四腳蛇 + 初體驗 + 7月聚會

上午又係我check email睇報紙的時間，正係度打緊blog的時候，見到視域的右上角有d野一閃而過，連忙抬頭睇o下，點知居然係一隻好大好大的四腳蛇。同office的男同事都毫無反應，我都不好意思大叫，考慮著用不用告訴佢地。不過原來一位同事都見到了，大概係度8年，都見過唔少『老友』啦掛......

放工約左大學同學聚會幫7月生日的同學慶祝。我先到了集合地點，仲有半個鐘。找個地方坐低，繼續聽我的mp3。call 佢地睇o下佢地記唔記得同去到邊，果然...係...漏左山雞。前幾日我都有呢個預感嫁啦！因為之前我係叫gary搵佢的，而我自己因為要買禮物都要搵佢，結果gary以為我會問埋，我又以為gary會自行問佢，擺左個烏龍。只好同佢say晒sorry啦，下個月同eric一起補返啦！=p

由於位於新文華同元氣對出，心想不如試o下上唔上到網。開左個wi-fi，發現到都有兩個network係冇set到password嫁！真係多得樓上office d人冇set password，等我可以上網。hehe~ 上左去openrice度睇返一陣食野果間的食評。第一次電話上網成功！！

等埋人去左泰豐廔度食，食返上次食果個餐，再叫多幾碟野。結果同叫個6-8人餐差唔多價！-.-" 不過就食左個網友話好食的山東燒雞，我覺得都ok。但係如果冇散叫，我地可以食魚、蝦同鮑片嫁！>_< 失策！Carrie睇左份禮物，佢話都幾鍾意幾靚呢！不過真係要改長度，鬼咩我arm arm好佢就一定係長左嫁啦！

席間sherman提到我個新電話好大好重。唔...都係嫁，對比起一般電話黎講。但係呢個係pocket phone喎！應該係同d pocket pc比o既~ 咁就唔算大啦！係我帶埋個keyboard出街先至笨重o者~ 但係我覺得都ok喎！而家日日都聽mp3，上之係婆婆屋企冇野做時又玩左uno同埋學korean, japanese，同妹妹鬥快睇地圖搵上海酒店地址，我都係用個電話呢~ 而且，我仲係個機度做我的financial report，嚴密的控制我的支出，係公司用usb叉電同裝program，係屋企用返火牛黎叉。^0^ 我覺得都方便同值o既~ Good Trial!

談﹕台灣女人

與其說台灣女人不敵外籍新娘，倒不如說台灣女人自願從婚姻中除役

經常大嘆「好男人都死到哪裡去了？」的女人，看到以下這個最新統計結果，恐怕要喊得更大聲了。根據內政部資料顯示，民國九十二年一整年結婚的十七萬三千多對新人當中，竟有超過四分之一的外籍新娘！

更令女人吐血的是，愈來愈多的案例顯示，選擇外籍新娘當牽手的台灣男人，已從多半是從事勞力工作的「中低收入」男人，擴散到醫師、大學教授、竹科工程師等「高學歷、高收入、高社經地位」的男人了。外籍紅粉兵團正施展著花拳繡腿攻佔台灣的婚姻市場，台灣女人被打得節節敗退、潰不成軍！

到底，外籍新娘好在哪裡？聽聽樂在其中的男人怎麼說吧。

振國是某私立技術學院講師，身為家中獨子、年逾四十、頭上已經童山濯濯、依舊與父母同住的他，一年前赴越南相親，半個月後娶回年紀少他一半的美嬌娘。現在，他一手抱著剛出生的胖兒子，一手摟著年輕貌美的老婆，滔滔不絕地宣揚外籍新娘的好處︰「越南女人勤快、乖巧，我媽說東她不會往西，不會頂嘴，不會有頭痛的婆媳問題。平日家事一手包辦，泡好茶會必恭必敬端到你面前，哪像許多台灣女人，不愛生小孩，交往時抱怨你不夠溫柔浪漫、不懂她的心，聽到婚 後得跟公婆住就吵鬧不休。」振國對現在的生活讚不絕口，他說︰「每天下班後有熱騰騰的飯菜吃，家中老小有人照顧，晚上有人暖被，一家人和樂融融！」

看著振國說得一臉眉飛色舞，我也看清了一個事實——不論社會風氣如何進步，許多台灣男人對婚姻的期待與需求，和半世紀前比較起來，相去不遠，滿足「性」與「傳宗接代」兩項主要功能即可。

對許多期盼高品質生活的女人來說，淪為「傭人」和「生產機器」的婚姻，哪有什麼好稀罕的！
朋友莉娜前些日子回南部老家省親，被家中的那堆女性長輩嘲笑︰「人家隔壁阿忠娶回來的大陸妹，長得沒妳好看、大字不識幾個、也不會賺錢，可是人家有家庭有老公有小孩，妳沒有。」長輩們還喟嘆︰「現在年輕女人，競爭不過外籍新娘！」莉娜說︰「一點也不羨慕外籍新娘，因為娶外籍新娘的男人所能提供的婚姻，我一點也沒興趣。」

於是，我有愈來愈多女性朋友選擇看淡婚姻，把全副心力加碼在自己身上，心無旁鶩地馳騁職場，花在讀書進修與抗老美容上頭的錢絕不手軟。她們成為高學歷、高職等、高收入的「三高」女人，下廚純粹是為了取悅自己，談戀愛只當是一場經歷。

與其說「台灣女人不敵外籍新娘」，倒不如說「台灣女人自願從婚姻人肉市場中除役」。

聚集期

今日下午同朋友食左lunch，再去買埋聽日送俾carrie的禮物。之後就上左婆婆屋企等食飯。個電話俾我聽左幾個hr的mp3之後，得返一半電。打左陣nds，都差唔多去食飯。

舅父話我之前篇野引黎好大爭論喎~ 咁我都略有所聞。但係之前同老表傾過、係forum度同網友傾過、再係中學同學的newsgroup度傾過，都係得唔出咩答案。總括黎講，佢地都係覺得女人係男女關係上考慮到錢的問題就已經係貪心貪錢。不過有邊段愛情係唔洗錢嫁？拍拖又好，結婚又好，咩都係跟生活跟現實有關嫁啦！十幾歲細路仔憧憬住唔受現實影響的愛情，都仲可以體諒。不過廿幾三十歲了，仲想住愛情係唔需要考慮錢的問題，未免太天真了。難怪會話出左黎做野的女仔現實，讀緊書的女仔最純。咁究竟係女人面對現實，定係男人逃避緊現實呢？

總係覺得女人追求自己想要的生活，就唔應該。應該要滿足於男人所能提供的『三餐溫飽』。對一個男人的要求，只要佢餓你唔死、又唔係打家劫舍，女人就該知足了。聽起黎真係好怪，這是基本好不好！有的人想要更多，有的人這樣就好，本來就是個人的選擇吧！這個選擇有什麼對跟錯之分嗎？

有人追求更高的職位，有人滿足於當個小小員工，就是人覺得志吧！你可以說是誰有錯嗎？就去選那些跟你追求同樣的東西的人就對了。普遍來說，那些男人都是覺得現在賺的夠生存了，就該好好的享受人生了。這沒什麼不妥。有不妥的就是什麼才叫『夠了』！當女的『夠了』比男的『夠了』標準還要高，就給罵了。

就是覺得他們容不下別人不同的想法、不同的追求，最重要的還是覺得自己追不上那個追求，自卑或不屑追求，然後就態度惡劣的評擊異己了。

讓人欣賞的男人，即使不同意，也不會評擊異己，只少要有容人之量。當然還是那些對自我要求高的男人更好吧！

在家vcd + 冰皮

今日又係vcd的日子，一早9點幾就醒左，大概係朝早屋企人出門口時嘈醒左。得我一個人係屋企，又訓唔返，就睇vcd了。睇埋個『小遙17歲』，都ok啦，之後就再睇『鬼嫁日記』。係呀！好耐嫁啦！之前download左我未睇ma。所以睇左先呢而家。

差唔多1點果時就開始整冰皮月餅。我特地去買左個月餅模、芝麻餡同芝麻醬，務求想做到好似大班果隻咁，會有d黑芝麻醬係中間。睇左好多食譜都係要自己溝粉，為左減輕難度，所以我買左現成的冰皮粉。用左3分1，加埋d糖同埋溫水，變左好似整糯米池果時咁。為左想個皮有d黑黑地，d食譜話加芝麻粉o既~ 不過我費事買，所以加左兩pat芝麻醬入去。好香呀！放入去蒸。點知蒸完就心知不妙了。因為個皮實在係太黑了，好似d芝麻糕咁，d人仲話應該會變成粉團。我覺得真係一pat芝麻糕。照樣包好，印埋模就雪入雪櫃。

夜晚拎出黎同屋企人分享......-.-" 個皮真係好un，咬唔爛咁，個芝麻餡就一般，都係d芝麻醬最香。最後我都係決定唔食d皮，只係食d 餡。

要去forum問o下人，下次再試埋果3分之2的粉！

忙裡偷閒

今日睇左多套超女生男孩跟少男系女生，真的很誇張！居然可以這麼像！而且愈看愈帥~

都睇到有呢個原創空間 ，想創作的朋友可以去呢度碰碰運氣。

還有，今天search 台灣男生的網頁看看，看到一個台灣男女的辯論，也是說男人娶外地女子為妻，台灣女人現實等等。香港男生常常說別地的女生就不會貪錢，就很溫柔，其實也不是吧！而且又有說及港女的眨意詞呀！

*******************************************
那就是台妹是指條件差的女人, 不是指所有的台灣女人, 這就跟台客的意思一樣, 不是指台灣的男人, 而是指沒水準的台灣男人;

=> 港女也是條件差的香港女人，那些男人還在辯白說什麼代表全港女人。還有，如果一個名詞在每個人心中都有自己的定義的話，言語還有什麼意思？要怎樣溝通？！要罵人港女的時候，還是挺起胸膛，承認自己在罵人吧！狡辯說泛指全香港女人，也太沒種了吧！

*******************************************
這社會有極端現實的女生，所以會見面第一句問男人的薪水

不過樸實、單純、吃苦耐勞的女生，卻不是男人喜歡的類型因為她們很少打扮，不夠亮眼會打扮，很亮眼的女孩，需要錢的有的自己很會賺錢，但單身時還可以自給自足結婚後要幫忙負擔家裡支出，又是房、車貸，又是小孩教育費、又要給雙方父母所以如果可以找個薪水不錯的男生，自己需要負擔家計的錢相對變少因此可以繼續打扮，維持美貌所以女生現實

在乎錢嗎？或許吧，不過也可以說她們務實在年輕貌美時，有選擇選，她有權選擇更好過、自己更想過的生活很多女人現實(務實？)會在乎男生是否有房有車，哪怕是貸款如果沒房沒車，並不會因此判死刑，很多女人只想知道過了(年近)三十歲的男人如果沒存款，那錢花到哪裡去了？拿去投資或投資自己(唸書)也好，拿去幫家裡還債也好都比每天無所事事，不知道錢花到哪裡去，口袋空空的男人好一個有打算的男人，才是值得嫁的男人不然貧賤夫妻百事哀，再美的愛情都經不起沒錢的折磨

*******************************************

>>一個有打算的男人，才是值得嫁的男人
>>不然貧賤夫妻百事哀，再美的愛情都經不起沒錢的折磨

你這句話真的切中問題的核心了老實說，如果我的男朋友年紀跟我相當我根本不在乎我的男朋友現在有沒有錢因為男女年紀差不多，男生工作經驗本來就會少一點只是我會觀察，看他是不是一個對生活、工作，認真、努力的人如果他是這樣的人，我很願意跟他一起為未來努力就算他薪水比我少，就算他沒有房子、車子，我都沒有關係

不過，要我現在為了愛一個人，什麼都不在乎，那恐怕也有點難了這樣子算現實嗎？

*******************************************

我覺得男女雙方剛認識的時候, 女方衡量男方的"條件/實力", 不能說她們"現實". 這是生物本能啊!

在群體中, 實力最強的雄性獲得交配的機會比較多, 因為最優良的基因才會在 群體當中保存與繁衍. 這種現象在獅子猴子這種高等社會化的哺乳動物當中尤其明顯.

當然, 人比其他動物更高等. 但是站在女方的立場想, 在我對這個男的還不甚了解之前, 愛情或是麵包我怎麼選? 這個古老的問題, 99%的答案卻是一致的!女生在愛情與婚姻的路上, 要承擔的風險本來就比男生多. 如果真要討論"男女平權", 試問這裡的男生, 對於"婚後/產後太太要出去工作"的支持度到底有多少?

當一個女生-- 特別是條件不錯的女生, 包含外型或是自己的經濟條件-- 與男生相識交往進而考慮到結婚, 當她面臨"婚後/產後要放棄這所有的一切在家相夫教子"的選擇, 是什麼讓她下定 決心? 如果一個男人沒有條件提供一個穩定的環境, 照顧人家溫飽, 憑什麼要人家死心踏地的跟著你? 而我知道大多數的女生不求富裕, 只希望男人婚後顧家永遠不變心, 試問又有 多少男人真的能做到?

因此大多數女生在對未來, 對一切都沒把握的情況下, 是無法得到足夠的安全感的. 因而用現實條件衡量一個男生, 我認為並無不妥.反正我覺得男生只要努力將自己的條件充實/加強就對了啦!!

*******************************************

女人就是女人，那個地方的女人都是這樣想的！

又喜又悲

今日見月尾，去左食魚生飯lunch，可惜佢俾左兩塊豆腐我。點解唔係吞拿魚呢？同事多左一部scanner，話裝俾我，我就冇咩所謂，只係要搵個位放law，我個位都夠細嫁啦！

放工去左二德惠買材料，再去cake library買埋個模。萬事俱備，就只等weekend的到來，我的xxxx就誕生啦！哈哈！夜晚睇完小龍女，妹妹扔左個炸彈消息(唔好問啦...)！唉... 上newsgroup又......

都係同返朋友icq算啦！搞搞o下都1點了，聽日一定遲到。

白走一趟

今日返又係準時！(真難得) 不過我花左大半日都係係度搵食譜。將我想整同鍾意的食譜都搜集返黎。有d人真係整得好靚，好似日本買的cake咁！好羨慕~ My collection

放工去左二德惠買d用具同材料，想話今個weekend 試整一o下。點知拎晒野之後佢先話我知個工具要成$180咁貴，平果d冇貨。咁只好放返低晒d野law，唔係點喎~ 去埋信和果間睇，點知佢逢星期二休息。之後去左商務睇左陣甜品書就返屋企lu。

夜晚傾左陣icq，睇左2集日劇，睇埋d 野食網，邊度有咩貨，聽日放工再去買！

克羅地亞

Supervisor今日先拎出佢的手信，就係克羅地亞買的朱古力啦！都幾好食嫁！佢話果度正喎！歐洲地區，香港/台灣價錢。藍天冇咩雲，希臘係藍天白屋，果度係藍天橙屋，一樣好靚。佢住民宿就平d，HKD$500 雙人房。如果住酒店就真係要成千蚊嫁啦！而且佢honeymoon去食最好o既，佢話main course都係HKD$100 一個，平價！你知啦，歐洲食個hamburger都$60-80蚊啦。

另外果度有古蹟行，有d國家公園咁，去relax就good。而且近海，沙灘d水好清，好多外國人都去果度游水同曬太陽呀！不過女士就會覺得曬law，但係有海風吹埋黎好正，比起希臘的天氣好得多。因為希臘近赤道，熱得好犀利而且冇咩海風。

講到好吸引，我都想去睇o下係咪咁正tim~

累

今日第一日返8:45，我就準時到達啦！不過supervisor就遲。諗諗o下可能佢返另一個更數，八月先返8點幾。返工時間長左，做的野都係差唔多，梗係啦，我好識分配時間o既~ 呵呵~

搵左d食譜，想搵日試o下整，不過都幾難，又唔想o下o下出去租場整。樓下個青年空間而家有個廚房，唔知佢除左開班上堂之外，仲會唔會租俾人o既呢？如果會就好啦，唔洗去咁遠整。不過我都唔係青少年，租唔租俾我都成問題。

放工返屋企食埋飯都8點幾9點。原本係想去游水的，但係咁夜，去到游唔夠一陣又要走，都費事去了。而且咁樣返真係幾累，到時又抽筋就唔好啦。結果睇完神鵰上網傾陣計，計劃o下朋友聚會的時間地點等等，都夠鐘訓覺啦。

***********************************
搵野食果時睇左好多菜館，同埋朋友的意見。

我地應該會去呢間度食，泰豊廔酒家，上次我同ESA佢地食過呢~

另外呢幾間都想試呢~ 寫係度下次去試

汕頭澄海老四菜館 (1) --- 有任點任食

水車屋 --- 有自助餐都係任點任食呢~ ricky提過好似幾好食

Walls Thai Food & K Pub - 個環境好似都ok喎！

點解佢可以？

今日開始左為期一個星期的早返，返8:45。點知阿supervisor9:10先返到黎。點解？講明大家都係返呢個鐘數，點解佢可以返晏d？我又唔夠膽challenge佢喎！佢咁樣唔掂擋喎！

唔公平呀！！

惡魔在身邊

難得的星期六日兩天假期，我都係係屋企清碟。睇完廿集的惡魔在身邊。嘩！賀軍翔好靚仔呀！佢第一二集的惡魔笑容真係好有吸引力，抵佢叫做魅惑的王子。到後來的集數都好少咁樣笑啦，不過唔笑果時都俊嫁！不過就一般d咁啦！但係笑的時候又真係顯得肥d嫁喎！

楊丞琳都係靚同cute。不過我就唔喜歡佢最初果幾集咁特登去做d cute 樣，連佢媽咪都要做d cute 樣，真係有d受唔住。cute 都係平時動作流露出黎就夠了，特登去做就有d...那個了。另外源伊都好好呀！

而家搵緊佢之前拍的劇『愛情合約』，唔知有冇得睇返呢？

************************************
我都冇試過玩到好夜打電話叫男性朋友送我返屋企呢！諗住如果夜要麻煩人地送，不如就唔好玩咁夜啦！點知原來呢個都係手段黎嫁！而家d女仔招數咁多，唔怪得之我冇晒機會啦~
~>_<~

突然來找..

今日返工傾左呢個summer 的5 day work schedule。其實都唔係咩5day work，只係平時每個月返2個sat，而家改做1個，因為我地faculty dean 覺得sat始終都係要開。結果黎緊果個week要返8:45！！

差唔多放工果時yvonne打俾我，原來佢係附近，咁就約埋一起食飯。係中環見面，再坐船去尖沙咀度食。傾左陣計，就坐車返屋企。我有用個新電話同佢影相呢！不過講真，yvonne 真係太瘦了。雖則瘦係好令我羨慕，不過瘦到冇咩身材就唔係咁好law。唔！我要瘦！又要有身材！

係呀！我係貪心呀！=p

咁都得！？

Flash games

跑馬仔

好難玩

*********************************

估唔到而家d女仔咁鬼死猖狂，居然借醉行兇，又捉住人地手黎摸自己面，又挨埋人地膊頭度！咁open，........真係過份！

好似愈黎愈冇矝持！

*0* 真係...瘦左？

今日返工真係要做返d野啦！不過都仲有偷閒的時間，除左reply newsgroup之外，仲有icq。

知道左朋友的野，事情一如估計，都預左佢會心軟，口就講識左冇耐、太快了、信唔過，查實就已經痴心暗許，仲200%信任tim！-.-"

夜晚約埋朋友去游水，個池度好多人，亦都有訓練班。池水有d濁同埋暖暖的。不過我都有游左11個池。次次都係冇停低的去到對面岸嫁！近呢幾次游水都覺得面有d熱，唔知係d游池燈照落我冇塗防曬的面上，定係我『太大』運動量？不過運動量係有回報嫁！！一上磅，嘩！唔見左3磅？有冇壞呀個磅！聽朝起身再磅o下屋企果個confirm o下先！

hehe....我要更努力！！好似阿嬌咁，要減30磅！

最後一天、是日公休

今日係honeymoon的最後一天，聽日supervisor就放完假返黎啦！亦係我o既long vacation 完的時候了。因為聽日就要勤力做返野，今日我決定放自己假！ =p 就係咩都唔做，專心咁整我個電話。

成日都上forum度download d software同ebook咁。裝左好多呀！有地圖啦、有字典啦、有外語啦！仲有uno同中國象棋。下午有幾個鐘都上唔到網，因為和記果邊有事，其他同事都唔知蛇晒去邊，有一個仲話出去睇醫生唔返黎啦！(不過原來佢去買火車票，準備過幾日放假d野。) 鬼咩！個個都好似我咁想enjoy埋最後一日啦！我都係靠uno 打發左我唔可以上網果幾個鐘咋！

放工原本想去游水，但係尋晚訓得唔夠，我怕會抽筋，食完飯又唔想郁。都係留返聽晚啦！又再過片過mp3去電話度先！

最後兩天

新電話到手，尋晚都未黎得及瞭解佢各樣的function，就迫不及待的要帶佢出街了。今日成日都只係當佢普通電話咁用，不過我拎左本說明書黎睇。都幾多濕碎野要跟，所以都冇做d咩野。

夜晚係屋企就裝返d中文顯示同輸入法、睇d forum 搵o下有咩正software咁。裝左d d，睇埋『愛情魔法師』大結局就要訓覺了。完全都係唔like RICHI 因為仔仔鍾意可嵐，最後就同左佢一起。上一集先喊晒口同小貝分手，眨o下眼就同可嵐大結局。其他劇情都係想象之內。

Flash game

http://jr.naver.com/game/hangame/view.php?nid=28

Be a good wife


Good program

Sound Editor


九寨溝旅行

http://hk.geocities.com/sjsthm4/info.html

http://tour.scol.com.cn/009/001/001/022/

到手了！

今天放工去了尖沙咀海港城逛逛，在city super看見了小時候跟妹妹都很喜歡吃的瑞士蓮橙味巧克力片！雖然是很貴，也買了回家。在隔壁的書店看了一陣書，現在有這書本在做70%off的折扣！可是我也有很多書要看，算了。再到漫畫店看漫畫，等朋友的到來。

8點多才去spagetti house吃飯，吃了沙律跟天使麵，價錢跟套餐的價錢差不多。都幾貴。朋友食得好少，我包底，結果好飽。拎到我買的手提電話lu！！返屋企拿拿聲叉電，睇左一陣說明書，再睇多一集『愛情魔法師』，都1點了。最後一集仲係留返聽晚睇啦！

『愛情魔法師』

今個week係短週，都冇咩地方去，留左係屋企清碟。睇左183club的『愛情魔法師』，同之前的『王子變青蛙』相比，好好多了。畫面都冇咁舊，主角造型都冇咁老土。明道又係扮靚仔嫁啦！不過因為佢粗眉大眼包包面，跟我某表哥後生時的印象好似，所以我點都唔覺得佢真係靚仔law。反而呀王紹偉RICHI的角色討好，愈睇愈順眼！睇到第20集先發現仲有2集未download，唉~ 吊住條引tim。再check o下佢地之前做過咩劇，睇o下仲有冇得睇返呀RICHI先~

兩天都係屋企睇劇睇到天昏地暗，妹妹又怨佢個機慢睇唔到碟。叫左佢俾錢換嫁啦，又想要我俾錢換埋佢果部，有冇咁著數呀~

我很執著

今天看了朋友的blog，心裡有淡淡的哀愁揮之不散。也許他跟她都不介意這些，可是我卻很感慨。

最什麼什麼...

每次看到別人說『你是我最愛的人』『跟你在一起是最快樂的日子』『我愛你一輩子』什麼什麼的，都覺得莫明其妙的哀傷跟無奈。

一個『最』字，總是要比較之下才會得出答案的。現在的這個是你的『最愛』，那以前的女朋友呢？你不是跟她們都說過她們是你的『最愛』嗎？有那麼多的『最愛』，又怎能算是『最愛』呢？如果『最愛』是跟時間而流逝了，得到這個『最愛』又俱有多大的感動？！只不過是現在一瞬間而已。

看見一個朋友，展開了新的戀情，似乎感覺很好很愉快。我也暗自為他高興。可是看到他說『以前失去了自我』、『最愛的人』是現在的女朋友，感覺很複雜。找到新戀情是很值得高興的事，可是現在說什麼以前失去了自我、最愛的人是現在的女朋友，這是否定了以前的一段情嗎？當年他還萬分的後悔自己所作所為，失去了她生活像是沒有什麼樂趣似的。現在怎麼會把一切都推翻了？以前他說他明白兩個人相處是要互相遷就，也願意這麼做，現在卻說當時是失去了自我。對她，公平嗎？以前的情是過去了，但是回憶還在吧！回想那點點滴滴，那時候欣賞他的諒解，原來是剝奪了他的自我。多嚴重的指責！那段回憶、那時候的心情，就這樣輕易的被這幾句話破壞了。

他跟她說『你在我心裡永遠都是我的女朋友』。現在他對別人說，『現在的她才是我唯一認真的對象』。她的『永遠』轉眼間就變成了她的『唯一』，『永遠』原來不永遠呢！

『一輩子』更是嚴重。『一輩子』就是有生之年，既然說了一輩子愛她，為什麼又有一輩子的愛給另一個她呢？『一輩子』什麼什麼的，原來也不過是一瞬間而已。當然，對一個人要求『一輩子』是有點強人所難，可說話說出來如果只是為好聽而已，不俱其意義，那言語還就什麼意思？

感情完了，什麼都不留，只留下回憶跟當時的心情。讓這些能好好的保存在心裡到死去的一天不是很美嗎？

理性討論

『港女!!上網就係想識男仔!!隨便貼幅圖就信!!』

『請各版友注意。本谷主張言論自由，但請各版友保持冷靜克制，對任何話題應作理性討論，而非作任何針對或挑釁，以傷和氣。』

******************************

原本說『港女』這個詞是中性，我都冇法話你唔arm。要解作『香港女人』，忽略其暗貶之意係可以說得過去。但係請再睇返下最頂的一句，『港女!!』後兩句係貶意我諗冇人會否認掛！如果係呢度『港女』以『香港女人』黎代替，會係咩意思呢？

『香港女人!!上網就係想識男仔!!隨便貼幅圖就信!!』

如果只係泛指全香港女性而並無貶意的，又點會用感嘆號？你知、我知、大家心知呢句『港女』所含的係貶意啦！硬要話佢係中性，我都由得你，無謂拉得咁『行』。

再者我講野已經好克制啦喎~ 冇爆粗都冇惡言相向，硬要話我『針對同挑釁』，我都冇法子。我講說話的暗意就係『針對同挑釁』，人地講說話的暗意就可以完全忽略。公平？又係邊度學返黎嫁？

有人話最憎人地講「我又唔係讀理科>_<！」之類0既句式，ok，我講左，我say返唔好意思，令你唔舒服。咁又有冇人為佢講左句無厘頭令我唔舒服的說話講句唔好意思呢？

******************************
係嫁，我一向都係頂頸嫁~ 我講野串，都係嫁！你唔燒到我我唔會嘈你嫁喎！但係無原無故俾人話條氣就唔順law。再講，人地唔like「我又唔係讀理科>_<！」之類0既句式，我夠唔like『港女！』呢d句式啦！

睇返佢地之前post的『港女post』，有幾多唔係有貶意嫁？

誰挑釁誰，也看不出來嗎？

*0* 快啦快啦...新電話

今日除左同個netfriend傾計之外，都冇咩做過野，因為一時走呢邊一時又整果邊咁。朋友話幫我買新電話呢~ 有discount，聽日就有了，興奮興奮！！

想不到『港女』的題材真的是無孔不入，在我中學同學的newsgroup之內也掀起了話題。可是我真想不通，為什麼我只是把靚仔netfriend的相片公諸同好，卻被人說是『港女』，說上網識男仔，求其send張相俾我我就信。要說現在的男人太敏感、智商低下，還是太認真呢？我只是見到一張俊男相而開心一下而已，我有說我上網的目的是識男仔嗎？再說是他主動識我的啊！我有說過我相信這是他本人嗎？是與不是根本不重要，因為我根本沒法證明它的真偽。所以事情就跟我在街上看見俊男美女，驚喜了一下，再跟朋友說說分享一樣而已。

這又是港女的特徵嗎？這有錯嗎？欣賞美好的事物犯了罪了嗎？

現在的男人想法這麼偏激，要學懂如何欣賞他們，才是新世紀女性要面對的重大難題之一吧！！

I am falling...I am falling....

今日識左個icq netfriend。當我睇到佢icq photo的一瞬間......






OH MY GOD! I LOVE IT!!!
好靚仔呀！

雖然佢點都唔肯send相俾我，但係我都print screen左icq果photo出黎公諸同好。係佢細個時影的，真係好好好好好好好好靚仔......

I'm falling..I'm falling...
I'm falling into....love.
=D

訓覺

今日照常的工作，中午忍唔住食左咖哩雞飯，之後就飽到上心口，成個下午都打呵欠想訓覺。O2 Atom Exec出左啦！按住想買的衝動，都係聽朋友講，睇定d先啦！放工返屋企食飯，arm arm睇到高家阿咩戲院阿伯果度。令我回憶起果次果個霍元甲師奶！！之後再睇埋楊過小龍女就訓lu。

呀楊過細個咁肥，大個又咁黑黑實實，有少少老tim！而小龍女靚就幾靚啦！不過而家仲可以，楊過仲細ma，但係楊過一大，佢點演人地姑姑呀？要大十年嫁喎！個女仔個樣咁細路，點睇都唔似姑姑啦！仲有陳玉蓮同劉德華果個好。主題曲一聽就知係劉德華唱的，點知呀華仔fans (我父母)居然唔認得，仲要話肯定唔係。=.=" 點做人fans嫁...

大陸高考滿分作文：“誠信”漂流記

話說誠信被那個“聰明”的年輕人投棄到水裡以後，他拼命地游著，最後來到了一個小島上。“誠信”就躺在沙灘上休息，心裡計劃著等待哪位路過的朋友允許他搭船，救他一命。

突然，“誠信”聽到遠處傳來一陣陣歡樂輕鬆的音樂。他於是馬上站起來，向著音樂傳來的方向望去：他看見一隻小船正向這邊駛來。船上有面小旗，上面寫著“快樂”二字，原來是快樂的小船。
“誠信”忙喊道：“快樂快樂，我是誠信，你拉我回岸可以嗎？“快樂”一聽，笑著對“誠信”說：“不行不行，我一有了誠信就不快樂了，你看這社會上有多少人因為說實話而不快樂，對不起，我無能為力。”說罷，“快樂”走了。

過了一會兒，“地位”又來了，誠信忙喊到：“地位地位，我是誠信，我想搭你的船回家可以嗎？“地位”忙把船劃遠了，回頭對“誠信”說：“不行不行，誠信可不能搭我的船，我的地位來之不易啊！有了你這個誠信我豈不倒霉，並且連地位也難以保住啊！ “誠信很失望地看著“地位”的背影，眼裡充滿了不解和疑惑，他又接著等。

隨著一片有節奏的卻不和諧的聲音傳來，“競爭”們乘著小船來了，“誠信”喊道： “競爭，競爭，我能不能搭你的小船一程？”競爭們問道：“你是誰，你能給我們多少好處？”
“誠信”不想說，怕說了又沒人理，但“誠信”畢竟是誠信，他說：“我是誠信…… ”“你是誠信啊，你這不存心給我們添麻煩嗎？如今競爭這麼激烈，我們‘不正當競爭’怎麼敢要你誠信？”言罷，揚長而去。

正當誠信感到近乎絕望的時候，一個慈祥的聲音從遠處傳來：“孩子，上船吧! ”
一個白髮蒼蒼的老者在船上掌著舵道：“我是時間老人。““那您為什麼要救我呢？”
老人微笑著說：“只有時間才知道誠信有多麼重要！”在回去的路上，時間老人指著因翻船而落水的“快樂”、“地位”、“競爭”，意味深長地說道： “沒有誠信，快樂不長久，地位是虛假的，競爭也是失敗的。

信就是所望之事的實底、是未見之事的確據。 希伯來書 11:1
Now faith is the substance of things hoped for, and the sign that the things not seen are true. Hebrews 11:1

補祝父親節

因為之前mummy要返工，所以一直都冇食父親節果餐。咁今晚就去左鹿鳴春飯店 度食啦！訂位果時要到8:30先有位。去到果然好似仙宮樓咁冇咩門面的老飯店，但係真係好多鬼佬去食。我因為見d食評有推介好多樣野，但係乞兒雞又太大隻，4個人食唔晒，雞湯翅又太貴，半賣都要$580，所以我只有訂左個鴨肝，因為幾十蚊，又出名，個個都話咩入口即融ma。另外仲叫左北京填鴨、三鮮湯、賽磅蟹同埋唔知咩豆腐。其實食飯時間已經過左，都冇咩胃口，所以好多都食淨。北京填鴨真係好多人叫，排晒大隊咁，我大大話話都睇左十幾隻鴨走左先到我地有得食。都ok嫁，唔算好肥啦。個賽磅蟹都幾滿意。但係個鴨肝就......都唔覺點樣入口即溶，最緊要係我食唔慣內臟的味道呢~ 所以係咁易食d就算lu。大家都太飽，食唔到拔絲蘋果同拔絲香蕉。不過我見好似都幾多人食拔絲香蕉，因為見住d waiter拎左好多次蕉入廚房。

埋單都唔算好貴。阿妹見到今次係上次母親節的一半價錢，居然仲話仲可以去食多餐！-.-" 你俾細份就梗係啦~ 真係好鬼死識搵著數。

仲有係火車度出去果時，媽同阿妹傾緊d暗瘡問題，點知坐隔離果個女人忽然俾張藥方過黎！原來係治暗瘡的野。都唔係咩藥，係d 野煲埋一起d水，飲左就又白又滑咁喎~ 結果阿媽成個車程都同個女人傾計。

Some websites

港台e-learning - 學日文、韓文同英文

MMORG game

間碟game

舊同事食飯 + 唱k

今日放工去左中環同班舊同事食飯，去左娛樂行的皇廷匯度飲茶。我見都幾多野食，有d我都未食過的點心。不過查實我好耐都冇飲過茶啦。邊食邊聽佢地講近況，最緊要係上次冇見過的emily，而家係入境處度做，講o下去捉翻版果d啦！至於adrian，又係一個典型的男仔呢~ 佢用讀書為由，quit左呢間公司，點知居然冇讀書，休左半年，而家係星島度做。半年光陰就咁就冇左了。不過星島大公司，應該都唔錯掛？ 仲有年半到我都要搵工了，唉~

之後我就去左旺角同mandy唱k。唱左d新歌，不過都係因為唔識唱要跟住伴唱唱呢~ 水準都係未回覆，唉~ 見到mandy 的sweet sweet相，影得佢ok呢~ 不過另一個變晒肥仔。太恐怖了！

我決定唔再去miniforum度呢！因為都係d冇咩質素的會員，我唔要再去果度傾計呢！浪費我d時間。=p

女人的錯

香港有質素的男人真的愈來愈少了。最近於網上論壇及網友交談中，經常發現一些很奇怪的現象。就以香港男人北上娶妻為例，很多男人都責怪女人要求過高，才導致男人北上求賢妻。盛讚北方佳麗溫柔可愛易滿足，咒罵香港女人野蠻及貪慕虛榮，終會全變老姑婆。

對男人北上娶妻，作為香港適齡女性，我並無任何異議。但面對他們的指責，感到非常詫異。生活於香港，女性學識較高，能力亦被肯定。自己條件優厚，對另一半的要求高，亦是無可厚非。但若因此而遭到男人的咒罵，則未免過份了。就如做生意一樣，我標價售賣一件貨物，買家出價過低，我不賣，這是我的自由。即使到最後貨品無人問津，損失我自己承擔。就如婚嫁，若女性要求過高，終會自招苦果，又何用受人唾罵？反而男人能力不足，滿足不到女人要求，更要加以詆毀一番。把自己能力不足的事實，歸究於女人要求過高之上。薪水於祖國足夠養妻活兒有餘，於香港卻不足以照顧家庭供養父母；北上娶妻得到優越感，留港自卑感頓生。祖國跟香港生活水平的差異，居然轉變為女人被責罵的原因。這樣的男人，又如何能委身下嫁？

男女婚嫁，原是雙方自願。若香港女人要求過高男人吃不消，北上娶妻亦不為過。但以『吃不到的葡萄是酸的』的態度，則未免心胸狹小。男人有選擇的權利，女人亦然。

好人占卜 - 準！

我 好人卡3張 中！

● 在異性眼中你具有很特別的魅力，不過你是夢多浪漫主義者。總是在心的哪裡，要求雄壯的冒險的類型。所以還是難逃好人卡的攻擊，3張奉上。

● xxx さんの必殺技は、パロスペシャルです！

**************************************

朋友 好人卡2張 都幾中！
●你天生就很有異性緣，在異性眼中你具有很特別的魅力，不過很遺憾今生還是注定會得到2張好人卡。

●xxx さんの必殺技は、かめはめ波です！

前男友 好人卡10張 絕對同意
● 你的缺點不昰長像，而是你的個性，你無法給你的對象一總可以依靠的感覺，加油~多多努力

●xxx さんの必殺技は、ウインク100連発です！

我妹 好人卡30張 哈哈！舉腳讚成！

● 覺悟吧。去死去死團是唯一的家，歡迎加入。

好野醒醒你！

HSBC smartpoints 又有$20百佳coupon送，去網址度睇一o下理財介紹就可以了！聽日deadline啦！

姑息養奸 - 心情低落

今早係我人生中又發生左一次唔開心的事了。d男仔成日話邊得黎咁多男人非禮人，但係真係有咁多嫁！自從畢業果年開始就一直都冇再遇到呢d事，但係今日...唉...

返工時上火車，犯人就已經係車入面，身穿深藍色T-shirt、黑色西褲、背住黑色斜咩袋的四眼廿幾歲仔，係我隔離。火車好迫，幾個站人上人落後，犯人就企左係我後面而我唔知。忽然有d野掂住我patpat，最初以為人逼都係人地d野掂到我，所以都冇理。但係有次我feel到有人的胸口貼住我背，我先知有個人同我企得咁埋，頓時醒覺貼住我patpat的可能唔係普通野咁簡單。觀察左一陣更加肯定，因為只要我稍為移動，佢就移開，過一陣又貼上黎。我都唔知點好，只好移下又開d移o下又開d咁。隔離的阿伯佢開始留意到了，狂bear住個男仔，令我更加確信佢係值得懷疑的。心想要回頭開口串佢，定係直情捉住佢報警，定係點。最後我只有回頭望究竟係咩野貼住我。佢隻手係西褲內，根本就冇拎住d咩，果然係..............！係我做左呢個動作之後，佢當然的收歛了，係九龍塘就出車走了。

雖然我唔係蝕左d咩，外表都冇咩野咁，但係心裡一直係度諗我要點做，幻想點樣落佢面。偏偏就係冇法行動。就係咁，我又放過左一個危害女士安全的男人。

姑息養奸，我都唔想嫁！！！勇氣唔係咁易有，害怕的心理都唔係咁易刻服嫁！！！嗚......

游水

今日放工食完飯就去左游水。已經有兩個多星期冇游啦，不過都係要的起心肝游o既。9點先正式游，估唔到咁多人，d水仲係暖tim。一開始游左兩步就踢到人，我往後望say句sorry...bububububu...沈左落去。-.-" 即刻游返去池邊仲咳左好多次呢！魚到爆！ 不過之後我都有游左10個池到啦。但係都係好怕對腳扯住扯住咁。

球愛可人兒(She's the Man)

放工去左佐敦果間漫畫店度睇左陣漫畫，等埋朋友去左新世紀food court度食d野先入場睇『球愛可人兒(She's the Man)』。我只係食左碟油菜咋！因為下午食左大餐魚生飯定食仲俾人窒呢！果個d位好窄，咁我食緊果時有3個中學生拎住好大的書包坐埋係同一張table度。佢地一邊講野一邊指住我杯野飲問係咩黎o既，因為唔係問我我都冇答佢。點知轉個頭個死肥仔係度單打我！

『一個人食野都食咁慢，慢吞吞食雲吞』

嘩！點教仔嫁？咁冇禮貌o既？我都係俾錢食野嫁ma，女仔食得慢好出奇咩？真係，都唔知咩學校的學生黎o既。

原本係睇『鬼域』的，不過好似『球愛可人兒』的影評超好，所以都係睇左呢套。真係好好睇呀！極力推薦！男主角真係幾靚仔呀！而者女主角Amanda Bynes 男生打扮好正！真係好似cute的肥仔。第一次見佢變左男仔果時真係認唔出，都以為係搵另一個黎拍的，但係眼有d似。雖然冇成場都係度笑咁誇張，但係都好多笑位。不過我隔離個女仔真係好誇張，初初開始我都未笑佢就haha咁大笑仲典晒身咁呢！朋友隔離個女仔又係，笑到離晒譜。

成日發白日夢果時都有發呢d咁的橋段。即係睇完slam dunk覺得流川楓好型，我就會幻想某日我女扮男裝入左佢地同一間學校入埋藍球隊，打得好過晒佢地仲同流川楓好鬼死合拍。=D

有野食

今日mandy去完macau返黎俾左盒手信俾我......老豆食=p 多謝先。

原本夜晚去睇戲的轉左聽晚先睇，唉，waste晒我一番心機穿高跟鞋同裙。返屋企睇漫畫算~

繼續『蛇』係屋企

尋日今日都係屋企過，都係睇o下comics同埋動畫咁啦。睇完左一套日劇叫做『沒用的男人』，well，唔好睇啦...仲有就係拆左我手作仔1號了。俾呀網友Mummy彈得咁犀利，保持左兩個week就拆左佢了。睇黎真係要報返個course認真d學o下先得呢~

原本諗住完contract時個granuity會幾和味，點知尋日一計...真失望。忽然覺得好有逼切要增值自己，唔係到時冇人請我咁就死！

另外妹妹又去人地屋企整左d 餅返黎。次次都係整呢個款，佢唔厭我都食厭啦.... 屋企又冇焗爐，唔係我都可以自己整呀！黎緊我想整一個蛋糕，我想整...栗子黑森林鴛鴦蛋糕呀！hehe..自創o既。

香港濕地公園

今日約左robin同佢教會d朋友去濕地公園。其實之前聽到佢話開幕果時都有提過同屋企人去，但係佢地興致缺缺咁。我自己一個去濕地公園度join佢地，因為佢地坐西鐵再轉輕鐵入去，如果同佢地一起去，我就要用多成個鐘了。坐276A去天水圍，總站好近濕地公園，不過就好多人等車。入到去arm arm好，見返上次見到果d人，好多我都唔記得名了。等齊人就入場，外觀上都幾唔錯，我見到都好多人係度影相。

入到去先去睇左個introduction video，成個discovery channel咁，不過影得d野都好靚。之後就分開左黎行，係室內地方有望遠鏡望d雀，但係人太多了。偶遇同主人同遊的狗仔BB，佢主人搵帽遮住佢個樣，而BB就只係在乎食，因為佢係度食緊龍眼呢~ 我走埋去逗o下佢，佢就見人地隻手就係咁舔，可能佢以為有野食啦...haha。室內都幾多野睇，仲有真的老虎標本，但係人流太多，都黎唔切細心睇d字就要隨波逐流的走了。果度的大家樂勁多人，好似只係得呢個restaurant咋果度。時晴時雨的天氣並無影響我參觀室外的地方，因為我自備左雨傘ma。其實黎呢d地方，真係要搵個清爽的weekday，冇咩人時帶埋私定望遠鏡同埋攝影機，長時間坐係度睇先至會睇到野。我行左個圈，除左水裡的魚、路邊的花同遠處飛的雀之外，其他都冇咩好睇了。大概係我唔識分佢地係咩品種、天氣熱同埋冇耐心啦。

差唔多行左2個鐘就完結左今次的參觀。原本想出去做gym的我，因為悶熱的天氣，去左樓下的祥發旺度食餐蛋麵同凍朱古力就返屋企lu。