試姊妹衫

本來預計6:45就走人的，點知去完toilet返黎supervisor忽然叫我整d野，又冇得話我有約，你自己整返啦，咁嫁ma。所以整到7:15分，我就打俾mandy話佢地知我會遲啦！

8點到去到尖沙咀試綺薇的姊妹衫，試左一陣，結果大家都選low-cut果件。其實我露左個肥膊頭同手臂出黎唔係咁好，但係我試過一件一字膊的黎遮下手臂，效果一般，而且郁動時又唔係太方便。如果加披肩又好似幾累贅下，所以只好選low-cut啦！希望呢幾個月可以修下手臂同條腰啦~唉！我試探過，12個姊妹中應該我都係最肥果個啦...

試完衫我地4個，mandy、綺薇、慧妍同我一起去左意粉屋度食飯。原來我同綺薇都鍾意食果個挪威煙三文魚鮮果沙律，不過今次冇叫。叫左個set大家食。其實一向見綺薇多過見慧妍，今次聽到多d慧妍的事。

回到家俾媽咪睇左d相，佢都話叫我修下腰。=.="