有人好"魚"

放工7點幾去銅鑼灣會合leo，佢要去圖書館借書。點知我係公司附近打俾佢果時，佢話仲有十分鐘就到圖書館，到我去到銅鑼灣果時，佢話我知，佢去左灣仔！haha笑死我！有人行錯方向要見到灣仔地鐵站先知自己行錯！結果坐返地鐵黎銅鑼灣一起去啦。

好久冇去過公共圖書館，辦理返智能身份証內的圖書証服務，雖然我真係冇幾何係度借書。

之後去左pizza hut度食野！過左9點食野會肥，但係冇法啦！我地食左闊條麵、沙律同埋小食拼盤呢！

另一單"魚"野...就唔講啦，留返d face俾佢。哈哈！