Dream of 歐遊

留意﹕ 857, 945

今日睇左好多歐遊的網頁，好想去呀！！！不過又好貴。巴士團都去得過，不過又怕唔好玩。同事話去到住hostel，有kitchen自己煮野食，食野果度平好多。呀~ 邊度搵到人可以同我一起做backpacker呢？如果可以係contact完果時去歐遊半個月至1個月就好啦.....

http://davidtsai.blogspot.com/

http://city.udn.com/v1/blog/article/index.jsp?uid=yj00000&f_ORDER_BY=new&pno=9&f_ART_CATE

O2 Atom Exec

原來O2 月底就推出O2 Atom Exec，相機好左、cpu同埋rom多左。好似唔錯，不過價錢又高了，$845 USD即係成$65xx HKD! 好貴呀！都係等月尾，出左呢部之後，atom應該會跌價，到時可以平d買呢~

而家屋企果邊白色atom賣$5280, 加$200就有1G果d sd card。

IBM game
攻略

黎緊果兩個sem，我想take呢幾科。其實都有想過做project，都有兩個project有interest。不過阿fred話會好忙，我都怕太忙做得唔好。而且當我見到有得choose project的時候，已經過左deadline一個week了。

CSC7280 Computer Game Software Production
CSC7233 IT Project Management
CSC7232 Computer Models for E-Business
CSC7241 Advanced Topics in Information Systems

無奈

係sweetsweet.com度見一個網友寫的。


愛他，當然渴望他得到快樂。
愛他，也當然渴望他能帶給自己快樂。
沒錯，當他不能帶給自己快樂，我寧願退而求其次..他得到快樂也不錯。

快樂，其實很簡單，一句說話，一個眼神，已叫她體會至深。
快樂，其實也很艱難，你想得到更多的關懷，更多的愛，這足以叫自己透不過氣。
沒錯，我倆末至於不快樂，但卻肯定不是快樂。

愛她，你會在時間表中加入與她的約會，每一頁都把她的名字填得密密麻麻的。
愛她，縱使沒有宣之於口，但你會時常親吻她，希望她知道你疼她。
沒錯，當一切要開口要求已不是那回事了。

愛他，你會介意他有沒有給你一個名份，一個留在他身邊唯一的位置。
愛他，他的過去，他跟你的現在，他跟誰的未來，你都在乎。
沒錯，但我卻絕口不提，盼望有一天你是心甘情願的。

事實上，他沒有拉著她的手上街，她就會詫意，他是否不認定自己？
事實上，她向他發牢騷,甚至鬧分手，其實心裏萬分不願意，因為女人都是口不對心的。
事實上，我們分開的話，是否屬於"分手"、我也不能肯定，因為我從沒有得到你的認定。

事實上，男人光得一張咀巴，最會教人戀愛，但往往到了自己身在其中，就沒那麼灑脫勇敢。
事實上，她跟他每次發牢騷,甚至鬧分手，他都會暗自記她一個缺點，因為男人都是敏感記仇的。 事實上，我怕自己所有的不計較、會成為真的"不計較"...永遠地。

而愛上他，就別計較太多，始終，能與他相遇，總是要集結天地人三和，既然不容易，又何必斤斤計較？
而愛上她，就別記她太多缺點，始終，女人是愛生事端的分子，雖然恨，但既然你愛，又何比要多加一點恨？

愛，就應當放下各種不信任，批評。緊緊抱著一起的時光，別讓自己後悔，當初沒有好好的珍惜。
我珍惜我與你的相遇....因為我知道我倆沒有相守的緣份。

花與蟲占卜

向日葵 女皇小姐
愛情運﹕85分
適合昆蟲﹕蜜蜂、螞蟻

自我型的女孩．不太會為異性的要求而更改，高高在上，極易造成他人困擾。不過只要被她看上，保証愛得火熱。這類型女孩談戀愛時很堅強，包容力甚至勝過男性，但有時對稍不合意的事，會立即表現出不滿，極易傷到人。

超飽lunch buffet

一早冇食早餐，因為lunch要join wendy的farewell lunch buffet。其實同wendy都係做野時有接觸，計都唔傾多句o既，不過叫到有function就去支持o下，露個面。lunch同埋d同事一起上去，點知得一個人係度，其他都未黎。平時lunch 係1:00-2:00，今次buffet係12:00-2:00，所以無形中我地係做少左一個鐘野嫁！坐左一陣就出去拎野食，款式唔多，沙律同埋甜品都佔去大部份的地方，熱葷得6樣咋！不過我都有食，主要都係食左壽司同甜品。咁多樣野我覺得係個甜品最好啦，由其係果個朱古力蛋糕，我食左3件呀！d朱古力慕思好濃朱古力味，而蛋糕做得好輕，食左落去好似陣風咁冇左。最後我食到個肚有d要爆的感覺先停手，仲有幾野想嘔tim。所以夜晚係完全冇食飯。

夜晚睇左陣comic同埋卡通，發現我個drive又爆了，係要抽時間在煲清返d野先得啦！同事又借左d卡通我睇，上次果本書仲有一半未睇呀！

***************************
今日見到forum有人介紹呢間仁氣，佢下午2:00-7:00有buffet，好似係d野半價定係點。總之就唔係貴又新鮮咁，幾時去試o下好呢？

Nice japanese game

驚喜呀！ESA

今日放工去左california fitness度開始玩我個試玩啦！其實開左card都快一個week，而家先去第一次，唉~ 不過今日去的時候見到靚仔呀！！我去到係跑步機玩左20分鐘fat burn果個program。之後去左跳body combat，係果d拳擊果d course呢~ 好多人，好在有個大隻佬讓個位俾我咋！我邊睇佢做邊跟住做，忽然見到年好熟悉的衫。冇錯啦！就係我地ESA O'camp 99的soc衫呀！！！超驚喜超意外！果件係藍色的，係我地入大學果年freshman穿嫁！！我邊跳邊望果個女仔我識唔識，點知係唔識嫁。情形就好似係disneyland你見到一個稀有的襟章咁！ haha...其實我穿住o既都係ESA o'camp，不過係我做exco果年freshman穿的黑色soc 衫呢~ 大家背上都係寫住Engineering Student Association，好鬼有衝動想去相認呢~

=p 我好似太...有歸屬感啦！

中學同學 - 彭雁玲

今日係newsgroup同中學同學傾開彭雁玲。當年我都好喜愛演劇，所以入左劇社，同佢一起排劇。當年佢仲有教我點發聲tim！不過果次劇社的演出，我因為佢忽然改變戲服，由原本穿的褂，改成普普通通的西褲shirt衫，眼淺+唔開心所以喊左出黎。最後佢都俾我穿褂呢~ =p

不過始終我聲音唔夠響亮，做得都唔夠好。之後畢業都好似聽過話佢入左演藝。都好正常o既~ 佢一直都係全校歌唱比賽冠軍，果時同黃鴻佳合唱，真係幾好聽嫁！

今日係google 一search，原來佢真係好活躍呀！

http://webserver1.etvonline.tv/etv_c/digilibrary/subject.cfm?CS_RER_NBR=149&Submit=Go

http://dickso.com/content/view/35/29/

http://www.isd.gov.hk/chi/tvapi/06_ea199.html

http://www.springtime-parenthoodtheatre.com/htm/tutor.htm

可恨！

某男網友使詐騙去我的珍藏--兩大張兒時玉照！！！
願佢得到報應！！

Tunnel Part1

呢個解迷game幾好玩。個background music係用slient hill嫁喎！唔怪得幾得人驚咁啦。

攻略

漫畫天

今日上午忙於準備賀卡同埋lunch gathering的安排。lunch去左唔知邊個樓的酒樓度食，叫做酒樓都只係因為佢個裝修似，但係都係叫餸食飯o既，冇點心嫁。我地十個人為慶祝阿head結婚而聚餐，都係傾o下佢去邊渡蜜月果d啦！禮物的鬚刨看來都幾arm用。

下午阿head請假有事要做，我又好free咁。同網友傾左陣，心情都係好一般。聽完佢講呢個世界的男人都係沙沙滾，不禁又一次覺得都幾灰。之前心情忐忑，總係想起那人的好，傾完之後，又令我想起那人的不好。『是緣是債是場夢　夢完夢醒都心痛』=p 死！淨係想起d老歌tim！不過我都要收拾心情啦！

夜晚返屋企食飯，原本想去游水，不過因為尋晚訓得唔好，所以都有d累。都係係屋企睇o下漫畫就算啦~

好...懷念完畢！

情已逝 張學友

＊是誤會　或是彼此欠缺默契
從前情濃如酒卻遇著防衛
今天的妳已是鉛華盡洗
回我身邊不過當初的愛已漸逝

＃滴著淚　問什麼因素錯誤計
情人能重逢心卻未獲連繫
今天的妳已像完全陌生
就算始終不變一般美麗

＋情已逝　妳當初傷我心　令我悲悽
不得不放棄　柔情何時已消逝　沒法可重計
情已逝　妳當初一帶走　便再不歸
雖今天再遇妳　濃情仍然似水逝　從前莫再提

重唱　＊,＃,＋,＋

大學聚會

今日原本想11點就醒，但係都係醒唔到，之後都要1點先起到身，arm arm好訓左12個hr。起身食d野換件衫就出去，點知落到樓下就要走返去上去睇夜晚個restaurant係邊。結果出到去都5點啦！去到奧海城睇佢地打bowling，睇到我都好想打，不過之前整的手作仔...唉~ 我見到人地有個閃燈保齡，想起之前係oscar個blog度見到佢提過去taiwan買的。

之後就去左間野度食, 叫做King Ludwig Beerhall。原本係同舊同事nakatani去赤柱度食呢間野o既，不過而家同左大學同學去尖沙咀果間。赤柱果間好似係有dinner buffet食嫁！講返間野，聽到隔離table話隻德國咸豬手好味，即使有幾個人話唔好豬手，我都係叫左黎試。真係幾好味，皮脆肉嫩，唔un嫁。至於d腸我覺得一般啦，好似台灣果d一口香腸肉汁仲鮮tim。食左個pasta (angelhair) 都係覺得一般。我叫左杯cocktail 叫Flying Angel，幾好飲，好香椰子味，完全冇酒味嫁！整體黎講唔係食左好多野，但係都幾貴。不過野飲係8點前happy hour時叫會平d嫁！氣氛黎講都ok，有大電視有live band。大電視係播espn，冇咩好睇，不過live band就ok喎！佢唱果d歌我都識呢~ ^_^

思潮起伏

再度重遇你 張學友

今天再碰到 我好比初相識當天
帶點不相信 而又帶點奢望
你為何在此 令這願安躺的心震盪

多想再碰到 你給風吹起的黑髮
你每根黑髮 曾在我手輕臥
你亦曾留下火 就算在今天 人不屬我

再度重遇你 可喜也可悲
原來仍是你 仍是你鎖著我
再度重遇你 可喜也可悲
誰令我不懂愛另一個

今天再見到 你那詩一般的身影
你的身影 曾在我影中睡
某段情曾共追 恨美麗故事難寫下去

再度重遇你 可喜也可悲
原來仍是你 仍是你鎖著我
再度重遇你 啊~可喜也可悲
誰令我不懂愛另一個

佈道會

今日下午掙扎左一陣，都係冇去到california度做gym，係屋企睇o下卡通就算。夠鐘就出去旺角join埋ryan, joey同埋佢個friend, fion。原本有約埋yvonne嫁，點知去到先知原來佢arm arm先訓醒。拿！又黎啦！-.-" 又係因為訓到唔知醒而遲到呢佢。呢個壞習慣真係，大家唔好學呀！

我地先去，去到食到會，傾左陣計。就開始左成晚的節目。先係玩遊戲、再黎就係見證分享的話劇、仲有講聖經故仔。以活動搞手黎講，個遊戲真係...唔得law。idea係ok，but d相真係出得唔多得喎！佢係影件野的某一個位估返件物件係咩黎。有d相真係好難，又冇提示。完全冇可能你見到個圓形的黑影就估到係個橙law！仲有一個都好誇張。估郵筒但係佢影個郵筒上面果d好似俾人貼上去的圓形貼紙，真係想估到都幾難。不過就咁，佢個目的都係想以遊戲令大家熟落d投入d o者，個game得唔得就唔係咁關事o既。我都係講o下o者~ (我就係投入唔到果一個)

之後唱o下歌就係個話劇。講左阿奇的經過，都幾好睇o既，d歌都幾好聽。其他活動都仲可以，係坐得有d累。到最後有個茶敍大家傾o下計，我就同有個叫nowell、仲有講聖經故仔的yvonne傾左好多問題。好似阿奇的改變係神令佢改定係人令佢改？其實如果阿奇識著d好似我咁乖的朋友仔，同樣可以接觸到好的價值觀，都可能會有改變。佢認為係因為神給予佢力量先可以改變到，但係我就有d懷疑，會唔會係佢群埋果班教徒好，所以先變好？yvonne話一個人去改變係好難的，係神先有力量去幫到佢。咁有d人戒煙都唔洗靠信仰的，我覺得人下定決心去做去改，冇話改唔到o既。只係阿奇機緣巧合係信仰給予佢動力。

另外仲有討論過神愛世人、亦都叫我地愛我地的敵人，但係當大審判黎臨時，神卻要將不信佢的人落地獄，咁神的愛仲係偉大的嗎？yvonne話神係慈愛的，亦都係公義的。所以佢會有審判，所以佢會給罪人一個機會，就係信主。如果一個人殺左人，卻因為神的愛的俾佢入埋天堂，咁對果個人的親人就好唔公平啦。唔...聽落都好有道理o既。

之後仲有傾果個盲眼人的故事、霍金的無神論等等。傾到咁上下就同yvonne, ryan返屋企lu。返到屋企都好夜呢~

shopping

今日放工約左mandy去行街。我去到果時去左waston買膠布，因為又甩左啦！之後就去左旺角中心行，買左條牛仔褲同埋d手飾。再去瓊華行，冇買到野，就去左豐澤買阿head份禮。食左雪糕，就去左果間Easy shop度買女人野啦！都試左好多，個sales拎黎果d太太太......花俏啦，唔arm我。跟住坐巴士返屋企lu。

知道朋友近排唔開心、好心煩，但係我都幫唔到咩手。希望佢可以快d解決d問題啦！

Shishedo Hair Show + 手作仔1

今日請左sick leave去搵外快。其實都唔係咩外快，只係去做Shishedo 的hair show model o者。俾個頭人地剪同埋賺返d錢咁law。查實都幾擔心剪到我個頭唔知點嫁，不過話晒都係shishedo的髮型師，我諗唔會太差掛...

早d起身去creation nail度買埋最後要買的指甲用品，就去九龍灣啦！去到都未夠鐘就周圍行o下。Mark & Spencer 已經冇左我同妹妹鍾意食的花生朱古力豆了，d衫店我都唔行入去了，雖然個個都做緊discount，唔想買太多衫waste money。睇左陣百老匯就去左CD店度聽CD，聽左蔡琴的歌曲，仲有一個唔知咩人唱其他歌手的歌。佢把聲幾好聽，唱梁靜茹的寧夏時都唔錯。之後就去左個show了。點左名之後等左成個幾鐘先開始，44個model 40個都要剪，最初我仲諗住我d頭髮咁軟又薄都唔方搵到我嫁啦。唔choose我剪，我都有錢收嫁ma。點知都係剪左。

果度有唔同地方黎的師父，有HK, Malaysia, Thailand, Singapore, Taiwan。我係Malaysia的師父剪的。有幾個女仔都幾靚呀！剪完都係靚，我就......well, 都係咁啦！師父話似日本妹，卡o華e喎！我心諗，邊度有個日本妹個面咁大個身咁圓成個波咁都叫卡o華e呀大佬！收得人錢就要專業，所以佢問我滿唔滿意個髮型，我都要笑同埋講『滿意』。不過又唔係唔見得人o既~ 反正過幾個月就會長返嫁啦！！ 唔知點解，有少少好似人地賣血咁，我係賣頭髮，平時返工就係賣時間。

返到屋企都夜晚了，食左飯就開始我的手作仔。今次係第一次自己做，我諗左一陣決定同藍色的閃粉。同上次個款差唔多，不過就加d閃石咁。一整就到12點幾先整完。遠睇都ok o既，不過其實好多detail野都唔得，由其係左手靚d，右手就唔得啦...唉~ 不過唔緊要，個半月後再整過另一個款！

Swim

忽然之間要我organize 禮物同埋食飯黎celebrate阿head個good news。佢返埋聽朝就結婚了，點趕得切呀大佬。我都係決定食飯果時先送啦，起碼仲有個weekend去買。

放工去左游水，今晚好多人。因為上次抽筋帶黎的陰影，腳都唔係好用力。今次游左10個咋，9點半就走lu。不過而家d細路仔真係......話說我企係池邊抖順條氣先再游，隔離果3個男仔係度傾計。忽然背向我的男仔一隻飛毛腿咁hide落我隻腳度，我緊係即刻走開啦！但係都免不了同飛毛腿的接觸。佢d friend跟住就問佢『點呀？爽唔爽呀？』@_@ 爽？！變態~

之後唔知第幾個池果時又係企係度抖緊，某男子一手wear埋黎，好在剛好掂到我放係stomach上的手手o者... 仲有尋日見到有個wear住浴帽游水的白眉男士，唔知係咪楊秀卓老師？！不過我都其實唔係好記得佢咩樣law...不過因為白眉男士，我吞左一大啖水！嗚...

阿頭結婚！

今日忽然收到email，原來阿頭呢個week 請假結婚啦喎！好在呢度d人唔係咁熟，唔洗去飲、俾人情同埋送禮o者~ 不過結婚都係請2日假結，應該都唔係大搞嫁啦。不過之後佢去2個week的honeymoon呢！！

咁我都係冇皇管的honeymoon...囉！

*******************
仲有4日半假。幾時放好呢？

California Fitness 試玩開始！

今日放工臨時要上去幫手solve上唔到網的problem。但係一向都唔係我set的，又冇講過俾我聽點set，上到去我又睇唔到有咩問題喎！只係個wireless 唔派ip俾佢。唔知佢個network card有冇係CC果度register等等。總之我都係咋帝check幾check 就去救求啦。

之後我去左旺角百寶利果間California Fitness度想用左我張14日試玩，月尾到期啦ma。我都預左會俾佢sale入會嫁啦，不過冇諗到一講就2個hr o者~ 測脂果度話我癡肥！血壓又低，會成日容易累同埋容易暈。成個人有3分1都係fat黎呀！！......果然我係有好大修身的空間。不過佢d plan就真係太貴啦。5百幾6百幾一個月，咩白金會籍都係咁話啦大佬。最後佢又話俾咩優惠咩plan，最平俾到$200一個月俾我，但係只係for 3個月。well, 我都冇心join。而且我又俾左返工果度的會費嫁ma，唔想waste左d錢去。再者我妹join physical都係$150 一個月，佢地話physical d 興趣班唔係任做嫁喎！又話而家加到$3xx一個月。不過阿妹話係任做嫁，而且仲有$150一個月。好在我冇聽佢點o者~

最後開左張card都成9點，都費事做了，第日先再開始做呢！不過我真係要努力d先得啦！我要健康d！！！

**************
*0* 今日都收到電話呢~
唔通......日日都會有電話o既？=D

Flash RPG game

今日係forum發現呢隻game，好似都ok喎！玩緊....

Dinerdash 同埋Cake Mania已經從電腦中移除。因為費事俾人check到部機有game啦...
>_<

破！NDS 應援隊！

今日一早就打爆左應援隊啦！不往我幾個月黎坐車的時間，可惜都係未拎到最高grade。不過算啦！爆左game就夠啦，可以還俾人地啦....-.-" 都借左大半年啦隻game....

下一個目標﹕Lost Magic

買野

今日做野太專心，專心到放lunch我都唔知，要同事過黎問我做咩唔食lunch我先發現冇左半個hr了。決定一於食少餐，不過3點幾果時咕咕嚮，頂唔順所以去左食下午茶呢~ 好耐冇食o既奶醬多仲有粒粒花生tim嫁！正！不過就唔係咁抵。食個飯都係$10，食個tea都要$8。

放工去左買埋指甲用品，用左成個hr呀！唉...買完之後仲發現漏買左d野tim呀！我星期四要作第一次的嘗試，所以要買齊晒d野先得呢~ 只好聽日放工再去買埋law。

返屋企食個公仔麵，抖一陣就訓了。

*********************
今日收到電話呀！*0* (surprising)

卡拉ok失準 + 佈道會之『艷』遇

訓醒就趕住出去，約左robin, roy同佢朋友joey去唱k，不過都係遲到左。roy唱得好左咁喎！robin都唔錯o既其實，joey簡直係唱得之人啦！反而我......唉！由於疏於練習，又唔識d新歌，又走音，唉~ 好唔開心呀！！！

唱完歌yvonne同埋ryan join埋我地，就去左九龍城度麥記食d野，夠鐘就入去教堂度參加佈道會。整個過程同expect的差唔多，唱聖詩、聽聖詩班、講道、祈禱咁。其中有一個分享都幾感動，我都喊左少少出黎。今日係父親節，分享的果位弟兄講佢的爸爸，威嚴的、疏離的、到患病的、到離世的。仲係上個星期的事tim！令我都少不免想起幾年前阿媽撞車果時，所以都有dd感同身受。到完左果時，大家起身出去了，忽然有一個紅衫背心男子走過黎同我say hi，我都打左個突，但都有同佢say返hi。佢問我咩名，又自我介紹，話佢平時返開旺角果間，問我係咪會再返教會，都問我下星期六會唔會再黎。我答佢諗o下先啦、睇o下我d朋友點先啦咁推搪過去。佢又猛同我講唔洗驚，都係交個朋友o者。我自己都覺得佢係有『少少』問題o既。因為佢中途入黎果時好似有自言自語咁講野。出到去以去toilet為由就走開了，yvonne就忍唔住取笑我話我有『艷遇』，不過joey都話佢都覺得個男仔有d問題。我都忍唔住講我都覺得係，但係我又怕我誤會左其實佢係一個超『熱心』的教徒，所以我基於禮貌上都友善的同佢交談了。ryan話個男仔係專登黎搵我嫁喎~ 因為中途都見佢奔向後望，yvonne都話係。可能我太專心果個弟兄的分享都冇留意到。

之後我地返去旺角食糖水，就返屋企啦。yvonne幾衰呀！佢話果個人撩我，係因為我(係我地之中)係最靚o既.........今日。 -.-" 即係話我係得今日先靚o者~ 咁今日人地係真係有特別打扮過o既...>_<.....

係火車上同ryan傾o下大家近況，雞啄唔斷咁，結果佢都送埋我到我果邊的火車站先走。果然如傳聞中一樣的好人喎！以前大學時都冇咩機會接觸。

*PS: 今日穿果對好耐冇穿的鞋，好痛呀！甩皮同起水泡呢！嗚......貪靚之故。

抗戰勝利 + shopping

今日放工的起心肝一個人去shopping，因為想買短褲同埋牛仔裙，但係約極都約唔到人陪我去。我去到旺角落左車，行緊去旺角中心，就俾一個肥版陳健峰折住，of coz又係sales啦。追住我叫我做份問卷調查，話幾句咋！咁我就好心咁停左答o下佢啦。點知佢又問我幾多歲又問我係咪arm arm放工，我心知不妙，一定係想同我傾到好似好熟咁sale野。果然不出所料，就係想sale我去盈科度join d 儲蓄plan，又話唔洗而家開戶口，只係想介紹俾我聽呢樣野。我尋晚訓得少，冇拒絕到佢跟左佢上車。跟住佢依佢的方式up左一大輪野，又讚o下我咁，就話佢地果個plan比所有銀行都好，而家同我做登記，14日後就寄confirm letter俾我，就叫我填form。

我當然係中過好多次呢d招啦！今次我就仍然保持清醒，即刻話『我冇諗住join喎！』佢都呆左一呆，因為佢講到真係冇咩理由唔join，一日save $20蚊根本就冇可能afford唔到咁。我話我心理壓力大，唔想join 呢d plan，而且我join左同類型的plan啦係另一間公司，就起身走lu。出車果時見到車頭仲有一個妙齡少女俾兩個sales圍住問佢點解唔join，我同佢交換左一個眼神就落車啦。出左車我望o下表，咁就冇左一個鐘了，要快d去shopping先得。心裡再同車上的女仔講，『係咁嫁啦，要中過好多次招先會學懂點拒絕o既，慢慢鍛鍊o下啦！』 =p

行左旺角中心，人多到好誇張，牛仔裙同短褲都冇我size又太短，只係買左d 小飾物。出黎行左新世紀，都買到d野，返屋企果時個心情都有d低落，始終想買的牛仔裙同短褲都買唔到。點知返到屋企附近居然搵到一條我穿得落的牛仔裙！縱然款有d唔like，不過都殺！hehe...

分享好東西

舅父仔介紹我睇，又真係幾arm o既...

輕巧又易討好 文： 深雪

我的媽媽頗討人喜愛，自小，我的同學仔都很羨慕我有這個媽媽。我的媽媽有甚麼好？她漂亮、溫和，是個好媽媽，還有哩，她有種輕巧的氣質，讓人無壓力。 到了今時今日，我的朋友都愛看見我的媽媽，有朋友就說，她的媽媽和我的媽媽的最大分別就是，她的媽媽總是產生一道令家人不想去討她歡心的氣場，即是說，她的媽媽Hard to Please。
朋友的媽媽常常黑口黑面，彷彿快樂不起來，子女對她好些少時，她的心快樂但卻仍然面黑，個性比較負面。而當她送禮物給子女時，會長篇大論解釋為何送出這份禮物，子女收了之後只感到其實用性，卻不感受到愛。 朋友的媽媽有甚麼問題？是不懂得接受好意和愛，也當付出愛時，她的感覺不自然。就算好意是來自子女，她都蠻不好意思的，收一份小小禮物都非常沉重。
我的媽媽就很「識做」，永遠開開心心，像個無負擔的少女那樣。但凡領受愛意和好意時，都快快樂樂，不會讓別人難受。 媽媽這方面的優點是我的良好榜樣，當我接受愛意時，總會明顯地表露快樂和感謝；而我付出愛時，就單純地付出，不會解釋十萬次為何我要這樣做。
做女人，就算內心再強，但態度還是輕巧些好，讓人知道討你的歡心是輕易的事，對方就自然會想多做。別給別人太多難關，這樣攔阻了別人，也攔阻了自己。

gym + 任食火鍋

臨放工先俾supervisor捉到個bug，唔好意思走先就留係度debug，點知原來都有d難度。結果都係等supervisor走左我就走，個bug聽日先整啦！

同manfred一起去左做gym，點知原來今日gym room上堂，等返個weight room。個weight room真係冇咩好做。d機好似搬過晒咁，之前好似都唔係咁o既...結果踩o下單車，做o下機咁。不過隻腳郁多陣都好酸軟同仲有d扯住咁，所以都係唔好點郁佢lu。我見d人個個都做到引體上升，manfred都得，我都忍唔住要試o下。細個係公園度玩都有呢d野，人地好快咁就可以由一條柱去另一條柱，好似d馬騮咁。但係我從來都唔得嫁，頂多3條柱就跌落黎。大概係個mg太大了...我雙手猛住條柱，吊住自己原來都唔係咁難，手臂有d力ma...想話引體上升，我引...身體上升幾毫米...手臂開始發抖...就放棄了。引體上升果然唔係我呢d mg大的女仔玩的玩意！-.-"

因為冇咩好做，好快我地就去左食飯。去返平時去食lunch果間日本野度食任食火鍋。都真係幾多野！食到好飽。返到屋企都係堅持睇兩集漫畫，打左一陣cake mania先訓。都要點半呀！

HSBC smartpoints

之前舊同學juliet佢話我知呢個smartpoint。果次係填個答案win 百佳現金卷$20，尋日收到啦！
密切留意有d咩優惠~

Cake Mania

今日睇到forum有一隻好似Dinner dash 的game，同似話係同一個公司出嫁喎！叫做 Cake Mania，不過只有trial version，如果要free咁玩，就要用呢個先得。

for more

心有餘而力不足......失敗！

放工本來約左朋友，點知佢唔舒服。我都係的起心肝去游水。都有兩個星期冇游了，咁樣落去唔得o既！食左d壽司就出發，如常的做左熱身先落水。嘩！都幾多人喎！先游兩個池，咦？今日好勁喎！都唔洗靠邊停咁滯。好！再黎第三個！游到半路，避開左個人之後。哎呀！死！右腳抽筋！我仲要係個游泳池中心，因為池邊好多人。我都唔敢郁隻腳，浮o下沉o下，點知冇救生員黎救我！！！嗚...諗緊叫救命好定係死頂去埋池邊好，唉，都係頂硬上啦~ 浮沉中去到池邊，抖左3個字有多，隻腳先鬆返d。游得果3個池，咁就走好唔抵o者~ 再游又怕今次冇咁好彩游得返埋黎。結果都係等d男仔上晒水，我返埋池邊先游，有咩事都有野扶ma。結果我游得好慢，因為用手力，對腳係咁而郁o下就算。都游左9個池呀total。

9點半就返屋企沖涼睇漫畫。今晚我又入返舊電，用我...兩年幾前買的bube鬧鐘...聽朝叫醒我呢~ 呵呵！

今日見到原來心誠的校園電台有emb訪問，好似好勁咁喎！

教我如何cute起來？？

haha..今日又去睇dodolook網頁，真係勁多site。愈睇真係愈cute，點樣先可以咁cute呢？？

搞到我都忍唔住開返個vlog，但係又冇video放上去。唉~ 原來仲有個比賽tim嫁喎！

布拉格的戀人 + 香葉棧

都係訓到晏先起身拆甲同埋睇韓劇。終於睇晒啦！都有廿集嫁！『你對我來說是偶然見到的彩虹，見到你的微笑就覺得幸福。』 =D

夜晚去左新世紀香葉棧食飯，原本想去明將嫁！不過要等好耐，人地要趕返去睇波嫁ma。不過香葉棧都ok，食左個原個椰青黃咖哩海鮮焗飯、菜同埋叻沙。我食晒成個飯、半碟菜同埋少少叻沙呀！超級飽！用hsbc credit card 有甜品送，果d服務就唔得啦！個女仔幫我地落單果時一d都唔專心，猛望住過幾張table埋單果個人。果邊有個manager睇緊嫁啦ma，咁佢好心就專心d啦！叫左野食佢又問多一次，又再重覆一次都係錯o既！仲有個雪糕明明話要香芒、芝麻同埋香竽嫁ma，佢黎果時講係香芒、芝麻同埋豆腐。我都即刻問佢唔係要豆腐喎！係香竽喎！佢都仲話係係，就放低。果舊野點睇都唔係紫色的香竽雪糕啦！食落真係豆腐。如果唔係趕住返去睇波同埋我都好飽，我實叫佢俾返我個香竽黎嫁！

拆甲+布拉格的戀人+睇波團

訓到12點幾先起身，睇韓劇『布拉格的戀人』，個女主角笑起上黎真係幾靚o既~ 一邊睇劇一邊開始拆甲。拆左幾隻咋！不過都真係幾難拆，控制果個磨甲機都幾驚。不過好在都算順利，冇話學果d netfriend咁磨穿甲。整到5點幾，姑姐忽然打黎話夜晚上黎睇波。嘩！真係拿拿聲執屋啦，掃地呀！整到我身水身汗，沖返個涼。又要提阿媽放工買定d薯片花生黎招呼人，我記得d表弟上次食晒我包熱浪呢~

夜晚姑姐係房同我同媽咪傾計，姑丈同兩個仔、佢細佬阿威哥哥同埋老豆係度睇呀英格蘭唔知對邊個。睇到12點先走，仲放低左包荔枝tim！

黑雨 + Java certification day

今日返到公司幾個鐘先掛黑雨，梗係冇得走啦..唉~ 下午原本係reg左去java certification day，見到佢黑雨我都好猶豫仲去唔去好。不過最後都係有去，好過成日坐係公司呀！去到灣仔係mcdonald食d野就去聽seminar。聽左一半，有3個講者，其中一個真係介紹d technical野，其他兩個都係度講adv. 同disadv. 果d吹水野。不過佢講果個AJAX又真係好似好好用咁喎！得閒要再研究o下係咩黎o既先得。放break果時d人出去食野，買exam coupon，拎catalog咁。

完左之後我去左睇comics，約左果個netfriend買指甲果d用品，上去收貨果時個netfriend(師奶)不停係度講指甲的野，我同佢傾左一陣，不過佢都好似幾friendly咁o既。佢仔仔都幾得意。買完野就去california pizza kitchen度join sam同埋司徒啦。我都唔知原來california pizza kitchen係旺角有一間。去到傾計，原來司徒同阿邦近排都拍左拖呢！不過都唔肯拎相 / 帶個人出黎睇喎！阿邦仲好多次冇黎食飯tim啦！工作忙定係拍拖忙就唔知囉~ 呵呵~

食完飯返屋企果陣，不停都係度諗，好似真係幾孤獨咁呢~ 玩活動都只可以搵一個人做果d。sam話california join 1年都係$190/month，好似都幾抵！不過都係等我呢邊個gym的會籍完左先算啦。

Irish restaurant

今晚去呢度食晚飯，Irish restaurant呢~ 個感覺都幾ok，不過野食呢就一般啦。愛爾蘭餐廳食的野同ruby tuesday差唔多咁呢！我地食左個steak、ribs、potato skin同埋小食拼盤，其中係得potato skin 幾好食。ribs 都係peak outlook好d，小食拼盤都算係有特色o既。至於個steak就唔得啦.....

睇o下9月個timetable係點，如果時間arm o既，或者報呢個指甲course 。

係forum 見到呢個模擬股市買賣game ，好似好好玩咁，但係討論區果度好多人都話個site好奇怪。

當我仲係度等緊HP 將會出的O2 atom，眼見miranda又買左O2，點知O2 又出左新機！！咁如果我買，要買邊部呢？一個比一個貴...唉...錢呀！

**********************

今日暴露左我的缺點，包括粗魯同埋口多。

睇到oscar的blog內的呢句。『另外我亦領略到世上也許有一些愛，只能在回憶與思念的漩渦中偷生。』好鬼有詩意，勁！

唔舒服

今日一早就唔舒服，不過都係返左工。但係成朝都做唔到野，食左個包就呆呆o下咁，lunch都冇食就咁係位度瞌睡。下午情形好左d，做返d野。

睇左好多website，download左人地整果d 指甲花款，好靚呢~ 正幾個你睇。





























































好靚呀！！！

Website

偷懶時睇左兩個website。夜晚睇左陣新買果本書，好似講得好有道理咁呢...

• 好醒目的馬騮
• 個女仔幾cute

獨自去偷歡

12點幾先醒，睇左陣卡通，見天氣幾好，就想去swim。點知朋友唔得喎！爭扎左好耐，都係的起心肝自己走左去泳池游。我今次都游左12個池呀！冇抽筋呀！勁~ 不過聽到個細路女同佢阿媽講﹕「今日諗住幾多個？不如16個啦！」 -.-" 我12個都係極...限...了...

夜晚同屋企人去食飯，之後去左好遠好遠果間welcome度幫阿媽"deck"米。係華明行返屋企，拎住9kg的米，返到屋企對手好似唔係自己咁o既，成身出晒汗。而家打字對手都仲係手震震冇咩力咁... 唉...苦差！

香竽Pocky+食飯+Burberry!!!

今日放工去左causeway bay，因為4點有D野做，所以係果度要等到4點。我食左個豬扒飽，係sogo行o下，godvia 同龍島d朱古力真係幾靚，不過都係唔捨得食。不過我都買左個cheese cake、香竽pocky等等。早左整完野就去左APM度行，果度個書店有折，我買左本『富足一生，東尼投資十大心法』。-.-" 近期中晒投資毒。之後上左酒樓睇，過一陣同阿妹再去APM行o下，買左d野。果度玩緊三人足球喎！夜晚同親戚食埋野就返屋企lu。

聽到表妹佢謝師宴買左個burberry手袋！嘩，好震撼！我都想有個名牌手袋呢...嗚...回想果時我中五謝師宴，穿左新衫新褲就算了，都仲係係唔知邊間酒樓搞咋喎。而家佢地又晚裝又酒店，真係搞到好大。

迷你芒果撈

落雨落得好大，不過都係掛左紅雨咋！冇黑雨，所以都要繼續返工。好在放工時已經冇雨了。今日試左許留山『新』的迷你芒果撈，對我黎講都係太大杯了。我係屋企一邊睇卡通一邊食，食到一半就覺得夠了。

迷你芒果撈 - 芒果粒 + 小型芒果雪糕球4個 + 芒果汁/ 沙冰

仍是下雨天

又係下雨，都冇去做gym，放工見天冇落雨就想去游水，不過冇人陪。結果返去食左雞、燒賣同埋公仔麵，就睇卡通同玩flash game。

今日書睇得幾版咋~

唔...轉髮型好唔好呢？

兩個game

這幾天發現了這兩個game，無聊時可以一玩~

Ebay treasure hunt

Icoke game