好凍

今日係急救班o既第三日，d野都教晒咁滯，今日睇左帶同埋半日實習。聽日又係全日實習。今日俾阿sir睇左我做CPR(人工呼吸+心外壓)，成人果個就fail左，嬰兒果個就prefect。因為成人果個好難搵到個胸骨位，而且要暢通佢o既氣道都係好難。不過聽日都係集中practice 呢個，至於d 包紮方法可以睇書就ok。

今晚食完飯個房就燒左個燈，烏燈黑火，除左用電腦之外，想睇雜誌或者書都唔得。 不過我上堂普通話就作左個錄音大綱，今晚錄左，功課就搞掂晒。不過仲有d野我係呢個假期仲未做o既，就係‥‥‥

• 睇o下master o既資料同決定報邊幾間試o下
• 試o下我個wireless keyboard同mouse 係咪真係整返好
• 睇o下急救書，包紮法，仲有心外壓+人工呼吸
• 溫普通話 (好耐都冇溫過，下次上堂就要報考試了)
• 學日文 (download左d 日文教學o既cd，而家仲背緊果50音)
• 睇o下投資野o既資料，等自己唔好成個盲炳
• 仲有要買DC，有好急切o既需要‥‥‥
• 要記得報工聯會o既投資course
• 要問o下有冇人想睇 / 陪我睇果套舞台劇《半邊人》
• 要‥‥‥買份禮物‥‥‥
  

今晚都終於睇完左《戰神》呢套劇，大s同仔仔都幾襯o既，不過大s個眼袋好似大左d啦！仔仔勝在高大有型，老實講，阿『小豬』羅志祥係『鬥魚2』走o既路線同佢真係好似呢！

今日問左gary send左個有用o既網頁俾我，而家share俾大家。投資者網頁

急救班

今日係st. john 急救班o既第一日，天氣好凍。個老師...都ok 果隻啦...今日就教左人工呼吸同埋CPR。BB就都算易做but成人果個就都幾難。

夜晚返埋普通話班，又凍又累。而且今堂同個老miss(係我好唔鍾意果類型o既人)一group，小組討論都冇晒引。應該要點人地d 錯處嫁ma，佢聽完就算，大家講完就算，都唔知講黎做乜。佢又講得唔好，大家係一group人坐埋一起o者，都話怕離個門口遠幾步，走果時會走遲左。老細呀！幾步路o者！仲要叫另一個坐過去佢度就佢，冇d禮貌。~>_<~

遇見 - 楊思琦

今日同人聖誕節食飯，點知係餐廳度見到楊思琦同佢屋企人食飯，就係2張table的隔離咋！都係個friend 眼利先見到。原來有聖誕禮物收呢...不過人地唔記得帶，反而係我...(諗左好耐都唔知買咩野好，所以都未買呢！真係要拿拿聲補買返先啦！)^_^" (shu...)

我估係我講過o既...『cutie o既水杯』

今日都問左gary 借左急救書啦！唔洗怕啦！

鬥魚2

訓左十個鐘之後，就開始左vcd o既忘命生涯。今次睇『鬥魚2』，片尾曲唔知係咪又係fir唱o既呢？我知道主題曲係呀羅志祥唱o既。都幾好睇呀，but 係唔鍾意佢冇乜點講到阿烈對小燕子的感情o者~ 如果又好似單子同小燕子咁就好啦！

平安夜

2004年o既平安夜係同gary, sherman, alice 同阿roy過o既。我放工去左旺角join埋gary sherman去買禮物俾alice，買左wallet。之後就係街度行左陣，諗o下晚頭食d乜。決定左係spagetti house 之後，因為唔俾book位，而又未夠鐘食飯，於是我地係mcdonald度坐o下食o下雪糕。等到差唔多時間就去等位啦，點知一等就個幾鐘先有得食。之後我地諗爆頭諗去邊，去打機又full晒，去bar同disco大家興趣又唔係好大，去熱鬧地方又嫌多人，結果去左果個『皇雀會』度打牌。其實我就唔係十分好呢味野o既，而且我又眼訓，都冇心機打了，睇左陣電視，等埋夠鐘講句merry christmas就返屋企訓了。

下午同左班同事係中環食晏，果間唔知咩o既餐廳，食個lunch都要百一呢...嘩...我仲要唔好彩choose左個pasta，唔好食o既...得d 菇，人地d 牛肉同魚就好食好多。不過我都未俾返錢人地呢！=p

好眼訓

好耐都冇咁夜訓啦！除左果時做freelance 同埋放假睇vcd之外。尋日做野做到3點幾先訓，今朝起唔到身，一望個鐘就已經係8:30啦！遲到左個半鐘，10:30先返到公司，不過佢地都唔係咁care...=p (好彩...) 。今日都係冇咩野做，要做o既我都做晒啦，仲有d野俾個manager hold住左，我問佢時，佢叫我don't worry，即係唔洗我做晒佢啦！呵呵，咁我今日就係度睇o下ebook呀，幫人做野呀咁過。不過食完飯冇耐就開始眼訓了。唉！老law‥‥‥

今日有人應承左我有禮物呢！呵呵
另外仲有一隻『cutie o既水杯』~


想睇o既舞台劇
1) 正野！！(我覺得)

演戲家族新作《半邊人》
日期: Thu, 20 Jan 2005 - Sun, 23 Jan 2005
地點: 香港文化中心 - 劇場 (單向舞台)

2) 有冇人睇左呢？！好唔好睇呢？

大娛樂家
日期: Fri, 21 Jan 2005 - Sun, 30 Jan 2005
地點: 香港文化中心 - 大劇院

Hundred cafe

今日放工同2個朋友去左談心，係新假期介紹的cafe內choose左呢間hundred cafe。佢係潮流特區附近，有2間，大d果間都full晒啦...每個table都有玩具玩，好似層層疊呀咁，裝修都唔錯呢。因為大間果度full左，我地去左細d果間。佢地有platform(地台)可能坐，我梗係choose坐地台啦！攬住個cushion 挨住個窗口玻璃，飲杯野傾計個感覺正d呀ma。我叫左杯香蕉朱古力，唔錯呀！香蕉味好香。仲有果個玉子豆腐煙肉卷幾好食呀！外硬內軟咁。至於海鮮炒烏冬都好食。其他o既意粉同小食都一般啦！香橙朱古力咖啡係原本我想試o既，不過朋友試左話唔係咁正咋喎！

我地傾計傾到11點先走，果度都唔錯，but 一夜左就好多人班班咁黎玩玩具，好嘈，而且冇分吸煙區同非吸煙區係另一個唔好o既地方。

聽到一d令我唔開心的事，真係好唔開心呢...。返屋企就幫人做野。

仲有今日好得人驚呢！manager 話佢之後未必會見到我，因為佢放完假就要返singapore office，佢俾左封利是我呢！而且冬至果日又早放我喎！早過其他同事喎！忽然對我咁好...

冬至

今日冬至，公司早放，4點就可以走得啦...都係得我咋...其他designer都要遲d先得。一放工就返屋企，因為好眼訓，近黎日日都係得7個鐘訓。返屋企買左對boot，而家係差緊年衫就齊啦！晚頭同屋企打邊爐，食左好多野，好飽，仲有睇9:30p.m.天下無賊，聽講好似話幾好睇...

好懷念我地咩都可以講o既日子

死人J

J，就係我個manager啦！上個星期六佢話今日要我同佢一起去開個client 會，所以我就取消我呢日假，仲特登穿晒裙同boot。衰得佢呀！一返到去就話唔洗我去開會，即刻冇晒心情，lunch之後又同我講如果我想去都可以跟埋去。咁即係點呀！？玩我呀？！車！唔恨去呀！我拿拿聲做晒d野，係公司抖o下唔好？！

晚上約左mandy去行街，想買件衫同boot，不過都係買唔到。mandy就買到野。我只係買左‥‥‥一包糖同一袋曲奇餅。

西貢bbq

今日返工前學人整d 眼睫毛液，整黎整去都唔得，就冇整到，出左去返工。遲左1個鐘，好在都係得2個同事返左工。放工同yvonne食左lunch，3點半就同gary, sherman, eric先入左西貢。

去過gary o既母校(幼稚園) ，佢以前屋企，佢摺左o既中學，對gary都有左更深o既認識(...係呃人o既...haha)。之後我地去左碼頭，就係cafe度坐左好多個鐘，直至7點。我地食左個『不可思議批』，係香蕉同焦糖整o既，食落都幾好食，but 係甜左d。係cafe度對住個海，睇住人地d貓貓狗狗跑黎跑去，個感覺好舒服。之後夠鐘去等埋其他人，我地約左係西貢度bbq ma....果度係沿住海直行到盡頭o既地方，野食ma...度度bbq都係果d嫁啦...都唔會有太大寄望。不過我好想去行沙灘，都冇時間去呢....就係沙灘隔離都唔行沙灘，唉...

之後我地去左滿記食糖水，走o既時候都十二點啦！坐車去到沙田，再坐巴士返屋企。返到屋企都1點半啦！d商場都關晒，走o下走o下見到果隻貓。佢平時都係公園度遊蕩嫁啦，我以為係家貓，but見左佢好多年，而家佢係一隻老貓。平時我行出行入都總係忍唔住要扮貓叫黎引佢注意，想佢望o下我咁，佢好高竇，望都唔會望o下我o既。唔知點解，可能係因為已經係凌晨o既關係，我喵佢，佢應我，仲走過黎我腳邊，同用個身挨落我度。我都停低左，摸左佢幾下，就開始返屋企，佢亦步亦趨的跟住我，我都忍唔住望o下佢咁，最後佢都係冇跟我返屋企，目送我上左樓，佢又走返去自己的根據地了。

係咪夜深人靜時，唔止人會特別脆弱，連老貓都係一樣？寒風刺骨的夜晚，瑟縮係街角，多想搵個好心人帶點家借宿，但係卻找不到。定係佢係被主人趕出家門？！下午見d主人帶住愛犬愛貓係西貢散步，晚上卻見到老貓係街上寒風中瑟縮，這也許就是人生。

哈！嚇一跳！

今日突然有個人add我icq，原來佢係我公司以前的員工呀！
我地係icq度傾左陣，個感覺好攪笑，好似他鄉遇故知咁，ha！

普通話堂今日講衣飾的題目，我提到立法會長毛係就職典禮穿便服，喊口號，改誓詞係唔尊重場合的表現。點知另一組有個長毛支持者就反駁我，搞到我好想同佢『討論』落去！

唔係做d 與眾不同o既野就叫做可以為我地爭取民主o既。每個遊戲有自己o既rules，既然你入得黎玩，就要尊守個遊戲rules啦！係就職典禮穿便服代表咩？爭取到d咩？就職典禮係一個好時機去喊口號，爭取民主咩？既然對事情冇幫助，就只係想表現自己係敢言，呢d行為係arm嫁咩？！佢有咩理由呢我又想知。我覺得係一個冇教養，冇思想o既行為。

保護 - 許志安

保護 - 許志安

詞:姚若龍 曲:陳小霞

你把門輕輕關上　離開他的謊話

失望比悲傷強烈疲倦的淚留下

你心裡有幅相框　愛應該像個天堂

結果愛原來更像無止盡的流浪

你忽然停止說話　靠在我肩膀上

一瞬間心在搖晃有抱你的渴望

翻往日美好時光　讓我們亂了方向

我想起無辜的她正在等我回家

很抱歉不能陪你到天亮

很抱歉不能像從前一樣

空盪的夜風變涼　把我的外套披上　答應我

好好的讓我送你回家

很抱歉不能抱緊你不放

很抱歉只能藉給你肩膀

無助時逃進過往　是最危險的地方　我只能

這樣保護你　請你原諒

我們站在月光下　影子拖的好長

像懷念無法隱藏被攤在大街上

你的淚無聲落下打濕了我的胸膛

現在的情不自禁　會是以後的傷

而家d細路真係....慘...

今日係火車度睇到一家3口，個女係都要拉住個老豆錫錫，個老豆講笑咁話個女樣衰呀，唔好錫呀咁。跟住老豆就落左車，淨返個媽同個囡。一轉頭，個阿媽就問個女，2乘9係幾多，8*2呢？背一次個乘數表出黎聽，由頭背一次，由尾背返上黎，而家計時，開始！

嘩..個囡真係慘。呢個就係香港o既小朋友o既縮影啦！唉..真悲哀~

公司今日搞x'mas lunch，食左pizza同ribs仲有salad。仲有一d脆麵包。食得好飽，搞到下午做野都好想訓覺。之後仲有個抽獎，我抽到左一樽蜜糖同埋個瓶，都值百五蚊嫁！(重本禮物..)

唉...

係妒忌心嗎？！

馬利奧

今日同mario出街，去左深水埗電腦節行o下。都幾多人呀...當然有show girl 係台度又唱又跳啦！賣o既野多數都係lcd monitor 同埋d palm呀..pocket pc呀咁。我地都冇睇arm d咩。之後入埋黃金望o下，俾我見到一個mouse pad，居然有豐胸作用喎個招紙話。我禁唔住望多幾眼，8蚊雞，試o下都抵呀！but又諗黎諗去都唔明點解用mouse可以豐到胸。都係去行o下先算。點知係另一當又見到果隻mouse pad，睇黎睇去都冇豐胸果張招紙係度喎！原來..係d不法商人..搞噱頭呢...

跟住去左旺角M記食tea，mario係M記o既人有優惠嫁ma，梗係食佢嫁啦。再行左陣潮流特區，睇o下有咩present買，不過都係睇唔arm。之後就去左唱k。一唱就係4個幾鐘啦！可能由於mario係老餅o既關係(hehe...) ，所以佢鍾意唱d 舊歌同埋d 英文歌多d。而我ma，由於博學o既關係，對於carpenters同bee gees o既歌都有些少認識，當然能夠同佢奉陪到底啦！

今日我地都有去問o下駕駛學院學車要幾錢，佢都有打算學，可能一起掛，唔知啦！but 都要6千幾蚊先包晒d野呢...要諗諗...

再見亦是朋友？！

乜真係能夠做得到咩？！

分左手之後，如果知道對方過得好好，對而家o既女朋友好好，你會唔會禁唔住去妒忌，或者去想『如果果時佢對我咁，我地就唔會分開了。』。如果知佢過得唔好，你又會唔會係心內起左憐惜之心？如果分左之後先知道原來你曾經跟呢個人拍拖咁耐，佢原來呃過你咁多野，原來冇同你坦白過咁多野，咁你會唔會質疑果段感情，其實只係對方o既一個遊戲？你會唔會後悔自己點解會同呢個人一起過？！對一個你曾經喜歡的人有討厭的感覺係一種點樣的滋味？！對一個無論係以前抑或分開左o既而家，仍然透過唔同的途徑黎傷害你的人，你可以對佢持有點樣的心態？

跟一個人拍拖抑或跟一個人做朋友，信任係好重要的，如果你對果個人o既信任已經係低過接近零指數，咁......算係恨嗎？！

唔知點解，雖然我好想去做到再見亦是朋友，但係我卻忍不住去恨呢d人，連說話、甚至祝福，都一d唔想從佢口中聽到。

又俾麥記呃左~

又俾麥當勞呃左啦！買大薯條俾個中薯條我，你知啦！同一個盒嫁ma，只係d 薯條多d定少d。d職員又做野馬虎，搞到我個大fries 變中fries，想走返去話佢嫁啦！but見個經理又幾靚仔‥‥‥今次就算啦！唔好有下次啦！知冇？！

終於‥‥‥

今日終於都係O左T。又係4點先叫我整幾十板網頁出黎‥‥需然係有個tools整...but係未完成嫁ｍａ個ｔｏｏｌｓ．．都做到7點幾呀。不過今次條氣就順d，個client聽日朝早就要睇，而且個manager o既態度都唔錯。邊似得個supervisor咁差。

今日知道有個friend唔開心，希望佢會好起黎啦！感情呢d野唔得睇得咁重先得嫁，人生在世唔係只有呢樣野先係重要o既，大不了就自己過law，不過對於仲有起碼2/3人生o既我地，都唔洗驚住啦，right？ ^o^

今晚我睇左陣書仔『How to make anyone fall in love with you』。一睇就知衰啦，樣樣我都冇做o既~ -.-" 真係要跟足佢做先得呢...我下半生o既幸福...

超級驚！

今日個supervisor留難我呢！放工前3個鐘先黎叫我做一大堆野...仲要我加班！我同佢講我有約，佢話俾返d 飛錢我喎！嘩~唔係錢o既問題，係道氣o既問題ma。之前傾schedule你又唔出聲話呢d野一定要今日整起，又話個deadline係年尾。而家明係佢o既bad management啦！我做咩要就佢先！佢係時候要負責返個結果啦！哼！

不過都係因為我效率高...加埋另一個同事o既幫手，所以都冇OT就走左呢...

夜晚睇左BJ單身日記啦！^_^都幾好笑呢~ 又好怕自己同個女主角一樣咁肥呢，雖然係幾cute...
食左kfc，好飽...9點幾食野真係...幾辛苦呢...

秘密

『有個秘密秘密於心窩，從未從未談論過請相信我‥‥‥』
估唔估到係咩歌？！ 咪就係Amanda o既『秘密』law。做咩忽然咁好口？！ha...因為我知道左一個‥‥‥秘密

今個星期日約左個朋友食飯，想話叫埋其他人一起啦。點知都唔黎呢...話唔熟喎~
唔熟咪傾到熟law~
除左男女朋友之外呢，朋友呢，都係要花心，花時間，花金錢黎維持關係o既。

加油！

呢幾日睇左韓劇『巴黎戀人』，不來日本人o既加油叫『奸巴爹』，而韓文呢係呀『A ZA A ZA FIGHTING』。haha...

今日返工做左一陣野就唔對路啦！今日唔舒服呢...做埋少少野，下午3點就返屋企了。走o既時候雙腳好軟，冇晒力咁，我想即刻訓覺。捱去尖沙咀果度，扶住d牆搭到火車，坐低一訓就大學站，訓完好好多呢~！

返到屋企同妹妹睇左茄菲貓，再睇埋巴黎戀人大結局。都差唔多啦~ 係要訓嫁啦！
聽日上堂要圍圈講『我的業餘生活』，呢個題目講左幾次呢...so我都冇準備d咩，聽日......應該冇問題掛！

BJ 單身日記

今日原本係約左人去朗豪坊UA睇戲。不過一早係cityline睇，原來d位都full晒咁滯呢，so都係冇睇lu。第日先啦。

記得對上一個男友第一次睇戲，就係睇BJ單身日記呢！果時係第一集。好可惜已經不能再同佢睇第二集lu...

有冇搞錯！

今日經理係咁話我，有冇攪錯呀！我有我o既想法，關你咩事o者。唔係經理就大晒o既，唔係職位高就可以態度唔好o既！冇我你d project有咁smooth啦喎！你都識講我做得好過你之前果個programmer啦！人工又唔係高，又要受埋你同supervisor d氣。你睇住黎呀！老細叫我交果份意見書，你睇我唱唔唱衰你？！ 你都知我dislike 某d人呢！你知就好啦！話我唔mature？我唔mature o既話就打你好耐啦！忍你忍得我幾辛苦呀！自己又唔返醒o下！全公司d人都唔likey你呀！你又趕走左兩個programmer，都仲未知衰嫁？成日持住自己係開國功臣。

老實講呀，公司前途係點，一睇就知啦！IT 方面都唔會有咩大突破嫁啦！下下問我career path 係點，唔洗問都知啦o下話？你公司憑咩留得住人呀？人工唔高，工作種類又唔多。成日車大炮會俾d咩manager野我整，如果我整埋manager d野，咁你咪唔洗做淨袋人工？！你當我傻嫁？！

好x煩

約出黎食o下飯o者~出就出唔出就唔出啦！遲約又話太多野做唔得閒，早d約等你地安排一下時間，又會唔記得or 之前話得而家又唔得。我唔搞啦！麻 x煩！

今日...都係冇電話呢...