『和平、理性、安靜』

我覺得也許是我的中文退步了很多。起床看了報紙，圖文並荗的說著昨晚的集會。

『和平、理性、安靜』的集會？！我真的要翻一下字典，看看是不是我搞亂了什麼是 『和平』、『理性』跟『安靜』了。有人說警方對著手無寸鐵的市民用過度的武力，可是立法會內的也是手無寸鐵的市民呀！集會的人滿口髒話說著挑釁的語句，搶過警方的鐵欄。這樣的行為嚴重的威脅到立法會內的人的安全呀！如果我是鄭汝華和曾任權，我也不會出來跟這些人說話。想要溝通，先管好自己的情緒，先管好自己的教養。再看那些人，他們只是要表達訴求嗎？不，他們是藉著事件來洩憤。

聲明中說得很正義，他們要為不公義的事情站出來。那我倒想他們告訴我他們的公義是什麼。昨天是他們先衝擊警方遭到胡椒噴霧的對待，還是警方先攻擊他們？他們還怎麼可以厚顏無恥的說那是一個『和平、理性、安靜』的集會 ？！怎麼可以說他們受到過份武力的對待？！可悲的是那些年輕人以為說幾句髒話、做些激烈的行動，就是爭取民主。還是他們以為聽他們的就是民主，不聽他們的就是擦鞋、官商勾結？

昨天我在家工作到凌晨1點，工作間聽著電視的報導，媽媽跟我說幸好我沒去集會支持高鐵，否則可能會受傷了。 在FB看到我表弟說要去參加反高鐵集會，我不知道他最後有沒有去，有沒有受傷。

看到FB內有些朋友表明了反高鐵，忍不住重新的審視他們。有個學生說每個香港人要給一萬蚊，太貴了。有些人還很自傲自己有參加那個集會，好像參加了什麼重大的社運，會名留青史一樣。

雖然不應該把氣發在身邊的人身上，不過我還是忍不住向我家唯一的反高鐵份子諷刺幾句。

反高鐵．停撥款大聯盟

公開聲明

2010年1月16日

一個和平的集會、一個卑微的訴求、一萬個以上市民的呼聲，竟然因為問責官員曾蔭權和鄭汝樺拒絕和群眾交代，為何在數以萬計市民以和平理性的形式要求政府撤回高鐵撥款方案，但卻被一小撮橫逆民意的保皇黨議員強行通過的情況下，演變成為警察以暴力清場的混亂場面。

在立法會外集會的市民，以苦行的方式包圍立法會，是公民抗議立法會不公義議決的合情、合理、合法行動。我們的行動，一直堅持和平、理性、安靜。但警方在事先全無警告的情況下，一開始便以對付暴徒的手法，使用胡椒噴霧對付苦行的朋友，並且以防暴隊和機動部隊粗暴清場，不少市民已因此而受傷。原因只有一個，就是由市民公帑供養的政府問責官員不肯向市民交代，由納稅人支付薪酬的警察以暴力對付市民。

我們希望傳媒可以客觀報導事實，讓全港市民知道真相，清楚認識我們全無認受性的政府的真面目。

在暴力面前，我們不會退縮、不會畏懼，在荊棘滿途的未來，仍然會堅持信念，一步一步，保衛我們的家園，建立我們理想的社會。

睇到份聲明真係好鬼搞笑囉。既然係一個咁和平、理性、安靜的集會，只係為左表達卑微的訴求，咁當訴求表達了，結果不如意了，都請和平的散去啦？ 但係佢地冇喎！衝擊鐵欄，圍堵官員，佢地想要的要不了，就發爛"乍"。跟坐俾人鎮壓就話自己幾咁慘，冇攻擊性的市民俾人用胡椒噴霧襲擊。大佬，你唔攻擊人唔搞事，警察點會攻勢你呀？！佢唔洗寫REPORT呀？唔洗俾人照肺呀？根本佢地就唔冷靜又唔理性，輸打嬴要，佢地係容納唔到唔同的聲音的。唔係用粗言叫問候，就係推野、掟野。有睇新聞的人都見到佢地幾咁激動，都仲可以出聲明話自己和平冷靜，仲要搏同情！

真係頂佢地唔順。

高鐵之爭

好明確的表態，我支持高鐵興建。

支持的原因，當然係非常的同意我地香港係背靠中國。我接受唔到我地香港跟中國大陸缺乏了聯繫，怕會因為冇左鐵路的效益，將來香港的發展會拖慢。我覺得冇人會否定香港未來係靠大陸帶起呢個IDEA吧！

對於反對派，真係十分的厭惡。當然90%厭惡係因為佢地帶頭的社民連議員，長毛、毓民。之前果D掟蕉呀、粗口呀、衝擊中聯辨都已經係新聞每報一次就罵佢一次嫁啦。今次反高鐵其實最初我都冇點留意，不過見佢愈演愈激，先至有認真的睇下人地D文章，雙方的意見。睇完我都係支持建高鐵囉。

社民連所講的咩可以有另一D選擇，提出一個平成半的計劃，將個站起係錦上路。好多專家都話唔可行，根本佢就低估左成件事。詳細論點唔講啦，要知好易就搵到。但從呢件事上面，我覺得社民連根本就係廢話連篇，反對還反對，咁你提出一個更好的方案呀？提得出大家唔會話唔討論嫁！結果就係吹水，錦上路要建的野又估小左，要收地收多過菜園村又唔提，佔用現有鐵路令到果兩條線飽和又唔知。呢D野只要搵MTR的人俾意見就好易知嫁啦！起個站有D咩配套要用幾多地等等。結果D專家話如果起係錦上路都要用500億，你睇下社民連幾識誇大其辭！佢地根本就冇睇過個方法可唔可行，只係想UP D野出黎阻礙事情的進展，根本就冇實質的建議出黎。

再者一般市民識咩叫貴咩叫平咩？！其他國家起鐵路要用幾多錢你知唔知？老實講我唔知，我只係同意鐵路的目的唔係要收支平衡。平衡到係好事，但佢的任務係令地香港同中國的聯繫更緊密，係帶黎機遇同商機的。你地有冇計埋之後籍著鐵路，為香港經濟帶黎的繁榮？當然冇人話一定會繁榮，但係有D野你冇做，就一定冇，做左就可能會有。點可能唔做？拎600億去派俾弱勢社群又點？錢冇左就係冇左，未來同以後點算？而且香港唔係冇對弱勢社群做野，夠唔夠就另一回事。

再者，睇下同佢一起反對的果班80後。我都唔知佢地係咪有諗清楚D野的，定係當係搞嘉年華咁人去佢又去，行動愈激愈開心。D陰謀論話成個計劃係益左D發展商，因為D地佢地一早買左。咁個高鐵的效益就只係俾錢入地產商的袋？查實成個香港經濟好，人人都受惠嫁啦！人地發展商錢多，賺多D你又唔抵得？情願花500億起係錦上路，D商務客要再坐車等車先去到市中心，咁唔方便的安排，唔通又會覺得咁樣好？情願鐵路的效益減低，都唔要俾D地產商賺錢，實行兩敗俱傷？！

睇見D人集會果時衝擊警方，我就覺得佢地完全係俾果隻長毛帶壞晒！一向我都好憎好似台灣果D議會咁成日搞是搞非，而家個長毛就係搞到咁。D人成日覺得要用激進的方法先可以表達意見，要衝擊警方先表現到自己的堅持？！我覺得佢地都係暴民囉！果個陳巧文佢郁警察，拉左，出黎仲要話其實係好少事，係警方小題大造。咁仲有皇法O既？係襲擊就係襲擊，我理得你係表達意見定係針對警方。我冇見到事件的發生，但見到果班人衝擊警方個樣，我信係佢地失控，而唔係警方有問題囉。

再講呢個問題都討論左十年，政府洗左咁多錢去做研究做咨詢，先得出呢個方案。而家就話人地唔可以搵過另一個地方咩？唔可以唔咁起咩？大佬，人地搵晒專家睇晒你又唔信人，你又提唔出咩可行的方法，咁即係點？即係全心搞事啦！根本你就係唔信任政府，因為其他種種對政府的不滿，就借機係度反對。真係咩都反嫁！睇下班80後，輕易的就附和佢地，真係好悲哀囉。個個學晒佢地咁激烈行動，又係好悲哀囉。叫政府遲D先決定，叫人地研究另一個方案，人地研究左十年先出黎可行的你唔信，咁你想點先？咩專家都搵晒你又係唔信。

前幾日睇報紙，長毛叫司徒華，唔同意佢反高鐵就出少句聲。都痴線的，如果係咁，我夠可以同長毛講，你唔同意建高鐵，都唔該你出少句聲啦，發神經！爛仔一名，我完全相信佢係做SHOW搵飯食。上次詹X忠EQ低左俾毓民罵到興，我都好想話毓民﹕『死債仔，呃飯食搞屎棍行遠D啦！』