罵交 + Eight Below

今日一早就同表哥罵交。

最唔鍾意同果d爛口的人講野嫁啦，聽到果d『單音字』真係無名火三丈起，而且佢仲要話佢同表姐都覺得我個人好現實！真係超級『興』，一年見面都唔知有冇十次，傾計(我指深入的，唔係你返工返成點？果d問題)，都唔知有冇傾過3次，只係上次講要話叫佢教佢老公中國習俗，新年派利是俾我o者~ 有咩咁現實？你方封利是好大呀？頂多咪$20，如果講兩聲叫你結婚派利是都叫搵人著數，呢d人真係小家。我同未結婚果d朋友都成日叫佢地派利是先嫁啦，有幾閒呀？！

老表仲死，我講笑話問佢借錢買樓唔俾息，點知佢就興過火屎。我都唔知佢做乜咁認真，你估你收埋好大把咩！就算係呀，我都唔會問你借啦，問我d姨媽舅父姑姐借啦！銀行借啦！可能佢睇錢好重，吹水一有個『錢』字就勁認真掛~ 係我o既錯，我唔應該對d咁斤斤計較的人，開佢最敏感最在乎的野的玩笑。(唔知邊個現實呢呵~)

一向都知媽咪果邊d親戚個個都另類嫁啦！

夜晚去左睇Eight Below。之前睇左sherman個blog話佢睇呢套喊到豬頭丙咁，所以都拎定紙巾先，你知啦，我感情豐富ma。雖然我唔識分邊隻打邊隻狗，都唔識睇佢地的眼係咪好有感情，不過係個主人要放低果幾隻狗走果時，我就開始喊到完場了。鍾意動物的都會幾鍾意睇呢，我覺得。將來如果我有屋，一定會養返隻狗仔。

今日lost world過左兩關！yeah~

呢幾日真係...

呢幾日真係過得好混混噩噩。想做個web service project，點知搵到的service都唔係用wsdl，唔知arm 唔arm拎黎做project，所以冇開始做。就咁發o下夢，玩o下flash game，睇o下website就冇左幾日。唉... 咁唔掂嫁...我點可以靠個teammate呢...佢都唔方做得到d功課...

今日係火車度聽到番禺長隆歡樂世界的廣告，醒起前幾日朋友問我番禺點寫...唔通佢會去果度旅行？

聽朋友話skype好好用，我今日都裝左黎睇，pc call pc就free law，but call本地 / idd d號碼都好似要俾錢咁呢...冇睇清楚。

失敗

今日整左陣project，玩左陣flash game，放工又去返學。今日快月尾，仲有d錢可以食好d，hehe。去左italian tomato度買左個pizza同cheese cake上去課室食，好在d人未返到。點知食食o下d同學一個一個入黎，我都已經唔望佢地嫁啦，其中一個見到我，就『嘩！』之後就係度笑......-.-"......冇咩嫁，笑我大食之ma。

之後上堂講neural network同埋decision tree，真係聽得一半一半。放學捉住miss問之前溫notes唔識的問題。問完之後miss話，聽我問的問題，覺得我係有d野唔明。>_< 超shock！我以為我溫得仔細，d同學冇留意的數式我都有留意，點知佢咁話我。唔知係我溫的唔係重點，定係......唉......再溫過law......

NDS games

原來隻日式麵包王同埋Cooking mama出左呢...

不過唔買住，上次買左果d game都未玩晒....要快d set up 個wireless router先得呢

溫書

今日訓到好晏先起身，點半先起，食d野就開工溫書。都溫左一陣咁啦，不過都仲係有好多唔識...另一科直情係未溫過tim！

孤獨

今晚裝左個adaware 清左d spyware，不過呢隻唔會有即時防護，所以耐唔耐要scan o下先得。之後就睇韓劇『孤獨』，d韓國人真係...d男主角求其有返咁上下高大就可以做演員了，又唔靚仔，女主角又多墨又老...

不過我都會睇埋落去o既，都download左啦，唔睇o既話咪即係浪費我download的時間同埋我個harddisk不停係度做野的辛苦！？

榮華川菜館

今日放工去左試呢間野，d人講到好正咁！點知去到我發覺原來好多年前我同d親戚食飯都黎食過嫁啦。唔...因為d人話鍋貼正，所以我點都係要叫一碟試o下，但係如果再叫二人餐又會太多野食唔晒，所以都係叫左少少野。鍋貼、酸x湯同埋三鮮炒年糕，睇落好似好少野，但係我地都食唔晒。

• 鍋貼冇我想像中咁脆law，個底係脆脆地o既，都ok咁啦~
• 酸x湯就真係好大碗，飲左幾個細碗都飲唔晒，同埋真係唔錯，喉嚨那那地咁，飲得多我仲有少少想嘔...hehe 係我唔受得o者...
• 年糕都唔錯，熱的時候好食d，不過都係好大碟。

食完野就走lu，不過唔記得左人地喉嚨痛仲叫左個酸x湯tim。下次黎試都係試二人餐會好d。

夜晚返到屋企就整電腦，想話自己delete d registry，點知搞到一獲泡。最後都係用window recovery的funtion，返去兩日前未install game果時law。d spyware同adware好似係我搵game果時click左入果個www.crackdb.com 咁的site度野返黎嫁..嗚...聽晚仲要再download個anti-spyware黎剷走d spyware tim。

中毒了...

今日因為supervisor sick leave，全部同事都唔做野lu...我就係度玩popcap game都玩左半日。因為project果度唔識做，所以冇做到。夜晚返學忍唔住買左好多壽司一邊上堂一邊食，-.- 減肥已經徹底失敗左啦！

返到屋企係emule度搵到popcap game的crack version，我download左d，點知就係咁中左毒！唉......而家只好唔上網住，搞掂左先呢...

報左名啦！

今日係度睇JWSDP要點用，裝就裝左，不過唔知點解跟sun果個tutorial d野做唔到。

放工補返上堂早走果dd時間，就急急腳走啦，因為今晚約左屋企人去報名。因為返到去仲有時間，就係上水報，搞手續都搞左成個鐘先搞掂。跟住食埋飯就返屋企。復活節有掟去啦~呵呵

尋日做左少少呼拉圈，不過今日腰就好痛，而且仲穿埋『戰衣』，唔係咁舒服呢...所以今晚做唔到呼拉圈啦...=p

返屋企睇左兩集錄低左的『青蛙王子』，唔知係咪自己累冇心情睇定係套野係咁悶的，我邊FFW邊睇左佢講乜就算。最搞笑就係個男主角要俾車撞、醒返、又撞車跌落崖、又醒返、再俾車撞先可以失憶，我都服得個編劇啦。

禽流感flash

又係好得意的link

值得懷念

表哥send俾我呢個link，係d日本卡通的片頭，當中美少女戰士係最記得嫁啦...呵呵

Fat Angelo's

今日一早同同事傾完野，supervisor check過冇問題，我又係度做自己野。做左陣project就開始睇ebook，因為另一個project要識呢d先可以做到。放工就去上堂，上完堂後就去左fat angelo's度換個money clip，即係免費做左vip，咁每個月都有d優惠咁law。最未去之前打去問佢而家仲有冇得換，點知個waiter用英文問我係咪而家去，嚇左我一跳。我只好用返英文點答Yes。我幾鍾意食果度d包，因為外脆內軟，忽然興起就想買包聽日返工食。去到個waiter就已經係門口等我，俾個money clip我，問我係咪要買包，買幾多個。我講左買六個，就叫我係bar table度等。之後佢去拎張單俾我時，係度同個bar 果個人係度偷笑，感覺勁embrass。一出左門口我就諗，我買左6個包，究竟要食幾耐！？ -.-" 死......啦......唔怪得人地笑我啦...

嗚......好唔開心

今日出街同朋友去行街，我好多野都想買，衫啦、鞋啦、袋啦......etc。先去左食野，之後行左一陣，我買左條裙同埋件衫。不過，果個sales真係...>_<...都唔知點做sales o既。我同朋友都睇中一件衫，問佢我地穿會唔會好窄，點知佢話我朋友就實ok，我就......

哼！成日的心情破壞晒~ 唔行啦！

之後去左飲滿月，仲唱卡拉ok tim。估唔到d歌都唔係好舊，定係我根本唔識d新歌！？

剪髮

今日公司會停電，所以趕緊做埋d野就去熄晒d機，費事停電時燒緊d野。所以d server一早就熄晒，自己就係度等放工。放工去左尖沙咀剪髮，就黎換身份證了。剪左d同埋整左highlight，睇落都ok啦......不過就肉痛law。今個月d錢洗得好勁...唉。

放假

今日係建校日，所以全部放假。原本係有心今日溫書o既~ 不過一起身就11點幾了，下午要同媽咪去睇o下旅行d野，咁咪休息law。3點去睇，5點幾先返黎，咁就食飯啦喎！咪又休息law。夜晚開大會，咁梗係溫唔到書啦。=p 差兩集就睇完果套日劇啦！

聽日好多野做，尋日傾完有好多野要執，又要搵d時間做兩份功課，又要搵時間整行程。

一公升的淚

前幾日開始左睇呢套『一公升的淚』。係前一陣子好hit的日劇，真係好慘。故事係講個女仔患病的時候點面對其他野。睇左第二集已經喊了，對眼腫晒，返工仲俾同事問係咪唔夠訓。主角果個女仔又幾靚嫁...

今晚返學個阿sir都唔知做咩事。平時上堂已經成日話d notes唔見左個slide，下次補返俾我地。今堂就成日話skip左先，之後再講。skip skip o下我都唔知佢邊d係想教邊d係唔教了，半堂break的時候勁多人走左，都唔知佢地係識晒所以走，定係頂唔順而走。雖然我都係坐到佢完先走，不過佢教的野真係get唔到d咩。新俾果份功課又要努力d啦。

得意link

今日manfred send俾我睇的flash link，幾得意嫁

• http://mondo.happytreefriends.com/watch_episodes/flash/showplay.asp?episode=ski
• http://mondo.happytreefriends.com/watch_episodes/flash/showplay.asp?episode=trails
• http://mondo.happytreefriends.com/watch_episodes/flash/showplay.asp?episode=trailstwo
• http://mondo.happytreefriends.com/watch_episodes/index.html#

10個女教師7無男友

今日報紙話十個女教師七個都冇男友，hahaha，我中學同大學的好朋友，全部都係女教師！！
不過......

香 港 女 師 協 會 有 意 邀 請 以 男 性 為 主 的 專 業 團 體 ， 如 工 程 師 學 會 及 警 務 人 員 組 織 ， 合 辦 聯 誼 活 動 ， 為 女 師 製 造 機 會 ， 擴 闊 社 交 圈 子 。

要叫佢地預地我先得！！

溫書日

今日10點起身就開始溫書，唔敢懶啦！因為扣返去旅行的日子，得返3個星期。而且仲有兩份功課要做，真係超驚。今日溫data mining先，因為個project要開始做了。睇左成日都係唔明，佢太多果d algorithm，但係又唔知咩時候要用咩。好似話要做clustering咁，一個method整出黎個cluster係globular shape，一個就clear cluster先會做得好，noisy cluster就唔會好。-.- 我都唔知佢cluster左出黎係咩樣，點chose用邊個cluster? 唉...

睇到4點幾就休息了，因為notes就只差一份就睇完，but好多野都要問miss同同學仔。跟住我就開始玩我個animal crossing。真係幾好玩o既，即係你唔好expect佢好似要打怪獸果d咁，升level呀，賺錢呀咁。佢其實係好似sim city咁，不過d公仔幾cute。而家我要搵個時間set返up個wireless router，咁就可以上網同人地玩啦！

Animal Crossing + Lost Magic !!!

第一次參與網上拍賣！前一陣子聽robin講佢有玩網上拍賣，我其實都有想過試o下，但係貴的野好似電話果d，我又唔想係網上買；如果係衫呀手飾果d，情願出去行o下街買啦；所以最後都係冇玩到。不過我終於睇到想買咩啦！就係NDS的game！我睇中左 Animal Crossing 同埋Lost Magic呀！跟住就學人係上面bid，bid完都要$200一隻到，當然係二手嫁啦~ 不過係樓下個shop度睇過, 兩隻都要$250以上呀！而且Animal Crossing $250 仲要係日文版！我win左個bid，今日下午出左去同個賣家交收，check過玩到呢~ 呵呵~

返黎的時候去左做facial，好耐都冇做啦，你知啦，d黑頭果d真係好煩嫁ma，所以都係去整整佢先，返屋企再full mask。去左屋企附近果間，都ok喎！$150一次基本清理，除左修眉黑頭之外，都有同我做mask, eye mask, 按摩面、眼同個頭，肩都有整左幾野。雖然個眉修得一般，不過都覺得service ok。我都係冇同佢買十次果d呀！如果我想做我情願散客咁入去law，而且仲有咁多錢要洗，真係冇錢花係facial度啦。

今日又冇左成日，冇溫過書，唉......真係擔心。

極品

icq 真係多極品，今日又遇到個。random chat hi左一hi之後就叫我出去同佢打波，我梗係唔出啦，電話我都唔傾嫁喎。跟住佢忽然就問我點係oracle果度select d 野，佢又唔識oracle，又唔識programming，咁我梗係叫佢d IT的同事幫佢啦，點知佢公司又冇IT的同事。原來佢公司個program會link入個oracle database，而賣program的呢個公司就已經摺左了。咁我梗係俾意見佢。

• 一，係就搵過另一間公司睇o下人地幫唔幫你maintain，多數都唔會嫁啦，整過個仲好。佢自己都話十年個program而家都唔係咁arm用。
• 二，咪直情搵公司整過個arm身的program，佢地會做埋data migration嫁啦。
• 三，請個識oracle的人返黎整整佢law。

佢話佢公司冇錢。ok fine，咁冇法子啦。跟住就狂逼我幫佢。大佬呀！我都講左我唔熟oracle了，而且個問題唔係我而家教一教你就得，而係你遲d都會有好多oracle 同個program的問題要solve，最切底的辦法你唔做咁都冇法。我冇理由要俾個oracle的introductory course你o者？我要去讀oracle都要4皮野啦！

如果你話呢個係我同學、朋友或者親戚，幫你有幾閒o者~ 不過呢個係一個只say過"hi"的netfriend咋喎~ 你以為上網識個IT人就『老奉』幫你解決電腦問題嫁啦？！咁我地唔洗搵工啦，個個上icq識返幾個IT人就乜事都冇啦。都傻o既！之前都有個叫我幫佢solve佢電腦裝唔到program的問題，我講左佢點check嫁啦，都仲係解決唔到都冇法子，俾錢搵人幫你整啦！唔通我做埋上門裝機服務呀？ 呢個又問我oracle點用，下次洗唔洗我上埋你公司寫埋個program俾你？而家d人都唔知諗咩的。

仲要係度話我冇愛心，話我唔同佢傾電話同出街唔知我驚乜！痴線，都唔arm傾出咩街？我就係驚遇到呢d痴線佬law。有誠意用真心黎識朋友？！誠意同真心唔係講嫁，33歲男人！你以為講十次『我有誠意』就係有誠意嫁啦？有誠意就唔會逼人同你傾電話出街，用真心就唔會利用人幫你。

o下o下遇著呢d人都真係皺紋都多幾條。

天生一對

今日放工留低整埋d野先走，約左人係APM度睇『天生一對』。雖然位置唔係正中，不過都ok。套戲又真係ok喎，不過千嬅的身材就咁就暴露晒了。當中都有好多笑位大家一起笑。

話時話，我都25，洗唔洗去驗一驗身呢？~.~

A Cappella

今日終於上晒d GE的唱歌班。A Cappella真係幾好玩，睇見佢搵返黎果班人係度，大家各有各的哼自己的拍子，就成左一首歌，都真係好勁。雖然我玩完喉嚨有少少痛，不過都值得玩o既。整返隊 A Cappella team都真係幾好玩...
=p

收到有sing concert d 宣傳單張，好鬼想去扮學生玩o下...
唉...我已經唔係學生了...

*******************
Gay's singers 姬聲雅士

其中的憑國東同埋鮑鳳薇就係黎教我地的人啦！佢地係無伴唱的組合，即係完全唔用樂器，只靠人聲！好勁嫁！
聽o下佢地的歌

別說我歧視他們

最近icq的random chat全都是大陸人。談過幾個人之後，真的不想再跟大陸人談話了。全部都係怪人。

繼上次果個愛國者之後，今次呢個成日都問我『今日想傾咩』。一聽就火都起，我有野想同你傾就會搵你傾啦，而家你搵我傾就係你有野想講，冇野講就唔好同我講野啦ma。日日問我今日傾咩好，有咩想講，煩唔煩呀！？icq friend o者，唔係日日都要好似d維園呀伯咁拎個題目出黎傾的。講野有野arm傾就自然會一直講落去嫁啦。跟住佢就係度發佢d情懷。


可我的快樂被歲月搶走了
我把生活當成一种幸福 可它給我的卻是痛苦
我把所有的痛苦堆在一起 可它又擋住了我的去路
只因有一段 痛苦的日子 我天天生活在想它的歲月里
有時 你把不想 想的太嚴重了 反而是想我不知怎么面對

我感覺我自己的眼前飛來飛去的都是別的人幸福
那你知道幸福是什么嗎
你對 "幸福"怎么理解
幸福是像是一瓶你同齡的老酒 感覺就像是瓶蓋 歲月就像無情的風雨 如果酒瓶被大風吹倒了 ............................. 還好沒破
(講到呢度我已經覺得佢係咪有問題的，而家叫你作文咩，用咩比喻法呀？！傾計o者大佬)
如果用金錢包住 它就沒有了 它原本的味道
我只是一個訢說的人 我不在喜歡你說不明白有回答
(你只係想講，又唔介意聽果個明唔明，咁係咪有病？！不如自己去作文啦！洗乜係icq度搵人傾o者。)
如果你不想听就算了

真的不想聽，你只是在寫文章。

死火！

尋日下午先起身溫書，溫左兩份半notes，不過有唔明呀！之後睇左陣漫畫先出去。夜晚約左莊員食飯，係呢度。價錢唔係貴，d野都幾好食。我地有7個人叫左個4-5人餐都好飽，因為果碟北京填鴨真係好大碟，食極都仲有。之後有食拔絲萍果、高力豆沙同埋豆沙窩餅，不過都食剩左。跟住就去左諾士佛臺度飲野傾計。

都傾得幾開心呀！話當年咁啦~ 不過睇見yvonne同ivan真係好登佢地開心。超級恩愛！最重要的係ivan佢真係好錫yvonne，成場佢其實都悶悶地的，因為佢都冇上莊，不過完全冇唔likey的表現，又會幫女友夾野食，同我地jum茶咁。女友要認叻時佢就識得做小男人，幫女友拎野不單止，到左街度就識得拎件褸問佢凍唔凍，要佢穿住仲攪實tim！ 嘩！真係廿四孝男友！拍左6年都仲可以咁好真係好難得。超羨慕！

我返到屋企check埋email就訓左。今朝起身先醒起我唔記得交功課！拿拿聲send返去扮野話尋晚send左but mail delivery failed，而家補send，希望佢唔會扣我分啦...
=p

-.-" 我夠知啦~

今日又打去個project member度，問佢究竟d code 研究/努力成點。跟住佢猛同我講佢覺得一個video player 應該係點點點，我地仲差d咩咩咩未整。老細呀！鬼唔知而家個window media player好過我地整過舊好多咩！你要做先得嫁！講得咁多野話要改要做，自己又唔做。我一早就同佢講左唔係想像中咁簡單嫁啦！好啦，拖到尋日仲要話佢做埋其他我未做的野。ok，我心諗你做到就做law。不過佢連code都未睇係咩黎，我就唔信佢1日睇完明晒仲可以改埋law。我都花左個幾星期先睇得明明地阿fred d code。

今日咪又係話做唔到，睇唔晒d code。只係一味講應該要點set 點set，鬼唔知咩~ 你咁本事你搵到個api黎整呀！一叫到佢搵個api就靜晒，結果咪就係係個readme file度加幾句野，最重要就係加埋自己個名上去！！！真係同佢愈講愈激氣。我擺到明就係唔會再做落去嫁啦！功課又唔係冇得交，只係分唔會好高o者~ 你做到的，咪拎高d分law，好公平嫁！做唔到的，就慳返啖氣暖肚啦！咪waste埋d時間。

我好懷疑佢連java都唔係好識，因為同佢講d function同code佢都係o我左聲就算。好忟！！

好平凡

呢排真係冇咩野好寫，照樣的上學同上唱歌班。今晚終於唱左次首歌俾張偉文聽，佢話我有dd懶音，好似個『上』字咁，同埋唱得唔夠放喎。學左首『梧桐樹下』，又係個個師奶都識係我唔識果d歌，下一堂就係最後一堂，學埋『不了情』就完了。我冇報高班呀！一黎我怕又係好似呢班咁，上左三堂先輪到自己唱一首歌。不過佢話高班係真係教你點吸氣同發聲喎~
我睇都係等我考晒試，暑假先再玩了。