轉角遇到愛』，又急急腳的出門口，一定遲到。約2點，我2點40分先到。阿清、author同terry係酒樓飲完茶。我地就一起去信和搵埋阿vee，睇左幾間店。之後去左朗豪坊的仙跡岩度，邊食tea邊討論。我食左好耐冇食o既脆豆腐。傾左一陣，都係book返尋夢員o既二樓+三樓連天台，都係千九蚊。裝修係差d嫁啦，不過我地玩一晚o者，唔洗咁高要求啦。另一間裝修好掂o既要成3千兩層，冇咩必要俾錢買裝修o者。

搞完都5點，散水！今晚話左返屋企食飯。本來leo話黎幫我捽藥油o既，因為打羽毛球時我整親隻手。不過我諗佢都好累嫁啦，都係唔好叫佢黎，捽一捽，又要同我食埋飯，慳返個錢啦！我搞掂時打俾佢傾，原來佢之前話去過果度就係尋夢園，好似話唔乾淨喎！指裝修o者~唔係果味野。anyway，都落左訂，而且都唔知會唔會訓覺，唔緊要啦。

傾到返屋企就收線，佢太累了，沖個涼，飯都唔食就訓左。一訓就到第二朝。本來話夜d訓醒打俾我，結果我都冇打俾佢，費事嘈住佢啦。

紀念日

今日係一個特別o既日子。leo佢本來係放假o既，但係忽然有job要做，所以都要返工。約左佢放工黎我屋企附近見面食飯。

而我又忽然地尋晚俾阿brian同阿清約左。佢地話想人少少3丁友去唱k。之前brian先話有個女仔好似對佢有意思，而家阿清又同佢唱k。唔知會唔會係阿清約佢去k，而佢叫埋我去做電燈膽？！嘩！阿清都鬼馬啦...

我3點先去到唱k，唱左首『逼得太緊』，mickey同阿清又讚我啦！有感情喎~ 呵呵！不過我係想練o既！因為我報左兩個比賽都係用呢首呢！食下野傾下計，5點鐘就走人。阿清同brian送左我去火車站，佢地又去行信和，睇定camp的屋。聽講佢地好似之後同阿小全全同kitty食日本野喎。

我急急腳的坐火車去九龍塘又一城o既cova度，買左3件cake。上次保險經紀kitty請過我同阿妹食，覺得幾好食。我都係買返上次食果三件咋！一隻係唔知咩tiramisu tart，最好食o既peanut唔知咩，同埋另一件sacher。又急急腳的返屋企，不過都係遲過leo。

我地去公園搵個地方坐低，就做正經事啦。先係佢今早send sms叫我幫佢買o既『孖煙通』！嚇得我，唔係佢驚我冇準備就提我買份野俾佢掛！？所以2點到左旺角，走左去先施度買。本來manfred提議去ck嫁啦！不過我買左禮物嫁啦ma，仲買ck 會唔會太貴重呀？！所以係先施買平野。不過最令我頭痕，都係究竟買有鈕定係冇鈕，有鈕安全d，定冇鈕方便d。仲有leo明明得27, 28腰，做咩要指定買中碼，成30-33寸腰o既boxer?真係唔明。

anyway，我唔想買藍色格仔咁傳統，所以我買左一條祖紅直條，同另一條白底黑波點。haha，點知同佢穿緊果條同款唔同色！我果然有taste呀下！

之後就送我真正o既禮物，就係superhorse手呃啦！leo睇到個袋就呆左望住我，話估到係咩。原來佢記得我初初問過佢like唔like帶呃呢！呢個係我果隻。




















之後就食埋cova cake，留返件俾阿妹。就離開好多蚊o既公園，去左食拉麵。差唔多就散水。

今晚leo都睇落幾開心呢！呵呵~ 不往我o既心思。大成功！

Happy friday 都係一般happy only

下午開始都有幾件urgent野做，忽然個場又死左，又要睇點解。一時又話個客有野要check。唔理咁多，唔洗ot就得。

6點幾我就忍唔住要走出office。星期五晚實在太想早d收工，加上manager又唔係度。去左旺角食街頭小食，呢果間辣魷魚，同埋隔離o既炸魷魚球。上到去阿sir度，原來俊文上緊單人堂，之後就到呀rebecca上單人，先至到我地d 小組堂。因為上次颱風我冇上到堂，今日黎補返。今日狀態唔得呀！唱左辛曉琪o既承認，一黎唔熟，唔記得點唱，工黎個聲texture唱唔返wed咁。

填左報名表，去參加兩個歌唱比賽。參賽歌曲我選左『逼得太緊』。上次有次唱到阿sir話好，我諗成功過一次，應該會比較易去練掛！

呀connie個妹問我地chemistry要讀d咩。佢地個個都讀唔成書，邊有人話到俾佢知。結果佢地黎問我。大佬！十幾年前我chemistry讀咩，唔好話我唔記得，就算記得，都out晒syllabus啦！問我都傻o既~

9點幾完左，就返屋企。今晚同leo傾phone，我大概都捉到佢做咩唔開心。=.=" 唉~

返大陸

第二個星期返大陸。上次因為我早到、懶醒，自己係麥記度坐到8點半先落去等阿飛，原來阿飛一向係坐8:20班車o既！所以今次我就再早些少，費事要佢遲左就我。

去到公司都9點幾。同d同事講聲早晨就坐埋位。呀明霞問我係咪住得好近，點解咁早就返工。haha，我係就係住得比較近，不過我都唔想咁早返工嫁！其他同事差唔多10點先返，我早左成個鐘！都係因為想有人陪我一起返工ma，就人早d都要啦。

特然俾個同事問我一條關於system的問題，死囉！我都唔熟嫁ma，即刻icq問isabella同埋evelyn，搞左成個上午，我自己都明晒先敢去答人。但係佢都係唔係好明白。好！我俾d時間你自己慢慢諗。

今日anthony, alex 都係度，食飯時有傾下計咁。我仲係同simon傾計多d。6點阿飛就黎叫我同埋其他人走先。我就偷雞早走半粒鐘，同simon佢地一起坐公司車走。anthony仲未走呢！佢又話今日都試下坐去深圳灣口岸o既。

過左關同simon一起坐B2巴士到天水圍西鐵站。因為今日我要去美孚同uwants朋友仔打羽毛球同壁球。simon約左朋友8點半食飯，仲早，想話叫我陪佢係元朗行下。我入得元朗黎就要出返去，唔好搵我遊車河啦~

我去到美孚仲未夠鐘，去左買pie & tart食d野打底。原來terry佢係pccw的員工，而pccw有自己的體育館。我地就係去果度打波啦！squash同badminton我都有打。不過打羽毛球時右手開始痛，可能係太耐冇打，用力唔識用，下下反手整到手腕同手指果度痛。10點打完大家一起去左食糖水，傾下去camp d野。不過一到11點我就頻睇錶，太夜啦！聽日仲要返工，今日周勞動都好累。而且leo仲未訓，佢要等我返到屋企先會訓。咁佢咪又唔夠訓囉？！

結果我都要12點幾先返到屋企，leo仲係心情低落，我真係好鬼怕去cheer up人地，由其係我都唔知佢做咩事。

承認 - 辛曉琪

放工後又去唱歌。今日阿sir話我狀態大勇，掌握到吊鐘位，只係唔熟練。唱歌時我唱辛曉琪o既舊歌，承認。

阿sir話我聲音的texture好好，又唱到吊鐘位，good呀！but 感情同句子的對比起伏就差左d。下次再努力啦！

9點就完左，打俾leo，睇下佢返左屋企未。原來佢冇去學詠春，不過同friend去買野，等埋我放學。近黎佢心情唔多好，工作上有壓力，而且好似有部份係因為我。?_? 我完全唔知自己做錯d咩喎！點算？

設計堂、瞌眼訓

又返工啦。跟住就放工。(返工冇咩好講ma)

同manfred約左去金水度食壽司。呢度d野都ok，我仲食左個南瓜雪芭，埋單時又......又貴啦！唉~

上堂又係冇咩好講。阿sir一埋黎睇我份巧課，就知我畫到唔合比例。4百呎屋仔，又床又sofa又電腦又書架又衣櫃係個主人房，d野唔畫細d邊畫得晒o者~ 你知我貪心嫁啦！

跟住我太累，一訓就訓左幾個字。放學拿拿臨返屋企訓。

3小時靚湯 + 3小時tea time

星期四早就說定今日拎sick leave，因為約左中學同學mandy同alice 食tea傾計。而我都樂於休息一日，順便做d野tum下人開心。

一早8點就起身，媽咪幫我買晒所需的材料，我就一手一腳的開始係佢指示下，做出今日一定要成功的靚湯。湯名......我唔知。材料......有佛手瓜、有豬『展』、有粟米、有紅蘿蔔、有蜜『早』。份量......我唔知。

總之就一開始就係洗乾淨d血淋淋o既豬『展』，切開佢細細舊，就放佢入滾水度滾熟。之後就切紅蘿蔔、粟米同埋佛手瓜。紅蘿蔔批皮、切片，厚度要適中；粟米met皮、斬件；佛手瓜就考功夫，批皮時佢有d坑紋，要同刀撩嫁！仲有就係佛手瓜有d唔知咩o既汁液，一切完，成手都hai晒！洗完手都係咁，好似脫皮咁，d皮膚一塊塊龜裂。最後就將果5粒蜜『早』切開一半。
















當d肉熟晒時，就拎佢出黎過冷河，洗洗身。之後就真係可以煲湯啦！先煲滾一大煲水，再放晒d材料落去。大火等d水滾起，之後就可以轉細火，煲佢3粒鐘。

呢個時候我就去做我室內設計的功課同埋上網傾下計。等到1點半，夠鐘，熄火。而家係最關鍵的時候啦！動作要快、思想要敏捷、味覺要敏感！就係要做調味啦！聽聞我老豆上次幫手調味時，落得太多鹽，結果咸死人。辛苦左幾粒鐘，如果死係呢度就真係好唔抵。不過我當然係順利過關啦！

之後就落樓同mandy一起去花都同alice 食tea傾計。一傾就傾左3粒鐘，到5點先走。女仔坐埋都係傾下工作呀、感情呀、結婚呀咁。在坐除左我之外，都快要/打算結婚。聽左好多野。alice 係好耐冇見o既，佢都係同以前一樣講野緊張時會碌大對眼，笑聲又係咁清脆......。算啦，我唔識形容啦。反正就係同以前一樣。

散會後就返屋企，坐左一陣，男主角就黎到屋企附近啦。拎今日的製成品俾佢，佢話好好味呀！原來佢媽咪成日都係滾湯，一個鐘就搞掂。佢都dap得出呢d湯係煲左我3粒鐘嫁！呵呵~ 飲完湯同佢去食飯，之後周圍行下傾下計，就差唔多say bye lu。

聚集期

尋晚傾電話傾到3點，今日又傾。

從未試過傾足一日電話，原來係咁辛苦o既！(呢度講呢度散)

翔天廊 + 頂泰豐

威逼左mandy陪我下午去機場走轉。因為想買份禮物，小白話mega box有或者機場有。尋日mega box搵唔到，今日就入機場搵下。

入到去食左burger king。相比於星期二食的triple O，當然係triple O好食D，個包又大d，多料d，當然都貴d啦！食完我地就向2號客運大樓果邊行，原來果邊都有個food court，仲有板前tim！早知去呢邊食啦！我仲未食過板前呀！

走左一個圈，終於搵到果間係adidas斜對面o既shop，款式唔算多，but我覺得都ok好睇。起碼唔係潮流特區果d 普通款。一個鐘到，搞掂左今日的任務，就去填埋抽獎卷，返屋企。

返到屋企arm arm好同屋企人一起出去黃埔食頂泰豐。之前成日坐o既van仔都係通宵van，而家先發覺d van仔用晒按鐘，唔洗講邊度有落，好似巴士咁按鐘就有得落。

imax harry plotter + 大發現

今日一早搞埋之前有問題個PS，就懶懶散散的過，但求準時放工就ok啦！因為夜晚同manfred約左去睇harry plotter 3D版。

放工即刻趕過去九龍灣等車。leo就打黎傾，傾到戲院先收線。我同manfred去到時都開左場，我地買個工文治入去食，俾錢果時我拎左張人民幣出黎，好『魚』。不過我因為唔記得要執荷包，得返人民幣同40蚊港紙，好在夠找數。

個3D harry plotter都係一般，個劇情太簡單咁，搞到好似如來神掌咁就打完。不過都幾大段3D都算抵o既。完場我同manfred坐一坐等人地走先，就俾我發現‥‥‥

坐係前我地一、兩行有個肥肥地的背影同好熟悉的shirt衫箭豬頭。我邊走邊盯住，果然真係咁橋！就係coleman同佢女朋友！之前一直唔肯講係邊個，而家俾我撞到正！佢地仲要唔知我見到。一睇完佢女朋友就挨係佢shoulder度，情深一吻！！！嘩！超興奮！

一出門口，我就同manfred去food court度食d野。我急忙的打俾evelyn，因為上次佢見到coleman係我地公司樓下等人時就即刻打俾我，我當然都要話佢知個女主角係邊個啦！跟住我地勁笑。不過我冇打俾isabella啦！因為coleman一向都覺得isabella太八，so 都係唔好up。轉頭我就send個sms 俾coleman笑佢。轉個頭俾我發現佢坐係好近我的位置食野，佢應該係發現左我嫁啦。不過最怕佢以為manfred係我男友。

走的時候走去同佢打個招呼，就拉manfred兜一兜mega box睇下有冇禮物買。不過好多都收左檔，而且都搵唔到有賣禮物的店。於是我地就走人，呢個時候coleman先睇到我個msg打黎，問我幾時發現佢！haha！

anyway, 之後同manfred打左次mario kart，就各自坐巴士返屋企。係車度又同leo傾phone。佢因為我聽唔到4次電話，而有d唔開心。=.="

內地工作 + 中學同學聚會

6點半就起來梳洗，今天是回蛇口office工作的第一天，我約了阿飛在屯門一起去。7:30出門，8點就到了屯門，比約定時間還早了半個小時。我到了mcdonald打nds 太鼓之達人，時間差不多來跟飛見面。我們一起坐B3X 經新開的西部通道，過關後再乘taxi到office去。

9點半回到公司，主動的向內地同事打個招呼就坐下了。內地的電腦實在太差了，慢得很。最嚴重的是一但接駁上usb就hang了。幸好電腦上有source code，而我整天的工作都是在看海，看code海。時間都在icq跟msn上渡過。中午跟阿飛、simon、alfred、desman、還有一個誰吃飯。Simon昨天聽見rorris取笑我，就向我打聽了。下午時間過得超慢，也沒什麼人跟我談天，悶得慌了。幸好我帶了電話的recharger，可以聽歌了。

5:45 阿飛走過來叫我一起走了。可是jones明明說要留到6:30呀！我很猶豫的拒絕了。不過他再問我幾次，說jones不會check的，而我想萬一他跟simon都走了，我就得自己一個人回香港了。於是還是跟他們一起早走了。沒想到一天沒做什麼都那麼累。回到香港跟媽媽報個平安，又跟leo談電話，一直到我到達沙田。

今晚跟中學同學有個約會，主要是教pure maths的miss tang不做老師了，而且9月頭就要移民到澳洲去。我進到利苑酒家時他們都吃了一點了，各人都在說話，當然還是慧妍跟綺薇最多話說，兩個人自顧自的說話，我坐在她們旁邊邊吃邊聽的。miss tang一幅幸福少奶奶的樣子，在座的6個女生，5個都有自己的歸宿了，就只有我還在尋找。羨慕倒是有的，可是我大概沒她們那種好命！

一直談到十點半，其實我很累了。大家都各自回去，我、綺薇跟Mandy都是同路的。而且綺薇的男友跟leo是在同一家公司工作的，所以我們站在火車站談了一會。趁她們兩個都在放假，我們相約好再聚會談天。嗯~ 我已經2-3個月都沒有請過病假了~剛好手上的工作急的都做好了。呵呵~

唱歌班

其實有多少人能在自己的工作上得到成功感呢？大部份的工作都是沉悶的，不像當警察、消防員一樣，每天都在拯救別人。工作完成所帶來的喜悅跟滿足是有限的。剛出來工作時，就是因為還年輕，可以作多方面的嘗試，所以都在轉工。工作ma，當然是要找自己喜歡的、感覺快樂的、不routine的、薪酬合理的呀！可是隨著年資的增長，我們都應該意識到世界沒那麼完美。也許找到一份你覺得可以做得來的、薪酬合理的、沒什麼不愉快的就可以了。工作ma，都是為了生活。

工作完後去學唱歌了。好像可以有點運用到head voice了。快快的唱了『逃避你』就閃人了。因為阿sir他又在大發他的論調，浪費了我不少時間，最重要的，是讓leo等了我很久。

Triple O's + 上堂 + Ming's bday

工作有d忙碌。幾個月前做好的PS 而家先俾內地同事發現有問題，所以要再改。另外testing果度又有d難題。成日都忙忙地咁。最慘係一早俾唔知咩人拉左入個『澳門尋歡聊天室』！睇個名我以為係講去澳門招妓添呀！閉關左個msgbox，轉頭有人講野又彈返出黎，就係唔知邊個cheap精係咁add 人入去個room度。不過係果度遇到3個係我msn上有名的人。

11點幾收到小全全電話，問佢搵我咩事又話冇咩事。咁我只好講去唔到佢同kitty搞的飯局啦！原來佢係我公司附近，問我究竟係邊一幢。我答左佢之後話我都有排都未lunch，你係樓下都冇用。就收左佢線。

放工後約左manfred係尖沙咀海港城個citysuper度等。我去試食Triple O's o既 BC Burger，而佢食富久保的手打烏冬。BC Burger我覺得都ok，夠大，好飽。除左有一舊我唔食的酸瓜之外，其他野完全ok。不過食時整到一手一面都係。manfred就話個果烏冬好一般啦~不過我聞到八爪魚丸就好香。之後上堂有功課做，但係我都打晒喊露。

完左同manfred行去hung hum坐車，其間陪佢買左對converse。我對converse已經好耐冇著過lu。邊同leo傾電話邊走去坐van入黃埔，今日約好左同阿ming慶祝生日，我入到去同author會合都11點，author冇咩野，一黎就幫我拎手上的袋同遮，邊走邊說笑，唔似失眠脾氣唔好。去到果間bar真失望！原來閒日冇人唱歌嫁！而且佢地都冇計傾，各有各玩，冷落左生日果個主人家。本來同author分開坐，不過佢可能見到我悶悶地，就轉埋黎同我坐。我催促佢地食埋個蛋糕等我可以趕尾班車走人。佢地就話玩夜d都得，我唔想出返旺角坐van仔呀！見到阿ming同佢心儀的阿靜毫無進展，我都幫唔到佢咩手。阿v讚我今晚好lady，well，平時我少打扮o者~ 呵呵~ 12點我就拉author一起走，佢陪我去到九龍塘。返到屋企搞埋d野都快要兩點，即刻訓。

無事

今日過得好平安無事。係早上收到leo send sms黎話我知天氣潮濕，叫我小心跌襯，骨質疏鬆好易整親。唔知點解我覺得佢當左我係老人家，天氣潮濕會風濕翻發咁。

工作上沒什麼事。放工後回家居然係最早果個！睇下劇傾下msn咁又一日。

留白

星期六跟星期日的日記，我選擇學一學『暗戀桃花源』裡的小劇情，原弄一個留白！haha

本來11號晚是要看流星的，可惜颱風的蒞臨，我的活動被迫取消了，可是也是玩通宵了！！keke

颱風的下午

早上才是3號風球，還是要上班。可是lunch後聽說會轉掛8號！實在是驚喜！本來颱風都離開香港了，想不到會轉過頭回來！2點多就很多人msn互轉消息，我也沒心情工作了，只等著8號風球的懸掛。

邊跟author及gary hung說話，原來gary hung的同事待會去唱k，也有問我去不去呢！lunch時跟leo談電話，他的同事都早就收拾好，準備離開了。電話中他的同事叫我『da姐』，多難聽！

3點半聽說掛上8號風球了，leo sms說來接我放工，我打電話給他卻不能接通。大概是太多人打電話了，線路jam了。我就自作主張的不等他回家去了。不過在金鐘塞了半個多小時，人十分的擁擠，我差點就要被推跌了。終於跟他聯絡上了，原來他也坐車回家了，因為如果他送我回家，卻沒車回自己家就慘了。haha！反正回家也會msn。

到家沒多久就收到阿清的sms問有沒有人去唱k！？天呀！我才剛剛那麼辛苦的回到家，不會要我再出去吧！當然沒有人肯出去呀！大家都好不容易才到家的。

終於看完了『東方茱莉葉』，可以看『轉角遇上愛』了。leo常常催我要快看。

你還記得愛情嗎？

很好聽的一首歌。我個人比較喜歡聽一些感情很濃很重的慢歌，辛曉琪也是我喜歡聽的歌星。這是梁祝舞台劇的主題曲。

你還記得愛情嗎(音樂劇[梁祝]主題曲)

作詞：易家揚　
作曲：潘協慶　
編曲：洪敬堯

愛那麼輕　蝴蝶一樣飄來飄去　
我們的事情　遠的再也看不清
往事光影　多美麗　讓我半夢半醒　
什麼都沒了　可是記得　你的心

心不能停　我怎麼捨得眨眼睛　
往回看過去　過去還沒過去
時光暫停　我和你　
誰比誰更入戲　
給我一滴眼淚　讓我可以想念你

好想再問你　你可還記得愛情　
有多努力　試圖蒐集些回憶
你好嗎　在時間河流　孤單游來游去　
別丟下情人　往前進

我聽不到你　那一年說的我愛你　
我很想聽　但是世界不安靜
聽淚水變成雨滴　
慢慢的變成一場雷陣雨　
我聽見愛情　轟轟烈烈死去

方死人唔知 - 成效

一早就係msn度打『每早一電話，天天心情好』，當然好快就有人中伏。author跟阿vee都在問，之後小全全都問了，gary hung還不停的send 失戀歌詞來說笑呢。

晚上阿清也攤開來說了，她還說author真的對我有點什麼，說了一點例子。那也沒辦法，雖然我感覺到他知道之後，在生悶氣，好一陣子沒有跟我說話。就算我逗他說話，他還是用很倔強的態度。

coleman十一點到火車站帶回來了我的wii，我邊跟leo談電話邊等coleman。不知怎的，說什麼都還leo不開心，也許是我很混亂吧！author對我真的很好，很害怕失去這個好朋友﹔可是另一方面，我不可能不說讓leo一直都在忍耐呀！這樣對感情不好。

唉~ 反正就係唔可以既有author呢個知己，又有leo。

方死人唔知

早上10點就收到leo的電話！出乎意料呢~

中午吃完飯就打電話給他了，因為我昨天答應了呀！談了半個多小時，同事們都回來了，就不方便再談了。

明天是要上蛇口的office工作的，可是本來要跟我一起去的男同事忽然不用去了，結果就遺下我一個人去。那可就麻煩了，我可是第一次正式到內地office工作的呢！沒人帶著去會很不安。其他同事都說坐taxi會危險了點，leo也怕我自己回去不安全，打算請病假陪我回去。(太誇張了吧！) 不過後來manager說今個星期就豁免了，下星期四才去吧！good！而且明天一定是打風了。打風不成三日雨，濕濕的上班還要回大陸會很慘。

晚上leo不用上詠春，免得他等我上完唱歌班太久，我還是跟老師請假了。他OT要8點多才到我家附近，所以我去又一城逛逛了。其實想買一樣東西給他，只是有牌子的挺貴，又不知道那個牌子好，所以只有看看了。8點多在家附近跟leo吃了拉麵，再送我回家。

又談了一些正經的事，又是他很想公開，而且前陣子再約我吃飯的男生，今晚msn問我覺得他怎樣，所以把他逼急了。再說我又真的很不懂事，他問我我們那一天開始的，我還在看我atom上的calendar，想來想去。他說他把日子跟時間都記下了，本來女生做的東西，他做了。=.=" 我媽在我旁邊都幫leo來教訓我...唉~

行了行了，我會方死人唔知的在msn寫一些話，招來八卦的朋友，再說出去的，雖然這樣就不能享受別人追求的優越感了。

暗戀桃花源

又係邊返工邊跟leo sms到放工。lunch原本想打俾佢的，但係又怕唔知講咩好，都係冇打。

放工都過左6點半，約左妹妹係文化中心度等，我就急急腳去尖沙咀。尋晚係mtr度傾phone時成日都收唔到，所以都唔打俾leo住。點知就收到佢sms 問我係咪上緊堂。咁我就打返俾佢啦，聽到佢把聲好似都係唔多開心咁。傾左少少，我就去star buck買d野食等阿妹一起入場。2個半鐘冇中場休息，睇完都10點，好累下。

上到火車又打俾leo傾phone (佢叫o既...)。主要就係佢覺得我好似冷淡左咁，一句到尾，就係我唔夠熱情，佢唔安心囉。講笑話lunch又打俾佢，放工又即刻打俾佢，佢就吃吃咁笑啦。=.=" 我都話佢好simple好純嫁啦~ 幾易tum~

暗戀桃花源套劇一般，最好睇都係佢地扮老妝果時，連聲都變晒！真係唔知佢點扮o既。但係成個故仔的意思，又真係唔係咁易睇得明。妹妹買左本創作特刊，要瞭解一下。

咁樣都幾累嫁

返工好忙，今日要交一份estimation，中間仲要開左會兩個鐘，邊做得切！好在今日係可以OT。同leo sms左一陣，佢好似唔多開心。打俾佢，電話又去左留言。放工打去傾，又收得唔好，問十句答一句咁。

其實都知知地咩事o既。咪就係小全全囉，前排問我拎左電話，打過黎約我食lunch，我唔出去。尋晚bowling篤波後，msn度撩我吹水，又話我變態，但係又講佢like變態的。講左俾leo知，佢一定呷緊醋。另外佢忽然地提，問我地811睇流星雨時用咩身份出現係大家面前。我心諗，之前又係佢話佢知女仔鍾意俾男仔圍住，係為左我開心而唔係純綷因為佢唔想講。『唔係純綷』即係佢都係唔想講啦！到而家又話想俾人知。我知呀！開始知驚啦ma，想要宣示主權。我梗係留難下先啦！咁佢又唔開心，覺得我真係唔想俾人知。結果返到屋企果然收到佢msn的msg。大家傾左成晚，算係講清楚啦。不過佢仲係有少少唔開心。

講真，放工咁累仲要花心機同敏感的男仔周旋、tum佢開心，其實都幾辛苦幾depress的。不過鬼叫你enjoy佢細心咩~ 細心的人通常都對好多野敏感，但係成日都唔開心、要人tum，真係令對方幾累嫁！

Bowling + 篤波

9點幾，收到leo sms，唔reply住，再訓到咁上下，12點到先起身。食個lunch梳洗一翻就要出門口。今日約左friend去打bowling同埋篤波。

去左淘大bowling，我估係個設備太差，所以我碌3個波先當係一球，我拎左好多個全中同補中呀！有14x分！之後去左酒樓食飯。食完飯又去左篤波。今次學都係唔係好識篤。11點到我就走lu，返屋企訓覺。

話咁快就走

訓醒都日上三杆，大家執埋d野，就出去食lunch。食完lunch，去影下相，就坐船返屋企補眠lu。

*************************************
有人埋怨我唔講d野tum人，又話覺得人地鍾意我多過我鍾意人地。well, well, 仲話我成日搞爛gag！-.-"

不過我冇問到佢有幾鍾意我定係鍾意我幾多果d問題，佢話佢個個女友都實問，點解我唔問。大佬呀！我之前夠問啦！個個男友答d答案都咁行，我自問自答都識啦，問黎把鬼！(我當然冇咁講出黎啦...) 不過我係沙灘度諗爆頭都諗左幾個浪浪地的問題嫁！盡左力啦！

『如果我同你係不能說的秘密內的男女主角，你會好似jay咁返黎廿年前搵我嗎？』(冇可能會答唔會掛~)

『如果我畫把遮係度，你會想寫邊兩個名係遮下面呢？』(梗係我同佢個名啦！唔係的話想俾人斬死咩~)

最後佢都係唔滿意，覺得我呢d講得太假。(=.=" 我都冇法子嫁！)

*************************************
不過經過今次都close左d，比如我同佢分享左我細個成日同妹妹嬲住被扮公主，haha，佢又係度扮『參見公主』。

夏天我同妹妹一起沖涼時會拎水槍入去射蚊。

有人扮青蛙時，我扮蚊。同埋我扮romeo時逼佢要扮juilet。

好多超級低b的野出現，平時佢咁cool的外表係睇唔出佢會做d咁低b的野o既。所以我先話佢cute呀！

最後我仲逼佢影相，影左兩張佢一向的型格相，仲係係我強烈的要求下，影左一張港女動作的相片，超搞笑~

大八卦！

今日返工完全係冇心機，因為星期五黎啦！放假啦！可以玩啦！


原本今日要交的estimation，有2個都delay到tue先要交，所以好輕鬆咁發下呆等放工。星期一再努力做啦！


放工後leo就黎接我放工，因為今日同埋一班朋友去camp。佢係地鐵站等我，買左個蛋糕俾我食，怕我肚餓。(很貼心哦~) 由於朋友都入左camp，我地兩個入去join埋佢地。係船度你一啖我一啖咁食左個cake，聽下歌咁，去到都夜了，睇唔到日落。


入去camp度放低d野，就大伙一起出去食飯。食食下飯時evelyn打俾我，問我九龍公園泳池d野，之後話我知佢見到coleman 係公司樓下等人收工！！嘩！勁爆news呀！咁快coleman就搵到女仔拍拖啦！之後jojo又打俾我話我知有工offer，叫我睇下佢個email。


食完野去7-11買左支酒，我之前飲過diamond black，同埋一隻唔知咩水果味的vodka。今次試左另外兩支，我都唔知叫咩名，不過都幾好飲，好似peach味。飲完就行去沙灘坐下傾下計，睇下星星。之後就bbq的bbq，唔係就入返屋度打牌。眼訓訓左幾個鐘。


















就係去呢度啦！

早點睡

忙著工作，星期五有5份estimation要做好，我可不想在星期五OT哦！可是太累了，中午忍不住睡了一下。同事見到我的飯盒有冬菇髮菜，說很像過節呢！

今天leo放假，下午就在msn內陪我說說話。我好奇的在google輸入他的名字，找到了兩個有他資料的網頁，就是說他游泳拿獎，還有什麼社會服務獎之類的。我覺得很搞笑，就拿來問他了。沒想到他說不喜歡別人揭他私癮。這算什麼私癮呢？只是中學拿什麼獎而已，我在網頁上看到自己中六標語創作拿獎的網頁還高興的咧！

天蠍座的男人就是這樣，對自己的事情給別人知道很不舒服，說什麼沒有了神秘感。這有什麼好神秘的呢？我還巴不得向男友說光我自己的事呢！算了。天秤座的人著重分享，天蠍座的人著重隱私，早就知道了。跟他道個歉就沒事了，不過感覺就跟jeff一樣。不用猜，又是不喜歡公開關係的那種吧！想到這裡，失落感很重，情緒低落，就跟author 在msn上『借個shoulder靠一下』。

放工leo打來談電話，一直到我到家。吃過飯又在msn內談天。阿清、阿v跟我約好了在9月她們生日的月份，一起去clubbing見識一下。雖然leo早就說不喜歡我去，可是...再說吧！

阿ming打來約我跟他的朋友一起慶祝他的生日，當然沒問題了。

早放學

上班很累，下午眼睛就很乾很想睡。撐到7點馬上走，去上唱歌班。今天只有我一個女生，所以我先唱，可以早點下課。選了梁靜茹的『可樂戒指』。

9點半到了尖沙咀，leo 9點學完詠春，所以打俾佢，咁我地可以早d返屋企，點知冇人聽。當我係mtr度行行下的時候，隔離喂左一聲！嘩！原來佢arm arm買完野飲就見到我行過。行緊去kcr時佢遠遠的撞見佢兩個師弟。

今晚時間ok，佢返到屋企都係12點幾，唔算好夜。

秘招

今日同大家分享一招tum人開心的絕招，我係幾個星期前係火車度學返黎o既。

話說一個內地媽媽同佢仔仔坐係火車的座位上。小孩子ma，當然是好動愛玩的。他拿了一張不知道是什麼卡片，在檢來檢去的。忽然他把卡片弄掉了，媽媽當然就微怒，一邊在找一邊在說他。結果當然是找不到了。媽媽在罵他的時候，他對媽媽說了一句話，就讓她不怒反而開心的笑了。

你猜他做了什麼？

他纏著媽媽的手，頭靠在手臂上，再說﹕『媽媽，我喜歡你。』

哈哈！我相信這絕對可以在激怒男女朋友的時候大派用場！