逗利是 - 伍生伍太

因為要整米粉俾阿妹食，搞到我遲到。山雞帶埋佢女朋友黎逗利是喎！叫Yoki，真係唔錯，幾靚女呀！我地上到去都係打牌打機咁啦！我拜託左伍生幫我燒WII碟，等我可以返屋企同阿妹打。

今日的戰績...都係咁啦，都係我輸得最勁，輸$17! 6點鐘急急腳咁走，唔記得左拎返件褸呀！

入到去校友會何小姐屋企，同校友會的委員BBQ。原來今日係惠儀生日，佢地準備左生日蛋糕。何小姐又煲左糖水，又整番薯沙律我地食。最好味的係自製的蒜蓉，塗係朱仔包上燒熱食，好好味呀！我食左成個。

仲有就係話半年刊邊做一年刊啦，同埋自己搞烹飪班喎。我都冇參與討論，因為我仲食緊。之後同佢屋企兩隻狗仔玩左陣，係HAPPY同阿仔/波波。11點幾大家都散BAND lu。