校友會開會 + 食飯

上午想話去剪個髮先，但係一早都仲係好唔舒服。即係成身汗都仲係手凍腳凍咁，仲有痾。

中午阿媽買左個蔥油餅我食，我自從尋日下午果餐之後，到而家都冇食過野呀！所以點都要食D。本來講好左話2點返到學校，因為要帶電腦佢地用。但我都係返唔到，到3點鐘先到。何小、Sandy、光明等等都已係度。我返到去梗係先報案，講聲咩事遲到先啦。

到4點開會，6點收工，準時！本來我話左唔去食飯嫁啦，病仲去乜鬼食飯呀？但見都唔少人去，MANDY都話去一陣，我開會到而家都仲OK，就去啦。一去到見到康樂同主席已拎坐咪唱緊K，就知慘啦，實係佢地唱晒。至於打牌，我就唔想同佢地打啦，一黎打得大，二黎我實輸嫁MA，有錢都唔係咁洗下話~

不過最後我都拎到咪唱呀！但係酒樓隻卡拉OK碟就真係差到......，錢真係抵NEWAY賺O既。