終於‥‥‥失敗了

今日一早5點幾就起身出門口，因為今日考車9點25分，我約左師父8點學車學到考。師父都話我幾好幾定，而且平時冇得學車的地方佢都俾我試o下，真係增強左我的信心。點知考官坐埋黎，一開波，窄路調頭，十拿九穩之作，佢有落車睇睇我有冇撞，當然冇啦！再黎泊車就衰左少少，個車身有d歪，不過唔緊要。出街啦，果然行果條大斜路，好在arm arm有試過，所以都冇咁怕。落埋斜轉個彎就返到考場，個心都不知幾安落，睇黎實得啦掛？！望左望右，好，冇車，轉~哎呀！忽然有個女人係我面前行過，我即刻剎車到死火。死火我都唔怕o既，mario死3次都冇事。點知我就亂左，冇拉手掣，再開車，車向後流左少少，我更加怕，又熄左車。之後阿sir話車上左行人路，問我洗唔洗去確認一下。我心諗確唔確認你都係肥我佬嫁啦！更重要係而家點走返返去呀！後面好多車我有塞住左d位，最後有人俾位我tun返後少少先可以轉到彎返去。我都知會死嫁啦。所以都忍唔住滴左幾滴淚，因為我真係drive得唔錯嫁！唔係果個失誤，我一定拎到牌。之後拎埋張成績單，同師父say bye，就一邊同mummy傾電話一邊喊。如果果個女人守交通rules，如果我頭先睇到佢係度，如果...如果...

諗諗o下今早就有唔吉利的預兆嫁啦！我發現唔記得帶我成日帶開的白水晶項鍊，等緊師父果時果隻大狗係我前面斜少少對住我開大，仲好大pat‥‥‥唉！天意弄人！！！

我諗都係盡快的再報，睇o下最快可以幾時考，我相信今次我會更加好的！！