走堂

尋晚睇網上漫畫(仲要係之前睇過o既)睇通宵，到早上7點幾先訓到11點幾。其實都好耐冇通過宵啦！呵呵~ 唔通宵你唔會知有幾恐怖嫁！話說我阿媽有發開口夢的習慣，半夜2點幾佢就已經口up up唔知up咩嫁啦。到凌晨6點幾就有大獲野！

當我聚精會神咁睇緊漫畫時，忽然......

『哎呀老豆呀！...(嗚嗚...)你做咩拎d神主牌返黎呀！......唔好呀...唔好拎返黎啦...(嗚嗚嗚...)』
我忍唔住口就答佢『你係咪傻嫁？阿爸做咩無拿拿拎神主牌返黎呀？』
『我點知佢o者！......唔好呀...唔好拎返黎呀...』仲係瞇埋眼。
『kee kee kee......你係咪發緊夢呀你！』
『......』

人類的想像力，真係非常之豐富嫁！

******************************
訓左陣起身又睇漫畫同劇，本來book左做yoga都冇去做。冇法啦！唔夠訓，我怕會暈呀！(其實仲有一集先睇完個漫畫)下午去青年中心拎埋下星期開會的資料，就全日係電腦面前lu。