秘寶

唔記得今個星期邊日，我放工返屋企，係火車度企緊就黎到屋企個站時，有個阿伯係車廂中央執緊自己個袋。睇見佢係個袋度拎個美心月餅盒出黎，你知啦！阿公阿婆都係喜歡用月餅盒黎藏寶嫁ma。咁我今日就有幸窺探到阿伯的寶藏啦！

係阿伯執野其間，我撇見有d野跌左落地下，我自然地就行前兩步幫佢執。果件物件貌似公仔麵內的調味料包裝，仲一連兩包。當我一拎起手‥‥‥

原來，係dom dom呀！！

我即刻目無表情的將佢o既寶藏交返俾佢，企返埋自己位。阿伯收返埋兩個dom dom入月餅盒之後，又係入面拎盒舊式錄影機用的錄影帶出黎。唔難想像，呢盒帶...應該...大概...多數係...咸片。

抵錫

成日都唔記得讚下我男朋友仔。

多謝佢一直都對我咁細心，好似今日出街咁，唔係返工都帶到一袋都係野。外套啦、傘啦、水壺啦、PSP啦。知我唔舒服，走去買熱豆漿俾我飲、怕我貪靚曬黑就帶埋遮、知我唔舒服會特別怕凍，帶件外套俾我睇戲時穿、食野時又唔俾我飲凍野(~>_<~)，樣樣都會take care住我。

I appreciate it very much!!

(Mandy, 快d俾Macro睇下，話佢知佢唔夠我男朋友仔細心！呵呵呵呵~)

冇味的豆漿...

俾leo打黎的電話嘈醒左，之後我又嘈醒埋妹妹。

下午同leo去沙田圖書館溫書。真係n年冇去圖書館，今日去之前特登搵返個圖書証傍下身，點知leo話用智能身份証就可以了，真係out晒！鬼咩！人地之前去開大學個圖書館嫁ma！=p 我地係睇報紙果度同d公公婆婆一起坐，睇左幾版妹妹果份PMP notes就悶了。leo幾唔專心呀！又睇小說又睇英文書！

不過佢知我唔舒服，走去買左熱豆漿俾我，但係『唔覺意』的掉晒d糖。完全冇味的豆漿，真係好難飲呀！~>_<~ 怕怕~

睇到咁上下，行左陣玩具反斗城，去mcdonald度食晚餐，點知我個可樂，居然變左熱朱古力！！！嗚嗚嗚~ 雖然我係喜歡飲熱朱古力，但天氣熱的日子，冰凍的可樂更為吸引。之後去左睇色戒，就返屋企。

某d無聊男子(L先生) 就只係為左睇呀梁朝偉o既神秘地帶而去o既，而我就梗係注重劇情多d啦！=p 睇完覺得女主角都有d吸引力。老實講睇個poster我就唔覺得佢靚嫁啦！but睇完套戲覺得佢都ok好睇。不過穿旗袍黎講，佢穿得...一般，但d旗袍係幾靚。

又係一個因為d愛國份子而搞出的悲劇。6丁大學生，冇想到後果，就搞咩二五仔遊戲。第一次殺人，勾引男人，仲為左咁犧牲左第一次。不過到後來，女主角都係唔捨得害死梁朝偉，因為梁朝偉對佢真係動左真情，有眼濕濕嫁！王力宏都唔知搞咩o既！又要錫女主角，好似係鍾意佢咁，but當初又推佢出去搞呢件事。最後6個人一起版打靶，我睇唔出其他同學望女主角的眼光，究竟係怪佢感情累事，壞左大事，定係大家都茫然。王力宏同女主角相視而一起共赴黃泉，又代表佢地覺得呢個係個解脫？係佢地承擔返個後果？係為愛國而捐軀？

我都係唔多理解。

********************
最後返家，仲係係etc度上繳了。唉~

3日假

連續3日假，今日第1日梗係有咁耐訓咁耐。但係唔得，因為我想下午出去睇halloween的衫，今年想參加萬聖節派對，想話扮下鬼。聽講十月買d衫就會好貴，所以想話趁仲係9月出去睇下先。點知起身時發覺唔多舒服，身子弱。

結果睇韓劇睇左一陣，就係咁訓，訓左成個下午。brian打黎叫我去唱k，我都推左。本來今日想話好乖咁去接男友仔放工，但係到5點幾都係唔多舒服，結果反而係男友仔話過黎探我。不過我都係叫佢唔好黎，我唔舒服都唔想出街，而且聽日都見面啦，無謂要佢跑黎跑去咁累啦！

夜晚感覺好左d，睇左陣劇都係訓先。

****************************
下午5點阿妹問我有d咩係度deep deep聲，我忽然醒起係公司個call機！死囉！唔係call我我聽唔到掛！？睇睇下原來係下午一點的call，大檸樂！冇理由有事應該都call左d supervisor個call機先嫁ma，點會call到我度。打去覆台又唔知密碼，結果搵isabella，佢個call機又冇響喎！超奇怪。

最後發現係呀大學同學鄧小姐call。大佬呀！公司call機點會俾大學同學？梗係有人打錯電話啦！嚇死我咩~

輕鬆月尾

上午間直係放我半天假！因為經理放緊假，個SSA又返左大陸，連isabella都請左半日。

又去買左5蚊4個包做早餐，食下食下就食晒。中午得返我同evelyn兩丁友，出左去食米線唱水。返黎又傾，都係傾下我d野呀，公司d野呀咁。原來佢都有朋友有參加網聚，仲識到唔知邊個有錢佬個孫！可惜呀！唔arm玩，因為佢地出黎都係飲酒，好頹咁。我都覺得係，所以飲酒的活動都唔多參加。

阿sun今日last day，所以佢地lunch返黎，我地又傾計。聽anthony口氣，似乎係係度做夠一年就會走。至於佢的緋聞......又係度唔認數！問佢個女仔幾大，又話28歲；問佢發展成點，又話冇發展，冇target，又話d女仔冇個得！都唔知佢邊句真。

同阿sun影相，叫佢同我一起影d cute相，佢又肯喎！結果俾isabella拎去通街笑，佢慘啦！放工時趕埋d野就急急腳的走，返到屋企果頭都8點。心誠個會已經開左一陣，我坐低講下我有份做的form。本來有分校友登記表格同埋校友會入會表格，不過大家都覺得好混淆，就只係要入會表格。本來諗住會幫學校留返個校友的網絡，第時如果要宣傳、或者有活動都可以搵佢地黎或者幫手。就好似而家我冇join polyu的校友會，但係佢一樣會send一d校友會搞的活動或者seminar叫我出席，籌款時都會叫我幫手，好似都會有聯繫咁。不過果幾個話事的都覺得冇咁的需要，想同學校聯繫的就會join校友會，唔想的都冇必要通知佢地。我覺得校友會又唔係真係咁馨香，你估好多人爭住俾100蚊入會費咩~ 老實講，我肯定clark啦、我(如果唔係做幹事的話) 都唔會俾100蚊囉。不過唔緊要，唔同意都冇所謂，如果真係有幹事會，幹事會話整返個網絡都一樣可以做，but就唔係快人一步咁囉。

一開就開到10點。甲寅果邊有個校友bbq，本來叫yvonne去住先，我8:30再join，點知會又未開完，yvonne就話我知佢走左，一個認識的人都冇。其實都意料之中，我地呢d畢左業n年的，都唔會返去啦！人都唔識多個。除非係一班舊同學約埋一起去聚舊o者~

唔好話甲寅唔記得，就係心誠個校長，我見左佢咁多次，都係唔記得我。果時學生搞活動時見過；到我大學畢業返黎教電腦course時見過；到校友會果日返黎幫手又見；開會時見；佢今日完場時仲要走埋黎問我，係咪同mandy同一屆，返黎真係有心囉。有心？！校長就真係有心囉，聽到我幾咁唔happy。我知，佢一日見咁多人，唔記得好正常，不過我在於聽者的角度上就唔unhappy囉，見左咁多次，傾過計，仲係一起開會都唔記得你係乜水，有些少不被尊重的感覺。至少我記得邊個人年紀係最大的校友、記得邊個係議員、記得邊個校友最多意見、記得邊幾個係比我細、記得有個人係大我年的仁社社長。

返大陸

同isabella約左9點15先係上水火車站等，今次係我第一次去落馬洲果邊過關。比起平時同阿飛一起返去，今日返得晏呀！yeah~

加埋我遲到3個字，去到公司都10點半。係樓下見到simon坐的的士同人地撞左車，我地都去幫手睇下。原來搞左半粒鐘啦！個taxi司機係單程路逆行，所以即使係人地撞埋黎，都係taxi機理虧。人地車冇壞，唔洗個的士司機賠，但係的士司機就要問simon拎錢去裝返個燈罩。車費先係廿幾蚊，我隱約聽到話個燈整返要$35，simon二話不說就俾$100佢。司機想話找錢時，simon仲要話唔洗找。我同isabella聽到都唔方便再講咩。不過當我地走返去office時，就話simon蠢。個司機講得$35，就係佢唔會蝕，仲可能係抽左你油水的價錢，仲咁豪叫佢唔洗找，個司機會賺到笑啦！唉~ 男人硬係鍾意扮豪氣。

因為轉左去3，我仲未申請漫遊，所以電話根本唔能夠用。我帶左本傲慢與偏見的英文ebook去睇，因為我經已冇咩野做。成日睇左50幾版，都幾多生字唔識。冇辦法同leo傾電話，就只食tap住佢送的珍寶珠過日辰囉~

搞到7點先至走，都係就返isabella。返到香港好累，好餓，lunch時想話唔食飯開始減下肥，結果而家餓到死。

連出兩場show

brian本來約今日去打bowling，不過我唔得，我夜晚要出show。

訓到咁上下，睇陣劇，就出門口去長沙灣。原來係工聯會係果度搞個慶國慶的中秋綵燈晚會，好小型 o既，都係d公公婆婆黎唱下粵曲咁，間中我地唱一兩首zip下場。

因為d音響太差，係家用的卡拉ok 咪，一唱得高音或者激動d，個咪把聲就拆了。唱左首傻瓜，就坐埋一邊俾口水佬阿sir哦左好耐。阿sir讚呀leo大方，因為上次同leo望住時有點頭同笑。又叫我多d出席佢地的活動，唔好收埋自己云云。我都費事答佢，我忙到死啦！阿爸都問我做乜出街出得咁密，仲邊有時間去埋良坊的活動？而且我同leo班friend都有好多活動，已經唔係成日參加嫁啦。

長沙灣完左就去葵芳，俾leo估中左係果個足球場。去到時原來個我地果part都去到尾聲，仲有兩首歌唱，問我唱唔唱。monkey佢今日第一次出show，都係留俾佢唱啦！仲有呀炳然，我呢d大姐姐就唔好同d細的爭。結果係度坐...等大家完晒，成10點先走得去食野。食左米線聽佢地吹下水，我就返屋企lu。無無謂謂又搞到咁夜，聽日仲要返大陸tim嫁ma。

leo本來有話黎買野飲俾我飲，不過我都係拒絕左佢。雖然知道佢對我好好，都好buy男朋友仔對我咁細心，不過一來一回d時間，而且又會累嫁ma。仲係留返d時間好好休息的好，無謂要佢頻頻撲撲啦~

中秋做節

今日一早返去就等佢出email，isabella話上年4點就可以走，所以今年都預左4點就有得走。之前次次都到尾果刻鐘先至出email，估唔到今日11點幾就出啦！

食完飯同leo不停傾phone，佢地都唔洗做野lu。4點放工，就係APM邊行邊等leo，我夜晚去做節食飯，又未夠鐘，所以係度行下先。之後去左書店度睇下書傾下計，考下英文、普通話，甚至係講故仔。樣樣都係我叻d啦~呵呵！佢買左佢睇開個作者本新書，我就差唔多走lu。

去姑姐屋企食飯，見到阿表弟個agnes b 袋，原來係好common周街都有人用果隻。唱歌班有個男仔呀俊文都用緊。食完拎左幾支螢光捧就去搵leo，本來我地約好去維園睇花燈，點知佢係屋企食完飯，仲要教埋細佬做條數先。等得佢黎都10點半，花燈會11點就收，所以都係唔去lu。係街度閒逛到點幾先走，因為難得今晚mtr同kcr都開得夜ma。

未出發先興奮

今日同阿vee係msn傾開搞halloween party，lunch time isabella問我去唔去佢ematch果邊搞的halloween party，日子好似係撞左。就算唔撞，我都冇可能通兩晚頂啦！

lunch完左係度諗我果日要扮咩野出現呢？
『幽靈鬼怪、女巫、僵屍、吸血鬼、木乃伊、科學怪人、狼人、海盜、外星人或南瓜精靈、鬼魂、食屍鬼、巫婆、蝙蝠、黑貓、貓頭鷹、精靈、殭屍、骷髏和惡魔等，還有虛構人物如吸血殭屍和科學怪人』邊樣好？定係中國彊師好d？

萬聖夜的主題是鬼怪、嚇人，以及與死亡、魔法、怪物有關的事物。現代萬聖夜的產品也大量使用紫色、綠色和紅色。秋天的元素如南瓜和稻草人等，也成為萬聖節的象徵。傑克燈是萬聖夜最廣為人知的象徵物。

另外有兩個傳統game﹕

• Trick or Treat

「不給糖便會搗蛋！」(Trick or Treat) 是外國小孩在萬聖節夜最愛的玩意。他們愛戴上嚇人的面具，提著一盞南瓜燈，挨家挨戶的要糖果，而大人們也會準備一堆糖果及零錢等著一群群的小孩來敲門。若果有人不用糖果款待他們，那些調皮的小孩就會賴著不走，或說些不祥的話語。

• Bobbing for apples

小孩也愛在派對裡玩咬蘋果遊戲 (bobbing for apples)，參加者必須設法只用嘴巴咬起漂浮在水上的蘋果。

好唔好整太妃糖蘋果(toffee apples)黎派呢？萬聖節的傳統食品

唱歌比賽季軍

訓醒12點幾，上網見到leo online，原本佢話今日會陪我去唱歌比賽的，不過唔知佢尋晚唔開心完未，會唔會唔同我去。問佢...又好似仲唔開心緊，唔想同我去。咁我打俾mandy訴苦，講到興起leo就打黎啦！=p

我搞掂d野出門口都2點半，應該時間剛剛好。係九龍塘等埋leo一起入調景嶺的健明邨度參加歌唱比賽。leo 鬼馬地送左一支珍寶珠花俾我！又唔肯講係幾時買o既。不過尋晚我地去花店問金莎花價時，佢好似靜靜雞問老闆娘價錢，我仲聽到老闆娘問佢係咪送俾我。呵呵！我耳聽八方嫁ma，同author講緊電話時，我都仲聽到其他野o既~

之後去到場地，呢d蚊型的比賽當然唔會係大場地啦！係都會馬尺隔離的彩明商場，去到時好似d野都未set好，例遲嫁啦。我去show up下之後，就同leo去大家樂食tea，因為我只係食左月餅咋！食完返去arm arm好開始，果時4點15到啦。青年組有12個、公開組有20個。我係公開組的第12個，有排。

我地一邊聽一邊傾計，其實好多都係我地同學仔，我都認得佢地個樣。初賽只係唱半首。到我唱時好緊張，我最怕就係唔記得歌詞，因為呢首歌係新歌黎嫁！點知真係撻Q，唔記得幾句！好魚咁『..........傻瓜~』就完。唉~超級的唔開心，同leo 呻完就想同佢走先了。個個都冇唱錯歌詞，我呢d 唔洗諗入決賽啦！不過俾子峰叫住，佢話等埋先啦，呢d野唔知嫁ma。又俾佢搞到心郁郁，萬一真係入左圍而我自己走左咪好唔抵！？

所以都係等...點知真係入左圍！要即時唱首歌一次！好在leo有提我聽返首歌背返歌詞。決賽出到去就冇唔記得幾句歌詞，幾粒字就實有啦！當我出去唱時，仲有個細路大叫『傻瓜』添呀！haha 唔知係話我傻瓜，定係支持我呢？

之後頒獎居然拎到季軍！不過聽講第一同第四名都係差8分，所以我其實可以差一兩分就係第四，又或者一兩分就係第二啦！hahaha~

第一次比賽有三甲，雖然係個蚊型比賽，不過都好開心。難為左leo要陪我成日企係度呢！

呀！我比賽唱的係溫嵐的「傻瓜」！

Starmix cafe

下午訓醒睇埋個日劇『燦爛研修醫』，俾author捉左同埋阿清係msn度開會，講夜晚有咩懲罰、物資同埋遊戲。貢獻左我多個遊戲的idea，都只有朱古力mask懲罰係受接納。之後author又話不如補份禮俾阿清，我係冇咩所謂，於是大家話買金莎花。夜晚去starmix cafe有活動。

出門口忘記帶八達通同埋銀包，搞到係watson's 拎左盒濕紙巾都要放返低返屋企。結果又遲到。急急步都係潮流特區搵埋leo，一起去好景度睇花。問左價就打俾author，點知個死仔又話唔知有冇人肯夾，要自己梗都幾『溶』，都係唔好啦。嘩！玩咩！搞到我身水身汗。

同leo 發緊脾氣，因為明明尋日先胃炎病左要係屋企休息，今日又話因為阿清(壽星女)唔開心，要留夜d同佢飲酒，明明話唔飲酒嫁ma！之後成8:30先上到去cafe，一上去就見得阿清一個人係度準備，其他人就顧住玩。有冇搞錯呀...人地生日要人地搞埋活動book埋cafe，仲要自己準備野？！咁我同leo就索性幫手執頭執尾。

先係阿清準備的一個game。夾波子、運乒乓球、同食加料食物。我同leo代佢做司儀，不過呢個game有少少悶，氣氛都唔係咁好。之後大家叫d小食食下，傾下計。我同阿清就諗另一d game出黎玩。之後就玩左以前去o'camp玩的人鏈傳繩同埋解手。氣氛都唔錯，之後再玩埋包剪dum扑傻瓜，至少帶動到d氣氛。就都已經差唔多11點幾啦。玩埋d懲罰如食加左朱古力同wasabi的棉花糖，同埋係麵粉度dam返粒糖出黎。阿清第一個玩麵粉，冇人搞野等我搞，一手堆佢落麵粉堆，不過我好細力咋！呢d懲罰，面唔落麵粉邊好玩嫁？！跟住其他女仔我都唔敢整佢啦~好多都化左妝。到gary啦喎！梗係大力d推啦！仔黎喎，唔洗就住啦！呵呵~

author呢個時候就到左，準備佢個全世界猜枚大亂鬥。聽個題目都知大概係點，再加上佢透露過輸即係贏的大道理，我決定一開始就盡快的輸左先，因為我知道懲罰係我諗的full朱古力mask+author諗的食聰明豆。author一個人準備野有困難，就大聲的叫我幫手，我幫佢寫紙仔派俾其他人。結果有呀mickey同阿華係拎住最多紙仔的，大大獲啦！阿華要full 朱古力mask，放聰明豆係面度俾mickey食！好在mickey有gary呢個男朋友，當然係男友頂啦！gary冇咩野，反面阿華就成面都係朱古力糖漿。

之後大家就影相同飲酒，我都食埋個cake就功成身退。不過leo原來因為我同author 一起籌備個game而唔開心，覺得我地俾人睇落好似好夾咁。唉~ 咁就傾計傾左一粒鐘我先至上van仔返屋企。返到屋企3點，要快d訓，我唔想把聲差到又唱唔到比賽。

Wallace新居

早早約了manfred, gary一起去wallace的新居打牌，點知gary忽然病左，只好搵carrie頂上。

放工急急的趕入沙田，收到carrie call，原來佢會遲到。咁我同manfred去住先啦。過一陣carrie打黎話塞車應該黎唔到啦！咁死啦！三缺一，早知就叫埋leo黎登腳。不過我地去到就玩wii同埋食pizza啦。我同manfred送左個室內無線電話俾佢當作小小的入伙禮物。

Wallace新居真的不錯，地方雖少，不過都係睇價錢嫁啦！有錢邊個唔想買大d。有房有書房有個廳，仲有個超大的廚房！其實呢個價有呢間屋真係唔錯，二人世界幾warm。羨慕死我~

八完大概幾多錢同月供幾多之後，就係度諗，如果我要一個人供呢間屋，人工要去到幾多先得。唉~愈諗愈傷心。其間leo打電話俾我傾計，wallace同manfred係旁邊猛話我地痴纏。=.=" 咩喎...男朋友仔咁乖係屋企溫書，梗要俾d支持嫁啦~呵~

11點幾wallace 女朋友阿儀返黎啦，仲問係咪打牌！其實我都幾眼訓了，而且阿儀仲要返工嫁ma，無謂為左招呼我地而捱夜。打牌可以下次再約。睇下搵個星期六下午再踩上去玩下先~

好勁！

author send左呢個page俾我睇。嘩！我都相信張相係有執過o既，因為個臉型都唔同。未化之前有包包地，化完變左咁尖！但係都好勁！化完之後真係幾靚~

如果我都學會呢門手技，我係咪其實都係個絕色美人呢？？

有人好八卦

想唔到有人八卦到兩日就睇晒我兩年幾的blog！=.=" 不過佢好似明白左要『三從四得』喎！呵呵~ 以後我就可以做女皇啦！

呀！因為之前去camp我匿埋時，男朋友仔周圍的搵我，由屋果度跑去碼頭又跑返黎，結果搞到佢腳痛添！~>_<~ 仲有佢睇左mandy個blog，好羨慕人地寫得咁sweet。 Mandy!!我警告你唔好再寫sweet的blog，嚴重地教壞我男朋友。男人唔縱得嫁！哈哈！

上堂

今日返唱歌堂，唱左首溫嵐的『傻瓜』。阿sir好滿意，話呢首仲唱得好過『逼得太緊』。平時我唱歌聽起黎好技巧，呢首聽起黎有d味道，即刻叫我將星期日的比賽歌曲轉做呢首。其實我都係近排先聽，試唱下，咁就要拎去比賽，真係有d驚。

不過既然阿sir咁讚我，我就唱啦！
另外9月30日我又有個show 出，阿sir叫我唱『傻瓜』。睇黎阿sir真係好鍾意呢首歌......

傻瓜 溫嵐

其實他做的壞事我們都懂
沒有什麼不同
眼光閃爍 曖昧流動
閉上眼當作聽說

* 其實別人的招數我們都懂
沒有什麼不同
故作軟弱 撒嬌害羞
只是有一點彆扭

傻瓜也許單純的多
愛的沒那麼做作
愛上了我不保留 *

# 傻瓜 我們都一樣
被愛情傷了又傷
相信這個他不一樣
卻又再一次受傷

傻瓜 我們都一樣
受了傷卻不投降
相信付出會有代價
代價只是一句 傻瓜#

Repeat * # #

返內地

同isabella調左日子，今日我返內地公司。勁冇野做勁悶勁眼訓。

中午leo打黎講左句"I miss my girlfriend so much" 有進步喎英文！haha. 放工決定都係逃學，室內設計仲有一堂就完了。我跟同事係皇崗返香港，係荃灣見leo。本來佢話去味千，我都係決定去食雲吞麵。雖然我的雲吞河不太好吃，不過因為我好久都冇食雲吞河，所以都係選去雲吞麵檔。

食完之後上去佢剛租的板間房參觀。第一次去板間房，一層唐樓住十戶人家，內裡的設備都很舊，其實都冇咩設備，大概跟那時爸媽剛結婚住的地方差不多吧！想不到一間板間房的租金都不便宜，所以我覺得其實最好未有經濟能力的時候，都唔好搬出去住。幸好leo 只有在太晚回家不想嘈到家人的時候先過黎呢度訓。不過就咁要交租，我覺得有d唔抵，如果俾係我，我會少d去夜街儲埋d錢算數lu。

前陣子我有睇到一d agent有套房租，不過都係比budget貴。如果比我一個人出去住，我會覺得開放式好d，唔洗分廳同房，因為一間開，d位就唔多見洗。不過點都要2千幾蚊先租到，再加埋水電費，如果要一個人搬出去住，都真係唔係件易事。如果加多d錢，姨媽間屋租都係5千幾蚊，都已經係好好裝修的屋苑了。

之後就坐278x返屋企，都唔洗一個鐘。

尋晚我同佢交換左blog。

唱K

經過前兩日的事件，今日我打算返屋企早D訓補眠。但係Leo, 阿峰同埋author佢地約出黎唱k，我聲都未好返，唱歌的意欲唔大。但係見leo好想我去，咁我只好去陪下佢。咁就得罪左屋企隻老虎乸。

放工細姑丈黎車我去旺角，順便俾張月餅coupon俾我。唱k唱左成晚，到12點幾先坐van仔返屋企，真係好累。

昨晚我訓著左係床，leo打黎有野想講，我都根本冇辦法用腦留意佢講咩。今早醒來我都唔知我係真的接過電話，定係我發夢自己接左電話。

紀念性的一天

早上camp果度我哭左兩個幾鐘，想唔到夜晚又哭多兩個幾鐘。結果冇去到比賽，一黎把聲累得滯上唔到高音，二黎要傾計。

我知道我係做得唔arm的，但係真的冇你所諗的意思。聽見你愈講愈誇張，愈唔開心就愈講到d野咁惡劣，有小題大造的感覺。不過我知道雖然我覺得我係做得有d唔arm，但係見到你咁唔開心、咁緊張，我知道你係對我認真的。從你開始規劃著你的將來，而將來包括我，不管那是不是一個美麗的謊言、是真的會實現，還是一個遙不可及的夢想，只要你有這個心就好了。講講下講到冇信心，你好似有想分開的意思，我覺得呢件唔係咩大事，只係我太隨便的交朋友而已。如果真的係有野，我會自己向你爆料嗎？最多我咪唔再同佢做朋友，又唔再認識其他人囉。我冇想話要為呢d三唔識七的人，影響我地之間的感情。但係對你黎講，呢件事好似好嚴重咁，嚴重到連原諒我都唔可以講出黎。見到淚水滑下的一刻，我覺得好唔開心，如果我知呢件事會令你咁樣，我唔會咁做。

結果你拍拍心口話痛之後就拎埋袋走左。我除左傷心同無奈之外都唔知可以點做好。要等嗎？你電話又冇電，我好可能只係係度白等；要走嗎？若果你返轉頭我走左，好似唔係咁好咁。最後我坐左陣，決定都係返屋企抖下，我都累了，我冇咩可以做了。

剛入左地鐵閘門，就從後的俾人抱住，我知道係你。果一刻大家都缺堤的擁抱住係月台度哭，都理唔到一班班列車的乘客望住我地了。(反正我一個人都唔識，唔係我地頭。=p) 穩定左情緒先講返，原來你都諗住原諒我，只係想去個廁所，出黎就會攬住我話原諒我；點知出黎見唔到我，怕我走左，跑黎跑去的，終於見到我入閘。兩個眼腫腫的傻瓜就係咁樣和好如初了，我用手機將我地眼紅鼻腫，呢個咁有紀念性的一刻拍低。

************************
我喜歡看男人哭的樣子。因為男人都愛裝堅強，絕不會隨便的哭。如果佢係你面前為你哭，咁一定係因為你對佢非常的重要。

同第二個男友分手時，我冇見到佢哭，不過我見到佢眼濕濕同紅紅的。直到佢有左另一個女朋友，又或者而家同我完全冇聯絡，我都好懷念佢。佢係第一個為左我而哭的男仔。

leo 係第二個，亦係喊得最厲害果個。(哈哈~)
************************

夜晚送我返屋企時，係門口『哦』左我好耐，訂下幾大戒條要我遵守。~>_<~ 慘~

呀......想不到咁峰迴路轉的一天，最後係被一場刺激、緊張又尷尬的事作為終結。

22人梅窩camp (二)

玩到5點幾6點，悶到我嘔，決定都係沖個涼訓覺。沖完涼出黎同mickey傾下計，又唔係好眼訓。mickey話張床好多虱佢訓唔到，我咪叫佢去佢男友gary度訓，應該會好d。咁我咪可以同leo單獨相處囉~ 點知mickey入去訓，gary就走返出黎，佢兩個似乎好怕人地見到佢地並處一室咁。服左佢地。不過leo 其實係度發緊我脾氣，話我唔多理佢顧住同其他人玩。當我正想tum佢時，又有討人厭的事發生。就係訓醒的terry同我講，不如煮早餐食。我心諗我訓都未訓煮早餐？唔係掛？即刻就問係咪有人食先？阿mie就話好肚餓，咁我梗問邊個煮啦！terry就想我煮。唉~ 我都唔食早餐，我諗住一訓就訓到11點起身退屋嫁啦ma！好啦我幫你煮啦！咁叫terry去問下其他人係咪都食，食就煮多d，點知terry又唔肯去問，點我上去問。

sap左d丸出去俾佢地食，gary走入去叫我留起d俾mickey，因為佢未訓醒；果邊廂呀brian又黎叫我留返d俾阿mie，佢都未醒；我男朋友呢？仲係床度等我tum，之後仲上黎話同其他人出去沙灘玩！！整完丸就要煎雞翼，但係我地冇油喎！咁我叫terry去問下樓下 / 隔離屋借d油黎啦。有幾難o者？如果屋企冇油都會問一問隔離鄰居借住先嫁啦！但係冇一個男人肯去問，又話都係自己出去買，又話人地未咁早訓醒(你唔問又知佢地未訓醒！？) 咁不如唔好煎，sap熟佢算，但就預左冇味。佢地d男人又唔順氣，話拎d扒的油黎煎應該得，邊有可能呀！一定痴底！但係我寡不敵眾，好，就由你地自己試。結果？梗係整燶獲啦！又要我洗煲，裝滿水黎sap野，leo走黎倒走我d水，原來佢同terry想話要蒸熟佢。果度d餐具冇幾多，而且仲好多都係好核突，冇蒸架冇咩碟，大家都係食左d野唔想晒o者，做咩又話要sap又要蒸！？terry醒到拎bbq果鐵絲網出黎做蒸架，brian 照顧完阿mie走入黎想幫我手，都話佢地做咩搞到咁多野，sap左佢就算啦！佢地又唔跟我果套，又唔聽我講。既然係咁，我做咩要為左一餐我唔食的早餐，犧牲我訓覺的時間，仲要受氣！？

我索性走出廚房，但係好委屈，我咩人都唔想見，想自己一個。我走上天台，曬下太陽，做下伸展運動，眼淚就忍唔住流了。我都係入黎玩的，咁多個女仔點解唔叫佢地做？！呀mie想食，做咩佢唔自己煮？佢就可以話想食，就訓粒幾鐘有人留埋野食俾佢食。我呢個想訓覺的就要服侍佢地！？如果d男人係咁叻自己識整的，咁有創意咁有要求又要蒸又要sap的，咁一開始就自己整啦！terry原本仲話出去買麵買菜！激到我！兩dull丸仲有尋晚後加的雞翼同扒係度未食晒，仲要買麵買丸！？邊個食呀？我真係服得佢。

總之我一個人係天台，聽住對面屋隻了哥係度同我講『喂！』同『非禮』，邊流眼淚。企埋係個死角位就係唔想有人黎搵到我騷擾我。我仲想話行過去隔離個天台落樓走人算了，不過我當然唔會咁做。因為太曬想企另一個位，就俾業仔見到我，我即時扮做早操，唔知佢見唔見到我喊。之後我見到leo係外面跑返黎，問terry搵唔搵到，terry話未，就打電話。我先醒起佢地可能打俾我，原來gary, terry都打左幾次俾我。於是我都叫落樓下，話佢地知我係度。leo咪上黎同我傾。傾到10點幾我落去沖多個涼就執野走。
係人地面前我地當然扮冇野，我唔會想俾人見到我地罵交o既，雖然我都真係冇想話要分手的意思，只係我心情唔好，想一個人。ryan佢地提議出camp之後再去溜冰，因為我夜晚有唱歌比賽，所以我都想去heir時間。我地一起去左又一城食d野就溜冰。都好耐冇溜過，ryan同karmen都好勁，而leo就跌左一野(hoho)。玩到差唔多，就走人。

22人梅窩camp

好似近呢半年成日都去camp咁。今日係terry搞的camp日子，之前因為好心，怕冇人幫佢，所以自告奮勇的話幫手準備。9點起身時我就後悔了。

不過都起身沖涼執野，我要1點鐘係梅窩百佳度join埋terry, gary同mickey一起去買野。畢竟尋晚都好夜先訓，所以都遲左到，半個鐘咁啦！點半先去到。(原本有人話唔返工黎幫手，結果都冇黎到...) 先去間屋果度放低d野，果然間屋唔會點靚啦！而且都幾殘舊，比如二樓窗口的鎖係壞的，三樓toilet門會有空隙關唔晒。不過平...就係咁嫁啦。望住隔離$3k兩層的渡假屋，你都咪話唔羨慕，不過都係一晚o者~

先去百佳買日用品、係果度租埋車仔，買埋bbq d野，一次過推入camp site度。我同terry邊走邊傾計，講起佢工作佢就好多野講嫁啦！原來佢快要出走沙地阿拉伯做開荒牛，2年後返黎連升3級，會成為鑽石王老五，勁呀！其他人3-4點先黎到，幫我地去買d 野就入黎。由於仲有人要放工之後先黎 (leo同佢d朋友) ，所以大家各自活動先。我就選擇咩都唔做，係度休息下，因為好累，係sofa都已經想訓。其他人都出左去沙灘玩沙灘波。同mickey傾左陣計，佢話佢欣賞gary的係佢夠乖，雖然佢都幾悶，haha。

leo入黎的時候買左個蛋糕仔俾我醫肚，佢都幾醒呢！其實我由起身到7點我都未食過野。我自己我私伙買的百力滋都俾佢地食晒。leo問我食唔食蛋糕的時候我都有問mickey要唔要，點知到佢見到我食時就肚餓了。唔緊要，因為都開始bbq了。terry交左個好重要的任務俾我，就係點candle light。我係天台點candle 點左幾轉，都係俾風吹熄左，我都放棄了。如果冇咩風的話，都真係幾romantic嫁！阿健幫手透爐，身水身汗的整左大半個鐘先搞掂，我同其他人幫手整報紙同搬野上黎。不過我見到有d人就完全冇幫手的意慾。當有人話不如上去幫下手，karmen就話﹕『個火都未得，上去做乜？』咁都算啦，佢上到黎又係幫唔到咩手。到個爐ok啦，叫佢地上黎bbq啦。佢一上黎就講﹕『邊個咁咋，透個爐透咁鬼耐都未得！』我聽到就好唔like佢。阿健身水身汗的整，終於整到，多謝佢幫手都冇句仲要話佢。又唔見karmen上黎幫阿健撥下扇！？不過阿健呢d冇咩腦的大概都唔會介意。

之後開始bbq時，我燒左d丸俾leo食，點知佢自己就有野食。哼！算數，我唔鬼燒俾佢食。阿健食食下就講﹕『點解22個人得一枝honey？點解買咁少太陽腸？d芝士腸冇人食嫁！上次都食淨晒啦！有乜可能買咁少雞翼嫁！？』搞到terry係度say sorry。其實真係要sorry的係我，honey係我話洗唔洗買兩支，terry先放低的，芝士腸買多d係因為我自己去bbq時d人都係食芝士腸多d，至於雞翼同扒，都係我同mickey覺得唔好買太多，怕食淨。令到terry幫我們say sorry，真係唔好意思，我即時就同terry講對唔住係我唔好。

我一向都唔喜歡同d冇頭冇腦的人交朋友，因為佢地總係好容易就hurt到人地，所以我特別的欣賞一d有觀察力、細心、識得顧人地感受的人。阿健都29歲嫁啦，咁樣的態度講野算係話我地籌備得唔好嗎？！大家一起去bbq，預野食不嬲都係好難的，我都唔會知大家鍾意食d咩，只好以自己的經驗同喜好黎買。買得唔arm o既，下次買返arm囉；買少左o既，去買返多d囉；少有少食、多有多食啦！如果果隻雞翼真的對你咁重要，點解唔一開始就講定要買多d雞翼？如果人地準備的野係咁唔合你心意咁多complaint，咁點解你唔自己早d入黎幫手？！自己就係屋企訓到晏一晏，入黎坐享其成時仲要踩d付出的人一腳，我就真係唔likey啦。當然，可能佢係冇心的，不過我覺得咁大個人，咩說話會hurt到人咩說話唔會，自己識分。

之後食到差唔多，我就落去睇電視抖下。同佢地玩左陣7級豬，leo輸左要罰跳舞，再玩多次，阿vee輸左要罰同隔離屋的人問個問題。之後terry就想送禮了，佢居然叫我送！唔啦！佢明係想對阿vee做d野o既，冇理由推我出去幫佢做嫁ma。之後我又一個人落返屋，關左門，因為我真係好累，係sofa度想訓，但係又怕佢地落黎冇門口入，結果唔到一陣d人又落左黎。大家食到差唔多，都落晒黎休息，冇人上去幫手執野。leo其實有話俾我聽上去執野的，只係我好累，覺得搵其他人幫手執啦。點知因為冇人幫手，terry就發脾氣，話其他人『都未執野，就顧住玩！』

Anyway, 有d人係會自動自覺見有野幫手就幫手；有d係要人叫先會幫手；有d係即使你叫都唔會幫你手的，terry 應該知道大部份人都係後者呀！之後就玩games，terry選的369同神父killer，都十分的無聊，我自己都冇興趣玩。跟住就玩author好想玩的耍盲雞，係個廳度十幾廿人走黎走去，都幾奇，仲好多人傷。佢地玩得好投入，訓晒地仆左係度都照玩。我就一直匿係leo身後，因為我唔走得咁勁，如果一仆，又會"魚"嫁啦！所以必要時推leo出去受死算了。另外阿vee 煲左腐竹糖水，大家都飲左d。都有玩到扭扭樂，可能人多，大家都唔係好投入，冇咁好玩。之後ryan佢地就玩飲酒，而我同author佢地就去玩濕身game。

其實係我地上次係反斗城買的一個hat，裝水之後，好似俄羅斯輪盤咁睇下mung中邊支會有水淋頭。我地決定玩true or dare，問d問題，唔肯答就準備濕身。其實個game幾好玩的，只不過d人唔好玩。阿mie, 阿寶, brian, terry呢d根本就唔熟，而且都唔願意同大家share野。比如阿寶，問佢究竟幾多歲，佢就唔答選擇mung了。咁仲咩好問？呢d games梗係問d私人野八卦野嫁啦！如果唔願講的，join埋黎玩做咩！阿mie又係問佢咩，佢都係即mung。咁邊好玩？應該要同author, vee 佢地傾到計的人玩，先至好玩。當中有人問leo最欣賞我身體邊個部位，佢話係腰！想死啦佢！明知我腰粗係度串我！跟住又問我leo有咩缺點，哈！唔洗諗，就係自大！

同事farewell

坐我隔離的Anthony Chu下星期一就離職，我地同事約好左夜晚去karaoke gathering同埋farewell佢。點知臨放工佢打黎話佢老婆唔舒服，唔黎得。我都覺得有d累，主角唔到，我都想問睇下可唔可以取消。不過isabella好似想照去咁。惡夢就開始了。

7點半去到，同我最friend的henry同everlyn都冇黎。jack, isabella同我都係鍾意唱k o既，而anthony law, rorris, 阿飛都係黎陪老細o既。Neon黎唱左兩首就要走，因為教會有會要開。neon算唱得ok嫁啦！咁我去到red box梗係先唱新歌啦，佢地梗係冇人識。我已經勁叫佢地插歌，費事一直都係我唱ma。點知唱唱下，anthony law 話累，想走先。阿飛同rorris過左陣又走埋，老細都仲未到。我唱完果輪就冇再唱，同leo傾電話。simon, alex, joey 就黎啦，佢地一黎就會劈酒，isabella同jack就唱歌。差唔多10點11點老細先黎，一見到佢d o靚走晒，梗唔開心啦！我早已悶到慌，仲係同佢地玩左陣骰盅就早走早著。聽日仲要入camp嫁ma！

11點幾就走。本想坐火車返屋企，不過Leo話出黎接我。我係旺角地鐵站等左佢一陣，睇到theresa 新歌，個身勁扭！之後返到屋企都夜了。

空白

隔得太耐，我都唔記得今晚做左d咩黎。只係記得我今日返過大陸。

逃課

今晚我逃課了。leo晚上會跟他的朋友去看房子，我也去陪他看看。放工到二德惠買了東西之後，就到長沙灣找他們。他們接我之後就去吃飯了，看來也沒有什麼好消息。我們到牛車水吃飯，他的朋友阿筍，剛買了MaBella的鑽石戒子、8份，他的女朋友靜快要生日了。說著說著他們又說到很多學生時代的事，我也只好陪笑了。也問了我跟leo怎麼認識。

吃完飯他們就不看房子了，大概是leo想要送我回家吧，不能太晚走。在地鐵時碰見他的老師，他的老師說我幾靚，問了我的工作之後，又說我叻過leo。=p (那當然囉~呵呵~) 之後leo說他的朋友昨天見完我，說燈光暗的時候以為我很肥，燈光亮時看清楚就覺得我幾靚。

*********************************
收到電話費sms，超慘！要交$1200電話費！我還是應該轉台，最多賠合約費算了。

他的朋友

今天還是有不安的情緒，因為昨天他在電話的語氣好像不太好。中午有同事請吃飯，因為他們輸賭那個新同事alfred 會不會在兩個星期內辭職，怎料在賭局開盤後兩天，alfred就辭職了。

吃完lunch跟他談了電話。2點office hour還在邊做邊談，因為isabella今天在內地，我也沒有什麼緊急的事要做，所以就偷懶了。他晚上跟朋友約了去唱k，問我去不去。我放工時先到二德惠去買camp時要用的麵粉跟巧克力醬，不過二德惠逢星期一休息，碰壁了。之後跟leo會合，陪他到YMCA，再跟他朋友吃飯。

果然是比我少3年，每個都顯得年紀很小，就像是我的學生一樣。吃完飯之後再到深水埗吃甜品，leo就送我回家。這幾天leo都睡得不好，所以我們在我樓下談天到一點。

阿vee生日派對

訓到10點就俾妹妹嘈醒左。既然醒左，就煲埋個『轉角遇上愛』先至出街。係煲到最後一集的時候剛好就要梳洗出門口。臨出門口時又發tee tun，拎d指甲油出黎想試整尋晚係診所雜誌上見到的指甲款，整呀整，5點半整好，but等唔切佢乾就整花左。結果一抹，我個幾鐘的心血就冇晒！但係都証實左我係整到o既。

今晚其實係阿vee的私人生日派對，uwants的friend入面佢只請左7個，另外7,8個都係佢自己的中學同學。我約左author5點半係尖咀等，一起去買禮物俾阿vee，但係5點15我先正式宣告我1個多鐘的指甲花款化為烏有，果邊廂，vee就打黎叫我幫手pick up阿健，因為佢唔識路。我約佢6:30係hung hum kcr度等，結果？梗係大遲到啦唔洗講。

同author係尖咀反斗城買玩具都買到7點半，阿健等我地1個鐘最後都係自己摸上去阿vee屋企。我同author去到阿vee屋企附近仲要去買零食，上到去8點半原來都仲未開始。食野之後就玩扭扭樂，老骨頭又冇力，最快輸的係我，仲整瘀兩隻腳。之後玩左次神父版的killer，悶悶地咁。開始玩非洲話事pair時，leo就打黎。跟住就係傾電話、訓一粒鐘、俾電話嘈醒、又傾，咁就第二朝的6點幾了。同大家傾左陣計就去食早餐後返歸。

***********************
係我都仲係唔夠重視，定係佢要求太高？！當一個問題出現左，而我已經無法去改變呢個錯誤，除左話下次我會留意會改善之外，我實在講唔出有d咩說話。錯我認了、歉我道左了、改善方法我提意了，但係總係一整晚訓唔著覺打黎講住呢件事，我真係完全唔知我仲可以做d咩。我都快要忍唔住要發脾氣了，重覆又重覆的講呢件事，你仲想我點樣回應你？究竟你仲想點？！

都係頂唔順

早上起床，口仲係痛。返到公司，已經成左不停的痛，而唔係少少、少少咁痛。

中午同jojo又去左spagetti house度食lunch，我已經好就住用右邊牙食野，不過都係痛。jojo又講佢朋友的經歷，其實我聽過嫁啦，不過都係照聽。jojo話下次我去clubbing叫埋佢，我都唔知點答好。會唔會有generation gap呀！？

返到公司就開始更加痛，整個左邊面都痛到好痺，d牙都好酸軟咁。我都係頂唔順，想去睇醫生。結果book返屋企附近的醫生，同SSA講早d走。做到5點就返去睇醫生。leo 係我屋企附近等我，陪我一起去。等到差唔多8點先到我，其間佢都有睇英文書，不過就睇左陣就好快悶。睇完就送我返屋企。

返到屋企先發現個袋多左份野。就係佢之前話整俾我但失敗左o既野。唔睇由自可，一睇就笑爆咀。先唔好管件野真係失敗左，都幾醜樣；係件野上面的字‥‥‥唉~ 算罷啦~

痛痛飛走

忘記了要跟阿飛約好，今天我自己一個人到屯門坐巴士過關。本想坐8:20分的車，因為阿飛會坐這班車，想要說碰碰他。可是我剛下小巴，巴士就開走了。不過原來阿飛都遲了，所以可以一起去內地office了。

中午跟阿飛的teamate吃飯，劉偉跟黎熹，他們都要離開excel了。我們去了味千拉麵裡吃飯，價錢比香港的便宜，4個人都只吃了$80多塊。leo打來的時候，我正在等我的拉麵，他今天果然是休息了，去報名。又去游泳和跟朋友吃飯。

我放工回到香港打電話給他，相約了在旺角吃飯。想要說今天請他吃好的，選一家日本餐廳，可是他還是選了大家樂。=.=" 結果他吃了豬扒飯，我吃了香蕉船鐵板餐。他好像真的很有決心努力的樣子，帶了本英文書，在坐車的時候看。之後我們到了漫畫店看書，平常我一個小時可以看4本的，可是由於他在這，看他不看漫畫，只看雜誌，不理他他會很悶的。結果我也只看了一本而已。

晚上開始，牙肉有點痛，左邊面還有一點腫。今晚leo都不送我回家了，因為明天他也是要上班的。可是他在走前都不能把咒語唸好，還說對我好咧！哼~

『啜~啜~啜~，痛痛飛走！(可愛的笑著)』

第一次

第一次冇送我返屋企，係因為佢要去看讀書時間表。

今晚我去上唱歌堂，有個新同學仔。我唱左首『深藍』，評語一般。阿sir叫我諗定中秋節出show唱咩，中秋節，唱『花好月圓』？！

很多活動

星期日leo說他在想將來的問題。(又來了，又想得那麼遠。) 想說要繼續學業，以後投身政府工作畢竟他現在的工作賺得不多，只能靠不停的加班來增加收入。人手太多，要升上去是很難的事。本來他想說要搬出來一個人住的。在進修跟獨立上，我當然的建議他選擇進修了。他即晚就搜集資料了。今天還跟我討論。本來我是想要說我有空時去他那裡當個旁聽，可是原來旁聽是不可以的，不像大學。我沒理由要給錢去讀這些課程吧！所以還是精神上支持他算了。

由於很多同事都上了內地office，今天很靜很free，就跟author, 阿vee, 阿清談起msn來了。一下了就談到十月尾的活動！說實在的真的是每星期見一面呢！

九月份

• Vee私人生日派對
• 梅窩camp
• 9月份生日cafe派對 + 夜場喝酒
• 保齡球活動

十月份

• 我生日海洋halloween
• author、阿清南澳尋鄉之旅
• 月底的蘭桂芳halloween

十一月份

• 旅行

活動是排得密密的了，而看這個表，大概也知道荷包的飽滿度直線下降。我還未把我家的電腦 P4 2G, 256RAM 換掉呢！唉

美麗的誤會

上星期忙完，今個星期又鬆散了。今天工作上做錯了點事。

leo 說他的師父稱讚我，說我是個好女孩，我當然想聽聽他為什麼這麼說了。原來他師父的女朋友常常嚷著要吃好的、吃昂貴的東西。昂貴的東西是指兩個人一頓飯吃超過$250 ，另外還有物質上的要求。leo告訴他我沒有說要這樣，我們都是去茶餐廳而我都說沒所謂。聽到這裡，我完全不知道是該因為受到讚賞而開心，還是因為誤會而著急了。

我那麼愛吃，怎麼可能不想吃好的呢？！我常常都會跟我家人去好的餐廳吃飯，我每個星期二都會跟manfred找好的餐廳吃一頓，兩個人吃超過$250是很常有的事。而我之所以沒有說要他請我吃好的東西，只是因為我知道他人工不多，而且約會的地方大都是我家附近，那有什麼好餐廳？！再者他吃得很少，很多時候都是吃麵，那能吃多於$250呢？有時候心情悶悶的，我一個人都會去supermarket買百多塊零食，或者是一個人到壽司店吃兩百塊的晚餐。所以那真是個美麗的誤會。如果他有能力的話，我當然不會跟他常常吃茶餐廳啦！

不過我早就開玩笑的告訴他了。我跟他吃咸魚青菜沒所謂，反正我會跟我家人吃鮑魚，不會請他吃的。哈哈！

在家休息

兩點多leo送我回到家，我梳洗後就看劇『轉角遇到愛』。其實挺想睡卻又不願睡，睡眼惺忪的邊看著畫面邊流眼水。leo跟朋友去唱k，久不久打來說幾句。

他問我，女孩子想朋友稱讚她男朋友什麼？長得帥？有錢？還是其他的？他叫我想想，往後我們再討論。我不等他掛線就說了喜歡別人稱讚她男朋友有本事。

其實讚我男朋友長得帥不太重要，女生評論男生時，都不太著重樣子。(雖然我不一樣，haha。) 有錢嗎？如果這些都不是他自己賺回來的，而是家人的，那沒什麼值得稱讚；如果那是他自己賺的，朋友應該會讚他有本事，而不是讚他有錢。

除了本事之外，大概就是稱讚他的人品了。比如朋友都看得出來你的男朋友很有風度，那你也會有面子。如果朋友看得到你男朋友對你超好的，你也會感到很sweet。

穿越時空的少女 + 燉雙皮奶 + clubbing + 秘密場所

8點多被媽媽的alarm嘈醒了。看了看手機，leo的sms說要我再聽他解釋。太累了，我不想在精神狀態不佳的時候面對問題，所以倒頭又睡了。12點多再度醒來，再收到他幾個sms。梳洗一下，吃點東西，才回電給他。

他已經工作完畢回到家中，慢慢的我們又談了幾個小時。是，我們都想遠了。可是事實上，讓我這幾天編織的未來，實現的成功率降低了很多。我不知道是不是還要想將來。雖然我之前也說了，根本不用想得太遠。算了，事情只是回到了原點，想法也是回到了原點。『想這麼多幹什麼？！過了一年才想什麼將來吧！』

看了幾集『轉角遇到愛』之後，4點多就開始化妝打扮，可是還是趕不急。都是那個假眼睫毛害的！很難貼！7:55分的電影，我7:35才剛離開家。結果我們8:30才進場，看了半場戲。今天的他比平常更體貼，不時的偷看著我，傻傻的親我的手背。

睇完戲我地去左食燉奶。因為我d眼睫毛液太乾，掉左好多黑色粒粒落鼻翼位置，而我又冇帶鏡。係義順度入個toilet想話整整佢，點知原來係冇鏡的。於是我就話食完野再去搵另一個toilet整。我見leo都唔多聽得入耳，左望右望的，都知佢仲未死心嫁啦。但就想唔到，佢借去toilet為名，其實走去toilet附近的男女度問佢借鏡俾我！！嘩！魚到爆！個女仔都化左妝，都冇帶鏡，所以都係無功而返，仲俾果對男女勁望勁笑。我都忍唔住笑leo。不過想唔到佢咁厚面皮，傻得黎好可愛。haha！

之後我去左買內衣，佢第一次陪女朋友入去呢d店度，勁搞笑！坐埋一邊唔敢周圍望。差唔多時間我地就去中環度join埋佢d朋友。因為我地今晚約好左去clubbing。

第一次去clubbing，我地去中環的Sugar。認識左leo的朋友，阿alex、健仔，仲有happy。由於我地11點入去，人太少，舞池度只有幾個中女係度跳舞，仲係勁誇張果隻。令我想起我中七拉呀mandy, 綺薇佢地一起去大學的party時，一入門口就見到有個女仔係度勁跳咁。我同佢地企埋一邊傾下計，飲下野先，因為我想等埋阿vee, may may同埋april黎先玩。呷左口alex的wisky，好"拿"，喉嚨好似火燒咁。好在只試左一口，希望唔好影響我唱歌就得啦。

等等到到12點幾，阿vee 佢地，連埋oscar同ryan先黎。佢地見我化左妝打扮，就話我成個唔同左樣，oscar仲話我埃及妖后...=.=。anyway，人開始多，我地4個女仔一起去跳下，又睇下人地係點跳。跳左一陣又同leo跳下咁。總之去到3點幾4點，大家都好累，對腳好酸。vee同maymay就因為有我地係度，唔敢放膽去hunting，而我同april就係第一次黎呢d地方，都唔知有咩好玩，就咁un 下un下，又累又酸。大家都決定走了。

之後我同leo見時間都唔差得幾多，等多陣就有火車了，於是走左去一個我地想去的地方度傾下計、消磨下時間。到12點幾一起去食埋lunch先返屋企。係茶餐廳度個阿姐好搞笑。隔離枱有個阿伯入黎叫野食，一聽到個價錢就話咁貴，就走左去。個阿姐走埋黎對住我講，話個阿伯冇錢就唔好學人黎食野啦。個菠羅油幾多幾多錢都話貴！我地笑住咁應左佢，大家都唔知點解阿姐會無端端同我地講呢d野。

anyway，個weekend就咁就完。我返到屋企又睇左陣劇。同leo都傾左好多計，討論下去向咁。感覺到佢對我更加的好。只係，我有信心對佢同樣的好嗎？！